المساعد الشخصي الرقمي

مشاهدة النسخة كاملة : لقطات من عام 2500 ميلادية


درديري كباشي
22-07-2009, 10:09 AM
يجلس الاب في الصالون في طاولة الكتشينة الالكترونية وحوله على الكراسي يجلس اشباح ناس يلعبون مع بعض كتشينة حريقة بنفس فكرتها الموروثة القديمة ويعلوا صوتهم في الصالون ...
في المطبخ صوت الام تصرخ مع اطفالها وهي تعد لهم الوجبات اليومية للمدرسة ..
الاب صرخ : الجوطة شنو يا احسان مالك مع الاولاد ..
الام :: دا ولدك معتز دا قال الاوكسجين عايزه بنكهة الفراولة ما عايز نكهة الفانيليا ..
الاب : ماتعملي ليه الاكسجين العايزه ..
الام :: لكن امس عبينا ليه اسطوانة الاكسجين بنكهة الفراولة والمعلمه قالت لازم ننوع ليهم الاكسجين
الاب : المهم حلي الموضوع دا وما تدوشونا
في هذه اللحظة تسمع صوت صرخة احد اعضاء الكتشينة بصوت عالي ( مليييييييييار) ( في زمننا كانت خمسين ) ويضج الحضور بالضحك مما يصيب ابو حسام بالغيظ ويتناول الرموت مقررا ان يلغي اصدقائه ..
يبدا احدهم ::: عيب عيب عيب يا ابو حسام بطل الجرسة ماتطفينا خلي روحك رياضية ..
ابو حسام : روحي رياضية يا جبنا خليتوني انشغلت مع الوليه وسرقتوا الورق
احد الزملاء : عيب الكلام دا يا ابوحسام ... وتقدر تعمل رننق للسيستم وباك اب.. وانت عارف انا في استراليا وهاشم في شيلي ومختار في انجلترا .. بنلعب مع بعض عن طريق جهاز الانترفون ... وكيف راح نسرقك .. بس ارجوك ماتطفي الجهاز ..
ابو حسام :: لا انا ما عشان جريتوني ... اصلوا انا عندي اجتماع بعد نص ساعة في اليابان والركشة الطايره بتاعتي في المغسلة
يرن جهاز الاتصال ويظهر صورة في السقف لولد شاب يتحدث مع امه ...
صباخ الخير ياماما
الام : اهلا حبيبي حسام عامل كيف مع الجامعة .. استراليا حاره ولا بارده الليلة ..
حسام : انا كويس ياماما بس عاوز مصاريف الفطور
ام حسام : خلاص يا حبيبي نكلم ابوك يغشيك ليها في استراليا وهو ماشي اليابان ..
ام حسام تمر الصالون لزوجها :: ابو حسام عليك الله وانت في طريقك لليابان اغشى معاك حسام في استراليا واديه حق الفطور .
ابو حسام متنرفزا : يا وليه انت الاولاد ديل خارباهم ... هو الولد ما يركب الدباب الجوي بتاعه يشيل قروش الفطور ويرجع هي كلها ربع ساعة .. ما هي دي اخته سحر بتقرا في جامعة المشترى وكل يوم خميس بتبيت معانا في البيت ... وهو الولد بدل ما يدخل اي كليه من الكواكب البعيده انت اصريتي انه يدخل جامعة معانا هنا في الارض عشان يكون قريب منك .. وهنا انت عارفه القرايه متخلفة .. تصوري يا دوب بيدرسوا تركيب المفاعل النووي .. زي الاطفال يخصي على دا علم متخلف ..
ام حسام :: ما تتريق على العلم عشان انت خريج جامعة الزهرة للبروتون بتتريق على علم الارض ... تتخيل قالوا زمان انه العلم كان مصدره الارض قبل ما يهاجر بعض اجدادنا للكواكب التانية ويعمروها ....
ابو حسام ::: ذكرتيني الليلة في مباراه مهمة في كاس الكون للانديه بين مريخ الارض ومريخ المريخ في نهائي الكاس ..
ام حسام : بالصحي انت يا ابو حسام صحي العجب السادس عشر كابتن المريخ دا جده كان العجب الاول برضه كابتن المريخ ...
ابو حسام :: زي السمعت كدا يا احسان خلي نشوفها في نظارة المعلومات .
في غرفة ثانية تجلس الجده حولها الاطفال الصغار وتحكي لهم الذكريات وتحجيهم كما كان يقال ....
بعد ان تقف الجده وتعدل بنطلون الجنز وتجلس على الكرسي الهزاز وحولها الصغار هيثم وسناء ورغد
هيثم :: صحيح يا حبوبة اجدادنا زمان كانوا بيستعملوا حاجة اسمها الانترنت ؟؟؟؟؟
الجده :: ودي سمعتها وين يا شقي اذا كان انا ما حاضراها .
سناء ::: والانترنت دا شنو يا تيتة.
الجده ::: قالوا اجدادنا زمان كان عندهم اجهزة كده متخلفة يعني قدر عقولهم اها اسمها الكمبيوتر .. والكمبيوتر دا عامل زي شنو عامل زي شنو يا هييييام .. انا ذاتي حبوبتي كانت وصفته لي ... والمهم صندوق كدا فيه شاشة قزاز ... الزمن داك شاشات البخار لسع ما اكتشفوها خليكم من شاشات الاشعة الفوق البنفسجبة . الظهرت قبل ماية سنة ديك ... وتتخبلوا حاجة اظرف من كدا حكاها لي جدي قال ان رغما عن اجهزة الكمبيوتر ديك كانت اجهزة بسيطة ومتخلفة الا انه معظم الناس كانوا ما بيعرفوا يستعملوها ...
تخيلوا زمان اذا كنت انت في السودان عاوز تتحدث مع واحد في امريكا القريبة دي اها تمشي وتقعد قدام الكمبيوتر وتجلس بالساعات عشان تكتب رساله وتتفاهم معاه ..
رغد : يعني يا تيته اجدادنا زمان كانوا مساكين وغلبانين ..
يقطع حديثهم ظهور حسام وهو يتحدث :::
حبوبة كيفك وين ماما
الجدة : امك دي راحتلها عزا في كندا وجايه بعد شويه
حسام :خير المات منو
الجده : قالوا واحده صاحبتها كانت قرت معاها زمان في مدرسة القمر الثانوية
حسام : خلاص يا جده قولي ليها اصحابي جايين معاي للغدا وتعمل حساب وجبة لثلاث اشخاص ...
الجده :: عبي المواصفات في جهاز البث بتاعك ورسلها للمايكرويف يجهز ليكم الغدا وانت عاوز امك لشنو
حسام : ياجده بس عشان تكون عارفة يعني


يتبع
درديري كباشي
22-07-2009, 10:21 AM
بعد نصف ساعة يسمع صوت ازيز الات وينظر الجمع بالشباك ليجدوا حسام واصدقائه قد وصلوا ولد وبنتين ... احدى البنتين ملامحها صينية والثانية شقراء اما الشاب فهو اسود ذو ملامح افريقية .. يهرع الصغار لاستقبالهم ... اذ يبدو بينهم معرفة مسبقة ....
لانهم ينادونهم باسمائهم ... هالووو سناء هاي رغد ,,,, وبعض من ملامح السلام القديم ... لان الجدير بالذكر بعد ان ذابت الحدود الدوليه واصبح كوكب الارض عباره عن دولة واحده .. والدول القديمة اشبه بالاحياء .. وتطورت الالات وخاصة المواصلات بحيث اصبحت تطوي المسافات في ثواني ... زميلات حسام واحده من الصين والثانية من كندا سيتغدون معه وكله واحده تتجه الى بيتها ..
يقدم الشباب بعض الهدايا للصغار واللعب ويدخلوا ليسلموا على الجده .. ويجلسون حول طاولة تتوسطها شاشة شفافة ترى من جميع الجهات ويبداون في مشاهدة مباراة المريخين ... مريخ الارض ومريخ المريخ ..
اما الاب بعد ان خلص من الاجتماع توجه الى استاذ لندن ليحضر المباراه على الاستاد مباشرة ..
غلباوى
22-07-2009, 10:22 AM
يجلس الاب في الصالون في طاولة الكتشينة الالكترونية وحوله على الكراسي يجلس اشباح ناس يلعبون مع بعض كتشينة حريقة بنفس فكرتها الموروثة القديمة ويعلوا صوتهم في الصالون ...
في المطبخ صوت الام تصرخ مع اطفالها وهي تعد لهم الوجبات اليومية للمدرسة ..
الاب صرخ : الجوطة شنو يا احسان مالك مع الاولاد ..
الام :: دا ولدك معتز دا قال الاوكسجين عايزه بنكهة الفراولة ما عايز نكهة الفانيليا ..
الاب : ماتعملي ليه الاكسجين العايزه ..
الام :: لكن امس عبينا ليه اسطوانة الاكسجين بنكهة الفراولة والمعلمه قالت لازم ننوع ليهم الاكسجين
الاب : المهم حلي الموضوع دا وما تدوشونا
في هذه اللحظة تسمع صوت صرخة احد اعضاء الكتشينة بصوت عالي ( مليييييييييار) ( في زمننا كانت خمسين ) ويضج الحضور بالضحك مما يصيب ابو حسام بالغيظ ويتناول الرموت مقررا ان يلغي اصدقائه ..
يبدا احدهم ::: عيب عيب عيب يا ابو حسام بطل الجرسة ماتطفينا خلي روحك رياضية ..
ابو حسام : روحي رياضية يا جبنا خليتوني انشغلت مع الوليه وسرقتوا الورق
احد الزملاء : عيب الكلام دا يا ابوحسام ... وتقدر تعمل رننق للسيستم وباك اب.. وانت عارف انا في استراليا وهاشم في شيلي ومختار في انجلترا .. بنلعب مع بعض عن طريق جهاز الانترفون ... وكيف راح نسرقك .. بس ارجوك ماتطفي الجهاز ..
ابو حسام :: لا انا ما عشان جريتوني ... اصلوا انا عندي اجتماع بعد نص ساعة في اليابان والركشة الطايره بتاعتي في المغسلة
يرن جهاز الاتصال ويظهر صورة في السقف لولد شاب يتحدث مع امه ...
صباخ الخير ياماما
الام : اهلا حبيبي حسام عامل كيف مع الجامعة .. استراليا حاره ولا بارده الليلة ..
حسام : انا كويس ياماما بس عاوز مصاريف الفطور
ام حسام : خلاص يا حبيبي نكلم ابوك يغشيك ليها في استراليا وهو ماشي اليابان ..
ام حسام تمر الصالون لزوجها :: ابو حسام عليك الله وانت في طريقك لليابان اغشى معاك حسام في استراليا واديه حق الفطور .
ابو حسام متنرفزا : يا وليه انت الاولاد ديل خارباهم ... هو الولد ما يركب الدباب الجوي بتاعه يشيل قروش الفطور ويرجع هي كلها ربع ساعة .. ما هي دي اخته سحر بتقرا في جامعة المشترى وكل يوم خميس بتبيت معانا في البيت ... وهو الولد بدل ما يدخل اي كليه من الكواكب البعيده انت اصريتي انه يدخل جامعة معانا هنا في الارض عشان يكون قريب منك .. وهنا انت عارفه القرايه متخلفة .. تصوري يا دوب بيدرسوا تركيب المفاعل النووي .. زي الاطفال يخصي على دا علم متخلف ..
ام حسام :: ما تتريق على العلم عشان انت خريج جامعة الزهرة للبروتون بتتريق على علم الارض ... تتخيل قالوا زمان انه العلم كان مصدره الارض قبل ما يهاجر بعض اجدادنا للكواكب التانية ويعمروها ....
ابو حسام ::: ذكرتيني الليلة في مباراه مهمة في كاس الكون للانديه بين مريخ الارض ومريخ المريخ في نهائي الكاس ..
ام حسام : بالصحي انت يا ابو حسام صحي العجب السادس عشر كابتن المريخ دا جده كان العجب الاول برضه كابتن المريخ ...
ابو حسام :: زي السمعت كدا يا احسان خلي نشوفها في نظارة المعلومات .
في غرفة ثانية تجلس الجده حولها الاطفال الصغار وتحكي لهم الذكريات وتحجيهم كما كان يقال ....
بعد ان تقف الجده وتعدل بنطلون الجنز وتجلس على الكرسي الهزاز وحولها الصغار هيثم وسناء ورغد
هيثم :: صحيح يا حبوبة اجدادنا زمان كانوا بيستعملوا حاجة اسمها الانترنت ؟؟؟؟؟
الجده :: ودي سمعتها وين يا شقي اذا كان انا ما حاضراها .
سناء ::: والانترنت دا شنو يا تيتة.
الجده ::: قالوا اجدادنا زمان كان عندهم اجهزة كده متخلفة يعني قدر عقولهم اها اسمها الكمبيوتر .. والكمبيوتر دا عامل زي شنو عامل زي شنو يا هييييام .. انا ذاتي حبوبتي كانت وصفته لي ... والمهم صندوق كدا فيه شاشة قزاز ... الزمن داك شاشات البخار لسع ما اكتشفوها خليكم من شاشات الاشعة الفوق البنفسجبة . الظهرت قبل ماية سنة ديك ... وتتخبلوا حاجة اظرف من كدا حكاها لي جدي قال ان رغما عن اجهزة الكمبيوتر ديك كانت اجهزة بسيطة ومتخلفة الا انه معظم الناس كانوا ما بيعرفوا يستعملوها ...
تخيلوا زمان اذا كنت انت في السودان عاوز تتحدث مع واحد في امريكا القريبة دي اها تمشي وتقعد قدام الكمبيوتر وتجلس بالساعات عشان تكتب رساله وتتفاهم معاه ..
رغد : يعني يا تيته اجدادنا زمان كانوا مساكين وغلبانين ..
يقطع حديثهم ظهور حسام وهو يتحدث :::
حبوبة كيفك وين ماما
الجدة : امك دي راحتلها عزا في كندا وجايه بعد شويه
حسام :خير المات منو
الجده : قالوا واحده صاحبتها كانت قرت معاها زمان في مدرسة القمر الثانوية
حسام : خلاص يا جده قولي ليها اصحابي جايين معاي للغدا وتعمل حساب وجبة لثلاث اشخاص ...
الجده :: عبي المواصفات في جهاز البث بتاعك ورسلها للمايكرويف يجهز ليكم الغدا وانت عاوز امك لشنو
حسام : ياجده بس عشان تكون عارفة يعني


يتبع

الدرديرى اخوي حسب التلاجه العندك انت في المملكه (قاعد تلقاه وين؟لانه الظاهر انت صاحب مزاج)
ثم ثانيا عام 2500 لسع في مختار و احسان !!!!!!!!!!!!! معقوله بس؟ الشباب بتنفسو بنكهة الفراوله ودايرين حق الفطور (جرب الباكستاني امكن تظبط معاك)
واصل بعد الفاصل
يديك العافيه
درديري كباشي
22-07-2009, 10:27 AM
الدرديرى اخوي حسب التلاجه العندك انت في المملكه (قاعد تلقاه وين؟لانه الظاهر انت صاحب مزاج)
ثم ثانيا عام 2500 لسع في مختار و احسان !!!!!!!!!!!!! معقوله بس؟ الشباب بتنفسو بنكهة الفراوله ودايرين حق الفطور (جرب الباكستاني امكن تظبط معاك)
واصل بعد الفاصل
يديك العافيه


دا كلام شنو دا يا غلباوي انت طوالي قطعت لي من الاخر كدا ... دا بترول ابياي بالمناسبة ... هو لسع في باطن الارض والجماعة متشكلين فيه ... بعدين انت ما شايف الكتشينة اتطورت الخمسين بتاعة الحريق بقت مليار .
غلباوى
22-07-2009, 10:34 AM
دا كلام شنو دا يا غلباوي انت طوالي قطعت لي من الاخر كدا ... دا بترول ابياي بالمناسبة ... هو لسع في باطن الارض والجماعة متشكلين فيه ... بعدين انت ما شايف الكتشينة اتطورت الخمسين بتاعة الحريق بقت مليار .
معليش يا ابو الشباب
البترول انا شغال فيه ما بعمل كده!!!!
الخمسن بقت مليار دي معقوله لكن مختار في 2500م دي رجعتنا ورا شديد !! شكل الجماعه ما بدا لسع دي تسخينه ساكت والجاي الله يستر
تحياتي
درديري كباشي
22-07-2009, 10:35 AM
الجميع منهمكين في متابعة مباراة المريخين .. فجاه تنذر صفارة يعقبها صوت الاجهزة وتبدا الربوتات تتحرك حول الجميع وهي تنادي,,,
(الغداء جاهز فاليتوجه الجميع ناحية السفره .... توت توت توت الغداء جاهز )
( حسام الغداء جاهز ..... سناء الغداء جاهز ... رغد الغدا جاهز .... الضيوف الغدا جاهز .... الجده الغداء جاهز )
يعلق احد الضيوف : حسام انتو لسع ما غيرتوا ريبوتاتكم المزعجة دي هي ماركتها شنو ...
حسام : ماركتها نوكيا الوالد يصر عليها قال بتذكروا بعهد الاجداد عندما كان اجدادنا القدماء يستخدمون جوال نوكيا .
بالمناسبة يا حبوبة هيام تعرفي حاجة عن الجوالات الاسمها نوكيا كانت كيف وكيف كان استعمالها ....ارح نتحرك على السفره ونشغل شاشة المباراة هناك على بال ما تحدثنا الجده عن جوال نوكيا ..
ويتجمع الجميع حول السفره بينما الجده بدات تحكي لهم عما سمعته عن جوالات نوكيا ..
الجده هيام ::: قالوا يا اولادي اجدادنا زمان كانت التكنلوجيا عندهم متخلفة كده وهم ذاتهم قدراتهم كانت ضعيف لايعرفوا يتحدثوا مع بعض عن طريق التخاطر التلباثي .. لان امخاخهم كانت ضعيفة ... يعني زي ماا نتو عارفين انا لو عاوزة اتكلم مع امكم بغمض عيوني وبرسل ليها رساله من مخي مباشرة وهي بترد علي زي ما انا بعمل حاليا ...
(احسان الغداء جاهز ..... اتغدوا يا ماما ماتنتظروني ... ) اها قالت ليكم اتغدوا ماتنتظروها واظنكم كلكم سمعتوا... اها دا شي عادي وهم كان ماعندهم قدرات جنس دي ...
حسام :: حبوبة سمعتوا انه قالوا المسافة من السودان لامريكا كانت تستغرق سبعتاشر ساعة بحاجة كدا اسمها الطائرة ..
يضج الجميع بالضحك ... سبعتاشر ساعة لامريكا ..
احدى البنات علقت ... نحن راح نمشي بعد الغدا ماشين نجيب اقاشي من عشش خواجة في واشنطون ونرجع نكمل ونساتنا تقولي سبعتاشر ساعة ها ها ها .
كندشة
22-07-2009, 10:38 AM
درديري

ساهرت بي الليلة ياخ
عوض الكريم الخواض
22-07-2009, 10:55 AM
قلت 2500 ...
غايتو لو جات ...
شنبى دا ...يقوم فى الزلط ...

عليك الله بعدين ذكرنى لو نسيت ... ;);)

ما لقيت غير ( المريخين ) ( الهلالين مالم عيبم لي ) ...

واصل يا درديرى .
درديري كباشي
22-07-2009, 10:59 AM
درديري

ساهرت بي الليلة ياخ

كندشة نحن في نهاية اسبوع ما شايف انا مساهر وفاتح صاح
درديري كباشي
22-07-2009, 11:02 AM
قلت 2500 ...
غايتو لو جات ...
شنبى دا ...يقوم فى الزلط ...

عليك الله بعدين ذكرنى لو نسيت ... ;);)

ما لقيت غير ( المريخين ) ( الهلالين مالم عيبم لي ) ...

واصل يا درديرى .


يا خواض انت ما ما فاهم اللعبة بعد العملية تفتح بعد داك كل كوكب بيكون فيه مريخ زي حاليا ما في مريخ كادوقلي ومريخ المناقل . حيكون في مريخ الزهرة ومريخ الموردة... لكن الهلال واحد وسيظل واحد . المررايخ ديل كلهم يغلبوا بعض لغاية ما يصفوا على مريخ واحد ويجي يقابل هلال الارض الرئيسه صلاح ادريس الثامن عشر .. ويتطقطق زي الورد ..
غلباوى
22-07-2009, 11:03 AM
كندشة نحن في نهاية اسبوع ما شايف انا مساهر وفاتح صاح

والله من ناحية فاتح دي انا بشهد بيها (حبوبه هيام دي معقوله ) واصل يا عمنا والله يجيب الاخر ما يكون 2900م تري عندنا شغل الصباح
ارح
عوض الكريم الخواض
22-07-2009, 11:06 AM
يا خواض انت ما ما فاهم اللعبة بعد العملية تفتح بعد داك كل كوكب بيكون فيه مريخ زي حاليا ما في مريخ كادوقلي ومريخ المناقل . حيكون في مريخ الزهرة ومريخ الموردة... لكن الهلال واحد وسيظل واحد . المررايخ دسل كلهم يغلبوا بعض لغاية ما يصفوا على مريخ واحد ويجي يقابل هلال الارض الرئيسه صلاح ادريس الثامن عشر .. ويتطقطق زي الورد ..

ما دام كدا ... :D
وااااااااااااااصل يا حبيب بلا فواصل .
بلاي سلم لي على صلاح ادريس الثامن عشر . :p:p:p
درديري كباشي
22-07-2009, 11:09 AM
والله من ناحية فاتح دي انا بشهد بيها (حبوبه هيام دي معقوله ) واصل يا عمنا والله يجيب الاخر ما يكون 2900م تري عندنا شغل الصباح
ارح


كدا يا غلباوي طيب هاك دي

قال ليك الجرايد في سنة 2500 عارف عبارة عن شنو ؟؟؟؟ كبسولات
يعني مثلا تجيب كبسولة الشرق الاوسط وتختها تحت لسانك وتغمض عينيك ... بس تشوف الاخبار والاحداث قدام عيونك..
الام يا ولد صحي ابوك دا للغدا..
- يا ماما بابا ما نايم بيقرا في جريدة الشرق الاوسط
- قوليه تف الجريدة دي من بؤك ومصمص خشمك تعال للغدا .
غلباوى
22-07-2009, 11:46 AM
الله يكضب الشينه يا درديري الافغاني غالي
سلام
درديري كباشي
23-07-2009, 07:47 AM
الله يكضب الشينه يا درديري الافغاني غالي
سلام


انا عارفك انت جاري الموضوع لوين لكن انا حا اطنشك واعمل فيها ما فاهم حاجة ولا برد ليك ولا بعبرك وانت اسمك براه بيقول انك بتاع كايا
درديري كباشي
23-07-2009, 07:56 AM
ونواصل طبعا الشباب بعد ما حضروا المباراه التي انتهت سبعتاشر صفر لصالح مريخ المريخ ومني مريخ الارض بهزيمة قاسية ادت لجماهير النادي ان تندد وتطالب باستقالة الوالي العشرين رئيس نادي مريخ الارض .... كما هتفوا ب بان اللاعب وارجو الذي تم تسجيله من موردة المشترى بخمسة مليار دولار طلع اشاعة ... وهتفوا وارجو اشاعةوقروشنا خسارة .

وصدرت الصحف الالكترونية في اليوم الثاني تسب وتلعن المخربين الذين لايعرفون قدر وقيمة الوالي العشرين ... كما اصرت صحيفة الصدا في عددها رقم مليون وخمسمائه انه الحاقدين الذين لايعرفون قدر الوالي هم اعداء مريخ الارض فهو من بني الطابق رقم عشرين على الاستاد واضاؤه باللمبات الزينون الخفية واصبح الاستاد مفخرة ومسرة للناظرين ودفع التكلفة كاملة من عبد ماله عفوا من حر ماله. عاد ابو حسام من الملعب غاضبا بعد ان حضر المباراه في الاستاد وقال انه الحكم كان ظالما على الاقل سبعة اهداف من السبعتاشر كانت تسلل ... وقالت له ام حسام يعني كان ممكن تكونوا مهزومين عشرة صفر لو الحكم ما كان ظالم ... طبعا اتغاظ من تعليقها وقال ليها يا ولية ما تنطمي وانت الفهمك الكورة شنو .
غلباوى
23-07-2009, 08:06 AM
ونواصل طبعا الشباب بعد ما حضروا المباراه التي انتهت سبعتاشر صفر لصالح مريخ المريخ ومني مريخ الارض بهزيمة قاسية ادت لجماهير النادي ان تندد وتطالب باستقالة الوالي العشرين رئيس نادي مريخ الارض .... كما هتفوا ب بان اللاعب وارجو الذي تم تسجيله من موردة المشترى بخمسة مليار دولار طلع اشاعة ... وهتفوا وارجو اشاعةوقروشنا خسارة .

وصدرت الصحف الالكترونية في اليوم الثاني تسب وتلعن المخربين الذين لايعرفون قدر وقيمة الوالي العشرين ... كما اصرت صحيفة الصدا في عددها رقم مليون وخمسمائه انه الحاقدين الذين لايعرفون قدر الوالي هم اعداء مريخ الارض فهو من بني الطابق رقم عشرين على الاستاد واضاؤه باللمبات الزينون الخفية واصبح الاستاد مفخرة ومسرة للناظرين ودفع التكلفة كاملة من عبد ماله عفوا من حر ماله. عاد ابو حسام من الملعب غاضبا بعد ان حضر المباراه في الاستاد وقال انه الحكم كان ظالما على الاقل سبعة اهداف من السبعتاشر كانت تسلل ... وقالت له ام حسام يعني كان ممكن تكونوا مهزومين عشرة صفر لو الحكم ما كان ظالم ... طبعا اتغاظ من تعليقها وقال ليها يا ولية ما تنطمي وانت الفهمك الكورة شنو .\
رديري مساك الله بالخير وتدينا المزيد
لكن في مداخلتين
الاولي وارقو (الكم)
التانيه صحيفة الصدي (جديده شديد خليك مع الزمن عشان ما نتعب في العد)
تحياتي
بالمناسبه التلاجه اخبارها شنو؟اوع تكون فاضيهعلي الاقل خت فيها موليتا
سلام