البصير العجيب - صوره

[عمرسنهوري]

http://img102.herosh.com/2009/07/16/127359098.jpg



اين الحكومه من هذا العبث ؟؟؟؟
هل اصبح علاج الناس و الحمير تخصص واحد ؟؟؟؟
هل هذا رفع لقدر الحمير ؟؟؟؟

[أبوحراز]

http://img102.herosh.com/2009/07/16/127359098.jpg



اين الحكومه من هذا العبث ؟؟؟؟
هل اصبح علاج الناس و الحمير تخصص واحد ؟؟؟؟
هل هذا رفع لقدر الحمير ؟؟؟؟


هذه اللوحة الغريبة العجيبة قمت بتكبيرها بمقاس كبير
تقريبا متر × متر وبنفس الألوان
والآن هي معلقة في منزلنا
وكل من رآها ضحك حتى كاد يسقط على الأرض

لكن تعرف الزول ده على نياتو
يمكن عاوز يوفر التكاليف لأصحاب الحمير
يعني بدل ماتجي انت عيان وبعد يومين تجيب حمارك
لازم تجي انت والحمار وتتعالجوا في وقت واحد
وبالتالي الحكاية فيها توفير زمن وتوفير تكاليف

يعني ممكن مرات تمشي يكون عندك قطيعة
وأكيد الحيوان ده بيكون معاه سكرتير في العيادة
أها تجي تقابل السكرتير عشان تحجز
يقوم يلوي ليك بوزو ويقول ليك
أنتظر شوية يا ابن العم { قدامك دخل حماااااااااااااااااااااااار } !!!!


كنت دائماً اتذكر هذه اللوحة حينما أتجول يوم السبت والثلاثاء بسوق المدينة عرب
أذهب مباشرة بعد شراء القفة المنهكة 00
اذهب لأتفرج في سوق الحمير
وسبب هذا الشوق أحبتي القراء ان هناك حمار { مكادي }
والحناكيش لايعرفون معناها { يعني معاكس وسرعته بطيئة
يقال أن صاحبه من قرية مهلة ويأتي به كل سوق
ولكن الجماعة عرفوا أن { البضاعة } مغشوشة
إلا ان سماسرة السجم لهم رأي آخر
فكانوا يصطادون كل من يأتي ويرغب في شراء حمار
وكانت معي سيارة آكسنت موديل 2006 اوقفها بعيدا
وحينما اقترب منهم ينادونني ويوصفون لك في الحمار وكأنه بي أم دبليو
المهم هناك حركة يعملها السماسرة للزبون من أجل بيع الحمار
وهي فتح خشم الحمار وعلى مايبدو لي لمعرفة سنه وعمره وهل تم تطعيمه أم لا
يازول في اليوم الواحد يأتي أكثر من عشرين زبون
والجماعة يشيلوا ويفتحوا في خشم الحمار
وبعد أكثر من { 15 } سوق لم يتم بيع الحمار
الا أن المضحك والمبكي أن الحمار كلما يشوف واحد ماشي عليه يقوم يفتح خشمو

[حاتم مرزوق]

لا تندهشوا اخوتي فهذه التخصصات قديمة ومتعارف عليها فمثلا الطبيب قديما كان الحلاق ( عمل اضافي لتحسين الدخل) وقناعتي( في الفكك و الردخ ما في احسن من البصير) وكان مغالطني اسألو (ودالبصير) وعلي فكرة اخطاء هؤلاء الناس في العظام اقل بكثير من اخطاء الأطباء.

يا احبتي لا تقلقوا هذا هو السودان كم من ميت دفن دون الرجوع الي اي جهة حكومية
( ترانزيت من البيت الي المقابر) .

بعدين الراجل معترف وكاتب علاج بلدي ودي ما بتزعل والعلاج البلدي اليومين ديل يعتلي ناصية الطب.

بس الما فاهمة انا الطحال دا الدخلو شنو في الموضوع وعلي حسب علمي الطحال ما فيهو عضم !!! وم عارف شيخ الهادي موسي خاتيهو مع الكسور ليه ؟ امكن عندو رأي .

[عمرسنهوري]

هذه اللوحة الغريبة العجيبة قمت بتكبيرها بمقاس كبير
تقريبا متر × متر وبنفس الألوان
والآن هي معلقة في منزلنا
وكل من رآها ضحك حتى كاد يسقط على الأرض

لكن تعرف الزول ده على نياتو
يمكن عاوز يوفر التكاليف لأصحاب الحمير
يعني بدل ماتجي انت عيان وبعد يومين تجيب حمارك
لازم تجي انت والحمار وتتعالجوا في وقت واحد
وبالتالي الحكاية فيها توفير زمن وتوفير تكاليف

يعني ممكن مرات تمشي يكون عندك قطيعة
وأكيد الحيوان ده بيكون معاه سكرتير في العيادة
أها تجي تقابل السكرتير عشان تحجز
يقوم يلوي ليك بوزو ويقول ليك
أنتظر شوية يا ابن العم { قدامك دخل حماااااااااااااااااااااااار } !!!!


كنت دائماً اتذكر هذه اللوحة حينما أتجول يوم السبت والثلاثاء بسوق المدينة عرب
أذهب مباشرة بعد شراء القفة المنهكة 00
اذهب لأتفرج في سوق الحمير
وسبب هذا الشوق أحبتي القراء ان هناك حمار { مكادي }
والحناكيش لايعرفون معناها { يعني معاكس وسرعته بطيئة
يقال أن صاحبه من قرية مهلة ويأتي به كل سوق
ولكن الجماعة عرفوا أن { البضاعة } مغشوشة
إلا ان سماسرة السجم لهم رأي آخر
فكانوا يصطادون كل من يأتي ويرغب في شراء حمار
وكانت معي سيارة آكسنت موديل 2006 اوقفها بعيدا
وحينما اقترب منهم ينادونني ويوصفون لك في الحمار وكأنه بي أم دبليو
المهم هناك حركة يعملها السماسرة للزبون من أجل بيع الحمار
وهي فتح خشم الحمار وعلى مايبدو لي لمعرفة سنه وعمره وهل تم تطعيمه أم لا
يازول في اليوم الواحد يأتي أكثر من عشرين زبون
والجماعة يشيلوا ويفتحوا في خشم الحمار
وبعد أكثر من { 15 } سوق لم يتم بيع الحمار
الا أن المضحك والمبكي أن الحمار كلما يشوف واحد ماشي عليه يقوم يفتح خشمو



ابوحراز

والله اضحكني تعليقك اكتر من البصير

[عمرسنهوري]

الرائع حاتم سؤال منطقي
الطحال ليس به عظام
تخريمه
قام صديق بالاتصال على الرقم
وقال له سلام انت الشيخ البصير
ايوا نعم مرحب بيك
يا مولانا عندي حمار عندو نفسيات ورفض الاكل
انت من وين ؟؟؟
انا من الحصاحيصا اها نعمل ليهو شنو ؟؟؟؟
صاحبي رقمو ببدا ب 123
الزول لاوز من الرقم قال ليهو
علاج الحمير خليتو
انا عندي صاحبي في سوق ليبيا ممكن يجيك في محلك
قلت ليك علاج الحمير خليتو
وقفل السكه في وشنا

[عوض الكريم الخواض]

تعرف يا ود سنهورى ...
الحالة بقت واحدة ...
بينا وبين (......) ...

لكن شيخ الهادى لذيذ ...
واثق من نفسو ...
وكاتب رقم التلفون .