الحاصل شنو؟؟؟؟

[littlestar]

يا أخوانا ده كلام وين ده
أو نعمل شنو يعنى

السنه دى لما سألنا من العمره
قالو بتكلف خمسه أضعاف السنه الفاتت
ده طبعاً بعد ما خرجت من وزارة الأوقاف
وإتبنتها وكالات سفر سياحيه

ولو العمره كده يبقى الحج ح يكون كيف؟؟؟

[littlestar]

زووووول يفتينا الحاصل شنو؟؟؟

[ابوالنور]

زووووول يفتينا الحاصل شنو؟؟؟


تكوني طالبانا يا بتنا وربنا

[بت أم درمان]

زووووول يفتينا الحاصل شنو؟؟؟

من قال لا اعرف قد افتى
نحن معاك دايرين نفهم الحاصل شنو

ربنا يهون ليكم اذا ليكم نصيب بتعمرو

[:@ارجوان:@]

سلامات يا عسل
هي العمره ي للمقيمين جوا البلد بقت بي مبلغ وقدره يعني لو انتي عايشه في مدينه غير جده ومكه والمدينه المنوره حتدفعي دم قلبك لانو لو كنتو اسره معناها لازم تطلعو ضمن حمله والحمله دي لي كل فرد مبلغ سواء عايز يمشي يران او بي الباصات
بي الميته كدا لي كل فرد 800 ريال دل على حسب ما انا عمرتا رمضان الفات وي بي الميته فما تستغربي كتير الموضوع بقا تجاره ما عباده ربنا يقويكي يا عسل جمعي من حسه ولا اقول ليكي شهر العسل تعالي مكه

[littlestar]

تكوني طالبانا يا بتنا وربنا


بس خد بالك كده الحساب بيكتر
ونحن لسه داخلين على مصارف عمره وعرس
وكده ;)

[littlestar]

من قال لا اعرف قد افتى
نحن معاك دايرين نفهم الحاصل شنو

ربنا يهون ليكم اذا ليكم نصيب بتعمرو



اللهم آمين

والله ياريت لو حد يقدر يفتينا برضو ف الحاصل
ربنا يهون ويذلل الصعب

تسلمى كتير ياغاليه

[حاتم مرزوق]

سلامات يا عسل
هي العمره ي للمقيمين جوا البلد بقت بي مبلغ وقدره يعني لو انتي عايشه في مدينه غير جده ومكه والمدينه المنوره حتدفعي دم قلبك لانو لو كنتو اسره معناها لازم تطلعو ضمن حمله والحمله دي لي كل فرد مبلغ سواء عايز يمشي يران او بي الباصات
بي الميته كدا لي كل فرد 800 ريال دل على حسب ما انا عمرتا رمضان الفات وي بي الميته فما تستغربي كتير الموضوع بقا تجاره ما عباده ربنا يقويكي يا عسل جمعي من حسه ولا اقول ليكي شهر العسل تعالي مكه

ارجوان

100 ريال بس في الداخل يعني تركب بص من الرياض الي ميقات قرن المنازل وينتظرك البص لمن تحرم ويسوقك الي مكة وينزلك في فندق و تاني يوم يوديك المدينة المنورة وينزلك في فندق ويجيبك راجع الرياض تاني وكل ده بي مية ريال بس.

رايك شنو في الكلام دا؟

[:@ارجوان:@]

ارجوان

100 ريال بس في الداخل يعني تركب بص من الرياض الي ميقات قرن المنازل وينتظرك البص لمن تحرم ويسوقك الي مكة وينزلك في فندق و تاني يوم يوديك المدينة المنورة وينزلك في فندق ويجيبك راجع الرياض تاني وكل ده بي مية ريال بس.

رايك شنو في الكلام دا؟

والله دا كلام عجيب انا عن نفسي من الشرقيه دا اول شي تاني شي رمضان الفات عمرتا مع اهلي
تالت شي 100 ريال دي حيرموك اخر بلاد المسلمين عشان تصل الحرم تصلي الفجر تطلع من العشا او احتمال عشان كان رمضان ؟ الله اعلم

[اسعد عزرة]

زمان كان الحجاج ياتون مشيا من السنغال ونيجيريا والكاميرون وبقية الدول الافريقية
مرورا بالسودان في رحلة ربما تستغرق العام ونصف العام ومنهم من لا يقدر على مواصلة المشوار وفضل البقاء بالسودان وحتي هذة اللحظة توجد لهم بقايا حجاج امثال
حي الموردة وجزء من حي الدباغة وبالاصح الشارع العام جوار دوار كبري حنتوب
حتي اطررنا لعمل سينما خاصة بهم لحبهم للسينما وهذا دليل علي مرورهم بالسودان
فتخيل كيف كان الناس تشقي وتتعب شيبا وشبابا لزيارة بيت الله الحرام فالمثالة ليست ماسالة فلوس وعمرة بقدر ما هي عزيمة وقوة ايمان وكما يقولون اذا المنادي ناداك
فلا شي يوقفك لا فلوس ولاشركات سياحة ولكن كل من يحاول العمرة او الحج للاسف يفكر في فلوس التجارة من جدة قبل مصاريف العمرة فاتمني ان تكون كل زيارة خالصة لله وليس بقصد الاتجار والموضوع طويل جدا فالحج والعمرة لمن استطاع اليه سبيلا

[moh_alnour]

و الله يا نجمة ما طمنتيني خاااالص
الله يستر الكلام دا ما يكون صاح لأنو الوالد و الوالدة جائين عُمرة رمضان إن شاء الله السنة دي
و كمان حالتي قلتا ليهم ياريت تجيبوا معاكم أخر العنقود
خمسة أضعاف ؟ ! ؟ دي معناها رسوم حج سياحي عدييل كدا :(
يا ريت العارف حاجة يفتينا في الموضوع دا فحسب علمي من زماااان موضوع العُمرة دي
بتقوم بيهو الوكالات بالتنسيق مع وزارة الحج و الأوقاف و العُمرة
وين سمر بت طه و تيسير عشان يفتونا في الموضوع دا ؟

[:@ارجوان:@]

والله عندي ليكم اخبار نهائي ما كويسه احتمال ما يستقبلو حجاج السنه دي عشان النفلونزا الخنازير وفتا فيها مفتي الجمهوريه المصريه انو يجوز ايقاف الحج مدام في صالح البشريه
فبي التالي اكيد العمره في رمضان حتكون على نفس الوتيره خاصه انو من شرق اسيا الحجاج والمعتمرين بيكونو كتار جدا

ان شاء الله الخبر ما يكون صحيح وتعمري يا لتيل وجيب ماما وبابا يا استاذ محمد

[بت أم درمان]

والله عندي ليكم اخبار نهائي ما كويسه احتمال ما يستقبلو حجاج السنه دي عشان النفلونزا الخنازير وفتا فيها مفتي الجمهوريه المصريه انو يجوز ايقاف الحج مدام في صالح البشريه
فبي التالي اكيد العمره في رمضان حتكون على نفس الوتيره خاصه انو من شرق اسيا الحجاج والمعتمرين بيكونو كتار جدا

ان شاء الله الخبر ما يكون صحيح وتعمري يا لتيل وجيب ماما وبابا يا استاذ محمد

والله اخبارك كعبة عديل يا ارجوان يا اختي
بس جد ناس شرق اسيا بكونو اكتر حجاج ومعمرين
يعني اذا منعوهم بكون احسن من امنعو الجميع
او اذا شافو اكتر الاصابات من اي بلد وبكدا يحددو
لكن مش في فحوصات وشهادات صحية قبل السفر والدخول للسعودية
اها المنع دا بكون ما منطقي ابدا
غايتو ربنا يهون للناس

[سامية عباس]

والله حسب علمنا من مصادر صحفية انو ح يكون في تخفيض في رسوم العمرة لهذا العام بجانب إلغاء مبلغ التأمين على المعتمرين
http://www.alwatansudan.com/index.php?type=3&id=1771

إن شالله تجدو إفادة في هذا الرابط

وربنا يجعل لينا وللجميع نصيب في عمرة هذا العام

[moh_alnour]

مشكوووووورة صحفيتنا و أديبتنا مريم الأخرى
ونتمنى أن يكون ما ورد في صحيفة الوطن من تصريحات هي الحقيقة
و أن نراها واقعا ً ملموسا ً
وربنا يسهل للجميع زيارة بيته الكريم معتمرين و حُجاج

[محمد حسين (المميز)]

لو قالو ليكم 100 يبقى 700

قروشنا زي مواعيدنا

ماتحسبو وخلوها على الله

لانه لو جبتوها كده تجيكم كده

:( :( :(

[مدنيّة]

والله عندي ليكم اخبار نهائي ما كويسه احتمال ما يستقبلو حجاج السنه دي عشان النفلونزا الخنازير وفتا فيها مفتي الجمهوريه المصريه انو يجوز ايقاف الحج مدام في صالح البشريه
فبي التالي اكيد العمره في رمضان حتكون على نفس الوتيره خاصه انو من شرق اسيا الحجاج والمعتمرين بيكونو كتار جدا



يا:@ارجوان:@
عندي نفس الاحساس دا

غايتو ربنا يرفع البلاء من العالم

[littlestar]

سلامات يا عسل
هي العمره ي للمقيمين جوا البلد بقت بي مبلغ وقدره يعني لو انتي عايشه في مدينه غير جده ومكه والمدينه المنوره حتدفعي دم قلبك لانو لو كنتو اسره معناها لازم تطلعو ضمن حمله والحمله دي لي كل فرد مبلغ سواء عايز يمشي يران او بي الباصات
بي الميته كدا لي كل فرد 800 ريال دل على حسب ما انا عمرتا رمضان الفات وي بي الميته فما تستغربي كتير الموضوع بقا تجاره ما عباده ربنا يقويكي يا عسل جمعي من حسه ولا اقول ليكي شهر العسل تعالي مكه



تسلمى كتير يا عثــــــــــل
للإهتمام بالموضوع
وفعلاً الحكايه بقت أكتر من تجاره
يعنى الدين بيقول إنو "الناس سواسيه كأسنان المشط"

لكن حتى عند المشعر الحرام
بتلاقى التفاوتات والطبقات
بدءاً بالأجناس
وإنتهاء بحجم إستطاعتك
وبتكون ملحوظه بالجد
فى أيام الحج

ونحن السودانيين كمان ما مقصرين
نعجبك ف الإسثناءات دى
يعنى حاج الخرطوم
غير حاج القضارف
غير حاج دارفور
غير حاج بوتسودان

ده طبعاً غير
أنواع الحج
السياحى والمميز
وال مابعرفو شنو
يعنى بيسهلوها لناس
ويشلهتوها على ناس
وعندك قرش بتسوى قرش
وياسبحان الله
نسأل الله الهداية

وتسلمى ياستى للإفاده
لكن أنا بسال بالضبط عن رسوم السنه دى
لأنو السنين الفاتت ما كانت كده

تلويده:
الشهر العسل ده لقدام شويه
نحن بنسال عن حسه ;)

[littlestar]

ارجوان

100 ريال بس في الداخل يعني تركب بص من الرياض الي ميقات قرن المنازل وينتظرك البص لمن تحرم ويسوقك الي مكة وينزلك في فندق و تاني يوم يوديك المدينة المنورة وينزلك في فندق ويجيبك راجع الرياض تاني وكل ده بي مية ريال بس.

رايك شنو في الكلام دا؟



أستاذنا القدير حاتم مرزوق

شكراً للإفادة

لكن أعتقد أن الأخت أرجوان
تقصد التفويج ضمن وكالة مختصة

والله أعلم

[littlestar]

والله دا كلام عجيب انا عن نفسي من الشرقيه دا اول شي تاني شي رمضان الفات عمرتا مع اهلي
تالت شي 100 ريال دي حيرموك اخر بلاد المسلمين عشان تصل الحرم تصلي الفجر تطلع من العشا او احتمال عشان كان رمضان ؟ الله اعلم



بالضبط كده
مش بقولك الشغله بقت عباره عن ماديات بحته

نسال الله العافية

[littlestar]

زمان كان الحجاج ياتون مشيا من السنغال ونيجيريا والكاميرون وبقية الدول الافريقية
مرورا بالسودان في رحلة ربما تستغرق العام ونصف العام ومنهم من لا يقدر على مواصلة المشوار وفضل البقاء بالسودان وحتي هذة اللحظة توجد لهم بقايا حجاج امثال
حي الموردة وجزء من حي الدباغة وبالاصح الشارع العام جوار دوار كبري حنتوب
حتي اطررنا لعمل سينما خاصة بهم لحبهم للسينما وهذا دليل علي مرورهم بالسودان
فتخيل كيف كان الناس تشقي وتتعب شيبا وشبابا لزيارة بيت الله الحرام فالمثالة ليست ماسالة فلوس وعمرة بقدر ما هي عزيمة وقوة ايمان وكما يقولون اذا المنادي ناداك
فلا شي يوقفك لا فلوس ولاشركات سياحة ولكن كل من يحاول العمرة او الحج للاسف يفكر في فلوس التجارة من جدة قبل مصاريف العمرة فاتمني ان تكون كل زيارة خالصة لله وليس بقصد الاتجار والموضوع طويل جدا فالحج والعمرة لمن استطاع اليه سبيلا




أول شى مرحبتين أخى أسعد
أنك تكون معانا وفى وسطينا
ولى عظيم الشرف إنو تكون اولى مشاركاتك
من حظ البوست ده

أخى أسعد
نحن ما قلنا شى
فى سبيل الله نزكى بالغالى والنفيس
حتى أنفسنا
ومن يفعل ذلك له حظ عظيم فى الدنيا والآخره
وهو عند الله من الفائزين

قصدى من الموضوع كلو
أنو بقو يصعبوها على الناس شديد
والمواطن يجيب من وين ولآ من وين؟؟؟
وبعدين نشوفا من بعد تانى شويه
للأسف بنلاقى دايماً إنو الوضعو بسيط
بيكون عايز يرضى وجه الله تعالى
بأى طريقه
وبيكون حلم عمرو إنو يمشى بيت الله الحرام
وال عندو اموال مكدسه
بيكون ما عارف يوديها وين ولا عايز يزكى عنها حتى

طبعاً دى ما قاعدة ثابته
لكن تقدر تقول ده الغالب الأعم

ومشكور كتير والله

[littlestar]

و الله يا نجمة ما طمنتيني خاااالص
الله يستر الكلام دا ما يكون صاح لأنو الوالد و الوالدة جائين عُمرة رمضان إن شاء الله السنة دي
و كمان حالتي قلتا ليهم ياريت تجيبوا معاكم أخر العنقود
خمسة أضعاف ؟ ! ؟ دي معناها رسوم حج سياحي عدييل كدا :(
يا ريت العارف حاجة يفتينا في الموضوع دا فحسب علمي من زماااان موضوع العُمرة دي
بتقوم بيهو الوكالات بالتنسيق مع وزارة الحج و الأوقاف و العُمرة
وين سمر بت طه و تيسير عشان يفتونا في الموضوع دا ؟






والله ياود الجاك
الله يكضب الشينه
لكن ده ال وصلنا من السؤال
وعشان أطمنك شويه
هى ما خمسه أضعاف خمسه أضعاف يعنى
السنه الفاتت كان المعتمرين بالباخرة بيكلفهم فى حدود الـ 750 جنيه (بالجديد)
الحين لما سألنا قالو بتكلف 2,600 جنيه (وبالجديد برضو)
وإنو المسؤله عن التفويج مسئولية مباشرة هى وكالات السفر

غايتو ربنا يهونها
ويقدرك تعمر ناس بيتكم
وتحججهم كمان

همسة آخر السطر:
إن شاء الله تكون عمرة
وحضور مناسبه سعيده قرييييب ;)

[littlestar]

والله عندي ليكم اخبار نهائي ما كويسه احتمال ما يستقبلو حجاج السنه دي عشان النفلونزا الخنازير وفتا فيها مفتي الجمهوريه المصريه انو يجوز ايقاف الحج مدام في صالح البشريه
فبي التالي اكيد العمره في رمضان حتكون على نفس الوتيره خاصه انو من شرق اسيا الحجاج والمعتمرين بيكونو كتار جدا

ان شاء الله الخبر ما يكون صحيح وتعمري يا لتيل وجيب ماما وبابا يا استاذ محمد



الله يطمنك يا أرجوان
ده خبر بالله
الله يستر علينا بس
وإن شاء الله ما يتطبق

عشان لو حصل
فى باب من أبواب الرحمة بيتقفل
وما ننسى إنو ف السنين الفاتت
كانت فى أمراض برضو مستشريه
زى السارس وحمى الضنك
وغيرها
ومافى كلام من ده حصل

غايتو
نسأل الله
أن يرفع عنا البلاء

[littlestar]

والله عندي ليكم اخبار نهائي ما كويسه احتمال ما يستقبلو حجاج السنه دي عشان النفلونزا الخنازير وفتا فيها مفتي الجمهوريه المصريه انو يجوز ايقاف الحج مدام في صالح البشريه
فبي التالي اكيد العمره في رمضان حتكون على نفس الوتيره خاصه انو من شرق اسيا الحجاج والمعتمرين بيكونو كتار جدا

ان شاء الله الخبر ما يكون صحيح وتعمري يا لتيل وجيب ماما وبابا يا استاذ محمد




لكن طالما الفتوى من المصريين
أى حاجه أصدقها منهم

[littlestar]

والله اخبارك كعبة عديل يا ارجوان يا اختي
بس جد ناس شرق اسيا بكونو اكتر حجاج ومعمرين
يعني اذا منعوهم بكون احسن من امنعو الجميع
او اذا شافو اكتر الاصابات من اي بلد وبكدا يحددو
لكن مش في فحوصات وشهادات صحية قبل السفر والدخول للسعودية
اها المنع دا بكون ما منطقي ابدا
غايتو ربنا يهون للناس




بالمناسبه
حتى المنع ده ما بيكون فى صالح السلطه السعودية
عشان كده أكيد ده بيكون آخر الحلول

وقولو
إن شاء الله الفتوى دى ما تكون صحيحة وتتحقق

[littlestar]

والله حسب علمنا من مصادر صحفية انو ح يكون في تخفيض في رسوم العمرة لهذا العام بجانب إلغاء مبلغ التأمين على المعتمرين
http://www.alwatansudan.com/index.php?type=3&id=1771

إن شالله تجدو إفادة في هذا الرابط

وربنا يجعل لينا وللجميع نصيب في عمرة هذا العام



الغالية مريم الأخرى
مشكورة جداً للتقصى والسؤال والمشاركة

لكن ما خرجت به من هذا المقال
أنه يتحدث عن موسم العمرة سابقاً
فقد أردج التاريخ 1427هـ ونحن الآن فى العام 1430 هـ
كما انه إستخدم العملة القديمة من الجنيه السودانى

فأرجو إفادتى وتصويبى
إن كان مفهومى خطأ

[سامية عباس]

الغالية مريم الأخرى
مشكورة جداً للتقصى والسؤال والمشاركة

لكن ما خرجت به من هذا المقال
أنه يتحدث عن موسم العمرة سابقاً
فقد أردج التاريخ 1427هـ ونحن الآن فى العام 1430 هـ
كما انه إستخدم العملة القديمة من الجنيه السودانى

فأرجو إفادتى وتصويبى
إن كان مفهومى خطأ



الحبيبة littlestar

آسفة جدا جدا للخطأ الغير مقصود يمكن نتيجة للأرهاق جد والله كنت مرهقة
جدا لحظة نزلتا المشاركة و لم انتبه للتأريخ ولا للعملة مع ملاحظة ان هناك
خطأ ايضا في التأريخ النازل بيه الخبر في الصحيفة آسفة مرة اخرى ....
تقبلي اعتذاري وشكري على التصويب .

[littlestar]

الحبيبة littlestar

آسفة جدا جدا للخطأ الغير مقصود يمكن نتيجة للأرهاق جد والله كنت مرهقة
جدا لحظة نزلتا المشاركة و لم انتبه للتأريخ ولا للعملة مع ملاحظة ان هناك
خطأ ايضا في التأريخ النازل بيه الخبر في الصحيفة آسفة مرة اخرى ....
تقبلي اعتذاري وشكري على التصويب .





مشكورة أختى الغالية جداً
والصحفية المتميزة المتمرسه
على كل هذا الإهتمام والمتابعه

[littlestar]

ومازال التساؤل قائماً

الحاصل شنو؟؟؟!
وتبرير الحكايه دى شنو؟؟؟