هل توجد صداقه حقيقيه ؟؟؟؟؟؟؟؟؟؟؟؟

[امير عبدالباقي]

ارجو من الاعضاء الادلاء باراءهم في هذا الموضوع

هل توجد صداقه حقيقيه ؟ ومها كان ردك ادلي بالسبب

[مازن الجمّال]

الصداقة دي زي حاجة كدا عاملة زي الماس شفافة وما بتتكسر

في صداقة زائفة زي الزجاج برضو..

لكن مع زمنا الجايط دا بقول ليك بكل أسف أصبحت نادرة


وشكرا :cool:

[aborawan]

الصداقة كالمطر تزداد الحوجه اليها كلما اشتد المطر
الغالي امير موضوعك حلو وطبعاً فتح لي مجال عريض انى اقعد ابري وابري لحدى الصباح وصدقني يا غالي لو انفتحت ليك في موضوع الصداقة ده بتطلع علي شمس صباح يوم العيد وانا كون لسه شغال بري في الموضوع ده طبعاً كثيرين بقولو ليك انو الحكاية دي انعدمت او شبه انعدمت في الزمن العلينا ده ويرجع السبب الرئيسي في كده الساس او الاساس التي بنيت عليه هذه الصداقه
اخذ ليك مثلاً صداقة بنيت على الكذب والنفاق وعدم الوفاء كيف لهذه العلاقة ان تستمر او تكون اساساً طبعاً مستحيل لانو كل ما بنى على باطل فهو باطل , عشان كده بشوف انو من المقومات الرئيسيه لبناء صداقة قوية وحقيقة هو الصدق والوفاء والإخاء كمان وجد لسه الدنيا بي خيرا وفي كتير من الناس بستاهلو يكونو اصدقاء بحق وحقيقي ( زي مافي الطالح اكيد في الصالح )
طبعاً يا غالي كلامي ده قلتو ليك من تجارب شخصية عشتها وعايشتها ( ابو الساء JJ) ويمكن انتا على علم تام بيها ما نمشي لي بعيد انتا حالياً بقيت بالنسبه لي اخ عزيز وغالي كمان ( اها دي مش تسمى صداقة حقيقة ولا فيها تزوير وانا ما عارف :D:D
عشان كده انا بأكد انو فعلاً توجد علاقة صداقة حقيقة ما دامت مبنية على الصدق والاحترام ورب اخ لك لم تلده امك

مشكور حبيبي

[ابوقيس]

موضوعك جميل ياامير

والصداقه شىء ماهين

لانه كيف تلقي الشخص القدر يفهمك ويعرف الحاصل عليك

ويفرق عليك وعليه واوقوف وقت الشده وووووووووووو


موضوع طويل لكن المسام بدون صديق ماببقي ماببقي

[زيكو منيب]

الصداقة دي زي حاجة كدا عاملة زي الماس شفافة وما بتتكسر

في صداقة زائفة زي الزجاج برضو..

لكن مع زمنا الجايط دا بقول ليك بكل أسف أصبحت نادرة


وشكرا :cool:

[schizo]

ابو روان سبقني وقال العندي:)
موضوعك رائع زي ما عودتنا يا امير.

[ruby]

كاتب الرسالة الأصلية Rasta man
الصداقة دي زي حاجة كدا عاملة زي الماس شفافة وما بتتكسر

في صداقة زائفة زي الزجاج برضو..

لكن مع زمنا الجايط دا بقول ليك بكل أسف أصبحت نادرة


وشكرا :cool:

[عماد الصادق]

المحترم أمير عبدالباقي
أود التعليق على موضوعك عن الصداقة الحقيقية!! ووجودها !!
أكيد مادام في كلمة إسمها صداقة وفي كلمة إسمها الحقيقة يكون في صداقة .. وكمان حقيقية...
أهلنا بقولو الصديق وقت الضيق..
ممكن الواحد يفتكر إنو زيد وعلان وعبدالجبار كلهم أصدقاء .. وتتعامل معاهم على هذه الدرجة..
لكن بحكم التجربة .... كلما مر الزمن .. وكلما انتقلنا من فترة لفترة تتساقط الأسماء من اللستة ..
وأعني بالفترات .. أيام الثانوي العام مثلا ..فترة الثانوي العالي .. مثلا .. بداية الفترة العملية .. مثلا .. بعد الإرتباط ... مثلين ... وحسب رأيي إنو بعد الإرتباط .. الزواج .. كل شئ بيظهر بطريقة أوضح.. الذهب يظل على لونه والصِفِر يتغير حسب الطقس !!
الحياة من غير صداقة وأصدقاء صحراء من غير واحات ... ناشفة ناشفة ناشفة
ومازالت الدنيا بخير .. وتحياتي أبوأشواق

[امير عبدالباقي]

اخوتي الاعزاء
راستا ابوروان ابوقيس زيكو روبي عماد

مشكورين علي المرور والمشاركه قد اتفق مع بعض منكم في وجهات النظر اتمني من الجميع المشاركه
تحياتي

[حلوه واموره]

موضوع رائع جدا يا امير

وكل اللي كنت بقولو قالو عني وسبقوني

[غيورجدا]

هوي يا زول ها انا كلام الاخوان دا كلو قريتو وجربت الصداقة في السودان وخارج السودان
وعشان ما اجيب لي قولا يزعل الناس الفوق ديل مني تعال نجربه انا وانت وبما انك صاحب
الموضوع اعرفك بان هذا اول تعليق لي في المنتدى دا واطمع في ان تكون اول من اصادقه
ولو وجدت خصال طيبة ربما كان لي رأي اخر وبعدين انت ماتقدر تلف وتدور معاي لانك لو
حاولت حا اقولك واذكرك ما انت ما ادليت بدلوك في هذه البوتقه الصداقية.

[ابراهيم]

اخي وصديقي أمير لك التحية وكل سنة وانت طيب

لا شك أنها لايمكن ان يعيش الانسان بلا اصدقاء 0 والصديق الحقيقي ، هو الذي
يملك قلبا كبيرا ولا يعرف الحقد أو الحسد وقلبه مملوء بالرحمة والحب والحنان
والصداقة الحقيقية اصبحت نادرة جدا في زماننا هذا.



لك مني كل التقدير