كدي وروني بس ..

[ايمن عبد الله]

اهلا بيك اخى ايمن عباللة الحاج مشتاقين

أنا بس داير افهم .. مشاركة زي دي .. لا لقت ليها مشرف يصلحها ولا أي إداري يحلها

كدي وروني بس ..


وبعتذر بشدة للعضو صاحب المشاركة .. وهي قد تكون جات سهواً منه لكن بس الحارقني الغفلة الادارية الموجودة ..

ومن هسة ما تقولو لي ادارة المنتدى صعبة وعدد الاعضاء كبار وكيف نتحكم في مشاركات الناس وكده ..

[esmat]

ايموني ياخ مشتاقين جد

عدد الاعضاء كبار وكيف نتحكم في مشاركات الناس وكده ..

طيب انتا اهو عارف الموضوع

[ايمن عبد الله]

يا عصمت .. والله الشوق بحر

لكن مش اي قسم في المنتدى عندو مشرف ومفروض كل يوم اطلع على مشاركات الناس ؟ صدقني لو مرّ مرور ساي بقدر اتحكم ..

[moh_alnour]

الحبيب أيمن عبد الله
تحياتي لك
أخي العزيز جلّ من لا يسهو و تبارك الذي لا تاخذه سِنة ولا نوم
مؤكد يا أيمن بأن الأمر غير مقصود و أنت تعلم علم اليقين ما يبذله المشرفين
من تعديل في مشاركات الأعضاء و تحديدا ً ما يتعلق بأسم الجلالة و الآيات القرآنية و الأحاديث النبوية و العبارات الدينية المعروفة
و الأمر أولا ً و أخيرا ً جهد المُقِل و أجتهاد البشر الذي لم ولن يصل إلى درجة الكمال
و كنت أتمنى أن ترسل رسالة خاصة إلى مشرف القسم الذي وردت فيه هذه المشاركة
أو عمل تقرير مشاركة بها و عندها فالك طيب ( على قول الخليجيين ) ;)
بارك الله فيك و نفع بك و دمت ذخرا ً و سندا ً و عونا ً لأخوانك بالمنتدى

[الجندي المجهول]

أنا بس داير افهم .. مشاركة زي دي .. لا لقت ليها مشرف يصلحها ولا أي إداري يحلها

كدي وروني بس ..


وبعتذر بشدة للعضو صاحب المشاركة .. وهي قد تكون جات سهواً منه لكن بس الحارقني الغفلة الادارية الموجودة ..

ومن هسة ما تقولو لي ادارة المنتدى صعبة وعدد الاعضاء كبار وكيف نتحكم في مشاركات الناس وكده ..

حبيبنا ايمن اخبارك ما شايفنك مع سيكافا دي

انت فلان الفلاني دا منو (مسعول من الخير عثمان)

[ايمن عبد الله]

حبيبنا ايمن اخبارك ما شايفنك مع سيكافا دي

انت فلان الفلاني دا منو (مسعول من الخير عثمان)

فلان الفلاني ده خلي امكن دقس وكلنا بندقس ونسهو ونغلط . وهو فرد واحد لكن الطقم بتاع الاشراف مالهم معقول كلهم دقسو ؟

[هيثم عبدالعال]

فلان الفلاني ده خلي امكن دقس وكلنا بندقس ونسهو ونغلط . وهو فرد واحد لكن الطقم بتاع الاشراف مالهم معقول كلهم دقسو ؟


أيمن الأحمر

حمدلله على السلامه وبركه البقيت طيب

الموضوع ما محتاج لبوست قدر ده ،،، زي ما قلت إنو فلان الفلاني ده دقس لأنو فرد فطاقم الإدارة والإشراف برضو مجموع أفراد يسري عليهم ما يسري على الفرد فهم برضو بدقسوا
وزي ما أحجمت عن التصريح بإسم فلان الفلاني فالمشرف المسئول عن مكان المشاركة يستحق منك ذلك فكان تكرمو برسالة خاصة .
معلومة : ليس كل طاقم الإدارة والمشرفين لهم صلاحية التعديل في كل الأقسام فلكل صلاحياته في قسمه فقط وفي ما عداه هو مجرد عضو .
همسه : الظاهر رد اخونا محمد النور ما عجبك

لك ودي

[ابراهيم]

والله يا ايمن امبارح لقيت ليك برضو فلان فلاني تاني
عامل مداخلة
قدر ما قلبت الحروف ونقصتها وزدتها ابت تتقري لي
وانا متأكد كان جابو الزمخشري ما يقدر بتصرف فيها