مدني انتهت ..

[بت مارنجان]

احبتي الكرام كيفكم ان شاء الله تكونو بخير وماعندكم عوجة ....
في زيارة خاطفة ومفاجئة وسريعة مشيت " مارنجان السودان " سواد ليل زي مابتقول
حبوبة ورجعت ..
وياريتني مامشيت .............
مدني انتهت نهاية " مرة " شديد ...........

تابعوني اجي احكي ليكم رحلة ال 24 ساعة حصل فيها شنو :o

[الملكة اسماء ( ام محمد )]

جاية تبشرينا صح ؟

بالله خلينا نصل هناك بعدين نتخلع برانا :(

[بت مارنجان]

الحجة صحتني ليك " فجر " توجهنا علي الميناء البري وركبنا " سوار " الساعة 7 ونص
البص اتحرك الجماعة اتشهدو والناس تستغفر و" يامسخر الحديد " واتوكلنا عليك يارب
أها " الوالدة الله يديها العافية جمبي ماسكة سبحتها " وقصادنا برضو حجة كبيرة ماسكة
السبحة وتتشهد " والله التقول ماشين الجهاد " ..

المهم عدينا جياد موبايل السواق بقي يرن .. السواق شال التلفون ورد :eek:
سواق بص سفري في شارع طريق عام " سريع " بيتكلم بالموبايل وباليد التانية سايق
البص :confused:

الحجة بقت تسبح " ياولدي موبايلك دة بعدين انت سايق بني آدمين كدي ركز قدام :mad:
الحجة القصدانا بقت ربضو تنقنق :o

اتخيلو تلفونو وين ؟؟ .. في جيب " البنطلون " وقام بعد خلص المكالمة رجع تاني ختاه في جيب البنطلون ..

قلنا الحمدلله وسرنا علي بركة الله ..

التلفون تاني رنا :rolleyes:
اخونا تاني طلعو من جيبو " الحجة اتصلحت ليه في الكرسي وبقت تتكلم معاه
انت ياولدي الكلام بعدين .. انت ياولدي ماتعملو silent :eek:
" الوالدة " مثقفة " :D
طيب ياولدي ماعندك سامعة تتكلم بيها ولا تشغل speaker :p
ولاحياة لمن تنادي والحجة الجمبنا بقت تنقنق لغاية راجل وراء سمع الهرجي قام
بقي يكورك الناس جاطت ..
صاحبنا خت التلفون وتاني مادقة ..

قمة الاستهتار بارواح البشرية بس نقول ربنا يهدي ........

ولنا بقية .......

[بت مارنجان]

البص ماشي بينا ...
ماهذا البؤس والجفاف علي جنبي الطريق .. ياربي الخريف لسة ماخشا .. ولا انحنا استعجلنا شوية .. ولا الخريف متاخر .....
جفاف علي طول الطريق الناس تعبانة شكلها " لاتعرفو ارهاق زهني ولا جسدي " ولا " فلس " ....

الارض محروتة استعدادا لنزول المطر والزراعة .. لكن ابت السماء وبخلت بنقاط وحبات المطر .. وبقايا عظام الحيوانات ملقاة علي جانب الطريق ...

الشي الوحيد البخليك تفرح وانت داخل علي الحصاحيصا تشوف كبري بتاع " رفاعة " ياسلالالالام شي خطير ...

وووصلنا مدني وانا مصابة بشي من الاحباط انو " مدني " ماحتضيفني بمطرة ورعدة تقيلة وبرق مخيف لمن اخش " تحت السرير " ...
قلت يابت خلي املك في ربنا كبير الساعة يادوب 10 ونص ولسة عندنا النهار والليل طويل ....

تيييييييت وصلنا السوق الشعبي مدني .... :d

[مهيد ود السفاح]

بت مارنجان
انا لي من مدني 6 سنوات
الحاصل شنو ؟؟
حاجه فوق عقل التصور ؟؟؟
اها انا منتظرك

[بت مارنجان]

ركبنا الاتوز طبعآ عمك " كبير " اول ماركبنا شغل لينا عثمان حسين :p .. استبشرت خير قلت خلاص " فرجت " ...
بسم الله طلعنا مشينا طبعآ " مارنجان " .. دخلنا بي " ابتسم انت في حي البستان :D " ابتسمت قلت نجاملهم ...
جينا بي لفة كدة بيت ناصية قدامو عربات كتيرة وحافلات وبنات خاشات ومارقات وبنات سغار شكلهم في الجامعة بتاع " الاتوز " قال لينا دة بيت فكي قالو كااااااااارب " يروب الموية ..
البنيات يخشن يكونو ياربي بيعملو في شنو عند الفكي دة :rolleyes:
بنات لم تتجاوز اعمارهم ال 30 :confused:

أها خشينا بي " شندي فوق " وجينا جمب مصنع النهر بتاع الصابون :o .. لاحول الله
مصنع خااااااااااااااوي ومافيه شي قالو قفل :o
قفل ليه قالو خسر " ياخوانا مصنع صابون وجرسلين " البفلسو شنو " الناس بقت لابتتمسح لا بتغسل :rolleyes:
مصنع حدادي مدادي يعلن الافلاس في ظروف غامضة ..
تعالو شوفو الشارع علي طول الشارع من بدايتو لغاية نهايتو ووصلا للسكن العشوائي " قالو اسمو الدوحة ولا الرياض " لكن هي حلة " محجوب " بتاعت الفلاتا ..
الشارع فيه قريب ال 30 ست شاي وكل ست شاي يتمركز حولينا قريب العشرة " رجال " لو لزو الحيطة يهدوها يشربو في الشاي والقهوة :rolleyes:
الناس دي شغلا وين :confused:
معقولة كلهم عطالة :rolleyes:

يشربو في الشاي وونسة في الكورة :mad:

اتحسرت علي الشباب الضايع والعطالة وعدم الموضوع .. ياخونا شبابك فيما افنيته معقولة مدني الكانت عبارة عن كتلة نشاط وعمل الناس قاعدة مع ستات الشاي يكسرو في العويش ..
حتي اشكالهم بائسة وحزينة ومافي في اليد شي ..

جينا بي جمب حلة محجوب " الحلة دي مافيها كهربة " لكن حكمة ربنا مركب فيها ديجيتل :rolleyes:
وطبعا ماحكينا عن الشوارع والاسفلت والظلط " بقو مدييييييييييييييدة "
ياخوانا وين " الزبير طه :rolleyes: "

[nehroo]

يا بت مارنجان
حالتك جيتي بي بره ..
ولسه ماشفتي محل ( المديده ) الصاح جوه مدني ..

همسة:
الجماعة ديل بعرفوا ليك ( العويش ) ده شنو ياربي ..

[العاقب مصباح]

احلى حاجة انك ما مشيتى بى عربيتك

كان حتفترى على خلق الله

مشتاقين ياخ

[بت مارنجان]

أها جينا جمب الصيينة والخرفان مرصرصة .. ياربي في زول لسة بيشتري خرفان في الفلس الحاصل دة :rolleyes: .. اها مشينا والناس زايدة في التكيل مع ستات الشاي ..
تعرفو اسرع طرقة للربح انك تكون " بتاع شاي " مصاريف يومك يطلعو براحة دة لو حسبنا انو حساب ست الشاي " كاش نقدآ " يعني مابالدين :o

مشينا وانا راسي ولع بالدلوكة الفي الشارع .. الشارع زي الفي زول بي فاس وحفرو
والحفر " عميقة " يعني مادقداق زي بتاع الخرطوم .. الاتوز والركشات شديدة في عضمها الحايمة ماحصل لي العادم شي ..

ليكم الله ياناس مدني ...

الوجع والألم والحزن .. والبكاء .. ووممكن نصل لدرجة النواح .......
اسفي عليك ياشارع المصانع والمحالج ..
أبو حلقات ...
مصانع النسيج ..
النيل الازرق
الهدي
حالة من الهدوء والله الشارع دة تخش بيه زي الخاشي مقابر تسمع صوت البوم ينعق
والطيور تكورك والملك جوة بيسأل المكن عن مآلت اليه حالته ...

والله حرام " مكنات المانية " بآلف الملالاين تصبح في مكب .. تصبح مكنات مهلكة .. وهي بحالة اكتر من ممتازة للشغل والانتاج ..

المشكلة وين يعني بالظبط .. عمال مافي طبعآ لا .. طيب التمويل غير موجود ..التمويل لي شنو الناس المشروع قدامها لو فرضنا انو " الاموات بيحيو تاني " المشروع متوفي ..
ناس تشيل محاصيل زراعية " مواد خام " بتتحول تبقي مواد تحت التصنيع وتبقي منتج صالح للبيع ..

في لحظة انتهاء الشارع نزلت علي خدي دمعة الم .. وحزن معقولة ياناس ندفن ابيار من الانتاج وشي ممكن يرفعنا ولا يخلينا نحتاج لا لبنك دولي ولا لي منتجات نكتشف فيما بعد انها اسرائلية ومامعروف يمكن تكون فيها مادة من الخنازير .. او مواد مسرطنة ..

أسفي عليك ياجزيرة الخير .. أسفي عليك يامدني وأٍفي علي نضالك ياود مدني ...

نواصل ..........

[بت مارنجان]

تعالو النضحكم شوية بعد الحزن دة ...

في آخر شارع مارنجان في مساحة فاضية كدة علي اليمين بعد قضبان السكة الحديد .. القضيب دة بعديه بداية الشارع .. المساحة دي كبيييييييييييييرة جداااااااااااااا علي الشمال اي يعني الشرق مقسم مارنجان بتاع سوداتل ..
المهم لقينا لمة ناس وجوطة .. هي ياخوانا الحاصل شنو .. قالو الاهالي جو ياخدو الاراضي دي بوضع اليد زي اجدادنا القدماء :eek:
قلت لي بتاع " الاتوز " هسي يعني انا اقوم اشيل فحمة واشخت كدة اقول دة بيتي
قال لي آي وتختي " حجر " للحجز :eek:

أجي يابري .. القيامة رابطة والشفع يجرو يشيلو في الطوب عشان يسورو في القطع الفاضية وكل زول حجري وحجرك وطوبتي وطوبتك .. والحشاش يملي شبكتو " قصدي يجيب طوباتو ويحجز بيتو " ...

انحنا وين ياعالم في غابة .. مافي خطط اسكانية مافي توزيع للناس وقرعة .. طيب ماكل همباتي يجي يقول دة بيتي ونطلع الناس من بيوتها ونقول عايزين المكان دة :rolleyes:

حقائق يعجز الانسان عن وصفها الا تمشي وتشاهدها بي عينك ....
الناس بتموت بعض في اراضي فاضية اصلا هي ماملكها واكيد حيحصل زي ماحصل في العشوائيات يبنوها ويجو يطلعوهم منها .. ويتغشو بي كزبة حنعوضكم "" ويبقي عوضنا الله في قريشات البنيان والرواكيب .. بقينا غابة مافي مسؤولية ولا محاسبة ولا مين هو المسؤول عن الدمار والخراب الحاصل .. نشكي منو ولا نسأل منو عن حقوق الاطفال والمعاشيين المطرودين من المشروع المات وادفن ..
وين احلام المستقبل بتاعت الشباب الهاجر وسافر واتغرب ومشي يطور في بلد الاجانب والغرب وبلدو خرابة عايزة اليساعدها ويطورها ..

نعيب زماننا والعيب فينا ومالزماننا عيب سوانا ..
والشكية لي " اب ايدآ قويآ "
والشكية لل " المانام ولا اكل الطعام "

[بت مارنجان]

هي بالمناسبة شارع مارنجان مقفول بيصلحو فيه :D
وأخيـــــــــــــــــــــــرآآآآآآآآآآآآآآآ

محفر ومقفول بي شركة بتاعت رصف .. بس الخوف نرجع بعد شهر نلاقيه حفرو وخلوه كدة سليقة ساي لا اترصف ولا شي نقول ليه " يقولو ناس الطرق ماصرفو الشركة البتصلح في الشارع " ,,
الله يكضب الشينة :o

[بت مارنجان]

جاية تبشرينا صح ؟

بالله خلينا نصل هناك بعدين نتخلع برانا :(


ملوكة اول شي حمدلله عالسلامة وياخي بعد الشر عليك ,,,
انا قلت اي زول جاي قريب نديه شوية جرعة عشان الصدمة تكون مخففة ماتجيكم حالة
قوية يعني علي جرعات كدة ;)

[ابوجود]

بت مارنجات لك التحيه
شوقتينا وجننتينا وشكلك حاتحبطينا !!!
متابعين ...

[بت مارنجان]

بت مارنجان
انا لي من مدني 6 سنوات
الحاصل شنو ؟؟
حاجه فوق عقل التصور ؟؟؟
اها انا منتظرك


ياود السفاح غايتو انا اديتكم فكرة عشان ماتنخلعو لمن تجو .. تاني بعمل لفة في مدني
وبوريكم الحاصل ..

مشاققة : بس ابو نضارات مايجي يطير البوست دة :o

[بت مارنجان]

[QUOTE=nehroo;315351]يا بت مارنجان
حالتك جيتي بي بره ..
ولسه ماشفتي محل ( المديده ) الصاح جوه مدني ..

همسة:
الجماعة ديل بعرفوا ليك ( العويش ) ده شنو ياربي ..


والله يانهرو الزيارة قصيرة ومستعجلة مالفيت .. عادتآ بعمل لفة .. لكن عندي زيارة قريب ان شاء الله الايام الجاية وبخش طبعا حتكون المطرة عاملالاه " مديدة " صحي صحي ..
تعرف المديدة صحي شارع المصنع بتاع الصابون دة وقت المطرة السنة الفاتت .. انا اخدت فيه وقعا لمن فهمت شي وكنت يادوبك جيت مدني حتي مامشيت لي بيتنا غشينا نجيب حاجة من زول هناك ونزلت من العربية والطوب بيرقص في الواطة مالقيت ليك روحي الا مستشهدة في الارض ...

والله ياخي من المفترض يكونو بعرفو العويش ولا شنو :confused:

[بت مارنجان]

احلى حاجة انك ما مشيتى بى عربيتك

كان حتفترى على خلق الله

مشتاقين ياخ

عقوبة وينك يامختفي الف حمدلله علي السلامة وبركة الظهور وحلاوة الشوفة لفة بالعربية كدة مشوار لشارع النيل ;)

لمن تجي الاجازة بسوقك مدني بالعربية نسوي شنو عوضنا الله في البنزين البي " 50 الف " :o
بس ماتنسي " المعلوم " هدية الحديدة وكدي ;)

[محمد حسين (المميز)]

احبتي الكرام كيفك ان شاء الله تكونو بخير وماعندكم عوجة .... :o


اللــه يبارك فيــك الله يسلمــك اللــه يبارك فيــك الله يسلمــك
اللــه يبارك فيــك الله يسلمــك اللــه يبارك فيــك الله يسلمــك
:p:D:p






وياريتني مامشيت ................. :o


اللــه يطمنـــك :(




مدني انتهت نهاية " مرة " شديد ...........

:o


طيب كويس واللــه اتطورت شويه

أنا اخر مره لمن كنت هنــاك قبل 6 شهور

كان اتمسحت نهائيا من الخريطه

وبقت عباره عن دمار حرب :mad:

[محمد حسين (المميز)]

البص اتحرك الجماعة اتشهدو والناس تستغفر و" يامسخر الحديد " واتوكلنا عليك يارب
أها " الوالدة الله يديها العافية جمبي ماسكة سبحتها " وقصادنا برضو حجة كبيرة ماسكة
السبحة وتتشهد " والله التقول ماشين الجهاد " ..



وانت مالك ما عندك سبحــه ؟؟ :rolleyes:





المهم عدينا جياد موبايل السواق بقي يرن .. السواق شال التلفون ورد :eek:
سواق بص سفري في شارع طريق عام " سريع " بيتكلم بالموبايل وباليد التانية سايق
البص :confused:


عــــــادي يا ماما

انت قايله المقابر دي الملاها شنو

ماياها العينه دي :mad:







اتخيلو تلفونو وين ؟؟ .. في جيب " البنطلون " وقام بعد خلص المكالمة رجع تاني ختاه في جيب البنطلون ..


:D :D :D

يكون لابس تيشيرت مافيهو جيب

الود ستايل وكده :p






.. انت ياولدي ماتعملو silent :eek:
" الوالدة " مثقفة " :D
طيب ياولدي ماعندك سامعة تتكلم بيها ولا تشغل speaker :p
..


ماعندها عوجه

انا بتك يا أمي :D






ولاحياة لمن تنادي والحجة الجمبنا بقت تنقنق لغاية راجل وراء سمع الهرجي قام
بقي يكورك الناس جاطت ..
صاحبنا خت التلفون وتاني مادقة ....


ناس تخاف ماتختشيش :)




قمــّـــة المتعـــه
ونحن معاك مكمليــــن ;)

[محمد حسين (المميز)]

البص ماشي بينا ...
ماهذا البؤس والجفاف علي جنبي الطريق .. ياربي الخريف لسة ماخشا .. ولا انحنا استعجلنا شوية .. ولا الخريف متاخر .....
جفاف علي طول الطريق الناس تعبانة شكلها " لاتعرفو ارهاق زهني ولا جسدي " ولا " فلس " ........ :d



:(:o:confused::(:o:confused:









تيييييييت وصلنا السوق الشعبي مدني .... :d



حمداللـــه عالســلامه :)

[محمد حسين (المميز)]

ابتسم انت في حي البستان :D " ابتسمت قلت نجاملهم ...



:)



جينا بي لفة كدة بيت ناصية قدامو عربات كتيرة وحافلات وبنات خاشات ومارقات وبنات سغار شكلهم في الجامعة بتاع " الاتوز " قال لينا دة بيت فكي قالو كااااااااارب " يروب الموية


كان تنزلي تجربي حظك :p :D :p





البنيات يخشن يكونو ياربي بيعملو في شنو عند الفكي دة :rolleyes:
بنات لم تتجاوز اعمارهم ال 30 :confused:



:rolleyes: :confused: :rolleyes: :confused: :rolleyes:







أها خشينا بي " شندي فوق " وجينا جمب مصنع النهر بتاع الصابون :o .. لاحول الله
مصنع خااااااااااااااوي ومافيه شي قالو قفل :o
قفل ليه قالو خسر " ياخوانا مصنع صابون وجرسلين " البفلسو شنو " الناس بقت لابتتمسح لا بتغسل :rolleyes:
"


لا حول ولا قوة الا بالله :(





مصنع حدادي مدادي يعلن الافلاس في ظروف غامضة .."


شالوهو لحم ورموهو عضم الله يجازي اللي كان السبب :mad:








تعالو شوفو الشارع علي طول الشارع من بدايتو لغاية نهايتو ووصلا للسكن العشوائي " قالو اسمو الدوحة ولا الرياض " لكن هي حلة " محجوب " بتاعت الفلاتا ..
"


الله يجازي محنك :D





الشارع فيه قريب ال 30 ست شاي وكل ست شاي يتمركز حولينا قريب العشرة " رجال " لو لزو الحيطة يهدوها يشربو في الشاي والقهوة :rolleyes:
الناس دي شغلا وين :confused:
معقولة كلهم عطالة :rolleyes:

يشربو في الشاي وونسة في الكورة :mad:

اتحسرت علي الشباب الضايع والعطالة وعدم الموضوع .. ياخونا شبابك فيما افنيته معقولة مدني الكانت عبارة عن كتلة نشاط وعمل الناس قاعدة مع ستات الشاي يكسرو في العويش ..
حتي اشكالهم بائسة وحزينة ومافي في اليد شي ..

"



نظام الازمه الماليه وكده







"
ياخوانا وين " الزبير طه :rolleyes: "


واللـــه سؤال وجيــه

في التلفزيون مافي؟؟

لغـــــــــــــــاية هسه ماسمعنا بجديد في الولايه

شكله احمد زي حاج احمد

الله يعوض عليك يا مدني :confused:




:rolleyes: "[/COLOR][/QUOTE]

[محمد حسين (المميز)]

هي بالمناسبة شارع مارنجان مقفول بيصلحو فيه :D
وأخيـــــــــــــــــــــــرآآآآآآآآآآآآآآآ

محفر ومقفول بي شركة بتاعت رصف .. بس الخوف نرجع بعد شهر نلاقيه حفرو وخلوه كدة سليقة ساي لا اترصف ولا شي نقول ليه " يقولو ناس الطرق ماصرفو الشركة البتصلح في الشارع " ,,
الله يكضب الشينة :o




ما تفــــــرحي :confused:

تغيــــــــــــــــبي وتجي بعد سنتيـــن

وتلقي الحال في حاله :(








بصــــراحه والله يا بت ما رنجان

رغم المعاناة والمآسي الموجوده في البوست

الى انه والله استمتعنا معاك بالرحله وكأننا

كنا معاك

وانشالله ربنا يجمع كل اعضاء المنتدى الموجودين بالغربه (( زيي كده :( ))

في مدني

[كاتم الأحزان]

العزيزة بت مارنجان حقيقة كل كلمه قلتيها صحيحة
بس الحاجة البتبشر بخير إنو البروف الزبير بشير طه من أوائل قراراتو قرر تكوين لجنة تجميل مدينة ودمدني
واللجنة مكونة من حكومة الولاية ومدراء المصارف والبنوك
ورجال أعمال وفنانيين تشكيليين
إتحاد المصارف تكفل بإنشاء اكثر من ثلاثة مسطحات خضراء
وميادين و حدائق عامة
بالمقابل حكومة الولاية تكفلت بترميم ورصف الشوارع وكل شارع
يوضع على جنباته رصيف
والبداية بالتأكيد لو سمعتوا باالحملة الإسعافية لإصحاح البيئة
كانت البداية يوم 18 وحتى يوم 25 من هذا الشهر لتنظيف الولاية
بشكل عام ومدني بشكل خاص وقد رصدت الولاية كما قالوا جوائز
ضخمة بعد نهاية الحملة لأنظف وأجمل محلية ووحدة إدارية
وكذلك أنظف حي

نتمنى من الله أن يسير العمل بالشكل المطلوب

[محمد الجزولى]

بت مارنجان
يديك العافيه
والله حلقتى بينا فى رحله ولا فى الاحلام ... يعنى الواحد كده يقول نزل اجازه السنه دى
سرد رائع .. وتعليق وتحليل ولا تحليل جماعتنا بتاعين الكوره
عليك الله لما يفتحو شارع مارنجان ده ادينه خبر ...
والله استمتعنا معاك جدا يا بت مارنجان ... ويا ريت تواصلى وتكتبى لينا عن رحلة العوده

[محمد حسين (المميز)]

العزيزة بت مارنجان حقيقة كل كلمه قلتيها صحيحة
بس الحاجة البتبشر بخير إنو البروف الزبير بشير طه من أوائل قراراتو قرر تكوين لجنة تجميل مدينة ودمدني
واللجنة مكونة من حكومة الولاية ومدراء المصارف والبنوك
ورجال أعمال وفنانيين تشكيليين
إتحاد المصارف تكفل بإنشاء اكثر من ثلاثة مسطحات خضراء
وميادين و حدائق عامة
بالمقابل حكومة الولاية تكفلت بترميم ورصف الشوارع وكل شارع
يوضع على جنباته رصيف
والبداية بالتأكيد لو سمعتوا باالحملة الإسعافية لإصحاح البيئة
كانت البداية يوم 18 وحتى يوم 25 من هذا الشهر لتنظيف الولاية
بشكل عام ومدني بشكل خاص وقد رصدت الولاية كما قالوا جوائز
ضخمة بعد نهاية الحملة لأنظف وأجمل محلية ووحدة إدارية
وكذلك أنظف حي

نتمنى من الله أن يسير العمل بالشكل المطلوب




صــدّق يا كاتم الأحــزان

كلامك ده ماااااااااباقي لي

يعني زي الهظار هظار كده

يعني الناس دي حتشتغل ولاّ؟؟

حيكون كلام جرايد :(



انشـــــــــالله يكون جد :rolleyes:

[عوض الكريم الخواض]

قلت لي مدنى الجميلة ... :eek::eek:
مدنى يا أجمل خبر ... :o:o

اغتربوا برة مدنى ... ونحن بنحرس الخرابة .. أقصد المدينة ...
وتعالوا أبكوا على ىالأطلال وفراق الديار ...
غايتو بعد كلامك يا بت مارنجان الزول حسّ أنو مظلوم طلم شديد . :mad::mad:


أها مارنجان لقيتيها كيف ؟؟؟؟؟؟؟؟ .:confused:

[بت مارنجان]

اللــه يبارك فيــك الله يسلمــك اللــه يبارك فيــك الله يسلمــك
اللــه يبارك فيــك الله يسلمــك اللــه يبارك فيــك الله يسلمــك
:p:D:p


تسلم ياخوي كيفنك وكيفنها البنية ... :p



اللــه يطمنـــك :(





طيب كويس واللــه اتطورت شويه

أنا اخر مره لمن كنت هنــاك قبل 6 شهور

كان اتمسحت نهائيا من الخريطه

وبقت عباره عن دمار حرب :mad:

غايتو يامحمد بؤس غريييييييييب :o

[بت مارنجان]

بت مارنجات لك التحيه
شوقتينا وجننتينا وشكلك حاتحبطينا !!!
متابعين ...

ابو جود مرحب بيك .. الاحباط مابيدي لكن دة الواقع الحاصل .. نسوي شنو عاد الله غالب ....

[بت مارنجان]

وانت مالك ما عندك سبحــه ؟؟ :rolleyes:


انا بسبح في سري :mad:



عــــــادي يا ماما

انت قايله المقابر دي الملاها شنو

ماياها العينه دي :mad:

المشكلة بيخت موبايلو في جيب البنطلون لي .. يختو في الطبلون ولا في راس البتاع
دة فوق .. يعني يدق يسوق بي يد واحدة ويطلعو ويتكلم وتاني يرجعو ..
قمة الاستهتار ...



:D :D :D

يكون لابس تيشيرت مافيهو جيب

الود ستايل وكده :p

لابس قميص والله وكم طويل :o


ماعندها عوجه

انا بتك يا أمي :D


اي اي .. مليانة ثقافة .. عايزين نعمل ليها صفحة في الفيس بوك هسي :eek: :p



ناس تخاف ماتختشيش :)

الرجال صوتهم عالي وهو زاتو خاف عشان يمكن يوقفو البص يمشو لي بتاعين حركة ..



قمــّـــة المتعـــه
ونحن معاك مكمليــــن ;)

نواصل رحلة العودة ..
later ان شاء الله ...

[هيثم ادروب]

بت مرنجان
حمدالله علي سلامتك
حكايتك غريبة
بس شوقتنا علي انو نشوف مدني
وثم تاني مدني ياها مدني مابتغير فيها شي
ولاكن ياتري هل تغير اهل ودمدني الطيبين ...؟
دا السؤال
لاكن شارع مرنجان السودان ياهو ذاتو ..
شارع مايو ياهو زاتو ..
شارع النيل ياهو زاتو ..
يبقي التغير في الاشكال يعني لو الوالي ساكن مرنجان كان سبحان الله بين يوم ليلة
بقت زي قاردن سيتي ...!
ولو كان ساكن الدرجة نفس الشي
لاكن حكمت الله البجي كلو بنقول احسن من الفات
ونحنا في انتظار الافضل
تقبلي خالص تحياتي
وفائق اعجابي بهذا السرد الجميل
وفي انتظار رحلة العودة



ابنص
انتي العربية وين ...؟
ماكان احسن تجي بي عربيتك
كان احسن ليك من النطيط في الاتوز وتعريض حياتك وحياة الوالدة الغالية للخطر ..؟
ولا رخصتك دي امشي جوكي بيها في الموقف
ولا شوفي ليك رقيشة
هاهاهااهاهاهاهاها

[بت مارنجان]

:(:o:confused::(:o:confused:


حمداللـــه عالســلامه :)

الله يسلمك ....
دي علي وزن حمدلله عالسلامة وصلنا الخرطوم " بتاعت كريم عبد العزيز في فلم ابو علي " :d:d

[esmat]

مدني يا اجمل خبر ... واصلي

[بت مارنجان]

ما تفــــــرحي :confused:

تغيــــــــــــــــبي وتجي بعد سنتيـــن

وتلقي الحال في حاله :(

:o:o:o:o:o:o

بصــــراحه والله يا بت ما رنجان

رغم المعاناة والمآسي الموجوده في البوست

الى انه والله استمتعنا معاك بالرحله وكأننا

كنا معاك

وانشالله ربنا يجمع كل اعضاء المنتدى الموجودين بالغربه (( زيي كده :( ))

في مدني

ربنا يجمعنا في ساعة خير يالمميز .. وربنا يرد غربة الجميع .. وربنا يقوي اهل مدني .. انهم يقدرو يعملو شي ليها ويعمروها .. مدني ماهينة وفي زمنها كانت عاصمة السودان .. بس الغالية اتدمرت وبقت خرابة اسمها مدني .. حتي الخريف بقي يبخل عليها وبدل المطرة بقت كتاحات :o:o

[حاتم مرزوق]

بت مارنجان الف حمد لله علي السلامة

قصة محزنة تلك التي حكيتي عنها في بوستك هذا ولولا غيرتك الشديدة وصدقك لما حزنا كل هذا الحزن تمنيت لو اني كنت بالبيت وجررت علي بطانيتي السوداء ونمت طويلا لأفق من صدمة ما قرأت هنا.

كنت اظن ان حالنا لا زال افضل من مقديشو وقنده لكنني علي ما يبدو كنت متفائلا !!

جايي راجع ..

[حسام التنين]

والله مدني دايرة زول اخاف عليها وفي قلبو مسئولية وحب مدني
مازول ياكل ويقش خشموا ...

اسف للتفليت لكن انا كنت هناك الخميس المضي اشهر ثاني شارع شارع المحطة الليه 100 سنة بصينوا فيه التقول بركبوا في قزاز ما ظلط ... (من اواخر السنة المضت)

[بت مارنجان]

العزيزة بت مارنجان حقيقة كل كلمه قلتيها صحيحة
بس الحاجة البتبشر بخير إنو البروف الزبير بشير طه من أوائل قراراتو قرر تكوين لجنة تجميل مدينة ودمدني
واللجنة مكونة من حكومة الولاية ومدراء المصارف والبنوك
ورجال أعمال وفنانيين تشكيليين
إتحاد المصارف تكفل بإنشاء اكثر من ثلاثة مسطحات خضراء
وميادين و حدائق عامة
بالمقابل حكومة الولاية تكفلت بترميم ورصف الشوارع وكل شارع
يوضع على جنباته رصيف
والبداية بالتأكيد لو سمعتوا باالحملة الإسعافية لإصحاح البيئة
كانت البداية يوم 18 وحتى يوم 25 من هذا الشهر لتنظيف الولاية
بشكل عام ومدني بشكل خاص وقد رصدت الولاية كما قالوا جوائز
ضخمة بعد نهاية الحملة لأنظف وأجمل محلية ووحدة إدارية
وكذلك أنظف حي

نتمنى من الله أن يسير العمل بالشكل المطلوب


الله ... قلت لي لجان منبثقة من الخطة الخمسية لغااااااااااااااااااية .. الماسورة سد مروي ..
اخوي كاتم الناس بتقعد تضع قرارات ولجان وخطط .. بيقومو علي غداهم وفطورهم .. وبينسو زااااااااااتو الموضوع الاتلمو عشانو كان شنو :o
اصحاح بيئة شنو ياكاتم .. انت ماسمعت بالاحصائيات الجديدة الجاية من اليونسيف .. ركز معاي في اليونسيف .. ماوزارة الصحة .. عن الاوبئة والامراض زي البلهارسيا .. بلد الي الان فيها كوليرا وتايفود ..

[بت مارنجان]

بت مارنجان
يديك العافيه
والله حلقتى بينا فى رحله ولا فى الاحلام ... يعنى الواحد كده يقول نزل اجازه السنه دى
سرد رائع .. وتعليق وتحليل ولا تحليل جماعتنا بتاعين الكوره
عليك الله لما يفتحو شارع مارنجان ده ادينه خبر ...
والله استمتعنا معاك جدا يا بت مارنجان ... ويا ريت تواصلى وتكتبى لينا عن رحلة العوده


أخوي ود الجزولي .. ولد الناس الصالحين .. والشيوخ .. يديك الصحة والعافية ..
مارنجان جميلة بي ناسها وطيبة وحسن المعشر .. والله دة لو برضو اتمحي تبقي مدني
بالجد انتهت .. لكن لسة النفوس نقية وجميلة ولسة طيبة اهلنا الحنان ماراحت ..
وشارع مارنجان دة يوم يتم بنعمل ليه بوست عديـــــــــــــــــــــــــل ...

[بت مارنجان]

صــدّق يا كاتم الأحــزان

كلامك ده ماااااااااباقي لي

يعني زي الهظار هظار كده

يعني الناس دي حتشتغل ولاّ؟؟

حيكون كلام جرايد :(

شغل شنو ياالمميز .. الموضوع كبير وشائك لاتعرف المشكلة فيهم ولا في العمالة ..
ولا في السيولة .. الحقيقة زاتها بقت مطموسة بواقع مجهول غير واضح ..
معانا من جميع النواحي .. اذا كان الناس بتجيب البصل بتاع الملاح من الاردن :rolleyes:
والطماطم من لبنان ...
بلد فيها النيل اكبر نهر في العالم .. بجيبو الخضار من برة .. يعني لو انا قعدت حرت حوش
جدي بقوم فيه ملجة خضار ...
وعود كازبة وكلام ليل كلو ينفخو بيه بعض .. سوف نعمل وسوف نسوي .. وعيييييك ..
يبقي الحال كما هو عليه ....

انشـــــــــالله يكون جد :rolleyes:

الله يكضب الشينة :o


قلت لي مدنى الجميلة ... :eek::eek:
مدنى يا أجمل خبر ... :o:o

ماقلنا شي .. :)

اغتربوا برة مدنى ... ونحن بنحرس الخرابة .. أقصد المدينة ...
وتعالوا أبكوا على ىالأطلال وفراق الديار ...
غايتو بعد كلامك يا بت مارنجان الزول حسّ أنو مظلوم طلم شديد . :mad::mad:

والله لامغتربين ولا شي .. علي بعد 180 كيلو منها .. وبنجيها كل شهر تقريبا .. لكن كل
مانجي بنلاقي الحال ماشي اسوأ ويقولو لينا بكرة بيتصلح .. ياخواني بكرة دة ماجاء يعني لبتين القصة دي ...

انا عندي اطلال كدة مشيت اتنخجت فيها نخجتين وجيت :o


أها مارنجان لقيتيها كيف ؟؟؟؟؟؟؟؟ .:confused:

مارنجان بخير ومية المية وظلطنا بيصلحو فيه .. يوم الافتتاح بنعزمكم في الفسحة ;)
ولا تجو تشربو الشاي عند ناس شيكو اصلو بيتهم علي الظلم ;)

[مبارك الجنيد]

والله مدني دايرة زول اخاف عليها وفي قلبو مسئولية وحب مدني
مازول ياكل ويقش خشموا ...

اسف للتفليت لكن انا كنت هناك الخميس المضي اشهر ثاني شارع شارع المحطة الليه 100 سنة بصينوا فيه التقول بركبوا في قزاز ما ظلط ... (من اواخر السنة المضت)

وبكرة ببوظ ومن بيحاسب ذيو ذى شارع (جبرونا-التلفزيون-شارع مايو)

[Badri]

الأ خت العزيزة بت مارنجان
تشرفت في الشهور الماضية بزيارة مدينة بورسودان لا أخفي عليك أنبهرت بتغير الحال ، فقد زرت المدينة من قبل ، وحالها حين ذاك أسوأ من مما الت اليه (مدني) الـأن أليك الصورة للمدينة الأن :
تم سفلتت كل الشوارع في المدينة بما فيها الاحياء الشعبية ؟؟؟ أي والله الأحياء الشعبية ( يعني حي زي مارنجان شوارعو زلط عديل كده ) ، وأيضا تم رصف كل وسط المدينة (السوق وما جاوره من أحياء ) ، وليس هـذا فقط النظافة كمان تعجبك ، أما الليل يحير ؟؟ المدينة أكتست بالأنارة كل الشوارع مضاءة ، أما الرصيف أصبح غاية في الجمال
فيا أختي (مدني) تحتاج لمن يعمل فأن طغت المصالح الشخصية علي المصالح العامة لدي الحكام لن يتم تحقيق شي سوي السراب

[طلال الصول]

اول شي حمد الله على السلامة

وغايتو خوفتينا من مدني عديل برانا بنكوس في الحجج

الزيارة الجاية اكان الحال في حالوا نعلنا منطقة كوارث

[moh_alnour]

البنيات يخشن يكونو ياربي بيعملو في شنو عند الفكي دة :rolleyes:

بياخدن في دروس تجويد و تحفيظ :eek:



يا ود السفاح غايتو انا اديتكم فكرة عشان ماتنخلعو لمن تجو

خلعة ساي هي ، غايتو أنا باقي لي 5 سنة من العشرة سنة الأولى بتاعت أهلي الدناقلة ;)
للوكت داك إن شاء الله الحال يكون أنعدل
الله يطمنك يا فطومة ، بس تعرفي خليتينا نحس كأننا معاك في الرحلة دي
و صفتي الأماكن و الأحوال كما تخيلناها و كما عشناها في مدينة تظل هي عشقنا الخرافي



مشاققة : بس أبو نضارات ما يجي يطير البوست دة

طارت إيطاليا و مصر من كاس القارات ما يطير البوست كان طار :(

[محمود (أبو وضاح)]

بت مارنجان ،،،
مبروك عليكم شارعكم ، بالمناسبة ياتو شارع ؟ شارع المصانع ؟ ولا شارع بركات ؟ ولا شارع سنار ، أهو كلو تكسير وحفر واحباط ، وخبر تكوين لجنة تجميل مدينة ودمدنى بداية الغيث ، نأمل أن تصدق النوايا ويبشرونا ناس نهرو بالأخبار المفرحة بعد موسم العطلات القادم ،،
وأها دى قعدة منتظرنكم عشان تورمونا أو تفرحونا !!!

[بت مارنجان]

بت مرنجان
حمدالله علي سلامتك
الله يسلمك ...

حكايتك غريبة
بس شوقتنا علي انو نشوف مدني
وثم تاني مدني ياها مدني مابتغير فيها شي
دة من العشم ياادروب كل مانمشي نقول يمكن بكرة تكون احسن .. لكن الحال ماشي للاسواء ولاحياة لمن تنادي ..
السؤال البحيرني انو ياخي الوالي دة ببقي والي ليه ؟؟؟؟

ولاكن ياتري هل تغير اهل ودمدني الطيبين ...؟
دا السؤال
والله اتغيرو ياهيثم بس تغير نفسي .. يعني لمن تلاقي الشباب قاعد عاطل .. وفي ثروة
مدفونة ماعارفين حتي يديروها ولا يتسثمروها .. يعني هسي المصانع دي واقفة ليه
والله لو المصانع دي اشتغلت تشغل حتي الطلبة بتاعين الجامعات الماتخرجو :o
ناس مدني اصابهم الاحباط والحزن وخيبة الامل .. وبقي مافي يدهم شي ولا بيقدرو
حتي يعترضو علي الوضع دة ..
الشعب السوداني بقي قلبو ميت .. هانت عليه اي شي وبقي مستسلم للواقع المفروض عليه ...

لاكن حكمت الله البجي كلو بنقول احسن من الفات
[color="blue"]كلهم شبه بعض ومافي حد احسن من حد ..

ونحنا في انتظار الافضل
تقبلي خالص تحياتي
وفائق اعجابي بهذا السرد الجميل
وفي انتظار رحلة العودة

تسلم يازوق ....



ابنص
انتي العربية وين ...؟
ماكان احسن تجي بي عربيتك
كان احسن ليك من النطيط في الاتوز وتعريض حياتك وحياة الوالدة الغالية للخطر ..؟
ولا رخصتك دي امشي جوكي بيها في الموقف
ولا شوفي ليك رقيشة
هاهاهااهاهاهاهاها

مامن اولها كدة ياهيثم خلي الرخصة تبرد شوية ياخوي .. مااول مااشطح انطح .. خلينا
نسافر علي ام در مرة .. بحري مرة ;)

ابنص دة منو ياخ ؟؟
بمناسبة ابنص دة .. مافي كرفتة لون تاني :d:d


مدني يا اجمل خبر ... واصلي

ماقلنا شي ياعصمت .. مدني جوة حنايا القلب وبين الضلوع ...

[بت مارنجان]

بت مارنجان الف حمد لله علي السلامة

الله يسلمك ...

قصة محزنة تلك التي حكيتي عنها في بوستك هذا ولولا غيرتك الشديدة وصدقك لما حزنا كل هذا الحزن تمنيت لو اني كنت بالبيت وجررت علي بطانيتي السوداء ونمت طويلا لأفق من صدمة ما قرأت هنا.

دي علي وزن .. لو كترت عليك الهموم اندمدم ونوم :o
المشكلة الواحد يااستاذ حاتم مابيقدر يتغاضي عن الحاصل دة .. ولا ندفن راسنا زي النعام .. ومافي يدنا شي غير نقول .. ربنا يرفعك يامدني ...

كنت اظن ان حالنا لا زال افضل من مقديشو وقنده لكنني علي ما يبدو كنت متفائلا !!

جايي راجع ..

تآنس استاذي القدير ,,,,


والله مدني دايرة زول اخاف عليها وفي قلبو مسئولية وحب مدني
مازول ياكل ويقش خشموا ...

اسف للتفليت لكن انا كنت هناك الخميس المضي اشهر ثاني شارع شارع المحطة الليه 100 سنة بصينوا فيه التقول بركبوا في قزاز ما ظلط ... (من اواخر السنة المضت)

والله انحنا خليناها ونسيناها .. وهم اكلو وغسلو خشمهم بالصابون .. ريحة الاكل زاتها
مامرقت ولابانت ..
ليها رب كريم ....

[هيثم ادروب]

;)

ابنص دة منو ياخ ؟؟
بمناسبة ابنص دة .. مافي كرفتة لون تاني :d:d



...

والله يابت خالتي كنتا قايلك مفتحة
ابص دا البدوسوه عشان العربية تتحرك
انت رخصتك دي من وين

فرامل :
والله من فضلة خيرك الكرافتات راقدة
هو انتي قايلة الحاجات دي بيقروش في البلد دي
اصلو البلد دي كلها
مطاعم رز
ودكاكين ملابس وجوالات
لامن الواحد بقي مخنوق طوالي
بس انشاء الله عجبتك
لانو عزبتيني بيها
هاهاهاهاهاها

[بت مارنجان]

الأ خت العزيزة بت مارنجان
تشرفت في الشهور الماضية بزيارة مدينة بورسودان لا أخفي عليك أنبهرت بتغير الحال ، فقد زرت المدينة من قبل ، وحالها حين ذاك أسوأ من مما الت اليه (مدني) الـأن أليك الصورة للمدينة الأن :
تم سفلتت كل الشوارع في المدينة بما فيها الاحياء الشعبية ؟؟؟ أي والله الأحياء الشعبية ( يعني حي زي مارنجان شوارعو زلط عديل كده ) ، وأيضا تم رصف كل وسط المدينة (السوق وما جاوره من أحياء ) ، وليس هـذا فقط النظافة كمان تعجبك ، أما الليل يحير ؟؟ المدينة أكتست بالأنارة كل الشوارع مضاءة ، أما الرصيف أصبح غاية في الجمال
فيا أختي (مدني) تحتاج لمن يعمل فأن طغت المصالح الشخصية علي المصالح العامة لدي الحكام لن يتم تحقيق شي سوي السراب

الاخ بدري مشكور علي مرورك الطيب ..
بالنسبة الي مدينة بورتسودان انا مازرتها .. لكن اخوي شغال فيها ونقل لينا بعض الصور
في المدينة وصراحة اتفاجات .. انو اصلا في مدينة زي دي بالنضافة دي في السودان ..
حاجة اغرب من الخيال .. نضافة وجمال .. والانارة ....
وخاصة منطقة الساحل علي البحر .. المنطقة شبيهة " بمدينة اللازقية " بسوريا ..
حتي الخرطوم مابي الجمال دة ...


اول شي حمد الله على السلامة

وغايتو خوفتينا من مدني عديل برانا بنكوس في الحجج

الزيارة الجاية اكان الحال في حالوا نعلنا منطقة كوارث

الله يسلمك ياود الصول ..
والله لو اعلنتو مش كوارث .. بعد مية سنة الحال في حالو واسوا من كدة حيكون ...

[مـجــيد]

يا بت مارنجان

شكراً لك شكر اً لك

فحبيبتي قد قتلت و صار بوسعكم ان تشربوا كاساً علي قبر الشهيدة

رحم الأرض البــــــــــــــــكــــــــــر الفرهد

مدني الام الحانية الدافية تغط في ظلام دامس

مدني غناوي مدني حجاوي الحبوبات شوارع تقتغر لابسط المقومات

مدني ثقافة مدني حضارة تحتاج الي نهضة في شتي المجالات

برغم ذلك متيمون حتي الثمالة

برغم ذلك عشاق حتي النخـاع

[بت مارنجان]

بياخدن في دروس تجويد و تحفيظ :eek:

:rolleyes::rolleyes::rolleyes:
يجوز ياود النور .. البيزعل شكلهم بنات جامعيات .. يعني سغرة وجامعيات البدخلن للفكي
شنو .. الله يفك راسهن دة :mad:

خلعة ساي هي ، غايتو أنا باقي لي 5 سنة من العشرة سنة الأولى بتاعت أهلي الدناقلة ;)
للوكت داك إن شاء الله الحال يكون أنعدل
الله يكضب الشينة .. نحنا برضو بنأمل في اصلاح الحال ...

الله يطمنك يا فطومة ، بس تعرفي خليتينا نحس كأننا معاك في الرحلة دي
و صفتي الأماكن و الأحوال كما تخيلناها و كما عشناها في مدينة تظل هي عشقنا الخرافي

مدني في القلب .. واجمل زكرياتنا فيها ...

طارت إيطاليا و مصر من كاس القارات ما يطير البوست كان طار :(

تقول والله ايطاليا طارت .. " وطوني كان وين " :p

[بت مارنجان]

بت مارنجان ،،،
مبروك عليكم شارعكم ، بالمناسبة ياتو شارع ؟ شارع المصانع ؟ ولا شارع بركات ؟ ولا شارع سنار ، أهو كلو تكسير وحفر واحباط ، وخبر تكوين لجنة تجميل مدينة ودمدنى بداية الغيث ، نأمل أن تصدق النوايا ويبشرونا ناس نهرو بالأخبار المفرحة بعد موسم العطلات القادم ،،
وأها دى قعدة منتظرنكم عشان تورمونا أو تفرحونا !!!


شارع المصانع لغااااااااااية بداية بركات وانت خاشي علي الكمبو ونمرة اربعة .. لكن
بادين فيه شوية شوية قالو العافية درجات :rolleyes:

نهرو تاني ماجانا راجع شكلو مافي جديد عشان كدة ماجاء عشان مايحبطنا :o

[بت مارنجان]

والله يابت خالتي كنتا قايلك مفتحة
ابص دا البدوسوه عشان العربية تتحرك
انت رخصتك دي من وين

:eek::eek::eek::eek:
ياخ انت ماتفهمني ياودخالتي ياخ :mad:

انا فرتقت الكلمة " اب نص " :p
اجي كيفن مابعرف الابنص ;)
رخصتي من رئاسة ولاية الخرطوم :mad:

فرامل :
والله من فضلة خيرك الكرافتات راقدة
هو انتي قايلة الحاجات دي بيقروش في البلد دي
اصلو البلد دي كلها
مطاعم رز
ودكاكين ملابس وجوالات
لامن الواحد بقي مخنوق طوالي
بس انشاء الله عجبتك
لانو عزبتيني بيها
هاهاهاهاهاها

لا انا بس بستفهم عشان شاكيها ليك فترة .. يعني ماعندك غيار غيرها ياخ :p
شوف لينا لو تاني :D

[طائر النورس]

مشكورة يااابتنا على الشرح والتفصيل للواقع الحاصل في مدينتنا الكانت جميلة


انا شخصياً لي منها فوق 8 سنوات لم اذهب السودان ، وسنحت لي فرصة قبل 7 اشهر

انا انزل السودان واشوف مدني التى لم ارها كل هذه المدة ، والحقيقة الحقيقة المرة


بقت عبارة عن ( كوشة كبيرة ) مهمله من كل النواحي . ولم استحمل الوضع فجسلت 12

12 يوم فقط بعد 8 سنوات ورجعت الى الغربة . ( حاجة تبكي )


مشكورة على البوست ( طيب دي المشاكل ......... دائرين الحلول )

[عبدالمنعم الصديق(خدرا)]

أها جينا جمب الصيينة والخرفان مرصرصة .. ياربي في زول لسة بيشتري خرفان في الفلس الحاصل دة :rolleyes: .. اها مشينا والناس زايدة في التكيل مع ستات الشاي ..
تعرفو اسرع طرقة للربح انك تكون " بتاع شاي " مصاريف يومك يطلعو براحة دة لو حسبنا انو حساب ست الشاي " كاش نقدآ " يعني مابالدين :o

مشينا وانا راسي ولع بالدلوكة الفي الشارع .. الشارع زي الفي زول بي فاس وحفرو
والحفر " عميقة " يعني مادقداق زي بتاع الخرطوم .. الاتوز والركشات شديدة في عضمها الحايمة ماحصل لي العادم شي ..

ليكم الله ياناس مدني ...

الوجع والألم والحزن .. والبكاء .. ووممكن نصل لدرجة النواح .......
اسفي عليك ياشارع المصانع والمحالج ..
أبو حلقات ...
مصانع النسيج ..
النيل الازرق
الهدي
حالة من الهدوء والله الشارع دة تخش بيه زي الخاشي مقابر تسمع صوت البوم ينعق
والطيور تكورك والملك جوة بيسأل المكن عن مآلت اليه حالته ...

والله حرام " مكنات المانية " بآلف الملالاين تصبح في مكب .. تصبح مكنات مهلكة .. وهي بحالة اكتر من ممتازة للشغل والانتاج ..

المشكلة وين يعني بالظبط .. عمال مافي طبعآ لا .. طيب التمويل غير موجود ..التمويل لي شنو الناس المشروع قدامها لو فرضنا انو " الاموات بيحيو تاني " المشروع متوفي ..
ناس تشيل محاصيل زراعية " مواد خام " بتتحول تبقي مواد تحت التصنيع وتبقي منتج صالح للبيع ..

في لحظة انتهاء الشارع نزلت علي خدي دمعة الم .. وحزن معقولة ياناس ندفن ابيار من الانتاج وشي ممكن يرفعنا ولا يخلينا نحتاج لا لبنك دولي ولا لي منتجات نكتشف فيما بعد انها اسرائلية ومامعروف يمكن تكون فيها مادة من الخنازير .. او مواد مسرطنة ..

أسفي عليك ياجزيرة الخير .. أسفي عليك يامدني وأٍفي علي نضالك ياود مدني ...

نواصل ..........
بت مارنجان
مساك الله بكل الخير
ياحليلك
وياحليل مدنى
وياحليل زمان
انا اعتقد جازما ان ماحصل للجزيره ولمدنى حصل بفعل فاعل وتم اغتيال البهجه والجمال والحياة فى مدنى مع سبق الترصد والاصرار
فى مدنى
الزمان غير الزمان
بس نفس المكان
والزمان فى اوائل ثمانينيات القرن الماضى
نحن طلبه فى (الثانوى العالى) ايام كان الثانوى عالى عالى عالى
وكانت محصلتنا فى التعليم ارفع من محصله بعضى خريجى جامعات اليوم
فى ذاك الزمان كانت كل المصانع داخل وحول مدنى تعمل بطاقاتها القصوى وكانت تستقطب الطلبه فى الاجازه الصيفيه وكنا نعمل والمحصله النهائيه لا فراغ ولا جلوس مع ستات الشاى وكنا لما المدارس تفتح نكون قد دبرنا كل شى من لبس ومستلزمات مدرسيه
كان شفت ذاك الزمن الجميل
كان شفتى مجموعة شرف العالميه وهى متعاقده مع كل او اغلب البصات التى تعمل داخل مدينة ودمدنى فى المواصلات الداخليه حتى ان الموقف بكون فاضى لانو كل البصات شغاله ترحيل
مصانع الزيوت شغاله
مصانع الصابون شغاله
اجود صابون انتاج منارنجان
احلى زيت من مارنجان
والطحنيه السمحه فى مارنجان
وبسكويت بركه
الدقيق الفاخر برضو
الفبارك تستقطب الالاف من العمال
وطرمارج طالع من مارنجان
واخر داخل
(سمعت ان سكك حديد الجزيره بيعت خرده لمصانع جياد) (محن يازمن)
متى سيباع انسان الجزيره خرده ايضا؟؟؟؟
بعد ان انهكه ثالوث الجوع والفقر والمرض
انها ذكريات مؤلمه لمتى ستبقى معنا؟؟؟؟
انها دمعة دم فى خدودنا من سيمسحها؟؟؟؟؟؟

[بت مارنجان]

يا بت مارنجان

شكراً لك شكر اً لك

فحبيبتي قد قتلت و صار بوسعكم ان تشربوا كاساً علي قبر الشهيدة

رحم الأرض البــــــــــــــــكــــــــــر الفرهد

مدني الام الحانية الدافية تغط في ظلام دامس

مدني غناوي مدني حجاوي الحبوبات شوارع تقتغر لابسط المقومات

مدني ثقافة مدني حضارة تحتاج الي نهضة في شتي المجالات

برغم ذلك متيمون حتي الثمالة

برغم ذلك عشاق حتي النخـاع


اخي مجيد حبيت فقط اشكرك علي مداخلتك وكلامك الجميل ..
ودة من غيرتنا وحبنا في مدني عشان كدة زعلانين عليها وكلنا امل انو الحال ينصلح ..

[عبدالحفيظ]

انا من مارنجان و حجزت لى ارض ناصية قريبة للراكوبة شفتيها

[ميزو]

العزيزة بت مارنجان حقيقة كل كلمه قلتيها صحيحة
بس الحاجة البتبشر بخير إنو البروف الزبير بشير طه من أوائل قراراتو قرر تكوين لجنة تجميل مدينة ودمدني
واللجنة مكونة من حكومة الولاية ومدراء المصارف والبنوك
ورجال أعمال وفنانيين تشكيليين
إتحاد المصارف تكفل بإنشاء اكثر من ثلاثة مسطحات خضراء
وميادين و حدائق عامة
بالمقابل حكومة الولاية تكفلت بترميم ورصف الشوارع وكل شارع
يوضع على جنباته رصيف
والبداية بالتأكيد لو سمعتوا باالحملة الإسعافية لإصحاح البيئة
كانت البداية يوم 18 وحتى يوم 25 من هذا الشهر لتنظيف الولاية
بشكل عام ومدني بشكل خاص وقد رصدت الولاية كما قالوا جوائز
ضخمة بعد نهاية الحملة لأنظف وأجمل محلية ووحدة إدارية
وكذلك أنظف حي

نتمنى من الله أن يسير العمل بالشكل المطلوب
نحن قاعدين فى مدنى وفى قلب مدنى وبالقرب من مصدر القرار
ولم نسمع بالكلام ده .اكيد انت من قرية جزيرة الفيل(احدى طواحى مدنى)

[ايمن عبد الله]

بت مارنجان لكن مارقدتي مدني واطة عدييييييييييل ما نجي ولا شنو ؟

[ايمن عبد الله]

نحن قاعدين فى مدنى وفى قلب مدنى وبالقرب من مصدر القرار
ولم نسمع بالكلام ده .اكيد انت من قرية جزيرة الفيل(احدى طواحى مدنى)

مصدر القرار الانت بتتفاخر بإنك قاعد جنبه ..البطلعو واحد من جزيرة الفيل وساكن في جزيرة الفيل لي هسة يا استاذ امين ..

وبعدين لمن تتعلم الاملاء والكتابة تعال اكتب عن ضواحي مدني ..



جزيرة الفيل الاصالة والعراقة يا هذا !!!!!!!!

[بت مارنجان]

مشكورة يااابتنا على الشرح والتفصيل للواقع الحاصل في مدينتنا الكانت جميلة


انا شخصياً لي منها فوق 8 سنوات لم اذهب السودان ، وسنحت لي فرصة قبل 7 اشهر
8 سنين ياخ حرام عليك .. زول يغيب عن اسرتو زمن قدر كدة :mad:

انا انزل السودان واشوف مدني التى لم ارها كل هذه المدة ، والحقيقة الحقيقة المرة
بقت عبارة عن ( كوشة كبيرة ) مهمله من كل النواحي . ولم استحمل الوضع فجسلت
12 يوم فقط بعد 8 سنوات ورجعت الى الغربة . ( حاجة تبكي )
طبيعي انك تقعد 12 يوم بعد غربة 8 سنين .. والله صراحة احبطتني وحيرتني .. مواطن سوداني وكمان من مدني يقدر يبعد عن بلدو مدة قدر كدة ؟؟؟؟
الوالدة الله يديها العافية " بتقول الغربة بتقتل القلب " لكن مالدرجة انك تقعد 12 يوم بس
وترجع .. عليك الله لحقت تحفظ ملامح اهلك ولا تعرف الحاصل عليهم شنو؟؟؟
تشوف بلدك والحاصل عليهها ؟؟؟
انا بعتذر عن تحاملي عليك دة ... لكن بالجد زعلتني انو كيف شخص يقعد 12 يوم بعد غربة 8 سنين ...
لحقت بليت شوقك من تراب وطنك وحضن اهلك :o


مشكورة على البوست ( طيب دي المشاكل ......... دائرين الحلول )

العفو ياطائر النورس ...
مافي حلول .. اذا كان انت بتجي اجازة بعد غربة 8 سنين .. اجازتك دي الواحد بس بنوم
فيها يريح زهنو من ضغط العمل .. حتي يفكر في البعملو شنو ...

[بت مارنجان]

بت مارنجان
مساك الله بكل الخير
ياحليلك
وياحليل مدنى
وياحليل زمان
انا اعتقد جازما ان ماحصل للجزيره ولمدنى حصل بفعل فاعل وتم اغتيال البهجه والجمال والحياة فى مدنى مع سبق الترصد والاصرار
فى مدنى
الزمان غير الزمان
بس نفس المكان
والزمان فى اوائل ثمانينيات القرن الماضى
نحن طلبه فى (الثانوى العالى) ايام كان الثانوى عالى عالى عالى
وكانت محصلتنا فى التعليم ارفع من محصله بعضى خريجى جامعات اليوم
فى ذاك الزمان كانت كل المصانع داخل وحول مدنى تعمل بطاقاتها القصوى وكانت تستقطب الطلبه فى الاجازه الصيفيه وكنا نعمل والمحصله النهائيه لا فراغ ولا جلوس مع ستات الشاى وكنا لما المدارس تفتح نكون قد دبرنا كل شى من لبس ومستلزمات مدرسيه
كان شفت ذاك الزمن الجميل
كان شفتى مجموعة شرف العالميه وهى متعاقده مع كل او اغلب البصات التى تعمل داخل مدينة ودمدنى فى المواصلات الداخليه حتى ان الموقف بكون فاضى لانو كل البصات شغاله ترحيل
مصانع الزيوت شغاله
مصانع الصابون شغاله
اجود صابون انتاج منارنجان
احلى زيت من مارنجان
والطحنيه السمحه فى مارنجان
وبسكويت بركه
الدقيق الفاخر برضو
الفبارك تستقطب الالاف من العمال
وطرمارج طالع من مارنجان
واخر داخل
(سمعت ان سكك حديد الجزيره بيعت خرده لمصانع جياد) (محن يازمن)
متى سيباع انسان الجزيره خرده ايضا؟؟؟؟
بعد ان انهكه ثالوث الجوع والفقر والمرض
انها ذكريات مؤلمه لمتى ستبقى معنا؟؟؟؟
انها دمعة دم فى خدودنا من سيمسحها؟؟؟؟؟؟

العم الغالي عبد المنعم ..
سادع كلماتك تبكي مع كلماتي ونواسيها من علي البعد وندعو الله بان يصلح الحال ...

[بت مارنجان]

انا من مارنجان و حجزت لى ارض ناصية قريبة للراكوبة شفتيها

ياهلا بيك ياعبد الحفيظ .. ومارنجان منورة باهلها .. وانت منور ناصيتنا ;)

[بت مارنجان]

نحن قاعدين فى مدنى وفى قلب مدنى وبالقرب من مصدر القرار
ولم نسمع بالكلام ده .اكيد انت من قرية جزيرة الفيل(احدى طواحى مدنى)

اخوي امين يامرحب بيك .. انا زيك ماسمعت بالقرار الاتكلم عنه الاخ المتداخل بالبوست
ونحنا مامسؤولين عما يقولوه هو او .. الشخصية المسؤولة ,,
وعتبي عليك اخي الكريم انك تحسب جزيرة الفيل من احدي ضواحي مدني .. وهي
زيها وزي اي منطقة تابعة لي ولاية الجزيرة .. سواء كانت ضاحية او منطقة داخل مدينة
ود مدني .....

[بت مارنجان]

بت مارنجان لكن مارقدتي مدني واطة عدييييييييييل ما نجي ولا شنو ؟
اخوي ايمن انا لاافتريت ولا جبت كلام من راسي .. انا كتبت الواقع الاقاني من ساعة
ماوطأت رجلي ارض مدني ..
وانت شكلك زي طائر النورس ليك 8 سنين ماجيت السودان .. انصحك لو حتقعد زي ماقعد 12 يوم احسن ماتجي ..



مصدر القرار الانت بتتفاخر بإنك قاعد جنبه ..البطلعو واحد من جزيرة الفيل وساكن في جزيرة الفيل لي هسة يا استاذ امين ..

وبعدين لمن تتعلم الاملاء والكتابة تعال اكتب عن ضواحي مدني ..
جزيرة الفيل الاصالة والعراقة يا هذا !!!!!!!!

:rolleyes::rolleyes::rolleyes::rolleyes::rolleyes:

[ايمن عبد الله]

اخوي ايمن انا لاافتريت ولا جبت كلام من راسي .. انا كتبت الواقع الاقاني من ساعة
ماوطأت رجلي ارض مدني ..
وانت شكلك زي طائر النورس ليك 8 سنين ماجيت السودان .. انصحك لو حتقعد زي ماقعد 12 يوم احسن ماتجي ..



:rolleyes::rolleyes::rolleyes::rolleyes::rolleyes:

البضحكك شنو يا بت .. هو انا قلت نكتة ولا ايه :eek:

لا لي 10 شهور بس من اخر إجازة .. ثمانية سنين دي كثير اكثر من السبعة سنين:D حقت الوحدات الاردني :D

[moh_alnour]

نحن قاعدين فى مدنى وفى قلب مدنى وبالقرب من مصدر القرار ولم نسمع بالكلام ده

تعرف يا أمين سالم لو أصحاب القرار عندهم نفس عقليتك دي مؤكد أنو مدني ما حتتطور
عقلية الفهم بتاع ( الوالي القديم من الدرجة و الوالي الجديد من جزيرة الفيل )
مبروك عليكم سنتر الخرطوم أقصد قلب المدينة و مبروك عليكم أصحاب القرار
نحن بهمنا الشخص المناسب في المكان المناسب إن شاء الله يكون من الأسكيمو



اكيد انت من قرية جزيرة الفيل(احدى طواحى مدنى)

ليه يا أخوي شايفنا بنقطع لينا كُبري و لا بقطعوا لينا تُرع و حواشات
عليك الله أمشي أقرأ طبقات ود ضيف الله عشان تعرف جزيرة الفيل دي شنو ؟
كفاية أنها أوت أبن السودان الأمام عبد الرحمن المهدي القال ( أبُونا و كت الناس أبونَا )
أبونا الأولى أسم و أبونا التانية فعل

[ايمن عبد الله]

( أبُونا و كت الناس أبونَا )
أبونا الأولى أسم و أبونا التانية فعل


تحياتي اخ محمد
بس حبيت احيييك على التوضيحة دي ..

لانك لو ماعملت كده الله اعلم الاخ ده يفهمها براو .. الساقط املاء ده

[ابراهيم]

نحن قاعدين فى مدنى وفى قلب مدنى وبالقرب من مصدر القرار
ولم نسمع بالكلام ده .اكيد انت من قرية جزيرة الفيل(احدى طواحى مدنى)

الأخ امين سالم .. سلامات
قلت لي انت في قلب مدني ... ياخ طيب معناه انت في جزيرة الفيل ذاتها
جزيرة الفيل دة حي يا حبيب ... ما قرية
وطواحي دي ما ادونا ليها لسا .. قصدك ضواحي ..!؟
من المعالم البارزة فيه نادي جزيرة الفيل الرياضي تأسس 1936- ودة مشهور عالمياً
ووالي الولاية من وين أساساً؟
ياخ انت وقت ما بتعرف جزيرة الفيل قاعد في قلب مدني وجنب مصدر القرار تعمل شنو
كافي البلا لا جغرافية لا تاريخ ..
ذاكر قبل ما تكتب يا حبيب عشان كلامك ما يصيب ناس بحبو مسقط رأسهم

[خالد أحمد الصول]

أحبائي أبناء جزيرة الفيل العراقة
لا تحرفوا هذا البوست الرائع و تبعدوه عن مسارة
ما خاطبتكم بهذا الخطاب إلا لعلمي بأنكم أهلا للادب و الذوق و الجمال و السماح

إبني أمين سالم
أعلم يقينا أنك ما قلت ماقلت إلا لحرصك علي أن تكون مدينتك نظيفة جميلة رائعة

مشاققة: يأولاد الجزيرة شنو تهبوا في العدو ... و خلاص بعد دة ألم ترو كيف فعل ربك بأصحاب الفيل؟؟؟ جاب منهم والي!!!!

[خالد أحمد الصول]

سعدت جميلا جدا بهذا التصوير الرائع إبنتي بت مارنجان ... و كنت أود أن أكون سائق الاتوز لاحظي بصحبتكم الكريمة ... ما أظن سائق الاتوز قد رتي علي سيارتة ففي المنطقة المقابلة للسوق المركزي هناك حفر عملاقة من ناحية العمق و عملاقة من حيث المساحة فهي تغطي نصف الشارع أما النصف الاخر فتجد أحدي الشاحنات أو الحافلات قد أستباحته موقفا ... ثم تجد أصحاب الركشات يقودون ركشاتهم فللي في هذا الشارع رغم أنه مصنف من طرق المرور السريع التي يحرم فيها سير الركشات ... وجدت مرة شرطي المرور مدفوس وسط الحافلات الي قامت بقفل الشارع بعنترية وهو يتسول لنفسه حق كيس الخضار ... عندما وصلتي الي المخزن الكبير للمواد الكيماوية الخطرة بعد خط السكك الحديد مباشرة ألم تلاحظي أستواء الارض داخل المخزن وعدم وجود البراميل كالعادة و تغير نوع التربة الي السوداء التي تحسين أنها محروته حديثا ... أنها يا بنتي قصة أخري تشبه قصة تهريب الفلاشا عبر السودان الي أسرائيل حيت أن هذا المخزن العظيم تم تغطية أسوارة تعتيما حتي لا يرا المواطن أو بعض الصحفيين الغيورين مايودون فعله فقد تم كشط كل التراب داخلة و تحميله في شاحنات عملاقة لا ندري أين يذهب ... فقد كانت الارض مليئة بالنفايات الذرية الخطرة فعندما تسرب خبرها اليي أحدي الصحف السودانية و التي تم أسكاتها... كيف الله أعلم؟؟؟ تم عمل هذا الاجراء السريع دون خوف علي المواطن الذي هو آخر المحطات ... هل لاحظتي أبنتي أن صينية مدني سنار شوارعها تشكو لطوب الارض و أن أعتي السيارات لابد ان تخرج عن مسار الصينية حتي تتحاشي ما حولها ... ثم و ثم و ثم و جاي راجع .... يا سجن يا غرامة

[saleh farah]

يابت مارنجان تصوريك لى مدنى كانك بتتكلمي عن مدينة باريس التي اصبحت مدنى
ياها من مدنى من ما قمنا لحد هسه لا فيها جديد لا فيها قديم
مدنى جميله باصحابها ولكنها مدنيا هزيله منذ الامد
منه فيكم الفكر فى صغر حجم مدينة ودمدنى؟
انا لا اغيب عنها اكثر من عشرة اشهر
لذا لا اري فيها جديد فهى مدنى التي ولدت فيها لم تتغير اللهم الا من بعض الاحياء الجديده التي قامت فى فسحاتها القديمه
بعدين حكاية مطره فى مدنى فى شهر سته صعبه شويه دى
لانه الخريف لسه الا تكونى بتتكلمي عن الجنوب

[ايمن عبد الله]

أحبائي أبناء جزيرة الفيل العراقة
لا تحرفوا هذا البوست الرائع و تبعدوه عن مسارة
ما خاطبتكم بهذا الخطاب إلا لعلمي بأنكم أهلا للادب و الذوق و الجمال و السماح

إبني أمين سالم
أعلم يقينا أنك ما قلت ماقلت إلا لحرصك علي أن تكون مدينتك نظيفة جميلة رائعة

مشاققة: يأولاد الجزيرة شنو تهبوا في العدو ... و خلاص بعد دة ألم ترو كيف فعل ربك بأصحاب الفيل؟؟؟ جاب منهم والي!!!!


أخي العزيز خالد الصول ..
بما انك خاطبت ((اولاد الجزيرة))
اسمح لي ان ارد عليك كأحد أبناء جزيرة الفيل ..
نحن لم نحرف البوست ولم نسعى الى ذلك ولم نبعده عن مساره ولا نتمنى ذلك ابداً ولكن لجهل هذا الامين وإستخفافه الشديد والجارح لنا شخصياً لزم الرد وان كنا اهلاً للادب والذوق والجمال .. فلا يعني هذا ان نسكت ان تطاول علينا احد الجهلة دون علم ولو علم انه أين يسكن وماذا قال عن هذا الحي العريق لما كان قال من البداية ..
والغريبة انه بتفاخر انه قاعد جوار محل اصدار القرار .. مما يدل على جهله التام الزول ده اكون ساكن جنب قطية الصادق ابو العافية ولا شنو ..

[ولدمارنجان]

تعرف يا أمين سالم لو أصحاب القرار عندهم نفس عقليتك دي مؤكد أنو مدني ما حتتطور
عقلية الفهم بتاع ( الوالي القديم من الدرجة و الوالي الجديد من جزيرة الفيل )
مبروك عليكم سنتر الخرطوم أقصد قلب المدينة و مبروك عليكم أصحاب القرار
نحن بهمنا الشخص المناسب في المكان المناسب إن شاء الله يكون من الأسكيمو



ليه يا أخوي شايفنا بنقطع لينا كُبري و لا بقطعوا لينا تُرع و حواشات
عليك الله أمشي أقرأ طبقات ود ضيف الله عشان تعرف جزيرة الفيل دي شنو ؟
كفاية أنها أوت أبن السودان الأمام عبد الرحمن المهدي القال ( أبُونا و كت الناس أبونَا )
أبونا الأولى أسم و أبونا التانية فعل

حبيبنا / محمد النور ،،
انت تزعل وتفش زعلك فينا ،، يا حليل الترع والحواشات ربنا يرجعها لينا بالسلامة وتنور المشروع ومارنجان السودان ، وترجعنا نحنا زاتنا وترد غربتنا .وتقبل مروري .

مشاققه : مــا قـايلك ،، والله يكفينا شر القواله ،، انك حار شديد .

[طائر النورس]

العفو ياطائر النورس ...
مافي حلول .. اذا كان انت بتجي اجازة بعد غربة 8 سنين .. اجازتك دي الواحد بس بنوم
فيها يريح زهنو من ضغط العمل .. حتي يفكر في البعملو شنو ...



كلامك سليم 100%

بس لو عرف السبب بطل العجب


عموماً دي سنين وعدت وانشاء الله الواحد كل سنة حا انزل السودان


اما بخصوص الاسرة ( الوالد والوالدة ) الحمد لله كان كل سنتين بجيبهم عمرة وحج


وبرضو انا عارف انو دا ما كفاية ولكن بس ( جات كده )


همسة : انا جاي قريب باذن الله جهزي عربيتك

[عاشق النجمه]

اولا حمدلله على السلامه المشيتى وجيتى بى السلامه
والله كرامه الماجاك غدروف فى الفقريات
هههههههههههههههههههه
عليك الله دى ما حاله تخلى الشباب انتحر

[علي النعيم محمد نور]

العزيزه بت مارنجان . . .
نورتي بلدك . . . والله صدقتي في كل ما قلتي . . . وسلامه الما مشيتي بشارع سنار وشفتي بركة(موية ) المصانع و(راس الشيطان ) . . .ومقابر حلة حسن التي يدفن فيها (الجميع) من كل الديانات ! ! ! (إمكن ده جزء من التسامح الديني ). . . وبركه المشيتي بي (أتوس ) ده كان ركبتي الخط كان لسع ما وصلتي . . .

[عبدالمنعم الصديق(خدرا)]

ليه يا أخوي شايفنا بنقطع لينا كُبري و لا بقطعوا لينا تُرع و حواشات
عليك الله أمشي أقرأ طبقات ود ضيف الله عشان تعرف جزيرة الفيل دي شنو ؟
كفاية أنها أوت أبن السودان الأمام عبد الرحمن المهدي القال ( أبُونا و كت الناس أبونَا )
أبونا الأولى أسم و أبونا التانية فعل
ودالنور
سلام عليك
يااخوى مالك متور نفسك؟؟؟؟
جزيرة الفيل والله مافيها كلام
لكن المابعرفك بجهلك يالحبيب
اى واحد من الجزيره الولايه بتهمو مدنى لانها القلب وهى أثيره للكل
حتى (ناس الترع و الحواشات والبقطعوا ليها بالكبرى)
مدنى أمنا كلنا ونتمنى نشوفا أجمل مدينه فى الدنيا
انها المدينه الفاضله وستبقى فاضله
وان لم تكن فاضله فنحن نراها فاضله
حبى لك ولكل قادم من الجزيره والجزيره

[صاحبة السمو]

مدني يا اجمل خبر............





والله مدني من قمت لي اسي مافيها ولاتغير ولاشي حكومي
ربنا يخلف لينا بالوالي الجديد ومنتظرنو؟؟ ...

والله مدني لو اهتمو بيها والله تكون احسن منطقة سياحية
المشكله كلام كتيييييييييييييييييييييييييير والفعل الله يعلم...

[عبدالرحمن الحلاوي]

متابعين معاك غصص قندهار السودان

[بت مارنجان]

ومازالت النهاية مستمرة ...
لنا عودة بهذا الشارع قريبآ .....

[بت مارنجان]

دومآ مايحيرني ذلك المسؤل الذي يتأنق ويمسك المايك ويتحدث عن الانجازات الرهيبة التي حدثت
والتطور الكبير والمنشآت وعن السلع "الرخصت" وووووو
في لحظة كدة تحس بانك رحلت وتقول في نفسك ياربي الناس ديل بتكلمو عن الجزيرة البتعرفها
ولا قناة الجزيرة "بقطر :confused: " ...

[بت مارنجان]

البوست بتاريخ 21/6/2009
والي الان شارع مارنجان لم يصان ومازال التحفير والتكسير قائم ...

عجبي عليك ياحكومة ...

[روبش]

بت مارنجان .. اديك العافيه
بس سؤال ليك من مدني كم سنة

[بت مارنجان]

البضحكك شنو يا بت .. هو انا قلت نكتة ولا ايه :eek:

لا لي 10 شهور بس من اخر إجازة .. ثمانية سنين دي كثير اكثر من السبعة سنين:D حقت الوحدات الاردني :D

ياايمن مااوي تنزل اجازة قريب ؟؟؟

[رضا حسن محمد]

بت مارنجان .. اديك العافيه
بس سؤال ليك من مدني كم سنة
روبش الهلالى الراقى
انا جيت مدنى شهر 8 2009 وشهر يناير 2010 والحال فى حالو والطين فى طينو

[روبش]

روبش الهلالى الراقى
انا جيت مدنى شهر 8 2009 وشهر يناير 2010 والحال فى حالو والطين فى طينو


العزيز دوما ... رضا حسن محمد
اديك العافيه ....
ماذا كنت تتوقع اخي رضا من تغيير، وهل في مدينة في السودان لا يوجد بها هذا الوصف التحليلي الذي سردته لنا اختنا بت مارنجان، الحال من بعضو .. وربك يستر من القادم
مع تحياتي

[بت مارنجان]

سعدت جميلا جدا بهذا التصوير الرائع إبنتي بت مارنجان ... و كنت أود أن أكون سائق الاتوز لاحظي بصحبتكم الكريمة ... ما أظن سائق الاتوز قد رتي علي سيارتة ففي المنطقة المقابلة للسوق المركزي هناك حفر عملاقة من ناحية العمق و عملاقة من حيث المساحة فهي تغطي نصف الشارع أما النصف الاخر فتجد أحدي الشاحنات أو الحافلات قد أستباحته موقفا ... ثم تجد أصحاب الركشات يقودون ركشاتهم فللي في هذا الشارع رغم أنه مصنف من طرق المرور السريع التي يحرم فيها سير الركشات ... وجدت مرة شرطي المرور مدفوس وسط الحافلات الي قامت بقفل الشارع بعنترية وهو يتسول لنفسه حق كيس الخضار ... عندما وصلتي الي المخزن الكبير للمواد الكيماوية الخطرة بعد خط السكك الحديد مباشرة ألم تلاحظي أستواء الارض داخل المخزن وعدم وجود البراميل كالعادة و تغير نوع التربة الي السوداء التي تحسين أنها محروته حديثا ... أنها يا بنتي قصة أخري تشبه قصة تهريب الفلاشا عبر السودان الي أسرائيل حيت أن هذا المخزن العظيم تم تغطية أسوارة تعتيما حتي لا يرا المواطن أو بعض الصحفيين الغيورين مايودون فعله فقد تم كشط كل التراب داخلة و تحميله في شاحنات عملاقة لا ندري أين يذهب ... فقد كانت الارض مليئة بالنفايات الذرية الخطرة فعندما تسرب خبرها اليي أحدي الصحف السودانية و التي تم أسكاتها... كيف الله أعلم؟؟؟ تم عمل هذا الاجراء السريع دون خوف علي المواطن الذي هو آخر المحطات ... هل لاحظتي أبنتي أن صينية مدني سنار شوارعها تشكو لطوب الارض و أن أعتي السيارات لابد ان تخرج عن مسار الصينية حتي تتحاشي ما حولها ... ثم و ثم و ثم و جاي راجع .... يا سجن يا غرامة

استاذي الفاضل خالد ...
مالزال الانين مستمر والنهاية اوشكت والخوف من الانفجار القادم ...
ومازال الكثير الظاهر عيان بيان ومازال المواطن صامتآ وصامدآ ...

[بت مارنجان]

الاحبة المداخلين ...
مع دخول الانتخابات الرئاسية والاحتفالات باستلام السلطة والمناصب الجديدة ... والشعارات التي ردنناها قديمآ في المدارس
وتحت أسقف البصات المدرسية ...
لن نزل ولن نهان ولن نطيع الامريكان ...
ناكل مما نزرع ونلبس مما نصنع ...

ومع مرور العشرين عامآ ...

لا أود ان افرد بوست منفصل لما سأسرده من الآلآم اخري ... لذلك احببت ان اواصل في مكان العزاء القديم ....
والعزاء موصول لمواطن الجزيرة ولكل من مسه الالم والشقاء ...

[بت مارنجان]

يابت مارنجان تصوريك لى مدنى كانك بتتكلمي عن مدينة باريس التي اصبحت مدنى
ياها من مدنى من ما قمنا لحد هسه لا فيها جديد لا فيها قديم
مدنى جميله باصحابها ولكنها مدنيا هزيله منذ الامد
منه فيكم الفكر فى صغر حجم مدينة ودمدنى؟
انا لا اغيب عنها اكثر من عشرة اشهر
لذا لا اري فيها جديد فهى مدنى التي ولدت فيها لم تتغير اللهم الا من بعض الاحياء الجديده التي قامت فى فسحاتها القديمه
بعدين حكاية مطره فى مدنى فى شهر سته صعبه شويه دى
لانه الخريف لسه الا تكونى بتتكلمي عن الجنوب

من قمتا ؟؟؟
اخي صالح نحن من جيل الثمانيات ولكن مازالت لي في بعض زاكرتي "الخربة" زكريات حينما ننزل اجازات الصيفية ...
كيف كنا نتعطر بخريف جميل وامطار تشبع اشواقنا ونار وحر الخرطوم ... اذكر جيدآ بان الخضار والفاكهة الطازجة
لانجدها الا في مدني ... الان اختفت هذه النكهة الطازجة التي كانت موجودة قديمآ ....

قديما يااخي كان هناك قرابة العشرة الالالف عامل مابين مصانع النسيج والمشروع "الاتوفي" ....
اين هؤلاء الاسر التي شردت وسرح عمالها ....
نسبة البطالة الان في السودان تجاوت ال 21% طبعا دة من خلال الورق الرسمي ... لكن لو جينا للاحصائيات
الفعلية فهم اكثر بكثير ...
مافائدة ثورة التعليم العالي - إذا كان مصير الخريجين العطالة والبطالة والمصير المجهـــول..؟
من الذي يخطط ويدبر لمرحلة ما بعد الجهـــد التعليمي المكلف جــداً..؟


هذه الحدة التي تحدثت بها ومدني التي كانت بالنسبة لأبائنا هي باريس ... وهو من عشمي للافضل ..
ومن وجعي عليها ...

[بت مارنجان]

كلامك سليم 100%

بس لو عرف السبب بطل العجب


عموماً دي سنين وعدت وانشاء الله الواحد كل سنة حا انزل السودان


اما بخصوص الاسرة ( الوالد والوالدة ) الحمد لله كان كل سنتين بجيبهم عمرة وحج


وبرضو انا عارف انو دا ما كفاية ولكن بس ( جات كده )


همسة : انا جاي قريب باذن الله جهزي عربيتك

طائر النورس وين الغيبة دي .... ان شاء الله خير .....
وراجين جيتك ......

[بنت الرفاعي]

تعرفي يا بتو أختي, لو كل واحد من الولاة ديل قام بواجبو وراعى ربه في شعبه ووطنه لإتصلح الحال, ما في مدني وبس في السودان كلها, ولكن ندعو ربنا ونأمل إنو الجاي أفضل, في ظل التطورات الحاصلة حالياً.

الله يهون.

[بت مارنجان]

اولا حمدلله على السلامه المشيتى وجيتى بى السلامه
والله كرامه الماجاك غدروف فى الفقريات
هههههههههههههههههههه
عليك الله دى ما حاله تخلى الشباب انتحر

عاشق النجمة .. انا بمشي مرات مرتين في الشهر او مرة كل شهر ...
وكل شهر الغضاريف بيقومن علي :(

دي حالة تخلي الشباب باير :o

[Raheeg]

يا بت يا رائعة أتخيلي؟؟ شوقتينا وخلعتينا! أنا الحالة بحسب في الدقايق والثواني البنرجع بعدها. لكن بقول خير يمكن دة شارع مارنجان براهو . غايتو بننتظرك بعد تاخدى ليك لفة جوة البلد وتدينا خبر .

[محمد الواثق]

بت مارنجان يا كل الأحساسيس الجميلة
ما شاء الله عليك ما بفوتك شي
احنا تمنياتنا ان الوضع يبقي احسن ولو بنسبة بسيطة
ربنا يصلح الحال
والناس تبدا تفكر في غيرة

[ودسمير]

صباح الخير يابت مارنجان / اقول ليك مدنى ما ح تنتهى الا اذا انتهى التاريخ / مدنى نعم تراجعت لاسباب كثيرة الكل يعرفها ولكنها موجودة بدواخلنا صرح عاتى لا تهده اعاصير ، وحتما ستعود مدنى مهما طال الزمن او قصر .

[سيف الدين الامين]

بت مارنجان كدي وريني قبل أي حاجة انتي أصـلاً من مـدني ؟
دايرك تعرفي انـو مـدني ما المدينة البقولوا عليها انتهت ....
ولو هجرها سكانها ورحلت عنها بلابلها ستبقى برضــــــو مدني الجمــــال
نعـــم أتفق معاكي انــو محبوبتنا أهملت مؤخــراً لكنها ستظل رمز الجمال
فالأميرة الجميلة مهما ابتعـدت عن أدوات التجميل والمكيـاج تظل في أعين
أهل الجمال الدوحة الوارفة التي تسكن اليها النفس ويخفق بها القلب .
أما اذا كانت كلماتك دموعاً على ما آلت اليه محبوبتنا من اهمـــــــال فأقول
لكي لا تنظري اليها بعينيكي فقط .... انظري اليها بعينيك وقلبك وحينها فقط
ستكون أجمل بقعة على الأرض بالنسبة لكي وبهذه الطريقة ينظر كل من أتى
مسؤلاً عن هذه المدينة فيمعن في أهمالها بغية أن تصبح مدينة عادية كسائر
المدن لكنها مع كل اهمـــال تزداد جمالاً وتألقـاً على الأقل في عيون أحبابها .

[محمد النصيح]

لك التحية الاخت بت مارنجان
تبعا لمشاركات اخوتي السابقة مدني حتظل مدني الجميلة مهما جارت بها الظروف والدليل علي ذلك هذا الصرح منتدي ودمدني نتجمع كلنا من داخل البلاد وخارجها في اسم واحد هو مدني وابناء مدني وفي كل حتة في العالم ناس مدني معروفين ومميزين ولك التحية ولي كل اهلنا الطيبين في مدني الحبيبة

[عاشق النجمه]

يابتنا والله مدنى منتهيه فى اى حاجه ؟؟؟
الا التسويه الفوريه فى المرور
دى ميه الميه ؟؟؟

[بت مارنجان]

العزيزه بت مارنجان . . .
نورتي بلدك . . . والله صدقتي في كل ما قلتي . . . وسلامه الما مشيتي بشارع سنار وشفتي بركة(موية ) المصانع و(راس الشيطان ) . . .ومقابر حلة حسن التي يدفن فيها (الجميع) من كل الديانات ! ! ! (إمكن ده جزء من التسامح الديني ). . . وبركه المشيتي بي (أتوس ) ده كان ركبتي الخط كان لسع ما وصلتي . . .

العم علي النعيم
مشكور كتير علي ... ولازال الحال مستمر ولا زالت المقابر مفتوحة للسكاري والمحششين
والنصاري والمسلمين ... والاغنام والكلاب الضالة وجميع الدواب ...
دة يكون برضو تنوع في المواشي ...

ربنا يرفعها ...

[بت مارنجان]

مدني يا اجمل خبر............





والله مدني من قمت لي اسي مافيها ولاتغير ولاشي حكومي
ربنا يخلف لينا بالوالي الجديد ومنتظرنو؟؟ ...

والله مدني لو اهتمو بيها والله تكون احسن منطقة سياحية
المشكله كلام كتيييييييييييييييييييييييييير والفعل الله يعلم...

صاحبة السمو تسلمي ياحبيبة علي مداخلتك ...
بس احب اضيف شئ لي كلامك ... مدني دي كانت عاصمة عندما كان يحكمنا المستعمر ...
والي الان مازالت مبانيهم "بيوت ومنازل" بحي المطار او الحي السوداني ....
مدني من اول المناطق التي نهشت ودمرت من قبل الحكومات .....

[بت مارنجان]

متابعين معاك غصص قندهار السودان

ياود الحلاوين ....
ولا مامن الحلاوين؟؟؟؟

تابعو معاي رحلة في الايام القادمة باذن الله ونشوف الجديد شنو في قندهار ...

[بت مارنجان]

بت مارنجان .. اديك العافيه
بس سؤال ليك من مدني كم سنة

شهر بس اتخيل !!!!

[بت مارنجان]

تعرفي يا بتو أختي, لو كل واحد من الولاة ديل قام بواجبو وراعى ربه في شعبه ووطنه لإتصلح الحال, ما في مدني وبس في السودان كلها, ولكن ندعو ربنا ونأمل إنو الجاي أفضل, في ظل التطورات الحاصلة حالياً.

الله يهون.

ياحبيبة كيفنك ....
نحنا ياعسلنا مافي "عهد الصحابة" ولا وحاكمنا "عمر بن الخطاب" .... عشان يتنكر
بالليل ويشوف لو في اسرة جيعانا ....
اتخيلي بس لو الحاكم طلع متنكر عشان يتفقد المواطنين ويشوف الاسرة "اللتي تبيت جائعة " ....
غايتو انا ماحتخيل لانو اصلا اطفال الشوارع الحيلقوه في الطريق براهم دولة ....

[بت مارنجان]

يا بت يا رائعة أتخيلي؟؟ شوقتينا وخلعتينا! أنا الحالة بحسب في الدقايق والثواني البنرجع بعدها. لكن بقول خير يمكن دة شارع مارنجان براهو . غايتو بننتظرك بعد تاخدى ليك لفة جوة البلد وتدينا خبر .

رحيق مشكورة كتير ...
وترقبو لو ربنا ادانا عمر ... عندي زيارة اخر الاسبوع ان شاء الله ....

[بت مارنجان]

بت مارنجان يا كل الأحساسيس الجميلة
ما شاء الله عليك ما بفوتك شي
احنا تمنياتنا ان الوضع يبقي احسن ولو بنسبة بسيطة
ربنا يصلح الحال
والناس تبدا تفكر في غيرة




محمد الواثق تسلم كتير ....
كتبت عن الحال الذي رايت وعن البؤس والمعاناة التي يلاقيها هذا الشعب الجميل ....
كتبت عن الخراب والدمار للبنية الاساسية لهذه المدينة المعطاة ....

وربنا يصلح الحال وبرضو عشمانين في غد افضل ....

[بت مارنجان]

بت مارنجان كدي وريني قبل أي حاجة انتي أصـلاً من مـدني ؟

مارنجان ....
ماسمعت بيها ولاشنو ؟؟!!!

دايرك تعرفي انـو مـدني ما المدينة البقولوا عليها انتهت ....
ولو هجرها سكانها ورحلت عنها بلابلها ستبقى برضــــــو مدني الجمــــال
نعـــم أتفق معاكي انــو محبوبتنا أهملت مؤخــراً لكنها ستظل رمز الجمال

انا بتكلم عن الاهمال والقصور في الموارد الاساسية لنهضة المدينة ....


أما اذا كانت كلماتك دموعاً على ما آلت اليه محبوبتنا من اهمـــــــال فأقول
لكي لا تنظري اليها بعينيكي فقط .... انظري اليها بعينيك وقلبك وحينها فقط
ستكون أجمل بقعة على الأرض بالنسبة لكي وبهذه الطريقة ينظر كل من أتى
مسؤلاً عن هذه المدينة فيمعن في أهمالها بغية أن تصبح مدينة عادية كسائر
المدن لكنها مع كل اهمـــال تزداد جمالاً وتألقـاً على الأقل في عيون أحبابها .

الاخ سيف الدين ....
لم اذهب الي ولاية بورتسودان .... لكن لي اخي يعمل هناك وعندما يحضر بالاجازات ...
ونري الصور .... زي كانو مغترب ببلد خليجي .... من نظافة شوارع ومنازل ....
هنالك ولاء ينهضون بمناطقهم وهناك ولاة تخسف بالمدن الدرك السحيق ...

تحياتي اخي الكريم ....
ومدني في حدقات العيون ...

[بت مارنجان]

...............................

[بت مارنجان]

لك التحية الاخت بت مارنجان
تبعا لمشاركات اخوتي السابقة مدني حتظل مدني الجميلة مهما جارت بها الظروف والدليل علي ذلك هذا الصرح منتدي ودمدني نتجمع كلنا من داخل البلاد وخارجها في اسم واحد هو مدني وابناء مدني وفي كل حتة في العالم ناس مدني معروفين ومميزين ولك التحية ولي كل اهلنا الطيبين في مدني الحبيبة

اخي محمد النصيح ..
مدني جوة قلوبنا وعمرها ماحتطلع .... فيها زكرياتنا الجميلة وايامنا الحلوة ....
وكفاية انو لمتنا بي ناس كانو اجمل حاجة في حياتنا ....

تسلم يااخي الكريم ...

[بت مارنجان]

يابتنا والله مدنى منتهيه فى اى حاجه ؟؟؟
الا التسويه الفوريه فى المرور
دى ميه الميه ؟؟؟


ههههههههههههههههههههههههههه
والله ياعاشق ضحكتني ضحك ... شفت دي احسن حاجة ;)

[بت مارنجان]

احببت ان ارد علي متداخل "ود سمير" ...
وكل متداخل يسأل لماذا هذا الهجوم .....

لكن اود ان اقول يااحبتي الكرام لو تابعتم حديثي عن هذه المدينة ... كان لابد ان تحسو من كلامي مقدار حبي لها ....
عندما قلت مدني انتهت .... فقد عنيت ان البنية التحتية قد انتهت ....
نبداها بالمدارس ....
اين مدني الثانوية التي تحصد العشرات سنويآ علي مستوي السودان بالشهادة السودانية ....
اين التعليم المجاني ....
اين هي مستشفي مدني
وماادراك ماحوادث مدني ....

قبل عدة سنوات تعرضت جدتي ربنا يديها الصحة والعافية لحادث مروري داخل مدني نقل علي اثرها لحوادث مدني
ماحدث انه لايوجد طبيب وقت الحادث والي ان استدعو الطبيب كانت القدم قد نزفت كثيرا ...
حضر الطبيب في وقت متاخر وماحدث انه "قام بتنظيف القدم التي تهشم عظمها تماما "
والقي بعظمة رئيسية بسلم المهملات واقفل الجرح .... وحينما وصلت عربة الاسعاف التي ستنقل
جدتي الي الخرطوم كان مضي علي الحادث ليلة كاملة .... ووصلت عصر اليوم التالي الي الخرطوم
وتحديدا مستشفي الاطباء .... وحينما "فتح الجرح" وجدو انو مازال بباقي "الاتربة والحصي" ومازال باقي
العظم "المهروس" بداخل القدم .....
بالله عليك "حوادث مدني رايك فيها شنو ؟؟؟ "الحمدلله بان القدم لم "تعفن" والا كانت بترت " لكن هذا تسبب
بجلوس جدتي اوقات كثيرة وعدم قدرتها علي الحركة ....

عندما اقول مارنجان :
اتحدث عن محالج الغزل والنسيج التي كانت اكبر مصانع غزل ونسيج في الشرق الاوسط "
الهدي والنيل الازرق ....
اقول مارنجان :
يعني معاصر الزيوت التي تنعق فيها البوم والغربان ....
عن شارع المصانع المؤدي الي مارنجان حلة حسن والورش المارنجانية " ولو مابتعرف الورشة اسال زول كبير بوريك ليها "
عن الشارع المؤدي الي الكهرباء ببركات ...
لما اقول مارنجان :
يعني تنمية ومشاريع ....
ولما اقول مدني :
"يعني مشروع الجزيرة المنهوب والمسروق .....

اذا مابتعرف مارنجان بعد دة كلو تبقي دي مشكلتك ....

[ودسمير]

ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ !

ï؟½ï؟½ï؟½ï؟½ . ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½.

ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½.

ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ . ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½.

ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½.


ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½

ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½

ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½114 ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½

ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ( ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½) ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½

ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½.

ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½. ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½.

ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½

ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½

ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½

ï؟½ï؟½ï؟½ï؟½ï؟½ ï؟½ï؟½ï؟½

ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½

ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½

ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½

ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½

ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½

ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½
ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½

ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½


ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ !

ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½.
ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½.

ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½.

[بت مارنجان]

افتريتى كتير يا بت مارنجان على ودمدنى ! ودمدنى ليست شوارع ولا مبانى ودمدنى اكبر من ذلك وكونك من مارنجان ده دليل على انك لا تعرفى ودمدنى ويا حليل زمان لمن كنتو بتجو تشترو الباسطة من الشانزليزية ، كفايه استهتار يا بت مارنجان وعلى فكرة منو القال ليك انو مارنجان دى فى ودمدنى ، ختاما حاولى ان يكون النقد بناء وليس مجرد كلام فقاقيع !

والله ياود سمير دة رايك فيني وانا بحترمو جدآ ....
لكن حأرد عليك في جزئية بسيطة جدآ ... وكل زول يحترم وجهة نظر الاخر ....
بالنسبة لي وللكثير من الاخوة الاعضاء شايفين مدني انتهت ... ومدني يااساتاذي الفاضل
شوارع ومباني وبنية تحتية ....
ونبداها ليك من شوارعها ..
شوارع سيئة وتكاد تكون اصلا مافي شوارع "وشارع ود مدني شارع الموت" ....
توصل الشوارع الداخلية عبارة عن حفر "تكسر العربات" .... نجي للمستشفيات وحوادث ود مدني
اللي مابحكي عنها لانو عارفنها الكثيرين .... تكاد واكيد معدومة من ابسط الاسعافات ...
تعليم منتهي جدآ ابسط مقومات التعليم معدومة ....
نسبة البطالة مرتفعة ... شباب ضايع اليوم كلو مع ستات الشاي ومؤخرآ الشيشة ...
مصانع بها مكنات بملالاين الجنيهات متوقفة وتقريبا السمعتو انها اتباعت ...
ياسيدي الفاضل ماتبقي عامل زي المصرين تبكي علي الاطلال والزكريات .... لما اقول مدني
بتكلم عن مشروع "كان الاول في العالم " وين الان مشروع الجزيرة ؟؟؟؟
وين مصانع النسيج؟؟؟؟
وين مصانع الزيوت ؟؟؟؟

الشوارع والبيوت والاطلال "بتعلم اسرة امية ,,, ولا بتعالج عيان ... ولابتشغل شباب عاطل" ....

وبالنسبة لي انو مارنجان مامن مدني فدي تبقي مشكلة في فهمك لي منطقة الجزيرة ككل
او حنرجع لي مربع "العنصرية" تاااااني ....

والشانزليزيه دة بيقع وين ياخوي ؟؟؟
انا علي حسب علمي شارع في "باريس" الا اذا كان حولو :confused::confused:

[محمد حسين (المميز)]

افتريتى كتير يا بت مارنجان على ودمدنى ! ودمدنى ليست شوارع ولا مبانى ودمدنى اكبر من ذلك وكونك من مارنجان ده دليل على انك لا تعرفى ودمدنى ويا حليل زمان لمن كنتو بتجو تشترو الباسطة من الشانزليزية ، كفايه استهتار يا بت مارنجان وعلى فكرة منو القال ليك انو مارنجان دى فى ودمدنى ، ختاما حاولى ان يكون النقد بناء وليس مجرد كلام فقاقيع !



عفــــــوااااا

اخي ودسميــر

فعلا مدني انتهت

بت مارنجان ما افترت ولا حاجه وراجع كل من خط حرفا سواء في هذا البوست

او عبر بوستات اخرى ناقشت ما حل بمدينة ودمدني

اتمنى ان تعي ماقلت على زميلة لك داخل المنتدى
وان تعي ماقلت عن مارنجان وعن ودمدني

واتمنى منك ان تذكر لنا ماهي الانجازات التي

وضعت بصمه في ودمدني في العقد الاخير

وان وجدت اتمنى ان تقارنها بما حل من دمار فيما تبقى من باقي المدينه

وارجو ان تقارن مدني بباقي المدن



تحيــــــــــــــاتي,,

[محمد حسين (المميز)]

والله ياود سمير دة رايك فيني وانا بحترمو جدآ ....
لكن حأرد عليك في جزئية بسيطة جدآ ... وكل زول يحترم وجهة نظر الاخر ....
بالنسبة لي وللكثير من الاخوة الاعضاء شايفين مدني انتهت ... ومدني يااساتاذي الفاضل
شوارع ومباني وبنية تحتية ....
ونبداها ليك من شوارعها ..
شوارع سيئة وتكاد تكون اصلا مافي شوارع "وشارع ود مدني شارع الموت" ....
توصل الشوارع الداخلية عبارة عن حفر "تكسر العربات" .... نجي للمستشفيات وحوادث ود مدني
اللي مابحكي عنها لانو عارفنها الكثيرين .... تكاد واكيد معدومة من ابسط الاسعافات ...
تعليم منتهي جدآ ابسط مقومات التعليم معدومة ....
نسبة البطالة مرتفعة ... شباب ضايع اليوم كلو مع ستات الشاي ومؤخرآ الشيشة ...
مصانع بها مكنات بملالاين الجنيهات متوقفة وتقريبا السمعتو انها اتباعت ...
ياسيدي الفاضل ماتبقي عامل زي المصرين تبكي علي الاطلال والزكريات .... لما اقول مدني
بتكلم عن مشروع "كان الاول في العالم " وين الان مشروع الجزيرة ؟؟؟؟
وين مصانع النسيج؟؟؟؟
وين مصانع الزيوت ؟؟؟؟

الشوارع والبيوت والاطلال "بتعلم اسرة امية ,,, ولا بتعالج عيان ... ولابتشغل شباب عاطل" ....

وبالنسبة لي انو مارنجان مامن مدني فدي تبقي مشكلة في فهمك لي منطقة الجزيرة ككل
او حنرجع لي مربع "العنصرية" تاااااني ....

والشانزليزيه دة بيقع وين ياخوي ؟؟؟
انا علي حسب علمي شارع في "باريس" الا اذا كان حولو :confused::confused:



بت مارنجــان

لك التحيه فيما ذكرت

فعلا دي حقائق مافي زول بينكرها

واتحدى اي مسؤوووول يجي يقول ده ماحاصل

لكن انا بقول للصبر حدود ايها المسؤوليـــــــن

[عاطف عولي]

افتريتى كتير يا بت مارنجان على ودمدنى !

الأخ . ود سمير أرجو أن كانت بت مارنجان قد أفترت علي ودمدني ان تدعم كلامك بالحجة والبرهان وأن لا تطلق القول جزافآ كلنا يحب ست المدائن وكل منا له طريقته في التعبير عن حبه لهذه المدينة.

الأخت الفاضلة من عميق حبها لمدني أوضحت النواقص التي تقلق مضاجع أهلها والحادبين عليها.

تريد أن تري حبيبتها ودمدني كاملة وفي كافة المجالات عبرت عن حبها بصولرة عقلانية ومنطقية ولم تعبر بالعواطف الجياشة والاماني والتمني . أوضحت أماكن الخلل والقصور والنواقص عليأمل أن يلتفت اليها المسئوليين عن المدينة.

وتاتي سيدة كما كانت.


ودمدنى ليست شوارع ولا مبانى ودمدنى اكبر من ذلك

نعم ودمدني أكبر من ذلك ولكن كذلك لا نستطيع ان ننكر ان مدني بشوارعها ومراكزها الصحية ومستشفياتها

ومدارسها وجامعاتها وكذلك بالري و114 ومشروع الجزيرة ومنطقة الصناعات بأسواقها المختلفة بمراكزها الثقافية ومنتدياتها وجمعياتها

بدور العبادة ومراكز العلم والمعرفة بحلقات الذكر وزوايا الطرق الصوفية ( عامرة حلقات الذكر) بمنظومة العادات والتقاليد

بالعلاقات الإجتماعية بدور الرياضة وانديتها الثقافية والأجتماعية والرياضية.

وهل تستطيع ان تفصل البنية التحتية ومراكز الانتاج ومصادر الدخل والبنية الأقتصادية والبنية التحتية عن منظومة العلاقات الأجتماعية. ياخي لو عندك مريض وعاوز تسعفه من اي حي من أحياء مدني الي المستشفي عاوز الطريق المعبد الخالي من الحفر الذي تستقله بسيارتك او مركبتك العامة وكذلك تستغل ذات الطريق في التواصل الاجتماعي في الافراح والأتراه.

وكونك من مارنجان ده دليل على انك لا تعرفى ودمدنى

مدني مقسمة الي مدني شرق وتضم أحياء مارنجان وحلة حسن ومارنجان عووضة وحي مايو ودردق وجزيرة الفيل والسنيط وحيالمطار والحي السوداني وحي المنيرة والشرطة

ثم مدني شمال

ومدني غرب

ومارنجان اقرب الي مركز المدينة من كثير من الاحياء في مدني شمال

ويا حليل زمان لمن كنتو بتجو تشترو الباسطة من الشانزليزية ،

الشانزليزيه يقع وسط المدينة علي شارع سنكات جبرونا وياتي اليه سكان مارنجان والدباغة وحي الاندلس وحي مايو وجبرونا والسنيط وعليك حساب المسافات بين هذه الأحياء والشانزليزيه الذي أوردته كمركز حضري

واليوم علي شارع سنار وبالقرب من مارنجان هناك العديد من الامثلة في ما ذهبت اليه

كفايه استهتار يا بت مارنجان وعلى فكرة منو القال ليك انو مارنجان دى فى ودمدنى ،

مارنجان قلب مدني النابض وماذا تقصد بمدني ومن هم أهل مدني كل مجتمع مدني منذ ان جاء اليها العارف بالله مدني السني هي مجموع قبائل وافدة ومنذ ان كانت قرية وأسمها دار أم نسيم وهذه معلومة مجانية لك مني أرجو ان تثتوثق منها رحل سكانها الأصليين الي داخل الجزيرة أمتها القبائل الوافدة بعد أن تحولت الي مركز أقتصادي بقيام مشروع الجزيرة وكاتبت السطور جاء أهلها من الولاية الشمالية منطقة العفاض كقوة منتجة بمشروع الجزيرة ووصل أهلها الي أعلي الوظائف في مشروع الجزيرة ولهم بيوتهم وعماراتهم في أرقي أحياء ودمدني
يمتلكون المصانع والمتاجر والشركات مابين ودمدني ومارنجان والعاصمة القومية والإمارات العربية المتحدة وكندا

وكا أتت بت مارنجان الي مارنجان من الولاية الشمالية فأنت أيضآ اتييت الي مدني من احد مناطق السودان الأخري


ختاما حاولى ان يكون النقد بناء وليس مجرد كلام فقاقيع !

ما قدمته أختنا بت مارنجان هو النقد البناء عينه وما قمت به من سب وتجريح ودعوة عنصرية تفتقد الي المنطق والعقلانية وكوني احد ابنا مارنجان رغم مخالفتك الصريحة في سب عضوة أثرت أن لا أتخذ بحقك العقوبة وأترك ذلك الي أدارة المنتدي والمشرفيين غيري.فقد قمت سابقآ بحذف مشاركة لك بها من السب ما يكفي ولم ترد عليك في الأولي أو الثانية بنفس ماقدمته لها.

بل توخت القة والرد بمنطقية.



المشاركة الأصلية كتبت بواسطة ودسمير
افتريتى كتير يا بت مارنجان على ودمدنى ! ودمدنى ليست شوارع ولا مبانى ودمدنى اكبر من ذلك وكونك من مارنجان ده دليل على انك لا تعرفى ودمدنى ويا حليل زمان لمن كنتو بتجو تشترو الباسطة من الشانزليزية ، كفايه استهتار يا بت مارنجان وعلى فكرة منو القال ليك انو مارنجان دى فى ودمدنى ، ختاما حاولى ان يكون النقد بناء وليس مجرد كلام فقاقيع !

[يوسف كيكل]

مدني انتهت

عن تجربه شخصيه من قمنا واهالينا يعملون
في التجاره في ود مدني ولكن في الفتره الاخيره
اغلبهم هربو بسبب الركود وال ضرايب
والان نعمل في التجاره في الدمازين والحمد لله
رغم بعدنا عن اهلنا

[ود الجعلي]

بت مارنجان

انا من المتلفهين والعاشقين للنكهة الفريدة في هذه اللغة المعجونة بسحر قلما نجده مستمتع جدا" جدا"

وبالمناسبة انا كنت في مدني والخرطوم في اجازة عشرة يوم

[نزار حسن محمد]

بتنا بت مرنجان ......
الله ايدك الصحه والعافيه ايتها الشفيفه العفيفه
وذى ما قال ابوعركى البخيت عن حبيبتى انا بحكى ليكم
وطول ضفائرها ملتقانا...فانتى حبيبت مرنجان
وحبيبت السودان وحبيبت الجميع والكل
تعالى واصلى المشوار..من غير فواصل
وانا جبتا عكازى وجيت اتفنتا هنا
بدور اسمع كلامك المليان...
عمك/
ابوسفروووق

[بت مارنجان]

اخي الغالي ود احمد ...

" كفيت ووفيت وبعدك خربانة " ..

[بت مارنجان]

بت مارنجــان

لك التحيه فيما ذكرت

فعلا دي حقائق مافي زول بينكرها

واتحدى اي مسؤوووول يجي يقول ده ماحاصل

لكن انا بقول للصبر حدود ايها المسؤوليـــــــن

الصبر فات حدو يالمميز والمصيبة التحير انو الشعب السوداني ومواطن ود مدني خاصة
بقي قلبو ميت شديد ... يعني مابتفرق معاه اي حاجة ... يبعيو المشروع يسكتو يقولو
حسبي الله ونعم الوكيل .... كويس انو نكون مؤمنين ونرضي بقضاء الله وقدره
لكن مانكون سلبين وجلدنا ميت .... واي شي نمشي ونقول كويس !!!

[بت مارنجان]

بت مارنجان

انا من المتلفهين والعاشقين للنكهة الفريدة في هذه اللغة المعجونة بسحر قلما نجده مستمتع جدا" جدا"

وبالمناسبة انا كنت في مدني والخرطوم في اجازة عشرة يوم

ود الجعلي ...
حمدلله عالسلامة وبركة الجيت بالسلامة ولقيت الاهل بخير ...
"شنو الجية الكتومي دي ;)" ...

اتابع كلماتك بشغف كبير وخاصة كتاباتك عن النساء "وعشقك للنساء" ...
وتابع معي رحلة قادمة قريبة الي ود مدني باذن الله ...

[ودسمير]

ااولا اعتذر منك يا بت مارنجان وكل احباب المنتدى ، انا لم اقصد اى اهانه فكلنا نحب ودمدنى بس انا شعرت انو فى كلام بت مارنجان استهذاء بمدنى احتمال انو يكون فهمى غلط ! نعم ودمدنى اااااااااودمدنى على حافة الضياع ليس فقط بالشكل العام ولكن لان اهلها تركوها ورحلوا! اما عن كلامى انو مارنجان ما فى ودمدنى اكيد ما قصدى لا ن الجميع يعرف ما هى مارنجان واين تكون
طططططططططوعبن الشانزليزيه هى مجرد نكته مع انها بايخة ! اختى العزيزة كثييرين ردو على كلامى وغير راضين وده ان دل فانما يدخل على مكانتك الكبيرة فى قلوب شعب ودمدنى ، يعنى شعرت اننى غير مرغوب فيه فى شخص غير مرغوب فيه بالمنتدى ، المهم سامحونا واذا غلطت فمن نفسى والشيطان

[عاطف عولي]

ااولا اعتذر منك يا بت مارنجان وكل احباب المنتدى ، انا لم اقصد اى اهانه فكلنا نحب ودمدنى بس انا شعرت انو فى كلام بت مارنجان استهذاء بمدنى احتمال انو يكون فهمى غلط ! نعم ودمدنى اااااااااودمدنى على حافة الضياع ليس فقط بالشكل العام ولكن لان اهلها تركوها ورحلوا! اما عن كلامى انو مارنجان ما فى ودمدنى اكيد ما قصدى لا ن الجميع يعرف ما هى مارنجان واين تكون
طططططططططوعبن الشانزليزيه هى مجرد نكته مع انها بايخة ! اختى العزيزة كثييرين ردو على كلامى وغير راضين وده ان دل فانما يدخل على مكانتك الكبيرة فى قلوب شعب ودمدنى ، يعنى شعرت اننى غير مرغوب فيه فى شخص غير مرغوب فيه بالمنتدى ، المهم سامحونا واذا غلطت فمن نفسى والشيطان

الأخ العزيز . ود سمير

أولآ أهنئيك علي شجاعتك في الأعتذار حين أدركت الخطاء

كلكم خطاءون وخير الخطاءون التوابون.

ربي لا تحرمني شجاعة الأعتذار اذا أخطاءت

وليس هنك شخص غير مرغوب فيه فكلنا هنا أخوة أحباب بيننا أواصر الصداقة والأحترام المتبادل

قد نختلف في الراي وذلك محمدة ولكن بأدب الأختلاف وأختلاف الرأي لا يفسد للود قضية

مرحبآ بك أخ عزيز ولك في قلوبنا مكانة.

دمت بالف خير

[ابوخالد]

ااولا اعتذر منك يا بت مارنجان وكل احباب المنتدى ، انا لم اقصد اى اهانه فكلنا نحب ودمدنى بس
انا شعرت انو فى كلام بت مارنجان استهذاء بمدنى احتمال انو يكون فهمى غلط !
نعم ودمدنى اااااااااودمدنى على حافة الضياع ليس فقط بالشكل العام ولكن لان اهلها تركوها ورحلوا!
اما عن كلامى انو مارنجان ما فى ودمدنى اكيد ما قصدى لا ن الجميع يعرف ما هى مارنجان واين تكون
طططططططططوعبن الشانزليزيه هى مجرد نكته مع انها بايخة ! اختى العزيزة كثييرين
ردو على كلامى وغير راضين وده ان دل فانما يدخل على مكانتك الكبيرة فى قلوب شعب ودمدنى ،
يعنى شعرت اننى غير مرغوب فيه فى شخص غير مرغوب فيه بالمنتدى ، المهم سامحونا واذا غلطت فمن نفسى والشيطان



ود سمير يا إبن عمى الغالى ,,
تحية وسلام وشوق كتير ,,
عجبنى كلامك الأخير ده ,, ديل ناس مارنجان أجمل حتة فى السودان ,,
مارنجان السودان ,, تسعة لغات والعاشرة الإبتسامة
والحداشر الرقة والطيبة
ومركب بسكويت ,, المغاديف حلاوة حربة
جيت مخصوص أسلم عليك وعلى عاطف وبت مارنجان الحتة من الحنان ,,
وعاطف ده فكوا لينا شوية عشان عندنا مواضيع واقفة عايزين نسويها ,,
سلامى للجميع ,, وبالذات عمنا الغالى والوالدة الحنينة ,,

[بت مارنجان]

ااولا اعتذر منك يا بت مارنجان وكل احباب المنتدى ، انا لم اقصد اى اهانه فكلنا نحب ودمدنى بس انا شعرت انو فى كلام بت مارنجان استهذاء بمدنى احتمال انو يكون فهمى غلط ! نعم ودمدنى اااااااااودمدنى على حافة الضياع ليس فقط بالشكل العام ولكن لان اهلها تركوها ورحلوا! اما عن كلامى انو مارنجان ما فى ودمدنى اكيد ما قصدى لا ن الجميع يعرف ما هى مارنجان واين تكون
طططططططططوعبن الشانزليزيه هى مجرد نكته مع انها بايخة ! اختى العزيزة كثييرين ردو على كلامى وغير راضين وده ان دل فانما يدخل على مكانتك الكبيرة فى قلوب شعب ودمدنى ، يعنى شعرت اننى غير مرغوب فيه فى شخص غير مرغوب فيه بالمنتدى ، المهم سامحونا واذا غلطت فمن نفسى والشيطان

الاخ ود سمير ...
اعتزارك مقبول اخي الفاضل ... وانما كان الانفعال علي غيرتنا وحبنا "لحبيبتنا مدني " ...
وكل كتاباتي هذه انما ايضآ لحبي وعلي ما آلت اليه حال المدينة الغالية التي تعتبر بمثابة منجم ذهب مغلق
واعتذارك وعلمك بخطأك انما يدل علي طيبة اصلك وقوتك ....

والعفو لله والرسول ...

[بت مارنجان]

بتنا بت مرنجان ......
الله ايدك الصحه والعافيه ايتها الشفيفه العفيفه
وذى ما قال ابوعركى البخيت عن حبيبتى انا بحكى ليكم
وطول ضفائرها ملتقانا...فانتى حبيبت مرنجان
وحبيبت السودان وحبيبت الجميع والكل
تعالى واصلى المشوار..من غير فواصل
وانا جبتا عكازى وجيت اتفنتا هنا
بدور اسمع كلامك المليان...
عمك/
ابوسفروووق

هع الله يخليكم "يااولاد حسن" مابتقصرو ...
تسلم ياعمو نزار كتير كتير ... وعكازك دة خاتنو للتقيلة "يوم عرسي وكدي :o " ..

وانتظرو معاي رحلة لي مدني قرييييييييييب باذن الله ..

[ود سعدابى]

مدنى جيت منها الليله


وادتنى رسالة قالت اوصلها لى كل من يقول مدنى انتهت


بتقول ليكم عندى اسباب


انا ما انتهيت بس فترتا من الوقوف جميله لوحدى ومافى حد داير يساعدنى او يستفيد من جمالى


اصابنى اليأس وحتما سوف اعود كما كنت ست كل المدائن


وكل منها ان ياتى مسؤل يقدر تاثيرى على الكل ويعمل على رفتى


ويتوجنى ملكة على كل المدائن


بقليل من الاهتمام سوف اعود


وانا مدنى المدينه المتواضعه الجميلة البسيطه الانيقه


دمتم


لى

[الجندي المجهول]

دا اسمه الدمار الشامل

[نزار حسن محمد]

مدنى جيت منها الليله


وادتنى رسالة قالت اوصلها لى كل من يقول مدنى انتهت


بتقول ليكم عندى اسباب


انا ما انتهيت بس فترتا من الوقوف جميله لوحدى ومافى حد داير يساعدنى او يستفيد من جمالى


اصابنى اليأس وحتما سوف اعود كما كنت ست كل المدائن


وكل منها ان ياتى مسؤل يقدر تاثيرى على الكل ويعمل على رفتى


ويتوجنى ملكة على كل المدائن


بقليل من الاهتمام سوف اعود


وانا مدنى المدينه المتواضعه الجميلة البسيطه الانيقه


دمتم


لى


ياسلام عليك ياودسعدبى ..رسالتك جميلة جمال مدنى واهل مدنى ..

[بت مارنجان]

Up up up up


عشان نحكي ليكم الرحلة ,,,

[ود الشريف]

تحياتي لكم أسرة منتدي ودمدني
وانا لي عظم الشرف بالانضمام للمنتدي الراقي بوجودكم

[ايمن عبد الله]

بت مارنجان ازيك

وسلام الى كل الحضور

دي تسخينة بس وتدشين .. جاييكم اصبرو بس .. بعد سبت الخبت!!!