المساعد الشخصي الرقمي

مشاهدة النسخة كاملة : مصرع وإصابة (5) من طلاب الخدمة الوطنية


محمد عبد الله عبدالقادر
11-07-2009, 04:43 AM
مصرع وإصابة (5) من طلاب الخدمة الوطنية

ود مدني: حامد محمد حامد

لَقي طالب خدمة وطنية يدعى سامي مساعد مصرعه بطلق ناري امس باستاد ود مدني وأصيب أربعة من الطلاب أثناء تدريبات، تحضيراً لاحتفالات التخرج.
وذكر مصدرٌ بمنسقية الخدمة الوطنية لـ «الرأي العام» أمس، أن هذا الحادث سيجد الاهتمام من السلطات المختصة كي لا يتكرر مجدداً.
والاربعة المصابون هم: عمر بانقا من منطقة المسلمية وأبوبكر الغالي من أبو عشر ومحمد أرباب من ود سلفاب، أما الرابع فحالته خطرة لم يتم العثور على بطاقته لتحديد اسمه وتقرر تحويله للخرطوم لمزيد من العناية الطبية.

منقول من جريدة الراي العام

* كيف يتم حشو الاسلحه بالزخيرة الحية لتدريبات التخريج.
* من هو المسئول عن صرف الاسلحه للطلاب
* كيف لا يتم التعرف على طالب موجود بالمعسكر وتدرب طيله فترة المعسكر ولا يتم التعرف عليه - يا ربي يكون جا يوم التدريب ده بس ولا شنو
مدنيّة
11-07-2009, 06:38 AM
لاحول ولا قوة الا بالله

يامحمد عبدالله اصلا التدريب الختامي (ضرب النار) بيكون بالذخيرة الحية
بس حاجة غريبة انه مجند طيلة فترة المعسكر متواجد ولم يتم التعرف عليه !!!


ربنا يتقبلهم بقبول حسن
moh_alnour
11-07-2009, 03:47 PM
له الرحمة و المغفرة و لذويه الصبر و حُسن العزاء
إنا لله و إنا إليه راجعون
سؤال برا المقرر : لماذا لا يتم تأجيل فترة الخدمة الوطنية إلى ما بعد التخرج من الجامعة ؟
عندها تتفادى إدارة الخدمة الوطنية مثل هذه الإشكالات كما يمكنها الأستفادة من الخريجيين
في مجالات شتى طالما أن الخدمة الوطنية ضريبة يؤديها الطالب خدمة للبلاد
ابوخالد
11-07-2009, 04:04 PM
مشكور أخى / محمد

بس دى قمة الإستهتار بالإنسانية

وربنا يلطف بالاجيال

ويرحم الضحية ... ويشفى الجرحى

ولك ودى وإحترامى
محمد عبد الله عبدالقادر
11-07-2009, 10:13 PM
[quote=مدنيّة;328739]لاحول ولا قوة الا بالله

يامحمد عبدالله اصلا التدريب الختامي (ضرب النار) بيكون بالذخيرة الحية
بس حاجة غريبة انه مجند طيلة فترة المعسكر متواجد ولم يتم التعرف عليه !!!


ربنا يتقبلهم بقبول حسن[/quote

مدنية سلامات
الضرب الحي ده - زي ما في الخبر كان مش تدريب زخيرة حيه في الخلا ده كان تدريب لطابور التخريج وفي استاد دنى القرييييييب ده
محمد عبد الله عبدالقادر
11-07-2009, 10:21 PM
له الرحمة و المغفرة و لذويه الصبر و حُسن العزاء
إنا لله و إنا إليه راجعون
سؤال برا المقرر : لماذا لا يتم تأجيل فترة الخدمة الوطنية إلى ما بعد التخرج من الجامعة ؟
عندها تتفادى إدارة الخدمة الوطنية مثل هذه الإشكالات كما يمكنها الأستفادة من الخريجيين
في مجالات شتى طالما أن الخدمة الوطنية ضريبة يؤديها الطالب خدمة للبلاد

ود النور سلامات
عارف شفت الطلبه الداخلين على الجامعات والله صغااااار الواحد ظنيتو البندقية ما يقدر يشيلها ادخلوا تدريب مع ناس الجيش العندهم مقولة بتقول - لازم 10% خسائر من المتدربين - والظاهر خلال فترة التدريب ما تمت العشرة دي قالوا يلحقوهم في التخريج

اقتراحك جميل ومنطقي بس ده الجيش
برنارد شو في كتابه Arms and the man قال
Nine of soldier out of ten are born fools
محمد عبد الله عبدالقادر
11-07-2009, 10:22 PM
مشكور أخى / محمد

بس دى قمة الإستهتار بالإنسانية

وربنا يلطف بالاجيال

ويرحم الضحية ... ويشفى الجرحى


ولك ودى وإحترامى

ابو خالد سلامات
فعلا ده استهتار بالانسانية بدون حدود
سروية
11-07-2009, 10:49 PM
لا حول ولا قوة الا بالله
لهم الرحمة الواسعة
azam ali
12-07-2009, 12:40 AM
نسأل الله الرحمة و المغفرة للفقيد والشفاء العاجل للمصابين

حقيقه كتير بتحدث زي الحوادث دي

وامكن علي ما اذكر حصلت لينا ونحن في المعسكر

وكان في مخزن السلاح

والحمد لله ربنا ستر وما كان في اي اصابات

....

كمان نحن بنعرف انو الزخيرة الحيه دي بتكون فقط في ضرب النار

لكن في التخريج ما بتكوون زخيره حيه

بعدين التخريج في الاستاد والاستاد في نص المدينه

والمنطقه مزدحمة بي الناس

يعني لو ما اصابت طالب ممكن تصيب ليها مواطن من داخل

او خارج الاستاد

المشكله الكبيره انو الطلق الناري دا يكون طلع من بندقية عسكري

طبعا اكيد اذا حصل كده حيكون بي الخطاء

لكن في النهايه الموضوع لا يخلو من الاهمال

...

نتمنى فعلا ان يجد هذا الحادث الاهتمام من السلطات المختصة

حتى انو ما يتكرر مجدداً.
بت الشبارقه
12-07-2009, 07:24 AM
لي وين
وكيف لي متين
ياضحكه ضاعت وين
ياحزن يامرتاح بين الدموع والعين
ياربي المسؤؤل منو؟
العاقب مصباح
12-07-2009, 07:42 AM
حدث فى كل عام

وسيظل يحدث

فى كل عام تحدث كارثة

تذهب ضحية افكار عقيمة وبائسة

لك الله ياااااااااااااااااااااا وطنى