توقيف رجل أعمال سودانى شهير

[عوض صقير]

ترددت أنباء عن إعتقال رجل أعمال سوداني شهير بإحدى الدول الأفريقية بإتهامات تتعلق بحيازته لمزرعة مخدرات في تلك الدولة ، وأن سلطات تلك الدولة المجاورة إستدرجت رجل الأعمال عن طريق شريكه الافريقي وتخفظت عليه لحظة وصوله أراضيها ، وطبقاً للمصادر فإن أسرة رجل الأعمال قلقه على مصيره ، وانها أوقفت بعض مشاريعه لحين إنتهاء الازمة، يـُذكر أن رجل الأعمال المعني يملك العديد من المشاريع الإستثمارية بولاية الخرطوم .


للحديث بقية ...

[محمد عبد الله عبدالقادر]

تااااااني
برضو
من الصباح كده

ده الغسيل

[ابوالنور]

يا سلام علي المعلومات المفيده من الصباح

[أبوريلان]

منتظرين البقية يا سعادة المستشار عوض صقير .

[nehroo]

أنا أقول الناس ديل فجأة بتتملي قروش
من ويييييين ؟؟
منتظرينك يا رائع ..

[الجندي المجهول]

طبعا مثلما يتميز السودان باراضي خصبة تصلح للزراعة فكذلك السودان ارض خصبة للغسيل لانه ليس هنالك ضوابط اي زول عندو قروش مخدرات قروش مال عام قروش حرب قروش ( اسامة بن لادن) الغسالة قاعدة وبالنسبة % كمان

يخص على كدا ناس ما عندها زمة ------- بس الحمد لله مافي خلوووووووووود في مووووت وفي جهنم ( وحااااااااااااارة خالص )

بعد كدا ان شاء الله تشيلوا معاكم برج ايفل زاتو

مع التحية ،،،،،،،

[صديق بلال]

طبعا مثلما يتميز السودان باراضي خصبة تصلح للزراعة فكذلك السودان ارض خصبة للغسيل لانه ليس هنالك ضوابط اي زول عندو قروش مخدرات قروش مال عام قروش حرب قروش ( اسامة بن لادن) الغسالة قاعدة وبالنسبة % كمان

يخص على كدا ناس ما عندها زمة ------- بس الحمد لله مافي خلوووووووووود في مووووت وفي جهنم ( وحااااااااااااارة خالص )

بعد كدا ان شاء الله تشيلوا معاكم برج ايفل زاتو

مع التحية ،،،،،،،


ي
يا جماعة الخير إنتو قاعدين تتكلموا عن غسيل مرة وغسالة مرة.. طيب فين النشافة.. ولا هي غسالة بتغسل قروش بس والبنوك تنشفها!!!

[بت الشبارقه]

النشافه دي بيختونا نحن فيها
هم يغسلو ونحن ننشف
ولحد ما ينتهو من الغسيل
مويتنا
تشربا الشمس
والبيفضل مننا يتنفض بالسموم
وكان الشمس غابت وحبه السموم وقفت
يدونا حبه مروحه كده وبعد مايتحسب سعر متر الكهربا
بنكون
خلالالاص
اتهرينا تنشيف














وجه باسم حزين تملؤه الدموع

[littlestar]

لاحول ولا قوة إلآ بالله
على دى ذمة
ودى نفوس
وده زمن

[moh_alnour]

بمناسبة المخدرات دي و بمناسبة الغسيل
قالوا مسطول أبا يجيب لي مرتو غسالة قال ليها هي نانسي عجرم بتغسل بالطشت
أها زولك دا بغسل بي شنو يا حضرة المستشار ؟

[خالد أحمد الصول]

هذا زمان الانترنت و الاباحية و حب الحرام
يذهب الحرام من حيث أتي
يا ربي لا تأخذك رحمة في من قتل أبناء الناس بالمخدرات

[حافظ شعبان]

مستشارنا / عوض
شنو رميت الموضوع كده منتظرين المعلومه
ولاخليه مستور
وربك يستر

[الزبير محمد عبدالفضيل]

المفروض يكون هنالك نظاااااااااااااااام خاص للاموال الداخله السودان

[عبدالله محمد العقاد]

ترددت أنباء عن إعتقال رجل أعمال سوداني شهير بإحدى الدول الأفريقية بإتهامات تتعلق بحيازته لمزرعة مخدرات في تلك الدولة ، وأن سلطات تلك الدولة المجاورة إستدرجت رجل الأعمال عن طريق شريكه الافريقي وتخفظت عليه لحظة وصوله أراضيها ، وطبقاً للمصادر فإن أسرة رجل الأعمال قلقه على مصيره ، وانها أوقفت بعض مشاريعه لحين إنتهاء الازمة، يـُذكر أن رجل الأعمال المعني يملك العديد من المشاريع الإستثمارية بولاية الخرطوم .


للحديث بقية ...


حبيبنا عوض

كان الخبر قديم شوية و اذكر مر علي هذا الخبر قبل عام تقريبا و برضو ما كان تفاصيل او تلميح عشان تعرف منو رجل الاعمال هل في جديد

[رامى طلبه]

الاخ عوض ........ الظاهر المساله تشويق ليس الا ... ولا شنو ؟؟؟؟

[عوض صقير]

الشكر الجزيل لكل المتداخلين

أحب أن أوضح للجميع بأننى لم أكتب هذا البوست للتشهير بأحد وأنما كتبته من باب أن هناك أمراضاً اجتماعية تفشت يتمثل كثيرٌ منها في تكالب الناس على جمع المال بشتى الوسائل من دون مبالاة من الحرام كان أم من الحلال وكأنه انطبق علينا قوله صلّى الله عليه وسلّم كما في البخاري « ليأتين على الناس زمانٌ لا يبالي المرء بما أخذ المال ،أمن حلال أم من حرام »

[عبدالله محمد العقاد]

الشكر الجزيل لكل المتداخلين

وأنما كتبته من باب أن هناك أمراضاً اجتماعية تفشت يتمثل كثيرٌ منها في تكالب الناس على جمع المال بشتى الوسائل من دون مبالاة من الحرام كان أم من الحلال وكأنه انطبق علينا قوله صلّى الله عليه وسلّم كما في البخاري « ليأتين على الناس زمانٌ لا يبالي المرء بما أخذ المال ،أمن حلال أم من حرام »


و الله صدقت اخونا عوض صقير
و انا مستغرب في الناس دي بقى همها الاول و الاخير جمع المال بكل السبل و يبدو لي هذا السبب الاساسي في تفشي امراض اجتماعية و جرائم لم تكن تعرف عند اسلافنا الاولين

و يرحم الله الشيج المكاشفي و من سار على دربه
عندما ساله المستمعر الخواجة و اراد ان يتقرب اليه و ان يفتنه بالمال عن الارض التي يرغب فيها حتي يسجلها ملك للشيخ المكاشفي
فقيل ان الشيخ المكاشفي قال للخواجة : الارض اللي انت شايفها دي كلها انا عندي فيها بس ( شبر ) و لو عرفتوا وين سجلوا لي .
و طبعا الخواجة ما فهم كلام الشيخ المكاشفي و عندما سال عن معناه عرف ماذا يقصد الشيخ الزاهد
رحم الله الشيخ المكاشفي و من سار على دربه و اصلح الله من ولي امر السودان و أموال شعب السودان

[طائر النورس]

الله يكضب الشنة

[ودالعمدة]

كما قال أخى الاستاذ عوض صقير للتذكير وليس للتشهير
فقد امتلأت البلد بالأمراض السياسية من فساد ورشاوى
وأكل المال المسروق دعك من الأمراض الاحتماعيةوالأخلاقية
التى أصبحت طاغية فى وسائل الاعلام ...
ومصيبة المصائب لم يحدث ذلك بالبلد الا فى ظل هؤلاء
الديناصورات التى لم تنقرض ...بل تم انقراض الوطن
كل ذلك باسم المشروع الاحتضارى ....

[mahagoub]

المصيبة يكون الجماعه ما ادوه فرصة يزرع فى السودان
لانهم زرعوا كل الاماكن التى بوروها
بما فيها مشروع الجزيرة
فما لقى حل غير يزرع عند الجيران
وانا بقول الشباب بلقو المخدرات وين؟

[حاتم عمر]

اي شي ممكن في السودان يا أ. عوض حتى العنقاء ؟
مشكور وفي انتظار الباقي

[samia]

لاحول ولا قوة إلآ بالله

[الامين عبدالقادر]

حسبى الله ونعم الوكيل الناس دى ماعارفة هناك قبر وسؤال ؟ ام هو مرض الثراء الحرام ونظرة الناس الية الوجية المليح والمنفق بالنهار والمذبح بالليل فى اجساد الانسانية جمعا ونسال الله ان يكشف سرهم للناس وعقابهم وذلهم قبل الممات

[مصطفى احمد على]

طبعا ده مثال واحد من امثلة الفساد وماخفى اعظم
داخل البلد نسال الله ان لا يعاملنا بما فعله السفهاء منا
ويحفظ ابناءنا من الفتن ماظهر منها وما بطن