معادلة مامستحيلة لكن صعبة

[الملكة اسماء ( ام محمد )]

السلام عليكم

انك تكون محبوب وعندك اسلوب بعجب ناس (غالبية) في نفس الوقت في جزء ماحابي اسلوبك والجزء دا مع الاسف لايعرف عنك الكثير وحكم عليك بالظاهر ....
انك شخص مغرور ....
شايف نفسك
شايلو معاهم

المهم
في نفس الوقت قاعد بين الناس لانك بتقول عشان عين تكرم مية عين بالاتجاه التاني الشخص البهمك شديد في الناس دي معترض بشكل غير رسمي على وجودك اصلا بين الناس دي ..... نقدر نسميها انانية شخص غيور وبرضو مراعي لحالتك الصحية اللاسف بقت ما بتستحمل تزعل زول اوزول يزعلها

وتقيف محتار بين مليون حاجة منها انك بتلقى نفسك في المكان دا بس لما تسبب ضيق لغيرك تبقى كارثة

بصراحة : احترت كثيرا بين كل الحاجات دي

وفي الاخر قررت اختار
ادعوا لي ان يكون اختياري صحيح :)

[الجندي المجهول]

اولا حمداً لله على السلامة ،،،،

طال ما ليس هنالك ما يغضب الله مما تفعلينه وليس هنالك تقليل من احترامك للاخرين وليس هنالك ما يخدش الحياء ( فلك الحرية فيما تفعلين وفيما تعملين كيفما شئتي ) !

تخريمة --------------

عاوز اعمل حملة الغرض منها ( سحب ) اسم ملكة القلوب ؟ ولكن هذا مربوط ومرهون بقبولك للاسم الذي اخترته لك .

[esmat]

اولاً حاجة وعليكم السلام ورحمة الله تعالى وبركاته

من مجرد الفكرة والطرح نقول انها معادلة مستحيلة وصعبة
رغم ما قلت في ناس وجودهم اساسي عارفة معني اساسي

على فكرة انتي منهم

[محمد حسين (المميز)]

يابنتي :cool:

التفكيـــر مضــر بالصحـــه :p:D:p




حمداللـــه عالســلامه

[محب]

ملكة حمدله علىالسلامة

[الملكة اسماء ( ام محمد )]

اولا حمداً لله على السلامة ،،،،

الله يسلمك ان شاء الله

طال ما ليس هنالك ما يغضب الله مما تفعلينه وليس هنالك تقليل من احترامك للاخرين وليس هنالك ما يخدش الحياء ( فلك الحرية فيما تفعلين وفيما تعملين كيفما شئتي ) !

والله لو ما متاكدة ان الوالد ما جاء المنتدى قريب كان قلت قراء كلامك دا لانه الليلة قال نفس الكلام ودا الرجعني فعلا
كفاية علي اكون واثقة من نفسي

تخريمة --------------

عاوز اعمل حملة الغرض منها ( سحب ) اسم ملكة القلوب ؟ ولكن هذا مربوط ومرهون بقبولك للاسم الذي اخترته لك .

لقبي لو بتغير غيروه
بشرط نعمل سماية ونضبح خروفين :d

[الملكة اسماء ( ام محمد )]

اولاً حاجة وعليكم السلام ورحمة الله تعالى وبركاته

جلوس:d

من مجرد الفكرة والطرح نقول انها معادلة مستحيلة وصعبة

اسكت ساي شخبطت في عشرة ورقات طلع الحل كله (زيرو)

رغم ما قلت في ناس وجودهم اساسي عارفة معني اساسي

على فكرة انتي منهم


اخي اسمت
اكتفي بهذه العبارات التي تدل على ان هناك من يحترم وجودي
فدمت اخي بكل الود
وارجو ان اكون دائما حيث وضعتموني

[الملكة اسماء ( ام محمد )]

يابنتي :cool:



التفكيـــر مضــر بالصحـــه :p:d:p
هو مضر ساي
اسئلني انا
ربك يهون






حمداللـــه عالســلامه


الله يسلمك اخي محمد

[الملكة اسماء ( ام محمد )]

ملكة حمدا لله على السلامة

الله يسلمك اخي محب

[صهيب البصير]

السلام عليكم

انك تكون محبوب وعندك اسلوب بعجب ناس (غالبية) في نفس الوقت في جزء ماحابي اسلوبك والجزء دا مع الاسف لايعرف عنك الكثير وحكم عليك بالظاهر ....
انك شخص مغرور ....
شايف نفسك
شايلو معاهم

المهم
في نفس الوقت قاعد بين الناس لانك بتقول عشان عين تكرم مية عين بالاتجاه التاني الشخص البهمك شديد في الناس دي معترض بشكل غير رسمي على وجودك اصلا بين الناس دي ..... نقدر نسميها انانية شخص غيور وبرضو مراعي لحالتك الصحية اللاسف بقت ما بتستحمل تزعل زول اوزول يزعلها

وتقيف محتار بين مليون حاجة منها انك بتلقى نفسك في المكان دا بس لما تسبب ضيق لغيرك تبقى كارثة

بصراحة : احترت كثيرا بين كل الحاجات دي

وفي الاخر قررت اختار
ادعوا لي ان يكون اختياري صحيح :)

اختى العزيزة ملكة القلوب
حمدالله على السلامه

ربما انتى اجبتى على الاستفسار الاول بطريقة غير مباشر ناس لاتعرف عنك شى وتحكم عليك بغض النظر سوا اكان ذلك الحكم صالح او طالح
وعليه الثقة بالنفس تكون الحل فى المقام الاول
طالما انتى فى الطريق القويم الصحيح
وعليه دعى الكلب ينبح الجمال تسير وطالما انتى فى الطريق القويم سوف يقتنع يوما ما ويغير حكمه عليك ويقيمك كما انتى وعدم الامام بالشى جهل وذلك جاهل لانه حكم عليك ولايعرف عنكى شى وربما يكون غبا او غيره
واعتقد انه ينطبق على الشعر القائل

لاتطلبن محبه من جاهل فان الجاهل لايحب حتى يفهما
وارفق بابناء الغباء كانهم مرضى فان الجهل شى كالعما

[littlestar]

سلامات والله ياغالية
وإن شاء الله ما تشوفى شر

وماتشيلى ف بالك
وممكن تورى المعترض (ضمنياً) على تواجدك
كتاباتك وإسلوبك
ومحبة الناس ليكى قدر شنو
أكيد وكتها ح غير وجهة نظرو
لكن أنا معاهو فى حته واحده بس
إنك تحافظى على صحتك


همسة:
يازوله إنتى ما عارفه غيابك فينا عمل شنو

فى إنتظارك بكل جديدك ياملكتنا

[حسام التنين]

اولا حمدلله ع السلامة

*لقبك ملكة القلوب مفروض تملكي قلب كل حد اقابللك كما حاصل بالمنتدي الغالي
* (في جزء ماحابي اسلوبك والجزء دا مع الاسف "لايعرف عنك الكثير" وحكم عليك بالظاهر .... )انا شخصيا لو اي زول جكم علي بالمظهر مهما اكون بعاملوا بالحاجة الفهمها من مظهري .
اهتمي بالبهتمة بيك لاجلك لا لشئ اخر.
كوني مسامحة (قلبك ابيض)
ماتهتمي لكلام الناس الا اذا كان صاح (انا بسمع نقد اي زول مهما يكون وبعداك بحكم عقلي)
وماتنتقدي كتيير
انا شخصيا عامل كده ومريح بالي من قلنا وقال وسوه وعمل


+++====== صعب ارضاء كل الاطراف====+++++

[esmat]

انت ياملكة القلوب الدباسة دي لقيتها وين

(وش شاف بوستاتك كلها مثبتة قال ما شاء الله )

كلك حكم تقولي انا ماشة

[littlestar]

انت ياملكة القلوب الدباسة دي لقيتها وين

(وش شاف بوستاتك كلها مثبتة قال ما شاء الله )

كلك حكم تقولي انا ماشة


ههههههههههههههههههه
لكن ياإسمت أصلو ما بسألك

لكن ولايكون فى بالك
من بكره بمشى ليك المكتبه مخسوووووس خسووووووسى خسخووووسى خس وبنجر وجرجير وعجور وكوسه كمان
أصلو البلد من غير كوسه بقت ما بتمش
قلت لى عايز شنو من سوق الخدار أ... أقصد المكتبه:confused::confused::confused::o؟؟؟

[العاقب مصباح]

لا تخش شيئا طالما انك تفعل ما تراه صحيحا.....

اذا كنت ترى نفسك فى مكانك الصحيح فلا تلتفت لما هو فى طريقك ....

خذ الاحجار وابنى بها منزلا..... ولا تدعها تدحرجك للوراء...

امثال من تأليفى

شنو ليك

[الملكة اسماء ( ام محمد )]

اختى العزيزة ملكة القلوب
حمدالله على السلامه
الله يسلمك اخي صهيب


وعليه الثقة بالنفس تكون الحل فى المقام الاول

اكيد .. والاعتماد على رائي الغالبية


وعليه دعى الكلب ينبح الجمال تسير وطالما انتى فى الطريق القويم سوف يقتنع يوما ما ويغير حكمه عليك ويقيمك كما انتى

بامانة لا يهمني حكم امثاله لسبب بسيط هو اني اعرف سبب كلامه جيدا وهو ادرى

وعدم الامام بالشى جهل وذلك جاهل لانه حكم عليك ولايعرف عنكى شى وربما يكون غبا او غيره

على فكرة احب اشير من خلال كلامك لسبب تضايق بعض الشباب من البنات عموما وممكن تقول ردة فعل لصد او رفض لمعرفة خاصة


لاتطلبن محبه من جاهل فان الجاهل لايحب حتى يفهما
وارفق بابناء الغباء كانهم مرضى فان الجهل شى كالعما


كفيت ووفيت اخي
اشكر مساندتك لي بالرائي وارجو ان اكون عند حسن ظنك دائما

[الملكة اسماء ( ام محمد )]

سلامات والله ياغالية
وإن شاء الله ما تشوفى شر
الله يسلمك ياعسل


وماتشيلى ف بالك
وممكن تورى المعترض (ضمنياً) على تواجدك
كتاباتك وإسلوبك
المشكلة انو اصلا ما بقراء الا لنفسه ودا دليل على عدم اهمية رائيه اصلا
ومحبة الناس ليكى قدر شنو
تعرفي يالتل يعلم الله رجعوني ناس حسيت بقرب ارواحهم لروحي وانا على سرير المرض فاقل شي ارجع افرحهم بعودتي رغم صعوبة فكرة العودة وانا بهذه الحالة ... لكن ربك كريم
لكن أنا معاهو فى حته واحده بس
إنك تحافظى على صحتك
والله انا عارفة اني بعاند نفسي ما اكتر
بس في الاخر بشكره على احترام رغبتي في عمل حاجة بتحسسني باني شخص مفيد



همسة:
يازوله إنتى ما عارفه غيابك فينا عمل شنو
ماجابوا ليكم المرتبات والا شنو؟:d



فى إنتظارك بكل جديدك ياملكتنا


باذن الله يا ستي
وارجو ان اكون عند حسن دائما

[الملكة اسماء ( ام محمد )]

اولا حمدلله ع السلامة

الله يسلمك اخي الكريم

*لقبك ملكة القلوب مفروض تملكي قلب كل حد اقابللك كما حاصل بالمنتدي الغالي

اسئل الله ان اكون فيمن احب وحبب خلقه فيه



* (في جزء ماحابي اسلوبك والجزء دا مع الاسف "لايعرف عنك الكثير" وحكم عليك بالظاهر .... )انا شخصيا لو اي زول جكم علي بالمظهر مهما اكون بعاملوا بالحاجة الفهمها من مظهري .
اهتمي بالبهتمة بيك لاجلك لا لشئ اخر.

نصيحة غالية والله ... اشكرك عليها

كوني مسامحة (قلبك ابيض)

الحمدلله لا احمل في قلبي اي ضغينة لاحد وارجو ان ابقى كذلك لاخر يوم في عمري

ماتهتمي لكلام الناس الا اذا كان صاح (انا بسمع نقد اي زول مهما يكون وبعداك بحكم عقلي)
وماتنتقدي كتيير

انا شخصيا عامل كده ومريح بالي من قلنا وقال وسوه وعمل

والله كلامك مية المية واعدك بان اعيد ترتيب اموري بما يضمن تجريب خطتك السحرية في اراحة البال :)



+++====== صعب ارضاء كل الاطراف====+++++

اكيد اخي فارضا الناس غاية لا تدرك

اشكرك واتمنى ان اكون عند حسن الظن

[الملكة اسماء ( ام محمد )]

انت ياملكة القلوب الدباسة دي لقيتها وين

(وش شاف بوستاتك كلها مثبتة قال ما شاء الله )

كلك حكم تقولي انا ماشة

:eek::eek::eek:
:mad::mad:
:mad:

كلي حكم والا حارس مرمى :D
هسي في ذمتك انا انفع اكون غير قائدة مجموعة ارهابية :D

[الملكة اسماء ( ام محمد )]

خذ الاحجار وابنى بها منزلا..... ولا تدعها تدحرجك للوراء...


امثال من تأليفى



شنو ليك



العاقب مصباح

:):)
:)

صدقت وكفيت ووفيت


همسة : الموسوعة بتاعة امثالك تنزل متين ؟:rolleyes::confused::D

[محمد الجزولى]

الاخت ملكة القلوب
والله كلنا نحبك فى الله
ونحب قلمك المبدع الذى يزيل عنا هم الدنيا والام الغربه
ونفتقدك عندما تغيبى عن المنتدى
ولو بدرت منا اى كلمه او هفوه ارجو ان تكونى انتى المسامحه بقلبك الكبير وروحك المؤمنه
وزى ما ذكرتى انتى الدنيا ايام ... ولا يبقى فيها الا الذكرى العطره .. والذكريات الحلوه
تقبلى ودى واحترامى