النفسيات تعبان يا اخوانا [الأرشيف]

مشاهدة النسخة كاملة : النفسيات تعبان يا اخوانا

ابوالنور

11-06-2009, 09:35 AM

اول النضمي في واحد يشبة وصف مدنية شبة مبلاق فيهو ياخي ده مجهجهني جهجهة وقاعد بث في الجهاز المقصادني عينك يا تاجر قلت اجسو اعرف الحاصل شنو سويت جيس كده وقمت قلت ليهو اليلة نتيجة الشهاده السودانية مش كده قلت أدردق اعرف الحاصل شنو
اول رد ليه قال لي قال لي انا ممكن تعتبرني ما سوداني بعدين الصوت شكلو قطع قطع لكن وحاة العوينات ياهين زاتن بث الشعر قرقدي تقول انا شعري مثبتو بجل ما ود اعمي يعني ح يفوتني وين
كيفين الكلام ده عاد ما سوداني
والجهجهة مشت في زياده
قوم يا تلفوني المخستك ترنق ترنق ترنق اضرب الو مرحب وباقي الكلام البقولوه في التلفونات داك
اها صاحبكم سكت
فقمت قلت يا ابوالنور يا شفت هن بقي جلالة اكتل ليه الدش في يدو وهن بقي زولا تاني
بالمناسبة ما وريتكم انا بكتب وهو بخمر لي علي قول ود مدثر
مدنية ما ح تقصر معاي طبعا
والحمد لله اني رايح طبعي

مدنيّة

11-06-2009, 09:39 AM

هههههههههههههههه
لم فيك اخيرا

حمدا لله ÷ السلامة

معتز الريح

11-06-2009, 09:42 AM

والله يا أبو النور ..
النفسيات طين عديل ..

بت أم درمان

11-06-2009, 09:42 AM

بقا ود جلالة يعني؟

اها الشمار شنو

ابوالنور

11-06-2009, 09:52 AM

هههههههههههههههه
لم فيك اخيرا

حمدا لله ÷ السلامة
الصبر الصبر ده انا طلعت رايح شكلو هيثم عبدالعال ح يرسينا علي بر

ابوالنور

11-06-2009, 10:07 AM

والله يا أبو النور ..
النفسيات طين عديل ..
بمناسبة طين دي يا ود الريح اخوي عندي واحد صاحبي دفعت استاز عوض صقير انا زاتي مشاتر انت قايل شنو
اصحابي كبار وقلبي مشتت وحالتي تنعل قفاي اها استاز احمد ياسر قمت قلت يا استازي ياخي انا عايز اعرس
الكلام ده قبل 4 شهور كده
قام قال لي تعرررررررررررررررررس اها جنا امشي العب بعيد والله اكان داير تعرس الا ترجع عولك لكن انت محكر فوق مدني دي صعبة
كيفين الكلام ده يا استاز والله ده الحاصل انا وريتك
قمت حسبتها شمال يمين يمين شمال قمت وقفت الابديت لحين عودة
اها يا صاحبي قوم يا استازنا عرس قبال شهرين كده يعني واظهر علي الايام دي تحديدا واشبكني ها جني ما عايز تعرس
ياخي معقولة يا استاز هو انت علي كيفك عايز تعرس وما عايز تعرس
والله يا ولدي احسن تلحق نفسك
هي لكن عاد ده كلام يا استاز وتقولو اسييييي
لكن اجنا عاد اسوي ليك شنو نصيحة وقلتها ليك
انت قلت لي النفسيات ملا يا ود الريح
عيييييييييييييييييييييييييييك
يا ربي انا وين

:@ارجوان:@

11-06-2009, 10:33 AM

كان فهمتا شي تحدر لي نمله واخاف منها :confused: :confused: :eek:

عوض الكريم الخواض

11-06-2009, 12:01 PM

moh_alnour

11-06-2009, 03:41 PM

الحمد لله شبكتي رجعت
الواحد مفتكر نفسو براهو الرايح في البوست دا
أها يا أبو النور الزول طلع منو ؟ و أنت عرستَ ولا لسه ؟ :eek:

ابوالنور

12-06-2009, 07:51 AM

بقا ود جلالة يعني؟

اها الشمار شنو
افهم زولة يا بت امدرمان قلتي ياختي احسن تسالي الحاصل شنو
الحاصل يا ستي برواقة كده واحتمال زولة فهمك عالي تفهميني انا قاصد شنو عليك الله بعد ما تفهمي اشرحي للناس ديل معاك اتفقنا
اها يا ستي قلت ليك عندي مركز خدمات كمبيوتر وجوه المركز زاتو في خدمات انترنيت يعني انا قاعد في مكتبي
جي خاشي زبون مستخدم انترنيت رصتو او شكلو يشبة وصف مدنية لي جلالة في بوست السواها جلالة ديك والباقي
ما متزكرو اها يا ستي الزول ده نضيف يعني شكلو مستور مستورد وانا متعود علي مقالب المغتربين من بازي وغيرو اها يا ستي قلبي اكلني قلت ياخي الزول ده ياهو جلالة زاتو وعايز يعمل حركات المغتربين الفاتو
ف يا ابو النور يا شفت قوم دردق الزول ده وشوف ليك زقاق ولا مدخل انقشط بيه قمت قلت ليه يا حبيبنا الليلة نتيجة الشهادة السودانية مش كده
قام رد لي رد زود الكيور الجواي اها قال لي ياخي ممكن تعتبرني ما سوداني
قمت قلت ليه كيفين عاد الكلام ده
قال لي والله دي الحقيقة
كيف يا ابو الشباب
من البلد دي ومنقطع عنها 7 سنسن
الكيور بقي الف صاحبك شكلو بدي ادردق
اها كنت وين يا حبيبنا
كنت في الحتة الفيها هيثم عبدالعال ما بتزكرها ياتو واحده فيهم
اها يا حبيبنا انا والله العظيم مشبهك
مشبهني بي منو
مشبهك بي ود اعم لي اسمو عثمان
قال لي انا زاتي اسمي عثمان
الله يا جماعة معقولة احساسي يكون بالطريقة دي طيب ليه يا ربي انا ما لاقني
اها قمت قلت ليه اها البلد كيف يا حبيبنا
قال لي البلد اتغيرت تغير مبالغ فيه
كيف
قال لي حتي اللهجة اتغيرت و2 بقت ما 2
قمت قلت لي بقت اتنيني مش كده
بقي يضحك
قام قال لي انت من وين
قلت ليه انا من حاج عبدالله ابيت ادسها ليه كلو كلو
قال لي ياخي انا عثمان ديسكو
قلت ليه لاعب الاتحاد الزماااااانك ده
قال لي ايوة
اها قمت قلت ليه دفعو في الكورة اكس واي زيد
قام كايس لي زيد
قلت ليه ولا تتعب نفسك اهو ده رقمو
قام قال لي انت بتعرف الناس دي من وين وانت من حاج عبدالله
والغريبة بقول اتنيني تصدق يا ديسكو
اها انا عايز هيثم يجي يورينا شبهي لي وصف مدنية لي جلالة صح
يا ربي انا وين

ابوالنور

12-06-2009, 07:54 AM

كان فهمتا شي تحدر لي نمله واخاف منها :confused: :confused: :eek:
خلوني بحالي لا همني حزن ولا للفرح مشتاقه
معليش لقيت فرصة اسرق منك توقيعك العاجبني بث حوليه لي لجمع المزكر السالم

:@ارجوان:@

12-06-2009, 08:10 AM

خلوني بحالي لا همني حزن ولا للفرح مشتاقه
معليش لقيت فرصة اسرق منك توقيعك العاجبني بث حوليه لي لجمع المزكر السالم

السالم دا منو ؟ :confused: :confused:

ابوالنور

12-06-2009, 10:27 PM

ياهو زاااااااااااااااتو ...وأنا برضو كنت قاعد فى المكتب ...
وبعاين بى القزاز ...
أشوف ليك الزول مدّ رآسو ...
قلت يا ربى الزبون دا داير شنو ...
بعد شوية ألقى ليك الزول مشى ... :confused::confused:

بعد داك ست الجبنة ...
جابتا باااردة ...
وسكرا كتيييير ...
عليك الله يا أبو النور ...
دا كلام ...

أها لامن طلعنا الساعة كانت حدااااااااااشر بالليل ...
يآآخى ما ساهرت بينا ...

لكن الفووووووووووولة كااااربة ...
قلت لي الطلب بى 8 جنيه ;);)
دا حامد ولا مرض حامد ...

أها يا صاحبى لامن نتقابل ...
وما تنسى تجيب معاك القميص . :eek::eek:

ورجعنا ليكم يا احباب بعد
طول غياب دام اربعة ايام
هواجسي ترتعش
قصيدة .. قصدي تخريمة !!

نطه ... نطه .... جابت بطه .....
يلا يا بطه ...... شيلي الشنطة ....
أمشي ... لخالتك ....
وسافري ...... اي محطة .......
محطة ساحل بعيدة عليك .... يا بطه ....
طيب امشي ..... سوق ... الحتة ....
تلقي .... ابوك .. وعمك .. وخالك ... هم الحتة
ودالخواض والله
ليك وحشة
شفت إسمك
جاتني رعشة
سألت منك
قالوا لي
مشى ناس كشة
مشيت يا اخويا ......اتعشى
أشرب بيبسي ..وادشا ...
الزول المفتح بيسعي لقدروا
يمكن يصل ويمكن يطول سفروا
المهم يسعي وينتظر قدروا

شفتك وين زمان أنا
شفتك اكيد اي بس لكن وين
ذكرني ما تبقى منطط العينين
ولا أقول ليك بجيك صاد بعدين

بت أم درمان

17-06-2009, 10:11 AM

افهم زولة يا بت امدرمان قلتي ياختي احسن تسالي الحاصل شنو
الحاصل يا ستي برواقة كده واحتمال زولة فهمك عالي تفهميني انا قاصد شنو عليك الله بعد ما تفهمي اشرحي للناس ديل معاك اتفقنا
اها يا ستي قلت ليك عندي مركز خدمات كمبيوتر وجوه المركز زاتو في خدمات انترنيت يعني انا قاعد في مكتبي
جي خاشي زبون مستخدم انترنيت رصتو او شكلو يشبة وصف مدنية لي جلالة في بوست السواها جلالة ديك والباقي
ما متزكرو اها يا ستي الزول ده نضيف يعني شكلو مستور مستورد وانا متعود علي مقالب المغتربين من بازي وغيرو اها يا ستي قلبي اكلني قلت ياخي الزول ده ياهو جلالة زاتو وعايز يعمل حركات المغتربين الفاتو
ف يا ابو النور يا شفت قوم دردق الزول ده وشوف ليك زقاق ولا مدخل انقشط بيه قمت قلت ليه يا حبيبنا الليلة نتيجة الشهادة السودانية مش كده
قام رد لي رد زود الكيور الجواي اها قال لي ياخي ممكن تعتبرني ما سوداني
قمت قلت ليه كيفين عاد الكلام ده
قال لي والله دي الحقيقة
كيف يا ابو الشباب
من البلد دي ومنقطع عنها 7 سنسن
الكيور بقي الف صاحبك شكلو بدي ادردق
اها كنت وين يا حبيبنا
كنت في الحتة الفيها هيثم عبدالعال ما بتزكرها ياتو واحده فيهم
اها يا حبيبنا انا والله العظيم مشبهك
مشبهني بي منو
مشبهك بي ود اعم لي اسمو عثمان
قال لي انا زاتي اسمي عثمان
الله يا جماعة معقولة احساسي يكون بالطريقة دي طيب ليه يا ربي انا ما لاقني
اها قمت قلت ليه اها البلد كيف يا حبيبنا
قال لي البلد اتغيرت تغير مبالغ فيه
كيف
قال لي حتي اللهجة اتغيرت و2 بقت ما 2
قمت قلت لي بقت اتنيني مش كده
بقي يضحك
قام قال لي انت من وين
قلت ليه انا من حاج عبدالله ابيت ادسها ليه كلو كلو
قال لي ياخي انا عثمان ديسكو
قلت ليه لاعب الاتحاد الزماااااانك ده
قال لي ايوة
اها قمت قلت ليه دفعو في الكورة اكس واي زيد
قام كايس لي زيد
قلت ليه ولا تتعب نفسك اهو ده رقمو
قام قال لي انت بتعرف الناس دي من وين وانت من حاج عبدالله
والغريبة بقول اتنيني تصدق يا ديسكو
اها انا عايز هيثم يجي يورينا شبهي لي وصف مدنية لي جلالة صح
يا ربي انا وين

طيب فهمت ان عندك محل كمبيوتر
ودخلت وقعدت في مكتبك
ودخل عليك زول نضيف كدا
اها بعد كدا قلت لي حصل شنو ؟