سفيرة بلدي @ وأنت كمان ؟ وإنتي كمان ؟ [الأرشيف]

مشاهدة النسخة كاملة : سفيرة بلدي @ وأنت كمان ؟ وإنتي كمان ؟

بت أم درمان

10-06-2009, 07:07 AM

اولا بسم الله الرحمن الرحيم

والصلاة والسلام على أشرف الأنبياء والمرسلين

ثانيا السلام عليكم ورحمة الله

ثالثا ندخل في الموضوع

مع إن فكرت كثير في المدخل دا لأني ما عرفت أبدأ موضوعي من ياتو حتة بالظبط

أها ...

لاحظت يا جماعة أن نحن السودانين في بلاد الغربة لسانا على وشك الاعوجاج

يعني نكاد نتكلم بي لهجة البلد القاعدين فيها

حتى اذا ما كل الكلام بس ابسط الكلمات بقينا نقولها ولا شعوريا كدا

مع ان الزول بحاول قدر الامكان يحافظ على لهجته وما يخلي اي غزو لهجاتي يدخل عليها

بس دا الواقع ...

والمؤلم اكثر ان ناس تلقاهم يادوووب جو البلد

يعني ما تمو ليهم كم شهر تلقاهم اتقنو اللهجة وبقا كلامهم ثابت على كدا

حتى مع السودانيين ودا شيء مؤسف جدا والله

موضوعي ...

طبعا وزي ما عارفين ان كل زول هو عبارة عن سفير لي بلده

ما بالضرورة الزول يدخل سلك بدلوماسي ويخش سفارة عشان ابقا بي شكل رسمي

بس دي الحقيقة المفروض نتعامل بيها

( الايام دي بقيت اهلوس بالسلك دا لان في النفاج كمان عندي موضوع عن السلك بس مختلف

دي ما دعاية لي موضوع ولا شي ما تفهموني غلط )

يعني لي ما نتكلم بي لهجتنا وين الغلط

لي ما نحاول نأثر في الغير زي ما هم بأثروا فينا حتى واذا نحن الضيوف وهم اسياد البلد

يعني ما بالضرورة نأثر فيهم ونخليهم يتكلمو زينا

بس على الاقل نأثر فيهم بأنهم يفهمو كلامنا واسلوبنا وطريقتنا في الكلام

وما نضطر نعيد كلامنا اكثر من مرة عشان يفهمونا

ايوا صح انا عانيت من الحتة دي كثير جدا

مع العلم انا ما عشت في السودان وبمشي اجازات فقط

والاجازة لا تتعدى 45 يوم واحيانا اقل

بس ما اتخليت عن لهجتي ابدا ولا حا اتخل

لان مافي احلا من لهجتنا ولان اهلنا علمونا نحافظ على تقاليدنا موروثاتنا

واللهجة من ضمن الحاجات دي

قصة صغيرة : في بداية عملي بالشركة دي حاولت جاهدة ما ادخل ولا كلمة غير سودانية في كلامي

والحصل ان زميلاتي كانو بكررو اي كلمة اقولها ومصحوبة بي ضحكة

يعني طريقة استهزاء وانتي بتقولي كلام بضحك

وخاصة كلمة ( آآآآآي ) بكرروها في الدقيقة 500 مرة

واشوف الابتسامات الجانبية الغياظة واتجاهلها

بس جد حاولت اكون عادية وما اظهر ليهم استيائي من الشي دا

وكان مجهود جبار مني كوني استحملت

بس حا تندهشو اذا قلت ليكم

بعد فترة من الزمن زميلاتي بقو يتكلمو معاي بي لهجتي انا

وحتى في بيوتهم ومع اهلهم بقو ادخلو بعض الكلمات الاخذوها مني

والمرة دي ما بطريقة استهزاء بالعكس تماما

وحتى البت عاملة النظافة مسكينة ربنا يعينها بقت تتكلم زينا ...غااايتو ...

دا من ناحية اللهجة .... يتبع ....

عاطف عولي

10-06-2009, 07:38 AM

اولا بسم الله الرحمن الرحيم

والصلاة والسلام على أشرف الأنبياء والمرسلين

ثانيا السلام عليكم ورحمة الله

ثالثا ندخل في الموضوع
أولآ شكرآ علي الموضوع الجميل الذي سوف يثير نقاش طويل وعميق بس خليك مستعدة.
مع إن فكرت كثير في المدخل دا لأني ما عرفت أبدأ موضوعي من ياتو حتة بالظبط

أها ...

لاحظت يا جماعة أن نحن السودانين في بلاد الغربة لسانا على وشك الاعوجاج

يعني نكاد نتكلم بي لهجة البلد القاعدين فيها .

طبعآ دي حقيقة والأنسان كائن أجتماعي ويتأثر بمكونات البيئة التي حوله ومحاولة أيجاد واسطة او وسيلة تواصل مع الأخر وطبعآ دي احد تعريفات اللغةوالتي اتركها لاهل الأختصاص الذين سوف يدلون بدلوهم في هذا الموضوع وهو ان اللغة وسيلة او واسطة للتواصل مع الاخر وقد استلفت هذا التعريف وأسقطته علي صعيد اللهجات المحلية.
اختي العزيزة حتي داخل السودان طبعآ أذا تكلم اي فر أمامك تستطيعي من الوهلة الاولي تحديد ومن خلال اللهجة المحلية تحديد هل هو من الشرق ام الغرب ام الشمال او الجنوب. ونجد أبناء الأقاليم عندما يعيشيون خارج أقليمهم يطرون الي التحدث بلهجة اهل الاقليم وبطول الزمن تصبح عادية لهم حتي لو رجعوا يحتاجون الي مدة الي قلب الشريط والعودة الي لهجة المنطقة الجديدة او منطقته الاصلية.

حتى اذا ما كل الكلام بس ابسط الكلمات بقينا نقولها ولا شعوريا كدا
ودي اذا كان من انسان قضي مدة طويلة مسالة طبيعية.
اما اذا كان حضر ولسع ليه شهر من السودان وقاعد مع سودانيين وبتكلم نزلت من السيارة دا الحين بيكون دي من باب الفلسفة العورا.

مع ان الزول بحاول قدر الامكان يحافظ على لهجته وما يخلي اي غزو لهجاتي يدخل عليها

بس دا الواقع ...

والمؤلم اكثر ان ناس تلقاهم يادوووب جو البلد

يعني ما تمو ليهم كم شهر تلقاهم اتقنو اللهجة وبقا كلامهم ثابت على كدا

حتى مع السودانيين ودا شيء مؤسف جدا والله
وفعلى دي غريب.
موضوعي ...
صدقيني عندما كنت بالجامعة في سورية كان معانا اخو يطراه الله بالخير اسمه بريفع ورغم طول المدة التي قضاءها في سورية كان اذا اضطر الي الي اللهجة السورية يتحدثها باللكنة الشايقية الصرفة

طبعا وزي ما عارفين ان كل زول هو عبارة عن سفير لي بلده

ما بالضرورة الزول يدخل سلك بدلوماسي ويخش سفارة عشان ابقا بي شكل رسمي

بس دي الحقيقة المفروض نتعامل بيها

( الايام دي بقيت اهلوس بالسلك دا لان في النفاج كمان عندي موضوع عن السلك بس مختلف

دي ما دعاية لي موضوع ولا شي ما تفهموني غلط )

يعني لي ما نتكلم بي لهجتنا وين الغلط

لي ما نحاول نأثر في الغير زي ما هم بأثروا فينا حتى واذا نحن الضيوف وهم اسياد البلد

يعني ما بالضرورة نأثر فيهم ونخليهم يتكلمو زينا

بس على الاقل نأثر فيهم بأنهم يفهمو كلامنا واسلوبنا وطريقتنا في الكلام

وما نضطر نعيد كلامنا اكثر من مرة عشان يفهمونا

ايوا صح انا عانيت من الحتة دي كثير جدا

مع العلم انا ما عشت في السودان وبمشي اجازات فقط

والاجازة لا تتعدى 45 يوم واحيانا اقل

بس ما اتخليت عن لهجتي ابدا ولا حا اتخل

لان مافي احلا من لهجتنا ولان اهلنا علمونا نحافظ على تقاليدنا موروثاتنا

واللهجة من ضمن الحاجات دي

قصة صغيرة : في بداية عملي بالشركة دي حاولت جاهدة ما ادخل ولا كلمة غير سودانية في كلامي

والحصل ان زميلاتي كانو بكررو اي كلمة اقولها ومصحوبة بي ضحكة

يعني طريقة استهزاء وانتي بتقولي كلام بضحك

وخاصة كلمة ( آآآآآي ) بكرروها في الدقيقة 500 مرة

واشوف الابتسامات الجانبية الغياظة واتجاهلها

بس جد حاولت اكون عادية وما اظهر ليهم استيائي من الشي دا

وكان مجهود جبار مني كوني استحملت

بس حا تندهشو اذا قلت ليكم

بعد فترة من الزمن زميلاتي بقو يتكلمو معاي بي لهجتي انا

وحتى في بيوتهم ومع اهلهم بقو ادخلو بعض الكلمات الاخذوها مني

والمرة دي ما بطريقة استهزاء بالعكس تماما

وحتى البت عاملة النظافة مسكينة ربنا يعينها بقت تتكلم زينا ...غااايتو ...

دا من ناحية اللهجة .... يتبع ....
وموضوعك عاوز ليه قعدة بمزااااج والواحد يدلو بدلوه وبمشي وارجع ليكم لانو حتكونوا بقيتو كتار أنشاء الله.

مدنيّة

10-06-2009, 07:54 AM

عوض الكريم الخواض

10-06-2009, 09:26 AM

ابوالنور

10-06-2009, 09:52 AM

اكان كدي يا بت امدر اختي نضميني ده امسك فيهو بيديني وكرعيني

بت أم درمان

11-06-2009, 08:14 AM

وموضوعك عاوز ليه قعدة بمزااااج والواحد يدلو بدلوه وبمشي وارجع ليكم لانو حتكونوا بقيتو كتار أنشاء الله.

صح زي ما قلت ان الزول لازم يلقى له وسيلة تواصل مع الناس من ناحية الكلام
بس الحاصل ان نحن البننجبر نجاريهم ونتكلم زيهم عشان يفهومنا
انا اعتراضي على ان لي ما نتكلم كلامنا وبعد شوية حا يفهمونا وحا يتعودو على طريقتنا واسلوبنا

وانا لا انكر ان السودانين عندهم لكنة مميزة وطريقة سريعة في الكلام
بس برضو مع الوقت لازم تتفهم

اما صاحبك البتكلم سوري بالشايقي فانا احييهو
واشكرك على مداخلتك ومرورك

بت أم درمان

11-06-2009, 08:17 AM

والله يابنوتة كلامك مية مية

بس المشكلة ان الناس اللي بتتعاملوا معاهم صعب يفهموكم
يعني اللي في الشركة ديل قولي فهموك واتقبلوا كلامك
في السوق في معاملات تانية في غيره
مابيكون عندك زمن تعيدي وتكرري الكلام

ماعارفة لكن اصلا احلي من لهجتنا مااااااااااااافي
لكن المضطر يركب الصعب

همسة : بوست × السلك :cool:

تسلمي يا مدنية

صح والله مشكلة التعامل مشكلة
بس المشكلة الاكبر هي طريقة المسخرة من كلامنا وتكراره للاستهزاء
دا البغيظ

اما السوق فدا طبعا ناس انا مافي معلوم وانت ايش كلام
ديل برفعو الضغط عديييل عشان توصلي ليهم المعلومة

وزي ما قلتي لهجتنا غير وكلامنا غير دي على قولتهم

رد الهمسة : تقصدي السلك ياتو بالظبط الانا بهلوس بيهو ؟

بت أم درمان

11-06-2009, 08:46 AM

دحين يا بت أم در ...
كلامك بالحيل سمح ...
وعايزين لينا صبر كتير عشان نوصل دارجيتنا للعالمية ...
أهم حاجة ( ما نخجل من لهجتنا ) ...
ونتفاخر بيها ...
ولازم نكون أصحاب الثقافة الأقوى حتى لا نتأثر بلهجات الغير .

الاخ عوض سعدت بمرورك

وزي ما قلت مع الصبر كل شي بحصل
وعدم الخجل لان جد مافي شي بخجل بالعكس نفتخر بسودانيتنا وبي لهجتنا
والتجربة خير برهان
ودا المزعلني التأثر بلهجات الغير وبسرعة سريعة

مشكور على المرور والاضافة

بت أم درمان

11-06-2009, 08:48 AM

اكان كدي يا بت امدر اختي نضميني ده امسك فيهو بيديني وكرعيني

امسك قوي يا خوي
نضمينا دا احلا نضمي والله

مشكور على المرور

ام عمورى

12-06-2009, 06:13 AM

العزيزة بت امدر موضوعك رائع وحقيقة واقعية...انا عن تجربتي قبل فترة عملتة مع جنسيات مختلفةوكنتة جديدة ومتدربةعندهم في البداية كنتة لما اتكلم بى لهجتي (ماكانو بضحكو)لكن تشوفي الوشوش اتصرصرت والاستغراب في العيون ويسألو كل شوية يعني شنو...ولاني كنتة متدربة وبسأل كتير كان لابداعوج لساني شوية عشان الامور تتسهل لكن الغريبة باقي الجنسيات العربية(سعودية اردنية ايرانية فلسطينية)بتكلمو بى لهجتم ويفهمو بعض....لكن نحنا كمان نكون واقعيين لهجتنا السودانية مختلفة شوية وما معروفة ذي باقي اللهجات ودة عيب اعلامنا زمان (حسة شايفة في تقدم شوية)....الفلسطينية لما تلقاني انا ووصاحبتي السودانية بنتونس بتقول لينا ما فاهمة ولا كلمة.....لكن اقول انو دة دورنا في نشر لغتنا والله يقدرنا..
العرب هينين انا حسة شغالة مع هنود انقليزيهم ذي اللغة الهندية اها دي يحلوها كييييييييييف.

:@ارجوان:@

12-06-2009, 07:00 AM

والله يا بت ام در الصوت لمسني حبه كدا

ما عارفه اقول ايه بس انا وحده من الناس بحاول لاء ما بحاول بتقطع عديل كدا عشان اعرف كل الكلمات السودانيه للاسف انا ما اتقنتو الا من خلال المنتديات لانو ما عندي ولا صاحبه سودانيه هو الموضوع ما خجل من اللهجه بس العاده يعني اتعودتا اتكلم مع المصريين مصري ومع السعوديين سعودي ومع الشوام شامي يعني لا اراديا بيجي الشي دا ولحد الان بتجي كلمات في النص وانا بتكلم مع ناس سودانيين كلمات لا تمت للهجه السودانيه بي صله وبنتبه ليها بعد ما تطلع واحس اني قلتا شي ما وقع ليهم <<< شايفه وقع ليهم دي حلوه كيف
لكن برجع اقول ليكي يا حبيبتي انا سعيده جدا بي كون اني سودانيه وبتمنا لو ما اعرف اتكلم غير لهجتي لكن برضو اهلك ليهم دور يعني لو سودانيه اب عن جد ومافي عرق داخل في النص لهجتك ما حتتاثركتير لكن اختك ولله الحمد مخلطه خلطه كدا لمن بقيت ما عارفه انا من وين ههههههههههه
بشكرك يا عسل على اللفته الرائعه ,,, قد اعود

سيد البلد

12-06-2009, 10:35 PM

قد اعود

بتجي الساعه كم بالضبط كده ؟
عشان نحن بنقفل بدري وقلنا نوريك يعني ...

ولا إيه ؟

:@ارجوان:@

13-06-2009, 12:42 AM

بتجي الساعه كم بالضبط كده ؟
عشان نحن بنقفل بدري وقلنا نوريك يعني ...

ولا إيه ؟

الاخ خفيف ولا مولود في كيس ؟؟؟؟؟

مسعوووول من الخير الواحد البيقولو ملي ومالم وبيكون قاصد مالي ومالم
دا تبع ياتو لهجه ؟ نفس الناس البيقولو ولا ايه صح ؟؟؟ ولا ما غلط ؟ :cool: :cool:

حاتم مرزوق

13-06-2009, 05:10 AM

الموضوع جدير بالمناقشة يا بت ام درمان.

نمسك الجنسيات العربية التي تعيش في الخليج بالصف:-

المصريين: اعلام متمرس وقديم - صحف مجلات -مسلسلات افلام -كلام في الدين.
البنانيين والسوريين: ايضا اعلام قوي جدا .
الخليجيين بما فيهم السعوديين: مجبورة خادم الفكي علي البكاء

ولو اتكلم السودانيين مع اليمنين مثلا بتكلمو بلهجتنا لأنو اليمنيين اعلامهم ضعيف زي حالتنا وقسي علي ذلك .

من هنا نخلص الي انو عندنا فهم انو لو اتكلمنا الناس با بيفهمونا فعلشان نفهمهم ونخلص نتكلم معاهم بلهجتهم يعني ما عندنا صبر نعلمهم يتكلمو بي لهجتنا.

اقول قولي هذا واستغفر الله لي ولكم والسلام عليكم ورحمة الله وبركاته.