شعورك شنو لو حصلت عليك/ي / راي العذابة برضو مهم

[مدنيّة]

عندي صاحبتي (كترت موضوع الصاحبات دا :cool: )

كنا في القاهرة مع بعض

اها زوجها كل شوية بنادي ليها (ياندوية) (ياندوية)

[مدنيّة]

انا قلت ليها (ندوية) دي منو ؟؟
قالت لي دي اخته ؟

[مدنيّة]

اها لقيت الموضوع كتر
قلت ليها ياختي ندوية دي مااظن حدها الاخت بس :(

[مدنيّة]

والبمنع شنو انه تكون في (ندوية) تانية
ورب صدفة جمعت الاسمين بتكون احلي

[مدنيّة]

اها لو حصلت عليك/ي
زوج / خطيب
ناداك باسم غيرك

شعورك بيكون شنو
وهل ممكن تصحبها ردة فعل
بالذات لو بقت (ندوية) مااسم اخت / الطرف الناااااااااااااااعم
او اسم (فلان) مااسم اخ / الطرف الخشن

[خالد 000 ابقرجة]

مدنية 000

خليك محضر خير 000

ياخي امكن الراجل بدلع المدام 000

وقصدو ندوية قلبو 000

[مدنيّة]

مدنية 000

خليك محضر خير 000

ياخي امكن الراجل بدلع المدام 000

وقصدو ندوية قلبو 000

كدي هسي ياابواية

السؤال الواضح
وبالدرب العديل
سالته

اها رد :cool:

[خالد 000 ابقرجة]

اها لو حصلت عليك/ي
زوج / خطيب
ناداك باسم غيرك

شعورك بيكون شنو
وهل ممكن تصحبها ردة فعل
بالذات لو بقت (ندوية) مااسم اخت / الطرف الناااااااااااااااعم
او اسم (فلان) مااسم اخ / الطرف الخشن

عارفة يا مدنية 000
حكاية التجاهل 000 أو اسقاط الآخر عليك 000
ما محتاج يكون بين زوجين 000 أو خطيبين عشان يكون وقعهم سئ علي النفس 000
سيبك من شخص بناديك بأسم غيرك بصورة يومية 000

بس برضو 000 أي حاجة بحكما المشهد المحيط 000

يعني ممكن يكون الوقع كوميدي 000 ولا يحتاج أكثر من مزحة للتنبيه 000
وممكن يكون وقع سئ علي النفس لا ينسي حتي لو لم يصاحبه رد فعل 000


من تحت النضارة
ممكن اسألك سؤال بعيدا عن الحياة الزوجية ؟؟؟
لو واحد دخل هنا وقال ليك مرحب بي مدنية الهلالابية 000 شعورك حا يكون شنو وردة فعلك بتكون شنو :p:p:p;);)

مدنية 000 جد سعيد بعودة اسمك تحت البوستات

[الملكة اسماء ( ام محمد )]

تبقى كارثة

احساسي ح يكون متضارب زي موج البحر ايام يكون (هايج )

انا حصلت معاي مرة اني ناديت صديق باسم شخص تاني
ولانه شمشار قال لي : فلان دا منو ؟

وبصراحة كان السبب اني كنت (ملخومة) وقبليها بدقايق كنت بتكلم مع فلان القلت اسمه بالغلط

والله مع انه الاخ صديق بس اتحسس وشبكني ليك انت ما مركزة معاي خالص:(
فدا مجرد صديق مابالك بشخص يكون اقرب من الصديق وتقوم تناديه باسم شخص تاني:confused::confused::confused:


لكن والله يامدون راجل صاحبتك دا (كذاب) لو بحب اخته لدرجة ينادي زوجته باسمها !!!! على قولة الشباب دي ( مكنة ) سااي واكل صاحبتك ( حنك ):p:p:p

ماقادرة اتخيل احساسي لو نادوني يوم باسم غيري :mad: ياااااااااااااه دا انا ح انسيه حروف اسمي للابد :mad::p


مشكورة على الموضوع الجميل:)

[ام قبس]

العزيزة مايسة
اقصد مدنية
عن نفسي
اتألم حد النزيف اذا حدث معي ذلك من شخص اعرفة فمابالك بزوجي
المناداة با اسم شخص اخر ليس لها غير تفسير واحد لا اخ له
وهو ان العقل الباطني في تلك اللحظة يتعامل بشكل جزئي مما يعني ان التفكير في شي اخر في الاصل والحديث والوقوف امامي
وهنا تكون المجامله
التي تنبهني لها الاخطاء في الاسم
فعند الحديث او النقاش او اي شكل من اشكال التواصل يجب ان يكون الطرفين حاضري الذهن
واهديك هذا المقطع
اوليني اهتمامك امنحني المزيد
اخلص وبوفي ليك للحد البعيد

[مدنيّة]

عارفة يا مدنية 000
حكاية التجاهل 000 أو اسقاط الآخر عليك 000
ما محتاج يكون بين زوجين 000 أو خطيبين عشان يكون وقعهم سئ علي النفس 000
سيبك من شخص بناديك بأسم غيرك بصورة يومية 000

بس برضو 000 أي حاجة بحكما المشهد المحيط 000

يعني ممكن يكون الوقع كوميدي 000 ولا يحتاج أكثر من مزحة للتنبيه 000
وممكن يكون وقع سئ علي النفس لا ينسي حتي لو لم يصاحبه رد فعل 000


من تحت النضارة
ممكن اسألك سؤال بعيدا عن الحياة الزوجية ؟؟؟
لو واحد دخل هنا وقال ليك مرحب بي مدنية الهلالابية 000 شعورك حا يكون شنو وردة فعلك بتكون شنو :p:p:p;);)

مدنية 000 جد سعيد بعودة اسمك تحت البوستات

ياابواية
التجاهل دا اصعب شئ يمر علي الواحد بالذات لو بقي من زول قريب ليك

اها نجي للمشهد المحيط:cool:
ياابوقرجة ياخ رد علي السؤال من غير فلسفة
وقول شعورك ح يبقي شنو بالدرب العددددديل

وخليك زي الملكة (شفت الورطة دي) :p

من تحت النضارة : عاد ياابواية يقول لي هلالابية كيف ؟!!
بعد صورتي الرمزية
الا يكون ما لابس نضارة

غايتو لو حصلت
ح احس باحباط ما طبيعي + ردة فعلي الله لا وراك ليها:mad::mad::mad::mad::mad:

همسة : شكرا ليك كتير ياابقرجة وانا دايما معاكم بس ظروف العمل احيانا بتحتم الغياب

[مدنيّة]

تبقى كارثة

احساسي ح يكون متضارب زي موج البحر ايام يكون (هايج )

انا حصلت معاي مرة اني ناديت صديق باسم شخص تاني
ولانه شمشار قال لي : فلان دا منو ؟

وبصراحة كان السبب اني كنت (ملخومة) وقبليها بدقايق كنت بتكلم مع فلان القلت اسمه بالغلط

والله مع انه الاخ صديق بس اتحسس وشبكني ليك انت ما مركزة معاي خالص:(
فدا مجرد صديق مابالك بشخص يكون اقرب من الصديق وتقوم تناديه باسم شخص تاني:confused::confused::confused:


لكن والله يامدون راجل صاحبتك دا (كذاب) لو بحب اخته لدرجة ينادي زوجته باسمها !!!! على قولة الشباب دي ( مكنة ) سااي واكل صاحبتك ( حنك ):p:p:p

ماقادرة اتخيل احساسي لو نادوني يوم باسم غيري :mad: ياااااااااااااه دا انا ح انسيه حروف اسمي للابد :mad::p


مشكورة على الموضوع الجميل:)



طبعا ياملكة
اول ماقريت مداخلتك اتصلت طوالي علي صاحبتي
وقريتها ليها
غايتو هسي خليتها ماشة تزرزة زوجها في وضوع ليه سنتين ;)

اعجبتني صراحتك في الرد

مازي ابواية شبكني المشهد المحيط والمشهد البحر :cool:

[مدنيّة]

العزيزة مايسة
اقصد مدنية
عن نفسي
اتألم حد النزيف اذا حدث معي ذلك من شخص اعرفة فمابالك بزوجي
المناداة با اسم شخص اخر ليس لها غير تفسير واحد لا اخ له
وهو ان العقل الباطني في تلك اللحظة يتعامل بشكل جزئي مما يعني ان التفكير في شي اخر في الاصل والحديث والوقوف امامي
وهنا تكون المجامله
التي تنبهني لها الاخطاء في الاسم
فعند الحديث او النقاش او اي شكل من اشكال التواصل يجب ان يكون الطرفين حاضري الذهن
واهديك هذا المقطع
اوليني اهتمامك امنحني المزيد
اخلص وبوفي ليك للحد البعيد

مرحبا بام قبس
وانا ومايسة واحد

فعلا حاجة قاسية جدا انه زوجك يناديك باسم غيرك

هي فعلا ممكن تكون عدم تركيز منه
لكن لما تتكرر لازم الواحد يقيف ولا شنوووو

همسة : شكرا علي المقطع المعبر

[محمد حسين (المميز)]

والبمنع شنو انه تكون في (ندوية) تانية
ورب صدفة جمعت الاسمين بتكون احلي




ياساتر يا ساتر :eek:


هسه عليك الله يا مدنيــه

في داعي تخلي الحرقص:D يدخل قلب البنيـّــه

ياخي الواحد لو نيته سليمــه تقلبوها عليهو:mad:






طبعا ياملكة
اول ماقريت مداخلتك اتصلت طوالي علي صاحبتي
وقريتها ليها
غايتو هسي خليتها ماشة تزرزة زوجها في وضوع ليه سنتين



سمعتي لي كمان كــلام البت دي كمان

يعني شنو هسه انا بدلع المدام باسم غير اسمها;)

هسه كان قرت البوست بتاعك ده امشي وين انا:mad:

[أمير عبداللطيف]

اها لقيت الموضوع كتر
قلت ليها ياختي ندوية دي مااظن حدها الاخت بس :(


ما بالغتى ادييييييييل كده ذى ما بتقولي !!!

[مايسة]

مدنية

ده كلام خطيييييييييييييييييييييييييييير

اكيد فيهو ان ابدا - ومستحيل - ومش ممكن تكون صدفة اذا ناداك باسم واحدة تانية

اصلا الرجال ديل قلوبهم ممكن تشيل مائة مش عشرة بث

اما شعوري ده بعرفو لمن اتصرف -

همسة : اها يا مدنية انا وانتي ما واحد (كلام ام قبس)- على الاقل حمر الاتنين ;):):p

[عبدالله]

امكن يا مدنية عاوز يثير فيها الغيرة زى مسلسل جميل و هناء

[سلسول]

يعنى قاعد معاى بجسمو وروحو فىحتة تانية
اتخيلى المنظر عليك الله ما مباااااااااااااالغة والله !!!!!!!!!!!!!!!!!!!!!!!!!!!!

[الملكة اسماء ( ام محمد )]

امكن يا مدنية عاوز يثير فيها الغيرة زى مسلسل جميل و هناء

بعد اذن مدنية طبعا :)


سؤال ياعبد الله ... هل هو ح يفهم الحاجة دي بنفس الفهم دا لو هي نادته باسم غيره على سبيل اشعال نار الغيرة مثلا ؟!!!!!!!!!!!!!!!!

[مدنيّة]

ياساتر يا ساتر :eek:


هسه عليك الله يا مدنيــه

في داعي تخلي الحرقص:D يدخل قلب البنيـّــه

ياخي الواحد لو نيته سليمــه تقلبوها عليهو:mad:


صاحبتي وبوعيها يامميز
ياقول سعادتو علي النعيم
(مافوكها حاجة :p )




سمعتي لي كمان كــلام البت دي كمان

يعني شنو هسه انا بدلع المدام باسم غير اسمها;)

هسه كان قرت البوست بتاعك ده امشي وين انا:mad:

البوست دا برضو من باب التوعية لكل المدامات يا مميز :cool:

[مدنيّة]

ما بالغتى ادييييييييل كده ذى ما بتقولي !!!

عا ياسعادتك النصحية انا بمرقها :cool:


هسي ماوريتنا رد السؤال المطروح من وجهة نظرك :(

[مدنيّة]

مدنية

ده كلام خطيييييييييييييييييييييييييييير

اكيد فيهو ان ابدا - ومستحيل - ومش ممكن تكون صدفة اذا ناداك باسم واحدة تانية

اصلا الرجال ديل قلوبهم ممكن تشيل مائة مش عشرة بث

اما شعوري ده بعرفو لمن اتصرف -

همسة : اها يا مدنية انا وانتي ما واحد (كلام ام قبس)- على الاقل حمر الاتنين ;):):p

هوي ياختي
ماقريتي بداية البوست
قلنا صااااااااااااااحبتي
عملتها لي ناداك وماناداك:mad:

من الشيل بالنسبة لقلوب الرجال انا معك فيها
وازيدك من الشعر بيت
بعد المائة دي في فك تسجيلات لما يصلها
ويبدأوا يعدوا تااااااني من واحد

رد الهمسة : من قبيل قلت لام قبس انه جيبنا واحد هي اقصد انه احنا واحد

تسلمي حبيبة ;)

[مدنيّة]

امكن يا مدنية عاوز يثير فيها الغيرة زى مسلسل جميل و هناء

الملكة ردت بسؤال اعتقد انه وجيه ياعبدالله

[مدنيّة]

يعنى قاعد معاى بجسمو وروحو فىحتة تانية
اتخيلى المنظر عليك الله ما مباااااااااااااالغة والله !!!!!!!!!!!!!!!!!!!!!!!!!!!!

اتخيلي بس ياسلسول :(:(:(:(

[مدنيّة]

بعد اذن مدنية طبعا :)

اذنك معك ياملكة


سؤال ياعبد الله ... هل هو ح يفهم الحاجة دي بنفس الفهم دا لو هي نادته باسم غيره على سبيل اشعال نار الغيرة مثلا ؟!!!!!!!!!!!!!!!!

ردك مية مية
وماكنت ح ارد احسن منه

[Jamal Elmahi]

مدنيّه حبابك ...حباب بت أمي
كان مرتي نادتني بغير إسمي دا ما يوم المني ..أفتّش لاقرب خروف أضبحو كرامه وسلامه ..وكمان أطيّب خاطرا وأعتبر الموضوع عادي بالذبادي ...نظام قدّم السبت تلقي الاحد والاتنين والتلاتاء والاربعاء والخميس والجمعه...عشان أنا لما يجي دوري وأقول إسم المابتغباني ...ماتقدر تقول لي حاجه واعمل فيها أبو البراءه زاتو (البرّاء بن عازب)...وهو أريتو كان إسم واحد ...قلب كذا فندق ...ستميّه غرفه بي بلكوناته ...وقلب الجنس الناعم ياحبة عيني غرفه واحده ولو بالغت غرفتين معكوسات ...

مشاققه ...
غايتو الله يكون في عونا ...طيارة عين مبالغه ...تحب لامن تكب الدم ...والله قال بي قولك كان جبته سيرة البحر ....ياربي المسيار...والعرفي ..والمساكنه برّه المقرر !!؟؟؟

ود الماحي

[محمد النويري-الفقراء]

مدينة هووووووووووووووووووي موضوعك جميل لكن الرد عليهو مشكلة لانو هو زاتو مشكلة . انتي عارفة المناداة بغير اسم الزوج او الزوجة ( دي ما الحرب زاتها ) لانها بتفتح سين وجيم على الطرفين والمشكلة لو احد الطرفين اقتنع بشكوكو تجاه الطرف الأخر خلاص دي تاني ما بتتحلة إلا إحلها الشربكة.. هههههه وعن رأئ الشخصي بمشي الموضوع مرة ومرتين التالتة ما معروف إحصل شنو؟؟

[moh_alnour]

انا قلت ليها ( ندوية ) دي منو ؟؟

كلوووووووووووووووووو هين ، أختو ، أمو ، زميلتو ، ، جارتو ، جكسوية قديمة
الخوف بس تكون ندى القلعة ;)


هي فعلا ممكن تكون عدم تركيز منه لكن لما تتكرر لازم الواحد يقيف ولا شنوووو

لو مرة واحدة ( ما فوكها حاجة ) تمشيها و تعمل رايحة و تسميها رضينا و عدم تركيز
لكن لو كررا تقوم طواااااالي تحذف قناة زول من الرسيفر ;)
مشاققة : دا رأي عزابي إن شاء الله يكون مهم :eek: يا مدون كترتي حكاية ( صاحبتي دي ) ;)

[عثمان جلالة]

ياااااااخ الغلط مردود .. وبتحصل كتير :D:D

ولو حصلت مني .. بستدرك الأمر .. ومضطر أغني ليها في اللحظة ديك

"على كل حااااال .. على كل حاااال .. عضبك جميل .. زي بسمتك" :):p

خليك محضر خير ياااا هنااااااايه:D

غايتو جنس غايتو :cool:

[عثمان جلالة]

[QUOTE=moh_alnour;328404][CENTER][B][FONT="Courier New"][B]

كلوووووووووووووووووو هين ، أختو ، أمو ، زميلتو ، ، جارتو ، جكسوية قديمة
الخوف بس تكون ندى القلعة ;)


[COLOR="Blue"][SIZE="4"]هههههههههه الله يجازي محنك يا ود الجاااك تصدق نفس الإحساس .. ذكرتني واحد صااااحبي أول حروفو معتز :p ... بحاول يهرب من الأسماء وبقول "طيبه" بس :confused::eek:... أسي عليك الله "هيمانيت يا طيبة" أسم الدلع حقها شنو؟؟ :confused:.. أسالو لي "وش زول محتار شديد" :D

[مهيد ود السفاح]

والبمنع شنو انه تكون في (ندوية) تانية
ورب صدفة جمعت الاسمين بتكون احلي


المديده حـــــــــــــــاره

[مهيد ود السفاح]

[QUOTE=مدنيّة;328219][FONT="Courier New"]هوي ياختي
ماقريتي بداية البوست
[SIZE="7"][COLOR="Blue"]قلنا صااااااااااااااحبتي
عملتها لي ناداك وماناداك


ههههههههههههههه
ههههههههههههههههههههههههه
هههههههههههههههههههههههههه

[نبض السكون]

والله يا مدنية حصلت علي قبل كده وشكلي كان كووووووووووووووشة ..
طبعاً عملت نفسي زي الما قلت حاجة لكن يبدو إنهم صارينها لي وربنا يكضب الشينة.

[ابراهيم]

والله هي حارة ما عارف السر شنو

زمان زميلتي في الجامعة

شابكاني ليك يا محجوب يا محجوب
وانا زعلاااان
لكن ماكلها في حناني
تاني شبكتني يا محجوب
قلت ليها انا ابراهيم ياخ ابراهيييييم
هسي دي بتشبه محجوب



ضربة حرة:يا مدون صحبتك دي بتاعة الحقد الطبقي ولا واحدة تانية :o

[عبدالله]

اتذكر نكتة هنا
قالو فى حرامى مسلح دخل البيت و صحى الراجل و المرة وتحت تهديد السلاح سأل المرة اسمك منو ؟ قالت اسمى نفيسة ز قال ليها اسمك زى اسم امى خلاص خليتك ز سأل الراجل انت اسمك منو ؟ قال انا اسمى عباس لكن مرات بقولو لى نفيسة!!!!!!

[علي النعيم محمد نور]

عندي صاحبتي (كترت موضوع الصاحبات دا :cool: )

كنا في القاهرة مع بعض

اها زوجها كل شوية بنادي ليها (ياندوية) (ياندوية)


مدنيه . . .
بالله إنتو يا ناس ( الخرتوم ) بتمشوا القاهره . . . ؟ وأن أقول ماااا مسلسلاتها سمحه كدي . . .
(ندويه ) حركه بايخه ودمها تقيل وما عندها اي مبرر . . . وهو يعني الأسماء كملت . . . وبعدين راجل ( صاحبتك دي ) ما كان يقعد في البيت يحرس أختو لوهو مشتاق ليها شديييييييييد كدي . . . .

[أبوحراز]

شخصياً لايهمني شيء لو نادتني باسمي أو قالت لي ياحاج ابكر
شيء واحد يهمني في المرأة وفي الرجل وهو { الصدق } والتعامل بصدق
اذا دخل الصدق من الباب تسجد له كل الأمور الأخرى

صديقي معروف ويكتب في منتدى عريق
والله يدلع زوجته ويدلع اسمها لدرجة أنك تقول أنه لايوجد أثنين يحبان بعضهما لهذه الدرجة
لأيمكن ان يذهب الى عمله قبل ان يطبع قبلة على جبينها
تنتظره بلهفة عند الباب بابتسامة ناصعة
تساعده في خلع وارتداء ملابسه
تأتيه بعصير باااااااااااااااارد
وتترك المطبخ نهائياً في هذه اللحظة لتقف معه
يخرجان سويا
ويقدم لها الكثير من الهدايا بمناسبة وبدون مناسبة
ويدلع اسمها بطريقة فيها الكثير من الغنج
يجعلها تعيش في عالم حالم
لا احد ينكر أنهما مثالاً للحب الجميل القوي الشامخ الذي لاتهزه الريح
وكم تمنينا أن نحب مثله
وان نعشق مثله
وأن نتعلم منه
ونتلمس طريقه
فبيتهم مليء بالسعادة من كل جانب
ولكن 0000000000000000000000
000000000000000000000000
000000000000000000000000
00000000000000000000000
000000000000000000000000




000000000000000000000000
0000000000000000000000000000
00000000000000000000
000000000000000
رغم هذا وذاك
الا أن هذا الصديق للأسف

















































































متزوج سكرتيرة معهم بالعمل
والزوجة الأولى لاتعلم

[مدنيّة]

مدنيّه حبابك ...حباب بت أمي
كان مرتي نادتني بغير إسمي دا ما يوم المني ..أفتّش لاقرب خروف أضبحو كرامه وسلامه ..وكمان أطيّب خاطرا وأعتبر الموضوع عادي بالذبادي ...نظام قدّم السبت تلقي الاحد والاتنين والتلاتاء والاربعاء والخميس والجمعه...عشان أنا لما يجي دوري وأقول إسم المابتغباني ...ماتقدر تقول لي حاجه واعمل فيها أبو البراءه زاتو (البرّاء بن عازب)...وهو أريتو كان إسم واحد ...قلب كذا فندق ...ستميّه غرفه بي بلكوناته ...وقلب الجنس الناعم ياحبة عيني غرفه واحده ولو بالغت غرفتين معكوسات ...

مشاققه ...
غايتو الله يكون في عونا ...طيارة عين مبالغه ...تحب لامن تكب الدم ...والله قال بي قولك كان جبته سيرة البحر ....ياربي المسيار...والعرفي ..والمساكنه برّه المقرر !!؟؟؟

ود الماحي

ود امي والله منور المنتدي بطلتك
ربنا ما يحرمنا منها

قلت لي عايز ليك سبب
وعايزة يجيك من ام سكر الجنيد

لكن تلقاها عند الغافل :p

رد المشاققة : برة المقرر شديد يااخوي :cool:

[مدنيّة]

مدينة هووووووووووووووووووي موضوعك جميل لكن الرد عليهو مشكلة لانو هو زاتو مشكلة . انتي عارفة المناداة بغير اسم الزوج او الزوجة ( دي ما الحرب زاتها ) لانها بتفتح سين وجيم على الطرفين والمشكلة لو احد الطرفين اقتنع بشكوكو تجاه الطرف الأخر خلاص دي تاني ما بتتحلة إلا إحلها الشربكة.. هههههه وعن رأئ الشخصي بمشي الموضوع مرة ومرتين التالتة ما معروف إحصل شنو؟؟

غايتو طرفك الاخر مفترض انت بالذات مايمشي ليك ولا نص مرة:mad::mad:

واظنك انت ح تمشي بنفس سياسية جمال الماحي :cool:

اها والشربكة بعد كدا ماظنيتها بتتحلا تاني :p

[مدنيّة]

كلوووووووووووووووووو هين ، أختو ، أمو ، زميلتو ، ، جارتو ، جكسوية قديمة
الخوف بس تكون ندى القلعة ;)

هي ندي القلعة كلنا بنحبها ياود الجاك انت كمان :cool:


لو مرة واحدة ( ما فوكها حاجة ) تمشيها و تعمل رايحة و تسميها رضينا و عدم تركيز
لكن لو كررا تقوم طواااااالي تحذف قناة زول من الرسيفر ;)


وقناة النيل الارزق كيف :p

مشاققة : دا رأي عزابي إن شاء الله يكون مهم :eek: يا مدون كترتي حكاية ( صاحبتي دي ) ;)


ياخ عارفة وكتبتها فووووووق
عامل لي كدا زي ميسو
:mad::mad:

[مدنيّة]

ياااااااخ الغلط مردود .. وبتحصل كتير :D:D

ولو حصلت مني .. بستدرك الأمر .. ومضطر أغني ليها في اللحظة ديك

"على كل حااااال .. على كل حاااال .. عضبك جميل .. زي بسمتك" :):p

خليك محضر خير ياااا هنااااااايه:D

غايتو جنس غايتو :cool:

تعرف ياابومشمش
الموضوع دا ليه سنتين
تصدق لهسي ملاوز لي :(

اها لو حصلت ليك
رد فعلك بيكون شنو
وبتقبل لو غنت ليك
غضبك جميل زي بسمتك :p

غايتو جنس غايتو

[مدنيّة]

المديده حـــــــــــــــاره

مامديدة يامهيد ياخ

هسي لو حصلت عليك
واتكررت بترضاها !!! :(

[مدنيّة]

[QUOTE=مدنيّة;328219][FONT="Courier New"]هوي ياختي
ماقريتي بداية البوست
[SIZE="7"][COLOR="Blue"]قلنا صااااااااااااااحبتي
عملتها لي ناداك وماناداك


ههههههههههههههه
ههههههههههههههههههههههههه
هههههههههههههههههههههههههه

:mad::mad::mad::mad::mad:
:mad::mad::mad::mad::mad:
:mad::mad::mad::mad::mad:

[مدنيّة]

والله يا مدنية حصلت علي قبل كده وشكلي كان كووووووووووووووشة ..
طبعاً عملت نفسي زي الما قلت حاجة لكن يبدو إنهم صارينها لي وربنا يكضب الشينة.

لو مرة واحد يانبض السكون
ياخ ما مفروض يصروها ليك

الصرة تجي بالتكرار من اتنين وطالع

اها بس تاني التركيز مهم ومطلوب لضمان عدم التكرار وتبيت النية بالصرة

[مدنيّة]

والله هي حارة ما عارف السر شنو

زمان زميلتي في الجامعة

شابكاني ليك يا محجوب يا محجوب
وانا زعلاااان
لكن ماكلها في حناني
تاني شبكتني يا محجوب
قلت ليها انا ابراهيم ياخ ابراهيييييم
هسي دي بتشبه محجوب



ضربة حرة:يا مدون صحبتك دي بتاعة الحقد الطبقي ولا واحدة تانية :o

اها يامحجوب
لو زميلتك ساي مافوكها حاجة
خليها التقول
الخوف من العايشين تحت سقف واحد وينادوا محجوب محجوب:p

رد الضربة الحرة : لالالا دي وحدة تانية ياخ :mad:

[حاتم مرزوق]

و الله ما بطال اختنا مدنية اهو الواحد يجدد شوية ويكسر الروتين والموضوع بسيط يعني انا يوم ناديت ام احمد وقلت ليها (تعال يا عبدالله) ما زعلت كتير 3 شهور بس:confused:

[مدنيّة]

اتذكر نكتة هنا
قالو فى حرامى مسلح دخل البيت و صحى الراجل و المرة وتحت تهديد السلاح سأل المرة اسمك منو ؟ قالت اسمى نفيسة ز قال ليها اسمك زى اسم امى خلاص خليتك ز سأل الراجل انت اسمك منو ؟ قال انا اسمى عباس لكن مرات بقولو لى نفيسة!!!!!!

هي لكن ياعبدالله في الحالة دي كلنا نفيسة

[مدنيّة]

مدنيه . . .
بالله إنتو يا ناس ( الخرتوم ) بتمشوا القاهره . . . ؟ وأن أقول ماااا مسلسلاتها سمحه كدي . . .
(ندويه ) حركه بايخه ودمها تقيل وما عندها اي مبرر . . . وهو يعني الأسماء كملت . . . وبعدين راجل ( صاحبتك دي ) ما كان يقعد في البيت يحرس أختو لوهو مشتاق ليها شديييييييييد كدي . . . .

اي ياخ مرة كدا مشينا نراجع شوية مسلسلات :cool:


بس عليك نوووووور
جد جيتني لانها حركة ماعندها مبرر
وبالذات لما تكتر

وياقولك ماكان يقعد يحرسها :mad:

[مدنيّة]

شخصياً لايهمني شيء لو نادتني باسمي أو قالت لي ياحاج ابكر
شيء واحد يهمني في المرأة وفي الرجل وهو { الصدق } والتعامل بصدق
اذا دخل الصدق من الباب تسجد له كل الأمور الأخرى

صديقي معروف ويكتب في منتدى عريق
والله يدلع زوجته ويدلع اسمها لدرجة أنك تقول أنه لايوجد أثنين يحبان بعضهما لهذه الدرجة
لأيمكن ان يذهب الى عمله قبل ان يطبع قبلة على جبينها
تنتظره بلهفة عند الباب بابتسامة ناصعة
تساعده في خلع وارتداء ملابسه
تأتيه بعصير باااااااااااااااارد
وتترك المطبخ نهائياً في هذه اللحظة لتقف معه
يخرجان سويا
ويقدم لها الكثير من الهدايا بمناسبة وبدون مناسبة
ويدلع اسمها بطريقة فيها الكثير من الغنج
يجعلها تعيش في عالم حالم
لا احد ينكر أنهما مثالاً للحب الجميل القوي الشامخ الذي لاتهزه الريح
وكم تمنينا أن نحب مثله
وان نعشق مثله
وأن نتعلم منه
ونتلمس طريقه
فبيتهم مليء بالسعادة من كل جانب
ولكن 0000000000000000000000
000000000000000000000000
000000000000000000000000
00000000000000000000000
000000000000000000000000

000000000000000000000000
0000000000000000000000000000
00000000000000000000
000000000000000
رغم هذا وذاك
الا أن هذا الصديق للأسف


متزوج سكرتيرة معهم بالعمل
والزوجة الأولى لاتعلم

تعرف ياابو حراز
صاحبك دا ممثل درجة اولي
عشان كدا عامل حسابه شدددددددددديد
ومابغلط في حتة الاسامي دي نهائي
عشان عارف انه راسه فيه غابة اددددددديل كدا مش بس ريشة

[مدنيّة]

و الله ما بطال اختنا مدنية اهو الواحد يجدد شوية ويكسر الروتين والموضوع بسيط يعني انا يوم ناديت ام احمد وقلت ليها (تعال يا عبدالله) ما زعلت كتير 3 شهور بس:confused:

اها اتخيل تلاتة شهور عشان قلت ليها ياعبدالله

اتخيل بس لو كان قلت ليها ياندوية


كان نفتش في حاتم عشرة سنوات لقدام ما نلم في خبره :cool:

[أمير عبداللطيف]

انا مريح نفسي خالص وبقول ياماما هههههههه

بعدين انا عندى شك فى قصه صاحبتي دى ،، مدد ياشيخ ابراهيم