النشرة الجوية [الأرشيف] - منتديات ودمدني

مشاهدة النسخة كاملة : النشرة الجوية

ودالعمدة

26-06-2009, 05:11 AM

وقف محمود بعد نهاية نشرات الأخبار التلى فيزيونية
وقد اختلط عليه حابل ( الجزيرة ) بنابل ( البى بى سى )
وكالمسبوق لم يدرك الا آخر النشرة الجوية فى أم درمان :

* درجة الحرارة مرتفعة فى امريكا بسبب حمى انخلونزا الفنازير
وسرعة انتشارالاحتباس الحرارى تثقب الأوزون وأذان المشاهدين .
* منخفض شعبى يمتد جنوبا ادى الى فاصل مدارى انفصالى عند لام أكول .
* رياح ( ترابية ) ( غربية ) على دارفورمنذ ست أعوام سببت أزمات سياسية وحساسية .
* هزة عرضية خفيفة جدا أدت الى تصدع كل الأحزاب السودانية بما فيها اتحاد شداد .
* هطول مطرتين على العاصمة بسبب الرياح القادمة من ( غانا ) أدت الى ارتفاع الأسعار.
* كمية الغيوم التي تلف أجواء البلد غيوم ملبدة تحجب الرؤيا بضبابية
ولا توجد هنا شفافية ، غيومٌ متناثرة تجعل كل حزب يبحث عن (غيمته)
ليبنى تحتها ( خيمته ) الانتخابية ودعواته للفوز بالغنائم والمغانم .

قذف بالريموت بعيداً بعدأن أقفل محمود التلفاز فهو مثل الصحف اليومية
(مافيها شئ ) ترميها بعد تصفحها زافراً .. ( لك الله ياوطن ) ...

العاقب مصباح

26-06-2009, 08:55 PM

ودالعمدة

27-06-2009, 01:34 PM

نشرة اخبار الوفيات
الولايات
العبايات
المرايات
التصاوير
التعابير
الحكايات ...
نلاحظ ايضا يا صديقى هبوب رياح صينية قوية فى اتجاه الجزيرة
ادت الى تغيير فى العملية الزراعية مسببة طمام بطن شديد خلاص
وهذه الرياح ايضا ربما تؤدى الى اقتصاص اشجار المسكيت من ربوع وطنى الحبيب
وكان جازفناها شويه كدا بتخلى ريشنا كوم
هوووووووو جن تاو

الغالى عقبة
كما عهدناك فأنت أول القادمين وآخر الرائحين
وبعيداً عن هوج الرياح من أرابعين وخماسين
فالخطرآت من ذوى العيون الصغيرة فى الصين
قد تذكرنا يأجوج وماجوج فى قصة ذى القرنين
فمن يأتينا بزبر الحديد او يساوى بين الصدفين

دوماً سنلتقى أخى عقبة
وليبقى نيلنا أزرقاً وجزيرتنا خضراء وقلوبنا بيضاء

الجندي المجهول

28-06-2009, 03:57 AM

ود العمدة
لو عاوزنا نرجع زي زمان قول للزمان ارجع يا زمان
نعيب زماننا والعيب فينا وما لزماننا عيب سوانا
حبيبي اكتب لي وانا اكتب ليك بالحاصل بي والحاصل بيك
الحسنة في المنعول زي الشرا في القندول
6 ضرب 3 بي 18
ومنتظرنك يا حبيبنا

ودالعمدة

28-06-2009, 10:51 AM

جندينا المجهول
حبابك والبوست السعيد الليلة جابك
شكرا للمفتش كرومبو وهو يقدم نشرته الجوية
وتصبحون على خير

esmat

28-06-2009, 11:06 AM

وتصبحون على خير
نحن دائماً ما نأتي مع الموجز
فالرؤية الضبابية اليومية قد توهتنا
عن الطريق الترابي الذي قد سمعنا
قديماً قد اخرجت له الحكومة ميزانية
السفلتة ولكن ابت جيوب السفلة الا
ان تتسفلت اولاً وما بقى منها يتم ردمه
ويوشحه بالاحمر

علي النعيم محمد نور

28-06-2009, 12:01 PM

الغيور ود العمده . . .
(الجوه النشريه ) حقتك رهيبه . . . والغيره وحراق الروح وعض الأيدي أول مراحل العافيه السودانيه . . .
وزمااااان (ناس ) الجويه كان عندهم مؤشر زي (الأريل) كده بضعوه علي المدن . . . هسه بقو يختو أيديهم علي الشاشه وتقراء . . . يعني تجي تقول ( الجزيره) تخت يدها في سد مروي . . . وتقول الجنوب تخت يده في (أبي ياي ) . . . ولمن تقول العواصم الأجنبيه تقرب تقول جوبا و (واو). . . وطبعا الجنوب بقي دوله أجنبيه من هسع . . . وعيييييك . . . يأخوي قوم أستغفر الله وقيس (ضغطك ) وقول يالطيف . . . وأتركك مع بقية النشره والزملاء في الإستديو وتصبحون ( قرود ).

ودالعمدة

29-06-2009, 03:18 AM

نحن دائماً ما نأتي مع الموجز
فالرؤية الضبابية اليومية قد توهتنا
عن الطريق الترابي الذي قد سمعنا
قديماً قد اخرجت له الحكومة ميزانية
السفلتة ولكن ابت جيوب السفلة الا
ان تتسفلت اولاً وما بقى منها يتم ردمه
ويوشحه بالاحمر

العزيز عصمت بالتركى
انت دوما فى المقدمة عشان كدة الضباب والكتاحة بتجى بعدك
وخلى التفاصيل لناس التأصيل واسأل شرفى أو حمد النيل
ميزانية السفلتة دخلت الجيوب الكبيرة وحالتنا بقت زفت ساى
بعد ماضاعت احلام الردمية مع السيل