لماذا سمح بعودة المنظمات المطرودة مرة اخري؟

[حاتم مرزوق]

السودان يسمح بعودة منظمات الإغاثة المطرودة إلى دارفور

--------------------------------------------------------------------------------

أعلن رئيس الشؤون الانسانية في الامم المتحدة أمس ان السودان سمح لمنظمات الاغاثة التي طردت من اقليم دارفور في اذار/مارس الماضي بالعودة إلى الإقليم مرة اخري.


امشو .... تعالو ... امشو ... تعالو !!!

نتساءل:-

هل انتفت الأسباب التي ادت لطرد منظمات الأغاثة ؟

قد كشفت الحكومة عن مخالفات كبيرة لتلك المنظمات فور خروجها واعدت تقريرا بالصورة ذكرت فيه معلومات تؤكد ان المنظمات المطرودة كانت توزع مواد فاسدة ومحرمة بل وغير صالحة للأستعمال البشري وكانت تتجسس علي السودان وبعثت بتقارير خاطئة و ملفقة اضرت بالبلاد والعباد.


كل ذلك وسمح لها بالعودة.


نقول ما يقول ابو النور ... يا ربي انا وين.

[العاقب مصباح]

الوطن ما مفهوم يا حاتم اخوى

آخر شئ تتوقعه انك تفهم البيجرى حواليك

هنالك صفقة

من الثمن لا ندرى

وكم الثمن لا ندرى

ولم يقل انها عودة مشروطة

الناس دى حيرتنا

واحتار دليلنا

[بت أم درمان]

احدى المرات قال الرئيس عمر البشير
المرا لمن اطلقوها تلاتة تاني بترجع ؟؟؟
بس ما قال بعد المحلل ممكن ترجع
اها قال المنظمات مطرودة بدون عودة

يا ربي اكون حصل شنو ؟

[صابرحسين]

يبدو لي أخي حاتم الأمر كان مرتبط بدعوى الجنائية وأفول نجم أوكامبو هذه الأيام له أثر على ذلك القرار ، ولا جديد يمكن أن تأتي به المنظمات في موضوع الإتهام ، والإستفادة من خيراتها أنفع من تركها بعيداً ، وكلو عشان خاطر الإنتخابات يهون !

[حاتم مرزوق]

الوطن ما مفهوم يا حاتم اخوى

آخر شئ تتوقعه انك تفهم البيجرى حواليك

هنالك صفقة

من الثمن لا ندرى

وكم الثمن لا ندرى

ولم يقل انها عودة مشروطة

الناس دى حيرتنا

واحتار دليلنا

الحبيب عقبة

نحنا يمين يمين شمال شمال

يسخنو بينا اللعب .... السد السد الرد الرد

اريتا تكون صفقة عامرة ما نرجع بكرة للمربع الأول

بمناسبة السد

الكهرباء زي ما ياهة قطوعات متكررة وسخانة رهيبة وكمان جابت ليها قطع مويه.

سمعنا بي حالات سحائي وقبل يومين مات شاب في ريعان الشباب بالسحائي.

ربنا يحفظ الناس .

مع جميل التحايا

[محمد الجزولى]

استاذى حاتم مرزوق
تحياتى
هى السياسه اخى الكريم ... وما كان ممنوعا بالامس يصبح مرغوبا اليوم ... حسب المصالح العليا .... وربما استجابة للضغوط الكبيره ... او حتى يمكن ان تكون هنالك صفقه ما
كل ما اتمناه هو ان يكون ساستنا يوجهون سياساتهم حسب مصلحة البلد ... لا مصلحة الافراد ... عندها ترجع ما ترجع ما مهم ..
تقبل مرورى وتحياتى

[مهدي إبراهيم]

نفت الحكومة عودة المنظمات المبعدة ......... الرابط أدناه من جريدة الإنتباهة !!!!!


http://alintibaha.sd/index.php?option=com_content&task=view&id=7801&Itemid=149 (http://alintibaha.sd/index.php?option=com_content&task=view&id=7801&Itemid=149)<STYLE type=text/css> .bl {background: url(http://alintibaha.sd/components/com_magazine/layouts/images/bl.gif) 0 100% no-repeat #eeeeee; } .br {background: url(http://alintibaha.sd/components/com_magazine/layouts/images/br.gif) 100% 100% no-repeat} .tl {background: url(http://alintibaha.sd/components/com_magazine/layouts/images/tl.gif) 0 0 no-repeat} .tr {background: url(http://alintibaha.sd/components/com_magazine/layouts/images/tr.gif) 100% 0 no-repeat; padding:10px} .clear {font-size: 1px; height: 1px} </STYLE>

[الخواض محمداحمد خواض]

الاخ حاتم

بالامس كانت القوات الدوليه وبالطلاق !!!! افتكر دى اهون شويه