ضيفة الكرسي الساخن لهذا الإسبوع الرائعة تشيزو

[LighT^RosE]

تعودنا في بداية القول أن نبدأ بسم الله الرحمن الرحيم
غاليتي مرحب بيك في الكرسي الساخن و إنشاءالله يكون برد و سلام عليك و صدقيني هو لذيذ خالص:)
كالمعتاد بوجه ليك أول سؤال و هو التعريف بالبطاقة الشخصية..
ولك مني كل الحب و الإحترام.

[wadmadani]

وتاني سؤال من باب المشاركه بس

اول ولد حا تسميهو منو

;) ;)

[aborawan]

في البدايه مرحب بيك في الكرسي وعايز منك في البدايه تحكي لينا كيف سجلتي في المنتدى وكيف سمعتي عنو ؟


عايز منك تختاري لينا 5 من الاعضاء و 3 من العضوات وتكتبي لينا مقابل كل عضو تعليق مناسب على شخصيته على حسب احساسك وحسب الانتي متوقعاه للعضو سواء بتعرفيه او ما بتعرفيه

كمان عايزك توصفي لي شعورك وانتى ضيفه الكرسي للاسبوع ده ويادوب انتى في البداية


كمان عايز اعرف مدى الاستفادة الاستفدتيها من المنتدى خلال تواجدك في الايام القليلة الفاتو ديل وهل كونتي علاقات من المنتدى

[waheeb]

وسؤالي ليك عاوزه تدرسي شنو في المستقبل ان شاء الله؟ ولو جاك ود الحلال الان بتقبليهو ولا بتقولي دايره أقرا؟
مع تحياتي.........

[حنيني اليك]

بعد السلام والتحيه

رايك شنو في الفتن البتحصل الايام دي في السودان

والحل شنو في نظرك؟


هل يوجد شبه بين بوش وبين شارون والبشير؟

تحياتي ولنا عوده

[LighT^RosE]

weeeeenk ya cshizo ta3ali rode saree3 :)

[schizo]

بسم الله الرحمن الرحيم
بعد الود والتحية....
بشكركم على استقبالكم الحافل لي ده بهذا الكم من الاسئلة===>ودا حالتو نحن لسة في البداية:D
وعلشان ما اطول عليكم..
يلا نبدا بسم الله:)

البطاقة الشخصية مع اني ذكرتها سابقا ياlight rose ...نقولا تاني مع شوية اضافات:

الاسم:منى محمد احمد
العمر:16سنة و3شهور تقريبا
المرحلة الدراسية:الثانوية......بالتحديد في الصف الثاني.
الحالة الاجتماعية:آنسة.
مكان الاقامة الحالية:السعودية_ المنطقة الشرقية.
الهوايات:):القراءة وكتابة الخواطر .....وفي غيرهم كتير لكن انا اخترت اهم اتنين.


ولنا عودة:)

[طارق التوم]

الظاهر انو سخانة الكرسى مع رمضان شردو تشيزو المهم رايك فى صفحة ودمدنى بكل صراحه اعضاء ومواضيع
وكل المنى وكل الامانى الممكنه

[schizo]

والله يا المشتاق عندك اسئلة كده بتعرف ليها براك....:)
والله مع انو الموضوع دا ما خطر على بالي لكن لمن شفت سؤالك اول اسم خطر على بالي محمد....:)

ولو سألتني عن السبب بقول ليك يمكن لأنو الاسم دا منتشر في عائلتنا بشكل ما طبيعي
:)


لنا عودة....

[حنين]

تشيزو سلام كتير والله وسؤالى هو كم عدد سنين الغربه وما ناوين ترجعو وبرضو رائك شنو فى تأثير الغربه على الشباب

[schizo]

بالنسبة لاستاذنا ابو روان:
طبعا حكاية تسجيلي في المنتدى دي اقترحا لي الوالد
لانو هو من المتابعين لموقع ودمدني والمنتدى.....لكن للاسف انو ما مسجل
وانا ما كنت عارفة اي شي عن المنتدى دا ...
فهو اقترح علي انو اشارك فيهو وافيد واستفيد....:)


بالنسبة لسؤالك التاني انا كنت بفضل انك ما تحدد لي العدد:D
لكن بما انك حددتو وانتهينا حا ابدا بسم الله...
أولا:Light roseD:(( رأيي فيك .. انسانة مبدعة .. ومرحة ..وكتاباتك رائعة ..وعندك شخصية ممتازة ..ولكن بلمس فيك شوية حزن ..طبعا دا ما بمنع كونك مبدعة جدا جدا جدا في كتاباتك و ردودك لانو الابداع بعض الاحيان بتولد من احاسيس زي الحزن مثلا ..ممكن يكون عندك هدف .. لكن لسه ما أتوصلت ليهو..... أمممممم :: طبعا دا الحاضر في بالي حاليا وصدقيني انتي اغلى من كده بكتييييييير..لكن والله ضاعت الكلمات وخانتني الجمل .. ان شاء الله ما تزعلي منى لانو دا رأي بكل صراحة ..

تانيا:D روبي:((انتي انسانة صاحبة سلوك رفيع، بتقدري تصححي وتحاسبي نفسك بنفسك بدون توجيهات اي زول. وما بتتعاملي مع اي انسان.....لانك بتفتشي دايما لانسان متوافق معاك أو متعادل معاك في القدرة العقلية. بتنجذبي للناس بسرعة شديدة ودا ما بفضل الجمال الخارجي لكن بفعل السحر للعقلية المقابلة. الأنجذاب الحسي ما مهم بالنسبة ليك بالدرجة الأولي. وبتحتاجي بإستمرارانك تثبتي انك الأفضل خاصة لنفسك. عندك العقلية المتفتحة والرومانسية برضو....انشا الله يكون كلامي غالبيتو صاح:) )).

تالتا:D حلوة وامورة:((انا بتوقع أنك كتومه ، ومنطويه علي نفسك وخجوله. جذابه جداً وحساسه وعطوفه، لكن ما بتسمحي لنفسك أنك تكون كده إلا مع وجود أصدقائك والناس البتحبيهم. عندك من الصبر ما يكفي عشان تلقي الصديق او الصديقة الوفية بالنسبة ليك. كريمه جداً وناكره لذاتك في سبيل انك ترضي غيرك. طيبه بطبيعتك وحلوة المعاشرة و انا متأكدة انك حا تكوني صديقة ورفيقة ممتازة لاي زول يختارك....وانشاء الله اكون ما خبصت وجبت الشمال في الجنوب والشرق في الغرب:) ))


لنا عودة:)

[schizo]

معليش كان في تعبيرات طلعت بالغلط:)

[schizo]

ونرجع نكمل لابو روان:)

ابوروان:D ===>مين قدك يا عم((طبعك رومانسي وعاطفي جدا.(( شريكة;) حياتك)) مكانتا واهميتا فوق كل شي عندك. عندك قاموس الحب الخاص بيك .ب تحب في شريكة حياتك أنو تبادلك نفس شعورك بنفس الكمية او بزيادة . الحب هو الطاقة بالنسبة ليك ومع انك عارف ومتأكد انو حبيبتك بتموت فيك لكنبتميل تتأكد دايما انو هل حبك مقدر من الطرف التاني ولا لا......وياريت اكون قدرت على جزء بسيط من شخصيتك:))

امير عبدالباقي:) ((بتوقع انك متفائل والحماس ماليك، مبدع وخلاق ، شخصيتك بتجذب الحواليك لانهم بحسو باحساسك الدافي. أنت أستاذ بفطرتك وبتحب دايما أنك تشارك الجميع بحكمتك وعلمك . مهما عملت ، فأنت بتفرض احترامك كمثل أعلى للناس عشان ينتهجو اسلوبك......وياريت اكون جبتك صاح:))


ولنا عودة:)

[schizo]

نرجع ونكمل:)

بالنسبة لابوريلان:) ((بتوقع انك أنسان حساس , وحذر , ومنتبه وعملي
وشاطر ,و موهوب , و متواضع ... وانت ما من النوع البيقيم
صداقاتو بسرعة أو بطريقة سهلة , لكن وفائك لاصحابك واحبابك شديد وبتتوقع منهم يعاملوك بنفس الطريقة .......والناس البعرفونك عز المعرفة عارفين ومتأكدين انو صعب يهزو ثقتك في الناس البتحبهم .....لكن انت برضو صعب عليك جدا انك تصدق الانسان اذا حصل موقف هز فيهو ثقتك بيهو......===>ولا دكتورة نفسية صح؟؟:D ))


اخونا زيكو منيب:) ((رايي انك شخصية نشيطة , حيوية , ممتعة , مسلية , عملية , ودايماً مبتسم....بتحب تجذب الانتباه , وفوق ده انت انسان متوازي وما بتحب تزعج الناس..... ودا البيخليهم يتأقلموا ويندمجو معاك بسرعة:).....وانت بتحاول دايماً تبهج الغير وتساعدهم وترفع من معنوياتهم وبتميل للمجاملة جدا.....ودا كلو عشان ما تجرح مشاعر اي انسان حتى لو كان على حسابك:).....واتمنى اني اكون قدرت على جزء معين فيك))


ولنا عودة:)

[schizo]

واخيرا وليس اخرا وهيب:) ((انا شايفة انو شخصيتك اجتماعية من الدرجة الأولى، محبوبة من الكل عشان بشاشتك وابتسامتك الدايمين، وغالبا ما بتكون الملجأ لاصحابك البعانو من ضغوطات نفسية ومشكلات اجتماعية عشان طريقتك في الوصول لقلوبهم ببساطة شديدة وبسلاسة أسلوبك وسلامة أفكارك ورغبتك الأكيدة والواضحة في التواصل مع كل الحواليك........وطبعا كلامي بكون فيهو الصح وفيهو الغلط:) ))


بالنسبة لشعوري وانا في الكرسي الساخن يا ابوروان:)
ما بنكر انو في شوية توتر لكن والله بقدر ما انا متوترة بقدر ما انا سعيدة لجلوسي فيهو:)

وبالنسبة للحاجات الاستفدتها من المنتدى في فترة وجودي فيهو...حاجات لاتعد ولا تحصى
لكن اهم ما فيها اني كونت صداقات انا سعيدة بيها جدا وقريت مواضيع ساعدتني سواء في حياتي الخاصة او في دراستي.....


ولنا عودة:)

[مازن الجمّال]

رايك شنو في البوتقة التعجبية!!؟؟ :cool:

[بابكر]

عاوزك يجاوبى على سؤال rastan man وبس خلاص :D

[زيكو منيب]

اهلا وسهلا با ختنا منى

انتي قلتي من هواياتك الخواطر

ممكن تكتبي لينا وحده

[schizo]

رجعنا ونبدا بالرد على سؤال وهيب:)
بالنسبة لعايزة ادرس شنو في المستقبل دي فأنا مترددة مابين الطب((عشان هو رغبة امي وابوي)) والهندسة((عشان عائلتنا كلها تقريبا هندسة مع اختلاف المجالات طبعا))
لكن انا شخصيا:D ما منحازة لاي من الوجهتين
وربنا يسهل

وبالنسبة لحكاية ود الحلال دي :)
انا من رايي انو البت اذا كان عندها طموح وإرادة ورغبة في التفوق والنجاح يعني عايزة تكمل دراستا وتجيب شهادة عاليه انها ماتتزوج لأنو الزواج عندو مسؤوليات والتزامات مابتتوافق مع الدراسه .
لكن لو كان ود حلال فعلا زي ما قلت وفاهم الموقف كويس.....ليه لا.....:D


ولنا عودة:)

[schizo]

بالنسبة لاخونا حنيني اليك
والله ورطتني بسؤالك ده لانو انا معلوماتي سياسياً ضعيفة شديد وحدي مادة التاريخ البنقراها دي:D
كن بحاول اقول اي شي
بالنسبة لسؤالك الاول
والله انا ما فهمت قصدك بالفتن لكن بجاوبك بالحاجة الفهمتها
السودان في الفترة الاخيرة دي بمر بأخطر المراحل في تاريخو السياسي، وللأسف أنو البحصل في السودان دا بحصل بصمت وبدون اي ضجيج إعلامي، زي الكأنو حاصل بموافقة ومباركة الشعب السوداني، والملف السوداني كلو في يد أمريكا من خلال وكلائها في منطقة ((كينيا)) المختصة بملف الجنوب، و((تشاد)) المختصة بملف دارفور..'.ومن هنا انا عايزة اوضح انو كل الحاصل دا بسبب امريكا.....هي طبعا مغطية على نفسها بقولها انو هي السبب في عقد اتفاقية السلام وكلام زي دا
لكن لو جينا للواقع.....بنلقى انها بتشجع الفتن دي بطريقة غير مباشرة عشان تصل لهدف معين.
ولو جينا للسببب بنلقى انو سبب قديم جدا....وهو انو امريكا عايزة تنهي كل الدول المعارضة او دول الرفض.........زي العراق((وقدرو عليها)) وسوريا وليبيا.....وغيرهم كتير.....وطبعا السودان واحد من الدول دي.

ولنا عودة:)

[schizo]

نتابع ونجاوب على سؤالك التاني
طبعا انا لغاية هسي ما عارفة البشير دا علاقتو ببوش وشارون شنو
وعايزاك تقول لي انت اذا في وجه شبه بينو وبينهم مخفي علي
لكن بالنسبة لوجه الشبه بين بوش وشارون
في وجه شبه كبير بين شخصية بوش وشارون، وفي توافق وتطابق فوق التصور بين نفسياتم وغاياتم، وبين وسائلم لتحقيق غاياتم واهدافم. وفي نفس الفترة الطلع بيها شارون بمشروعو الدموي طلع بوش بمشروعو الناري
وبعدين على رأس اوجه التشابه بينم انو هم الاتنين معاديين للاسلام والمسلمين....


اعفوني من الاسئلة السياسية تاني:D

لنا عودة

[schizo]

الغالي طارق التوم
والله ود مدني بمنزلة بيتي التاني
والاعضاء اقل ما يمكن ان يقال عنهم انهم رائعين بمعنى الكلمة
ولو قعدت اتكلم سنين لقدام ما بقدر اوصف روعتكم
ربنا يخليكم ويديمكم لي:)



اخوي العزيز حنين
انا تقريبا عايشة في الغربة سنين عمري كلها.....يعني حتى ولادتي كانت بره.
ورجعتنا دي انشاء الله حا تكون بعد سنتين.....
وبالنسبة لتأثير الغربة في منها الشي الايجابي وفي منها الشي السلبي
وسواء كان الشي ايجابي او سلبي فدا بيحددوهو الاب والام من خلال تربيتهم لابنائهم:)

لنا عودة:)

[schizo]

بالنسبة لاستفسار rasta man المدعوم من جهة اخونا بابكر
انا رايي انو البوتقة التعجبية هي قيم اروستقراطية بحتة معلقة بالواقع الافلاطوني
وهي ذات استرتيجيات بروتوكولية متكاملة تتيح للجميع فرصة استنفاذ اللامنتمين لهذه الفئة......دا رايي باقتضاب شديد:D


لنا عودة:)

[schizo]

رجعنا لزيكو منيب
تكرم عيونك يا زيكو....ودي خاطرة عشان خاطرك:


أمل انت ام الم.....شهد انت ام سهد......داء انت ام دواء
اخبرني من تكون؟؟؟؟؟من انت؟؟؟؟؟كي اعرفك بنفسي.....
كيف يقال ان الزمان كفيل بأن يشفي ويضمد كل الجراح؟؟
وجراحي فيك ازداد نزفها مع مرور الزمان....
نسيت كل شيء الا انت.....لم انساك.....
بقيت انت كما انت
تتحدى في الزمان.......وتتحدى في النسيان
وانا كما انا
انزف في جراحك صريعة في ذكراك
الى الان ما زالت ايامي خالية خاوية
الى الان ما زالت عيوني شاكية باكية
تمر الايام وانا بعيدة عنك كأنها لا تمر
جمرك يتأجج في صدري
لهيبك يلفح تفكيري
ذكرياتك تقلق مضجعي
حبك لغم يهدد حياتي ،اي خطوة مني كفيلة بان تفجره فيفجرني
عليلة متشافية انا بعدك


:)يا ريت تعجبك

[بابكر]

الرائعه تشيزو عند ك كم اخ وماهو ترتيبك فى الاسره وماهو عمل الوالد تلاته اسئله عاوز الاجابه عليهم

[ابومرام]

مرحب باختنا على الكرسي ونتمنى ان يكون برداً وسلاماً دائما ً
الظروف تحول بيننا وبين اصحاب المقابلات الشخصية (الكرسي الساخن ) نسبتا ً لظروف العمل 0 وتحية لاصدقاء واحبابنا في المنتدى وبنقول ليهم كل عام وانتم بخير بحلول العشرةالاواخر من الشهر الكريم 0بنتمنى ان ناخذ منهم ويأخذون منا وتعم الفائده للجميع ولدي عده اسئلة بقدر زرات التراب لكن الحين بسأل سؤال صغيروووووووووووووووووون دا وبكل صراحة التقيم الشخصي للتعليم بصورة عامة ما بين الممكلة والسودان وهل ياترى القدرات التعليمة في المملكة تؤهل بان تنجب اجيال تكون لهم القدرة على تحمل العب
ياريت وبكل صراحة - مع اعتذاري

لينا وعد


***** ابو مرام ****

[الجرح الغضوب]

هلا وغلا ... بالجالسة على الكرسي ... أختنا الصامدة حتى الآن شيزو ... سؤال بايخ شوية ومتكرر دائماً ... كيف تحبين أن تكون مواصفات فارس أحلامك ... والصراحة راحة ..

[حلوه واموره]

باين انو الكرسي كتييير ساخن :D :D

واحنا ما زلنا في بداية الاسبوع

بنرجع لما يبرد شويه ;)

[waheeb]

الاخت شيزو حفظك الله،،، فقد اجبت بكل دبلوماسيه . شكرا لك علي ردك علي الاسئله، وكم اعجبتني خاطرتك،، سؤالي التالي ما هو مدي ارتباطك بفداسي وما مدي علاقاتك هناك وانت قلت ان حضورك السودان بعد سنتين يعني ناويه تدرسي الجامعه في السودان؟

[schizo]

رجعنا ونجاوب على اسئلة اخونا بابكر:)
انا عندي اخو واحد وتلاتة اخوات
وانا ترتيبي التانية بعد الاخو الكبير
والوالد مهندس كهربائي في شركة خاصة:)

[schizo]

مرحب بيك يا ابو مرام
ونجاوب على سؤالك
بالنسبة للتعليم في المملكة فهو بنقسم لقسمين
تعليم الاولاد وتعليم البنات
ولو قارنا تعليم الاولاد في المملكة بالتعليم العام في السودان بنلقى انو في نوع من التكافؤ بين الكفتين ولو انو تعليم السودان ارجح لكن بحاجة قلييييلة جدا نظرا لقوة المناهج التعليمية في السودان.
لكن لو جينا نقارن تعليم البنات في المملكة بالتعليم العام في السودان بنلقى انو مافي مجال للمقارنة اساسا.....لانو هنا البنات مخففين ليهم المناهج بصورة مزعجة،وحاذفين ليهم مواد عديد في حين انو المواد دي بيدرسوها الاولاد.
وانا في رايي انو الطريقة الهم متبعينها دي اتبعوها من منطلق انو البت مكانا الاول والاخير في البيت ...وتعليما مفروض يقتصر على اسس بتساعدا في حياتا اليومية بس.

واكيد القدرات التعليمية في المملكة مؤهلة بإنجاب اجيال مسؤولة ... لكن مسؤولة بتقييمهم هم وليس بتقييم الجميع.

نورتنا:)

[schizo]

الله يحييك يا الجرح الغضوب
وبالنسبة لمواصفات فارس احلامي:D
انو يكون واحد وجيه وجاهة ما عادية
وغني لمن غلط
وعندو قصر ومملكة
ويجيني راكب في حصان ابيض
ويكون شايل وردة حمرا ويجي يقعد قدامي
ويقول لي برقة متناهية:
حبيبتي Schizo
هل تقبلين الزواج بي؟؟؟؟
وفي نفس اللحظة يكون فاتح لي علبة فيها خاتم الماس
وانا اقول ليهو:
نعم نعم يا فارس احلامي




وما تنسى.......انت قلت لي فارس احلام:D

[schizo]

غاليتي حلوة وامورة
في انتظارك على احر من الجمر يا عسل:)


اخوي الغالي وهيب
شكرا ليك ودا بيدل على ذوقك العالي
طبعا ارتباطي بفداسي ارتباط وثيق جدا.....اهلي واسرتي كلهم عايشين هناك واجازاتنا السنوية بنقضيها كلها تقريبا في فداسي:)
اما بالنسبة لحضوري السودان بعد سنتين فدا زي ما قلت حا يكون لدراسة الجامعة.....وبرضو يمكن يكون بمثابة بداية لمرحلة استقرارنا في السودان.

[محب القوم]

كاتب الرسالة الأصلية schizo
الله يحييك يا الجرح الغضوب
وبالنسبة لمواصفات فارس احلامي:D
انو يكون واحد وجيه وجاهة ما عادية
وغني لمن غلط
وعندو قصر ومملكة
ويجيني راكب في حصان ابيض
ويكون شايل وردة حمرا ويجي يقعد قدامي
ويقول لي برقة متناهية:
حبيبتي Schizo
هل تقبلين الزواج بي؟؟؟؟
وفي نفس اللحظة يكون فاتح لي علبة فيها خاتم الماس
وانا اقول ليهو:
نعم نعم يا فارس احلام



وما تنسى.......انت قلت لي فارس احلام:D
---------------
:D يظهر حتنتظري كثير والله يستر من البورة..:D

اما سؤالي شئ يشغل تفكيرك دائما
وثانيا شي فعلتيه وكنت ندمانة عليه
ثالثا ما هي الايدلوجيا التي تسير حياتك

[schizo]

مراحب بمحب القوم
طبعا انت لو دققت في السؤال كويس بتلقى انو قال لي فارس احلام
وانا جاوبتو على الاساس ده
لكن في الواقع اكيد في تنازلات كتيرة جدا:)

الشي البيشغل تفكيري غالبا يمكن الاوقات الحلوة البقضيها في السودان ايام الاجازة
وبجي هنا بسترجع الذكريات دي على امل انها تصبرني لغاية السنة الجاية:)

حاجة سويتا وندمانة عليها جدا وحا اندم عليها حياتي كلها
حبي لواحدة اكتر من نفسي وإئتماني ليها في كل اسراري.....لكن طبعا هي طلعت ما قد الامانة دي
ولو انا من النوع الصعب يثق بالناس زي ما البعض بيقول لي....فهي السبب الاول والاخير للشي دا:)
الله يسامحا



واخيرا كلمة ايدلوجيا دي دوختني ولفت مخي لف:D
بسط السؤال عشان اجاوبو:)

[waheeb]

الاخت شيزو لك الف شكر على الرد الجميل وان شاء الله تجي بالسلامه.
اما بخصوص فارس احلامك دا يمكن تلقيهو في احلامك لكن في الواقع فتشي ليك عن ود حلال يحبك ويحترمك ويكون قدر المسؤليه ويكون يخاف الله.. دي المواصفات البتسعدك. وربنا يوفقك.
اما سؤالى ليك هو:-
انت اسمك منى..... شيزو دى جبتيها من وين !!!!!؟
مع خالص التحايا..........

[schizo]

عدنا يا وهيب:)

شكرا على النصيحة بخصوص فارس الاحلام:)
بالنسبة لكلمة schizo دي انا اخترتها لانو شخصيتي في النت وفي المنتديات بتختلف اختلاف جذري عن شخصيتي الطبيعية...لانو انا بطبعي خجولة لدرجة مزعجة......يعني لو اتكلمت مع اي انسان غير العايشين معاي في البيت ما حا اقدر اركب لي جملة مفيدة وانا بتكلم معاهو من شدة الارتباك:D
لكن انا في النت بلقى فرصة اني اطلع الجانب الفيني الما بقدر اطلعو في حياتي العادية:)


على فكرة.....schizo معناها انسان منفصم شخصيا:)

[waheeb]

شكرا يا شيزو.. ولكن انت انسانه مرحه ومشاركه جيده بس كون انك خجوله لانك في الغربه ومافي اجتماعيات ذي السودان.والخجل صفه جيده لكن ما يكون لدرجه كبيره.
لك الف تحيه..

[LighT^RosE]

سلام يا نوارة المنتدى سؤالي ليك ما هو أصعب موقف مر بيك بي حياك

[جنابو]

لو قلتليك اوصف جمالك تفتكر تقدر تقول كل الحقيقة

[schizo]

يديك العافية يا وهيب وكلامك صاح:)


الله يخليك يا light rose والمنتدى منور بيكم انتو
بالنسبة لاصعب موقف .....المواقف الصعبة كتيرة جدا لدرجة انو من الصعب الواحد يتذكرا
وانا حاليا ما خطر على بالي موقف معين
وصدقيني اول ما القى واحد حا اقولو ليك:)
دمتي بخير


اخونا الغالي جنابو
اقول ليك سر؟؟؟
والله قدر ما حاولت الف يمين والف شمال عشان افهم او بالاصح استنتج سؤالك ما قدرت:D
ساعدني بالله

[عماد الصادق]

الأخت أو الإبنة صاحبة الكرسي الساخن
عبرك أولاً نقول لكل الأعضاء وزوار منتدى مدني كل عام والجميع بخير
وباعتبارك من جيل المستقبل عاوز رأيك في الزينة للمرأة .. وأقصد زينتها بلبس الحلي وخاصة الذهب..

[wadmadani]

اهلا يا شيزو


صراحه ردودك كلها حلوة ومختصرة ومفيده وكل عام وجميع من في المنتدي بخير

وسؤالي بسيط وبما انك عايشه في السعوديه
ومعروف شباب السعوديه بكثرة مغازلتم لي البنات هل يوم حصل موقف واتغازلتي وكيف كان رد فلعك وانتي في رايك الغلط في المغازله من البنات ولا الشباب وبماذا تنصحي اخوتك واخوانك العايشين في السعوديه

[schizo]

يديكم العافية شباب وصبايا:)

ارجع واجاوب اولا على سؤال اختنا الغاليةlight rose
اتذكرت ليك موقف صعب يا عسل......مستحيل انساهو في يوم من الايام
وزبدة الموقف انو في يوم اضطريت اختار بين شخصين كانو عزيزين على قلبي فوق ما تتصوري
وانا لغاية هسي ما ندمانة على اختياري
ومتمنية اني افضل ما ندمانة عليهو عمري كلو:)



يا الف اهلين ومرحبتين باخونا عماد الصادق
وبقول ليك وانت بالف خير وصحة وسلامة:)
بالنسبة لرايي الشخصي فالحلي وخاصة الذهب زي ما حددت......فطبعا هو مباح ومحلل للمرأة شرعا.....وليها كل الحق انها تتزين بيهو
لكن الحاجة لمن تزيد عن حدها بتنقلب لضدها
يعني انا بشوف حريم بلبسو دهب بطريقة مبالغة فيها لدرجة انك بتحس انو الذهب دا ما للزينة
بس لابساهو لمجرد انها عايزة تغطي مركب نقص عندها
طبعا دا ما راي الكل لكن دا اول شي بخطر في بالي لمن القى واحدة مليانة دهب من فوق لتحت:D
وانا شخصيا ما بلبس دهب نهائي حتى البجيبو لي الوالد والبجيني هدايا ما بلبسو نهائيا........لكن بحتفظ بيهو كذكرى:)


لنا عودة

[الزين]

الشيزو سلام عليكى

العضوه خفيفة الظل والمشاكسه
فى البدايه استاذنك لاعتذر للجميع لطول الغياب لمشاكل فى كمبيوترى بالاضافه لضغط الدوام وكل سنه والجميع بخير ........

تانى حاجه سعيد ان تكونى ضيفة هذا الاسبوع ....

الحاجه الخامسه سؤالى رايك شنو فى انهيار البنيه الفوقيه للواقع الابستمولجى فى ظل اعادة وعى ميتافيزيقى يتماهى مع تاطير (الزلابيه)كمنتج يتقاطع مع تداعيات العولمه فى ظل هجره هجره عشوائيه (للعواطف ) فى سوق (الروب )... :confused:


السؤال الاساسى :

اذا طلب منك ان تهتفى باعلى صوت لشى واحد وتقولى كلمه (لا) ماهو هذا الشى؟؟؟؟

[schizo]

احلى عودة ليك يا المشتاق:)
طبعا الغزل في السعودية اكتر من اي شي تاني فيها.....للاسف طبعا
والمواقف البتحصل كتيرة والله
وما عايزة احدد ليك موقف معين لكن رد فعلي بيكون سلبي وبارد جدا غالبا
ده الاسلوب الوحيد البنفع.....لانك لو حرقت دمك واتلفت اعصابك وشاكلت وصرخت.............بيكون الاحراج راجع ليك انت اولا واخيرا لانو بتلقى العالم كلها بتعاين فيك:D
والغلط في المغازلة تقريبا بكون من الاتنين
لانو البت لو ما طلعت من البيت الا ومعاها راجل سواء كان ابوها او اخوها ما كان بحصل شي زي ده
ده غير اللبس الحاليا.... الله بالستر
والاولاد عندهم فراغ قاااتل لدرجة انهم بحاولو يعملو اي شي يسدو بيهو الفراغ ده حتى لو كان غلط مليون في الميه.....
وبالنسبة للنصيحة انا بقول اول شي للولد.....الما بترضاهو على اهلك ما ترضاهو على بنات الناس.....لانهم حتى لو ما كانو اخواتك بالدم فهم اخواتك في الدين.

وللبنات انهم يحاولو قدر ما يقدرو انهم ما يطلعو من البيت بدون محرم
وحتى لو ما كان متوفر ليها محرم تحاول بقدر الامكان انها تلبس شي ما يلفت الانظار نهائيا



واصل:)

[schizo]

حبابك يالزين

والله افتقدناك يا رائع وليك وحشه

بالنسبة لرايي الطلبتو فانا اعتقد انها اثرت تاثير سلبي على الفسيولوجية البيروقراطية في ظل النمو الاقتصادي الحاد للتفاعل البارديولوجي
وانا بقول انو نترك الحديث في هذا المجال لذوي الخبرة والمتخصصين فيهو احسن

اما بالنسبة لسؤالك الاساسي
فانا حا اقول وباعلى صوت
لاااااااااااااااا للتدخين
طبعا في مشكلات تانية بتستاهل انو نقول ليها لا
لكن التدخين دا مشكلة بعاني منها شخصيا
لانو الوالد واخوي من المدخنين
ودا سبب لينا وليهم مشاكل صحية لكن برضو ما كان بمثابة رادع ليهم منو
ربنا يهدي الجميع انشاء الله

نورت يا الزين:)

[الزين]

شكرا لاهتمامك بالرد

فى احدى ردودك لاحد الاخوان لاحظت تركيزك على ان البنات هم ضحايا دائما فى قضية المعاكسات والمضايقات ارى فى وجهة نظرك هذه كثير من (المثاليه) مع احترامى للجميع (الواقع ) والخبره الانسانيه لا يعاضد رايك..مع كامل احترامى

[schizo]

الله يعافيك يالزين
وكلامك عالعين والراس
لكن انت لو اتمعنت في الكتبتو بتلقى اني ساويت بين البت والولد في الغلط

[أبوريلان]

الغالية شيزو
كل سنة وأنتى طيبه

لو تقدم ليك عريس ووافق على أنك تدرسى تتزوجوا بتوافقيه ؟

لو قالوا ليك تمنحى شهادة جامعية بدون دراسة الجامعة بتوافقى أم بترفضى ؟

لو كان رغبة العريس المتقدم أنك تدرسى قانون وهو طبعا مارغبتك هل توافقيه الرأى ؟ وشكرا .

[waheeb]

الاخت شيزو .. كل سنه وانت طيبه..
رايك شنو في الصداقه بين الولد والبنت؟
ورايك شنو في انو الواحد يتزوج واحده ما عرفا الا بالتلفون,هل يمكن يتوافقو؟
مع تحياتي...

[ودالبدوي]

السلام عليكم انا اول مره اشارك واتمن انو الكرسى الساخن ما يكون بنفس المعنى

[ابومرام]

الف مرحب بيك اختنا شيزو وكل سنة وانتي طيبة والقابلة انتي مستقرة في السودان نهائي (قولي اميييييييييييييييييييييييييين يارب ) ولا ديرة البلد دي
عموما نحن اختفينا فترة عن المنتدى لظروف ماء والحين بنعاود لكن الاسبوع انتهاء ماعرفنا منكم اي حاجة الاسئلة كما وعد عديد لكن نعمل شنو حظك كدا
واكيد الكرسي ورمضان ماخلو فيك حاجة نحن مادايرين نكملك اكتر من كدا
سؤال بسيط جدا :: التقيم والتوقعات لمدينة ودمدني بشكل عام والرواء المستقبلية لها من ثقافة - بشكل عام -
كل الامتنان وانتي تتحملين الكم الهائل من الاسئلة

[عماد الصادق]

الأخت شيزو .. الله يديك العافية
ردك عن موضوع الزينة للمرأة أثلج صدري .. وفعلا أي حاجة تفوت عن حدها تنقلب لضدها
وبالضبط أنا لمن سألت السؤال ده .. كان تعبيراً عن استيائي لاستخدام هذه الزينة بالتبرج .. وشوفوني ..
وياريت الناس ترتقي لمستوى فهمك .. ولك التحية أبوأشواق

[أبوريلان]

الأخت منى
كل سنة وإنتى بألف خير وربنا يوفقك فى دراستك وترجعى السودان سالمه غانمه .

عبرك أحى جميع الأعضاء والمشرفين لأنى غبت عن المنتدى لظروف خارجه عن إرادتى وأقول للجميع كل عام وأنتم بخير وصحة .

سؤالى ليك ؟

1/ لو أتيحت لكى فرصة لتتقدمى بطلب لوزير التربية والتعليم السعودى ماهو الطلب ؟
2/ لو أتيحت لكى فرصة لتوجيه سؤال لخادم الحرمين الشرفين ماهو السؤال؟
3/ لو خيروك بين دراسة الجامعة فى السودان أو فى دولة أوربية ماذا تختارى ولماذا ؟
4/ ماهو الشىء المؤلم فى حياتك ؟
5/ فى المدرسة من أى الجنسيات صديقات منى ولماذا ؟

وآسف لو أطلت عليك .

[حنين]

كل العام وانتو بخير والسؤال هل هنالك ما يشبه العيد فى الغربه

[طارق التوم]

شيزو كل سنة وانتى بخير وربنا يحقق الامانى والسؤال انتى من وين يا بنيه

[schizo]

رجعنا ليكم يا رائعين:)

أستاذنا العزيز ابوريلان
فقدتك والله في الكرسي الساخن:)
وكل سنة وانت طيب
بالنسبة لاستفساراتك....
لو اتقدم لي عريس ووافق على دراستي بعد الزواج.....طبعا انا بتكلم بغض النظر عن كوني في المرحلة الثانوية وبجاوبك على اساس اني في الجامعة:)
بوافق وما اعتقد انو الزواج بمنع الدراسة اذا كان في تفاهم بمستوى عالي بين
الاتنين:)

ولو قالوا لي ممكن نمنحك شهادة جامعية بدون دراسة الجامعة برفض قطعا وبدون اي تفكير لانو افرض حتى لو اخدت الشهادة الجامعية دي بدون الدراسة....فدا ما حايساعدني ابدا اني اشتغل في المجالات العايزاها خصوصا وانو المجالات دي عايزة خبرة دراسية وبدون الخبرة دي مستحيل اقدر اكمل المشوار.

اما لو كانت رغبة العريس المتقدم أني ادرس قانون .....
اول حاجة بقولا ليهو انو انا اساسا دارسة علمي
وما عندي ميول للادبي الا في بعض الهوايات زي كتابة الخواطر
وعلى ما اعتقد((ما متأكده))انو دراسة القانون دي عايزة ليها واحد دارس ادبي:)

و لو أتيحت لى فرصة لأتقدم بطلب لوزير التربية والتعليم السعودى حا اطلب منو انو يعمل تكافؤ بين مناهج الاولاد والبنات لانو المواد العلمية كثفوها للاولاد فقط بينما نحن البنات مكثفين لينا المواد الادبية وحاذفين اجزاء مهمة مفروض تُدرس في المواد العلمية للبنات.

و لو أتيحت لى فرصة لتوجيه سؤال لخادم الحرمين الشرفين حا اقول ليها :مع انو تقريبا غالبية الحريم في المملكة قدموا طلب أنو يتيحوا ليهم الفرصة لقيادة السيارات في المملكة زي باقي الدول التانية لانو في حوجة للحاجة دي خصوصا لبعض النساء بالذات.....لكن لسه رافضين الحكاية دي........فأنا حا اسألوا واقول ليهو ليه؟

و لو خيروني بين دراسة الجامعة فى السودان أو فى دولة أوربية حا أختار وبدون تردد
(((السودان))) أولا لانو كفاااي غررربة وتانيا لانو اعتقد انو مستوى التعليم في السودان بقى من ارقى مستويات التعليم في العالم ومافي فرق شاسع بينو وبين التعليم الخارجي.

اما بالنسبة للشىء المؤلم فى حياتي حاليا هو غربتي:)

وفى المدرسة عادة صديقاتي بكونو اجانب.....يعني سودانيات او شوام او مصريات...وصداقتهم معاي ممتدة لخارج اسوار المدرسة....و السعوديات تعاملي معاهم في حدود الفصل.......لكن حكاية تزوريني وازورك وكلام زي ده.....انا ما بقول ليك مافي لكن بكون نااادر جدا....يعني يمكن في السنة 3 مرات

تحياتنا ليك:)

[schizo]

مرحب بيك يا وهيب
وكل سنة وانت طيب:)

رايي بصراحة في الصداقه بين الولد والبنت انها حاجة ممكنة,,, لكن انا ما بشجعا .....
والصداقة بين بنت وبنت او ولد وولد احسن بكتير....لانو بكون في نوع من التفاهم الفطري لو كانت الصداقة بين شخصين متماثلين في الجنس.
وطبعا دا ما معناهو انو ما ممكن تنشأ صداقة بين بنت وولد:)

لنا عودة:)

[schizo]

عدنا

رايي يا وهيب انو الزواج دا ما ممكن يكون ناجح ابدا
والمبدأ ده مرفوض تقليديا


اخونا9999
بنرحب بيك معانا في ود مدني وفي الكرسي الساخن
وصدقني الكرسي ما ساخن للدرجة ديك:)

الغالي ابو مرام
وانت طيب ياا رب:)
وانا امنيتي والله الاستقرار في السودان

بالنسبة لسؤالك فانا بتوقع نمو ود مدني بدرجة عالية سواء كان نمو حضاري واقتصادي لانو خيرات الجزيرة كلها تقريبا بتصب فيها او نمو ثقافي لانو المستوى التعليمي بيرقى يوم عن يوم فيها بالنسبة للشي الشايفاهو حاليا.

تحياتي الخالصة ليك

لنا عودة:)

[schizo]

عدنا مجددا
العزيز ابو اشواق
الله يعافيك يارب
وكل سنة وانت طيب......
نورتنا بطلتك من جديد:)

لنا عودة:)

[امير عبدالباقي]

الاخت شزو
لك الف تحيه واهنيك علي الاجوبه فعلا كانت اجوبتك رائعه واوفيتي وكفيتي
عندي ليك سوال ليه البنت بتميل الي والدها اكتر من امها ؟ والعكس وليه الولد بميل الي امه ؟ ونجد انو الاب ايضا بكون قاسي علي الولد والام بتكون قاسيه علي البنت ؟ القسوه هنا بعني بيها انو الولد مابلقي طلبو من الاب بجدو عند الام وتنفذو له البنت بتمشي الي ابوها وينفذ طلبها
شكرا ليك

[غيورجدا]

والله يا جماعة دا ما كرسي ساخن دا سرير وسادتو جمر ولحافو لهب
شيزو ما قصرتي اعطيتي واوفيتي بس جمرة واحدة اقصد سوال واحد
لو نصبوك مديرة لشئون المغتربين السودانين العاملين بالخارج اول حاجة حاتعمليها شنو؟6

[schizo]

آسفين على التأخير يا شباب
الاخ حنين
كل سنة وانت طيب
والله الوالد والوالدة ما مقصرين معانا ابدا
وبحاولوا بقدر الامكان يوفروا لينا الاجواء العيدية
لكن طبعا مهما بذلوا من مجهود......حا يكون عيد السودان غييير
تحياتي ليك



العزيز طارق
مبارك عليك العيد مقدما
انا من الجزيرة وتحديدا كده من فداسي:)


الاخ الغالي امير
اولا كل سنة وانت طيب
تانيا والله الموضوع ده محيرني حيرة شديدة فعلا
والكلام ده حاصل عندنا هنا في البيت بصوره طبق الاصل
فلو لقيت الجواب على سؤالك ده.....يا ريت تنقلو لي:)

الاخ غيور جدا
كل عام وانت بخير
انا بصراحة ما عارفة السلطة حقة مدير شؤون المغتربين في الخارج دي حدودها شنو
لكن لو كانت حكاية قبول الطلبة المغتربين في الجامعات السودانية حاجة من ضمن سلطتهم.....
فحا اقرر ازالة الصعوبات والعقبات العاملينها بالنسبة لقبول الطلبة المغتربين.

[المخلصة]

بسم الله الرحمن الرحيم

السلام عليكِ ورحمه من الله تعالى وبركاته

الأخت منى ( schizo)

وأنت تزاولين ذات اليمين وذات الشمال

في اجابات رائعة ورصينه

تابعت اسئلة الاخوة و الاخوات الودودة و العميقة

و اجوبتك الواضحة و التى من خلالها تعرفنا عليكِ اكثر و سوف اواصل المتابعة

و سوف اتى بأسئلتى فى و قت لاحق

ودى و احترامى

[حلوه واموره]

ما انتهت مدة تشيزو على الكرسي؟؟؟؟ :confused:

[schizo]

يسلم ذوقك يا مخلصة يا عسل
وانا منتظراك بفارغ الصبر:)


شنو يا حلوة واموره
ما قلتي لي بسألك بعدين؟؟؟؟؟;)

[المخلصة]

السلام أول الكلام
أسعد الله مساءكِ بكل خير يا أخت schizo

س1: عندما يكرس الإنسان نفسه بمسأله معينه ويصرف كل إهتمامه بها بعد ذلك بيلاقي إنو النتيجه عكس ما كان يتوقعه ومخطط ليه هل حصل لكِ ذلك ؟؟ وماهي ردة فعلك في تلك اللحظه أو في ذلك الوقت ؟؟

س2: طبعاً الإنسان ما بيقدر يعيش في الدنيا دي من غير الناس وكثيراً بيحرص على كسب حبهم وودهم لكنه في يوم من الأيام قد يفاجئ بردة فعل من أحد منهم غير متوقعه وقد يصل الحال إلى أن يتعرض هذا الإنسان إلى الإساءة
من هنا أسأل schizo
هل تكتفي بالسكوت ؟؟؟؟ أم العتاب ؟؟ أم الدفاع عن المبدأ ؟؟؟؟

س3: قبل فوات الأوان
زول عزيز وغالي عليكِ شديييييييييييييييييييييييييييد وفجاءة أراد الرحيل وإنتِ ما عارفه السبب ،،،، ورافض الكلام ،،،، في الحاله دي حتعملي شنو قبل فوات الأوان ؟؟؟؟؟؟؟؟؟؟؟؟

س4: أخيراً وليس أخيراً
موقف حصل ليكِ لكنكِ لحقتيه قبل ما يقع في أخر لحظه ؟؟؟

العفو والعافيه ما أكون أطلت عليكِ بالأسئلة
دمتِ في حفظ الله

والسلام سيد الختام

[حلوه واموره]

السؤال اللي كنت بسألو

خلاص سألوه قبلي