السودان بعيون عثمان جلالة

[عثمان جلالة]

أيها السادة الكرام .. تحية حب وشوق وود ... وسلام من الله عليكم أينما كنتم ،،، فأنا عبر هذا البوست أنقل فقط رؤيتي الشخصية والتي قد تلامس الحقيقة أو تخالفها .. ولكن تأكدوا أن الرأي الأخير هو رأيكم .. كما أن البوست وكاتبه ملكاً أصيلاً لكم.

ينفرد بالحق الحصري لـــ نشر هذا البوست:

1-منتديات ود مدني الحبيبة الأصل والذي تعلمنا من خلالها كيفية التعامل مع هذا العالم الاسفيري وترسيخ حب الوطن والجزيرة الخضراء.
2- منتديات أم تريبات الوليدة أم تريبات الأم وأم تريبات العطاء .. أم تريبات العزة والشموخ.

سأحاول سادتي في هذه النظرات أن أكون موضوعياً .. ومنطقياً وواقعياً .. وأتعشم أن تكون نظراتي هذه شاملة .. وملبية لطموحاتكم واستفساراتكم.
ختاماً ستكون هذه النظرات بعيدة عن أي تنظيرات .. مبنية على أحداث واقعية سأقوم فقط بسردها تاركاً لكم تحليلها ... وربما خرجت بين الفنية والأخرى أرائي الخاصة والمتواضعة ولكن قطعاً ليس بالشكل الذي يؤثر على ذكاء القارئ. مع العلم أن الفترة الزمنية لهذه التجربة قصيرة وتأتي في لمحات فقط ... كما أرجو أن تسامحوني في حال عجزت أن أعبر كما يجب أو صاحبت تعبيراتي بعض الأخطاء الإملائية.
******** تأتي هذه النظرات في حلقات ــ حسبما تقتضيه ظروف العمل ولكن أتمنى أن تكون بما يرضي تطلعاتكم.

لكم الود ،،،،

[عثمان جلالة]

1-عيون مندهشة خالص

كانت رحلتنا أنا وأم مشمش ومشمش ومنًه "قولوا ما شاء الله" :confused: من الرياض إلى دبي ومنها إلى الخرطوم عبر طيران الإتحاد ... أقلعت الطائرة من مطار الرياض وهبطنا بسلام في مطار دبي .. والتي نراها لأول مره .. "معليش بعد ده ح أقلب شعبي" :mad: لكن هو ما مطاااار السرور .. جنس زحمة وجنس خلق من كل أنحاء الدنيا .. ناس ماشه وناس جايه وناس لابسه هدوم وناس لابسه من غير هدوم "على قول عادل إمام":D سبحان الله دنيا غير الدنيا ده غير الناس الــ بتشرب في البيره الصااااااااقته .. والــ ما بعرفو شنو أحمر وأصفر وأخدر لكن أكيد "بخليك لط إلا خط" :eek:... بناتي يتجارن في الصالات وأمهم تحمر لي وأنا خايف من أنفلونزا الخنازير :p.... وياااااربي متين نشوف الخرتوم.:cool:

[عبدالرحمن مدثر]

لـيـــــــنـا واصــــل يـا حـنـيــــــن

وابـقـى واصل

الــدرب قـــدامــك أخـضـــر والوداد البينا واصل

والعيون الفى انتظارك شوقها زي مطر الفواصل

ما فى اروع من رسائل تحكي بي تحنان فصولا

ما فى أجـمــل مــن مـقـاطع انت بالأشواق تقولا

البـلــد مـنـتـظــره جـيـتـك فارده غاباتها وسهولا

والكـلـيــمــات الـتـطـمــن نحن منتظرين وصولا

[بدر الدين محمد]

أها واصل ..متابعين

[النور محمد يوسف]

أهلا بكاتبنا الوقور عثمان جلالة ...الحمد لله على سلامة الوصول

واثقون نحن من اثرائك لمنتدانا او منتدايينا خاصة وانت تسافر للمرة الاولى للسودان ومعك الاسرة الكريمة، اكيد سنرى عبر عينيك السودان لا كما يراه اي واحد اخر بغير اسرة وبغير قوة ملاحظة ودقة في التعبير ....

نتمنى ان تركز لنا طويلا على لحظة استقبال اخوتنا واخواتنا في منتدى ودمدني لك بالمطار مشكورين فقد كان ذلك مثار اعجاب الجميع ... وكان هناك بوست قامت به ام جمال ووقفت فيه ترد على كل اخوانك واخواتك المتداخلين جزاها الله خيرا يحكي تلك اللحظات فياريت تورينا فيهو بعضا من تعليقاتك على بعض المداخلات ...

الاديب عثمان يمكنك الرد هنا او هناك فالمداخلة في كلتا المنتديين ...كما تفضلت بحصرية بثك للبوست .

تسلم عثمان ونحن في الانتظار

[esmat]

"معليش بعد ح أقلب شعبي"

يا اخوي والله نحنا غير الشعبي دازااااتو ما بنفهم
بس الحمد لله القعدت لينا في الوااطة دي

وحمد الله على السلامة وطلب خاص (ركز لينا على انفلونزا الخنازير في مطار دبي دا ياخ)

[عثمان جلالة]

يا اخوي والله نحنا غير الشعبي دازااااتو ما بنفهم
بس الحمد لله القعدت لينا في الوااطة دي

وحمد الله على السلامة وطلب خاص (ركز لينا على انفلونزا الخنازير في مطار دبي دا ياخ)

عين على مطار دبي

"أستجابة خاصة للحبيب إسمت"

أتخيل معاي يا إسمت "وش العاقب بس" ـ تجي من مكان "أسكت هس ولا حس ولا نفس" وتنزل كده وبدون مقدمات تلقى كل شي معروض (الخير والشر) في مكان واحد وإنت صاحب الإختيار والجكس ده أسكت خليهو بس طالع من علبو ... وقيل طالع في الكفر جكس من كل أنحاء الدنيا ومن مختلف الثقافات.

قلته يا ولد أعمل جولة في المطار " وما تفهموني غلط " جولة تفقدية ليس إلا :(... قعدت البنات وأمهم في مكان مريح ... أول ما لفت إنتباهي .. التدخين عندو مكان محدد فقط ... مش على كيفك تدخن في أي مكان ... قلت أهو فرصة ندخل نشوف كيف إستراحات التدخين دي ... دخلت لقيت ليك مقدمة الصالة كلها نسوان يدخنن بشراهة ولى جوه الرجال ... وطوااالي قلت في سري أكيد إنو الناس ديل شفوا فكرة النسوان قدام والرجال ورا ... مننا في السودان لامن ظهرت موضة "المقاعد الأمامية للنساء" :eek:المهم .. ما علينا ... مافي زول شغال ليهو بى زول ناس ماشه بالزمن زي الساعة ووقتها محسوب بالدقيقة والثانية مافي ياااا اسمع يااااااا ولا قلت ليك ولا مستعجل مالك كدى اديها قعده. طلعت من مكان التدخين لقيت قدامي بااااار كاااامل الدسم ... لكن تحاشيت الدخول لأنو الشيطان شاطر ... وقلت ليهو في سري "أديني رضاك قدامي سفر":p
ملحوظة أخيرة : مطار دبي ناااار في الأسعار .. ونااار في الإنتظار .. "وبعدك نااار وقربك ناااار" ... وكلك على بعضك حلو.:o

[حاتم مرزوق]

اخير نتحكر باقي قصص جلالة دي دايره ليها مزاج

الف حمد لله علي سلامة الوصول ومستنيييييييييين.

[عثمان جلالة]

عين على مطار الخرطوم

هبطت طائرتنا بسلام ـــ أقصد بسلام شنو ؟؟؟ :eek::confused: والله عملت فينا العماااايل .. يسألني الله الطيارة دي كلها استفرغت "طرشت" ــ ما عدا أنا ومشمش :p.. والناس دي الخوفة الدخلت فيها ما مرقت ... ولحدي أسي أنا ما عارف السبب شنو ؟؟؟ كدى أتخيلوا معاااي .. الطيارة دي تجي نازلة شديد وتاني ترتفع بس طوطحانية الله يجازيهو الطيار ده بالله الغدا الركاب كلهم طلعوهو بى نخرينهم .. ولامن سألنا السبب شنو؟؟؟ قالوا رياح معاكسة !!! :confused:

المهم هبطت الطائرة بسلام بعد ما الناس إتجرست جرسة شديدة ... وحكمة الله في أرض الوطن الغالي .. لا لقينا هوا ولا يحزنون .. معقول نحن نكون مستهدفين حتى في هبوط الطائرااااات.:cool:

الحمد لله يا هو ده السودان .. وصل البص الذي يقلنا سريعا وركبنا جميعا .. والبص بصراحة ممتاز .. والتكييف ممتاز .. غايتو ده إحساسي لحظتها "ولا خوفه سااااي ما بعرف" :D ... في صالة الوصول " قبل كابينات الجوازت".. كانت الإضاءة ضعيفة للغاية ... والتكييف ضعيف .. ولكن سرعة موظفي شرطة الجوازات وعملهم بهمة ونشاط ساهم في الإسراع والانتقال لصالة استلام العفش وتفتيش الجمارك.

شكراً لشرطة جوازات مطار الخرطوم

تم كل شيء بسرعة إستلام العفش + التفتيش في سهولة ويسر ... شكرا لشرطة جمارك مطار الخرطوم.

وبالمناسبة ... يمكن يكون عدد الركاب الاجانب الــ كانوا معانا في الطيارة بالظبط يساوي نص عدد السودانيين

أهااااااااا بقت المشكلة وين ؟؟؟ في بوابة الخروج من صالة الجمارك ... بوابة صغيرة لا تتناسب وعدد الناس يمكن نحن قعدنا فيها 30 دقيقة بس عشان نطلع .. وده أكتر من الوقت الـــ قعدناهو من نزلنا من الطيارة ــ وده السبب الأساسي الخلاني أتأخر على الناس الرائعين المنتظرين برااااا ... مع خالص شكري وتقديري وإعتذاري لهم.
علقت على ضيق المطار عموماً .. وتمنيت في حديث لأخي محمد جاد الله أن يكون الشكل أجمل خاصة وأن عدد الأجانب الذين يدخلون للسودان في تزايد ... فقال لي أن المطار الجديد على وشك الانتهاء .. وسيكون مطار عالمي وحديث الناس ... آآآآآمين.;)

[ميادة]

ياخ انت زول منقة والله

اها واااااااااااااصل ومتابعين

وحمدلله ع السلامة مره تانية

[tigani18]

أخي عثمان ,,,, حمدا لله على سلامتك مرة أخرى وفي إنتظار تفاصيل أكثر مللاً
همسة : بث ماتتأخر علينا عشان الخلعة ماتطوووووووووول

[ابراهيم]

قلته يا ولد أعمل جولة في المطار " وما تفهموني غلط " جولة تفقدية ليس إلا :(... قعدت البنات وأمهم في مكان مريح ... أول ما لفت إنتباهي .. التدخين عندو مكان محدد فقط ... مش على كيفك تدخن في أي مكان ... قلت أهو فرصة ندخل نشوف كيف إستراحات التدخين دي ... دخلت لقيت ليك مقدمة الصالة كلها نسوان يدخنن بشراهة ولى جوه الرجال ... وطوااالي قلت في سري أكيد إنو الناس ديل شفوا فكرة النسوان قدام والرجال ورا ... مننا في السودان لامن ظهرت موضة "المقاعد الأمامية للنساء" :eek:المهم .. ما علينا ... مافي زول شغال ليهو بى زول ناس ماشه بالزمن زي الساعة ووقتها محسوب بالدقيقة والثانية مافي ياااا اسمع يااااااا ولا قلت ليك ولا مستعجل مالك كدى اديها قعده. طلعت من مكان التدخين لقيت قدامي بااااار كاااامل الدسم ... لكن تحاشيت الدخول لأنو الشيطان شاطر ... وقلت ليهو في سري "أديني رضاك قدامي سفر":p
ملحوظة أخيرة : مطار دبي ناااار في الأسعار .. ونااار في الإنتظار .. "وبعدك نااار وقربك ناااار" ... وكلك على بعضك حلو.:o



يا جلالة مشتاقين والله
وبركة الجيت طيب يا حبيب
وكلك على بعضك حلو
بوست بي نكهة عبد الحليم حافظ وحاجات تانية حامياني
المهم واصل وما تشحتفنا

[moh_alnour]

الحبيب عثمان جلالة فردة جناحي اليمين بالمعاش :eek:
ألف حمدا ً لله على سلامة العودة و إن شاء الله و جدت الجميع بخير و عافية
نورت وشرفت المنتدى و الله بطلتك البهية و المُحببة للجميع
مشاققة : أيامك و الله ، شايف الجماعة أستقبلوك بالكيتا التقول فائز ببطولة دروي الأبطال ولا بطولة سيكافا ;)



وقلت ليهو في سري " أديني رضاك قدامي سفر " :p

الشيطان برضو الشاطر يا جلالة و لا أم مشمش ومنة الله الطلعت أشطر من شياطين دبي ;)

[okasha]

الرائع دوما


صاحب العطاء المتدفق والابداعات المتفردة لهذا المنتدى حمدا لله على السلامة وطلتك بالدنيا


واشتقنا بالجد لكتاباتك المتميزة

ومتواصلين معاك

يلا يا فنان

[بت الشبارقه]

عين على مطار الخرطوم

هبطت طائرتنا بسلام ـــ أقصد بسلام شنو ؟؟؟ :eek::confused: والله عملت فينا العماااايل .. يسألني الله الطيارة دي كلها استفرغت "طرشت" ــ ما عدا أنا ومشمش :p.. والناس دي الخوفة الدخلت فيها ما مرقت ... ولحدي أسي أنا ما عارف السبب شنو ؟؟؟ كدى أتخيلوا معاااي .. الطيارة دي تجي نازلة شديد وتاني ترتفع بس طوطحانية الله يجازيهو الطيار ده بالله الغدا الركاب كلهم طلعوهو بى نخرينهم .. ولامن سألنا السبب شنو؟؟؟ قالوا رياح معاكسة !!! :confused:

البركه البقت ريح ما لحقتكم الطايره اليمنيه
المهم هبطت الطائرة بسلام بعد ما الناس إتجرست جرسة شديدة ... وحكمة الله في أرض الوطن الغالي .. لا لقينا هوا ولا يحزنون .. معقول نحن نكون مستهدفين حتى في هبوط الطائرااااات.:cool:

الف حمد شكر ليك يا ربي وسلامه نزولكم دي براها كرامه
الحمد لله يا هو ده السودان .. وصل البص الذي يقلنا سريعا وركبنا جميعا .. والبص بصراحة ممتاز .. والتكييف ممتاز .. غايتو ده إحساسي لحظتها "ولا خوفه سااااي ما بعرف" :d ...
في صالة الوصول " قبل كابينات الجوازت".. كانت الإضاءة ضعيفة للغاية ... والتكييف ضعيف .. ولكن سرعة موظفي شرطة الجوازات وعملهم بهمة ونشاط ساهم في الإسراع والانتقال لصالة استلام العفش وتفتيش الجمارك.البركه الماجيت بالنهار اكنت شفت الجمارك وخدماتهم كويس

شكراً لشرطة جوازات مطار الخرطوم
وشكرا ليك كمان للتنوير ده انشاء الله نلقى القيتو

تم كل شيء بسرعة إستلام العفش + التفتيش في سهولة ويسر ... شكرا لشرطة جمارك مطار الخرطوم.
انت والله مشتاق للبلد ساي ياخ نحن نزلنا السودان من سنتين السير وقف الشنط جات دافرا واحد من العمال داخل مع السير بتاع العفش
وبالمناسبة ... يمكن يكون عدد الركاب الاجانب الــ كانوا معانا في الطيارة بالظبط يساوي نص عدد السودانيين

أهااااااااا بقت المشكلة وين ؟؟؟ في بوابة الخروج من صالة الجمارك ... بوابة صغيرة لا تتناسب وعدد الناس يمكن نحن قعدنا فيها 30 دقيقة بس عشان نطلع .. وده أكتر من الوقت الـــ قعدناهو من نزلنا من الطيارة ــ وده السبب الأساسي الخلاني أتأخر على الناس الرائعين المنتظرين برااااا ... مع خالص شكري وتقديري وإعتذاري لهم.
علقت على ضيق المطار عموماً .. وتمنيت في حديث لأخي محمد جاد الله أن يكون الشكل أجمل خاصة وأن عدد الأجانب الذين يدخلون للسودان في تزايد ... فقال لي أن المطار الجديد على وشك الانتهاء .. وسيكون مطار عالمي وحديث الناس ... آآآآآمين.;) دي عليها اامن واامن واااااامن ميه مره يارب نكون بمستوى المطارات ولو الصغيره الاحسن من مطارنا

الف حمدلله علي السلامه ولو من امتريبات عليك الله بلغ سلامي لي ناس الملكه والمهدي ود الشول وناس كتااااااااااار عزاز علي فيها ماشفتهم بس سمعت عنهم كل خير

[ابوالنور]

ود العم اها ديك يا الصنقيرة لحدي ما يندهونا حتين نقوم

[محمد حسين (المميز)]

والله انت الروعه زااااااااااتها يا عثمان

بالله بالتفصيل الممل

ونحن معاك في البوست ده لمن نكتسح

بوست نيمة العاقب:D:d

[عبدالله محمد العقاد]

الرائع ابوعفان

حمد لله على السلامة
و منتظرين أن نرى السودان من خلالك بس يار يت توضح ياتو عيون ، عيون زول ( متوهط ) و لا عيون زول ضيف يعني خمس دقائق بس

[عبدالمنعم الصديق(خدرا)]

1-عيون مندهشة خالص

كانت رحلتنا أنا وأم مشمش ومشمش ومنًه "قولوا ما شاء الله" :confused: من الرياض إلى دبي ومنها إلى الخرطوم عبر طيران الإتحاد ... أقلعت الطائرة من مطار الرياض وهبطنا بسلام في مطار دبي .. والتي نراها لأول مره .. "معليش بعد ده ح أقلب شعبي" :mad: لكن هو ما مطاااار السرور .. جنس زحمة وجنس خلق من كل أنحاء الدنيا .. ناس ماشه وناس جايه وناس لابسه هدوم وناس لابسه من غير هدوم "على قول عادل إمام":d سبحان الله دنيا غير الدنيا ده غير الناس الــ بتشرب في البيره الصااااااااقته .. والــ ما بعرفو شنو أحمر وأصفر وأخدر لكن أكيد "بخليك لط إلا خط" :eek:... بناتي يتجارن في الصالات وأمهم تحمر لي وأنا خايف من أنفلونزا الخنازير :p.... وياااااربي متين نشوف الخرتوم.:cool:
جلاله الرائع
حمدلله على السلامه
عشان كده ناس دبى قاعدين يقولوا لينا انتو مامغتربين
انا هسى فهمت يادوووووب معنى كلامهم

[zoolfrda]

أيها السادة الكرام .. تحية حب وشوق وود ... وسلام من الله عليكم أينما كنتم ،،، فأنا عبر هذا البوست أنقل فقط رؤيتي الشخصية والتي قد تلامس الحقيقة أو تخالفها .. ولكن تأكدوا أن الرأي الأخير هو رأيكم .. كما أن البوست وكاتبه ملكاً أصيلاً لكم.

ينفرد بالحق الحصري لـــ نشر هذا البوست:

1-منتديات ود مدني الحبيبة الأصل والذي تعلمنا من خلالها كيفية التعامل مع هذا العالم الاسفيري وترسيخ حب الوطن والجزيرة الخضراء.
2- منتديات أم تريبات الوليدة أم تريبات الأم وأم تريبات العطاء .. أم تريبات العزة والشموخ.

سأحاول سادتي في هذه النظرات أن أكون موضوعياً .. ومنطقياً وواقعياً .. وأتعشم أن تكون نظراتي هذه شاملة .. وملبية لطموحاتكم واستفساراتكم.
ختاماً ستكون هذه النظرات بعيدة عن أي تنظيرات .. مبنية على أحداث واقعية سأقوم فقط بسردها تاركاً لكم تحليلها ... وربما خرجت بين الفنية والأخرى أرائي الخاصة والمتواضعة ولكن قطعاً ليس بالشكل الذي يؤثر على ذكاء القارئ. مع العلم أن الفترة الزمنية لهذه التجربة قصيرة وتأتي في لمحات فقط ... كما أرجو أن تسامحوني في حال عجزت أن أعبر كما يجب أو صاحبت تعبيراتي بعض الأخطاء الإملائية.
******** تأتي هذه النظرات في حلقات ــ حسبما تقتضيه ظروف العمل ولكن أتمنى أن تكون بما يرضي تطلعاتكم.

لكم الود ،،،،


صاحب الجلالة عثمان جلالة

ألف حمدا لله على السلامة يا رائع

ومنتظرين باقي الحلقات المثيرة

[نزار حسن محمد]

ود جلاله بركه يابوى الماجيت على جهة البار كان فضيحة ود المطامير بقت بجلاجل:confused:

[رضا حسن محمد]

يا ود جلالة
تعال اشتغل معنا فى الابحاث التسويقية
وصاف وصف
ولاحاظ جنس ملاحظة
حمد لله الف على السلامة
ما جبت لى معاك لبة
انا بجيب معاى فسيخ
شفت بالله الجكس فى دبى
لا حولا
انا لغاية حسة امطق

[عثمان جلالة]

آه يا ليل الغربة .. آه لو تدري ما أعني
وماذا يعني .. خوفي .. شوقي

أدري .. أنك لا تدري
أدري .. أني مقتول يمشي في الأسواق
أدري أني عار .. الأثواب
وأظل أغطي .. في خجل عوراتي
فأعجز .. حتى لا أعرف وجهي في المرآة
وأردد .. أظل أردد في بحة صوت ... اغنيتي المهترئة
ويرد الصوت الساخر .. أني .. لا أعرف صوتي

يهزأ مني قلمي ... يخنقني
وأظل أحاول في عزم ... ظني

ماذا لو ؟؟؟ يفرح وطني
ماذا لو ؟؟؟ يتصافح أهل الطيبة في وطني
ماذا لو ؟؟ نرجع نحن هناك إلى وطني
ونترك هذي الغربة ... والمدن الشمطاء
ونجلس في فرح ... في النيل
لنرسم ... خرطة .. وننسج خطة
ويسكت هذا الريح الممعن ... وتعود تعود رياح الامطار

كل هذا الألم والحنين والانين المنثور اعلاه في إحدى محاولاتي الشعرية خففه هؤلاء وطببوا جراحي لهم مني الشكر والتقدير فــ كم أعتز بمعرفتهم وكم اعتز بمنتديات ود مدني هذا الصرح الشامخ الذي عرفني بهم ... نعم أنهم نجوم ذات بريق خاص أضاءت بهو إنتظار المسافرين في مطار الخرطوم.

بدر الدين محمد
مدنية "أم جمال"
ود المدثر
وداد
عكاشه
أبو عمرو
سامية "مريم الأخرى"
تيسير
" إعتذر بشده إذا نسيت زول ... وليه الحق يجي يعاتبني بشده في هذا البوست وإعذروني أخوكم مطشش شويه" :D

ومن هاتف ومن اعتذر ومن كان متابعا بالإحساس فقط ... كان إنتظارهم بهياً وبهيجاً أنسانا أنا وأفراد أسرتي الصغيرة تعب السفر والغربة وخوف الهبوط المرعب في مطار الخرطوم نعم إستقبلونا بالإبتسامات وبالتهاني بسلامة الوصول ... "وعلي الطلاق بالتلاته" كان عندي خروف ود الجعلي ... كان ضبحتو ليهم في المطار .. لأنهم يستاهلو كل الخير .. كتر خيركم كتير وبارك الله فيكم .. غايتو الواحد غير إشاكلكم ما بقدر على جزاكم بس

كما أشكر أخواني محمد .. ومعز وعابد والذين كانوا أيضاً في معية المستقبلين .. يعني الواحد وبصراحة كده حسه إنو مهم ... وأريتا كان الإنتخابات بدت .. كان طواااالي رشحته نفسي لــ رئاسة الإتحاد العام .. تقول لي سيكااااااااااااااافا يا ود النور ... كان عندي الرغبة وأنا طالع من المطاااار أطلع راسي برا العربية أو من خلال فتحة الرؤساء والقواد .. وأنا شايل علم السودان وعلم منتديات ود مدني .. وأنا بهتف الكااااس الكااااس شلناهو خلااااااس.:p


ياتوما من وجعى العنيد
هل ازهرت شجرة حديد
هل غابت الشمس الحبيبة
ومال غصن ضلك وحيد
هل عفرت لوحة هواى
فى البحث عن سكة خطاك
خيل الجوى
اشرت ليك شان ترفعى
الباقى الفضل منى وتحتي
من عصبى النوى
وتعيدى لى بعض الوسامة
فى لون غناى
بعض الدسامة
وتطلعى

بنية شفيفة خفيفة
ذي طبق الكلام الدغري
كان غلطت اظنو
عشان تكفكف ضلها المشرور علي كيفنو
محبوس اليقين في شورة
عدمت الشكك في انو
ودرنا النهار في منو
او من كتير الغنو
شالت ضيقها في ريقها
وختت في نوافذ طرحتها
الزول البيشبه قولو
من عطن الضرورة
بكل ما الصدف احدسنو
ومارقة يا بنية وبشيش
فيكي الخدر
يرعاك الله ويحفظك
يا بنية وسختي النفس بالخضرة
كيف الدبارة اذا العصافير
قدمتك: اتفضلي واستني ظنك
مخجلة
ومخلوقة من فكرة حنينك
للبعيد
للمافي بالموجود
ما فضلت سواي بلدات عشان
افتح صلاتك للورود
لايوقة انتي ولا الحنين في فكرتك مرهق

اتوهطت دمى المفصد...وصنقرت...
مهمومة تغزل فى الملامح الجاية
للوطن العصب
اتوسطت..
حلم الجدارات البتشهق
من هجير الحاجة
والزمن الكعب..
ومضت تركب حيلا
فى عضمى المسوس
بالتعب!!!"شكرا عثمان بشرى"

[عثمان جلالة]

لـيـــــــنـا واصــــل يـا حـنـيــــــن



ود المدثر يا أصيل ... يااااااااخ إنت حنين يمشي على قدمين يااااخ ... إن شاء الله يوم شكرك ما يجي "وش عصمت بس" :p

[عثمان جلالة]

أها واصل ..متابعين

أستاذنا بدر الدين .. كتر خيرك .. شنو من ديك وعيك :confused::eek::D

[عثمان جلالة]

أهلا بكاتبنا

الاديب عثمان يمكنك الرد هنا او هناك فالمداخلة في كلتا المنتديين ...كما تفضلت بحصرية بثك للبوست .

تسلم عثمان ونحن في الانتظار

النور .. تحياتي وشكراً على الإهتمام بخصوص الردود :D أنا عارف مع زحمة الشغل .. دي الحاجة الوحيده القاعد تشيل ليها هم لأنك زول واجب .. لكن ليك علي .. كلهم أرد عليهم لأنهم يستاهلو كل الخير .. وإنت عليك الله ما تقصر كان قصرت ظروفي معاهم :p:D

[عثمان جلالة]

يا اخوي والله نحنا غير الشعبي دازااااتو ما بنفهم
بس الحمد لله القعدت لينا في الوااطة دي

وحمد الله على السلامة وطلب خاص (ركز لينا على انفلونزا الخنازير في مطار دبي دا ياخ)

إسمت يااااااا .... "وش بت من بنات مطار دبي ياااخ" :D أن شاء الله أكون ركزت ليك كما يجب :p;)

[بدر الدين محمد]

أستاذنا بدر الدين .. كتر خيرك .. شنو من ديك وعيك :confused::eek::d

كان مفترض نلتقى الاربعاء ولكن الحكومتين الانا في حوشهم اصروا على لخبطة البرنامج عندهم سماية الاولى وديتها الصباح والتانية وديتها الساعة 5 ومشيت اجتماع الجمعية التشكيلية .. ودايما الاربعاء يوم صعب

ولكن الحي بلاقي

[عثمان جلالة]

اخير نتحكر باقي قصص جلالة دي دايره ليها مزاج

الف حمد لله علي سلامة الوصول ومستنيييييييييين.

حاتم ود المرزوق .. أين أنت يا رجل ..عارفك هميم بالوطن وحال البلد .. لكن نقول شنو !!! ربك يهون القواسي .. منوًر البوست

[عثمان جلالة]

ياخ انت زول منقة والله

اها واااااااااااااصل ومتابعين

وحمدلله ع السلامة مره تانية

لا يا مياده !!! دخولك للبوست ده هو الخلاهو منقه وبالحليب كمااااااان :p عارفه مشكلة المنقه الوحيدة في الدنيا دي رغم إنها حلوه شنو ؟؟؟؟ ... "لونها أصفر" هههههههههه :p:D

[عثمان جلالة]

أخي عثمان ,,,, حمدا لله على سلامتك مرة أخرى وفي إنتظار تفاصيل أكثر مللاً
همسة : بث ماتتأخر علينا عشان الخلعة ماتطوووووووووول

تجاااااني ... تبرا يا يابا إنت وتستبرا من الخلعة .. وأكيد ما ح أتأخر ما دام فيها دور خلعة ونطيت عيون :p:D

[عثمان جلالة]

يا جلالة مشتاقين والله
وبركة الجيت طيب يا حبيب
وكلك على بعضك حلو
بوست بي نكهة عبد الحليم حافظ وحاجات تانية حامياني
المهم واصل وما تشحتفنا

برهووووته يااااا والله مشتاقين ... خليك متابع بس .. والله كلما أتذكر سخانة السودان .. أقول بختو إبراهيم ضااااربه طحنية وصقت ;):D براااااكم بالتلج دا :p:mad:...

[esmat]

إسمت يااااااا .... "وش بت من بنات مطار دبي ياااخ" :d أن شاء الله أكون ركزت ليك كما يجب :p;)


حاشاك انت من التقصير يايابا لكن كنت بدورك تخش
لي جوة محل منعوك دا تجيب لينا وش وشين الدنيا
تجارب وشوش -

[عصمت الصادق حماد]

عثمان جلاله يا رايع
نقول حمداً لله على السلامه
وإن شاء الله البلد ترحبيك
مسعول من الخير يا أخوي أنت نازل وين مع ناس أبوك ولا مع ناس (مهدي) جزيرة الفيل
أه يا زول عاوزين يوميات بالتفصل وبالسرد الرائع ده ودحين كده يا أخوي نحن باقي لينا كم ونرجع لبلدنا؟!!

[صديق بلال]

الله... يا أستاذ عثمان.. والله زمن... وحشتنا يا راجل ... المهم نفسك معانا في إبداعاتك...

[صلاح ودالطاهر]

عاد تشحتف فينا ساي زي شحتفتك
ربنا يجمعك بالفي بالي الف حمدا علي السلامه

[عزيز عيسى]

حبيبنا عثمان جلالة ياخي واحشنا وألف حمد الله على السلامة.
والله حظك قالوا إستقبلوك في المطار وجابوا ليك (الكيتة)..
وحملوك على سيارة (همر)..
أخوك لما مشى السودان قابلوني أخواني وأخواتي وبس..
وكمان إيه رأيك كنت راكب في سيارة (هايس) ولا هايص
ماعارف لغاية الصحافة غرب وحلفت يمين إلا أركب في الخلف
وأطلع راسي بالشباك قلت أشم الهمبريب لأني مشتاق لهواء
السودان.
أها إن شاء الله جبت لي معاك هدية من الجزيرة مركوب
أو جلابية أو عراقي أو عمة أو حتى طاقية؟!!

[عثمان جلالة]

الحبيب عثمان جلالة فردة جناحي اليمين بالمعاش :eek:
ألف حمدا ً لله على سلامة العودة و إن شاء الله و جدت الجميع بخير و عافية
نورت وشرفت المنتدى و الله بطلتك البهية و المُحببة للجميع
مشاققة : أيامك و الله ، شايف الجماعة أستقبلوك بالكيتا التقول فائز ببطولة دروي الأبطال ولا بطولة سيكافا ;)



الشيطان برضو الشاطر يا جلالة و لا أم مشمش ومنة الله الطلعت أشطر من شياطين دبي ;)


ود الجاك العريس يوم 09/09/2009 قرًب صاااح؟؟؟:p وبعدين فردة جناحك التاني ود العم ابو النور .. برضو من عندنا :D

وبيني وبينك شاطره الـــ ممشياك على العجين ما قادر تلخبطو ... ترفع في مواعيد العرس على كيفها :D ضابحين ليك البتاعة من أسي:eek::p;)

[عثمان جلالة]

الرائع دوما


صاحب العطاء المتدفق والابداعات المتفردة لهذا المنتدى حمدا لله على السلامة وطلتك بالدنيا


واشتقنا بالجد لكتاباتك المتميزة

ومتواصلين معاك

يلا يا فنان


عكاشة .. والله الواحد كان ودو يقعد معاك وقت طويل يشوف البيك والعليك ... لكن فرصة قادمة .. على الأقل تكون اتخرجت من الجامعة وفااااضي لـ سكت الشغل والمعاينات والشماااارات :p:D

[عثمان جلالة]

الف حمدلله علي السلامه ولو من امتريبات عليك الله بلغ سلامي لي ناس الملكه والمهدي ود الشول وناس كتااااااااااار عزاز علي فيها ماشفتهم بس سمعت عنهم كل خير

سلامك وصل تب يا بت الشبارقة .. طالما أنك من الشبارقة معناها بتنا .... وبت اهلنا .. تعرفي قرابينا منو في الشبارقة ؟؟

دفعتي د. شذى ياسين ومقيمة معانا هنا في الرياض ... كتر خيرك وتحياتي لكل الاهل بالشبارقة

[عثمان جلالة]

ود العم اها ديك يا الصنقيرة لحدي ما يندهونا حتين نقوم

ود العم الغالي .. أسكت سااااي .. زيارتي ليك وشرابنا للجبنه حقت ادروب .. والجولة القمنا بيها في مدني داير ليها بوست برااااهو أصبر لي جااااايك

[عثمان جلالة]

والله انت الروعه زااااااااااتها يا عثمان

بالله بالتفصيل الممل

ونحن معاك في البوست ده لمن نكتسح

بوست نيمة العاقب:d:d

المميز يااااا مميز دايما .. كيفك يا رجل ؟؟

نيمه شنو؟؟ العاقب قاطعا من راسو .. كلامنا في البوست ده كلو حقائق تقول لي نيمة :d:)

[عثمان جلالة]

الرائع ابوعفان

حمد لله على السلامة
و منتظرين أن نرى السودان من خلالك بس يار يت توضح ياتو عيون ، عيون زول ( متوهط ) و لا عيون زول ضيف يعني خمس دقائق بس

ود العقاد .. والله مشتاقين .. تعرف أكتر واحد خايف من مراقبته لي في البوست دا إنت :p لأنو عارفك ما بتمشي أي حاجه سااااي:D عيوني دي يا أخوي عيون ضيف بس ولابس نظارات كمان ;)

[عثمان جلالة]

جلاله الرائع
حمدلله على السلامه
عشان كده ناس دبى قاعدين يقولوا لينا انتو مامغتربين
انا هسى فهمت يادوووووب معنى كلامهم

عبد المعنم إنت شفت حاجه .. أسكت ساااي والحالة دي ما دخلت الباااار !!! :D

نحن يااااااا خوي متغربين بس:cool:

[عثمان جلالة]

صاحب الجلالة عثمان جلالة

ألف حمدا لله على السلامة يا رائع

ومنتظرين باقي الحلقات المثيرة

الزول الفرده والمتفردة وينك يا رجل .. والله مشتاقين .. وبركة الشفنا كرسيك الـ بتهوزز دا .. كان على الضبانة دي هينة :p:D

[عثمان جلالة]

ود جلاله بركه يابوى الماجيت على جهة البار كان فضيحة ود المطامير بقت بجلاجل:confused:

هي يا أبو البنات .. لكن والله شغلكم في دبي ناااار بس .. أنا خفت أدخل البار ..ألقاك إنت ولا ود المطامير .. :D وما كنت خايف من عزومتكم لي في البار لكن كنت خايف تحكم معاااكم تحلفوا طلااااااااق أخلي الطيارة تفوتني :p:confused::D;)

[صابرحسين]

ألف حمداً لله على السلامة أخونا الرائع / عثمان جلالة

[عثمان جلالة]

يا ود جلالة
تعال اشتغل معنا فى الابحاث التسويقية
وصاف وصف
ولاحاظ جنس ملاحظة
حمد لله الف على السلامة
ما جبت لى معاك لبة
انا بجيب معاى فسيخ
شفت بالله الجكس فى دبى
لا حولا
انا لغاية حسة امطق

يا ود حسن .. لبا شنو؟؟ ديل خلو فيها لبا ؟؟ والله ديل فقدونا المنطق عديل كده ،،،، رايك شنو نمشي دبي سوا .. بس ما تكلم زول لا بت دبلوك ولا أم مشمش ... نزار أخوك دا ما تكلمو كويس :p:D

[عثمان جلالة]

كان مفترض نلتقى الاربعاء ولكن الحكومتين الانا في حوشهم اصروا على لخبطة البرنامج عندهم سماية الاولى وديتها الصباح والتانية وديتها الساعة 5 ومشيت اجتماع الجمعية التشكيلية .. ودايما الاربعاء يوم صعب

ولكن الحي بلاقي

:eek::confused::D:D:D:D:p;)

هههههههه والله عفيت منك آآآ الأسد النتر .. لينا بى حالك يا يااابا .... قالو أي زول يجي ياخد منك الشوره في العرس للمره التانية بتقول ليهو أوعك ثم أوعك صحي؟؟؟ :D:D:D:D

[عثمان جلالة]

حاشاك انت من التقصير يايابا لكن كنت بدورك تخش
لي جوة محل منعوك دا تجيب لينا وش وشين الدنيا
تجارب وشوش -

:p;):D:):confused::p:D

[عثمان جلالة]

عثمان جلاله يا رايع
نقول حمداً لله على السلامه
وإن شاء الله البلد ترحبيك
مسعول من الخير يا أخوي أنت نازل وين مع ناس أبوك ولا مع ناس (مهدي) جزيرة الفيل
أه يا زول عاوزين يوميات بالتفصل وبالسرد الرائع ده ودحين كده يا أخوي نحن باقي لينا كم ونرجع لبلدنا؟!!


عصمت كيفنك .. هو أنا لقيت وقت أنزل ولا أطلع .. مشيه مس كول بس .. خليك متابع بالتفصل الممل .. كتر خيرك

[عثمان جلالة]

الله... يا أستاذ عثمان.. والله زمن... وحشتنا يا راجل ... المهم نفسك معانا في إبداعاتك...


صديق الحبيب .. ما تفش وحش يا رااجل .. ليك علي أي حاجة بالتفصيل :)

[عثمان جلالة]

عاد تشحتف فينا ساي زي شحتفتك
ربنا يجمعك بالفي بالي الف حمدا علي السلامه

عااااد يا ود الطاهر المشحتف الله عالم بيهو :d:)

آآآآآآآآآآآآآآآآآآآآمين يا ود الطاهر .... أحسن دعوة في البوست ده تصدق :d:d:d

[بنت الرفاعي]

اخوي عثمان كان في السودان ؟؟؟؟:eek:
وكمان إستقبلوه في المطار؟؟؟؟ نهائي مافي زول كلمني ؟؟؟؟:confused::eek::o:(
الكلام ليك يا.......:D;):p:rolleyes::p

عموما ألف حمدالله على السلامة وواصل نحن في الإنتظار.:)

[عثمان جلالة]

حبيبنا عثمان جلالة ياخي واحشنا وألف حمد الله على السلامة.
والله حظك قالوا إستقبلوك في المطار وجابوا ليك (الكيتة)..
وحملوك على سيارة (همر)..
أخوك لما مشى السودان قابلوني أخواني وأخواتي وبس..
وكمان إيه رأيك كنت راكب في سيارة (هايس) ولا هايص
ماعارف لغاية الصحافة غرب وحلفت يمين إلا أركب في الخلف
وأطلع راسي بالشباك قلت أشم الهمبريب لأني مشتاق لهواء
السودان.
أها إن شاء الله جبت لي معاك هدية من الجزيرة مركوب
أو جلابية أو عراقي أو عمة أو حتى طاقية؟!!

الخواجة عزيز والله مشتاقين .. كيف اخباركم بالله والعصابة :p

كيتة شنو؟؟؟ يعميني ما شفت كيته :p.. لكن وجودهم في استقبالي كان ليهو بريق خاص كتر خيرهم ... بعدين أنا جبت معاااي خيرات السودان كلها حتى حاجات رمضان كمان .. رسل لي فيزا زيارة بس وأنا أوصلها ليكم لحدي البيت :p:rolleyes::D

[عثمان جلالة]

ألف حمداً لله على السلامة أخونا الرائع / عثمان جلالة


الله يبارك فيك مستشارنا صابر .. لكن يا صابر حال مدني ما بــ سر أبداً .. بجيها بى رواقه

[هيثم ادروب]

حمد الله علي السلامة
حبيبنا عثمان جلالة
وربنا يديم الخوة بين جميع افراد المنتدي
فقط خوة بلا مقابل
ودي واحتراماتي

[عثمان جلالة]

عين على الخرطوم

ويا خرطوم شن شبا وقلبك؟؟؟!!! .. يا خرطوم أزمني الـ سلبك!!!! .. فالخرطوم ليست هي الخرطوم التي غادرتها قبل 3 سنوات هنالك طفرة كبيرة في البنية التحية "كلام الاقتصاديين":eek: تعرفت بصعوبة على شارع أفريقيا .. وتعرفت بصعوبة على شارع "عبيد ختم" "بعضهم يقلب الميم فاء .. في تسميته للشارع هههههههه:D.. جسور وأنفاق .. وكباري .. وعمارات بنكهة شرقية وأخرى بنكهة غربية .. وبنيان بمزاج قرنفلي .. ومزاج أفريقي .. ومزاج متوتر "بنيان يوترك عديل كده" ويحسسك بالضآلة والروحان :mad: ... تلقى نفسك بتسأل نفسك ... يا ربي أنا وين "على قول أبو النور" ... أو السؤال التقليدي .. "الناس دي بتجيب القروش من وين" وأنا هنا لا أعني المواطنين فقط .. بل أعني المواطنين والدولة معاً ... يعني أصلو ما من المنطق إنو الناس تكون بتفتش في حق الملاح .. وناس عاطلة عن العمل بتفتش لى وظائف .. وناس بين يوم وليلة لقت نفسها بدون فاصل في النص ... المعنى يعني يا تبقى مع الناااااس الفوووووووووق يااااا تبقى مع الناس التحت .. نص نص مافي ... ولون رمادي مافي .. ياااا أبيض يااااا أسود ... والخرطوم زيها زي دبي نااااااااااار في الأسعار ... ناااااااااار في نص النهااااار ونااااااااار في لبس البناااااات الـــ بودي الناااااااااار.
نعم هنالك قفزه كبيرة ... ولكنها على حساب الإنسان ... كل شي قاعد يكبر ويتضاءل مع كبره .... الإنسان .. فتضيع الكثير الكثير من القيم والمبادئ والأخلاق.
فـــ شخره في كل شيء .. فــ شخره في الفاضي والمليان .. بدون أساس ولا تخطيط كلنا مع نهضة البلد والمدينة .. لكن نهضة على حساب الإنسان !!!؟؟؟ وبين كل شارعين من شوارع الخرطوم بتلقى منظمة !!!!! وأكثر هذه المنظمات للأطفال فاقدي النسب !!! أطفال خرجوا لهذه الدنيا لــ يجدوا أنفسهم بدون أب أو أم .. مرميين في كوشه أو خور !!!
سؤال محيرني جداً ... هل من خلال الملخص السريع ده نقدر نقول إننا تطورنا ؟؟؟
عفواً لم تكتمل "عيني" على الخرطوم ... سأعاود الحديث عنها لاحقا ... لأنو أنا ماشي أشوف أمي "الله يديها الصحة" مااااشي الجزيرة الخير .. ود مدني الحبيبة .. أم تريبات أمي.

[ايمن عبد الله]

حمداً لله على السلامة اخونا عثمان ..

[عثمان جلالة]

اخوي عثمان كان في السودان ؟؟؟؟:eek:
وكمان إستقبلوه في المطار؟؟؟؟ نهائي مافي زول كلمني ؟؟؟؟:confused::eek::o:(
الكلام ليك يا.......:D;):p:rolleyes::p

عموما ألف حمدالله على السلامة وواصل نحن في الإنتظار.:)

دكتوره مرام ... تحياااتي يااخ .. كان الواحد نفسو منا عينو يشوفك كده بالروب الأبيض :p لكن معليش الجايات أكتر من الرايحات خباراتك شنو ؟؟ .. ووينها خيتك التانيه ؟؟ تحياتي لكم جميعا .. :p عليك النبي أعملي لينا أشعة فوق الــ بنفسجيه للبوست دا شوفيهو مالو :D

[عثمان جلالة]

حمد الله علي السلامة
حبيبنا عثمان جلالة
وربنا يديم الخوة بين جميع افراد المنتدي
فقط خوة بلا مقابل
ودي واحتراماتي

أدروب .. تحياتي والله .. الجامعة بى هناك في النيمة قالوااا الروب من أسئلتك .. لك ودي .. ومزيدا من التألق يااااخ .. وما دام ناس المريخ خذلونا .. اتألقوا للينا إنتو .. لأنو فيكم البركة :p;)

[عثمان جلالة]

حمداً لله على السلامة اخونا عثمان ..

ياااااااااا أبوها والله مشتاقين .... وكيف أخبارك والأسرة الكريمة ... وكيف الــ البنوته .. أوعك تعرسها للعاقب .. في داعي تضيع مستقبل البت :p

[عثمان جلالة]

عين على الجزيرة ... ود مدني .. أم تريبات

اعترضت وبشده على فكرة ذهابنا لأم تريبات بـــ عربية محمد أخوي وفضلت الذهاب بالبصات السفرية حتى أكون أكثر إلماماً بالجديد .. الميناء البري مزدحم جداً .. والدخول إليه بتذاكر زادت قيمتها وأصبحت 1500 جنيه "بالقديم" للفرد الواحد .. وهي القيمة التي يدفعها الناس منذ افتتاحه .. مبرر هذه القيمة .. تحديث الخدمات وتوسيع المبنى لـ راحة المسافرين .. لكني لم ألاحظ أي تجديد أو توسع .. عموماً الشكل العام للميناء البري أفضل مما كان عليه أيام السوق الشعبي ... وأهو برضو تقدم.

ركبنا البص المتوجه لــ ود مدني .. البص مريح ومكيف وخدماتو ممتازه .. لكن نصحت نفسي بعدم النظر من خارج نافذة البص .. لأن منظر شارع الخرطوم مدني لا يسر وقد يخيفك .. ما زال هذا الشارع .. يخدم هذا العدد الهائل من المركبات وهو على حاله وشكا من الإهمال والتردي .. والحفر التي حفظها السائقين عن ظهر قلب ... وحمدا لله ظهرت اللوحة "إبتسم أنت في مدني" .. طبعا ابتسمت .. وأنا أقدر ما أبتسم ... نزلنا من البص وأنا محتفظ بالابتسامة .. بعد شويه إضطريت أسحبها .. السوق الشعبي لم يتغير مدني كلها لم تتغير ما عدا شارع واحد فقط ... معقولة بس ؟؟؟!!!! .. نهضة هائلة في الخرطوم ومكانك سر في مدني؟؟؟!!! .. علما بأن ما يفصل بين المدينتين ... ساعتين ونص بالسيارة فقط المعنى يعني النهضة دي مركزيه فقط .. ولا يمكن عشان من المفترض أي ولاية تنهض عمرانيا واقتصاديا بى مواردها الذاتية !!! .. يمكن .. ومشروعنا الكان مشبع السودان كلو راح شمار في مرقه ؟؟؟ ... والله المفروض السودان كلو بى كل ولاياتو وحكوماتو المركزية والـ غير مركزية .. يشيل من الـ عندو ويدي ناس الجزيرة .. لأنها هي الــ ربتهم وكبرتهم .. زي أبوك وأمك في بيتكم ... يعلموك ويكبروك .. وبعدين تجازيهم .. مش مفروض كده لو في ناااااااس بتحس !!!!:cool:

تحركنا وفي نفسي هذه الحسرة قاصدين أم تريبات .. وكانت رحلة قصيرة وميسرة جداً مع شارع الظلط الجديد ... أم تريبات الحبيبة .. وصلناها بعد صلاة العصر .. هذه القرية الهانئة الوادعة ... وأجمل ما في الموضوع بالإضافة للشارع المسفلت .. إنو الــ كهربا كانت شغااااااااااالة ... والــ عرفتو في السودان .. إنو دا واحد من أهم الأسئلة للاطمئنان على الأحوال ... "إن شاء الله كويسين وكهربتكم شغااااااااااله".:eek::D

[esmat]

عين على الجزيرة
هذا المقطع من الحديث والحكي الذي كنا
ننتظره بخوف ننتظره وفي النفس شيء من
الشوق واللهفة وطعم من مرارة لأن الواقع اليم
مشكور جلالة متابعين ومبتسمين (لا ادري لما الابتسامة
التي انستنى انفلونزا دبي) (وش ما جادي كلو كلو)

[ابراهيم]

برهووووته يااااا والله مشتاقين ... خليك متابع بس .. والله كلما أتذكر سخانة السودان .. أقول بختو إبراهيم ضااااربه طحنية وصقت ;):d براااااكم بالتلج دا :p:mad:...


اليومين دي ضاربنها شعيرية وسخانة ومطرة يا جلالة ..؟؟
وعد فات زمن السقوط والرجفي واللون البياض:d


يا زول متابعين ومستمتعين

[عثمان جلالة]

عين .. فخر وإعزاز ... وديل أهلي

استقبلتنا أم تريبات كلها بالابتسامات والتهاني بسلامة الوصول ... وطبعا كنا مضطرين عشان نعدي بوابة البيت .. لازم نتطفر "الخروف المضبوح" نتطفر دي للحناكيش المعانا هنا يعني نعدي فوق الخروف المضبوح بالرجل اليمين :)... وطبعاً مشمش ومنه دخلوا في حالة هستيرية من البكا والخوف ... خروف ودم !!! .. وناااااااااس كتاااار وأي واحد داير يشيل ويسلم .. وحقيقة العز أهل.

ولم أستطع سادتي أن أجد الفرصة حتى لتغيير ملابسي .. الأهل كبار وصغار نسوان ورجال يجوك باللهفة والشوق .. والمحبة .. كتر خيرهم أهل العزة والكرامة والجود ... بعد أن صلينا المغرب .. وأنا بى نفس ملابسي ديك .. قلت يا ولد تقوم تاخد ليك دش ما دام الناس خفو شويه ... كان الكهربا قطعت :confused:!!! .. يعني من جينا السودان الجماعة ما قصرو واستقبلونا بى حفاوة في المطار .. وبى حفاوة في أم تريبات .. مستكترة علينا يا سيدتي الكهربا .. حفاوة يوم ؟؟؟ أهاااااااا أختا الدش دااااك في الضلام .. وأكلنا الخروف في الضلام .. وكتر خيرك يا الكهربا :mad:..

لأن السفرية كانت مرهقة جداً .. الرياض .. دبي .. دبي الخرطوم .. مع فترة توقف في مطار دبي لــ 4 ساعات .. لم أستطع النوم ليوم كامل .. وقلت أحسن ما دام الكهربا قاطعة الواحد ينوم ليهو نومة كااااربة ... وبكرة صباحاتها بيض .. رغم إنو كا في مناسبة عرس "عبد الرحمن ود الجد" أحد شباب الحلة .. كانت حفلة حنتو الأولى .. يعني الواحد بكره ممكن يقيف معاهو في الحنة التانية .. تسرب النوم إلى عيني على أهازيج الفرح والغناء بــ عريسنا عبد الرحمن .. والزواج عندنا له طعم خاص .. بحضور كل الأهل والحبوبات وكل واحد بعبر عن فرحتو بأقصى ما يملك.

وفي أثناء نومي .. صحيت مفزوعاً على صوت الكواريك ... أول حاجه قلت يمكن يكون الشباب في الحفلة عملوا ليهم برنامج .. وبضحكو .. بعد شويه سمعت كواريك النااااااااار النااااار .. يا ساتر تستر .. ناااار شنو ؟؟

لأنو ستنا الكهربا قطعت .. الشباب كانو مضطرين لاستخدام "رتينة تعمل بالغااااز" عشان يحننو العريس وعشان يعشو الضيوف .. حصل تسريب في الأنبوبة .. وانفجرت أنبوبة الغاز داخل بيت العريس ... والحمد لله لم تكن هنالك إصابات ولكن الضرر في البيت كان كبير ... وقامت الحلة عن بكرة أبيها وطفوا الناااار ... شباب ما شاء الله .. وبلد ما شاء الله تلقاهم قدامك في الخير والشر ... قلنا للعريس سلامه والحمد لله مافي زول أتحرق والباقي هين ..

عدت للبيت مهموما وحزينا ... وعزمت أنو بكره أقوم من صباح الرحمن أقيف مع الناس في إصلاح ما حرقته النااار....

صحيت بدري .. ومشيت على طول .. ولم أستطع تصديق ما رأته عيناي .. البيت مكتمل وجاهز حتى بى أثاثو ومبيض .. بس الناس منتظرين ينشف البياض عشان اللون فقط .. تصدقوا !!!! وأي شاب من شباب الحلة بعمل في حاجه الـ بجيب في الطوب والـ بجيب في الرملة .. والـ بركب في الباب .. والـ بركب في الشباك .. والـ بدخل في الدولاب والكراسي والسراير أجمل وأكبر نفير أشوفو في حياتي ولوحة تاريخية للتكافل وحقيقة يا أخوان .. المصائب بتوريك معادن الناس .. الناس قالوها لحظة الحريق "العرس ح يمشي حسب برنامجو المقرر" .. وقد كان ....

مجتمع مثال للتكافل ومثال للترابط ومثال للإخاء .. ومثال للكرم والشهامة .. التحية لهم جميعا .. التحية لأم تريبات ومجتمعها الذي يضرب مثلاً نادرا في هذا الزمان عن كيف يكون التعايش وكيف يكون العطاء ... وغصبا عني فاضت عيوني بالدموع .. فقد إنقلب الحزن والهم في ساعات فقط ... إلى فرح غامر .. وسعادة بالغة .. وكان أجمل عرس أحضرو في حياتي ... وديل أهلي شكرا للمصائب .. شكرا للمواقف .. شكرا لــ شعب أم تريبات

[esmat]

مع فترة توقف في مطار دبي لــ 4 ساعات

هي لكن دي الساعات ولا بلاش


عين .. فخر وإعزاز ... وديل أهلي

ومن حقك ان تفخر بهم ومن حقنا ان نفرح لتكافلهم ديل اهلي

[moh_alnour]

يبدو أن الفارق سيتمدد ليصبح أكبر من الساعتين التي تفصل مدني المدينة الثانية
عن الخرطوم العاصمة القومية و المدينة الأولى
و يبدو أن الصورة ما زالت قاتمة فحال ود مدني لا يسر عدو ولا صديق
تحياتي جلالة وتحياتي لأهل الجزيرة الذين لم تعريهم عوامل الحضارة و المدنية من قيمهم الطيبة
و لا زلنا نحلم بغد أفضل و برؤية بوست يحكي التطور و التقدم في عروس المدائن

[nehroo]

عثمان جلالة
الحمد لله على السلامة
بوستك بروعتك .. أنا لسه ما تميته
لكن حسيت أني عايز أعلق ..
وبجيك راجع لأستمتع بحلاوة البوست.

[أبوعمرو]

أخي جلالة
أولا: حمد لله الف عي سلامة الوصول الي أم تريبات.
ثانياً: والله كان بودنا حضور اللقاء .. لكن لظروف تم الغياب قسرا
ثالثا: انشاء الله الاجازة تكون سعيدة
تخـــــــريمة: من يوم حكاية الاستقبال والبدله والنظارات و(الشحم) علي قول مدنية بقيت شايفك كيف كيف

[معز عبد المنعم]

حمدا على السلامة يا شيخ عثمان وودمدني نورت بيكم و ليه ما كلمتنا كنا سلمنا عليك و لاقيناك في مطار دبي ومنتظرينك في العودة انشاء الله

[ابوخالد]

الرائع الفنان / عثمان جلالة

حمدآ لله على العودة .. بس شد حيلك معانا شوية

نحنا لسة فى المشية يااااااااااااااااااااااااادوب .. وبداية

الإجازة .... لسة المشوار طويل .... والمدير شايل عكاذ عديل

وواقف لينا ... أصلو الناس ديل أتقول أبوى موصيهم ( ليكم اللحم ولينا العضم)

عجل لينا شوية كان نلحق نبل شوقنا ... وشحتافت الروح دى تروح مننا .

ولك الود أجزله

[عثمان جلالة]

عين على الجزيرة
هذا المقطع من الحديث والحكي الذي كنا
ننتظره بخوف ننتظره وفي النفس شيء من
الشوق واللهفة وطعم من مرارة لأن الواقع اليم
مشكور جلالة متابعين ومبتسمين (لا ادري لما الابتسامة
التي انستنى انفلونزا دبي) (وش ما جادي كلو كلو)

:D:D:D:D:D

إسمت منور البوست يااااااااخ

والله حال الجزيرة عموم ما بسر لكن العشم في الجااااي .. ده كان جااا :cool:

[عثمان جلالة]

اليومين دي ضاربنها شعيرية وسخانة ومطرة يا جلالة ..؟؟
وعد فات زمن السقوط والرجفي واللون البياض:d


يا زول متابعين ومستمتعين

ما دام ضاربين الشعيرية .. معاناها فضل ليكم الـ عقد بس :D:D:D

كتر خيرك ... تتابعك مرتك يا يابا قول آآآآآمين:p;)

[عثمان جلالة]

هي لكن دي الساعات ولا بلاش



ومن حقك ان تفخر بهم ومن حقنا ان نفرح لتكافلهم ديل اهلي

تعرف يا إسمت بعد ما أستقر شوية ح أعزمكم إنت ورضا حسن .. نعمل خروج وعوده .. ونمشي دبي بالعربية كمان رأيك شنو ؟؟ :p

كتر خيرك يا سيد الناس .. بالحليل صدقت أهلك .. ديل أهل السودان .. سودان العزة والكرامة.

[عثمان جلالة]

يبدو أن الفارق سيتمدد ليصبح أكبر من الساعتين التي تفصل مدني المدينة الثانية
عن الخرطوم العاصمة القومية و المدينة الأولى
و يبدو أن الصورة ما زالت قاتمة فحال ود مدني لا يسر عدو ولا صديق
تحياتي جلالة وتحياتي لأهل الجزيرة الذين لم تعريهم عوامل الحضارة و المدنية من قيمهم الطيبة
و لا زلنا نحلم بغد أفضل و برؤية بوست يحكي التطور و التقدم في عروس المدائن


والله يا ود الجاك .. موقف داير ليهو بوستات .. وبوستات .. موقف نادر .. وده أكبر دليل على إنو ناس الجزيرة بى خير ... رغم الظروف .. ونحن معاك في الحلم .. عروس المدائن ترجع لمكانها الطليعي والطبيعي.

[عثمان جلالة]

عثمان جلالة
الحمد لله على السلامة
بوستك بروعتك .. أنا لسه ما تميته
لكن حسيت أني عايز أعلق ..
وبجيك راجع لأستمتع بحلاوة البوست.

ناس الشرقية .. تحياتي .. إنت الروعة يا نهرو بى ذاتها وصفاتها .. وعليك الله خليك متابع .. البوست ده عشان رأيك مهم :p

[عثمان جلالة]

أخي جلالة
أولا: حمد لله الف عي سلامة الوصول الي أم تريبات.
ثانياً: والله كان بودنا حضور اللقاء .. لكن لظروف تم الغياب قسرا
ثالثا: انشاء الله الاجازة تكون سعيدة
تخـــــــريمة: من يوم حكاية الاستقبال والبدله والنظارات و(الشحم) علي قول مدنية بقيت شايفك كيف كيف

:D:D:D:D:D:D:D

والله نفس الشعور يا أبو عمرو تصدق :confused::eek: من يوم لقيتك راكب الــ مرسيدس الـ ما خمج .... :p

والله كان الود الواحد يقعد معاك زمن طويل .. أمتع نفسي بالدهشة .. يا زول يا جميل يا حكااااااااااي .. لك الود،،،:p

[عثمان جلالة]

حمدا على السلامة يا شيخ عثمان وودمدني نورت بيكم و ليه ما كلمتنا كنا سلمنا عليك و لاقيناك في مطار دبي ومنتظرينك في العودة انشاء الله

معليش .. يا معز .. والله هي كانت زيارة سريعة وكان ح نتشرف بى شوفتك ومعرفتك .. وكتر خيرك كتير .... وأبقوا عشرة على دبي وناس دبي :p

[هيثم ادروب]

شكرا للمواقف ..
شكرا لــ شعب أم تريبات


وشكراً عثمان جلالة ..

البلد لسة بخير ..

[عثمان جلالة]

الرائع الفنان / عثمان جلالة

حمدآ لله على العودة .. بس شد حيلك معانا شوية

نحنا لسة فى المشية يااااااااااااااااااااااااادوب .. وبداية

الإجازة .... لسة المشوار طويل .... والمدير شايل عكاذ عديل

وواقف لينا ... أصلو الناس ديل أتقول أبوى موصيهم ( ليكم اللحم ولينا العضم)

عجل لينا شوية كان نلحق نبل شوقنا ... وشحتافت الروح دى تروح مننا .

ولك الود أجزله


أبو خالد .. كيفنك آآآآ الخزين .. هي صبراً يبل الآبري مافي :p طبعا أخوك بعد جا من الإجازة .. لقيت الشغل كتير .. يعني كل ما ألقى فرقه بكتب .. وجااااااييك آآآ عشا البايتات .. جااااييك .. تسلم يا غالي :p

[العاقب مصباح]

والله تبارك الله
رحلة جميلة ياخ وسافرنا معاك
ولما وصلنا دبى خلينا عصمت هناك
لانو قال عايز يغير مهنته من مستغرب لى مغترب
سعيدين بى الطلة
وبى ام تريبات
وشارع الخرطوم مدنى
ومطار الخرطوم
وناس دبى
وبى الخروف الاتطفرته
وبى حفلة الحنة
ياخى سعيدين بى أى شئ

[عثمان جلالة]

عين على مدينة ود مدني وحاجات تانية حامياني

خمسة أيام بلياليها قضيتها بأم تريبات الحبيبة .. حاولت فيها قدر الإمكان زيارة الناس ومواصلتهم في أفراحهم وأتراحهم.

بعدين بقيت على إجراءات الرجعة للسعودية + زيارة الأحباء من منتديات ود مدني والمتواجدين بست المدائن.

صحيت بدري ... يا مدني جاك زول .. ركبت مع واحد بتاع أمجاد من أولاد حي أركويت بـ مدني .. أنا وهو بس .. سألتو أها يا اخوي مدني كيف ؟؟؟ قال لي والله الحال في حاله لكن الوالي الجديد مبشر بالخير .. قلت ليهو كيف؟؟
قال لي أول حاجه عملها الوالي .. جا متنكر لـ مستشفى مدني .. وفي البوابة سأل من سعر تذاكر الدخول .. قالوا ليهو 2000 جنيه .. قال ليهم الــ زادها منو ما كانت 1000 جنيه .. قالو ليهو زادتها حكومة الولاية .. قال ليهم نادو لي مدير المستشفى .. معاكم والي ولاية الجزيرة .. طبعا الجماعة كبكبه شديده .. وجا مدير المستشفى ... قام الوالي سأل ليهو مره داخله المستشفى قال ليها : مناسب معاكم بى كم تدخلوا المستشفى ؟؟ قالت ليهو 500 جنيه بس .. قام طواااالي الوالي قال للمدير تكون تذاكر دخول المستشفى 500 جنيه بس ... طبعا أنا فرحت فرح غامر وقلت الحمد لله :mad:.. وتذكرت على طول الخلفاء الراشدين عمر بن الخطاب وعمر بن عبد العزيز .... طوااااااااااالي أول وصلنا في مدني وجينا جنب المستشفى قلت ليهو بس نزلني هناااا.:confused:

طواااااااااالي يا باب المستشفى جاك زول .. السلام عليكم .. للماسك التذاكر
قال لي : وعليكم السلام .. قلت ليهو أديني تذكره بالله بى كم ؟؟
قال لي : بى 2000 جنيه .. قلت ليهو مش غيروها لى 500 جنيه
عمك قلع مني القروش وأداني التذكرة .. وهو ينظر لي شذراً وكأنو أنا جااااي من كوكب تااااني !!!!:mad::o

قلت أدخل سريع أشوف المستشفى ... لقيتها ليك وللأسف عبارة عن مكب كبير للنفايات بلد ما فيها اهتمام بالصحة .. يهتمو فيها بى شنو؟؟؟ صناعة الطيارة يعني .. عجبي
طوااااااااالي من دربي دااااك .. ويا المغتربين جاااااااك زول .. والتحية ليهم ناس المغتربين في مدني سرعة غير عادية في الإجراءات .. وتساهل مع الناس وتخفيضات حسب المبلغ الـ عندك .. بى صراحة يستاهلو تحية واحترام.
أول ما إنتهيت طوااااالي إتصلت على ود العم "أبو النور" ... أسمع نتلاقى وين ؟؟ قال لي في القهوة الـ جنب جامع الصائم ديمه
وصلت القهوة تب ... وقلت أسي يجيني ود عمي أبو النور بى طاقيتو ديك الـ ما بتغباني
بعد شويه أشوف ليك واحد لا بس أفرنجي ونظارات .. لكن وحاتكم ياهو أبو النور .. إتسالمنا وحق الله بق الله .. قال لي : أول حاجه نشرب لينا قهوة من أدروب ده وبعدين نشوف الحاصل ... قلت ليهو تمام ... شربنا الجبنة ديك وبى مزاج .. طواااالي بعدها يا شارع الدكاتره جووك كواهلة هههه .. بالمناسبة شارع الدكاتره فيهو تحسن كبير .. مشينا يا الحبان على محل النت حق أبو النور .. ما شاء الله .. وعيني بارده .. محل تمام موقعو ممتاز .. قعدنا شويه .. وأنا اتصفحت في النت شويه .. أهاااااااااا نسيت ما أقول ليكم ما لاقينا التيمان .. قابضهم بتاع المرور .. ناس لذيذين وظريفين ظرافة شديدة .. وبرضو كمان لا قينا عضو المنتدى عمر الماحي ... طواااااااالي من محل أبو النور وعلى بكرى الــ قراي مان .. بكري DHL الراجل أصلو ما قصر فتح لينا مكتبو قعدنا .. بعدها أبو النور استأذن لأنو عندو مشوار للخرطوم ... قمنا أنا وبكري إتصلنا على ود الخواض وقلنا ليهو نتقابل في "مدرسة ذوي الاحتياجات الخاصة" ومشينا هناك .. ما شاء الله يا أخوان مجهود مقدر من كل واحد ساهم في المدرسة دي .. وشغل تمام وفرق كبير بين ما كانت عليهو .. والشكل الجديد .. وأنا من هنا بطلب من الجميع المساهمة في إنجاح هذا العمل الخيري الكبير .. وبشد على يد كل من بذل من وقته وماله وجهده في هذا المجهود الرائع بحق وحقيقة ... بعدها أنا وبكري .. قلنا نزور حمدتو لكن للأسف كان مسافر للخرطوم .. وبعدها جااااااااانا فاكهة المنتدى وصفحة ود مدني هذا الصباح الرائع ود الصول .. كانت جلسة جميلة ورائعة في ود مدني الحبيبة.:p

ملاحظااااااااااات عامة:
• السكة حديد .. "شليل وين راح أكلو التمساح
• مشروع الجزيرة اسم بدون وجود .. وموظفين بدون رواتب
• السوق الشعبي .. قالو دايرين يعملوهو مينا بري
• مستشفى ود مدني .. معاناة فوق حد الوصف
• الشوارع .. حفر شديده وإهمال ... وكلهن بقن إتجاه واحد
• ود مدني .. الحال في حاله .. بس شارع واحد الـ بستاهل
• الناس في مدني .. لسه في الطيبة والمحنة وبذل الغالي والنفيس من اجل التقدم والرقي بالمدينة وإنسانها .. لسه إنسان مدني والجزيرة بخير
• الوالي الجديد ... آماااال عراااض .. وبكره أحلى

[عثمان جلالة]

وشكراً عثمان جلالة ..

البلد لسة بخير ..


والله لسه بخير يااااااا أدروب

همسه

الليلة عاااااااد إحلكم الحلا بله من التكاااااااااسه ديل :p;)

[عثمان جلالة]

والله تبارك الله
رحلة جميلة ياخ وسافرنا معاك
ولما وصلنا دبى خلينا عصمت هناك
لانو قال عايز يغير مهنته من مستغرب لى مغترب
سعيدين بى الطلة
وبى ام تريبات
وشارع الخرطوم مدنى
ومطار الخرطوم
وناس دبى
وبى الخروف الاتطفرته
وبى حفلة الحنة
ياخى سعيدين بى أى شئ


سعيد شنو ؟؟؟ يا أخي انا الأسعد والله .. عندك بوست كاااارب بى هناااك داير أفضى ليهو شويه بس عندي فيهو كلام كتير

ليك علي المشيه الجايه معانا .. معانا .. والمره الجايه .. البار ذاتو بندخلو ههههههه :p;)

[esmat]

ملاحظااااااااااات عامة:
• السكة حديد .. "شليل وين راح أكلو التمساح
• مشروع الجزيرة اسم بدون وجود .. وموظفين بدون رواتب
• السوق الشعبي .. قالو دايرين يعملوهو مينا بري
• مستشفى ود مدني .. معاناة فوق حد الوصف
• الشوارع .. حفر شديده وإهمال ... وكلهن بقن إتجاه واحد
• ود مدني .. الحال في حاله .. بس شارع واحد الـ بستاهل
• الناس في مدني .. لسه في الطيبة والمحنة وبذل الغالي والنفيس من اجل التقدم والرقي بالمدينة وإنسانها .. لسه إنسان مدني والجزيرة بخير
• الوالي الجديد ... آماااال عراااض .. وبكره أحلى

دي كلللها ملاحظات عامة
ربنا اكون في العون يارب

[عثمان جلالة]

دي كلللها ملاحظات عامة
ربنا اكون في العون يارب


ده يا عصمت غير التعليم الـ ماشي في تدهور .. وغلاء الأسعار .. وأي حاجه تمشي تجيبها من البقالة يدوك ليها في كيس ورق :p:eek::confused: كان فول مصري بدوك ليهو في كيس ورق

والطماطم عدم ماااااااااااااافي .. السلطة خضرا بس .. يعني نادر نادر تلقى طماطم .. لأنو نحن مشينا في شهر "هس" .. شهر سته ما بتسأل فيهو عن اي حاجه .. أي حاجه بقولو ليك هس .. أوعك تسأل :p:cool:

[nehroo]

أخي عثمان جلالة ...
قلت لي قالوا 500 لقيتها 2000
تعرف من زمن عبد الوهاب عبد الرؤوف والبعده كلهم
ناس مدني كلما يجيهم مسئول جديد يقولوا ليك
مشى الملجة ولقى الخضار وقال ليهم شنو
ومشى السوق لقى شنو .. ويجوهوا المساكين يديهم
وتسمع شي وتلقى غيره ومدني للخلف دور
وآمالنا عراض من زماااااااااان ...

[أمير عبداللطيف]

ونتابع يا رائع ،،،،،

[مايسة]

الاخ عثمان جلاله

اولا حمدلله على السلامة

استمتعت كتير وانا بقرأ رحلتك الطويلة من السعودية- مطار دبي - الخرطوم لام تريبات

لكن في مطار دبي - ضحكتني كتير :d;)

ومنور المنتدي بوجودك والله

[محمد حسين (المميز)]

الراااااااااااائع عثمان جلالـــه

ياخي والله سفّـرتنا معاك عديــــــــــل:)

الله يديك العافيــه






.. قال ليهم نادو لي مدير المستشفى .. معاكم والي ولاية الجزيرة .. طبعا الجماعة كبكبه شديده .. وجا مدير المستشفى ... قام الوالي سأل ليهو مره داخله المستشفى قال ليها : مناسب معاكم بى كم تدخلوا المستشفى ؟؟ قالت ليهو 500 جنيه بس .. قام طواااالي الوالي قال للمدير تكون تذاكر دخول المستشفى 500 جنيه بس ...



انت يا عثمــان اخوي

ما سمعت غنيـة سميره سعيــد البتقول

كل دي إشــاعات:mad:






ملاحظااااااااااات عامة:
• السكة حديد .. "شليل وين راح أكلو التمساح
• مشروع الجزيرة اسم بدون وجود .. وموظفين بدون رواتب
• السوق الشعبي .. قالو دايرين يعملوهو مينا بري
• مستشفى ود مدني .. معاناة فوق حد الوصف
• الشوارع .. حفر شديده وإهمال ... وكلهن بقن إتجاه واحد
• ود مدني .. الحال في حاله .. بس شارع واحد الـ بستاهل


طيب الفضــّـــل شنـــو:(

الله يجــــــازي اللي كــــان السبب:mad:




• الناس في مدني .. لسه في الطيبة والمحنة وبذل الغالي والنفيس من اجل التقدم والرقي بالمدينة وإنسانها .. لسه إنسان مدني والجزيرة بخير
• الوالي الجديد ... آماااال عراااض .. وبكره أحلى


طيب الحمدللــــه الله يطمنك:)

لسـّــه في أمـــل;)

[محمد حسين (المميز)]

ونتابع يا رائع ،،،،،




يا سعـــادتو والله مشتــاقين:)

[ابراهيم]

والطماطم عدم ماااااااااااااافي .. السلطة خضرا بس .. يعني نادر نادر تلقى طماطم .. لأنو نحن مشينا في شهر "هس" .. شهر سته ما بتسأل فيهو عن اي حاجه .. أي حاجه بقولو ليك هس .. أوعك تسأل :p:cool:


ههههههههههه والله يا جلالة انا غايتو ضحكت جنس ضحك في شهر "هس" دة
يعني عامل زي اغسطس:confused:
الشهر الما فوقو طماطم دة يكون هلالابي :D

الله يكون في العون

[ودالبدوي]

العزيز عثمان

انا اول مره اقراء مواضيعك وبصراحه ونعم الرجل
وهى قصه جميله جدا

ولك تحياتى

[عثمان جلالة]

أخي عثمان جلالة ...
قلت لي قالوا 500 لقيتها 2000
تعرف من زمن عبد الوهاب عبد الرؤوف والبعده كلهم
ناس مدني كلما يجيهم مسئول جديد يقولوا ليك
مشى الملجة ولقى الخضار وقال ليهم شنو
ومشى السوق لقى شنو .. ويجوهوا المساكين يديهم
وتسمع شي وتلقى غيره ومدني للخلف دور
وآمالنا عراض من زماااااااااان ...

نهرو يا غالي ... الناس بى باااقي الأمل ... بتتمسك بى قشه ... حكاوي للناس عشان تثبت أملهم .. وطموحهم يجي واحد بـ عدل احد العمرين يعيد الأمور لـ نصابها .. وبكره احلى :rolleyes::p

[عثمان جلالة]

ونتابع يا رائع ،،،،،

سعاتو أمير الامير ... لسه ح نزين البوست ده بالجلسة المميزة معاك .. معليش حاولت أصلك في مكتبك .. لكن الله ما أراد ..

همسة:

لازم سودااانا يكون بخير طالما إنت وبقية الرائعين فيهو

لك الود‘‘‘‘‘‘‘

[عثمان جلالة]

الاخ عثمان جلاله

اولا حمدلله على السلامة

استمتعت كتير وانا بقرأ رحلتك الطويلة من السعودية- مطار دبي - الخرطوم لام تريبات

لكن في مطار دبي - ضحكتني كتير :d;)

ومنور المنتدي بوجودك والله

والله يا مايسه الشوق بحر ،،، وكتر خيرك على المتابعة .. والمنتدى زايد نور بــ وجودكم فيهو ..كتر خيرك يا ست البنات :p:)

[عثمان جلالة]

الراااااااااااائع عثمان جلالـــه

ياخي والله سفّـرتنا معاك عديــــــــــل:)

الله يديك العافيــه




انت يا عثمــان اخوي

ما سمعت غنيـة سميره سعيــد البتقول

كل دي إشــاعات:mad:






طيب الفضــّـــل شنـــو:(

الله يجــــــازي اللي كــــان السبب:mad:



طيب الحمدللــــه الله يطمنك:)

لسـّــه في أمـــل;)

المميز ياااااااا مميز ... تحياتي ياااخ .. وأكيد لازم يكون في أمل .. ولا كيف نربي بنياتنا ديل :D

وكل العشم ... نشوف التغيير والتعمير والعمل الجاد .. بيان بالعمل .. مش حكايات زي حجوات حبوباتنا عن أبوزيد الهلالي .. والشاطر حسن :p:)

[عثمان جلالة]

ههههههههههه والله يا جلالة انا غايتو ضحكت جنس ضحك في شهر "هس" دة
يعني عامل زي اغسطس:confused:
الشهر الما فوقو طماطم دة يكون هلالابي :D

الله يكون في العون


:D:D:D:D:D:):p

مخسوس كتبت ليك بالاحمر تصدق :confused::eek::D

أسي أمس بيني وبينك كان الطماطم هبطرش .. في زول قدر ياكلها هههههههه

حلوه يا برهوته .. الله يجازي محنك :D:D:D

[عثمان جلالة]

العزيز عثمان

انا اول مره اقراء مواضيعك وبصراحه ونعم الرجل
وهى قصه جميله جدا

ولك تحياتى

الله يديك العافية يا أربعة تسعات ... وكتر خيرك شرفت البوست كتير والله ... ونجيك في السمح والزين قول آآآآمين :p

[عثمان جلالة]

عين على الخرطوم (2) "نظرة متفحصة"

كما ذكرت سابقا .. هنالك نهضة عمرانية كبيرة في الخرطوم وسأحاول هنا أن أسلط الضوء على مكونات الخرطوم مجتمعاً ومدينةً ولكم سادتي الحكم أولاً وأخيرا.

عين على مجتمع الجامعات والدراسات العليا :

طبعن "على قول الفاتح جبرا" لعدم وجود عمل للشباب وعرسان للشابات المخرج الوحيد للتعامل مع الوضع هي الدراسات العليا .. والتي غالبا ما تكون متقطعة حسب حالة الجيب لأنو بقت أسعارها نااااار وزادت بنسبة 100% بالنسبة للماجستير والدكتوراه .. إلا طبعا ناس المصارين البيض ... وديل الدراسات العليا عندهم ... فنكهه بس ..:mad:

صاااحبي علاء الدين .. زهج من السعودية .. وشال معاهو قريشات كدي وقال للسعودية باي باي .. مشى السودان فتح ليهو مقهى إنترنت .. ما نجح قفلو .. إشترى ليهو أمجاد .. ما نجحت باعها وإشترى ليهو أتوس .. مشيت الخرطوم لقيتو سايق الأتوس وفي نفس الوقت بعمل في الماجستير "إدارة أعمال" بجامعة جوبا وبرضو "الأمين العام لـ منظمة شمعة" وهي منظمة خاصة برعاية الأطفال فاقدي الأبوين .. المهم .. الوضع عبارة عن تصبيره بس لحدي ما ربك يفرجها ... وفوق دا كلو .. عزاااااااابي:):p

أنا طبعن كنت أكتر المستفيدين من عربيتو .. وأهو فرصة الواحد يلاقي الداير يلاقيهم ويشوف الخرطوم كلها ... أتصل علي علاء الدين وقال لي ضروري امشي معاهو عشان يسلم الـ البحث حقو للإجازة من الدكتور المباشر .. قلت ليهو عديله .. أها نلاقي الدكتور وين ؟؟ قال لي في جامعة علوم التقانة .. قلت ليهو أسي علاقة جامعة جوبا بى كلية علوم التقانة شنو ؟؟؟ لكن كلو جايز في السودان.

ومشينا علوم التقانة .. هي لكن ما جامعة السرور .. طلابها ديل .. بس التقول جايين من كوكب تاني .. وبنات سمحاااات سماحة ونضيفات نضافة .. حتى سندوتشاتهم دي مختلفة وعصيرهم دا مختلف .. يمشوا براحه براحه .. ويتكلموا براحه براحه .. دنيا غير الدنيا بس تحس نفسك في مسلسل تركي.:confused:

بعد شويه جا الدكتور لقانا منططين عيونا .. القالو عن البحث ما عرفناهو .. ومرقنا بى صدمتنا الحضارية ديك ... وفجعتن نلقى نفسنا في السودان .. آآآآي ده كلو في السودان ولا برا ولا حاجه .. ولا مطار دبي ولا حاجه .. ولا مسلسل تركي ولا حاجه :eek::confused:.

[عثمان جلالة]

عين على الوظيفة والأمل المفقود

كل الناس الــ بعرفهم من الشباب الـ إتخرجو معانا من سنة 96 ياااا إغتربو يااا مااااتوا يااااا بفتشو لى شغل .. قليل جدا منهم الـ شغال في شركة محترمة.
طبعاً حاولت أفتش مع علاء صاحبي عن وظيفة ليهو .. وقلت في بااااااالي لو الواحد لقى ليهو وظيفة محترمة في السودان مالو ومال القراية أم دق:rolleyes:

للمعلومية :ـ

** الشغل في شركات وطنية مافي ليهو طريقة لأنو الوظائف بجيبو ليها ناسها قبل حتى إعلانها:o

** الشغل في شركات البترول أو بنك السودان محتاج بشده لإنك تكون حااوي:eek:

** الشغل في المشاريع التي تديرها الحركة الشبيعة في جنوب السودان أو في الخرطوم محتاج لـ سلام من الداخل .. أقصد علاقات من الداخل.:)

*** الشغل في شركات الاتصالات والهاتف السيار محتاج تبداها من الاستقبال .. وتخش لى جوه شويه شويه .. سنتين او 3 سنة بتكون بديت السلم العلمي مظبوط .:cool:

*** الشغل في المنظمات التي تتبع للأمم المتحدة وغيرها .. أصبح الموضة والحل الوحيد لعدم وجود شغل .... بس محتاج تعب ولغة إنجليزية .. وقدره على العمل في مناطق الشدة وواسطه وموش أي واسطة:mad:

لذلك قررنا الذهاب لأحد الذين يعملون في منظمة تابعة للأمم المتحدة .. قعدنا مع الراجل واستقبلنا خير استقبال .. واعتذر لينا من عدم قدرتو على القيام للسلام علينا .. ولما سألناهو عن السبب قال : كان في جوبا وحصلت مشكلة بينو وبين واحد من اخوانا الجنوبيين .. بعد شويه لقى السوق كلو بضرب فيهو الغاشي والماشي .. قلت ليهو كده بدون سبب ؟؟ قال لي السبب لوني دا ... أوعك بى حمرتك الأباها المهدي تمشي جوبا ؟؟:confused::eek:
لامن سألنا عن سبب زيارتنا ليهو .. قلنا ليهو جينا نسلم عليك بس.;):p:D

[محمد حسين (المميز)]

ومشينا علوم التقانة .. هي لكن ما جامعة السرور .. طلابها ديل .. بس التقول جايين من كوكب تاني .. وبنات سمحاااات سماحة ونضيفات نضافة .. حتى سندوتشاتهم دي مختلفة وعصيرهم دا مختلف .. يمشوا براحه براحه .. ويتكلموا براحه براحه .. دنيا غير الدنيا بس تحس نفسك في مسلسل تركي.:confused:





آآآآآآآآآآآآآآآخ يا عثمـــان آآآآآآآآآآآآآآآآآخ
:confused::confused::confused:

ذكرتنا باللذي مضــــى:rolleyes:

عليك الله هنايه السمحه ديك لســه قاعده:p

[محمد حسين (المميز)]

[U] وواسطه وموش أي واسطة:mad:






تعرف يا عثمـــان السنه الفاتت لمن كنت في السودان

فكرتا في نفس الكلام ده

قلت الواحد لو لقى ليهو

وظيفه محترمه في شركه محترمه((طبعا الاحترام المادي والمعنوي;)))

يسيب الغربه وسغالتها:mad:


لقيت ليك الوااااااااااااسطه القويه مش اي واسطه هي الاساس

للتوظيف

ناااااااااادرا ما تلقى وظيفه كاااااااربه بسهوله

لاتقول شهادات لاتقول علم واااااااسطه بس:mad:


واحد اخونا ما قصــر لقى لي الوظيفه السمحه ماديا:)

لكن قول لي ويـــن:(

دارفووووور:eek:

قال لي قروش تمام وعربيه كمان وسكن تبعهم

قلت الغربه احســن:o

[esmat]

آآآآآآآآآآآآآآآخ يا عثمـــان آآآآآآآآآآآآآآآآآخ
:confused::confused::confused:

ذكرتنا باللذي مضــــى:rolleyes:

عليك الله هنايه السمحه ديك لســه قاعده:p


المميز غايتو نحفظ الكلام دا لحدي ما تجي المدام تشوفوا ما تقوم
تمسحوااا

[عزيز عيسى]

بعد شويه جا الدكتور لقانا منططين عيونا .. القالو عن البحث ما عرفناهو .. ومرقنا بى صدمتنا الحضارية ديك ... وفجعتن نلقى نفسنا في السودان .. آآآآي ده كلو في السودان ولا برا ولا حاجه .. ولا مطار دبي ولا حاجه .. ولا مسلسل تركي ولا حاجه :eek::confused:.

يا جلالة بالغت بوليغ ذي ما بقول برهوته
في الجملة الحمرا دي وكتلتنا بالضحك.. أضحك الله أسنانك.. :)
صحيح إنها مفارقات غريبة وعجيبة..

تعال النسعلك يا جلالة يا أخوي وأرجوك لا تؤاخذني لأنو أخوك
بصراحة قرى الجزيرة دي ما زرت فيها الكثير وومعلوماتي شوية
ضعيفة عنها عايزك تديني وصف لقرية أم تريبات أين تقع وكم
تبعد عن مدني وفي أي إتجاه؟
كتر خير ود المطامير (الله يطراه بالخير) عن طريقه عرفت أين
موقع الشرفة بركات من خارطة الجزيرة.
أقول ليك حاجة الشكابة شاع الدين بشوفها من بعيد عندما
أكون في بركات لكن لغاية الآن لم أصلها.. معليش سامحونا
العتب علينا..
لكن ما تقول لي وصفك الدقيق الممتع محفز للمتابعة وجعلنا
نتابعك ونسافر معك عبر الخيال (الحجل بالرجل)..
واصل السرد الجميل ومتابعنك يا رائع.

شكرن كثيرن.

[moh_alnour]

لامن سألنا عن سبب زيارتنا ليهو .. قلنا ليهو جينا نسلم عليك بس.;):p:d

ما قولتوا الغربة بكاية أقصد ما قولتوا نوبة وين الرُطانة ؟ :eek:

[ودالبدوي]

والله ام تربات انجبت ولك التحيه والتقدير

ام تربات والرميتاب

[بنت الرفاعي]

أخوي عثمان جلالة قلت شارع الخرطوم مدني مالو؟؟؟:eek:
تصدق إنو دي الحالة قالوا بصلحوا فيهو ؟؟ معقولة مالاحظته؟؟:eek::confused::D
إنو الشارع بدأوا يوسعوا فيهو شوية شوية وفي حتات كدة بدأوا يختوا فيها إنارة (إن شاءالله يكون ناويين على الطريق كلو) والحفر صلحوها ( لكن ماكلها;)) لكن كونهم بدأوا يعملوا شي أحسن من عدمو!!!:)

طبعا إنت إتكلمت عن المستشفى العام بس لكن لو شفت مستشفى الذرة ماشاءالله مستشفى جميل ونظيف وراقي وحتى الناس اللي شغالين فيهو راقين،
ماعارفة الدخول ليهو بكم ( هو أصلا بقروش يعني؟؟؟)
(بصراحة لأني من الناس اللي بيدخلوا المستشفيات من دون مساءلة مالية;) فماعندي فكرة عن الدخول بيكون بكم!!!)

كلامك جميل وكلو خير وياليت هناك من يسمع!!!!
وزي ماقالوا الأهم إنو الناس لسة في المحنة والطيبة.
غايتو بمشي وبجيك.:)

[عثمان جلالة]

آآآآآآآآآآآآآآآخ يا عثمـــان آآآآآآآآآآآآآآآآآخ
:confused::confused::confused:

ذكرتنا باللذي مضــــى:rolleyes:

عليك الله هنايه السمحه ديك لســه قاعده:p

:D:D:D:D:):):p;););)

المميز .. شايفك ماخد راحتك .. اليومين ديل الظاااهر عزااابي زي اخوك هههههههه :p

همسة :

هنااااااااية واحده بس ياااااخ ديل كلهن هنايااااااااات .. وسمحااااااااات :eek::D:p

[عثمان جلالة]

تعرف يا عثمـــان السنه الفاتت لمن كنت في السودان

فكرتا في نفس الكلام ده

قلت الواحد لو لقى ليهو

وظيفه محترمه في شركه محترمه((طبعا الاحترام المادي والمعنوي;)))

يسيب الغربه وسغالتها:mad:


لقيت ليك الوااااااااااااسطه القويه مش اي واسطه هي الاساس

للتوظيف

ناااااااااادرا ما تلقى وظيفه كاااااااربه بسهوله

لاتقول شهادات لاتقول علم واااااااسطه بس:mad:


واحد اخونا ما قصــر لقى لي الوظيفه السمحه ماديا:)

لكن قول لي ويـــن:(

دارفووووور:eek:

قال لي قروش تمام وعربيه كمان وسكن تبعهم

قلت الغربه احســن:o

هههههههههه والله يا خوي صدقت .. جنن تعرفو ولا جنن ما بتعرفو ... الحكاية فيها أذى جسيم :d:d:d

[عثمان جلالة]

المميز غايتو نحفظ الكلام دا لحدي ما تجي المدام تشوفوا ما تقوم
تمسحوااا

هو نحن ناس أسمت ديل "الرقيب اللغوي" بريحوناااا .. خلونا نجدع شويه ياااااخ "وش زول بريء براءة شديدة خلاس" :D:D:p

[محمد حسين (المميز)]

المميز غايتو نحفظ الكلام دا لحدي ما تجي المدام تشوفوا ما تقوم
تمسحوااا



يعني الواحد تاني يتكلم في سره ولاشنو يا عصمت:p

[عثمان جلالة]

يا جلالة بالغت بوليغ ذي ما بقول برهوته
في الجملة الحمرا دي وكتلتنا بالضحك.. أضحك الله أسنانك.. :)
صحيح إنها مفارقات غريبة وعجيبة..

تعال النسعلك يا جلالة يا أخوي وأرجوك لا تؤاخذني لأنو أخوك
بصراحة قرى الجزيرة دي ما زرت فيها الكثير وومعلوماتي شوية
ضعيفة عنها عايزك تديني وصف لقرية أم تريبات أين تقع وكم
تبعد عن مدني وفي أي إتجاه؟
كتر خير ود المطامير (الله يطراه بالخير) عن طريقه عرفت أين
موقع الشرفة بركات من خارطة الجزيرة.
أقول ليك حاجة الشكابة شاع الدين بشوفها من بعيد عندما
أكون في بركات لكن لغاية الآن لم أصلها.. معليش سامحونا
العتب علينا..
لكن ما تقول لي وصفك الدقيق الممتع محفز للمتابعة وجعلنا
نتابعك ونسافر معك عبر الخيال (الحجل بالرجل)..
واصل السرد الجميل ومتابعنك يا رائع.

شكرن كثيرن.

إن شاء الله دايما سعيد ومبسوط يا خواجه :p

شوف يا سيد الناس موقع أم تريبات ... جنوب الجزيرة .. يعني لو طلعت من مارنجان مثلاً بتاخذ الزلط حق سنار ـ مدني .... وتمشي طوااالي باتجاه سنار ــ بجيك بعد نقطة التفتيش والقرى الـ جنب الظلط ـ زلط فرعي متجه على ود النو بعدها مباشرة الصوارد بعد الصوارد كيلو 77 بعدها مباشرة أم تريبات.

من جهة بركات .. من داخل المشروع بتجيك بعدها ود عشا وود الهندي وكيلو 77 وأم تريبات ... أم تريبات بالظبط في منتصف المسافة بين مدني - والحوش.

يعني كان بالغت بالجهتين 25 دقيقة أو نص ساعة بالعربية :)

شكرن كتير على السؤال .. أها بعد التعب ده كلو أريتك تزورنا :p:D

[محمد حسين (المميز)]

:D:D:D:D:):):p;););)

المميز .. شايفك ماخد راحتك .. اليومين ديل الظاااهر عزااابي زي اخوك هههههههه :p
]eek::D:p [/SIZE



عزااااااااابي وحاتك عزااااااااااابي:(


[SIZE="5"]
همسة :

هنااااااااية واحده بس ياااااخ ديل كلهن هنايااااااااات .. وسمحااااااااات :eek::D:p



:rolleyes::rolleyes::rolleyes:


نعاين ساااااي اخير

عصمت قال فيها تسجيــــــــل:p:D:p

[المكاشفى]

جلاله ود ام جلاله
حمدا لله على السلامه
ذهابا وايابا .... مناى كان اكون من المستقبلين
لكن مدنيه وشفقتها قايله بوزعو الشنط فى المطار
اها ياخوى بجيك بى رواقه لأرى كم عجبناك

[ابوالنور]

لكن مدنيه وشفقتها قايله بوزعو الشنط فى المطار


ههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههه
يا اخوي الفيز الفيز دي جمع فيزا دحين كده صحي ولا غلط
بشيلوها في الجيب يا كشة اخوي
واظنو وعلي ما اعتقد انو مدنية حضرت النشرة الجوية
واها اظن قالو بكرة بتجي كتاحة اها واختنا دي خايفة العصار يقوم
يشيل الاوراق الفي الجيب
انت قلت لي يا كشة مدنية قايلة شنو ؟

[مدنيّة]

جلاله ود ام جلاله
حمدا لله على السلامه
ذهابا وايابا .... مناى كان اكون من المستقبلين
لكن مدنيه وشفقتها قايله بوزعو الشنط فى المطار
اها ياخوى بجيك بى رواقه لأرى كم عجبناك

غايتو يامكاشفي
دي ابدعت فيها :cool:




ههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههه
يا اخوي الفيز الفيز دي جمع فيزا دحين كده صحي ولا غلط
بشيلوها في الجيب يا كشة اخوي
واظنو وعلي ما اعتقد انو مدنية حضرت النشرة الجوية
واها اظن قالو بكرة بتجي كتاحة اها واختنا دي خايفة العصار يقوم
يشيل الاوراق الفي الجيب
انت قلت لي يا كشة مدنية قايلة شنو ؟

:mad::mad::mad::mad::mad:

[عثمان جلالة]

ما قولتوا الغربة بكاية أقصد ما قولتوا نوبة وين الرُطانة ؟ :eek:

:D:D:D:D:D:D

الخواف ربى بناتو ياااااخوي ... أخير الغربة :p;)

[عثمان جلالة]

والله ام تربات انجبت ولك التحيه والتقدير

ام تربات والرميتاب

ياااخ والله مرورك على البوست بيسعدني كتير .. لك أنت ألف تحية وتقدير واعتزاز :p

[عثمان جلالة]

أخوي عثمان جلالة قلت شارع الخرطوم مدني مالو؟؟؟:eek:
تصدق إنو دي الحالة قالوا بصلحوا فيهو ؟؟ معقولة مالاحظته؟؟:eek::confused::D
إنو الشارع بدأوا يوسعوا فيهو شوية شوية وفي حتات كدة بدأوا يختوا فيها إنارة (إن شاءالله يكون ناويين على الطريق كلو) والحفر صلحوها ( لكن ماكلها;)) لكن كونهم بدأوا يعملوا شي أحسن من عدمو!!!:)

طبعا إنت إتكلمت عن المستشفى العام بس لكن لو شفت مستشفى الذرة ماشاءالله مستشفى جميل ونظيف وراقي وحتى الناس اللي شغالين فيهو راقين،
ماعارفة الدخول ليهو بكم ( هو أصلا بقروش يعني؟؟؟)
(بصراحة لأني من الناس اللي بيدخلوا المستشفيات من دون مساءلة مالية;) فماعندي فكرة عن الدخول بيكون بكم!!!)

كلامك جميل وكلو خير وياليت هناك من يسمع!!!!
وزي ماقالوا الأهم إنو الناس لسة في المحنة والطيبة.
غايتو بمشي وبجيك.:)

غايتو جنس غايتو يااااااااامرام

طبعن دكاتره في حد يقدر يقول ليكم أدفعو :D:D

كلامك دا كيف يا دكتوره يعني كان عندي ملاريا امشي مستشفى الذره :confused::eek:

وليييييييييييه ما يكون المستشفى الأم .. أحسن من أي مستشفى في مدني :confused:

غايتو الراجنو نحن والراجيهو منكم مستشفى مدني كتير .. الله يعينكم بس :D

[عثمان جلالة]

eek::D:p [/SIZE



عزااااااااابي وحاتك عزااااااااااابي:(





:rolleyes::rolleyes::rolleyes:


نعاين ساااااي اخير

عصمت قال فيها تسجيــــــــل:p:D:p

:D:D:D:D:D:D

هانت يا سيد الناس هانت ... وعصمت بختو يا أخوي يسجل ساااااااي .. نحن كرت التسجيل بتاعنا .. محظور نعمل شنو ؟؟ :p;)

[عثمان جلالة]

جلاله ود ام جلاله
حمدا لله على السلامه
ذهابا وايابا .... مناى كان اكون من المستقبلين
لكن مدنيه وشفقتها قايله بوزعو الشنط فى المطار
اها ياخوى بجيك بى رواقه لأرى كم عجبناك

كشه يا حبيب .. والله سألت منك بالاسم تصدق ؟؟؟ .. وتلفونك المحزن عندي اصلو ابا يخش معااااااااي

لكن خيرها في غيرها ... والله العملوهو ناس مدنية .. شنط ما بتكفيهو إلا بس الواحد يشاكلهم بس .. الله يديهم الـ في مرادهم :p

[عثمان جلالة]

ههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههه
يا اخوي الفيز الفيز دي جمع فيزا دحين كده صحي ولا غلط
بشيلوها في الجيب يا كشة اخوي
واظنو وعلي ما اعتقد انو مدنية حضرت النشرة الجوية
واها اظن قالو بكرة بتجي كتاحة اها واختنا دي خايفة العصار يقوم
يشيل الاوراق الفي الجيب
انت قلت لي يا كشة مدنية قايلة شنو ؟


ههههههههههههههههه والله أم جمال تستاهل إقامة في مكه وجنب الحرم كمان :D:p .... الله يقدرنا بس على جزاااااااااها

[عثمان جلالة]

غايتو يامكاشفي
دي ابدعت فيها :cool:



:mad::mad::mad::mad::mad:

منوره البوست ياااااااااخ ... زي ما كملتو كهربة السودان في سيكافا طلتك .. ح تكمل كهربة البوست :D:D:D "وش زول راكب تكسي ماشي المطار والكهربا قااااااااطعة" :p


ماااااااااااا تزعلي ياااااااخ .. غضبك جميل زي بسمتك :rolleyes:;)

[نزار حسن محمد]

للمعلومية :ـ

** الشغل في شركات وطنية مافي ليهو طريقة لأنو الوظائف بجيبو ليها ناسها قبل حتى إعلانها:o

** الشغل في شركات البترول أو بنك السودان محتاج بشده لإنك تكون حااوي:eek:

** الشغل في المشاريع التي تديرها الحركة الشبيعة في جنوب السودان أو في الخرطوم محتاج لـ سلام من الداخل .. أقصد علاقات من الداخل.:)


سلام ..يالحبيب

يا تاعب ضميرك .... وما رتيان لحالك
روق وهـدى بالك .... ماتودر شبابك
رفقاً بقلـوبنا .... ورفقاً بشبابك

[عثمان جلالة]

عين على تواصل أعضاء المنتدى

على النجيلة جلسنا ... من الأسكلا وحلا ... قام من البلد ولى .. دمعي الـ للثياب بلا

والدمع هنا أيها السادة دمعي أنا براااي منو البقاسي معااااي:mad:

في خواتيم هذه الزيارة القصيرة للسودان قاموا مشكورين أخوة وأخوات لنا بالمنتدى بدعوتي لجلسة جميلة وحالمة بـ منتزهات الأسكلا بالخرطوم

مدنية أم جمال
وداد
عبد الرحمن مدثر
أمير عبد اللطيف
الشاعر اللذيذ محمد الحسن حدباااااااااي
وصااااااااحبي علاء وشخصي الضعيف

أول حاجه مدنية أصرت ما نشرب أي حاجه غير لونها أصفر أو أحمر "مع إنو أسي اللون الأصفر بقت تشوفو تكسي تكسي" ههههههههه:p:D

تحدثنا في كل شيء .. وكان حدباااااااااااااي يتحفنا بشعره الحلمنتيشي المضحك والساخر والذي يعالج مشاكل المجتمع بواقعية .. له مني كل شكر وتقدير .. وأتمنى ان يستجيب لدعوتنا بإشتراكه في هذا الصرح .. فالرجل لديه الكثير ليعطيه للناس .. وهو حاليا مستقر بالسودان بعد تجربة إغتراب في الامارات العربية .. رجع منها لأرض الوطن بــ بطااااااح :confused::eek: لكن حاليا الــ بطاااااااااااح راااااح .. وحسب قوله القصيدة الجاية ح تكون

البطااااااااااااااح أكلو التمسااااااااح .. وشليل وين راااااااااح هههههههه:p;)

شكرا حدباااااااي لتعطيرك هذه الأمسية المميزة .. وشكرا لجميع من شارك ومن أعتذر فالظروف في السودان قاهرة أكثر مما هي في الغربة .. ومخطئ من ظن أن الزمن في السودان تسهل السيطرة عليه ... ممكن في أي لحظة وجود أحد أقربائك في مستشفى أو وفاة أحد الأقربين .. تغير برنامج يومك كلو ... فالواجب فوق كل الالتزامات والوعود

شكراً .. أسماء "مدنية" .. وداد .. أمير .. عبد الرحمن .. وعاجز سادتي عن الوصف.
وبهديكم جميعاً إحدى روائع الشاعر حدبااااي .. وأعتبروها "شتيت سكر" عشان يجينا حدبااي بى شحمو ولحمو :p


بنات وبنات

في بنات بهزمو بنات
وللدوري مكتسحات
وفي بنات...............
شديييييييييييييييييد شينات
بس ديمه منهزمات
لليق تحت نازلات

في بنات تمام سمحات
في كل يوم خالطات
بالهمس والكلمات
البيبسي والشربات
لي كل جيب قادات

في بنات تقول عربات
في كل ملف جاريات
زي الغبار كاتحات
الجزمه والحلقات
والبينسه والتوكات
واسكيرتي ليهو رباط
لكنهن بايرات

في بنات طري ولينات
زي القطن هشات
ناس ميسو ماجدولين
ناس بيبو ناس بسمات


في بنات فقر خطرات
زي الحطب ناشفات
لو ما بنشوف بينسات
تحلف تقول ضكرات


في بنات رزان عاقلات
زي القمر نايرات

وفي بنات هبل جايطات
في بنات خفاااااااااااااااااف طايرات
ان صحت يا كوكو
تلقاها لفت وجات


في بنات حلا... وفاهمات
في بنات عسل طاعمات
وفي الاصلو ما بنفات
وفي النوع البتبلعو جب
وبتلفض النعلات

[عثمان جلالة]

سلام ..يالحبيب

يا تاعب ضميرك .... وما رتيان لحالك
روق وهـدى بالك .... ماتودر شبابك
رفقاً بقلـوبنا .... ورفقاً بشبابك

مرحب بأبو البنات الزايد حنية ... يعني المعنى ما في امل ولا شنو :rolleyes:... شرفت البوست كتير والله .. ونجيك في السمح قوول آآآآمين

[محمد الجزولى]

. ومشروعنا الكان مشبع السودان كلو راح شمار في مرقه ؟؟؟ ... والله المفروض السودان كلو بى كل ولاياتو وحكوماتو المركزية والـ غير مركزية .. يشيل من الـ عندو ويدي ناس الجزيرة .. لأنها هي الــ ربتهم وكبرتهم .. زي أبوك وأمك في بيتكم ... يعلموك ويكبروك .. وبعدين تجازيهم .. مش مفروض كده لو في ناااااااس بتحس !!!!:


يا ود جلاله ياخى حمد لله على السلامه ولو جات متأخره شويه ...
عليك الله كدى ركز لينا فى الحته دى شويه ... واكتب لينا بى اسهاب عن حال المشروع ..
وحال اهلى العمال الغلابه
ومتابعنك بى استمتاع شديد والله

[سيد البلد]

تعرف يا إسمت بعد ما أستقر شوية ح أعزمكم إنت ورضا حسن .. نعمل خروج وعوده .. ونمشي دبي بالعربية كمان رأيك شنو ؟؟ :p

كتر خيرك يا سيد الناس .. بالحليل صدقت أهلك .. ديل أهل السودان .. سودان العزة والكرامة.


اسي ديل يمشوا برااااااااااهم كده ؟
ما معاهم اي زول كبير يعني ؟
مع اني ما فاضي لكن ما بخليهم يمشوا براهم والله

[سيد البلد]

طوااااااااالي من دربي دااااك .. ويا المغتربين جاااااااك زول .. والتحية ليهم ناس المغتربين في مدني سرعة غير عادية في الإجراءات .. وتساهل مع الناس وتخفيضات حسب المبلغ الـ عندك .. بى صراحة يستاهلو تحية واحترام.




عليك الله حييهم لي تاني ياخي
ياخي ديل متسامحين وسمحييييييييييييييييين
وطيبييييييييييييييييييييييييييييييييييين طيبه شديده خلاس
وعندهم واحده كده شدة ما طيبه لمن قربت اخلي السفر زاتو والله

[عثمان جلالة]

يا ود جلاله ياخى حمد لله على السلامه ولو جات متأخره شويه ...
عليك الله كدى ركز لينا فى الحته دى شويه ... واكتب لينا بى اسهاب عن حال المشروع ..
وحال اهلى العمال الغلابه
ومتابعنك بى استمتاع شديد والله

والله يا ود الجزولي موضوع المشروع دا .. من تعقيدو .. وكونو شائك ... وحالو يغني عن سؤالو ... ولانو بسبب لي حرقه في الحشا .. وغصه في الحلق .... وما تعرف تمسك شنو ولا شنو .. أحسن أخليهو في البوست دا لأنو داير ليهو بوستات وبوستات .. كتر خيرك .. :p

[esmat]

عليك الله حييهم لي تاني ياخي
ياخي ديل متسامحين وسمحييييييييييييييييين
وطيبييييييييييييييييييييييييييييييييييين طيبه شديده خلاس
وعندهم واحده كده شدة ما طيبه لمن قربت اخلي السفر زاتو والله


دا كلام شنو يازول جاي من وين انت
غايتو الزمن دا للضمان كدا نقتبسها بس



مع اني ما فاضي لكن ما بخليهم يمشوا براهم والله


عشان كدا الناس الصغار ديل داسين
منهم سفرة دبي ديل تشيل حالنا عالمياً كمان

[عثمان جلالة]

اسي ديل يمشوا برااااااااااهم كده ؟
ما معاهم اي زول كبير يعني ؟
مع اني ما فاضي لكن ما بخليهم يمشوا براهم والله


كبير .. لا بالله :):p .. كبيرهم الـ ح يعلمهم السحر موش :confused::eek::rolleyes:;)

ما عندك أي مشكلة .. تمشي معانا مالو .. بس ختينا "سلس وود أم تريبات" ديل .. لأنو ممنوع اصطحاب .. الــ :D:D:D

[عثمان جلالة]

عليك الله حييهم لي تاني ياخي
ياخي ديل متسامحين وسمحييييييييييييييييين
وطيبييييييييييييييييييييييييييييييييييين طيبه شديده خلاس
وعندهم واحده كده شدة ما طيبه لمن قربت اخلي السفر زاتو والله


:D:D:D:D:):confused::eek::p;)

دي والله ما لاقيتها .. لأنو عملت إجراءاتي في يوم وقع بين أجازتين :p;)

[عثمان جلالة]

دا كلام شنو يازول جاي من وين انت
غايتو الزمن دا للضمان كدا نقتبسها بس





عشان كدا الناس الصغار ديل داسين
منهم سفرة دبي ديل تشيل حالنا عالمياً كمان

للضمان يا إسمت .. :D إقتبست كلامك برضو .. عشان ما تقول ما إلتزمت معاكم بالسفر لـ دبي :p;)

[عثمان جلالة]

عين على عضوات المنتدى العاملات

تلقيت دعوة كريمة من سامية عباس "مريم الأخرى" ووداد واعتماد لزيارتهم بمكان عملهم .. وقد كانت زيارة جميلة .. ولقيناهم مجملات المكان بروحهن الطيبة .. ولمسة الأنثوية الطاغية .. وعصير المنقه البااارد وللأسف منقه صفراااا بس :D:)... ودورهم المعروف والمشهود ليهو في إعداد المجلة .. وتشريف منتديات ود مدني في إتحاد المرأة .. على أكمل وجه لهم مني تحية خاصة .. ولكل عضوات المنتدى العاملات .. التحية لـ وداد وهي تضرب مثلا لخدمة المنتدى وأعضاءه رغم الظروف وضغط العمل التحية لـ مدنية رغم دوام العمل واحتياجات البيت والأولاد .. تطلع من شغلها .. وتخش طوااالي في هموم المنتدى إذا كان استقبال أو احتفال أو أي نشاط آخر.

والتحية لـ الشعب السوداني جميعاً... وهو يجود بالـ عندو والما عندو عشان يظل الخير موجود .. والابتسامة تعلو الشفاه.

عشان في كل صباح جديد .. يقوموا الصغار .. ويلقو حلة الشاي في النااار ولو الحالة زين ... يمكن يكون مع كباية الشاي لقيمات:rolleyes:

وعشان يمشوا الروضه .. ويغنوا

"""يا طالع الشجرة ..جيب لي معاك بقره .. حلابة الـ عشره""";)

فالسودان أيها السادة بلد الخير .... والناس الأصيلين ،،، لكن عشان نحن نستقر وكل الطيور المهاجرة ترجع للوطن الغالي ... الوضع الحالي لا يشجع لأنو :

الاستقرار داير سلام

والسلام داير الوحدة

والوحدة دايره التراضي

والتراضي داير القلوب الصافية

والقلوب الصافية دايره توفيق من الله

يا الله تصفي القلوب يا الله

وودعتكم الله ،،،،:)

[عبدالرحمن مدثر]

جلالة

صاحب القلب الابيض

والدواخل التى تتسع للجميع

باريحية ومحبة فايتة الحد

سعدنا كثيرا بان عانقناك حروفا وملامح بهية

وسعدنا اكثر بهذا التواصل الجميل من خلال هذا البوست الجميل

يدووووووم التواصل ياراقى

[ود الجعلي]

عثمان جلالة

اسف للتاخير لانني كنت مشغول في الفترة الماضية واسف للتاخير

والف حمدالله على السلامة



وتحياتي لاسرتك الصغيرة

[ود الجعلي]

عين على الوظيفة والأمل المفقود

كل الناس الــ بعرفهم من الشباب الـ إتخرجو معانا من سنة 96 ياااا إغتربو يااا مااااتوا يااااا بفتشو لى شغل .. قليل جدا منهم الـ شغال في شركة محترمة.
طبعاً حاولت أفتش مع علاء صاحبي عن وظيفة ليهو .. وقلت في بااااااالي لو الواحد لقى ليهو وظيفة محترمة في السودان مالو ومال القراية أم دق:rolleyes:

للمعلومية :ـ

** الشغل في شركات وطنية مافي ليهو طريقة لأنو الوظائف بجيبو ليها ناسها قبل حتى إعلانها:o

** الشغل في شركات البترول أو بنك السودان محتاج بشده لإنك تكون حااوي:eek:

** الشغل في المشاريع التي تديرها الحركة الشبيعة في جنوب السودان أو في الخرطوم محتاج لـ سلام من الداخل .. أقصد علاقات من الداخل.:)

*** الشغل في شركات الاتصالات والهاتف السيار محتاج تبداها من الاستقبال .. وتخش لى جوه شويه شويه .. سنتين او 3 سنة بتكون بديت السلم العلمي مظبوط .:cool:

*** الشغل في المنظمات التي تتبع للأمم المتحدة وغيرها .. أصبح الموضة والحل الوحيد لعدم وجود شغل .... بس محتاج تعب ولغة إنجليزية .. وقدره على العمل في مناطق الشدة وواسطه وموش أي واسطة:mad:

لذلك قررنا الذهاب لأحد الذين يعملون في منظمة تابعة للأمم المتحدة .. قعدنا مع الراجل واستقبلنا خير استقبال .. واعتذر لينا من عدم قدرتو على القيام للسلام علينا .. ولما سألناهو عن السبب قال : كان في جوبا وحصلت مشكلة بينو وبين واحد من اخوانا الجنوبيين .. بعد شويه لقى السوق كلو بضرب فيهو الغاشي والماشي .. قلت ليهو كده بدون سبب ؟؟ قال لي السبب لوني دا ... أوعك بى حمرتك الأباها المهدي تمشي جوبا ؟؟:confused::eek:
لامن سألنا عن سبب زيارتنا ليهو .. قلنا ليهو جينا نسلم عليك بس.;):p:d



عثمان جلالة

والله بعد كلام

شوية التفاؤل العندي ده........ متبرع بيهو لاي جمعية خيرية


وكمية الاحباط الان وصلت اعلى مستوياتها

والدبرسة تجاوزت الحدود
ومقياس التشاؤم خرج عن مساره

وكل شي انبرش في الواطه


طيب نحن ما بشر ولينا حق الحياة

سؤال بريْ؟؟؟؟؟؟؟؟؟؟

لمتين

[ود الجعلي]

عين على تواصل أعضاء المنتدى

على النجيلة جلسنا ... من الأسكلا وحلا ... قام من البلد ولى .. دمعي الـ للثياب بلا

والدمع هنا أيها السادة دمعي أنا براااي منو البقاسي معااااي:mad:

في خواتيم هذه الزيارة القصيرة للسودان قاموا مشكورين أخوة وأخوات لنا بالمنتدى بدعوتي لجلسة جميلة وحالمة بـ منتزهات الأسكلا بالخرطوم

مدنية أم جمال
وداد
عبد الرحمن مدثر
أمير عبد اللطيف
الشاعر اللذيذ محمد الحسن حدباااااااااي
وصااااااااحبي علاء وشخصي الضعيف

أول حاجه مدنية أصرت ما نشرب أي حاجه غير لونها أصفر أو أحمر "مع إنو أسي اللون الأصفر بقت تشوفو تكسي تكسي" ههههههههه:p:d

تحدثنا في كل شيء .. وكان حدباااااااااااااي يتحفنا بشعره الحلمنتيشي المضحك والساخر والذي يعالج مشاكل المجتمع بواقعية .. له مني كل شكر وتقدير .. وأتمنى ان يستجيب لدعوتنا بإشتراكه في هذا الصرح .. فالرجل لديه الكثير ليعطيه للناس .. وهو حاليا مستقر بالسودان بعد تجربة إغتراب في الامارات العربية .. رجع منها لأرض الوطن بــ بطااااااح :confused::eek: لكن حاليا الــ بطاااااااااااح راااااح .. وحسب قوله القصيدة الجاية ح تكون

البطااااااااااااااح أكلو التمسااااااااح .. وشليل وين راااااااااح هههههههه:p;)

شكرا حدباااااااي لتعطيرك هذه الأمسية المميزة .. وشكرا لجميع من شارك ومن أعتذر فالظروف في السودان قاهرة أكثر مما هي في الغربة .. ومخطئ من ظن أن الزمن في السودان تسهل السيطرة عليه ... ممكن في أي لحظة وجود أحد أقربائك في مستشفى أو وفاة أحد الأقربين .. تغير برنامج يومك كلو ... فالواجب فوق كل الالتزامات والوعود

شكراً .. أسماء "مدنية" .. وداد .. أمير .. عبد الرحمن .. وعاجز سادتي عن الوصف.
وبهديكم جميعاً إحدى روائع الشاعر حدبااااي .. وأعتبروها "شتيت سكر" عشان يجينا حدبااي بى شحمو ولحمو :p


بنات وبنات

في بنات بهزمو بنات
وللدوري مكتسحات
وفي بنات...............
شديييييييييييييييييد شينات
بس ديمه منهزمات
لليق تحت نازلات

في بنات تمام سمحات
في كل يوم خالطات
بالهمس والكلمات
البيبسي والشربات
لي كل جيب قادات

في بنات تقول عربات
في كل ملف جاريات
زي الغبار كاتحات
الجزمه والحلقات
والبينسه والتوكات
واسكيرتي ليهو رباط
لكنهن بايرات

في بنات طري ولينات
زي القطن هشات
ناس ميسو ماجدولين
ناس بيبو ناس بسمات


في بنات فقر خطرات
زي الحطب ناشفات
لو ما بنشوف بينسات
تحلف تقول ضكرات


في بنات رزان عاقلات
زي القمر نايرات

وفي بنات هبل جايطات
في بنات خفاااااااااااااااااف طايرات
ان صحت يا كوكو
تلقاها لفت وجات


في بنات حلا... وفاهمات
في بنات عسل طاعمات
وفي الاصلو ما بنفات
وفي النوع البتبلعو جب
وبتلفض النعلات



حبابك عثمان جلالة

وصلتني رسالة لطيفة ومعاها مس كول من الروقو

لسه مع الكبابي ولا بطل

[ود الجعلي]

باسم الوطن

وباسم الدين

وباسم الشرف



وسرقة عيني عينك

[أفراح]

جلالة سلام عليكم ...
اسفة لتأخري في الوصول لكني كل يوم أدخل أقرا واكون عايزة أرد ومايتسع لي الوقت ...
بالرغم من انو شكلك كدا ختمت البوست لكني ضروري أرد ....
أولاً تشكر على المشاهدات الكتيرة الي أوردتها بطريقة جميلة واسلوب تحسد علية ... اكثر ماشاقني في هذه الزيارة هو فترة وجودك في ام تريبات ... لانك بهذة الحكاوي اعدتني الي أجمل فترات عمري وهي تلك التي قضيتها في تلك البقاع التي أحب ... تحية ليك (قدر أم تريبات ) وهذه لازمة من لوازم أمي عندما تصف شي كبير تقول ليك (كبير قدر أم تريبات ) ...
وتحية لكل الاهل والاحباب والجيران في( 77 ) ...

وتحية لكل الاصحاب والزملاء في أم تريبات ...

زمان لما كنا صغار كان ود خالي بقرأ في أم تريبات المتوسطة كان عندهم معرض ثقافي في المدرسة بمناسبة نهاية العام الدراسي ... مشينا معاهو ... كان يوم ولا في الاحلام لغاية اليوم بتذكروا كأنو أمبارح .. المساء كان في ليلة ثقافية شباب مبدع جد ولأول مره أسمع أغنية (يسلم شبابك أم تريبات .. خيلك سنابك أم تريبات ... والقبلي شابك أم تريبات ) ... ولغاية زمن طويل كنت فاكرة الاغنية أصلاً لي أم تريبات .... رجعنا من أم تريبات بالليل لغاية 77 كداري وأنا الشارع كلو مدهوشة (وانا بقرأ في مدني) من كمية الابداع اللي شفتو ...معقول بأبسط الموجود يطلع الجمال دا كلو ...
هي ذكريات الزمن الجميل ..اعادها لي هذا البوست الرائع ...
والله ياجلالة دي مابلد تتساب ...

[عثمان جلالة]

جلالة

صاحب القلب الابيض

والدواخل التى تتسع للجميع

باريحية ومحبة فايتة الحد

سعدنا كثيرا بان عانقناك حروفا وملامح بهية

وسعدنا اكثر بهذا التواصل الجميل من خلال هذا البوست الجميل

يدووووووم التواصل ياراقى

تعيش إنت ويدوم خيرك يااا أبوهاااا .. وإن شاء الله دايما نلقاااااك "دلويا" ملااااااااان ... وتستقبل الجاااي وتودع المسافر .. لأنك يا سيد الناس زي ريحة الدعاش في بلدي ... وزي أشجار النيل .. وزي الشمس الحااااارة في نص النهار :D:p

ملحوظة : الكلام دا ... ليك ولى كل الرائعين هناك بقيادة مدنية المريخابية :cool::)

[عثمان جلالة]

عثمان جلالة

اسف للتاخير لانني كنت مشغول في الفترة الماضية واسف للتاخير

والف حمدالله على السلامة



وتحياتي لاسرتك الصغيرة

أهلاً ناصر ود الجعلي .. تحيات وشوق كتير يااااااخ .. أسكت سااااااااي .. في إجازتي الصغيره دي "ضربتا لي عدد (2) خروف و (3) عنبلوق :D:)

إتذكرت الـ كبده فوق صااج العواسة :p;)

[عثمان جلالة]

عثمان جلالة

والله بعد كلام

شوية التفاؤل العندي ده........ متبرع بيهو لاي جمعية خيرية


وكمية الاحباط الان وصلت اعلى مستوياتها

والدبرسة تجاوزت الحدود
ومقياس التشاؤم خرج عن مساره

وكل شي انبرش في الواطه


طيب نحن ما بشر ولينا حق الحياة

سؤال بريْ؟؟؟؟؟؟؟؟؟؟

لمتين

جيبها لي جاااااااي حبة التفاؤل حقت دي .. أتبرع بيها بالنيابة عنك :cool:

عندي جمعية خيرية الـ بتدخلها ما بتمرق ... عشان تفقد الامل فيها نهائياً :cool:

والله يا ناصر تقول شنو !!! كل مانمشي لينا بى حبة أمل .... يكملو ... حيرونا ياااخ مفروض من كمياااات الأمل الكتيرة الـ عندهم دي نلقى :

المطااار أمل

والشغل أمل

والكهربا أمل

والبلد كلها أمل في أمل ... لحدى ما الركشات الـ في السوادن كلها من الأمل الكتير ده ينقلبن ليلى علوي ذااااااااتو :p;)

[عثمان جلالة]

حبابك عثمان جلالة

وصلتني رسالة لطيفة ومعاها مس كول من الروقو

لسه مع الكبابي ولا بطل

هههههههههه صاحبك .. ما لاقيتو .. ضارب الخرتوم .. وبدا بداية جديدة .. وقلب الصفحة تب .. لكن بطل ولا ما بطل ما عارف والله :p

[عثمان جلالة]

جلالة سلام عليكم ...
اسفة لتأخري في الوصول لكني كل يوم أدخل أقرا واكون عايزة أرد ومايتسع لي الوقت ...
بالرغم من انو شكلك كدا ختمت البوست لكني ضروري أرد ....
أولاً تشكر على المشاهدات الكتيرة الي أوردتها بطريقة جميلة واسلوب تحسد علية ... اكثر ماشاقني في هذه الزيارة هو فترة وجودك في ام تريبات ... لانك بهذة الحكاوي اعدتني الي أجمل فترات عمري وهي تلك التي قضيتها في تلك البقاع التي أحب ... تحية ليك (قدر أم تريبات ) وهذه لازمة من لوازم أمي عندما تصف شي كبير تقول ليك (كبير قدر أم تريبات ) ...
وتحية لكل الاهل والاحباب والجيران في( 77 ) ...

وتحية لكل الاصحاب والزملاء في أم تريبات ...

زمان لما كنا صغار كان ود خالي بقرأ في أم تريبات المتوسطة كان عندهم معرض ثقافي في المدرسة بمناسبة نهاية العام الدراسي ... مشينا معاهو ... كان يوم ولا في الاحلام لغاية اليوم بتذكروا كأنو أمبارح .. المساء كان في ليلة ثقافية شباب مبدع جد ولأول مره أسمع أغنية (يسلم شبابك أم تريبات .. خيلك سنابك أم تريبات ... والقبلي شابك أم تريبات ) ... ولغاية زمن طويل كنت فاكرة الاغنية أصلاً لي أم تريبات .... رجعنا من أم تريبات بالليل لغاية 77 كداري وأنا الشارع كلو مدهوشة (وانا بقرأ في مدني) من كمية الابداع اللي شفتو ...معقول بأبسط الموجود يطلع الجمال دا كلو ...
هي ذكريات الزمن الجميل ..اعادها لي هذا البوست الرائع ...
واللة ياجلالة دي مابلد تتساب ...

أهلا يا أفراح .. والله سعدت أيما سعادة بمداخلتك .. وخسوسا لأنك من ريحة الحبايب :p يعني بتنا تب والله ... ما دام (77) أو أي منطقة حولنا معناها مننا تب ... شفت عليك الله يا أفراح مجتمعاتنا دي مترابطة كيف ؟؟:rolleyes:

الناس دي كلهم هم واحد في الفرح وفي الحزن .. ياااااااا سلام ياااااخ

زي الـ عرفتك يا أفراح

شكرا للفرح الغامر الدخلتيهو معاك للبوست .. وكتر خيرك يا ست البنات :):p

[عبدالله محمد العقاد]

ابو منة استمتعنا بهذه السياحة الداخلية من خلال عيونك الرائعة حفظها الله

و لكن ابو منة عايزين توجيهاتك يعني الواحد يواصل في الغربة و لا نرجع و هل العمل

متوفر حسب الشهادة و لا سوق الله اكبر

و لو رجعنا الواحد يستقر وين في مدني و لا في الخرطوم

[عثمان جلالة]

ابو منة استمتعنا بهذه السياحة الداخلية من خلال عيونك الرائعة حفظها الله

و لكن ابو منة عايزين توجيهاتك يعني الواحد يواصل في الغربة و لا نرجع و هل العمل

متوفر حسب الشهادة و لا سوق الله اكبر

و لو رجعنا الواحد يستقر وين في مدني و لا في الخرطوم

والله يا العقاد أخوي نصيحتي ليك ... لو داير ترجع وغلبتك الغربة والشوق تب تعمل الآتي

قول واحد ... يكون عندك بيت في الخرطوم (تأجرو) + بيت في مدني (للسكن)

إتنين ... يكون عندك رصيد كاش كده فوق الـ 100 ألف ريال .. تختها في البنك للظروف

تلاته يكون عندك عدد (2) نقاطه .. "يعني مشاريع صغيره بتدخل دخل يومي" واحد في مدني والتاني في الخرطوم.

أربعة : تشوف ليك وظيفة في الخرطوم .. وبتلقاها لكن بعد تعب وخلال سنتين كده .. يكون الوظيفة دي دوامها .. واحد بس .. عشان تتفرغ في الدوام التاني للمتابعة مشاريعك التانية.

خمسة : تكون عندك عربية جاهزة .. للمشاوير مدني والخرطوم وبالعكس

لو عملت ديل بضمن ليك "بعد توفيق رب العالمين طبعن" .. إنك تشرط جواز سفرك نهائي .. والسعودية دي ما تشوفها .. إلا عمرة ولا حج بس :p:D


غير كده يااا أخوي أشواقك دي .. تشتري ليها ثلاجه ديب فريزر .. وتختهن فيها لحدي ما ربك يفرجها ... لأنهن برا كده معرضاااات للتلف :D :eek:

[وداد محمد]

كانت ايام جميل وخالده في الزاكره اخي ودجلاله
والحمدالله الظروف خدمتني والتقيت بك عدة مرات لما حسيت اني زي الجوكر
لكن جد الزول البلتقي بك بكون عايز اي فرصه ليلتقي بيك مرارا وقد كان
شكرا للشاده الكبيره لي
اخجلتم توضعنا انا مع مدون في نفس المركب ياسلام الفرحه ماسايعني

[أفراح]

جلالة ..........
في حضرة جلالك يطيب الجلوس ,,,
ويطيب أكثر في حضرة هذا الوطن الجميل ....



زي الـ عرفتك يا أفراح

لازم نكون بنتعارف مادمنا من هذه الارض ....

ومنكم وفيكم ياأخوي وأفخر بذلك
وأقيف وسط الداره
وأقول للدنيا ...
كل الدنيا ... ديل أهلي ...

وأقعد عافية ...

[عثمان جلالة]

كانت ايام جميل وخالده في الزاكره اخي ودجلاله
والحمدالله الظروف خدمتني والتقيت بك عدة مرات لما حسيت اني زي الجوكر
لكن جد الزول البلتقي بك بكون عايز اي فرصه ليلتقي بيك مرارا وقد كان
شكرا للشاده الكبيره لي
اخجلتم توضعنا انا مع مدون في نفس المركب ياسلام الفرحه ماسايعني

كتر خيرك يا ست الكرم .. والجود .. والحفاوة .. كتر خيرك إنت ومدون وجميع من سعدت بمقابلتهم في السودان.

أتمنى أن يتواصل التواصل .. ويتواصل العطاء .. ونلقاكم دايما تامين ولامين.

[عثمان جلالة]

جلالة ..........
في حضرة جلالك يطيب الجلوس ,,,
ويطيب أكثر في حضرة هذا الوطن الجميل ....


زي الـ عرفتك يا أفراح

لازم نكون بنتعارف مادمنا من هذه الارض ....

ومنكم وفيكم ياأخوي وأفخر بذلك
وأقيف وسط الداره
وأقول للدنيا ...
كل الدنيا ... ديل أهلي ...

وأقعد عافية ...


الله يديك العافية يا أفراح .. ومحل ما تقبلي .. تلقيها "هينة ولينه" .. وتكوني في حياتك دي هديه ورضيه ... وأيامك يا ست البنات ... تكون

........... بس .............


"طحنية" :p:p:p:p

[بت أم درمان]

والله يا العقاد أخوي نصيحتي ليك ... لو داير ترجع وغلبتك الغربة والشوق تب تعمل الآتي

قول واحد ... يكون عندك بيت في الخرطوم (تأجرو) + بيت في مدني (للسكن)

إتنين ... يكون عندك رصيد كاش كده فوق الـ 100 ألف ريال .. تختها في البنك للظروف

تلاته يكون عندك عدد (2) نقاطه .. "يعني مشاريع صغيره بتدخل دخل يومي" واحد في مدني والتاني في الخرطوم.

أربعة : تشوف ليك وظيفة في الخرطوم .. وبتلقاها لكن بعد تعب وخلال سنتين كده .. يكون الوظيفة دي دوامها .. واحد بس .. عشان تتفرغ في الدوام التاني للمتابعة مشاريعك التانية.

خمسة : تكون عندك عربية جاهزة .. للمشاوير مدني والخرطوم وبالعكس

لو عملت ديل بضمن ليك "بعد توفيق رب العالمين طبعن" .. إنك تشرط جواز سفرك نهائي .. والسعودية دي ما تشوفها .. إلا عمرة ولا حج بس :p:d


غير كده يااا أخوي أشواقك دي .. تشتري ليها ثلاجه ديب فريزر .. وتختهن فيها لحدي ما ربك يفرجها ... لأنهن برا كده معرضاااات للتلف :d :eek:

ربنا يحقق الأحلام ... مافي شي بعيد ... كل شي ممكن يتسوا ... بالذكاء ... كدي تعال نسو لينا مشروع هنا دا اول ... عندي ليك فكرة مشروع تعجبك ... هسي ما عندك 100.000 ريال كبداية صغيرونة كدا

[عثمان جلالة]

ربنا يحقق الأحلام ... مافي شي بعيد ... كل شي ممكن يتسوا ... بالذكاء ... كدي تعال نسو لينا مشروع هنا دا اول ... عندي ليك فكرة مشروع تعجبك ... هسي ما عندك 100.000 ريال كبداية صغيرونة كدا

ليييييييييييه إنت قايلاني شغال في الخلف للساعات والمجوهرااااااااااات .. ولا في شركة عربياااااااااات :p:p:p:):rolleyes::cool:

[بت أم درمان]

<انت sabb بي حاله ...

[عثمان جلالة]

<انت sabb بي حاله ...

شن sabb لى sabb يا يمه :p:p:p

[esmat]

انت يا اخوي جلالة لسة شايف السودان دا
(كل ما اخش القى السودان بي عيون جلالة)
يا الله ما بنلقى لينا بوست كدة (مطار دبي بي عيون جلالة)
(وش عايز اعادة)

[عبدالله محمد العقاد]

والله يا العقاد أخوي نصيحتي ليك ... لو داير ترجع وغلبتك الغربة والشوق تب تعمل الآتي

قول واحد ... يكون عندك بيت في الخرطوم (تأجرو) + بيت في مدني (للسكن)

إتنين ... يكون عندك رصيد كاش كده فوق الـ 100 ألف ريال .. تختها في البنك للظروف

تلاته يكون عندك عدد (2) نقاطه .. "يعني مشاريع صغيره بتدخل دخل يومي" واحد في مدني والتاني في الخرطوم.

أربعة : تشوف ليك وظيفة في الخرطوم .. وبتلقاها لكن بعد تعب وخلال سنتين كده .. يكون الوظيفة دي دوامها .. واحد بس .. عشان تتفرغ في الدوام التاني للمتابعة مشاريعك التانية.

خمسة : تكون عندك عربية جاهزة .. للمشاوير مدني والخرطوم وبالعكس

لو عملت ديل بضمن ليك "بعد توفيق رب العالمين طبعن" .. إنك تشرط جواز سفرك نهائي .. والسعودية دي ما تشوفها .. إلا عمرة ولا حج بس :p:d


غير كده يااا أخوي أشواقك دي .. تشتري ليها ثلاجه ديب فريزر .. وتختهن فيها لحدي ما ربك يفرجها ... لأنهن برا كده معرضاااات للتلف :d :eek:

الغالي جلالة

الشكر اجزله على النصيحة الغالية

[سيد البلد]

انت يا اخوي جلالة لسة شايف السودان دا
(كل ما اخش القى السودان بي عيون جلالة)
يا الله ما بنلقى لينا بوست كدة (مطار دبي بي عيون جلالة)
(وش عايز اعادة)


والله انا زاتي مستغرب
الزول ده من كترة ما شاف السودان لمن طشش

[عثمان جلالة]

انت يا اخوي جلالة لسة شايف السودان دا
(كل ما اخش القى السودان بي عيون جلالة)
يا الله ما بنلقى لينا بوست كدة (مطار دبي بي عيون جلالة)
(وش عايز اعادة)


ههههههههههههههه يا إسمت عشان ما يكون كلام بوستات سااااي .. الليلة شنو ؟؟؟ الإتنين صااااااااح .. طيب .. يوم الأربعاء في المسا تكون معانا هنا في الرياض كويس .... "ومعاك تأشيرة خروج وعودة" ... صباح الخميس بإذن الله نتوجه على دبي .. عشان يكون شوف وسمع ياااااخ :p:p رايك شنو ؟؟؟

[عثمان جلالة]

الغالي جلالة

الشكر اجزله على النصيحة الغالية

الغااالي ود العقاد .. كتر خيرك .. وبركة إلهي وجااااهي نشوفك كده مستقر .. ومبسوط في الوطن العزيز قول آآآآمين :p

[عثمان جلالة]

والله انا زاتي مستغرب
الزول ده من كترة ما شاف السودان لمن طشش


ياااا زول خلي الكلام الكتير .. يوم الخميس معانا ولا .. مع الخيانة "معز وسلس" :p:p:p

[سيد البلد]

ياااا زول خلي الكلام الكتير .. يوم الخميس معانا ولا .. مع الخيانة "معز وسلس" :p:p:p


يا زول ما بجي ساااااااااي كده ياخي
اي زول جاي ومعاهو حاجاتو ونحن اباطنا والنجم ؟
يشبكونا لا بي جاي والعوايل بي جاي وجاي بي جاي
كان ما شفتوا لينا حاجه من اسي مع الخيانه

[esmat]

يا زول ما بجي ساااااااااي كده ياخي
اي زول جاي ومعاهو حاجاتو ونحن اباطنا والنجم ؟
يشبكونا لا بي جاي والعوايل بي جاي وجاي بي جاي
كان ما شفتوا لينا حاجه من اسي مع الخيانه


اصلك مع الخيانة طواااالي معاهم
ما تمشى لي قدام قالواا ليك راقدااات
يا جلالة نتلاقى قدام انا معاكم جني وجن الخيانة ناس مجازفات ساااي