شاب يصعد برج استاد مدنى ويهدد بالانتحار

[عبدالرحمن مدثر]

خبر فى جريدة (حكايات ) هذا الصباح

مرفق معه صورة لشاب فى مقتبل العمر

وهو على البرج الجنوبى الشرقى لاستاد مدنى

وتحته جمهرة من الناس تحاول اثنائه عن قرار الانتحار

[عبدالرحمن مدثر]

التهديدات بالانتحار موجهة للوالى شخصيا

مع طلب يتنفيذ بعض رغبات الشاب الذى ينوى الانتحار

من الرغبات

(1) التصديق له بركشة

(2) تمكينه من الظفر بزوجة ( يعنى وارد ممكن نشوف صبحى وعصمت فى نفس الحته )


وقد قال (م.أ ) للمواطنين الذين تجمهروا حول برج الكشافة معطلين حركة السير

ان عدم السماح له بمقابلة الوالى الزبير بشير طه

سيفضى به للسقوط منتحرا

[عبدالرحمن مدثر]

ناتى للدوافع التى جعلت الشاب يقدم

على محاولة الانتحار .. على حسب مصادر (حكايات )

ان الدوافع تتلخص فى فقدان الشاب لمبلغ (35 جنية ) كانت بحوزته

مما ادى الى اعلانه الصريح لمحاولته الانتحارية (الفاشلة ) بعد ان خفت قوات الدفاع

المدنى لاثناء الشاب عن فكرة الانتحار

[عبدالرحمن مدثر]

واخيرا توجت الجهود بنجاح بعد ان قام المذيع الداخلى

للاستاد (مدثر القطر ) بدور مقدر لاقناع الشاب بالعدول

عن الانتحار ...

ليهبط الشاب من البرج سالما

وتقوده الشرطة للقسم الاوسط

لتكملة اجراءاتها

[المسافر]

التهديدات بالانتحار موجهة للوالى شخصيا
مع طلب يتنفيذ بعض رغبات الشاب الذى ينوى الانتحار
من الرغبات
(1) التصديق له بركشة
(2) تمكينه من الظفر بزوجة ( يعنى وارد ممكن نشوف صبحى وعصمت فى نفس الحته )

وقد قال (م.أ ) للمواطنين الذين تجمهروا حول برج الكشافة معطلين حركة السير
ان عدم السماح له بمقابلة الوالى الزبير بشير طه
سيفضى به للسقوط منتحرا



تحياتي عبدالرحمن

والله الزول ده طلباتو بسيطة جداً
أصغر حرامي منهم ممكن يحلها ليهو!!

لكن بخصوص نمرة (2) أحسن ليهو ما يستعجل فيها !

تخريمة :
أصلوا الكورة في مدني إنتهت عشان كده أحسن
يستفيدوا من الإستاد في أشياء تانية !!!!!!!!

[عبدالرحمن مدثر]

معادلة صعبة

35 جنية + ركشة + زوجة = محاولة انتحار

[عبدالرحمن مدثر]

تحياتي عبدالرحمن

والله الزول ده طلباتو بسيطة جداً
أصغر حرامي منهم ممكن يحلها ليهو!!

لكن بخصوص نمرة (2) أحسن ليهو ما يستعجل فيها !

تخريمة :
أصلوا الكورة في مدني إنتهت عشان كده أحسن
يستفيدوا من الإستاد في أشياء تانية !!!!!!!!



حبيبنا خالد

طلبات بسيطة لكنها وقفت الحركة وجابت قوات الدفاع المدنى

الزول داير ركشة .... وداير يعرس

انت عارف (نمرة 2) دى تكون علقت معاهو

قال انسب حاجة بتعلق فى البرج

عشان يا يحلها

يااتحل منها

[محمود (أبو وضاح)]

هذا ضعف ايمانى لا يجب الالتفات اليه كحالة ، فهناك من يموتون جوعا وأغنياء من التعفف ، ومثل هذا الشخص لا يؤتمن على الزوجة التى ينادى بها كحالة استقرار ، فهو مريض نفسيا وعقليا .

[عبدالرحمن مدثر]

هذا ضعف ايمانى لا يجب الالتفات اليه كحالة ، فهناك من يموتوت جوعا وأغنياء من التعفف ، ومثل هذا الشخص لا يؤتمن على الزوجة التى ينادى بها كحالة استقرار ، فهو مريض نفسيا وعقليا .




حبيبنا ابوضاح

والمؤسف حقا ان الدوافع عبارة عن

فقدانه لمبلغ (35 جنية ) ............

(دا مجنون عديل كدا )

لكن بالمقابل تعتبر ظاهرة بالجد خطيرة تعكس حال المجتمع

الذى يعانى ويعانى .. حتى يصل لدرجة عدم استقرار تتبخر معها العقول

رويدا .... رويدا

ربنا يلطف بعباده

[esmat]

المعطيات احسبها صاح ياعبد الرحمن
رقشة حالياً كم (5) مليون +غايتو دي إلا استعين بي ابو الحروف اقوى من الشدة واطوول من المدة واهدأ من السكون.
يعني طلبات الشاب ما بسيطة كما يبدو للبعض قد تنتج اكثر من (7) مليون إذا إذا إذا فرضنا انو ممكن
اتزوج بي (2) مليون
تعرف هو حالياً شاب عاطل يبحث ليضع جنيه فوق (35) جينه التي جمعها بعد معاناة وفقدها
هذه الحالة يجب ان لا تمر مرور الكرام يجب ان نبحث عن الاسباب والحلول لها.
يومياً نسمع الاستاذ/ خالد في بوسته يحكي عن العطالة وطريقة جلوسهم فلم يلتفت احد

ما هي الآثار التي كانت ستنتج اذا حضر الوالي واجاب هذا الشاب لمطالبه ؟؟

لن يكون هناك مكان عالى إلا وكان فيه شاب ومطالب واحتمال بكرة "بالحجز كمان"

غايتو لو كان جاء الوالي وقضى ليه مطالبو دي بكرة تلقوني في برج الجزيرة معلق (وش جادي)

[بت أم درمان]

ومسكوهو لشنو
كان اخلوهو يرمي نفسه اذا بقدر
دا تهديد ساي ولا بنتحر ولا شي
طالما عمل كدا معناتا متمسك بحياته
اذا جد داير يموت في طرق كثيرة جدا
عالم جبانة وما بتخجل
اذا مشى اتسول قدام مسجد كان اكرم ليهو

[ابوخالد]

حبيبنا ابوضاح

والمؤسف حقا ان الدوافع عبارة عن

فقدانه لمبلغ (35 جنية ) ............

(دا مجنون عديل كدا )

لكن بالمقابل تعتبر ظاهرة بالجد خطيرة تعكس حال المجتمع

الذى يعانى ويعانى .. حتى يصل لدرجة عدم استقرار تتبخر معها العقول

رويدا .... رويدا

ربنا يلطف بعباده



لك صادق الود والإحترام أخى / عبدالرحمن
ومشكور لطرح هذه الصورة الغير مألوفه فى مدينتنا الفاضلة مدنى
ممكن نقول إنسان متهور ليس أكثر أو أقل .. او طالب تميز .. لكن نعته بالجنون
ده وصف كتير عليه ..
ومشكور ألاخ المبدع / محمود (ابو وضاح ) على المداخلة الجميلة ... فقط أتمنى
أن يرأف بحال المتهور ويرجع إلى الاسباب الحقيقية وراء إقدامه لهذا العمل ...

أستميحكم لأخذ إتكاءة فى ضلكم البارد ده ...
الجنون او المرض النفسى صفتان شديدتا التعقيد .. لايمكن الحكم على شخص
بالجنون لمجرد إقدامه على الإنتحار .... وإلا لكان جميع المدخنين مجانين (مثلآ )
وفى الختام لكم الود والإحترام

[محمد حسين (المميز)]

وتقوده الشرطة للقسم الاوسط

لتكملة اجراءاتها



يعني يا عبدالرحمن

لاجاهو الوالي ولا انتحر :confused:

وكمـــان ساقوهو الحراسه

ده يكون اتكفت كفيت :rolleyes:

تلقاهو قال مش كان نطيت احسن

[عبدالرحمن مدثر]

المعطيات احسبها صاح ياعبد الرحمن
رقشة حالياً كم (5) مليون +غايتو دي إلا استعين بي ابو الحروف اقوى من الشدة واطوول من المدة واهدأ من السكون.
يعني طلبات الشاب ما بسيطة كما يبدو للبعض قد تنتج اكثر من (7) مليون إذا إذا إذا فرضنا انو ممكن
اتزوج بي (2) مليون
تعرف هو حالياً شاب عاطل يبحث ليضع جنيه فوق (35) جينه التي جمعها بعد معاناة وفقدها
هذه الحالة يجب ان لا تمر مرور الكرام يجب ان نبحث عن الاسباب والحلول لها.
يومياً نسمع الاستاذ/ خالد في بوسته يحكي عن العطالة وطريقة جلوسهم فلم يلتفت احد

ما هي الآثار التي كانت ستنتج اذا حضر الوالي واجاب هذا الشاب لمطالبه ؟؟

لن يكون هناك مكان عالى إلا وكان فيه شاب ومطالب واحتمال بكرة "بالحجز كمان"

غايتو لو كان جاء الوالي وقضى ليه مطالبو دي بكرة تلقوني في برج الجزيرة معلق (وش جادي)





مع حسابنا للمعطيات صاح

صديقنا الركب البرج عندوا رسالة واضحة

وان كانت طريقة التعبير غير ..

هل الوالى لايمكن الوصول اليه حاليا ..؟؟

بين لجان ولجان واستقبال وامشى تعال

وماتجى نهائى ...!!

بس كما قلت يادفعة لوكانت الامور تحل هكذا

كان تلقى الجماعة كلهم متشعلقين فى اى حتة عالية

ويبقى مهرجان للطلبات



فى مشكلة

لاننكر ذلك

وحلها صعب

نكاد نجزم بذلك

[عبدالرحمن مدثر]

ومسكوهو لشنو
كان اخلوهو يرمي نفسه اذا بقدر
دا تهديد ساي ولا بنتحر ولا شي
طالما عمل كدا معناتا متمسك بحياته
اذا جد داير يموت في طرق كثيرة جدا
عالم جبانة وما بتخجل
اذا مشى اتسول قدام مسجد كان اكرم ليهو




مشكلتو يابت امدر انو داير ركشة

والركشة داير يزف بيها العروس

قدام المسجد مشكلتو قائمة

وزى ماقلتى هذا من باب التهديد

والتمسك بالحياة

لكن فى عالم جبانة اكتر منو

بس لابسين عمم

وبدل راقية

نقول شنو

الله غااااااااااالب

[عبدالرحمن مدثر]

لك صادق الود والإحترام أخى / عبدالرحمن
ومشكور لطرح هذه الصورة الغير مألوفه فى مدينتنا الفاضلة مدنى
ممكن نقول إنسان متهور ليس أكثر أو أقل .. او طالب تميز .. لكن نعته بالجنون
ده وصف كتير عليه ..
ومشكور ألاخ المبدع / محمود (ابو وضاح ) على المداخلة الجميلة ... فقط أتمنى
أن يرأف بحال المتهور ويرجع إلى الاسباب الحقيقية وراء إقدامه لهذا العمل ...

أستميحكم لأخذ إتكاءة فى ضلكم البارد ده ...
الجنون او المرض النفسى صفتان شديدتا التعقيد .. لايمكن الحكم على شخص
بالجنون لمجرد إقدامه على الإنتحار .... وإلا لكان جميع المدخنين مجانين (مثلآ )
وفى الختام لكم الود والإحترام




هو طالب تميز كما تفضلت ياابو خالد

ولكن الجنون المراد فى التصرف ذاته

لانها فكرة جنونية تكمل صفة التميز باشياء خارجة عن التوقعات

للرجل قضية

وقضية كبيرة

لكنه فشل فى التعبير عنها

فاجتهد فى شد الانتباه لتوصيلها

نتمنى مثلك ان ينظر للامور باهتمام اكثر

خوفنا فقط ان يعالج الامر على انه حالة شاذة

يتم حسمها بطريقة غير مقبولة

سعيد انا بمداخلتك

ونسعد بضلك الوريف

[عبدالرحمن مدثر]

يعني يا عبدالرحمن

لاجاهو الوالي ولا انتحر :confused:

وكمـــان ساقوهو الحراسه

ده يكون اتكفت كفيت :rolleyes:

تلقاهو قال مش كان نطيت احسن



انا خايف عليهو من جنس الكلام دا

يامميز

لاجاهو الوالى ولاانتحر

ولاجاتو ركشة

ولالقى عروسة

وبعد دا كلو سرقوا قروشو

دنيا

لايملكها

من يملكها

[عوض الكريم الخواض]

صديقى أبو مزن ...هذا الشاب أصبح حديث المدينة , والتى وجدت متنفساً لها فى هذه القصة الغريبة على أهل المدينة ...
ما بين تمام العقل والجنون ( شعرة ) أرق من شعرة معاوية ...
وهذا المغلوب على أمره لم يجد من يهتم بطلباته ( البسيطة والمستحقة ) سوى هذه الطريقة المستحدثة والتى وجدت رواجاً واعلاما فاق التصور ...
ولكن علينا أن نسأل أنفسنا عن طلبات هذا الشاب الذى تحامل عليه الكثيرون ووصفوه بالمجنون وعدم الأيمان ...
ألم تجد هذه الطلبات ( طريقها الى نفوس الكثيرين ) ممن يتصفون بالعقل ومنعهم الحياء من المطالبة بها بهكذا طريقة ...
هذا الشاب أرسل رسالة ( مخفاة ) فى صدور الكثيرين من شبابنا ويجب النظر الى هذه الرسالة بعين واعية ...
فأخطر عدو للأنسان هو ( الأحباط واليأس) .
تمنياتى للجميع بعقول راسخة واعية .

[محمد ابراهيم خليفه]

الاخ عبدالرحمن
لك التحيه
طريقة تناول الصحف للخبر قد تكون لها اثر كبير فى كيفية تلقينا للخبر
فقد حدث من قبل مثل هذا التصرف من شاب سابق طالب برقشه واطلاق
سراح زوجته من السجن والتى كانت قد ادينت لحيازتها مخدرات واتصل به تلفونيا
رئيس تحرير الوطن ونزل وصدفه التقيته بمدنى وسالته من الاستجابه لطلبه
فعلمت انه لم يستجاب لطلبه ولكن حقق شهره 0
ارى ان علاج هذه المشكله كما عولجت به الان والاجراء الذى سيتخذ هو فتح
بلاغ شروع فى الانتحار ولو اكمله لن يكون هنالك بلاغ جنائى بل ستتخذ اجراءات
اما اذا كان قد استجيب لرغبته فكما قال اخونا عصمت كان الوالى يكون راكب
عربيته وحايم بعاين للمحلات العاليه ينزل فى الناس وخالى شغله0
طرحك جميل لموضوع حساس ونشوف الناس بتنتحر ليه هل هى لحظة ضعف
ام لحظه مرضيه ام قلة ايمان علما ان المنتحر لا يصلى عليه حسب علمى والله
اعلم 0
لكم الود والحب

[عبدالرحمن مدثر]

صديقى أبو مزن ...هذا الشاب أصبح حديث المدينة , والتى وجدت متنفساً لها فى هذه القصة الغريبة على أهل المدينة ...
ما بين تمام العقل والجنون ( شعرة ) أرق من شعرة معاوية ...
وهذا المغلوب على أمره لم يجد من يهتم بطلباته ( البسيطة والمستحقة ) سوى هذه الطريقة المستحدثة والتى وجدت رواجاً واعلاما فاق التصور ...
ولكن علينا أن نسأل أنفسنا عن طلبات هذا الشاب الذى تحامل عليه الكثيرون ووصفوه بالمجنون وعدم الأيمان ...
ألم تجد هذه الطلبات ( طريقها الى نفوس الكثيرين ) ممن يتصفون بالعقل ومنعهم الحياء من المطالبة بها بهكذا طريقة ...
هذا الشاب أرسل رسالة ( مخفاة ) فى صدور الكثيرين من شبابنا ويجب النظر الى هذه الرسالة بعين واعية ...
فأخطر عدو للأنسان هو ( الأحباط واليأس) .
تمنياتى للجميع بعقول راسخة واعية .



حبيبنا ابوكريم

انا من قبيل مستنيك ... شكلك كنت مع الجمهرة

وقفنا معك فى حتة اهم

لمن يخنقنا اليأس والاحباط يوماتى

لابد من سبيل للخروج من هذه الدوامة

القصة غريبة

وهو قصد بهذا التصرف توصيل الرسالة لاكبر قدر من الناس

كنت داير انداح فى حتة هل هذا التصرف يمكن ان يسهل لايجاد حلول

لهذا الشاب ولغيره من الفئة المطحونة من الشباب

وماذا حدث له

لكن سعادتو (مونى) قاعد معانا قلنا احسن نشوف جهات الاختصاص

قبل ما نشرع ساااااى

تسلم ياابوكريم

[عبدالرحمن مدثر]

الاخ عبدالرحمن
لك التحيه
طريقة تناول الصحف للخبر قد تكون لها اثر كبير فى كيفية تلقينا للخبر
فقد حدث من قبل مثل هذا التصرف من شاب سابق طالب برقشه واطلاق
سراح زوجته من السجن والتى كانت قد ادينت لحيازتها مخدرات واتصل به تلفونيا
رئيس تحرير الوطن ونزل وصدفه التقيته بمدنى وسالته من الاستجابه لطلبه
فعلمت انه لم يستجاب لطلبه ولكن حقق شهره 0
ارى ان علاج هذه المشكله كما عولجت به الان والاجراء الذى سيتخذ هو فتح
بلاغ شروع فى الانتحار ولو اكمله لن يكون هنالك بلاغ جنائى بل ستتخذ اجراءات
اما اذا كان قد استجيب لرغبته فكما قال اخونا عصمت كان الوالى يكون راكب
عربيته وحايم بعاين للمحلات العاليه ينزل فى الناس وخالى شغله0
طرحك جميل لموضوع حساس ونشوف الناس بتنتحر ليه هل هى لحظة ضعف
ام لحظه مرضيه ام قلة ايمان علما ان المنتحر لا يصلى عليه حسب علمى والله
اعلم 0
لكم الود والحب






الزول السمح بعيد عن المناصب والدبابير

سعادتو (مونى)

هل انت معى انها ظاهرة خطيرة وكماتفضلت بانها

تكررت اكثر من مرة ... بين الشهرة والحاجة الماسة

لابسط طلبات الحياة ..

حتة انو الزول يتنحر او يفكر فى الانتحار فكرة غاتمة يكون فيها الفرد وصل

لطريق مسدود بين الاحباط ... والياس

وين العلاج ...؟؟

العلاج صعب

الطريقة الانسب هو الاجتهاد فى توفير الاشياء الضرورية التى تجعل من الانسان مبدعا

ويحب الحياة ... نحارب البطالة ... فرص عمل ...

اما علاج الامر داخل دوائركم

فقد سال مميز عن هذا الشاب يكون اخد علقة سااااخنة

داخل القسم ....!!

[حسام التنين]

انا لو كنت في مدني
كان قلت ليه تنط ولا اطلع ادفرك

ركشة وعروس والوالي شرخصيا




تخريمة _(اتخيلني هناك والزول ده قال داير رقشة ولا انط وانا قلت ليه نط)

وكنشني وقال داير اعرسو ليه وانا قلت ليه اطلع ادفرك ولا تنط

وقال داير الوالي (في اللحظة ديكان كلعت ليه )

[محمد ابراهيم خليفه]

اخى عبدالرحمن
فى بوست آخر قالو سألو نابليون عن تميز قواته يا مميز فاجاب
بان من يقول لااقدر اقول له حاول
ومن يقول لا اعرف اقول له تعلم
ون يقول مستحيل اقول له جرب
اذن ان نجعل غيرنا يؤمن لنا معاشنا فهذا ضعف منا فلنبدأ ونقف ليساعدنا
الاخرون ولكن لا نطلب منهم ان يطعمونا فى افواهنا 0
الى المميز 0
فى الاجازه لازم تجى تحوم معاى اقسام الشرطه وتشوف براك كان بدقو
الناس ولا بسوا ليهم شنو ودى دعوه لاعضاء المنتدى كلهم 0
بعد امشى البيت بواصل ام ابراهيم راجيانى بالغداء اتفضلوا ياناس الخرطوم
اصلو انا جبتهم هنا 0
لكم الود والحب 0

[عبدالرحمن مدثر]

اخى عبدالرحمن
فى بوست آخر قالو سألو نابليون عن تميز قواته يا مميز فاجاب
بان من يقول لااقدر اقول له حاول
ومن يقول لا اعرف اقول له تعلم
ون يقول مستحيل اقول له جرب
اذن ان نجعل غيرنا يؤمن لنا معاشنا فهذا ضعف منا فلنبدأ ونقف ليساعدنا
الاخرون ولكن لا نطلب منهم ان يطعمونا فى افواهنا 0
الى المميز 0
فى الاجازه لازم تجى تحوم معاى اقسام الشرطه وتشوف براك كان بدقو
الناس ولا بسوا ليهم شنو ودى دعوه لاعضاء المنتدى كلهم 0
بعد امشى البيت بواصل ام ابراهيم راجيانى بالغداء اتفضلوا ياناس الخرطوم
اصلو انا جبتهم هنا 0
لكم الود والحب 0






ياجنابو

نحن نشهد على اصالة معدنك فقد عاشرناك

وذهبنا سويا لدار الامل وتعلمنا منك الكثير

لكن .....!!

العلقة الساخنة دى احتمال بعد مادوامكم ينتهى

الناس الصغار ديل يقوموا بالواجب بشكل تانى من دون تعليمات موجهة





حمدالله على السلامة على انك ودعت العذوبية والرحلة الطويلة لمدنى

وطالبينك يوم غداء كارب بنلم الشلة ونجيك

[عبدالرحمن مدثر]

انا لو كنت في مدني
كان قلت ليه تنط ولا اطلع ادفرك

ركشة وعروس والوالي شرخصيا




تخريمة _(اتخيلني هناك والزول ده قال داير رقشة ولا انط وانا قلت ليه نط)

وكنشني وقال داير اعرسو ليه وانا قلت ليه اطلع ادفرك ولا تنط

وقال داير الوالي (في اللحظة ديكان كلعت ليه )




تنين

ياصديقى

رايك شنو لو مانط

وجاء الوالى وحقق ليهو رغباتو كلها

ركشة وعروس هدية ورضية

معناها بنلقاك بكره

فى نفس مكانو

صااااااااح

لو ما صاااح

زح لى شوية انا داير اتشعلق

[سامية عباس]

والله يا ابو مزن دي بقت موضة وكل مره شاب طالع عايز ينتحر وعندو مطالب
وما معروف المشكلة وين
شباب ضايع ويمكن بسبب هذا الضياع بيفقد وعيو في كتير من اللحظات بعد ما يكون وصل حد اللا تفكير

وبرضك ما معروف وين العلة

حالة نفسية ...........وجنون ؟ طيب شنو الودر عقلو غير قلة الحيلة وضيق ذات اليد

وليه الناس ناسية انو شاب من حقو يتزوج وما لاقي
من حقو يشتغل ويبحث عن لقمة نضيفة وما لاقي

وحقو ضائع .......وين ما معروف

ده ما تأييد لمثل هذه المحاولات ال يمكن فيها نوع من الضغط على الجهات عشان تصحى شوية وتعايش مشاكل الشباب ......ورغم اعتراضي على الطريقة لكن الفكره جاية من جوف موجع وانسان ماعرف وين يقبل

ورغم كل ماحدث .............لا حياة لمن تنادي

ربك يهون .........ويزيد الايمان في القلوب ...والصبر مع السعى فليس للأنسان الا ما سعى

[طلال الصول]

انا بتفق مع اخوي ود الخواض ليه رؤية الناس للزول ما تكون على اساس انها صرخة صحوة ورد فعل قوي الراجل ماكان حينط متفقين عليها بس العملية بتاعة جابت اصداء ورد فعل جمهوري كبير المفروض انو الرأي العام يتعاطف معاو بدل مايقوولو عليها مجنون او ضعيف ايمان الشاب يحتمل يكون حقو مهضوم الخ الخ الخ وتردي الحالة المادية والسكوت عن الحق والظلم والجور الحاصلين على اغلبية الشعب والوساطات والمحسوبية وسادة النظام الواحد فيهم عندو لو قلنا بس عربيات آخر موديل ممكن تحل موش مشكلة شاب واحد لأ كمية كبيرة من الشباب والأسر

الوعود الكاذبة الكلام من غير فعل تدني الحالة ومواضيع كتيرة اتناقشت في منتدانا وغيرو وكلو كلام في كلام حتي احنا بنتكلم وبس في الاخر لو كان الشاب عمل العملية دي لتحريك الرأي العام انا بحييه من كل قلبي لو استطاع يوصل رساله لل....................... انو خلاص قدرة الاستحمال بتاعتنا على الآخر والقمع يولد الثورة

وآسف على الإطالة لكن الموضوع مستفز بطريقة حادة

ولكم التحية

[Almostshar]

دي الحالة ركشة وزوجة و35ج

لوكان عندو واحدة من الاولى والثانية


كان ده الانتحار زااااااااااااااااااتو


بس نرجع للسبب غير ضعف الايمان وغير ضعف التفكير

امكن بسبب الشهرة


لكن كان دي الشهرة البفضلها

اخير الانتحار ساااااااااااااي

[بت الشبارقه]

ياربي حسي باب اللاستاد فاتح والا قفلوه؟









الزيك كتيييييييييير دايرين يسووها بس خايفين من جنس الكلام ده!!
اخرتا كفين في الحراسه:mad:

[ايمن عبد الله]

انت عارف الزول ده لو كان خلوهو كان براو غير رأيه .. والداير ينتحر ما بكلم لي زول بنتحر من سكات وبيني وبينك كان وقع من الحتة دي كان وقع لي في ست تسالي ..

[مايسة]

ههههههه

والله هم يضحك وهم يبكي

يعني ما لقي الا الطريقة دي

(يكون حضر فلم ابو العربي)

ده مثال بسيط للنفسيات الحاصلة للشباب في الفترة الراهنة - ربنا يستر علينا ويثبت قلوبنا

[ابراهيم]

المعطيات احسبها صاح ياعبد الرحمن
رقشة حالياً كم (5) مليون +غايتو دي إلا استعين بي ابو الحروف اقوى من الشدة واطوول من المدة واهدأ من السكون.
يعني طلبات الشاب ما بسيطة كما يبدو للبعض قد تنتج اكثر من (7) مليون إذا إذا إذا فرضنا انو ممكن
اتزوج بي (2) مليون
تعرف هو حالياً شاب عاطل يبحث ليضع جنيه فوق (35) جينه التي جمعها بعد معاناة وفقدها
هذه الحالة يجب ان لا تمر مرور الكرام يجب ان نبحث عن الاسباب والحلول لها.



صاح يا عصمت .. 7 مليون دي من ناحية مادية
ومن ناحية تانية الزول دة رسل رسالة نيابة عن المغلوبين على امرههم أمثاله
لكن المرسال مشى ما جا:mad:

[ابراهيم]

هذا ضعف ايمانى لا يجب الالتفات اليه كحالة ، فهناك من يموتوت جوعا وأغنياء من التعفف ، ومثل هذا الشخص لا يؤتمن على الزوجة التى ينادى بها كحالة استقرار ، فهو مريض نفسيا وعقليا .


اخي ابو وضاح ...
بالعكس .. اذا كان مريض نفسياً او عقليا يجب الإلتفات إلى الحالة ومعالجتها.

[ودأبوالعول]

هو كيف فقد الـ 35 جنية حتى ولو بالعملة الجديدة مبلغ بسيط والطلبات متواضعة
وقد يكون هدفه آخر ولكن بكل أسف الجرائد لم تحققه له هو الشهرة حيث لم يذكر أسمه
فقط أشير الى الحروف الأولى ..وفعلا فى مثل هذه التصرفات يجب حجب الإسم
وأعتقد أن طلبه ممكن يحققه أى فاعل خير ومامحتاجه الوالى إذا تم التحرى منه ودرست حالته
وكانت تحتاج المساعدة وفعلا محبط ..

[محمد ابراهيم خليفه]

عفوا احبتى
تحدثنا جميعا عن حاله واحده غير ملمين بكل جوانبها فقط مانعرفه من صديقنا
عبدالرحمن انه فقد 35 جنيه وطلع البرج ليعطوه ركشه وعروسه اظنه لو قال
شغلونى كان يكون مطلب يتعاطف معه الناس ولكن ادونى اما اعطوك اومنعوك
عليه ارى والله اعلم ان القصد من البوست اصلا لماذا الانتحار بالذات لحل
المشاكل 0
من خلال ما علمنا وما قرأنا من اسباب الانتحار اما ان تكون :
1- حاله نفسيه فى معظم الحالات او ان يكون ذوى المرحوم يخفون ما وراء
الانتحار وفى هذه الحاله يكون بالغرق 0
2- حالة المطالب الماليه الكبيره لشخص معروف فى الجتمع وعجزه عن السداد
فيكون الانتحار اما بطلق نارى او الصبغه 0
3- حالة الحمل الغير شرعى لفتاه من اسره محترمه تخاف فضيحة نفسها دون
ان تراعى انها تخلف الفضيحه لاهلها اما بالغرق او الصبغه او النار 0
4- حالة الخلافات الاسريه وغالبا ماتكون الضحيه فتاه او امرأه وفى قليل من
من الاحوال الرجل كما حدث مره قتل رجل نفسه وابنائه ويكون الانتحار
اما هروبا دون موت او صبغه او طلق نارى 0
5- هناك حالات الانتحار الجماعى لاصحاب العقائد والمطالب الجماعيه فينتحر
البعض لتلبية حاجيات بقية الطائفه 0





اسف للاطاله ولكن الموضوع جيد وقلت اذاكر 0
لكم الود والحب 0

[محمد حسين (المميز)]

الى المميز 0
فى الاجازه لازم تجى تحوم معاى اقسام الشرطه وتشوف براك كان بدقو
الناس ولا بسوا ليهم شنو ودى دعوه لاعضاء المنتدى كلهم 0



يا سعــادتو

تحياتي لك

انا ما بقول انه كل اقسام الشرطه فيها الضرب و الاهانه

لكن مستحيل تكون معدومه هذه الاساليب

خصوصا مع من يستحق هذا الاسلوب

لك العتبى حتى ترضي يا سعادتو


همســه : البحومني اقسام الشرطه شنو يا سعادتو :eek:
ماعاوز اشوف لا قسم ولا غيره :(


قبل كده جيت القومسيون لمن كان جار الانضباط
شافوني نسوان جيرانا مشو قالو للحاجه ولدك في الانضباط :D :p


ده كــــــــلام :( :(


تقول لي احوم معاك اقسام الشرطه يقولو كمان اخدوهو كعب داير كمان :D




بعد امشى البيت بواصل ام ابراهيم راجيانى بالغداء اتفضلوا ياناس الخرطوم
اصلو انا جبتهم هنا 0
لكم الود والحب 0




لك تحياتي يا سعادتو وبالهنا بس انشالله ترجع لينا مدني

[مدنيّة]

ابو مزن

مش برضو السنة الفاتت كان في نفس موضوع بنفس السيناريو دا :(:(:(

[عاشق النجمه]

اخى مدثر اليك كل التحايا العطره
الموضوع قايم على اسس انتحار ولا تخويف
ولا مطااااااااااالب انا من وجهت نظرى بان هذا الرجل قوى الشخصيه
وعاااااقل وهذه من الحقوق فى زمن ضاعت فيه الحقوق من كل النواحى
والسوال قايم على ان الصحيفه تناولت الخبر الظاهر والله اعلم
ما الذى قاد الرجل على فعل هذا العمل
والله دى رجاله عديل كدى
وين حقوقه اسال الولاه اين ضاعت الحقوق الربانيه
الحقوق الربانيه تعرف هذه الكلمه خت تحتها خطين
الراجل داير مره فيها حاجه
وداير رقشه
وداير قروش
اصلو هم دافيعن حاجه من جيبهم
من المفترض ان ياخذ كل المطالب وفيهم بوسه
(اللهم ارحم عمر رضى الله عنه)
ما داير اصيل فى الحديث وانا جاهز
للتحاور فى هذا الموضوع
ولى عوده

[أبوحراز]

قبل فترة في فرنسا كان أحد الأشخاص محكوم عليه بالاعدام
ولكن القاضي قبل تنفيذ الحكم كان له راي آخر
حيث احضر معه ستة من { عوانس } فرنسا
نسوان شينات جداً
وقال القاضي للشخص المحكوم عليه والذي كان معصب العينين
قال له سنفك عنك العصابة السوداء بعد قليل
وسوف نعفيك من حكم الإعدام بشرط واحد
وهو ان تختار واحدة من الآنسات الستة الماثلات امامك
فقال لهم اريد أن أراهن
وتم فك العصابة وكان الجميع يصفق لحظتها
وعندما رآى النسوة الستة وبشاعة خلقتهن
قال للقاضي { أريد الإعدام فوراً }
وقام بلف العصابة في عينيه مرة أخرى
زولكم كان مفروض تقولوا ليهو طلب الركشة صعب جدا
تشوفوا ليكم واحدة بايرة
وتقوموا بتزويجها له على طريقة السكوت الجماعي
أها طوالي حايجيكم متلب على رقبتو
هذه واحدة من طرق الإحتيال الكثيرة التي عمت الكثير من المدن
وليس وسيلة مطالبة
بامكانه ان يصل الى تحقيق أحلامه بالعزم والإرادة والإصرار
بعدين لو كل واحد يتم تحقيق طلباته غداص ستجدون اهل مدني وقراها المنتشرة حولها جميعهم على ابراج الاتصالات !!!
قال زوجة لإكمال نصف دينه قال !!!!

[طائر النورس]

ياجماعة الزول ده ممغوص شديد من تحويشة العمر 35 جنية الضائعة وشاااااف طشاش طشاش


والمشكلة لو قابل الوالى وجابو ليه الرقشة وعرسوا ليه


بعد 3 شهور بجي يطلع تاني ينتحر لانو بكون باع الرقشة و دقة الدلجة

(بسبب العرس ) بتكلم جد جد

[بت الشبارقه]

ياعالم نحن عندنا سبعه الف وميتين دولار علي الحكومه بدل اعاشه:(
وبطاقه بنك امدرمان للصراف الالي واقفه المفروض نصرف بيها مرتباتنا:eek:...
وتزاكرنا المفروض تجينا من شهر 5 ولسه ما جات:mad:..
.واقاماتنا المفروض تنتهي شهر 7 واهو دخل خلاص:eek:
والمدارس في السودان فتحت واولادنا لسه مامشينا سجلنا ليهم:mad:
تفتكرو اطلع الابراج التؤام في كوالا انا والوليدات وابوهم ونهدد بالانتحار والا نسوي شنو؟:eek:
؟؟؟؟
؟؟؟؟؟
؟؟؟؟؟؟
؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟؟؟
؟؟؟؟؟
؟؟؟
؟؟
؟
دحين ال35 جنيه دي بالقديم كم يعني ؟ :rolleyes:
وهي اصلا 35جنيه سوداني والا استرليني...والا مصري والا شنو؟:confused:

[ايمن عبد الله]

ياعالم نحن عندنا سبعه الف وميتين دولار علي الحكومه بدل اعاشه:(
وبطاقه بنك امدرمان للصراف الالي واقفه المفروض نصرف بيها مرتباتنا:eek:...
وتزاكرنا المفروض تجينا من شهر 5 ولسه ما جات:mad:..
.واقاماتنا المفروض تنتهي شهر 7 واهو دخل خلاص:eek:
والمدارس في السودان فتحت واولادنا لسه مامشينا سجلنا ليهم:mad:
تفتكرو اطلع الابراج التؤام في كوالا انا والوليدات وابوهم ونهدد بالانتحار والا نسوي شنو؟:eek:
؟؟؟؟
؟؟؟؟؟
؟؟؟؟؟؟
؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟؟؟
؟؟؟؟؟
؟؟؟
؟؟
؟
دحين ال35 جنيه دي بالقديم كم يعني ؟ :rolleyes:
وهي اصلا 35جنيه سوداني والا استرليني...والا مصري والا شنو؟:confused:


والله ضحكتيني يا بت الشبارقة .. تسلمي على الضحكاية ..
لكن الخمسة وثلاثين دي بتعادل حوالي 15/16 ريال سعودي او درهم اماراتي وحوالي 5/4.50 دورار .. وماني عارف كم ين ياباني تاباني او يووووووووووروووو اتمنى اكون قربت ليك المسافة ..

[عزيز عيسى]

الأخ عبدالرحمن مدثر،

الضغوط الإقتصادية بتفعل أكثر من ذلك..

قبل حوالي ثلاثة أسابيع واحد في الصين برضو عمل فيها مجنون
وصعد في كبري وقال عايز ينتحر.. ويطالب بتحقيق أشياء..
رجال الأمن حاولوا معاهو المستحيل على إنه ينزل حلف ستين
يمين ماينزل..
في النهاية واحد مواطن من النوع القرفان طلع في الكبري ومشى
على الراجل اللي عايز ينتحر.. ناس الشرطة وجمهور المشاهدين
إفتكروا المواطن عايز يقنع المنتحر ويجعله يعدل عن رأيه..
لكن حدث شيء عجيب.. راح دافع المنتحر ورماه من أعلى الكبري
لكن المنتحر كان محظوظ وقع على مكان منخفض وأصيب بإصابات
طفيفة..
سألوا المواطن ليه عملت كدا.. قال ليهم: هو أصلو لو عايز ينتحر
كان إنتحر لكن المزعلني إنه جامع لينا الناس كلها ومعطل علينا
حركة المرور علشان كدا قلت أختصر الوقت أريحه ونرتاح منه.
أها شفت كيف لما الواحد يعمل فيها مجنون بيلقى واحد تاني
جنه أكبر منه.

[عاشق النجمه]

انتو عارفين الغايظنى فى البوست ده شنو
انو الناس بتفكر بى الطريقه الغلط
والناس ماخده الموضوع لى النظريات
(عشان كدى اخير الواحد انتحر )

[عاشق النجمه]

الاخت بت الشبارقه
انتو منو الدايرين من الحكومه المبلغ ده
هى الحكومه ىعنها ليكم حاجه
انتحرى ساى يابتى
كان اخير لى تكونى فنانه
انا شايف ناس الشبارقه غى الفن ماشى
كويس
تحياتى

[عاشق النجمه]

الاخ الغالى طائر النورس
انت عارف المشكله وين
انو بعد ده كلو بلقى العروس
الرقشه حتتكسر فىالشوارع بتاعت مدنى الخربانه
والقروش قبل استمتع بيها بشيلوها ناس الحركه
يعنى ناس المرور
مخالفات وكدى يعنى المال رايح برضو اخير ليهو انتحر

[عاشق النجمه]

يا ود ابو حراز الاحتيال
بقى كدى انت ما عارف الاحتيال
الاحتيال بقى رجاله انت وين ماعيش فى السودان ولا شنو
الاحتيال انت بتدفع رسوم البلديه ومعاها حق الايصال
يعنى شنو والاحتيال كتير يامااااااان
انشاء الله انت تجى وتشوف الاحتيال
البخليك تطلع ليك فى قبه عاليه
ولا تلبس ليك جلابيه خضراء وتهجر الدنيا يامااااااااااااااان
تحياتى

[عاشق النجمه]

ههههههه

والله هم يضحك وهم يبكي

يعني ما لقي الا الطريقة دي

(يكون حضر فلم ابو العربي)

ده مثال بسيط للنفسيات الحاصلة للشباب في الفترة الراهنة - ربنا يستر علينا ويثبت قلوبنا

الغاليه مايسه لا ما حضر فلم ابو العربى ده عاش المعانا من الداخل
شاف الناس راكبه العربات والناس حلوه من المكيفات
قال داير حقو فيها حاجه
لكى ودى

[عاشق النجمه]

انا بتفق مع اخوي ود الخواض ليه رؤية الناس للزول ما تكون على اساس انها صرخة صحوة ورد فعل قوي الراجل ماكان حينط متفقين عليها بس العملية بتاعة جابت اصداء ورد فعل جمهوري كبير المفروض انو الرأي العام يتعاطف معاو بدل مايقوولو عليها مجنون او ضعيف ايمان الشاب يحتمل يكون حقو مهضوم الخ الخ الخ وتردي الحالة المادية والسكوت عن الحق والظلم والجور الحاصلين على اغلبية الشعب والوساطات والمحسوبية وسادة النظام الواحد فيهم عندو لو قلنا بس عربيات آخر موديل ممكن تحل موش مشكلة شاب واحد لأ كمية كبيرة من الشباب والأسر

الوعود الكاذبة الكلام من غير فعل تدني الحالة ومواضيع كتيرة اتناقشت في منتدانا وغيرو وكلو كلام في كلام حتي احنا بنتكلم وبس في الاخر لو كان الشاب عمل العملية دي لتحريك الرأي العام انا بحييه من كل قلبي لو استطاع يوصل رساله لل....................... انو خلاص قدرة الاستحمال بتاعتنا على الآخر والقمع يولد الثورة

وآسف على الإطالة لكن الموضوع مستفز بطريقة حادة

ولكم التحية

الاخ الفاضل ود الصول
والله سعت كثيرا بى مروووووورك الفاضل
والله لقد اثلجت صدرى لك كل التحايا والتقادير و
ووووووووووووووو ....... حاجات كثيره
زلاكن انشاءالله تطيل وتطيل انت الفهم والذوق الرفيع
لك الحب والموده
ولاكن نحن فى زمن اذا سرق الكريم ......الخ
تحياتى يا غالى ولى جزيل الشرف بمعرفتك
اخوك او سميها كما يحلو لك عاشق النجمه

[عاشق النجمه]

والله يا ابو مزن دي بقت موضة وكل مره شاب طالع عايز ينتحر وعندو مطالب
وما معروف المشكلة وين
شباب ضايع ويمكن بسبب هذا الضياع بيفقد وعيو في كتير من اللحظات بعد ما يكون وصل حد اللا تفكير

وبرضك ما معروف وين العلة

حالة نفسية ...........وجنون ؟ طيب شنو الودر عقلو غير قلة الحيلة وضيق ذات اليد

وليه الناس ناسية انو شاب من حقو يتزوج وما لاقي
من حقو يشتغل ويبحث عن لقمة نضيفة وما لاقي

وحقو ضائع .......وين ما معروف

ده ما تأييد لمثل هذه المحاولات ال يمكن فيها نوع من الضغط على الجهات عشان تصحى شوية وتعايش مشاكل الشباب ......ورغم اعتراضي على الطريقة لكن الفكره جاية من جوف موجع وانسان ماعرف وين يقبل

ورغم كل ماحدث .............لا حياة لمن تنادي

ربك يهون .........ويزيد الايمان في القلوب ...والصبر مع السعى فليس للأنسان الا ما سعى




الغالى او الغاليه مريم الاخرى
لقد استحقيتى الاسم
ارضعتنى مريم الاخرى قوافى ثم اهدتنى المنافى هكذا قد خبرونى ثم قالو لى ترجل

[علي النعيم محمد نور]

من طرائف (الأبراج ) واحد صعد برج سوداتل القائم أمام دار الهاتف ـــ سابقا ــ والوالي كان الشريف بدر وقال إلا (يجي ) الوالي والوالي كان خارج البلاد . . . والراجل ما عارف والقصه بقت ليهو حاره يعمل شنو . . . قمنا إستعملنا مكبر صوت وقلنا ليهو الوالي مافي بره السودان . . . أنزل . . . رفض بشده والناس تجمهرت والوضع تازم للغايه . . .جبنا ضابط إداري من أمانة الحكومه وقال ليهو خلاص أنزل مشكلتك محلوله . . . المهم نزل . . . وقال داير أرجع المره وهي رافضه . . . جبنا المره القسم وشرحنا ليها الحصل . . .وقعدوا الإثنين يبكوا ورجعوا لي بعض . . . قمت سألتو براهو وقلت ليهو هسع كان مافي زول شافك بتعمل شنو ؟ قال لي أنا جبت معاي واحد قريبي قلت ليهو أول ما أطلع إنت كورك . . . قلت ليهو طيب لو مافي زول إشتغل بيك بتعمل شنو ؟ قال لي قلت لي قريبي لو ما في زول جاء أضرب تلفون للمره . . .
وطبعا يا عبد الرحمن المشاكل لا تحل هاكذا ولا ننسي أن رأي ديننا الحنيف في الإنتحار. . . ولكن في بالي (مادخل الفقر من باب وإلا إستصحب الكفر معه ) . . . نسأل السلامه للجميع. . .

[moh_alnour]

ما أثار تساؤلي هو هل الوالي مسئول عن ضياع مبلغ الـ 35 جنيه ؟
و لو كان لهذا الشاب إحتياجات تتمثل في الزوجة و الرقشة و المبلغ الضائع
فهناك الكثير من شباب بلدي في حاجة إلى أساسيات الحياة ( المأكل و الملبس و المأوى و الدواء و التعليم )
و لو أقتنعنا بأن لهذا الشاب مطالب عادلة فهل هذه هي الوسيلة المُثلى للمطالبة بالحقوق ؟ و الدليل لا طال بلح الشام ولا عنب اليمن
ولو أن الوالي أستجاب لمثل هذه المطالبات فإن إيرادات البترول لن تفي بقيمة إحتياجات البقية
و أعتقد أن الرسالة تكمن في المقولة علمه كيف يصطاد بدلا ً من أن تطعمه سمكة

[عباس الدسيس]

حبيبنا عبدالرحمن الناس ديل قايله الحكومه بتحل ليها مشكله والي شنو البديهو رقشه تلقي الوالي قال لو مشي لي الزول ده حقق ليهوا طلبوا تاني يوم بلقي مدني كلها متشعلقه في الاستاد احسن انتحر الماتوا شويه بالجوع في البلد دي... بعدين زولك ده غبيان حسي كان جانا هنا في منتدي مدني وطرح مشكلتوا ما بنحلها ليهوا اقصد بتاعت الرقشه ما المشكله الثانيه بس الناس قايله الحكومه دي كل شيء هو غير الحكومه الغطس اجلكم منوا خلاكم تتشعلقوا فوق تقولوا عايزين تنتحروا... لو كان في الوالي المدهش كان قال الزول ده البتشعلق فوق الاناره ده حقوا نديهوا رتبه عسكريه اشتغل لينا حرامي حيط ما دام جربنا كل انواع الحرمنه

[حاتم مرزوق]

من طرائف (الأبراج ) واحد صعد برج سوداتل القائم أمام دار الهاتف ـــ سابقا ــ والوالي كان الشريف بدر وقال إلا (يجي ) الوالي والوالي كان خارج البلاد . . . والراجل ما عارف والقصه بقت ليهو حاره يعمل شنو . . . قمنا إستعملنا مكبر صوت وقلنا ليهو الوالي مافي بره السودان . . . أنزل . . . رفض بشده والناس تجمهرت والوضع تازم للغايه . . .جبنا ضابط إداري من أمانة الحكومه وقال ليهو خلاص أنزل مشكلتك محلوله . . . المهم نزل . . . وقال داير أرجع المره وهي رافضه . . . جبنا المره القسم وشرحنا ليها الحصل . . .وقعدوا الإثنين يبكوا ورجعوا لي بعض . . . قمت سألتو براهو وقلت ليهو هسع كان مافي زول شافك بتعمل شنو ؟ قال لي أنا جبت معاي واحد قريبي قلت ليهو أول ما أطلع إنت كورك . . . قلت ليهو طيب لو مافي زول إشتغل بيك بتعمل شنو ؟ قال لي قلت لي قريبي لو ما في زول جاء أضرب تلفون للمره . . .
وطبعا يا عبد الرحمن المشاكل لا تحل هاكذا ولا ننسي أن رأي ديننا الحنيف في الإنتحار. . . ولكن في بالي (مادخل الفقر من باب وإلا إستصحب الكفر معه ) . . . نسأل السلامه للجميع. . .

هئ عافي منو مجهز امورو تمام لكن يا كمندان كان تسألو لو رفضو طلبو كان حينتحر ولا عامل زلزال في الفاضي؟

[حاتم مرزوق]

التهديدات بالانتحار موجهة للوالى شخصيا

مع طلب يتنفيذ بعض رغبات الشاب الذى ينوى الانتحار

من الرغبات

(1) التصديق له بركشة

(2) تمكينه من الظفر بزوجة ( يعنى وارد ممكن نشوف صبحى وعصمت فى نفس الحته )


وقد قال (م.أ ) للمواطنين الذين تجمهروا حول برج الكشافة معطلين حركة السير

ان عدم السماح له بمقابلة الوالى الزبير بشير طه

سيفضى به للسقوط منتحرا

تعرف يا حبيبنا عبدالرحمن الزول ده بسموهو ( هجاص) خصوصا بعد افادة حبيبنا الكمندان !! لأنو الداير انتحر ما بيجيب قريبو معاهو ويعمل اعلان في الأستاد !!,والزول ده لو سألو منو بكون جايب قريبو معاهو وما طالبني حليفة الحبيبين ديل انا عارفهم بتاعين (جرس) هسة شوفهم في المنتدي ده بعلملو في عمايل تشيب الراس :confused:-!!

[عبدالرحمن مدثر]

والله يا ابو مزن دي بقت موضة وكل مره شاب طالع عايز ينتحر وعندو مطالب
وما معروف المشكلة وين
شباب ضايع ويمكن بسبب هذا الضياع بيفقد وعيو في كتير من اللحظات بعد ما يكون وصل حد اللا تفكير

وبرضك ما معروف وين العلة

حالة نفسية ...........وجنون ؟ طيب شنو الودر عقلو غير قلة الحيلة وضيق ذات اليد

وليه الناس ناسية انو شاب من حقو يتزوج وما لاقي
من حقو يشتغل ويبحث عن لقمة نضيفة وما لاقي

وحقو ضائع .......وين ما معروف

ده ما تأييد لمثل هذه المحاولات ال يمكن فيها نوع من الضغط على الجهات عشان تصحى شوية وتعايش مشاكل الشباب ......ورغم اعتراضي على الطريقة لكن الفكره جاية من جوف موجع وانسان ماعرف وين يقبل

ورغم كل ماحدث .............لا حياة لمن تنادي

ربك يهون .........ويزيد الايمان في القلوب ...والصبر مع السعى فليس للأنسان الا ما سعى




بين الضياع

وضياع الفرص

والعطالة المتوهطة فى كل شارع وزقاق وبيت

كل يوم المشكلة بتبقى اكبر

مع الوضع المعيشى

بس دعوة خالصة نقدمها ان يزيد الايمان فى القلوب

العلة فينا وفى مجتمعتا لمن يخرج التكافل من غير عودة

لمن ترفع الدولة يدها من اى حاجة

ربك يهون القواسى ياسامية

وتبقى نفوسنا سامية

[عبدالرحمن مدثر]

انا بتفق مع اخوي ود الخواض ليه رؤية الناس للزول ما تكون على اساس انها صرخة صحوة ورد فعل قوي الراجل ماكان حينط متفقين عليها بس العملية بتاعة جابت اصداء ورد فعل جمهوري كبير المفروض انو الرأي العام يتعاطف معاو بدل مايقوولو عليها مجنون او ضعيف ايمان الشاب يحتمل يكون حقو مهضوم الخ الخ الخ وتردي الحالة المادية والسكوت عن الحق والظلم والجور الحاصلين على اغلبية الشعب والوساطات والمحسوبية وسادة النظام الواحد فيهم عندو لو قلنا بس عربيات آخر موديل ممكن تحل موش مشكلة شاب واحد لأ كمية كبيرة من الشباب والأسر

الوعود الكاذبة الكلام من غير فعل تدني الحالة ومواضيع كتيرة اتناقشت في منتدانا وغيرو وكلو كلام في كلام حتي احنا بنتكلم وبس في الاخر لو كان الشاب عمل العملية دي لتحريك الرأي العام انا بحييه من كل قلبي لو استطاع يوصل رساله لل....................... انو خلاص قدرة الاستحمال بتاعتنا على الآخر والقمع يولد الثورة

وآسف على الإطالة لكن الموضوع مستفز بطريقة حادة

ولكم التحية



حبيبنا طلال

كلامك فى محلو

لكنها صرخة فى وادى الصمت

مع الايام يبقى الحدث طرفة يتداولها الناس

مع العلم ان امثال هذا الشاب كثيرون

لكنهم ماسكين فى الصبر قوى

[عبدالرحمن مدثر]

دي الحالة ركشة وزوجة و35ج

لوكان عندو واحدة من الاولى والثانية


كان ده الانتحار زااااااااااااااااااتو


بس نرجع للسبب غير ضعف الايمان وغير ضعف التفكير

امكن بسبب الشهرة


لكن كان دي الشهرة البفضلها

اخير الانتحار ساااااااااااااي





حبيبنا المستشار

للشاب مشكلة

لكنه كان عاجزا

امام الحل ففضل ان يقدمها للناس بطريقة خاطئة

واصبح بين امرين

حل المشكلة

ومعرفة الناس بها وبه

[عبدالرحمن مدثر]

ياربي حسي باب اللاستاد فاتح والا قفلوه؟









الزيك كتيييييييييير دايرين يسووها بس خايفين من جنس الكلام ده!!
اخرتا كفين في الحراسه:mad:



الاستاد فاااااااااتح

والكورة مدورة

والزيو كتاااااااااار زى ماقلتى

بس الناااااااااس صااااااااابرة

[عبدالرحمن مدثر]

انت عارف الزول ده لو كان خلوهو كان براو غير رأيه .. والداير ينتحر ما بكلم لي زول بنتحر من سكات وبيني وبينك كان وقع من الحتة دي كان وقع لي في ست تسالي ..


كلامك فى محلو

الشاب بحب الحياة

وماداير ينتحر ياايمن

لكن غلبتو الحيلة يعمل شنو

فكر فى انو يلفت الانظار ليهو

ولمشكلتو

ودى فى حد ذاتها مشكلة

[عبدالرحمن مدثر]

ههههههه

والله هم يضحك وهم يبكي

يعني ما لقي الا الطريقة دي

(يكون حضر فلم ابو العربي)

ده مثال بسيط للنفسيات الحاصلة للشباب في الفترة الراهنة - ربنا يستر علينا ويثبت قلوبنا




وماخفى اعظم ياميساء

دا حالة طبيعية للحاصل فى بلدنا

من عطالة وفرااااغ عريض

ربنا يلطف بعباده

[بت أم درمان]

وما طالبني حليفة الحبيبين ديل انا عارفهم بتاعين (جرس) هسة شوفهم في المنتدي ده بعلملو في عمايل تشيب الراس :confused:-!!

ههههههههههههههههههههههههههههه
هي جرس ساي
فاضحننا وشارطين عينننا قدام اللجانب