المساعد الشخصي الرقمي

مشاهدة النسخة كاملة : نداء لرئيس مجلس الإدارة والمشرفين (عضويتي حصل ليها شنو)


شـــ ود جميل ـبارقة
05-07-2009, 11:09 PM
بسم الله الرحمن الرحيم

السيد رئيس مجلس الإدارة والسادة المشرفين أنا عضو مسجل من تاريخ 19فبراير 2008م وتدرجت حتى مرحلة عضو فعال بعد أكثر من 45 موضوع و 300 مشاركة في مختلف المنتديات بالموقع ولكن تفاجأت بعد إغلاق وفتح الموقع من جديد بأني عضو جديد بنفس الإسم وكلمة مرور مختلفة وعدد مشاركات 00 فهل من الممكن لو تكرمتم سيادتكم بإفهامي وشرح هذه المشكلة وما السبب
العاقب مصباح
05-07-2009, 11:21 PM
حمد الله على سلامتك يا ود جميل

وبركة الشفناك طيب

سؤالك كان للإدارة لكن النقوم اتشولق ليك برضو يمكن تبرد شويه

يمكن تكون غائب كتير من يوم ما حصل السيل

الحكاية وما فيها انه حصلت كارثة بالمنتدى فقد فيها كل المشاركات والمواضيع التى حدثت من تاريخ 19 فبراير تقريبا وحتى تاريخ 25 مايو ....
اتفقدت بى سببها كل العضويات والمشاركات اللى حصلت فى الوقت داك.....
ربنا يعوضنا يا رفيقى
واخوك كان مصدوم بسبب ((5000)) من مشاركة لى موضوع كلها راحت شمار فى مرقة....
وبقيت عضو جديد لنج...
واصحابك ناس ود مدثر وابقرجة والخواض عملنا ليهم ترحيب من الاول
غايتو قدر الله وما شاء فعل....
ويلا نشد حيلنا تانى من اول...
نبنيهو ايوا سوا سوا....
كن دوما بكل الخير
كندشة
05-07-2009, 11:25 PM
هذه الكارثة اطلق عليها اصطلاحاً (السيل)

السيل الذي جرف معه عدد كبير من المشاركات و الأعضاء و الرتب

و أغلبيتنا عدنا كأعضاء جدد و قلنا عليه العوض ومنه العوض

موت الجماعة عرس يا حبيب
و أبقى داخل
علي النعيم محمد نور
05-07-2009, 11:28 PM
يا جميل شبارقة ود جميل . . .
أولا حمدا" علي سلامة العوده . . .
وينك إنت ما سمعته ( بالبكب أب ) ؟ . . . أصلو منتدانا تعرض لحادث (بوكس ) مع حافله هايس . . .وبعض الحاجات بقت ( حليل الكان )وما لقينا إلا ( الصنوق الأسود ) . . .
وغايتو في حديث ( رطانه ) كدي بعرفوا ليهو ناس أسامه الرشيد وود النور . . . إمكن يشرحهوه ليك . . . لكن أنا ما عرفت إلا ( البك أب ) إنقلب بعد الحادث ومشينا عملنا (ضمانه ) للأدمن . . . وكلنا بقينا جداد . . . جداد من (جديد) ما من ..............
المهم بركه الجيت ونورت دارك .
esmat
05-07-2009, 11:31 PM
سؤالك كان للإدارة لكن النقوم اتشولق ليك برضو يمكن تبرد شويه

والله قبيل شفت كلام شبارقة دا قلت خلي اجي زول قبالي اشالق واشعلق بعدو (جني وجن التكرار)

شبارقة ود جميل مشتاقين ياخ
ومشتاقين لي دكان و الجامعة تعال ياخ ورينا الحاصل شنو
ياخ الناس دي كلها نزلت (جنود) من جديد (الادمن) زاتو كانت
مشاركاتو (صفر) تعال عشان نحاول نضئ شمعة انت ما شايل الولاعة ياخ
moh_alnour
06-07-2009, 08:37 AM
شبارقة ود جميل حمدا ً لله على سلامة العودة للمنتدى و إن شاء الله أخر أيام الغياب
بخصوص ما حدث للداتا بالمنتدى فقد تفضل الأخوة بشرح ما حدث
و عليك أمان الله مافي زول سلم منها ، أخوك من 12600 مشاركة صفى على 2000 مشاركة
يلا منتظرين عودتك و عودة موضوعاتك
الملكة اسماء ( ام محمد )
06-07-2009, 09:40 AM
:p:p:p:p

والله الخلعة دي مروا بيها الناس الفوق ديل كلهم
خليك ايزي ياعزيزي :p
واعمل ريلاكس شديد:o


ويلا همتك معانا نستعيد ما مضى من نجوم :)


انا غايتو حا اخالف عادتي واتبرع ليك ( بكشك):D


عودا حميدا يا اخوي