***سودانى كمان وكمان ....حصل قبل شويه ***

[العاقب مصباح]

قبل نصف ساعة تقريبا

طرق احدهم باب غرفتى

فتحت الباب ويا رب يكون خير

وجدته شخصا قطريا يسألنى :-

:- فلان موجود ؟
:- ما متأكد والله شوف غرفته ..
:- فى الغرفة مافى ...
:- انت ما شفته اليوم او قابلته..
:- لا والله انا اصلا ما قاعد اقابله الا مرة مرة وبالصدفة...
عرفنى بنفسه :-
***انا صاحب الفيلا دى....لمن يجى آخر الشهر اتصل على عشان تدينى الايجار مباشرة وما تديهو لى فلان ؟؟؟
:-ليه خير الحاصل شنو ؟؟؟؟؟
:- الزول دا ليهو اسبوعين اخد الايجار وما جابو لى..
وما بيرد على تلفونى...
:- سودانى الزول دا ؟؟؟
:- ايوه سودانى ...
:- مش هو على كفالتك؟؟
:- لا والله هو شغال مع صديقى ...وقال عايز يسكن...اديته غرفة مجانا ...وقلت ليهو حصل لى معاك الايجار...بعد كم شهر لم حق الايجار واختفى...
:- طيب مش هو على كفالة صديقك؟؟
:- لا صديقى قال شغال معاهو بدون نقل كفالة وبرضو غاب منه ليهو فترة...
:- لا حول ولا قوة الا بالله...
:- خيرا تعمل شرا تلقى ...
:- عليك الله لو جاء ولا شفته رن على...
:- ان شاء الله اتصل عليك عديل خليها الرنة...
:- بارك الله فيك
اخذت رقم التلفون
وودعنى ومضى الى حال سبيله..
ومضيت انا الى حال حسرتى...
لماذا يحدث كل هذا
تقطع اليد التى قدمت لك العون والمساعدة....
الى اى حد تشوه صورتنا تلك الامثلة ؟؟؟؟

همسه :- لم اجلس مع ذلك الشخص السودانى مع ان غرفته مواجهة بغرفتى ولا تبعد عنها اكثر من متر ونصف المتر....ولم اعرف عنه شيئا....فقط استمع دائما الى الاغانى الاثيوبية تنطلق من جهاز تلفزيونه مما جعلنى اشك فى سودانيته ....
رأيكم شنو ؟؟

[الجندي المجهول]

قبل نصف ساعة تقريبا

طرق احدهم باب غرفتى

فتحت الباب ويا رب يكون خير

وجدته شخصا قطريا يسألنى :-

:- فلان موجود ؟
:- ما متأكد والله شوف غرفته ..
:- فى الغرفة مافى ...
:- انت ما شفته اليوم او قابلته..
:- لا والله انا اصلا ما قاعد اقابله الا مرة مرة وبالصدفة...
عرفنى بنفسه :-
***انا صاحب الفيلا دى....لمن يجى آخر الشهر اتصل على عشان تدينى الايجار مباشرة وما تديهو لى فلان ؟؟؟
:-ليه خير الحاصل شنو ؟؟؟؟؟
:- الزول دا ليهو اسبوعين اخد الايجار وما جابو لى..
وما بيرد على تلفونى...
:- سودانى الزول دا ؟؟؟
:- ايوه سودانى ...
:- مش هو على كفالتك؟؟
:- لا والله هو شغال مع صديقى ...وقال عايز يسكن...اديته غرفة مجانا ...وقلت ليهو حصل لى معاك الايجار...بعد كم شهر لم حق الايجار واختفى...
:- طيب مش هو على كفالة صديقك؟؟
:- لا صديقى قال شغال معاهو بدون نقل كفالة وبرضو غاب منه ليهو فترة...
:- لا حول ولا قوة الا بالله...
:- خيرا تعمل شرا تلقى ...
:- عليك الله لو جاء ولا شفته رن على...
:- ان شاء الله اتصل عليك عديل خليها الرنة...
:- بارك الله فيك
اخذت رقم التلفون
وودعنى ومضى الى حال سبيله..
ومضيت انا الى حال حسرتى...
لماذا يحدث كل هذا
تقطع اليد التى قدمت لك العون والمساعدة....
الى اى حد تشوه صورتنا تلك الامثلة ؟؟؟؟

همسه :- لم اجلس مع ذلك الشخص السودانى مع ان غرفته مواجهة بغرفتى ولا تبعد عنها اكثر من متر ونصف المتر....ولم اعرف عنه شيئا....فقط استمع دائما الى الاغانى الاثيوبية تنطلق من جهاز تلفزيونه مما جعلنى اشك فى سودانيته ....
رأيكم شنو ؟؟

اخونا العاقب المصباح
تحياتي واشاواقي

حتى لا ندفن رؤوسنا في الرمال وتكون الحقيقة واضحة للعيان
1/ التعامل مع السوداني بقى صعب إلا في حالة انك شخص بتعرفه من زمان
2/ الناس اتغيرت خالص وليس السوداني بتلك الصفات التي تركها الاباء ( ليس الجميع طبعا ) ولكن كمية لا بأس بها .
3/ انا الان بعرف شخص سعودي معرفة شخصية ( في سوداني ولكن لا اعرفه ) اخذ منه كمية كبيرة من المال للاستثمار ولما يرجعها للان وخبره مفقود
4/ عيب هذا الذي يحدث
5/ والله والله والله عيب
6/ بالنسبة للاغاني الاثيوبية ( ودا كلاموا براهو ) وشاء البعض ام ابا بقت موضة تلقى السوداني مرتبط بحبشية وكانه شي عادي ( ولا حول ولاقوة الا بالله )
7/بقدر ما بكره ثورة الانقاذ بقدر ما شكرتها في بدايتها للحفاظ على الشارع العام والان اكرهها اكثر لانها فكت (اللعب) عديل كدا واخير زمان وعيب يا سودانين عيب يا اخوان فاطمة ....
والله يهدي الجميع ،،،،

تخريمة --------------
من الاخر كدا انحجنا المصايب البتجينا في السودان دي من مشاكل قبلية وحروب اهلية واكامبو وعصابة الانقاذ وغلا الاسعار ومش عارف ايه كله بسبب الابتعاد عن كتاب الله وسنة نبيه الكريم سيدنا محمد (صلى الله عليه وسلم ) .

[أبوريلان]

نقول ليك شنو يالعاقب أخوي الشغلة كترت شديد
لكن أصابع اليد ما بتتشابه .

[أزاهير]

يا أخوي خليك في حالك يعني خلاص القطريين العندهم زمه خليهو يحل مشكلتو مع السوداني بنفسو وخليك في حالك ، أنت في غربه لو ما قدرت تقيف مع السوداني خليك بعيد والناس اسرار

[esmat]

تصادف في اليوم اكثر من هؤلاء
لايمر يوم إلا يتلوث الهواء
ننظر إلى ن سبقونا ونتحسر على من نرى الان
فقدوا كل شيء إلا كرامتهم وعزة البلد
تثق فيهم بدون تردد
اما الان
تلوث الهواء نتمنى أن نعود إلى المنزل
من دون استنشاق الرائحة

[خطاب العبيد]

الاخ العزيزالعاقب كيف الحال الموضوع ده محتاج لنظرة تانية نظرةجادة
هى ليها اسباب واهمهاانعدام الوازع الدينى فى قلوب الناس
لكن هذه الظاهرة انتشرت فى السنين الاخيرة الماضية فى صفوف السودانيين بصفة خاصةلماكان معروف عنهم من حسن الخلق والشهامة وإثارالنفس
الان انت سودانى وحاجة ماسة للمساعدة وجنبك سودانى ينظرلك مثل باقى الجنسيات
وينصب عليك انت السودانى زيو .

من المفترض يكون هناك مساحة اكبرلهذا الموضوع ويتم مناقشته من شت الزواياويشارك فيه كل الاعضاء لانه موضوع يمس كل السودانين والسودانيات داخل وخارج الوطن .

دمت الاخ الكريم على طرحك المواضيع الجادة

[حاتم مرزوق]

ايها الأحبة

ليس بعد.

وحتي لا نسبق الأحداث

فالرأي عندي ان تنتظر حتي تقابل الشخص المعني اخي عقبة و تسمع منه ، ربما هناك ظروف منطقية منعته من توصيل الأمانة لا سيما انك لم تقابله منذ فترة.

نسأل الله ان لا يخزينا في عزيز من بني جلدتنا.

[تغريد]

كمان ما ننسي يا عاقب في كتيير من الجنسيات الافريقية الاخري بتتسلبط في السودانيييييييييييين وبيقولوا هم سودانيين وهم لا كدا ولا شافوا السودان وانا ثقتي في السوداني أكتر من كدا والله



ما أظن الزول دا سوداني ولو سوداني أحتمال يكون حصل ليهو ظرف أخروا وربنا يجيب العواقب سليمة

[العاقب مصباح]

اخونا العاقب المصباح
تحياتي واشواقي
حتى لا ندفن رؤوسنا في الرمال وتكون الحقيقة واضحة للعيان
1/ التعامل مع السوداني بقى صعب إلا في حالة انك شخص بتعرفه من زمان
2/ الناس اتغيرت خالص وليس السوداني بتلك الصفات التي تركها الاباء ( ليس الجميع طبعا ) ولكن كمية لا بأس بها .
3/ انا الان بعرف شخص سعودي معرفة شخصية ( في سوداني ولكن لا اعرفه ) اخذ منه كمية كبيرة من المال للاستثمار ولما يرجعها للان وخبره مفقود
4/ عيب هذا الذي يحدث
5/ والله والله والله عيب
6/ بالنسبة للاغاني الاثيوبية ( ودا كلاموا براهو ) وشاء البعض ام ابا بقت موضة تلقى السوداني مرتبط بحبشية وكانه شي عادي ( ولا حول ولاقوة الا بالله )
7/بقدر ما بكره ثورة الانقاذ بقدر ما شكرتها في بدايتها للحفاظ على الشارع العام والان اكرهها اكثر لانها فكت (اللعب) عديل كدا واخير زمان وعيب يا سودانين عيب يا اخوان فاطمة ....
والله يهدي الجميع ،،،،

تخريمة --------------
من الاخر كدا انحجنا المصايب البتجينا في السودان دي من مشاكل قبلية وحروب اهلية واكامبو وعصابة الانقاذ وغلا الاسعار ومش عارف ايه كله بسبب الابتعاد عن كتاب الله وسنة نبيه الكريم سيدنا محمد (صلى الله عليه وسلم ) .


الاخ الجندى المجهول
تحية مباركة من عند الله
رسلت ليك كمية شوق فى رسائل زوار لكن شكلك ما عرفتها
حمد الله على سلامة طلتك
وما تنقطع
اخى الجندى طرقت هذا الباب لكثرة ما يحدث فى الفترة الاخيرة
والسودانى الذى كان امينا طول الفترة السابقة اصبح فى محل شك وريبة
وهذا ما لا نرضاه لشعبنا
ولا لأبناء جلدتنا
والمشكلة يا الجندى اخوى فى نوع بتعرفه معرفة شخصية وبرضو تحصل ليك منه مصائب
غايتو ربنا يحفظ السودان واهله من المحن
والحل فى الدين كما اسلفت
بعدنا عن الدين هو ما يدعونا لأرتكاب كل تلك الجرائم...
وتنتفى صفة الايمان عند من يقوم بها...
لأن الرسول صلى الله عليه وسلم قال ((لا يسرق السارق حين يسرق وهو مؤمن ...الى اخر الحديث...
لك مودتى واحترامى اخى الجندى المجهول

[العاقب مصباح]

نقول ليك شنو يالعاقب أخوي الشغلة كترت شديد
لكن أصابع اليد ما بتتشابه .


فعلا يا ياسر اخوى
يوجد الصالح والطالح
ولكن يجب علينا التنبيه والتذكير ولو بين فينة واخرى لأشياء تمسنا كشعب عُرف بصفات الامانة والصدق دهرا ...ولا نسمح بمسح كل تلك الصورة
مع محبتى

[العاقب مصباح]

يا أخوي خليك في حالك يعني خلاص القطريين العندهم زمه خليهو يحل مشكلتو مع السوداني بنفسو وخليك في حالك ، أنت في غربه لو ما قدرت تقيف مع السوداني خليك بعيد والناس اسرار


اختى ازاهير
المشكلة ليست مشكلة وقوف مع اخيك ظالما او مظلوما
المشكلة ان هنالك من سيتضرر مستقبلا من مثل هذه الافعال
عندما تنعدم الاخلاق من امة فهى امة ليس حريا بها يُطلق عليها اُمة
ولست هنا فى مكان للدفاع عن القطريين او غيرهم من الشعوب
إنما هى محاولة لوجود علاج ناجع لتلك المشكلات التى تؤرقنا
والقانون هنا لا يرحم
وسيأتون بك سيأتون بك ليس هنالك جدال فى ذلك
ماذا ستكون العواقب فى ذلك
دخول هذا الشخص للسجن
ربما تكون عليه التزامات من سيقوم بها
وهل سيشعر بإطمنان ذلك الشخص فى حياته طالما انه سارق وخائن
بالتأكيد فعله لم يعجبنى
بل اصابنى بتوجع
نعم هو اخى
ولكن لن اسمح لأخى ان يكون لصا واتستر عليه
ليس هكذا تعملنا
اتمنى ان يُقبض عليه
لينال جزاءه
ولو كل شخص رأى شيئا معيبا ووقف فى حاله اتدرين ما العواقب...
مع خالص احترامى لرأيك ...

[العاقب مصباح]

تصادف في اليوم اكثر من هؤلاء
لايمر يوم إلا يتلوث الهواء
ننظر إلى ن سبقونا ونتحسر على من نرى الان
فقدوا كل شيء إلا كرامتهم وعزة البلد
تثق فيهم بدون تردد
اما الان
تلوث الهواء نتمنى أن نعود إلى المنزل
من دون استنشاق الرائحة


صدقت اخى عصمت فيما اوردت من تلوث
نُريد ان نحافظ على سمعة بلدنا نقية كما ورثناها
بيضاء تسُر الناظرين
لو لم يكن هذا الشخص القطرى يثق فى السودانيين اكان يسمح له بأن يجمع ايجار فيلته او ان يسمح له حتى بالسكن مجانا فى غرفة خاصة به...
لماذا اندثر الوفاء
فى السعودية كما سمعت وقرأت ان اكثر الجرائم يقوم بها السودانيون
سواء خمور او دعارة او سرقة...
وقرأنا تعليقاتهم على تلك المواضيع
كلنا تألمنا
اتمنى ان لا يُصبح حالنا كحال البنغالة فى السعودية
لك مودتى اخى عصمت

[العاقب مصباح]

الاخ العزيزالعاقب كيف الحال الموضوع ده محتاج لنظرة تانية نظرةجادة
هى ليها اسباب واهمهاانعدام الوازع الدينى فى قلوب الناس
لكن هذه الظاهرة انتشرت فى السنين الاخيرة الماضية فى صفوف السودانيين بصفة خاصةلماكان معروف عنهم من حسن الخلق والشهامة وإثارالنفس
الان انت سودانى وحاجة ماسة للمساعدة وجنبك سودانى ينظرلك مثل باقى الجنسيات
وينصب عليك انت السودانى زيو .
من المفترض يكون هناك مساحة اكبرلهذا الموضوع ويتم مناقشته من شتى الزوايا و يشارك فيه كل الاعضاء لانه موضوع يمس كل السودانين والسودانيات داخل وخارج الوطن .
دمت الاخ الكريم على طرحك المواضيع الجادة


الاخ الرائع خطاب العبيد
للأسف اصبح كثيرا من السودانيين اصبحوا كأنهم فى غابة يأكلون بعضهم ولا يرحمون ولا ويتراحمون ضعف الاخلاق ...وحب المال وحب الدنيا انساهم الكثير من الصفات النبيلة التى تميزنا عن غيرنا...
اصبحت السجون ممتلئة بالسودانيين... لا مجاملة ولا ترضية ...المذنب يتعاقب...
غير ان هذا لا ينفى الخير الكثير الموجود فينا كسودانيين ....وعلى كثرة ما لحق بنا من تصرفات بعضنا....الا ان ما يضيفونه بعض الرائعين ايضا يضيفون روعة لأبناء البلد...هنالك خصم من ارصدتنا الاخلاقية... وايضا هنالك إضافة لها ....
نسأل الله الستر...والمعافاة فى الدينا والاخرة...
خالص محبتى عمى خطاب

[العاقب مصباح]

ايها الأحبة
ليس بعد.
وحتي لا نسبق الأحداث
فالرأي عندي ان تنتظر حتي تقابل الشخص المعني اخي عقبة و تسمع منه ، ربما هناك ظروف منطقية منعته من توصيل الأمانة لا سيما انك لم تقابله منذ فترة.
نسأل الله ان لا يخزينا في عزيز من بني جلدتنا.


اخى العزيز حاتم مرزوق
لا اظن ان بالامكان مقابلة ذلك الشخص.... لأنى لا اعرف غير اسمه ... من الطريف اخى حاتم ان ذلك الشخص حينما قمنا بإستئجار تلك الغرفة منه لم يقل انه مفوض من صاحب الامر بل قال انه صاحب مكتب تأجير وبالتالى يجب علينا ان ندفع له ايضا نصف شهر غير الاجرة حسب النظام السائد...
وحينما نتقابل نكتفى بالسلام من بعيد...
اتمنى ان اقابله ولو صدفة.... لأعرف منه اكثر...
إن كنا ظلمناه فسأعتذر له هنا علنا ....
مع خالص احترامى

[العاقب مصباح]

كمان ما ننسي يا عاقب في كتيير من الجنسيات الافريقية الاخري بتتسلبط في السودانيييييييييييين وبيقولوا هم سودانيين وهم لا كدا ولا شافوا السودان وانا ثقتي في السوداني أكتر من كدا والله
ما أظن الزول دا سوداني ولو سوداني أحتمال يكون حصل ليهو ظرف أخروا وربنا يجيب العواقب سليمة




فعلا اختى تغريد تشابه الجنسيات الاخرى مع السودانيين ادى الى انتحال صفتنا فى احايين كثيرة....نجد بعض السحنات هنا نظنهم سودانيين....طريقة لبسهم تُشككنا فيهم...ولن تستطيع التعرف على جنسيته الا بعد ان يتكلم معك....
اتمنى ان يكون لهذا الشخص ظروف اخرى غير الهروب....واتمنى ان لا يكون سوادنيا بالمرة إن كان متعمدا ذلك....
لك خالص احترامى

[ابراهيم]

سلامات يا عقوبة
نصف ساعة زمن وجيز جداً لتحري الخبر
إشمعنا تصدق القطري وتشك في السوداني
وانت حسب كلامك ما بتعرفهم الاتنين؟؟
الشي التاني السترة سمحة والله وبالاخص في الغربة
حاجة اخيرة
انا بحب سماع الموسيقى الاثيوبية ومشاهدة التلفزيون الاثيوبي
هل مشكوك في سودانيتي!!؟

ابقى عافية يا صديق

[صديق بلال]

همسه :- لم اجلس مع ذلك الشخص السودانى مع ان غرفته مواجهة بغرفتى ولا تبعد عنها اكثر من متر ونصف المتر....ولم اعرف عنه شيئا....فقط استمع دائما الى الاغانى الاثيوبية تنطلق من جهاز تلفزيونه مما جعلنى اشك فى سودانيته ....
رأيكم شنو ؟؟


شكك في محله.. لإنو غالب المغتربين يحنون كثيرا لبلادهم فدائما تلاقيهم يستمعوا لكك ما يذكرهم بوطنهم.. بمعنى آخر دايما تلاقي المغترب يحن بأي شئ يذكره ببلده.. ولا أنا غلطان يا جماعة..

[محمد حسين (المميز)]

واللـــه دي مشكله

انشالله بس يكون مظلوم

نحن ما ناقصيــن فضايح

ما تقول لي كمان قطركم القدر مدني دي :p

بكره الخبر تلقوهو موزع :D

الله يستر عالجميــــع ,,,

[ابوالنور]

ايها الأحبة

ليس بعد.

وحتي لا نسبق الأحداث

فالرأي عندي ان تنتظر حتي تقابل الشخص المعني اخي عقبة و تسمع منه ، ربما هناك ظروف منطقية منعته من توصيل الأمانة لا سيما انك لم تقابله منذ فترة.

نسأل الله ان لا يخزينا في عزيز من بني جلدتنا.
احترااااااااااااااااااااااماتي

[محمد الجزولى]

صديقى العاقب
اتألم كثيرا عندما اسمع مثل هذه الاشياء
الواحد كان بفتخر بى سودانيتو
وكان لما يسمع كلمة زول كأنو ملك الدنيا
الحال اتغير يا صديقى
وبقينا نسمع كثير من المأسى والفضائح
غايتو ربنا يصلح الحال
ونرجع تانى نغنى ونقول
لو ماجيته من زى ديل
كان وا اسفاى وا مأساتى وا ذلى
دمت بكل ود صديقى الصدوق ود المصباح

[خطاب العبيد]

الاخوان الكرام وبالاخص الاخت الكريمة تغريد كل الودوالاحترام
نحن ايضاًسودانيين والكلام البتقال عن السودانين والسودان حتى لوكان مجردكلام فقط بأثرفيناولكن الغربة والاحتكاك بالناس من كل الجنسيات ومعشرتهم بصفة يومية حتى السودانيين بتوريك معادن الناس واخلاقهم وفهمهم فى الحياة , عشان كدا بتظهرمن وقت الى اخرنوعية من الناس بتخرب على الاخرين مثلا بقولونو المصرين كذكذكذكذلكن هل دا بدل على ان كل المصريين سيئين طبعالالكن فى فئةمنهم شوهت سمعة الاخرين لهذانحن كسودانين حتى لوكانت هذه ظاهرة ونتمنى ذلك وحتختفى لازم يوضع لهاحدباى طريقة مهماكان التمن .
ابسط مثال زمان السودانى كلمتوبمثابة عقدموثق الان ادخل اى سوبرماركت تلقى كل العاملين بتابعوك بنظرهم وداان دل انمايدل على انوفى زمرة دنست سمعة الباقين


ختاماً لكم كل تقديرى واحترامى
ويبقى هذامجرد راى ووجهة نظر ولكم العتبى حتى ترضوإذااساءت اى احد

[صديق بلال]

اخونا العاقب المصباح

تخريمة --------------
من الاخر كدا انحجنا المصايب البتجينا في السودان دي من مشاكل قبلية وحروب اهلية واكامبو وعصابة الانقاذ وغلا الاسعار ومش عارف ايه كله بسبب الابتعاد عن كتاب الله وسنة نبيه الكريم سيدنا محمد (صلى الله عليه وسلم ) .


صدقت يا أخي الفاضل.. بأن كتاب الله وسنة رسوله الكريم صلى الله عليه وسلم هو سيبل النجاة الوحيد لنا.

[ودمهدي]

نعيب زمانا والعيب فينا وما لزمانا عيب سوانا
حقيقي الواحد بفتخر انو سوداني بس وين سودانيتنا
اي مجتمع فيه الصالح والطالح فيه الخير وفيه الشر
بس بقت مشكله انو نعرف وين الخير من الشر
كل ما احتك الواحد بالناس بكتشف اشياء غريبة شديد
جد بقت المصلحة تطغي علي التعاملات
وفي فئة جد جابت لينا الكلام بعمايلها الشينه الغريبة
علينا كمجتمع سوداني ..
حليل لمن الناس كانت كالجسد الواحد والنفس الطيبة
(اللهم عافنا واعفو عنا اللهم نقنا من شرور انفسنا وسئيات
اعمالنا وارحمنا رحمتك وسعت كل شي )

[العاقب مصباح]

سلامات يا عقوبة
نصف ساعة زمن وجيز جداً لتحري الخبر
إشمعنا تصدق القطري وتشك في السوداني
وانت حسب كلامك ما بتعرفهم الاتنين؟؟
الشي التاني السترة سمحة والله وبالاخص في الغربة
حاجة اخيرة
انا بحب سماع الموسيقى الاثيوبية ومشاهدة التلفزيون الاثيوبي
هل مشكوك في سودانيتي!!؟

ابقى عافية يا صديق


سلامات اخى ابراهيم
نعم السترة سمحة ولكن لم اذكر هنا اسما او ما يدل على الشخص سواء وصفا او صورة او اى شئ دال على شخص معين بأى صورة من الصور اذا الموضوع لا علاقة له بالسترة او غيرها وبهذا تنتفى قصة السترة لأن هذه ظاهرة الغرض معالجتها وليس الاثارة ...

((وستجد بعد ردى ما قصدته هنا))
عندما اوردت استماعه الى الاغانى الاثيوبية تمنيت لو كان غير سودانيا وهذا لا ينفى احترامى لأى جنسية اخرى فلا تتحسس اخى من استماعك الى اى شئ .... فحرية الاستماع مكفولة للكل....
مع خالص احترامى


اتيت لك بهذا الشرح عسى ان يُعيننا اجمعين من موقع اسلام ويب


عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

الشرح

ترتبط خيرية هذه الأمة ارتباطا وثيقا بدعوتها للحق ، وحمايتها للدين ، ومحاربتها للباطل ؛ ذلك أن قيامها بهذا الواجب يحقق لها التمكين في الأرض ، ورفع راية التوحيد ، وتحكيم شرع الله ودينه ، وهذا هو ما يميزها عن غيرها من الأمم ، ويجعل لها من المكانة ما ليس لغيرها ، ولذلك امتدحها الله تعالى في كتابه العزيز حين قال : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } ( آل عمران : 110 ) .



وعلاوة على ذلك فإن في أداء هذا الواجب الرباني حماية لسفينة المجتمع من الغرق ، وحماية لصرحه من التصدع ، وحماية لهويته من الانحلال ، وإبقاء لسموه ورفعته ، وسببا للنصر على الأعداء والتمكين في الأرض ، والنجاة من عذاب الله وعقابه .



ولخطورة هذه القضية وأهميتها ؛ ينبغي علينا أن نعرف طبيعة الأمر بالمعروف والنهي عن المنكر ، ونعرف شروطه ومسائله المتعلقة به ؛ ومن هنا جاء هذا الحديث ليسهم في تكوين التصور الواضح تجاه هذه القضية ، ويبين لنا كيفية التعامل مع المنكر حين رؤيته .



لقد بين الحديث أن إنكار المنكر على مراتب ثلاث : التغيير باليد ، والتغيير باللسان ، والتغيير بالقلب ، وهذه المراتب متعلقة بطبيعة هذا المنكر ونوعه ، وطبيعة القائم بالإنكار وشخصه ، فمن المنكرات ما يمكن تغييره مباشرة باليد ، ومن المنكرات ما يعجز المرء عن تغييره بيده دون لسانه ، وثالثة لا يُمكن تغييرها إلا بالقلب فحسب .



فيجب إنكار المنكر باليد على كل من تمكّن من ذلك ، ولم يُؤدّ إنكاره إلى مفسدةٍ أكبر، وعليه : يجب على الوالي أن يغير المنكر إذا صدر من الرعيّة ، ويجب مثل ذلك على الأب في أهل بيته ، والمعلم في مدرسته ، والموظف في عمله ، وإذا قصّر أحدٌ في واجبه هذا فإنه مضيّع للأمانة ، ومن ضيّع الأمانة فقد أثم ، ولذلك جاءت نصوص كثيرة تنبّه المؤمنين على وجوب قيامهم بمسؤوليتهم الكاملة تجاه رعيتهم – والتي يدخل فيها إنكار المنكر - ، فقد روى الإمام البخاري و مسلم عن عبد الله بن عمر رضي الله عنهما ، أنه سمع رسول الله صلى الله عليه وسلم يقول : ( كلكم راع ومسؤول عن رعيته ، فالإمام راع وهو مسؤول عن رعيته ، والرجل في أهله راع وهو مسؤول عن رعيته ، والمرأة في بيت زوجها راعية وهي مسؤولة عن رعيتها ، والخادم في مال سيده راع وهو مسؤول عن رعيته ، فكلكم راع وكلكم مسؤول عن رعيّته ) ، بل إن النبي صلى الله عليه وسلم قد بيّن عاقبة الذين يفرطون في هذه الأمانة فقال : ( ما من عبد يسترعيه الله رعية فلم يحطها بنصحه إلا لم يجد رائحة الجنة ) .



فإذا عجز عن التغيير باليد ، فإنه ينتقل إلى الإنكار باللسان ، كما قال النبي صلى الله عليه وسلم : ( فإن لم يستطع فبلسانه ) ، فيذكّر العاصي بالله ، ويخوّفه من عقابه ، على الوجه الذي يراه مناسبا لطبيعة هذه المعصية وطبيعة صاحبها .



فقد يكون التلميح كافيا – أحيانا - في هذا الباب ، كما كان النبي صلى الله عليه وسلم يقول: ( ما بال أقوام يفعلون كذا وكذا ؟ ) ، وقد يقتضي المقام التصريح والتعنيف ، ولهذا جاءت في السنة أحداث ومواقف كان الإنكار فيها علناً ، كإنكار النبي صلى الله عليه وسلم على أسامة بن زيد - رضي الله عنه - شفاعته في حد من حدود الله ، وإنكاره على من لبس خاتم الذهب من الرجال ، وغير ذلك مما تقتضي المصلحة إظهاره أمام الملأ.



وإن عجز القائم بالإنكار عن إبداء نكيره فعلا وقولا ، فلا أقل من إنكار المنكر بالقلب ، وهذه هي المرتبة الثالثة ، وهي واجبة على كل أحد ، ولا يُعذر شخص بتركها ؛ لأنها مسألة قلبيّة لا يُتصوّر الإكراه على تركها ، أو العجز عن فعلها ، يقول علي بن أبي طالب رضي الله عنه : " إن أول ما تغلبون عليه من الجهاد : جهادٌ بأيديكم ، ثم الجهاد بألسنتكم ، ثم الجهاد بقلوبكم ، فمتى لم يعرف قلبه المعروف وينكر قلبه المنكر انتكس " .



وإذا ضيعت الأمة هذا الواجب بالكلية ، وأهملت العمل به ، عمت المنكرات في المجتمعات ، وشاع الفساد فيها ، وعندها تكون الأمة مهددة بنزول العقوبة الإلهية عليها ، واستحقاق الغضب والمقت من الله تعالى .



والمتأمل في أحوال الأمم الغابرة ، يجد أن بقاءها كان مرهونا بأداء هذه الأمانة ، وقد جاء في القرآن الكريم ذكر شيء من أخبار تلك الأمم ، ومن أبرزها أمة بني إسرائيل التي قال الله فيها : { لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون ، كانوا لا يتناهون عن منكر فعلوه لبئس ما كانوا يفعلون } ( المائدة : 78 – 79 ) .



وتكمن خطورة التفريط في هذا الواجب ، أن يألف الناس المنكر ، ويزول في قلوبهم بغضه ، ثم ينتشر ويسري فيهم ، وتغرق سفينة المجتمع ، وينهدم صرحها ، وفي ذلك يضرب لنا رسول الله صلى الله عليه وسلم مثلا رائعا يوضح هذه الحقيقة ، فعن النعمان بن بشير رضي الله عنهما أن النبي صلى الله عليه وسلم قال : ( مثل القائم على حدود الله والواقع فيها ، كمثل قوم استهموا على سفينة ، فأصاب بعضهم أعلاها وبعضهم أسفلها ، فكان الذين في أسفلها إذا استقوا من الماء مرّوا على من فوقهم ، فقالوا : لو أنا خرقنا في نصيبنا خرقا ولم نؤذ من فوقنا ، فإن يتركوهم وما أرادوا هلكوا جميعا ، وإن أخذوا على أيديهم نجوا ونجوا جميعا ) رواه البخاري .



إن هذا الواجب هو مسؤولية الجميع ، وكل فرد من هذه الأمة مطالب بأداء هذه المسؤولية على حسب طاقته ، والخير في هذه الأمة كثير ، بيد أننا بحاجة إلى المزيد من الجهود المباركة التي تحفظ للأمة بقاءها ، وتحول دون تصدع بنيانها ، وتزعزع أركانها.

[العاقب مصباح]

شكك في محله.. لإنو غالب المغتربين يحنون كثيرا لبلادهم فدائما تلاقيهم يستمعوا لكك ما يذكرهم بوطنهم.. بمعنى آخر دايما تلاقي المغترب يحن بأي شئ يذكره ببلده.. ولا أنا غلطان يا جماعة..




بارك الله فيك اخى صديق على المداخلة القيمة والتى اراها تصب فى نقاء مجتمعنا او على الاقل هذا ما نتمناه هنا , ان يكون مجتمعنا خاليا مما يشوه سمعتنا او ما يعيبنا
لك جميل مودتى

[العاقب مصباح]

واللـــه دي مشكله
انشالله بس يكون مظلوم
نحن ما ناقصيــن فضايح
ما تقول لي كمان قطركم القدر مدني دي :p
بكره الخبر تلقوهو موزع :d
الله يستر عالجميــــع ,,,


ربك يستر يا مميز
والله بتمنى من كل قلبى يكون ما سودانى
لأنه سمعة السودانيين فى قطر عشرة على عشرة
خالص مودتى اخى

[العاقب مصباح]

صديقى العاقب
اتألم كثيرا عندما اسمع مثل هذه الاشياء
الواحد كان بفتخر بى سودانيتو
وكان لما يسمع كلمة زول كأنو ملك الدنيا
الحال اتغير يا صديقى
وبقينا نسمع كثير من المأسى والفضائح
غايتو ربنا يصلح الحال
ونرجع تانى نغنى ونقول
لو ماجيته من زى ديل
كان وا اسفاى وا مأساتى وا ذلى
دمت بكل ود صديقى الصدوق ود المصباح


حقيقة نفتخر بسودانيتنا
ونعتز بها
ومن واجبنا الحفاظ عليها
وبذل الغالى والنفيس فى سبيل ان نكون شرفاء
وانقياء
نحاول ان نعالج ما يُهلكنا
وان نبعد عن طريقنا ما يسده عنا
ربنا يصلح الحال صديقى محمد
مع خالص احترامى

[العاقب مصباح]

الاخوان الكرام وبالاخص الاخت الكريمة تغريد كل الودوالاحترام
نحن ايضاًسودانيين والكلام البتقال عن السودانين والسودان حتى لوكان مجردكلام فقط بأثرفيناولكن الغربة والاحتكاك بالناس من كل الجنسيات ومعشرتهم بصفة يومية حتى السودانيين بتوريك معادن الناس واخلاقهم وفهمهم فى الحياة , عشان كدا بتظهرمن وقت الى اخرنوعية من الناس بتخرب على الاخرين مثلا بقولونو المصرين كذكذكذكذلكن هل دا بدل على ان كل المصريين سيئين طبعالالكن فى فئةمنهم شوهت سمعة الاخرين لهذانحن كسودانين حتى لوكانت هذه ظاهرة ونتمنى ذلك وحتختفى لازم يوضع لهاحدباى طريقة مهماكان التمن .
ابسط مثال زمان السودانى كلمتوبمثابة عقدموثق الان ادخل اى سوبرماركت تلقى كل العاملين بتابعوك بنظرهم وداان دل انمايدل على انوفى زمرة دنست سمعة الباقين
ختاماً لكم كل تقديرى واحترامى
ويبقى هذامجرد راى ووجهة نظر ولكم العتبى حتى ترضوإذااساءت اى احد


لك خالص مودتى اخى خطاب على الاضافة الرائعة
يجب علينا ان نأخذ هذا مثل ونعتبر به فى مواقف اخرى مشابهة
ليس الغرض هذه القصة فقط
فالحكاوى التى تُدار كثيرة هنا ويجب علينا الالتفات لها
ومصلحتنا العامة واحدة
ان يظل الوطن كما نود له ان يكون
شامخا
ابيا
خاليا مما يعيب
لك جميل مودتى

[العاقب مصباح]

صدقت يا أخي الفاضل.. بأن كتاب الله وسنة رسوله الكريم صلى الله عليه وسلم هو سيبل النجاة الوحيد لنا.


اللهم اهدنا صراطك المستقيم
مع الذين انعمت عليهم
من الانبياء والصديقين والشهداء وحسن اولئك رفيقا
خالص شكرى لمرورك اخى صديق

[العاقب مصباح]

نعيب زمانا والعيب فينا وما لزمانا عيب سوانا
حقيقي الواحد بفتخر انو سوداني بس وين سودانيتنا
اي مجتمع فيه الصالح والطالح فيه الخير وفيه الشر
بس بقت مشكله انو نعرف وين الخير من الشر
كل ما احتك الواحد بالناس بكتشف اشياء غريبة شديد
جد بقت المصلحة تطغي علي التعاملات
وفي فئة جد جابت لينا الكلام بعمايلها الشينه الغريبة
علينا كمجتمع سوداني ..
حليل لمن الناس كانت كالجسد الواحد والنفس الطيبة
(اللهم عافنا واعفو عنا اللهم نقنا من شرور انفسنا وسئيات
اعمالنا وارحمنا رحمتك وسعت كل شي )


مجتمعنا اصبح اكثر محيطية
فى اجزاءه تجده هادرا وفى الجزء الاخر اكثر هدوءا
نجد فيه ما ينفعنا وكذلك ما يعوق حركتنا
من واجبنا ان نبحث عن فضائله
ان ننشد مجتمعا فاضلا
كما ورثناه
نريده ان ينتقل وبسلاسة لمن هم بعدنا
خاليا من امراض العصر وسرطاناته
ونسأل الله العفو والعافية فى ديننا ودنيانا
مع خالص احترامى لك ود مهدى

[ابراهيم]

أخوي العاقب تحياتي واحتراماتي قبل وبعد




سلامات اخى ابراهيم
نعم السترة سمحة ولكن لم اذكر هنا اسما او ما يدل على الشخص سواء وصفا او صورة او اى شئ دال على شخص معين بأى صورة من الصور اذا الموضوع لا علاقة له بالسترة او غيرها وبهذا تنتفى قصة السترة لأن هذه ظاهرة الغرض معالجتها وليس الاثارة ...


((وستجد بعد ردى ما قصدته هنا))


عندما ذكرت السترة لم اعني سترة شخص بعينه ولكني السترة بمعناها الفضفاض
لو تأملت في صفحة منتدانا ستجد كم هائل من المواضيع التي يبثها المنتدي عن السودانيين والتغيير الذي طرأ لهم في الخارج ... والمنتدى مساحة حرة للجميع أي قراءته ليست مقصورة لنا فقط كسودانيين
وكلمة سوداني تكفي ان تمسنا جميعاً وليس بالضرورة سرد اسم او تفاصيل

احترم فكرتك لمعالجة الموضوع لكن وفي رأيي المتواضع جداً لمعالجة إشكال كهذا لابد من التحري فيه ومعرفة الإشكال وأطرافه جيداً قبل طرحه وبذلك تسهل مناقشته وبالتالي الحل .. وفي التأني السلامة يا صديق

****

عندما اوردت استماعه الى الاغانى الاثيوبية تمنيت لو كان غير سودانيا وهذا لا ينفى احترامى لأى جنسية اخرى فلا تتحسس اخى من استماعك الى اى شئ .... فحرية الاستماع مكفولة للكل....
مع خالص احترامى

العاقب اخوي كثير من السودانيين لهم علاقات وصلات رحم بأخواننا الاثيوبيين والاريتريين وهناك اندماج نحن سودانيين ونعتز بذلك بلا شك واحترامنا للجنسيات الأخرى هو جزء من احترامنا لسودانيتنا ..
وفوق ذلك الإنسان بغض النظر عن جنسيته، هو إنسان!



شكراً لتذكيرنا بقول الرسول عليه افضل الصلاة والسلام ...
وصدقني تغربنا في اكثر من بلد وواجهتنا كثير من المتاهات والإشكالات التي وللأسف لم نعهدها عن السودانيين في السودان .. لكن والله يعلم سعينا ولا زلنا بشتى الطرق لتغيير ما يتردد في افواه الناس عن السودانيين والسودان ..
الغربة قاسية .. ونحن لا ندري ما يعانيه الناس من ظروف.
قال الإمام الشافعي:
تأن ولا تعجل بلومك صاحب .. لعل له عذر وانت تلوم
لك مودتي

[moh_alnour]

فى السعودية كما سمعت وقرأت ان اكثر الجرائم يقوم بها السودانيون سواء خمور او دعارة او سرقة

أخي العاقب ود المصباح
ليس من رأى كمن سمع فقد عشت في السعودية فترة من الزمان زادت عن الخمس سنوات
في مدينة يُقال أنها من أكثر المُدن السعودية إنفتاحا ً مقارنة مع باقي المُدن السعودية
و للأمانة و للحق أن صورة السودانيين في أذهان الغير ما زالت بيضاء ناصعة و لكن
غِشتها بعض الأتربة الخفيفة و التي أثرت ( نوعا ً ما ) في جمال هذه الصورة الزاهية
و هي في أعتقادي الشخصي ممارسات و إنفلاتات قليلة تحدث من قِلة من الناس و تحدث في كل المجتمعات
ولم تصل بعد إلى و صم السودانيين بالمجرمين أو إلى أن يتصدر السودانيون الجاليات الأخرى في الجرائم و المخالفات
و بالرجوع إلى ما تفضلت به من حديث فلا يساورني الشك في نواياك الطيبة من طرح الموضوع و معالجته
و أمنياتي القلبية الصادقة أن يتم تبرئة ساحة هذا السوداني من هذه العمل الذي لا يشبه السودانيين و السمعة الطيبة التي يتمتعون بها
وكما ذكر غيري أن هناك تشابه كبير بين السودانيين و بعض الأخوة الأفارقة من الدول الأخرى و لكن كله ُ عند العرب ( زول )
نسأل الله السلامة و العافية و السُترة لجميع السودانيين في منافي الغربة المختلفة

[محمود (أبو وضاح)]

أخوى العاقب ،،،،
هذه أمور بقت عادية جدا خاصة بالسودان ، الحال ماهو نفس الحال ، النفوس والأخلاقيات والجدعنة الظروف كلها تغيرت (قدر ظروفك نشأت فى هذا الجو) !!! ومرات كثيرة يسأل الإنسان نفسه ما الذى حدث ، أهو عيب فينا أم فى الظروف وحوجة الانسان التى تنسيه أخلاقياته التى تربى ونشأ عليها - إلا إذا كانت بيئة فاسدة - وهذه واردة طبعا ، إلا أنه تحتاج لوقفة ودراسة متأنية وعميقة ، والأدهى والأمر وجود عدد ( مقدر ) بالسجون بدول المهجر (احتيال - فساد ذمم - خيانة أمانة - جرائم أخلاقية) الله سلمنا يا رب ،،،
وبمناسبة الحبش - هناك موضة هذه الأيام - المشاركة بالميز ، أنا ما بفسر وإنت ما بتقصر !!!!

[esmat]

فى السعودية كما سمعت وقرأت ان اكثر الجرائم يقوم بها السودانيون


تشابه الجنسيات الاخرى مع السودانيين ادى الى انتحال صفتنا فى احايين كثيرة...

للمشغولية لم ادخل البوست للمتابعة - شكراً محمد نور -
فعلاً السوداني في المملكة مازال بخير - رغم بعض الاتربة

[حاتم مرزوق]

ونشارك في هذا الموضوع بمادة منقولة وصلتني عبر بريدي الألكتروني علها تتناسب مع ما ذكر .



مناسبة القصيدة أنني
رددت على واحد من منسوبي
إحدى الدول العربية على
الهاتف بجملة( نعم يا يا زول )
فرد علي مستاءً : بتقول زول
ليه شايفني لافي بتاعه على
دماغي
منقولة / مهندس خالد شرفي
أنا الغلطان
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سي أنا غلطان
شطحت وكنت فاكرك زول
زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك و بينو
إنو نضيف و ابيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف و كاتلو حنينو
أسد في الحاره
لابختاك و لابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمه بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
زول الماهو عاجبك ده
بلا توجيه ولا تعليم
أديب و فهيم
هميم وكريم
و فطرة ربو من يوم خلقو
لا فتان و لا خوان
أخو أخوان
بكفي الأل و الألفين من الضيفان
و لو اضطر يرهن ولدو
و ان ما كفى
باع بيت أهلو و الجيران
زول الماهو عاجبك ده
يوم تحتاجلو بتلاقيهو
أكان ورطان وكان جيعان
و كان وجعان و كان سجمان
قبل تتأوه و تناديهو
يمين في أقل من برهه
و بين مد الألف و الها
قبل ناسك بجيك حفيان
بضمد جرحك و بداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
ال راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
ده جمل الشيل
دخري الحوبه
فا العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد الق لي تاني !
واجيب فهامه عاد من وين
كلامي القتو ألماني؟
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني و إنو سوداني

وتسلموا يا أزوال