ابليس يغادر السودان

[:@ارجوان:@]

كان في ‏غرفته، يلملم ملابسه في حقيبة إلى جانبه وباقي متعلّقاته على المنضدة القريبة. كانت ‏استقالته موقّعة ومختومة حسب الأصول، وبجوارها تقبع ون-واي تيكت إلى جزيرة ‏مالطة.
‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست ‏بالقريبة مع الإعترافٍ بالعجز والفشل....
‏إبليس راحلٌ عن بلادنا إلى غير ‏رجعة... فليفرح المؤمنون...

- ‏وين يا زول؟ ليه بتلم حاجاتك؟
- ‏ياراجل مالي ومالكم

قاعد عندكم، لي سنين لا شغله لا مشغله وقرّبتا أموت من ‏الجوع.. الاقي معاك سيجارة ياخوي؟
لا نافع معاكم لا وسواس ولا خنّاس!!!

كنت ‏زمان بوسوس للوحدة تسيب ولدا يبكي لمن يتشرط وهي شغاله قطيعه مع جاراتها، هسّة بقو برااااااااهم يرموا ‏اولادهم في الكوشه ولا ملجء أوّل مايتولدو!
‏كنت أوسوس للواحد ينسى يسمّي الله قبل ‏ماياكل، هسّة مافي زول لاقي شي ياكلو!!!! ياراجل إذا أنا إبليس وتسمّمت ‏ب ا لبوش
‏كنت برضو بوسوس للعجوز يرمي ليهو كلمة على البنت وهي ماشية ‏في الشارع، بقو البنات يرمو الشباب بكلام أنا نفسي اخجل ‏أقولو‏
إنتو عايزن ابليس انتو ؟!
خلوني أبعد عنكم وارتاح!!!
‏بقا عندكم فايض في الفساد بكفّي 30 سنة لقدّام، بقيت أخاف على نفسي ‏منكم!!!!
‏ياراجل مرّات بضطرّ أوسوس بالشقلوب وأقول للمسؤول إرحم، وللحرامي ‏كفايه خلّي شويّ للحراميّة اللي جايين ‏بعدك!
‏يعني إذا إنتو براكم بتعملوا كل البلاوي، أنا إبليس اعمل شنو؟؟؟؟ أشتغل سواق رقشه يعني ولاّ أفتح محل حلاقة؟؟؟؟

ما باقي عليً غير أ بقا واعظ أو إمام جامع!

‏ثمّ فتح إبليس الباب وانطلق خارجاً إلى غير ‏رجعة!!!!

[بت أم درمان]

اقول ليك شنو بس
الحمد والشكر لله
اذا جد ابليس بقول كدا
وبلملم عفيشاته وبقوم جاري
جد الدنيا دي بتبقا بخير
وبعمها السلام
لان الحاصل كله بسببه
وبسبب ان الناس مدياهو الفرصة يسرح ويمرح
واكرر ان الناس المدياهو الفرصة

[esmat]

تصوير جميل يعني ابليس زااااتو بقى عندوا راي
ما محتاجين ليهو سبحان الله - ربنا احفظنا ان شاء الله يارب

[أبوريلان]

تعرفي يا أرجوان من العنوان قلت النشوف بدر أبليس مسافر وين ؟
لكن لقيتو صاحب الأسم
التحية للعزيز المهذب بدر أبليس .

[الجندي المجهول]

حقيقي ابليس فعلا يحتار للوضع الذي آل إليه السودان

في الحكومة الذي يسرق تتم ترقيته ،،،، ابليس يقعد يعمل شنو ؟؟؟

[حسام التنين]

‏بقا عندكم فايض في الفساد بكفّي 30 سنة لقدّام، بقيت أخاف على نفسي ‏منكم!!!!‏ياراجل مرّات بضطرّ أوسوس بالشقلوب وأقول للمسؤول إرحم، وللحرامي ‏كفايه خلّي شويّ للحراميّة اللي جايين ‏بعدك!
‏يعني إذا إنتو براكم بتعملوا كل البلاوي، أنا إبليس اعمل شنو؟؟؟؟ أشتغل سواق رقشه يعني ولاّ أفتح محل حلاقة؟؟؟؟



والله لو الوضع فعلا كده اللفتح محل فساد متقدم
هوووي الناس احسن تفتح عينها لو الوضع جد كده

[محمد حسين (المميز)]

اللـــه يجازيك :D

حتى ابليــس خليتوهو يعتــزل :eek:

والله حالنا بقى يغني عن سؤالنــا :(

[العاقب مصباح]

إبليس عاطل...
وعديم شغلة
تقريبا ما لقى ليهو واسطة عشان يوسوس
كبارات البلد ما ادوهو طريقة
وابليس نفسه لقى روحه يوسوسو ليهو
الله يلعنك يا ابليس
رغم خروجك الا انو البلد لسه مليانة من اشباهك
ربنا يطهر بلدنا من وساوسك
رائعة ارجوان
وفكرة اتمنى ان تتحقق
لنعيش فى صفاء
وفى سعادة
لك الاحترام

[عبدالله محمد العقاد]

‏ياراجل مرّات بضطرّ أوسوس بالشقلوب وأقول للمسؤول إرحم، وللحرامي ‏كفايه خلّي شويّ للحراميّة اللي جايين ‏بعدك!
‏يعني إذا إنتو براكم بتعملوا كل البلاوي، أنا إبليس اعمل شنو؟؟؟؟


التحية لك ارجوان و الله ضحكتني و ابداع مبالغة

[درديري كباشي]

فكرة حلوة تحمل استياءا ونقدا لازعا لواقع معاش نتمنى ان يصحو الناس من هذا الضلال والتيه ويعود ابليس ويحتاج للعمل من جديد لان ابليس فعلا لا يغوي الا الماتزمين والمتقين اما الضالون فلا حاجة له بهم
جميل يا ارجوان ونحو مزيد من الابداع

[ودالعمدة]

كان في ‏غرفته، يلملم ملابسه في حقيبة إلى جانبه وباقي متعلّقاته على المنضدة القريبة. كانت ‏استقالته موقّعة ومختومة حسب الأصول، وبجوارها تقبع ون-واي تيكت إلى جزيرة ‏مالطة.
‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست ‏بالقريبة مع الإعترافٍ بالعجز والفشل....
‏إبليس راحلٌ عن بلادنا إلى غير ‏رجعة... فليفرح المؤمنون...
- ‏وين يا زول؟ ليه بتلم حاجاتك؟
- ‏ياراجل مالي ومالكم
قاعد عندكم، لي سنين لا شغله لا مشغله وقرّبتا أموت من ‏الجوع.. الاقي معاك سيجارة ياخوي؟
لا نافع معاكم لا وسواس ولا خنّاس!!!
-
-
‏ثمّ فتح إبليس الباب وانطلق خارجاً إلى غير ‏رجعة!!!!


الأخت ارجوان
مشكورة على البوست
لكن حقيقة بعد سفر ابليس ما خايفين
على أولادهـ الخلاهم وراهو فى البلد
لكن خوفنا بعد الانتخابات يرجع تانى ويحكمنا هو ذاتو

[:@ارجوان:@]

اقول ليك شنو بس
الحمد والشكر لله
اذا جد ابليس بقول كدا
وبلملم عفيشاته وبقوم جاري
جد الدنيا دي بتبقا بخير
وبعمها السلام
لان الحاصل كله بسببه
وبسبب ان الناس مدياهو الفرصة يسرح ويمرح
واكرر ان الناس المدياهو الفرصة


انتي ما سمعتي انو شياطين الانس اقوى من شاطين الجن هو بس بيدي خيط يا بت ام در والابداعات الباقيه علينا

تسلمي يا عسل على المرور

[:@ارجوان:@]

تصوير جميل يعني ابليس زااااتو بقى عندوا راي
ما محتاجين ليهو سبحان الله - ربنا احفظنا ان شاء الله يارب


ياخ تخيل هو الما عايزنا بيستعيز مننا الاخ ما العكس

ربنا يحفظ كل زول حافظو ويهدي كل زول زايغ عن الدرب

دمتا بخير

[:@ارجوان:@]

تعرفي يا أرجوان من العنوان قلت النشوف بدر أبليس مسافر وين ؟
لكن لقيتو صاحب الأسم
التحية للعزيز المهذب بدر أبليس .


كدا انت ما وريتني بدر منو ؟ ما تقول لي واحد لقبو ابليس :eek:

دمتا بخير

[:@ارجوان:@]

حقيقي ابليس فعلا يحتار للوضع الذي آل إليه السودان

في الحكومة الذي يسرق تتم ترقيته ،،،، ابليس يقعد يعمل شنو ؟؟؟

ما قال ليك حيبقا امام جامع ولا يحنس الحرامي يخلي للوراهو :p

[:@ارجوان:@]

والله لو الوضع فعلا كده اللفتح محل فساد متقدم

ممكن تلقا لي اختك وظيفه ؟ لانو بي صراحه كدا ما لاقيا لي وظيفه
هوووي الناس احسن تفتح عينها لو الوضع جد كده

يا حليلها الناس قال ليهو ابوك مات من الجوع ردا ليهو هو لقا اكل وما اكل ؟


تشكرات على المرور كون بخير

[:@ارجوان:@]

اللـــه يجازيك :d

ياخي يجازيني ليه انا عملتا شنو يجازيني بي الخير ممكن :o

حتى ابليــس خليتوهو يعتــزل :eek:
هو انا زاتي قربتا اعتزل :rolleyes:

والله حالنا بقى يغني عن سؤالنــا :(

اللهم انا نسئلك البر والتقوى ومن العمل ما ترضا

دمتا بخير

[عوض الكريم الخواض]

هاهاهاهاهاااااا ي ...
ابليس ذاتو طفش ... :confused:
سمعت نكتة الجماعة العملوا ( صرفة ) مع ابليس ...
بعد ما شالوا الصرفة الأولى ... قالوا ( بسم الله ) :):)

[:@ارجوان:@]

إبليس عاطل...
وعديم شغلة
تقريبا ما لقى ليهو واسطة عشان يوسوس
كبارات البلد ما ادوهو طريقة
وابليس نفسه لقى روحه يوسوسو ليهو
الله يلعنك يا ابليس
بللهي معاك في الطريق العن الكبارات البيوسوسو
رغم خروجك الا انو البلد لسه مليانة من اشباهك
ربنا يطهر بلدنا من وساوسك
رائعة ارجوان
وفكرة اتمنى ان تتحقق
لنعيش فى صفاء
وفى سعادة
شنو اليتحقق انو باليس يخلينا ؟ هههههههههههههههههه ياخي في زول بيخلي مسقط راسو ؟
لك الاحترام

كل الاحترام لي مروك

[:@ارجوان:@]

التحية لك ارجوان و الله ضحكتني و ابداع مبالغة

التحيه لي تواجد في البوست وادام الله ضحكك

[:@ارجوان:@]

فكرة حلوة تحمل استياءا ونقدا لازعا لواقع معاش نتمنى ان يصحو الناس من هذا الضلال والتيه ويعود ابليس ويحتاج للعمل من جديد لان ابليس فعلا لا يغوي الا الماتزمين والمتقين اما الضالون فلا حاجة له بهم
جميل يا ارجوان ونحو مزيد من الابداع

التحيه موصوله اخ درديري فقد عوده بيسطه للكتاب والسنه وسيجد ابليس من يوسوس له ولكن كيف يوسوس لمن يهجرونهم

[:@ارجوان:@]

الأخت ارجوان
مشكورة على البوست
لكن حقيقة بعد سفر ابليس ما خايفين
على أولادهـ الخلاهم وراهو فى البلد
لكن خوفنا بعد الانتخابات يرجع تانى ويحكمنا هو ذاتو

انت عارف افضل يحكمان اقلها نكون عارفين انو بيحكمنا ابليس ونعمل حسابنا ويمكن تجتاحنا نزعه دينيه ونصدو بس المشكله في البشر البيحكمونا واحنا بين مناصر ومعارض تصدق منو وتكزب منو ما عارف
مرورك اسعدني كون بخير

[:@ارجوان:@]

هاهاهاهاهاااااا ي ...
ابليس ذاتو طفش ... :confused:

ياخي خليك من ابليس نص البيردو على البوستات طفشانين تاني ابليس يقعد ليه قلتا اخير يمشي سااااااااي ;)
سمعت نكتة الجماعة العملوا ( صرفة ) مع ابليس ...
بعد ما شالوا الصرفة الأولى ... قالوا ( بسم الله ) :):)
ممكن سؤال بس في مضمار نكتتك ؟

لمن قالو بسم الله الاختفا منو هم ولا ابليس :rolleyes: