عضو فضي .. يا admin

[الملكة اسماء ( ام محمد )]

بسم الله الرحمن الرحيم

تحية اجلال واحترام للجميع


جاتني رسالة راقية

من صديق عزيز جدا

يهنئني لاني اصبحت عضو فضي !!!!:):)

بصراحة لا تعرفون مقدار سعادتي بعودتي لمرتبة الاعضاء الفضين :)


لم اندهش كثيرا لاني لم الاحظ وذلك لاني لا اكتب برغبة زيادة النجوم وتجديد اللقب بقدر حبي للتواجد في هذا المكان

ومنها جال بخاطري موضوع يحيرني كثيرا


ماذا يعني عضو جديد وترحيب وورود وتمنيات صادقة بابداع منتظر ؟
وفجاءة يختفي العضو الجديد في ظروف غامضة
هل الانتماء للمنتدى وتسجيل البيانات وبوست الترحيب نهاية لاهداف العضو الجديد؟!!!
هل يعتبر بوست الترحيب دافع للعضو ام نقطة توقف طويلة الامد ؟

يحزنني كثيرا الاعضاء الجدد والقدامى الذين يكتفون بالتصفح
فلماذا سجلتم بيانتكم ؟
لماذا كان لكم الحق في الغياب وتطالبون بحقكم في تفقدنا لكم وبعد ذلك ... حضور خجول؟
اين التكاتف من اجل الارتقاء بالمنتدى ؟

بعض الاعضاء الله يسامحهم
يكتبوا بوست طويل عريض
وتجي انت عضو بتحب تشارك وتدي الجميع دافع للمتابعة تكتب رد
ويجي تاني كم عضو بعدك يكتبوا ردودهم

فجاءة يذهب البوست للارشيف ويجي صاحب البوست زاااااااتو ينزل بوست جديد وما يعبر عن امتنانه للناس الردت ولا يحاول يبادلهم نفس الاهتمام , لكن اول ما يلاحظ انك ( ما اشتغلت بموضوعه الجديد ) يكتب ليه بوست ( يحتج ويعترض) ويتهم الاعضاء ( بالشللية)!!!!

عضو اخر يديك احساس بان الهدف الاساسي هو التعارف وتكوين صداقات جديدة ( طيب مافي مواقع خاصة للحاجات دي)

الاعضاء الحردانين ... والمستقيلين ... هل كان الهدف من التواجد هو تكوين جمهور وبعدين ( تحرق قلوبهم ) حسرة على غيابك الغير مبرر اصلا

ولو زعلان من عضو او من اي شخص اخر ( المنتدى كله ذنبه شنو ؟)...
هل الانتماء لمنتدى يعتبرغاية ام وسيلة لاعلان الانتماء والولاء للمدينة؟


كل هذه اسئلة قد تجول بخاطر الغالبية , كما جالت بخاطري وارهقني التفكير فيها جدا ... اتمنى تساعدونا في حل هذه المشاكل وايجاد تفسير منطقي للظواهر دي


همسة : طبعا انا قااااااصدة ادي السيد الوالد العزيز الadmin خبر اني اترقيت عشان طالباه تعويض ولسه ما وصلني :p:p:p
دا نظام بجاملكم في السماية وما يجي نستناه يمكن يجاملنا لما نخش المدرسة :o:p:D

[مدنيّة]

ياملكة
بوست وهدفك منه نبيل وسامي
وتساؤلات منطقية

وربنا يهدي النفوس

ومبارك العضوية الفضية




همسة : ان شاء الله التعويض يصلك قريب :cool:

[ميادة]

تسلمي يا ملكة على الموضوع الهادف

وفعلا كل التساؤلات دي بتجول للواحد في راسو

ومبرووووك النجمة الخامسة وعقبال الماسي والادارة :eek::eek:

[محمد حسين (المميز)]

اصبحت عضو فضي !!!!:):)
][/FONT]


بختــك بقيتي زيي:p



---------------------------------



والله يا ملكه كلامك درر

خصووووووووووووصا ناس السغالات((مش الاستقالات))

بالجد انا اي زول اقرا ليهو بوست تقديم استقاله

بتغاظ منه غيـــــــــــــظ:mad:

شنو يعني عاوز تستقيل؟؟

عاوز تحنيس ولا عاوز تعرف شعبيتك في المنتدى؟؟

ولا يمكن عاوز تلفت الأنظــار:(



-----------------------------------------




عدد الأعضـــاء تخطى الالفيــن عضو

ولكن الاعضاء الحقيقيين المشاركين

لا اعتقد انهم يفوتو الخمسيـــن:o

أتمنى رؤية الجميــــــــــــــــــــع;)




كل الشكر اختنـــا الملكــه على الموضـــــوع

[الملكة اسماء ( ام محمد )]

ياملكة
بوست وهدفك منه نبيل وسامي
وتساؤلات منطقية

وربنا يهدي النفوس

اللهم امين يامدون ياراقية
لكن نبيل وسامي ديل منو ؟:confused::p


ومبارك العضوية الفضية
الله يبارك فيك يامدون يااااااخ
يباركوا ليك الفي نفسك قولي اااامين




همسة : ان شاء الله التعويض يصلك قريب :cool:

يصلني متين ؟
انا خايفة يجيني لما نخش الجامعة بعد كدا :p:p:p

[الملكة اسماء ( ام محمد )]

تسلمي يا ملكة على الموضوع الهادف



وفعلا كل التساؤلات دي بتجول للواحد في راسو

ونفسي الناس تقول ارائها لعل وعسى نطلع بنتيجة (من طربيزة :confused::confused: اقصد بوست الحوار دا ;))



ومبرووووك النجمة الخامسة وعقبال الماسي والادارة :eek::eek:



يابنتي ادارة منو ؟
انا مخططة اكون ......شخشيا ( هسي انا قلت admin):rolleyes::cool::D

الله يبارك فيك ياعسولة ونبارك ليك الفي مرادك قولي اااااااامين

[الملكة اسماء ( ام محمد )]

بختــك بقيتي زيي:p




---------------------------------

بالله انت برضو فضي ؟
والله ماشاء الله
تعرف ان كل الفضين حاليا اعضاء مميزين فعلا ( اتمنى اكون منهم)







خصوووصا ناس السغالات((مش الاستقالات))
تسمية رائعة جدا
يلا المرة الجاية بكتب سغالتي :confused::p



بالجد انا اي زول اقرا ليهو بوست تقديم استقاله


بتغاظ منه غيـــــــــــــظ:mad:
الله يستر مانتغاظ منك يوما ما :mad:


شنو يعني عاوز تستقيل؟؟


عاوز تحنيس ولا عاوز تعرف شعبيتك في المنتدى؟؟
بالضبط ...هذا المطلوب اثباته غالبا


ولا يمكن عاوز تلفت الأنظــار:(




احتمال وارد جدا








أتمنى رؤية الجميــــــــــــــــــــع;)
والله في منتديات المتواجدين ساااي بكون فوق الالف
غايتو
الله غالب







كل الشكر اختنـــا الملكــه على الموضـــــوع


شكرا لمرورك الاكثر من راقي ولكلام زي الورد

واتمنى ان تكون رسالتك وصلت ياسيدي :)

[ابوالنور]

عقبال الماسي يا رب

[علي النعيم محمد نور]

ملكة قلوبنا ( الهيمانة ) نشتاق ليك وإنت معانا. . .
لو أن الترقي بالتمني لاعطيتك (عضو دبلوماسي) . . .

[عمرالماحي]

والله صدقته يا ابو هاله


تحياتي ودالماحي

[الملكة اسماء ( ام محمد )]

عقبال الماسي يا رب

تسلم كتير ياذوق ياااخ
مع اني اطمح في اخذ ( مكتبك);)

يديك العافية ونشوفك مدير عام .......قول اااااامين

[tigani18]

مبارك لك النجمة (5) ومنتظرين يوم إشرافك

[صديق بلال]

تستاهلي يا ملكة القلوب على الترقية..

[الملكة اسماء ( ام محمد )]

ملكة قلوبنا ( الهيمانة ) نشتاق ليك وإنت معانا. . .
لو أن الترقي بالتمني لاعطيتك (عضو دبلوماسي) . . .


والله زي الاديتني ليه ياعمو علي

وربنا يبارك في عمرك ان شاء الله
ويديك العافية ونسمع بيك ...مشير :cool::cool:

[الملكة اسماء ( ام محمد )]

والله صدقته يا ابو هاله


تحياتي ودالماحي

تسلم كتير يا سيدي الفاضل
وعقبال ما ربنا يديك الفي مرادك


همسة : وياجماعة الموضوع الاساسي شنو ؟:(

[Jamal Elmahi]

ملكه وجمالا فريد ..
خلقوها زي ماتريد ..
وفي عيونا وضعو الريد ...وحاجات تانيه حامياني ...
تب ما قصرته معاك ...أكون طالبك تحليل ملاريا مجان ....وبالعدم بول هارسيا ...

مشاققه ...
تعرفي ياالملكه سعالاتك الكتيره وما مسيخه دي علاّ نجيب ليها الادمن ونحكّرو في البنبر الساخن وكل زول يجيب سكينو ...والجزار يملأ شبكتو ...

ود الماحي

[نبض السكون]

كلامك عين الصاح أختنا ملكة القلوب وياريت الناس تستوعب التساؤلات دي بشفافية وفي النهاية الغاية صادقة ونبيلة ... وتحياتي لكل الرائعين بهذا المنتدى وفي انتظاركم يلا ...

[الملكة اسماء ( ام محمد )]

مبارك لك النجمة (5) ومنتظرين يوم إشرافك

ياسلااااااااااااام عليك ياراقي
وربنا كدا يعليك ويخليك قول امين

ويلا بالله عايزين نشوف ابداع التيجاني
سمعت انك مبدع جدا
بس قلمك بخيل :p
في انتظار الجديد :)

[الملكة اسماء ( ام محمد )]

تستاهلي يا ملكة القلوب على الترقية..


تسلم كتير اخي العزيز وربنا يبلغك اعلى المراتب


وحيااااااااك في منتدانا

[ابوخالد]

ملكة الملكات لك كل التحيات

كلام فى الصميم ياريت الناس تفهم معنى الحروف

دى كلها ... وأقول ليك إنو النياشين والأوسمة مش

هى اللى بتصنع الإنسان بل العكس طبعآ .... وإنتى

بالذات مكانتك عن الجميع محفورة فى قلوبهم جوووة

هناك ... وما عايزة ليك دليل أكتر من لمتم حولك فى

أى زاوية بتكونى فيها ... وربنا ينعم عليك بالصحة دائمآ

يارررررررررررررررررررررررررررررررررررررررررررررب

ولك صادق ودى وإحتراماتى

أخوك / يوسف صالح على صالح (ود البيان)

[عمران حسن]

بسم الله الرحمن الرحيم

تحية اجلال واحترام للجميع


جاتني رسالة راقية

من صديق عزيز جدا

يهنئني لاني اصبحت عضو فضي !!!!:):)

بصراحة لا تعرفون مقدار سعادتي بعودتي لمرتبة الاعضاء الفضين :)


لم اندهش كثيرا لاني لم الاحظ وذلك لاني لا اكتب برغبة زيادة النجوم وتجديد اللقب بقدر حبي للتواجد في هذا المكان

ومنها جال بخاطري موضوع يحيرني كثيرا


ماذا يعني عضو جديد وترحيب وورود وتمنيات صادقة بابداع منتظر ؟
وفجاءة يختفي العضو الجديد في ظروف غامضة
هل الانتماء للمنتدى وتسجيل البيانات وبوست الترحيب نهاية لاهداف العضو الجديد؟!!!
هل يعتبر بوست الترحيب دافع للعضو ام نقطة توقف طويلة الامد ؟

يحزنني كثيرا الاعضاء الجدد والقدامى الذين يكتفون بالتصفح
فلماذا سجلتم بيانتكم ؟
لماذا كان لكم الحق في الغياب وتطالبون بحقكم في تفقدنا لكم وبعد ذلك ... حضور خجول؟
اين التكاتف من اجل الارتقاء بالمنتدى ؟

بعض الاعضاء الله يسامحهم
يكتبوا بوست طويل عريض
وتجي انت عضو بتحب تشارك وتدي الجميع دافع للمتابعة تكتب رد
ويجي تاني كم عضو بعدك يكتبوا ردودهم

فجاءة يذهب البوست للارشيف ويجي صاحب البوست زاااااااتو ينزل بوست جديد وما يعبر عن امتنانه للناس الردت ولا يحاول يبادلهم نفس الاهتمام , لكن اول ما يلاحظ انك ( ما اشتغلت بموضوعه الجديد ) يكتب ليه بوست ( يحتج ويعترض) ويتهم الاعضاء ( بالشللية)!!!!

عضو اخر يديك احساس بان الهدف الاساسي هو التعارف وتكوين صداقات جديدة ( طيب مافي مواقع خاصة للحاجات دي)

الاعضاء الحردانين ... والمستقيلين ... هل كان الهدف من التواجد هو تكوين جمهور وبعدين ( تحرق قلوبهم ) حسرة على غيابك الغير مبرر اصلا

ولو زعلان من عضو او من اي شخص اخر ( المنتدى كله ذنبه شنو ؟)...
هل الانتماء لمنتدى يعتبرغاية ام وسيلة لاعلان الانتماء والولاء للمدينة؟


كل هذه اسئلة قد تجول بخاطر الغالبية , كما جالت بخاطري وارهقني التفكير فيها جدا ... اتمنى تساعدونا في حل هذه المشاكل وايجاد تفسير منطقي للظواهر دي


همسة : طبعا انا قااااااصدة ادي السيد الوالد العزيز الadmin خبر اني اترقيت عشان طالباه تعويض ولسه ما وصلني :p:p:p
دا نظام بجاملكم في السماية وما يجي نستناه يمكن يجاملنا لما نخش المدرسة :o:p:d



















موفقه ان شاء الله و انت تستاهلين كل خير

كلماتك مرصعه بالياقوت

[الملكة اسماء ( ام محمد )]

تب ما قصرته معاك ...أكون طالبك تحليل ملاريا مجان ....وبالعدم بول هارسيا ...
:p:p:p
ياخي تبرا وتستبرا منهم الاتنين
وان شاء الله تجيني زيارة سااااي
او نفتتح معمل وانت ضيف الشرف :)

مشاققه ...
تعرفي ياالملكه سعالاتك الكتيره وما مسيخه دي علاّ نجيب ليها الادمن ونحكّرو في البنبر الساخن وكل زول يجيب سكينو ...والجزار يملأ شبكتو ...

ود الماحي

ما محتاجة قدر دا
الاعضاء عندهم الاجابات لكل الاسئلة دي وعادة بفضلوا انهم ما يناقشوا نقاط ضعف العضوية



والادمن شايلنوا للكبيرة ... راجياه الاسئلة الماخمج :o:o

[esmat]

بعض الاعضاء يتوارى خجلاً داخل اسم جديد بعد ان كان باسم معروف
المقصود يسجل العضو بإسم (معروف) لدينا وإذا حدثت بعض الامور معه
في المنتدي يدخل بشخصية ثانية ونظل نحن ننادي الاسم القديم والاغرب
ينادي معنا. هي حالات موجودة فقط دققي.

[الملكة اسماء ( ام محمد )]

كلامك عين الصاح أختنا ملكة القلوب وياريت الناس تستوعب التساؤلات دي بشفافية وفي النهاية الغاية صادقة ونبيلة ... وتحياتي لكل الرائعين بهذا المنتدى وفي انتظاركم يلا ...

ونحن في انتظار ابداع يخرج من خلف ستائر صمتك
وترددات سكونك المليئ بضجيج المفردة

سعيدة انا بانضمامك اخي للمنتدى واول المنتظرين في مقاعد مسرحنا العظيم لشي من انتاجك الخاص

دمت بالف خير

[الملكة اسماء ( ام محمد )]

... وأقول ليك إنو النياشين والأوسمة مش

هى اللى بتصنع الإنسان بل العكس طبعآ ....
اسطر تكفينا زاد لاعوام


بالذات مكانتك عن الجميع محفورة فى قلوبهم جوووة

اتمنى ان اكون بحجم هذه القلوب وبقدر هذه الثقة



... وربنا ينعم عليك بالصحة دائمآ
وعليك اخي العزيز



ولك صادق ودى وإحتراماتى



أخوك / يوسف صالح على صالح (ود البيان)


سعيدة جدا بحضورك الدائم والمثمر اخ يوسف ولي عظيم الشرف بمعرفة انك رجل منا
ولا اخفيك سرا بسعادتي بارائك المثمرة في جميع اقسام المنتدى
الله لا يحرمنا هكذا اقلام معطاءة
دمت بالف خير سيدي الفاضل

[الملكة اسماء ( ام محمد )]

موفقه ان شاء الله و انت تستاهلين كل خير




كلماتك مرصعه بالياقوت


وبعدد احرف الكتابة هنا اشكرك سيدي على هذا الاطراء
واتمنى ان اكون حقا لهذه الثقة
ومن السعداء بانضمامك وتواجدك معنا

دمت بالف خير سيدي