تصنيع أول طائرة سودانية ... [الأرشيف]

مهدي إبراهيم

17-06-2009, 08:39 PM

<TABLE cellSpacing=0 cellPadding=0 width="98%"><TBODY><TR><TD class=itemHead align=middle></TD></TR><TR><TD class=itemInfo></TD></TR><TR><TD class=itemBody align=justify>http://www.sudanradio.info/arabic/uploads/img4a38ce03bf4e3.jpg (http://www.sudanradio.info/arabic/uploads/img4a38ce03bf4e3.jpg)
(http://www.sudanradio.info/arabic/uploads/img4a38ce03bf4e3.jpg)قام وفد من الإذاعة السودانية بزيارة مجمع صافات للطيران والذي يعتبر من أكبر مجمعات الطيران في افريقيا .

اطلع الوفد على أكبر إنجازات المجمع حيث تمكن المجمع من تصنيع أول طائرة سوادنية حملت اسم صافات 01 وهي طائرة تدريب أولي كما أنتج طائرة صافات 02 وهي مروحية ذات أغراض متعددة تصلح للمراقبة والمتابعة . كما انتج صافات 03 وهي طائرة تدريب متقدمة. في خطوة جبارة تهدف إلى توطين صناعة وصيانة الطائرات بالسودان.
وفي تصريح لموقع الاذاعة السودانية ، أفاد المهندس عبدالرحيم محمد خير أن كل هذه الطائرات خضعت لقياس الجودة الدولية وقامت بالطيران فعلياً في خطوة هي الأولى من نوعها في السودان .
الجدير بالذكر أن مجمع صافات للطيران وضع حجر الأساس له في العام 2004 وبدأت أعمال التشييد والبناء عام 2005 وبدأ النشاط الفني باستقبال أول طائرة في العام 2006 .
http://www.sudanradio.info/arabic/uploads/img4a38d2058843c.jpg (http://www.sudanradio.info/arabic/uploads/img4a38d2058843c.jpg)
يقوم المجمع بصيانة طائرات النقل المختلفة ، كما يقوم بصيانة وعمرة المروحيات حيث يحتوي مركز الصيانة على :
- ورشة الكهرباء
- ورشة العدادات
-ورشة الراديو
- أنظمة التحكم
- مكافحة الحريق
- الريش الاساسية والخلفية
- خزانات الوقود
- العجلات
- الهيدروليك
- البطاريات
- الفلاتر
كما يتبع لهذا المجمع اكاديمية هاي ليفل للطيران وهي مؤسسة تعليمية تدريبية مخولة من الطيران المدني لاعداد كوادر متميزة في مجال الطيران وتمنح رخص الطيران.

http://www.sudanradio.info/arabic/uploads/img4a38d241b3692.jpg (http://www.sudanradio.info/arabic/uploads/img4a38d241b3692.jpg)

</TD></TR></TBODY></TABLE>

(منقول من موقع الإذاعة السودانية )
http://www.sudanradio.info/arabic/modules/news/article.php?storyid=5776 (http://www.sudanradio.info/arabic/modules/news/article.php?storyid=5776)

مدنيّة

17-06-2009, 09:04 PM

هي يامهدي
طيارات برة ما مضمونة

كمان عايزين يسودنوها (وش شدادي)

مهيد ود السفاح

17-06-2009, 09:12 PM

الله يبشرك بالخير مهدوز
والى المزيد من التقدم والنجاحات

وقول لي مدنيه شويه شويه
ما اصلو العافيه درجات

وبالجد البوست زرع الفرع في نفسي

وتسلم يا غالي

الجندي المجهول

17-06-2009, 09:18 PM

هوووووووووووي (انا عن نفسي) قايتو ما بثق في الحتة لسبب وجيه ومنطقي ( لسه ما وصلت بينا التقنية بالحتة دي -- خلونا مع عربات جياد وبعيدن نشوف الحاصل شنو

مدنيّة

17-06-2009, 09:22 PM

وبالجد البوست زرع الفرع في نفسي

الفرع دا نوع جديد من الاشجار ولاشنو ياود السفاح :p

بت أم درمان

17-06-2009, 09:25 PM

هو تصنيع تصنيع ولا تجميع وتركيب
لان المعنى بيختلف
يعني هم خلااااااااص كملو كل شي ودايرين يجرو على تصنيع الطائرات
كدي اشوفو لينا الحاجات الاهم ويخلو الطائرات لي ناسها
مشكور على الرابط والموضوع

بت أم درمان

17-06-2009, 09:27 PM

الفرع دا نوع جديد من الاشجار ولاشنو ياود السفاح :p

لاحظتها قبلك بس مشيتها
ياخي مشيها ليهو يا مدنية
وبعد اقتباسك دا خلااص

هو فرع شنو صحي يا ود السفاح ؟ :D:p

ابو لوزة

17-06-2009, 09:43 PM

ليه يااخونا انتو محبطين كده
الدنيا حلوه يعني الناس الصنعو
الطيارات ديل احسن مننا

حسام التنين

17-06-2009, 10:25 PM

والله اخبار حلوة عقبال الشغلانية تطور(جامبو _ 747_...)

صهيب البصير

17-06-2009, 10:31 PM

مهدى اخوى كيف حالك
انت يامعلم طولت من السودان ساى
دى الطائره الموضوعه فى الصنيه بتاعت تقاطع شارع مدنى الخرطوم مع طريق البحوث الزراعيه
امكن عملوا ليها موديل ودخلوها الخط

محمد الجزولى

17-06-2009, 10:38 PM

اخى مهدى ابراهيم
بشرك الله بالخير
واذكر عندما قامت مدينة جياد الصناعيه كان الكل يشكك فيها وعلى قدرتها فى ولوج عالم التصنيع ... والان جياد اسم له وزنه فى السودان على الاقل
ربنا يستجيب الدعاء ونبقى بعد كده نسافر على ما نصنع ...( على وزن ناكل مما نزرع)

مهيد ود السفاح

18-06-2009, 12:15 AM

لاحظتها قبلك بس مشيتها
ياخي مشيها ليهو يا مدنية
وبعد اقتباسك دا خلااص

هو فرع شنو صحي يا ود السفاح ؟ :d:p

الفرع ده فرع الفرح
ولا عيب الواحد افرح لما اتلخبط ؟؟؟

مدنيه وبت ام در نردها ليكم في الافراع اقصد الافراح

مهيد ود السفاح

18-06-2009, 12:19 AM

الفرع دا نوع جديد من الاشجار ولاشنو ياود السفاح :p

الله يخليك لي جنس ده
الفرع ده فرع الباميه الطبختيها الليله
عفواً مهدي لو خرجنا عن النص بس ناس مدنيه ديل واقفين لي في حلقي ده :d:d

مهدي إبراهيم

18-06-2009, 12:22 AM

هي يامهدي
طيارات برة ما مضمونة

كمان عايزين يسودنوها (وش شدادي)

والله ياريت يسودنو كل شئ و يشيلو لينا البنجلاديشيين المجارمه من السودان !!!!!

مهدي إبراهيم

18-06-2009, 12:35 AM

الله يبشرك بالخير مهدوز
والى المزيد من التقدم والنجاحات

وقول لي مدنيه شويه شويه
ما اصلو العافيه درجات

وبالجد البوست زرع الفرع في نفسي

وتسلم يا غالي

والله يا ود السفاح ....
الخبر ده زرع في نفوسنا كلنا الفرح و السعادة ..
و إنشاء الله الجايات أكثر !!!!!!

بورتبيل

18-06-2009, 12:49 AM

شغل نظيف جداً

عقبــــــــــال تصنيع ال awacs

( طائرات الانذار المبكر)

ود النمير

18-06-2009, 12:49 AM

ليه يااخونا انتو محبطين كده
الدنيا حلوه يعني الناس الصنعو
الطيارات ديل احسن مننا

بسم الله الرحمن الرحيم
كلام في الصميم ابو لوزه!!
لكن الزول كان ماتغدي يا ابو لوزه بحلي
كدي خلينا النتغدي اول حاجه بعداك نشوف موضوع التحليه ده!!

نزار حسن محمد

18-06-2009, 12:59 AM

ماشاءالله تبارك الله
اهآ ياخوانا زمان نحن صنعنا الابره
لكن غلبنا نقدها ...
انشاءالله خلاص قدوها

المسافر

18-06-2009, 01:09 AM

يا أخوي ديل طيارات رش ساااااي
لو عايز دستة تعال بنديك ليهم

مهدي إبراهيم

18-06-2009, 03:21 AM

هوووووووووووي (انا عن نفسي) قايتو ما بثق في الحتة لسبب وجيه ومنطقي ( لسه ما وصلت بينا التقنية بالحتة دي -- خلونا مع عربات جياد وبعيدن نشوف الحاصل شنو

حبيبنا الجندي ....

مافي شئ مستحيل !! ولسه في كتير و كتير جاييك !!
خليك مع خروف ود الجعلي !!! ونهرو و الصور !!!!
و إنتظر .... بكره أجمل ..

محمد حسين (المميز)

18-06-2009, 08:36 AM

ماشين كويس

لكـــــن الســؤال

## اول زول حيجربهــا منــــووووووووو ؟؟!!!!!! :p :p

مدنيّة

18-06-2009, 09:00 AM

ماشين كويس

لكـــــن الســؤال

## اول زول حيجربهــا منــــووووووووو ؟؟!!!!!! :p :p

اكيد مغترب :cool:

محمد حسين (المميز)

18-06-2009, 09:11 AM

اكيد مغترب :cool:

ههههههه :D ههههههه :D ههههههه

اللــه يجــازيك يا مدنيــّــه

طَـبقي تمـــــــــام :p

littlestar

18-06-2009, 11:47 AM

أنا دخلت على أساس الشغلانية
طيارة ورق

ولآ هى الشغلة شيتن تانى لسه ما خبرنا:o:(:eek::confused:؟؟؟

moh_alnour

18-06-2009, 03:58 PM

أول الغيث قطرة
و الاختراع وليد الحاجة و الحاجة عندنا الطيارات البتقع من غير سبب دي
أتفق مع ود الجزولي فقد كُنا نعتقد بأن توطين صناعة السيارات في السودان أمر مستحيل
و لكن جاءت جياد و بتجميعها للماركات العالمية أستطاعت أن تصنع سيارة سودانية مرغوبة جدا ً
ونتمنى أن يكون ذلك دافع لمزيد من الصناعات بوطنا الحبيب

طائر النورس

19-06-2009, 05:07 AM

ياااجماعة نحن نكون و اقعيين

طيارة شنو البنعملها نحن

الشغلة ماااا ساهلة

كدي يصلحو الزلط الفي الواطه دي وبعدين نشوف فوق في شنو

nehroo

19-06-2009, 11:41 PM

حبيبنا الجندي ....

مافي شئ مستحيل !! ولسه في كتير و كتير جاييك !!
خليك مع خروف ود الجعلي !!! ونهرو و الصور !!!!
و إنتظر .... بكره أجمل ..

مالك أسه نهرو نفس ليك لستك الطيارة ؟
عامل طيارتك الشينة دي .. تنفع كانون للشية
ههههههه

الزبير محمد عبدالفضيل

20-06-2009, 01:23 AM

مشكوووووووووور مهدوف علي هذه الاخبار التقنيه

محمود (أبو وضاح)

20-06-2009, 02:57 AM

خلاص انتهينا من توفير المياه والكهرباء وتعبيد الطرق السريعة وتحديث وتأهيل المستشفيات ، بقت طائرات كمان ، الله يبارك وعقبال سفريات للقمر لإنشاء ميناء قمرى جديد ...

مهدي إبراهيم

20-06-2009, 03:38 AM

<TABLE cellSpacing=0 cellPadding=0 width="98%"><TBODY><TR><TD class=itemHead align=middle>افتتاح مجمع صناعة الطيران يوليوالقادم </TD></TR><TR><TD class=itemInfo></TD></TR><TR><TD class=itemBody align=justify>يدشن المشيرعمرالبشير رئيس الجمهورية في الخامس من يوليو القادم بداية تصنيع الطائرات من داخل السودان وذلك في اطاراحتفالات البلاد بعيد ثورة الانقاذ الوطني . وكشفت جولة قامت بها الاذاعة امس الأربعاء عن اكتمال الاستعدادات لافتتاح مجمع صافات للطيران علي يد رئيس الجمهورية بخبرات سودانية واجنبية .

واوضح المهندس محمد ابراهيم حبيب نائب المديرالعام لشركة صافات القابضة للطيران ان المجمع يقوم بتصنيع الطائرات الخفيفة كمرحلة اولي بجانب صيانة جميع الطائرات الحربية والمدنية مبينا ان المرحلة الثانية تشمل تصنيع الطائرات الثقيلة ليصبح بذلك المجمع من اكبر المجمعات فى المنطقة الافريقية.

</TD></TR></TBODY></TABLE>
الرابط : (http://www.sudanradio.info/arabic/modules/news/article.php?storyid=5784 (http://www.sudanradio.info/arabic/modules/news/article.php?storyid=5784))

nehroo

20-06-2009, 10:35 PM

طيارة بي مكنة أوستن ؟
طيارة ولا بنطون يا مهدي ؟
طيارة دي للعنده قنبور .. ههههههه

مهدي إبراهيم

23-06-2009, 05:00 AM

طيارة بي مكنة أوستن ؟
طيارة ولا بنطون يا مهدي ؟
طيارة دي للعنده قنبور .. ههههههه

الإفتتاح في أعياد الثورة !! بتعرفها بي ياتو مكنه !!
إن غداً لناظره قريب !!
و ياخبر بي فلوس !!

nehroo

24-06-2009, 12:12 AM

الإفتتاح في أعياد الثورة !! بتعرفها بي ياتو مكنه !!
إن غداً لناظره قريب !!
و ياخبر بي فلوس !!

إفتتاح باب الطيارة ؟؟
الطيارة دي تجميع ولا تصنيع ؟؟

الخواض محمداحمد خواض

24-06-2009, 01:29 AM

اخوى يامهدى طياره شنو قول تجميع طياره ممكن .

خليهم يصنعوا إبره وبعدين نقول ده إنجاز

محمود (أبو وضاح)

24-06-2009, 02:49 AM

أنا خايف أسرة ناس طيارة يرفعوا دعوى (تعويض) على الاسم ،،، وناس السد والمناصير مابراهم ،

مهدي إبراهيم

27-06-2009, 10:16 PM

اخوى يامهدى طياره شنو قول تجميع طياره ممكن .

خليهم يصنعوا إبره وبعدين نقول ده إنجاز

والله يا الخواض ... مافي شئ بعيد على الله ... إنتظر الإفتتاح قريباً في أعياد الثورة !

مايسة

28-06-2009, 12:01 AM

تمام والله

دا الحلو في السودانيين - انهم متفائلين جدا جدا

لكن طيارة أأأأأأأديل كده ما شديدة شوية ;)

ولا شنو ؟

مهدي إبراهيم

04-07-2009, 10:19 PM

<TABLE cellSpacing=0 cellPadding=4 width="100%" border=0><TBODY><TR><TD>اليوم تحليق اول طائرة سودانية الصنع

</TD></TR><TR><TD>http://www.almshaheer.com/newsimages/4444444.jpg اليوم تحليق اول طائرة سودانية الصنع: أعلن المدير العام لشركة الصافات التابعة للتصنيع الحربي وصيانة وعمرة الطائرات العميد معاش ميرغني إدريس عن اكتمال وتصنيع عدد (2) طائرة من شركة الصافات (1) و(2) تم تصنيعها حسب الأجواء السودانية للتصنيع الحربي من اصل (10) طائرات صناعة سودانية خالصة وبيد فتية سودانية بمصنع الصافات . واكد المدير العام للمصنع عميد معاش ميرغني ادريس في التنوير الصحفي الذي عقد امس بأرض المدينة الصناعية بشمال امدرمان بمحلية كرري استعداد الدولة في اتجاه تصنيع الطائرات . وتوطين صناعة الطائرات بالسودان بالتنسيق مع بيوت خبرة أجنبية وسودانية في التصنيع في مجال الطيران وتوطين الصناعة بالداخل واتجاه السودان شرقاً لاكتساب التكنولوجيا الحديثة وتصنيع الطائرات الخفيفة . مثل طائرات ( الرش الزراعي والاستطلاع الميداني وطائرات الانتنوف) .وقال العميد ميرغني ان المصنع بدأ بصيانة الطائرات الروسية الصنع والطائرات المروحية ، وان المصنع يستقبل اكبر عدد من الطائرات بغرض العمرة والصيانة الكاملة داخل السودان وبحسب قوله سوف يشهد اليوم افتتاح مجمع الصافات وتدشين تحليق ( أول طائرة سودانية الصنع ) بيد المشير البشير رئيس الجمهورية

</TD></TR></TBODY></TABLE>

(منقول من المشاهير )

مهدي إبراهيم

04-07-2009, 10:21 PM

تمام والله

دا الحلو في السودانيين - انهم متفائلين جدا جدا

لكن طيارة أأأأأأأديل كده ما شديدة شوية ;)

ولا شنو ؟

خلاص يا مايسه ...
أمشي الليله صنقري جمب التلفزيون و شوفي العرض أنتي و نهرو المابيعجبو العجب !!!

المسافر

04-07-2009, 10:30 PM

الطائرات العالمية المعروفة عندما
تمت إدراتها من قبل السودانيين
عبر الخطوط الجوية السودانية
فشلوا فشل ذريع ، فما بالك وهم
يحاولون التصنيع !!!!!!!!!!!!

مهدي إبراهيم

04-07-2009, 10:39 PM

الطائرات العالمية المعروفة عندما

تمت إدراتها من قبل السودانيين
عبر الخطوط الجوية السودانية
فشلوا فشل ذريع ، فما بالك وهم

يحاولون التصنيع !!!!!!!!!!!!

الطيارين السودانيين مشهود لهم بالكفاءة .. لكن الظروف الإقتصادية لعبت دور كبير جداً
في إخفاق المسئولين عن الخطوط السودانية و كذلك الحظر الإقتصادي المفروض علينا
منذ فترة بعيده من قبل الإدارة الأمريكية بالتالي هنالك شح في قطع الغيار خاصة قطاع
الطيران .. وهذا هو السبب الرئيسي لتوطين صناعة و صيانة الطائرات داخل السودان ..
بالإتجاه بعيداً عن الهيمنة الأمريكية و التعاون مع روسيا و الصين و إيران !
أما ما كتبته أخي المسافر غير صحيح بعد أن ذكرت لك ما يغيب عنك و عن كل المشككين
و ما تتعرض له البلاد من هجمات و حظر حتى من الدول التي نعتبرها صديقه !!!!!
هذه هي السياسة ووساختها !!!

نبض السكون

04-07-2009, 11:08 PM

كلام زي الدكوة ... طيارة عديل كدة !! كدي أول شيئ نبدأ بطيارة الرش وبعدين ندخل في الغريق شوية شوي شو ش .

nehroo

04-07-2009, 11:15 PM

<table cellspacing=0 cellpadding=4 width="100%" border=0><tbody><tr><td>اليوم تحليق اول طائرة سودانية الصنع

</td></tr><tr><td>http://www.almshaheer.com/newsimages/4444444.jpg اليوم تحليق اول طائرة سودانية الصنع: أعلن المدير العام لشركة الصافات التابعة للتصنيع الحربي وصيانة وعمرة الطائرات العميد معاش ميرغني إدريس عن اكتمال وتصنيع عدد (2) طائرة من شركة الصافات (1) و(2) تم تصنيعها حسب الأجواء السودانية للتصنيع الحربي من اصل (10) طائرات صناعة سودانية خالصة وبيد فتية سودانية بمصنع الصافات . واكد المدير العام للمصنع عميد معاش ميرغني ادريس في التنوير الصحفي الذي عقد امس بأرض المدينة الصناعية بشمال امدرمان بمحلية كرري استعداد الدولة في اتجاه تصنيع الطائرات . وتوطين صناعة الطائرات بالسودان بالتنسيق مع بيوت خبرة أجنبية وسودانية في التصنيع في مجال الطيران وتوطين الصناعة بالداخل واتجاه السودان شرقاً لاكتساب التكنولوجيا الحديثة وتصنيع الطائرات الخفيفة . مثل طائرات ( الرش الزراعي والاستطلاع الميداني وطائرات الانتنوف) .وقال العميد ميرغني ان المصنع بدأ بصيانة الطائرات الروسية الصنع والطائرات المروحية ، وان المصنع يستقبل اكبر عدد من الطائرات بغرض العمرة والصيانة الكاملة داخل السودان وبحسب قوله سوف يشهد اليوم افتتاح مجمع الصافات وتدشين تحليق ( أول طائرة سودانية الصنع ) بيد المشير البشير رئيس الجمهورية

</td></tr></tbody></table>

(منقول من المشاهير )

الحبيب مهدي ..

تحليق دي من الحلقوم ولا الحلق ولا الحلاقة ؟

ابوالنور

04-07-2009, 11:15 PM

أنا دخلت على أساس الشغلانية

طيارة ورق

ولآ هى الشغلة شيتن تانى لسه ما خبرنا:o:(:eek::confused:؟؟؟

لسة ما شنو يا بتنا
اها يا مهدي اخوي تعال خبر الناس ديل

علي النعيم محمد نور

04-07-2009, 11:24 PM

الحبيب مهدي المهدي . . .
الطياره هينه ماااااا كلمتونا يا (الأنصار) عن شغلة المهدي وخليل ! ! !

المسافر

04-07-2009, 11:38 PM

الطيارين السودانيين مشهود لهم بالكفاءة .. لكن الظروف الإقتصادية لعبت دور كبير جداً
في إخفاق المسئولين عن الخطوط السودانية و كذلك الحظر الإقتصادي المفروض علينا
منذ فترة بعيده من قبل الإدارة الأمريكية بالتالي هنالك شح في قطع الغيار خاصة قطاع
الطيران .. وهذا هو السبب الرئيسي لتوطين صناعة و صيانة الطائرات داخل السودان ..
بالإتجاه بعيداً عن الهيمنة الأمريكية و التعاون مع روسيا و الصين و إيران !
أما ما كتبته أخي المسافر غير صحيح بعد أن ذكرت لك ما يغيب عنك و عن كل المشككين
و ما تتعرض له البلاد من هجمات و حظر حتى من الدول التي نعتبرها صديقه !!!!!
هذه هي السياسة ووساختها !!!

لا أريد أن أقلل من أي مجهود
إلا أن الأمر كله ( فبركة ) سياسة ليس إلا
وكما تم الإستعجال على إفتتاح السد
وتلك الهالة الإعلامية التي كانت خلفه
هاهو الحال يتكرر مع ما يسمى بصافات..

وكذلك ما قلته من حصار وخلافه
بالفعل هنالك حصار ، ولكن يا عزيزي
عمر الخطوط الجوية السودانية الآن
أكثر من 60 عام أي قبل هذا الحصار ،
فأنظر في موقعها الحالي بين خطوط
الطيران العالمية ولما أتى بعدها من
الشركات !!! ألم تشفع كل هذه السنين
لتكسب الخبرة والقوة اللازمة ؟ إذاً
السبب واضح وصريح ، هي بأن هنالك
فشل وفساد إداري مريع أشتهرنا به وراء هذا . .
فكيف سوف يستقيم الحال في التصنيع وهو بهذه
التعقيدات وكذلك بحاجة إلى ضمانات كثيرة وخصوصاً
من جهات عالمية .
[/color]

مهدي إبراهيم

04-07-2009, 11:38 PM

الحبيب مهدي المهدي . . .
الطياره هينه ماااااا كلمتونا يا (الأنصار) عن شغلة المهدي وخليل ! ! !

والله شغلة المهدي و خليل قبيحه بمعنى الكلمة !!! الصادق المهدي فقد
الكثير الكثير !!! و عندما وضع يده مع خليل و الذي بدوره واضع يده مع اليهود !!!!
فقد ما تبقى له خاصة من جماهير الأنصار !!
و هي والله مسأله لا يمكن السكوت عنها أبداً أبداً ...

مهدي إبراهيم

04-07-2009, 11:42 PM

لا أريد أن أقلل من أي مجهود
ولكن ما قلته من حصار وخلافه
بالفعل هنالك حصار ، ولكن يا عزيزي
عمر الخطوط الجوية السودانية الآن
أكثر من 60 عام أي قبل هذا الحصار ،
فأنظر في موقعها الحالي بين خطوط
الطيران العالمية ولما أتى بعدها من
الشركات !!! ألم تشفع كل هذه السنين
لتكسب الخبرة والقوة اللازمة ؟ إذاً
السبب واضح وصريح ، هي بأن هنالك
فشل وفساد إداري مريع أشتهرنا به وراء هذا . .
فكيف سوف يستقيم الحال في التصنيع وهو بهذه
التعقيدات وكذلك بحاجة إلى ضمانات كثيرة وخصوصاً

من جهات عالمية .

الحبيب المسافر ... الشركة التي تصنع الطائرات ليست هي شركة الخطوط السودانية !!
إنما هي شركة صافات !! و كما قلت أن الشركات التي أتتت بعدها !!! فهذه هي من ضمن
الشركات التي اتت بعدها !!!

حاتم مرزوق

05-07-2009, 01:10 AM

مهدي إبراهيم

05-07-2009, 01:41 AM

رابط لتلفزيون السودان - مباشر ..
http://www.qassimy.com/game/game/303/تلفزيون_السودان.html (http://www.qassimy.com/game/game/303/تلفزيون_السودان.html)
http://www.fomny.com/A-Tv-Soudan.php

مهدي إبراهيم

05-07-2009, 01:56 AM

كلام جميل طال انتظارنا له ونحن شعب لا ينقصه الا العزيمة والأصرار

ونتمني ان نستثمر في هذه المجالات ونترك (الأتجار في العملة والكسر الخ) وعلي الحكومة ان تنظم رؤوس الأموال المحلية وتوجهها التوجيه الصحيح وتوفر لها كل التسهيلات اللازمة ... لكل الناس سواءا بسواء ولا لفئة دون الأخري فكلنا سودانيون.

نبارك كل جميل ..

الحبيب ود مرزوق ...

رؤوس الأموال عندنا في السودان جبانه !! بمعنى أن كثير من التجار و أصحاب الأموال لا يدخلون إلا عن طريق
المحاكاة و هذه سمه من سماتنا في السودان .. وهذا سبب وجود الكثير من الأمجاد و الركشات و الأتوز ...
وكان قبلهم محلات تركيب العطور و محلات الإتصالات ..!!

مهدي إبراهيم

05-07-2009, 03:57 AM

بدأ العرض و الإفتتاح الرسمي في الساعة الخامسة مساء اليوم
http://www.qassimy.com/game/game/303/تلفزيون_السودان.html (http://www.qassimy.com/game/game/303/تلفزيون_السودان.html)

بنت النيل

05-07-2009, 04:03 AM

ويا ترى الطياره دي فيها ساعه ولا ما فيها

الشايقية

05-07-2009, 07:05 AM

اختراع جميل والسودان ماشي في تقدم &&&&&&
بس كدي اشوف لينا شوارع مدني ؟؟؟؟؟؟؟؟

ودأبوالعول

05-07-2009, 09:44 AM

من حق أىنسر أن يطير ولكن بعد أن يقف على رجلية ويكسية الريش تماما ثم يحاول الطيران عشان مايقع ويتكسر وبدل التحليق يبقى يعالج فى الرضوض ..

لكن محتار من الإعلام والمطبلاتية قادننا بالموضوع هذا وكأن الناقص المواطن طيارات ..قال مقدم البرنامج للمهندس يعنى ( صافات ) متى تكون جاهزة للمواطنيين للشراء ؟؟؟ لكنه نسى أن يساله سوف توزع على الدكاكين ولا السوبرماكت ..

Hibabakri

05-07-2009, 10:46 AM

اختراع جميل والسودان ماشي في تقدم &&&&&&
بس كدي اشوف لينا شوارع مدني ؟؟؟؟؟؟؟؟

يا الشايقية كلامك صاح مليون في المية، شوارع مدني بقت حاجة مخجلة خالص. تصنيع طائرات سودانية مفخرة لينا كلنا لكن كدي نخلص الأساسيات و نقبل ع الكماليات ... غايتو ربنا يسهل مفارقات غريبة :confused::o

محمد السر

06-07-2009, 04:07 AM

كان تبدا لينا بي ركشه يا مهدي

Badri

06-07-2009, 10:08 AM

أذكر عندما بدأ العمل في مدينة جياد الصناعية شكك البعض في نجاح المشروع ، وأخذوا ينفخون في دخــان الخيبة ، فبهتوا من روعة النجاح ، ونسوا أنه لا توجــد خطــوة عمــلاقة تصل بك ألي ماتريــده ، وأنما تحتاج ألي الكثير من الخطوات الصغيرة لتبلغ ما تريـد
فينس لومباردي الأمريكي دائما كان يقول (الفرق بين الناجح وغيره ليس نقص القوة أو المعرفة ، بل بالأحري هــو نقــص في جانب الأرادة )
وهنالك من قال (يملك بعضنا مدرجا جاهزا ليجري عليه ثم يقلع طائـرا ، اذا لم تملك مـدرجا مثله ، فعليك أن تعــرف أنهــا مسؤوليتك أن تمسـك معولا بيدك وتبدأ بتعبيد مدرج لك ، لكي تقلع ومن يتبعونك )

لك تحــــــــياتي
;);)