المساعد الشخصي الرقمي

مشاهدة النسخة كاملة : أمطار خيرٍ وبركة ...


عوض الكريم الخواض
21-07-2009, 08:38 AM
تقريباً هذه المطرة الثالثة خلال هذا الأسبوع ...
والمُلاحظ أنها كلها تأتى بوتيرة واحدة ...
وذلك لقوتها وكثافتها وطول استمراريتها ...
فما أن تبدأ الشوارع بتصريف مياه المطرة السابقة ...
حتى تأتى أخرى لتغطى على ما ذهب منها ...



أجواء بديعة ...
وأوقات أكثر من ملائمة لتنزه الأسر ( وقت العصارى ) ...
ولو قلتو شرق النيل ( بلاج حنتوب ) مبااااااااالغة ...
فهذه منحة الطبيعة ...فلا تفوتوا هذه المنحة المجانية يا ناس مدنى ...
وأجعلوا منها متنفساً لأطفالكم وأسركم ...
فهكذا أجواء من النادر الحصول عليها ...
فأغتنموا الفرصة قبل أن تبدأَ الأمراض المصاحبة فى التفشى ...

لا شئ يكدر فرحتنا بهذه الأمطار الممتعة ...
سوى ذلك التصريف السئ لمياه الأمطار ...
والذى أصبح السمة السآئدة لشوارع المدينة ...
لكن ذي ما بقولوا ( الحلو ما بكمل ) ...


أسأل العلي القدير ...
أن يجلعها أمطار خيرٍ وبركة .

الأمطار مستمرة منذ السابعة مسآءً وما زالت مستمرة حتى كتابة هذا البوست .
مهيد ود السفاح
21-07-2009, 08:48 AM
اللهم اجعلها امطار خير وبركه على بلادنا
اللهم امين
ومشكور الخواض على النقل الحي والمباشر لهذه الاجواء الشاعريه

بس انت طلع الكراس ولقلم واستغل الجو لاخراج ابداعكم



تخريمه مره : اخوك في بلد المطر الا نسمع بيهو في النشره الجويه , الله يكون في عوننا , ويرد غربتنا , قول امين
الملكة اسماء ( ام محمد )
21-07-2009, 08:58 AM
اللهم اجعلها امطار خير وبركه على بلادنا
اللهم امين



وصراحة ماعارفة ابارك ليكم والا احسدكم والا اقطع تذكرة واجيكم والا اندب غربتنا والا اقعد اتفرج وابكي
ياااااااااااه

والله اشتقت للسودان والخريف والمطرة والطين


غايتو

الله غااااااااالب

همسة : شكرا لهذا النقل الذي جعلنا نتمنى عودتنا سريعا
دمت بالف خير
amino
21-07-2009, 09:05 AM
ربنا يجعلها امطار خير وبركة على جميع اهلنا فى الجزيرة..الظاهر باكر البلد جاك نفر
قلت لى الشرق برضوا مطران انشاء الله الشبارقة حصلتها
مبارك عمر عباس
21-07-2009, 09:09 AM
اللهم اجعلها امطار خير وبركه .
والله اشتقتا للسودان والخريف والصيد وشبكة الطير وابو طاقية وقدوم احمر والجخ والقمري والدباس وصيد السمك والله ياعوض الكريم رجعتني 6 سنوات ربنا يديك العافية.
moh_alnour
21-07-2009, 04:23 PM
ربنا يجعلها أمطار خير و بركة
همسة : لي أكثر من خمس سنوات بمدينة جدة فعدد المرات التي هطلت فيها الأمطار
لا تتعدى أصابع اليد الواحدة ، فجدة ليس بها فصل للخريف و أمطارها شتوية نادرة جدا ً مثل بورتسودان
كندشة
21-07-2009, 05:16 PM
لا شئ يكدر فرحتنا بهذه الأمطار الممتعة ...
سوى ذلك التصريف السئ لمياه الأمطار ...
والذى أصبح السمة السآئدة لشوارع المدينة ...
لكن ذي ما بقولوا( الحلو ما بكمل ) ...

.

سلامات يا زول يا مرهف
وصف رائع لجو جميل كم تمنيت أن أكون هناك قاعد تحت المطرة و نقول يا مطيرة صبي لينا في عينينا

ففي ماليزيا رغم هطول الأمطار بكثافة بصورة شبه يومية و طول السنة
الا أنهم يحذرون من التعرض المباشر لمياه الأمطار حيث يقال أنها تكون ملوثة و ضارة بالانسان

و الله الشوق حاصل للسودان كان صبت مطرة و كان نشفت تب

و ما عايز أكون مهتم فقط بالنصف الفارغ من الكوب الجميل الذي سقيتنا له

لكن.....عدم التصريف ده مشكلة متأصلة مع أمطار بلدنا

ونظرة بسيطة الى التلات مطرات التي صبت و جهجت شوارع البلد كما ذكرت
و مقارنة بينها و بين أمطار كوالا لمبور التي تهطل بغزارة لأكثر من ثلاث ساعات و بصورة شبه يومية تقريباً و لكنها لا تؤثر أبدا في سير الحياة الطبيعية و انسياب الحركة و خروج الناس الى مصالحهم دون تأثر بالأمطار..
كل ما عليك هو أن تحمل مظلتك لتستخدمها في بعض الأماكن لكن العادة أن أغلب الأماكن التي تمشي فيها تكون مسقوفة و كذلك مواقف الباصات و القطارات أيضاَ مسقوفة و تستر المشاة من قسوة الأمطار...
و التصريف المباشر للأمطار يجعلك تستغرب من هذا التنظيم الدقيق لشبكة التصريف
بحيث أن الأمطار لا تفعل شيئاَ غير أنها تقوم بغسل الشوارع يومياَ لتجدها دوماَ نظيفة و تبرق من النظافة...
بعكس الأمطار في بلدي التي بعد أن تتوقف تبدأ بعدها معاناة الناس و السيارات
و انقطاع المواصلات (و وقوف اللواري) مش بيقولوا يجي الخريف و اللواري تقيف!!!
وحدث و لا حرج عن البعوض و الناموس و أسراب الحشرات من كل شكل و نوع؟؟؟
و المسألة ليست بتلك الصعوبة اذا ما قررت البلديات الانتهاء منها بصورة دائمة لكن للأسف ... في كل عام كنت أحمل زهرة - هي أنا سرحت - قصدي في كل عام يتكرر نفس المشهد و نخوض في الوحل مع الخائضين والله حاجة تزعل

تسلموا و أعذروني على هذه المشاركة الكئيبة

جعلها الله أمطار خير و بركة
نزار حسن محمد
21-07-2009, 06:31 PM
خبر من اذاعة ام درمان الان الساعه السادسه ونص صباحاً 22/7/2009
توقفت الامطار صباح اليوم بمدينة ودمدنى حيث بلغت نسبة الامطار الاعلى على مستوى البلاد وبلغت 88 واربعه من عشره اللهم اجعلها امطار خير وبركه على اهل الجزيره والسودان عموم
الزبير محمد عبدالفضيل
21-07-2009, 09:32 PM
الاخ الخواض مشكور علي هذه الاخبار الجميله وجعلها الله أمطار خير وبركه وعم

بنفعها العباد والبلاد وسقي خير ونفع
esmat
21-07-2009, 09:33 PM
اللهم اجعلها امطار خير وبركه
عمرسنهوري
21-07-2009, 09:38 PM
امس كنت في مدني لحظة المطر دي
المويه قاطعه شارع الجمهوريه من الغرب للشرق
بصوره مبالغه كانها سيل .
مدنيّة
21-07-2009, 09:40 PM
اللهم اجعلها امطار خير وبركة

يا خواض التصريف السئ للامطار
دائما بذكرني التلميذ اللي بيمتحن كل سنة نفس الامتحان وبيفشل فيه دائما
صهيب البصير
21-07-2009, 10:01 PM
اللهم اجعلها امطار خير وبركه ياخواض
بلاشك الاجواء حلوه وربنا اسعد اهل السودان اللذين اصبح الفرح عندهم ياتى من الاجواء او الافراح فقط يعنى المناسبات الحفلات البشكات
ولكن مشكله التصريف اللتى تجعل الانسان يخاف من هطول الامطار رغم ماتدخله من فرح وروعه فى نفوس الناس
ياخواض قروش المحليات من الجباية بتمشى وين
حقيقة اصبحت مدنى تعانى كثيرا فى موسم الخريف
وبعد شويه انشاء الله اللوارى بتقيف
بت أم درمان
21-07-2009, 10:13 PM
كله كرم من رب العباد .... ربنا يجعلها خير وبركة ...
nehroo
21-07-2009, 10:26 PM
جعلها الله أمطار خير وبركة ..

الناس في كل العالم تتمنى وتسعد بهطول الأمطار
بس نحن في مدني بنخاااف من الأمطار ( كما خاف ابوعركي )
بنخاف من الغرق والمرض والحشرات
بنخاف من ضعف شبكة الكهرباء والصعق
بنخاف من غياب تيار الكهرباء
بنخاف أن تصبح المدينة ساحة زلق وتكسير للأطراف ( أرجل وأيادي )
بنخاف ونخاف ونخاف إلى متى ؟
متى يأتينا من يحل كل هذه المشكلات ..
عوض الكريم الخواض
21-07-2009, 11:07 PM
[center]

[color="black"][size="4"]تخريمه مره : اخوك في بلد المطر الا نسمع بيهو في النشره الجويه , الله يكون في عوننا , ويرد غربتنا , قول امين

هاهاهاهاااااي ...
والله يا ود السفاح ( حننتنى ) ...;);)
ما عندكم مطرة ...
يآخى عمرك ضايع ...

ربنا يرد غربتك ظافر غانم .
عوض الكريم الخواض
21-07-2009, 11:12 PM
اللهم اجعلها امطار خير وبركه على بلادنا
اللهم امين



وصراحة ماعارفة ابارك ليكم والا احسدكم والا اقطع تذكرة واجيكم والا اندب غربتنا والا اقعد اتفرج وابكي
ياااااااااااه

والله اشتقت للسودان والخريف والمطرة والطين

]



ماااااااااا كنت عارف المطرة ( بتجهجهكم ) كدا ...
نحن بالداخل مجهجهين ( بالطين )...
وانتو فى الخارج مجهجهين ( بالحنين )
ربنا يرد غربتكم عشان تستمعوا معانا بالخوج فى الطين وغرف الحيشان .
عوض الكريم الخواض
21-07-2009, 11:14 PM
ربنا يجعلها امطار خير وبركة على جميع اهلنا فى الجزيرة..الظاهر باكر البلد جاك نفر
قلت لى الشرق برضوا مطران انشاء الله الشبارقة حصلتها

أمينو ...
يا زول الشبارقة بتكون شبعت مطرة ...
حصل المولد قبال ما يفوت ...
أتمنى ليك اجازة سعيدة .
عوض الكريم الخواض
21-07-2009, 11:18 PM
اللهم اجعلها امطار خير وبركه .
والله اشتقتا للسودان والخريف والصيد وشبكة الطير وابو طاقية وقدوم احمر والجخ والقمري والدباس وصيد السمك والله ياعوض الكريم رجعتني 6 سنوات ربنا يديك العافية.

مبارك عمر عباس
والله حيرتنى ...
انت كنت شغال صياد ولا شنو ...
ما خليت ليك طيرة ( رآكة ) ما جبت اسمها ...


ربنا يديك العافية وترجع بالسلامة تستمع بى هوايتك الجميلة .
عوض الكريم الخواض
21-07-2009, 11:25 PM
ربنا يجعلها أمطار خير و بركة
همسة : لي أكثر من خمس سنوات بمدينة جدة فعدد المرات التي هطلت فيها الأمطار
لا تتعدى أصابع اليد الواحدة ، فجدة ليس بها فصل للخريف و أمطارها شتوية نادرة جدا ً مثل بورتسودان


الكمال لله يا صاحبى ...
بلد القروش ما فيها مطر ...
وبلد المطر ما فيها قروش ...

ان شاء يا ود النور تحصل الخريف دا ...
ونسمع بيك (عريس )
وتصب المطرة يوم ( الحنة الصغيرة) تفرتقا ليك ...
عوض الكريم الخواض
21-07-2009, 11:33 PM
سلامات يا زول يا مرهف
وصف رائع لجو جميل كم تمنيت أن أكون هناك قاعد تحت المطرة و نقول يا مطيرة صبي لينا في عينينا

براك ولا معاك زول .. ؟؟؟ففي ماليزيا رغم هطول الأمطار بكثافة بصورة شبه يومية و طول السنة
الا أنهم يحذرون من التعرض المباشر لمياه الأمطار حيث يقال أنها تكون ملوثة و ضارة بالانسان

الحمد لله مطرتنا ( نظيفة) تدقك للصباح ما بتجيك عوجة .
و الله الشوق حاصل للسودان كان صبت مطرة و كان نشفت تب

تبادل يا مان ...
و ما عايز أكون مهتم فقط بالنصف الفارغ من الكوب الجميل الذي سقيتنا له

لكن.....عدم التصريف ده مشكلة متأصلة مع أمطار بلدنا

ونظرة بسيطة الى التلات مطرات التي صبت و جهجت شوارع البلد كما ذكرت
و مقارنة بينها و بين أمطار كوالا لمبور التي تهطل بغزارة لأكثر من ثلاث ساعات و بصورة شبه يومية تقريباً و لكنها لا تؤثر أبدا في سير الحياة الطبيعية و انسياب الحركة و خروج الناس الى مصالحهم دون تأثر بالأمطار..
كل ما عليك هو أن تحمل مظلتك لتستخدمها في بعض الأماكن لكن العادة أن أغلب الأماكن التي تمشي فيها تكون مسقوفة و كذلك مواقف الباصات و القطارات أيضاَ مسقوفة و تستر المشاة من قسوة الأمطار...
و التصريف المباشر للأمطار يجعلك تستغرب من هذا التنظيم الدقيق لشبكة التصريف
بحيث أن الأمطار لا تفعل شيئاَ غير أنها تقوم بغسل الشوارع يومياَ لتجدها دوماَ نظيفة و تبرق من النظافة...

ياخى ما شهيييييييتنا عديييييل كدا ...بعكس الأمطار في بلدي التي بعد أن تتوقف تبدأ بعدها معاناة الناس و السيارات
و انقطاع المواصلات (و وقوف اللواري) مش بيقولوا يجي الخريف و اللواري تقيف!!!
وحدث و لا حرج عن البعوض و الناموس و أسراب الحشرات من كل شكل و نوع؟؟؟
و المسألة ليست بتلك الصعوبة اذا ما قررت البلديات الانتهاء منها بصورة دائمة لكن للأسف ... في كل عام كنت أحمل زهرة - هي أنا سرحت - قصدي في كل عام يتكرر نفس المشهد و نخوض في الوحل مع الخائضين والله حاجة تزعل

تسلموا و أعذروني على هذه المشاركة الكئيبة

جعلها الله أمطار خير و بركة

يآخى مشاركتك ذي العسل ...
وكلامك عن كوالامبور (عذبنا عدييييل كدا ) ...
شن جاب لى جاب ...
تسلم يا كندشة .
عوض الكريم الخواض
21-07-2009, 11:39 PM
خبر من اذاعة ام درمان الان الساعه السادسه ونص صباحاً 22/7/2009
توقفت الامطار صباح اليوم بمدينة ودمدنى حيث بلغت نسبة الامطار الاعلى على مستوى البلاد وبلغت 88 واربعه من عشره اللهم اجعلها امطار خير وبركه على اهل الجزيره والسودان عموم

يعنى جينا الأوائل فى المطرة ...
عقبال ما نجى الأوائل فى الحاجات التانية ...
تشكر يا نزار على المرور ...
وحصلوا المولد قبل ما يفوتكم .
عوض الكريم الخواض
21-07-2009, 11:41 PM
الاخ الخواض مشكور علي هذه الاخبار الجميله وجعلها الله أمطار خير وبركه وعم

بنفعها العباد والبلاد وسقي خير ونفع

أميييييييييييييييين يا رب ...
نسأل الله خيرها ...
ونعوذ به من شرها ...
مشكور أخى الزبير على مرورك الجميل .
عوض الكريم الخواض
21-07-2009, 11:43 PM
اللهم اجعلها امطار خير وبركه

آمين يا رب العالمين ...
وعقبال خريفك يا مان . ;);)
عوض الكريم الخواض
21-07-2009, 11:46 PM
امس كنت في مدني لحظة المطر دي
المويه قاطعه شارع الجمهوريه من الغرب للشرق
بصوره مبالغه كانها سيل .

عمر سنهورى ...بلاي رأيك شنو ...
موش ابداع ...
ورغم المنقصات ولكن تبقى المطرة مطرة ...
يبتسم ويتهلل لها الجميع .
عوض الكريم الخواض
21-07-2009, 11:52 PM
اللهم اجعلها امطار خير وبركة

يا خواض التصريف السئ للامطار
دائما بذكرني التلميذ اللي بيمتحن كل سنة نفس الامتحان وبيفشل فيه دائما


تعرفى يا أم جمال ...لو عملوا لينا تصريف حضارى لى موية المطرة ...
مزاجنا حا يتخرب ...
لانو ما حا يكون فى طين ولا موية نخوج فيها ...
أها الشفع يلعبوا وين ... :confused::confused:
عشان كدا ناس البلدية ( بحبونا ) ودايرننا نستمتع متعة قصوى .
عوض الكريم الخواض
21-07-2009, 11:58 PM
اللهم اجعلها امطار خير وبركه ياخواض
بلاشك الاجواء حلوه وربنا اسعد اهل السودان اللذين اصبح الفرح عندهم ياتى من الاجواء او الافراح فقط يعنى المناسبات الحفلات البشكات
ولكن مشكله التصريف اللتى تجعل الانسان يخاف من هطول الامطار رغم ماتدخله من فرح وروعه فى نفوس الناس
ياخواض قروش المحليات من الجباية بتمشى وين
حقيقة اصبحت مدنى تعانى كثيرا فى موسم الخريف
وبعد شويه انشاء الله اللوارى بتقيف



العزيز
صهيب البصير ...نعم تصريف الأمطار مشكلة ...
ورغماً عن ذلك تجد الناس فرحى بهذا الخير والذى قد يكون وبالاً على البعض ...

أثناء المطرة تجد الكبار وهم ( يتظاهرون ) بفتح المجارى ...
ويخيل الي أنهم يفتعلون ذلك فى بعض المرآت حتى (يستعيدوا) بعضاً من احلام الطفولة الكامنة فى صدورهم والتى لا يزيح عنها الغبار الا ذلك المطرُ .
عوض الكريم الخواض
22-07-2009, 12:01 AM
كله كرم من رب العباد .... ربنا يجعلها خير وبركة ...


ونعم بالله ...
فهو الذى ينزل الغيث من السماء الى الأرض الجدب ...
تسلمى يا بت أم درمان .
عوض الكريم الخواض
22-07-2009, 12:09 AM
جعلها الله أمطار خير وبركة ..

الناس في كل العالم تتمنى وتسعد بهطول الأمطار
بس نحن في مدني بنخاااف من الأمطار ( كما خاف ابوعركي )
بنخاف من الغرق والمرض والحشرات
بنخاف من ضعف شبكة الكهرباء والصعق
بنخاف من غياب تيار الكهرباء
بنخاف أن تصبح المدينة ساحة زلق وتكسير للأطراف ( أرجل وأيادي )
بنخاف ونخاف ونخاف إلى متى ؟
متى يأتينا من يحل كل هذه المشكلات ..

أخى نهرو ...يكون الخوفُ دآئماً مما نُحِب ...
وذي ما قلت خوف ( أبو عركى البخيت ) ...من سؤال الناس ...
بخاف أسأل عليك الناس ... وسر الريدة بينا يزيع ...

رغم هذا الخوف من الأمطار ...
تبقى الريدة فى جوانا ...
تكون داير الحاجة وخايف منها ...
شعور جميل ...
ربنا يصلح الحال يا نهرو .

الساعة الثانية عشر منتصف النهار ...
وما زالت الشمس ( خجلة ) ...
سحر الطبيعة ...
يا ربى أقفل الدكان ...
ولا أعمل شنو .
hadi salih
22-07-2009, 02:28 AM
الساعة الثانية عشر منتصف النهار ...
وما زالت الشمس ( خجلة ) ...
سحر الطبيعة ...
يا ربى أقفل الدكان ...
ولا أعمل شنو .[/quote]


حاجة من اتنين يا تقفل الدكان يا تقفل الدكان هههه حليل ايامنا وحليل المطر وريحة المطر والطين تعرف يا اخوى ياعوض تعمل شنو طلبين شية وتمشى تشرك سمك ولا تمشى سباق الخيل تشرك لى قدوم احمر هههه
عبدالرحيم سعيد
22-07-2009, 07:47 PM
اللهم اجعله غيثا مغيثا ولاتجعله مطر سوء
ابوالنور
22-07-2009, 10:06 PM
انا اقول ود الخواض ده مالو ماظاهر اتاااااااريهو المطر
والله البركة المطر الخلاك تتبدع حلوة تتبدع دي مش
ياخي مشتاقين تصدق
عبدالله محمد العقاد
22-07-2009, 10:48 PM
تقريباً هذه المطرة الثالثة خلال هذا الأسبوع ...
والمُلاحظ أنها كلها تأتى بوتيرة واحدة ...
وذلك لقوتها وكثافتها وطول استمراريتها ...



ولو قلتو شرق النيل ( بلاج حنتوب ) مبااااااااالغة ...


أسأل العلي القدير ...
أن يجلعها أمطار خيرٍ وبركة .

الأمطار مستمرة منذ السابعة مسآءً وما زالت مستمرة حتى كتابة هذا البوست .

الرائع عوض الكريم

حنتوب بقى فيها بلاج
و الله اتجدعتو يا ناس مدني
عوض الكريم الخواض
22-07-2009, 11:00 PM
اللهم اجعلها امطار خير وبركه .
والله اشتقتا للسودان والخريف والصيد وشبكة الطير وابو طاقية وقدوم احمر والجخ والقمري والدباس وصيد السمك والله ياعوض الكريم رجعتني 6 سنوات ربنا يديك العافية.


الساعة الثانية عشر منتصف النهار ...
وما زالت الشمس ( خجلة ) ...
سحر الطبيعة ...
يا ربى أقفل الدكان ...
ولا أعمل شنو .


حاجة من اتنين يا تقفل الدكان يا تقفل الدكان هههه حليل ايامنا وحليل المطر وريحة المطر والطين تعرف يا اخوى ياعوض تعمل شنو طلبين شية وتمشى تشرك سمك ولا تمشى سباق الخيل تشرك لى قدوم احمر هههه[/quote]


حبيبنا هادى صالح ...الصيادون ظهروا ...
أولاد مدنى المفتحين ...
الظاهر كنت غلباوى انت وصاحبك الفوق دا ...
لامن تجو السودان عازمكم ( سنارة وشبكة ) .
عوض الكريم الخواض
22-07-2009, 11:02 PM
اللهم اجعله غيثا مغيثا ولاتجعله مطر سوء

أمييييييييييييييييييييين ...نورت البوست يا عبدالرحيم سعيد .
عوض الكريم الخواض
22-07-2009, 11:05 PM
انا اقول ود الخواض ده مالو ماظاهر اتاااااااريهو المطر
والله البركة المطر الخلاك تتبدع حلوة تتبدع دي مش
ياخي مشتاقين تصدق

أبو النور ...
أنت مااااااااا جوة الجك ...
وعارف الجو مستفز كيف ...
وقلنا نندااااااااح مع الأجواء ( الكربستينية) دى ...
يااااااااااه ...
يا ربى أنا وين ...

بلاي شفت الصباحية دى كيف ... جو فسيخ يا مان .
عوض الكريم الخواض
22-07-2009, 11:14 PM
الرائع عوض الكريم

حنتوب بقى فيها بلاج
و الله اتجدعتو يا ناس مدني


يا عبدالله العقاد ...
ماااااااا تخلينا نتجدع ولو مرة وااااحدة ...
تعرف يا عقاد ( حنتوب فيها شاطئ رملى ) ...
قبال الدميرة طبعاً ...
لو لقى (حبة فهم ) ...
الناس تجيهو من خارج السودان .
amino
22-07-2009, 11:18 PM
أمينو ...
يا زول الشبارقة بتكون شبعت مطرة ...
حصل المولد قبال ما يفوت ...
أتمنى ليك اجازة سعيدة .

مشكور اخى عوض الكريم وعشان وصفك وكلامك للاجوادى انا هسى بستف فى شنطتى ويلا مغادريين ,اسمع ناس البلدية مايسمعوا كلامك ويطلعوا على المعاش
ولايتموها نوم :):) اسمع قلت لى الجو جو شنو؟:):)
amino
23-07-2009, 10:42 PM
رحام يارحام ارحمنا بنعمتك
الامطار غزيرة والاجواء بديعة فى الشبارقة والقرى المجاورة
الخبر شنو فى مدنى؟؟؟
tigani18
23-07-2009, 11:18 PM
سلامات ياوزال يارائع ...سلامات عوافي
شكرا لهذا النقل الرائع الذي أسعدنا كثيرا
وبذات الوقت إزداد إتساع كرهنا للغربة اللعينة...
ولكنه قدر الله فينا .....حيث وحده من يضع موطن الرزق..
كم هي جميلة مدينتنا مدينة الميلاد والطفولة والصباء...
كم هي جميلة هذه الارض الولود التي أتت بالخواض وأمثاله..
كم هي مرهفة الإحساس رغم مياهها المتراكدة ....
وشوارعها وباعوضها ومدارسها و.......و.......و......
شكرا لك أخي المتفجر روعة. وأسأل الله أن يجعلها أمطار خير وبركة
وأن يجعل لكم هذا الخريف خالياً من الأمراض....
amino
24-07-2009, 04:25 AM
سلامات ياوزال يارائع ...سلامات عوافي
شكرا لهذا النقل الرائع الذي أسعدنا كثيرا
وبذات الوقت إزداد إتساع كرهنا للغربة اللعينة...
ولكنه قدر الله فينا .....حيث وحده من يضع موطن الرزق..
كم هي جميلة مدينتنا مدينة الميلاد والطفولة والصباء...
كم هي جميلة هذه الارض الولود التي أتت بالخواض وأمثاله..
كم هي مرهفة الإحساس رغم مياهها المتراكدة ....
وشوارعها وباعوضها ومدارسها و.......و.......و......
شكرا لك أخي المتفجر روعة. وأسأل الله أن يجعلها أمطار خير وبركة
وأن يجعل لكم هذا الخريف خالياً من الأمراض....
مشكوووووووووووور اخى وردا الله غربتكم وارجعكم الى ارض الوطن سالمين غانميين
وهذا البلد لاينقصها الاتواجدكم بها........
عوض الكريم الخواض
24-07-2009, 08:37 AM
مشكور اخى عوض الكريم وعشان وصفك وكلامك للاجوادى انا هسى بستف فى شنطتى ويلا مغادريين ,اسمع ناس البلدية مايسمعوا كلامك ويطلعوا على المعاش
ولايتموها نوم :):) اسمع قلت لى الجو جو شنو؟:):)


هاهاهاهااااااااااي ...كدى لامن تجى عااااااااااازمك ( أشان تآآآآآآآآآآآمن ) ...

رحام يارحام ارحمنا بنعمتك
الامطار غزيرة والاجواء بديعة فى الشبارقة والقرى المجاورة
الخبر شنو فى مدنى؟؟؟


يااااااااااا زول انت وصلت البلد ولا شنو ...
يعنى نقول حمداً لله على السلامة ...
:):)
الخبر زين وما زين ...
أمطار صباح اليوم الغزيرة ...
جهجهت الناس .
عوض الكريم الخواض
24-07-2009, 08:42 AM
سلامات ياوزال يارائع ...سلامات عوافي
شكرا لهذا النقل الرائع الذي أسعدنا كثيرا
وبذات الوقت إزداد إتساع كرهنا للغربة اللعينة...
ولكنه قدر الله فينا .....حيث وحده من يضع موطن الرزق..
كم هي جميلة مدينتنا مدينة الميلاد والطفولة والصباء...
كم هي جميلة هذه الارض الولود التي أتت بالخواض وأمثاله..
كم هي مرهفة الإحساس رغم مياهها المتراكدة ....
وشوارعها وباعوضها ومدارسها و.......و.......و......
شكرا لك أخي المتفجر روعة. وأسأل الله أن يجعلها أمطار خير وبركة
وأن يجعل لكم هذا الخريف خالياً من الأمراض....


شكراً أخى التجانى ...فتواجدك بالبوست يضفى عليه بهآءً ورونق ...

أسأل المولى أن تعود الى وطنك سالم غانم ...
وتحضر الخريف مع الحبايب ...
وتخوض معانا فى الطين الجميل ...
فكل بلادى جميلة وان ذادت عليها الاحن ...

تسلم يا شفيف على هذه المشاعر العميقة .
عوض الكريم الخواض
24-07-2009, 09:17 AM
لقيت مادلين عبد الحميد الطالبة بجامعة الجزيرة مصرعها عقب انهيار سقف (فرندة) بمنزل أسرتها بجزيرة الفيل بودمدني خلال هطول أمطار غزيرة يوم أمس وأصيب في الحادث أيضاً شقيقتها داليا وشقيقها محمد ووالدتهم سامية محمد حامد إصابات متفاوتة.
وقد خف مواطنو الحي لنجدتهم من تحت أنقاض المبنى المنهار وتم نقلهم جميعاً للمستشفى إلا أن الطالبة مادلين قد فارقت الحياة وقد انتقد المصابون والجيران بطء الإجراءات وعدم وجود جهود الإنقاذ والطواري بودمدني كما ذكر المصابون ومرافقوهم عدم وجود أي اختصاصي من كبار الأطباء باستثناء أطباء الإمتياز . صحيفة الوطن


[/color][/size][/font][/right]

كما ذكرنا فى بداية هذا البوست ...
أن الأمطار التى شهدتها مدينة ودمدنى وحتى صباح اليوم الجمعة ...
كفيلة بأن تترك بعضاً من مآسى على هامة المدينة ...

فقد تناقلت أخبار الشارع ذلك الاحتدام الحاد بين الشرطة وبعض الأهالى الذين يقطنون فى مساكن عشوائية بأطراف المدينة خلف حي الدرجة ... حيث أن الأهالى ( احتموا) بشارع الزلط ( السفرى ) ونقلوا فيه أمتعتهم بعد بدء عملية انهيار بعض المنازل المبنية بالجالوص ... وبما أن شارع الزلط هو المنطقة الوحيدة التى لا تمسك المياه ( كان خيارهم الوحيد رغم صعوبته ) ... طالبتهم الشرطة باخلاء ( الزلط ) وحدثت بعض المناوشات أدت الى بعض الاصابات بين المواطنين ...

مشكلة تصريف مياه الأمطار شهادة من الطبيعة و على الطبيعة لذلك ( الفشل المزمن) الذى تتمتع به وزارة التخطيط العمرانى ...

وكذلك شهادة اخرى بدرجة الماجستير لذلك الفشل فى تخطيط بعض المنخفضات فى منطقة حي ناصر وتصديقها كأراضى سكنية حيث أن بعض المنازل قام أصحابها باخلائها بعد أن وصل منسوب المياه الى ( الصُرَّة) فى غرفة النوم . :eek::eek:

كورسات تقوية ( فشلية ) للعبقرية التى تمخضت عنها (اغلاق) بعض المصارف الرئيسية والتى عملت احتباسات فى مناطق اخرى ...

الشوارع ( الجديدة) يا فرحة مااااااااااا تمت ...
وكما تعلمون ( المياه ) العدو الأول للأسفلت ...

أصبحنا نشعر بالرهبة والخوف ( عندما تبدأ الأمطار بالتساقط) على منازلنا ...


لكنها الطبيعة رغم قسوتها وعنفوانها فهي دائماً ما تعتذر عن فعالها الخشنة بتلك الأجواء الرطبة العليلة وكأنها تستسمحنا عن هفواتها ....
ولكن كيف لمسؤولون يأخذون الأجر وينامون قريرى العين و( منازل الأهالى تتهدم ) على رؤوس الأطفال ...
حتى أنك لا تلمح على وجوههم نظرة تأسى أو حزن ...
ولكن للعباد ربٌ رحيم .
amino
24-07-2009, 09:22 AM
هاهاهاهااااااااااي ...كدى لامن تجى عااااااااااازمك ( أشان تآآآآآآآآآآآمن ) ...

يااااااااااا زول انت وصلت البلد ولا شنو ...
يعنى نقول حمداً لله على السلامة ...
:):)
الخبر زين وما زين ...
أمطار صباح اليوم الغزيرة ...
جهجهت الناس .
الله يسلمك ياعوض الكريم ياذوق والله جبتنى انتا بوصفك للمطر والبلد استقبلتنى بى مطرة عليك الله لقيت اخوك كراعوا كيف؟؟؟
بالمناسبة عشان نكون على نور عازمنى شنو؟؟؟فى الشبارقة بقلوا عليهوا دا جوا فول
لكن رايك شنو فى سمك عند جاد الله كشكش جيبك هههههههههه
:d:d:d
عوض الكريم الخواض
24-07-2009, 09:37 AM
الله يسلمك ياعوض الكريم ياذوق والله جبتنى انتا بوصفك للمطر والبلد استقبلتنى بى مطرة عليك الله لقيت اخوك كراعوا كيف؟؟؟

:d:d:d

والله ما شاء الله ...
كراعك (خدرة ) ...بركة الجيت طيب ...
وحمداً لله على السلامة ...
يعنى حصلت ( المولد ) ...



بالمناسبة عشان نكون على نور عازمنى شنو؟؟؟فى الشبارقة بقلوا عليهوا دا جوا فول
لكن رايك شنو فى سمك عند جاد الله كشكش جيبك هههههههههه
:d:d:d

هاهاهاهااااااااا ...
يا زول أحلى سمك لى أجدع أمينو ...
سمك (كبروس فريش) تشوفو بى عينك قبل ما تآكلو ...
وعلى البحر مباشرة ...
يا زول لازم تزورنا عشان نتشرف بى معرفتك ...
أها العنوان ( السوق عمارة الخواض) 0912226879

أها ما تتأخر عشان السمك ما يبرد ;);)
بنت الرفاعي
24-07-2009, 10:07 AM
المطرة صبت حبوبة نطت تاني كنا بنقول شنو؟؟؟؟:confused::Dالمطر حلو لكن سبحان الله في السودان بيسبب لناس مآسي وناس بتفرح وناس وناس!!!!

الموسم ده متوقعين فيضانات كتييييرة وشديدة غير عن كل السنوات!
إن شاءالله تكون فيها كل الخير .
والله يهون.
amino
24-07-2009, 10:50 AM
المطرة صبت حبوبة نطت تاني كنا بنقول شنو؟؟؟؟:confused::dالمطر حلو لكن سبحان الله في السودان بيسبب لناس مآسي وناس بتفرح وناس وناس!!!!

الموسم ده متوقعين فيضانات كتييييرة وشديدة غير عن كل السنوات!
إن شاءالله تكون فيها كل الخير .
والله يهون.
وقالت يااصحابى هيا نلعب ولعبت لعبت لمن وقفت...............
مهما يحصل من فيضانات فسيكون فيها الرزق انشاء الله وليس بالضرر الكثير
amino
24-07-2009, 10:53 AM
والله ما شاء الله ...
كراعك (خدرة ) ...بركة الجيت طيب ...
وحمداً لله على السلامة ...
يعنى حصلت ( المولد ) ...



هاهاهاهااااااااا ...
يا زول أحلى سمك لى أجدع أمينو ...
سمك (كبروس فريش) تشوفو بى عينك قبل ما تآكلو ...
وعلى البحر مباشرة ...
يا زول لازم تزورنا عشان نتشرف بى معرفتك ...
أها العنوان ( السوق عمارة الخواض) 0912226879

أها ما تتأخر عشان السمك ما يبرد ;);)
اها ابشر تب جايك وماقصرتا ويقصر الملح..........