لسه في امل .. بس منو البعترف ؟

[الملكة اسماء ( ام محمد )]

السلام عليكم ورحمة الله تعالى وبركاته


ياجماعة والله في قصة محيراني ومزعلاني

محيراني لاننا ما ملاحظين ليها او ما بنعاين للنصف الممتلي من الكوب فعلا

ومزعلاني لاننا لما نشوف تغير من ناحية ايجابية مانشيد بيه ولا بندعم فكرة التطور للافضل اكتر


القصة كالاتي :

زميلاتي في العمل جوني زيارة وكان الحديث عن السفر واجراءته المعقدة
المهم الغالبية كانو اجنبيات ماقطريات يعني - معظمهم مصريات واردنيات وفلسطينيات

الكلام وصل لحد باب السفارات
تتخيلو اتضح انو السفارة السودانية هي اكتر سفارة بتقدم خدمات تكاد تكون متكاملة للمواطن السوداني المتغرب على الاقل عندنا هنا في قطر

غالبية البنات الكانوا بتكلموا اشتكوا من انهم عشان يطلعوا شهادة سيرة وسلوك سااااي احتاجوا يمشوا ويجوا مليون مرة لسفاراتهم الماموفرة ليهم غالبية الاجراءت وغالبا بستنوا الخارجية في بلدهم ترسل المطلوب

فعلا زعلت لاننا كشعب سوداني لما نجتمع ونتونس عن احتياجاتنا والبتوفروا لينا البلد بنفتش النقص وين ونبدا كلامنا عنه وما بنشوف وين الجوانب الجيدة من البتقدموا حكومتنا


انا عن نفسي شفت سفارتنا السودانية هنا قبل خمسة سنوات او ستة وشفتها حاليا والله العظيم تحسن بنسبة تكاد تكون 75% من الكان زمان .. لكن للاسف برضو الشعب عنده احتجاج على حاجات هامشية معالجتها بتم تلقائيا بس دا بحصل لما نحن نشيد بالتقدم اولا ودايما بقول ليك اذكر المحاسن بعدين اذكر المساؤ بشكل جانبي مع وضع حلول ممكنة ..اها نحن العكس للاسف

كانت دي دعوة خاصة للنظر بمنظور اكثر تفهما لغالبية اشيائنا والسعي لدراسة النواقص مقارنة بحاجات غيرنا
صدقوني ساعتها ح نكتشف اننا في نعمة

يلا لو سمحتوا ادوني رائيكم في الموضوع ككل وياريت تدونا تقارير عن بعض الدوائر الموفراها الحكومة السودانية للمواطن في بلاد الغربة وياريت نركز على المحاسن اولا وبعدين ندرس النواقص بعين الراغبين في الكمال مع العلم ان الكمال لله


ودمتم بود

[العميل 101]

كلامك صح.....لكن منو الفاضى يقيم لك الموضوع ده ....انا افتكر فى مواضيع اهم من ده ...واهمها علاقتنا مع الله سبحانه وتعالى..ثم بعد زالك تربيتنا للاطفال ((يا ملكه))

[فراس]

صباح الخير سيدتي ملكة
اعجبت بحديثك جدا وهذه حقيقة نحن اصبحنا ننظر للنصف الفارغ فقط
وانا في فترة من الفترات كنت اتحامل جدا علي سفارتنا في الخارج
ذلك من صورة قديمة ارتبطت في ذهني بالاضافة لمانسمعه من الاخوان
ولكن ماحدث جعلني اعيد نظرتي من الاول لاني ذهبت لها في الايام الفايتة
والله هالني مارايت بداية من الاستقبال الممتاز وانهاء المعاملات سريعا
وقمة الاحترام والتعقيدات التي كانت في السابق كلها انتهت ونتمني
ان يكون هذا حال جميع سفاراتنا في الخارج
تسلمي

[ود الجعلي]

ملكة القلوب صباح الخير

يعني السفارة السودانية كويسة ... ولاقصدك شنو:(:(:(:(



بجيك صادي..... حسي طافي;);)

[mutasim]

مشكورة على هذه الملاحظة بس فاتك انكى يتقارنى بالاسواء قارنى بالافضل ,وحايستمر النقد الى ان تتحسن المعامله 100% وهذه فائدة النقد , وامكن التحسن ده موجود بقطر تعالى شوفى عندنا فى جده , ولكى اجمل التحايا ورمضان كريم

[ابوخالد]

ما عارف لكن الموضوع فيه إنَ ؟؟؟

صنفرة موضوعين فى نفس الوقت ... ورد من نفس القلم ...

شئ يحير ....

هى الدنيا جرى فيها أيه ؟؟؟؟؟؟؟؟؟؟؟؟:confused::confused::confused:

لاتفتح بابآ يعييك سدَه ولا ترمى سهمآ يُعجزك رده

إذا لم تكن وردآ فلا تكن شوكآ ....


ودمتم بخير

[الخواض محمداحمد خواض]

نتمنى بنفس جمال سفارتنا بقطر التى تقدم الخدمات من غير مقابل مادى اتمنى ذلك . ان تكون بنفس المستوى مستشفياتنا بنفس جمال سفاراتنا تقدم الخدمات للمواطن بدون مقابل وكذلك المدارس (التعليم ) وبنفس القدر نظافة المدن ورعاية اليتمى واللقطاء وووووو الكثير الكثير .

ونعدها ننظر للنصف الآخر من الكوب

لك تحياتى

[بدر الدين احمد الطائف]

=ملكة القلوب]
انا عن نفسي شفت سفارتنا السودانية هنا قبل خمسة سنوات او ستة وشفتها حاليا والله العظيم تحسن بنسبة تكاد تكون 75% من الكان زمان .. لكن للاسف برضو الشعب عنده احتجاج على حاجات هامشية معالجتها بتم تلقائيا بس دا بحصل لما نحن نشيد بالتقدم اولا ودايما بقول ليك اذكر المحاسن بعدين اذكر المساؤ بشكل جانبي مع وضع حلول ممكنة ..اها نحن العكس للاسف
يا ملكة رمضان كريم سوال........................علاقة الشعب بالسفارة السودانية فى قطر شنو.

[بنت الرفاعي]

أختي الملكة أحييك على هذه النظرة الإيجابية ,
وربما في قطر السفارة تحسنت وأصبحت أفضل ,
لكن هل كل سفاراتنا في باقي الدول , وبالذات العربية بمستوى سفارتنا في قطر؟