كيف تبصم بالعشره إنك فى السودان؟؟؟

[littlestar]

كيف تقتنع وتبصم إنك إنت ف السودان
لما يكون زول أخوك خريج هندسة ميكانيكيه
وشغال سواق فى خط
لغاية هنا عاااااااااااادى جدن
وياهو إنت ف السودان
مع الكساد الحاصل
والعطاله ال متضخمه كل يوم
ومنتفسها الوحيد رقشات - أمجادات - فاترينات - سريحين ... إلخ
أو وساطااااااااااااااااااااااااااااااات
مش بقول ليكم عاااااااااااااادى
لكن ال ما عادى
إنك تكون ماشى ف خطك فى آمان الله
كافى خيرك شرك
وبتستفتح بتباشير الصباح
وفجأه وإنت بتضرب البورى
بيطلع ليك واحد من بيتم
بيقول ليك:
- تانى عربيتك ما تجى بهنا
بتستغفر
وبتقول ياصبح ف سرك
وبتقول ليهو:
- ده شارع عام
غير إنو شارع الخط ال متعودين عليهو
بيقول ليك:
- ياخى ما تتلائم
أدينى رخصك وكرتك
- وأديك لشنو ؟؟؟ صفتك شنو لما اديك ليها
تلم ناسك وتتخارج من وشو
وإنت بتسغفر ربك وبتستغرب الدنيا
بتجى ف طريق الرجعه
تلاقيهو منتظر بالميرى (حضرة سيادة النقيب حركة)
وبيقوليك:
- رخصك وكرتك تانى... وأنا ما كلمتك شارعنا ده ما تعدى بيهو
- كيف يعنى شارعكم ده ما أعدى بيهو ؟؟؟ والناس ال ما عرفت غير الشارع ده للخط
- مالك ومال الناس إنت؟ عليك تلتزم بالقوانين بس إنت ف النهايه شنو ما سواق
- ماليك دعوه أنا شنو؟؟؟ ده شى ما بيخصك
- يازول ما تتلائم ... حسى عربيتك دى بجرها الحوش
- ما بتقدر ما عندى على شى
- ما قلت ليك الشارع ده ما تعدى بيهو
- ما فى لائحه بتقول كده
- كده طيب بتشوف بعدين
- إنت فى وأنا فى نشوف
المهم بتشيل منو رخصك
وإنت عفاريت الدنيا كلها بتنطط فى وشك
ومستعد تشاكل ضلك فى اللحظه دى
وخلااااااااااااااص أخلاقك وصلت لطرف نخرتك
ومنتظر زول يقول ليك هففففف
أها بتنزل ع الموقف اول شى بتلاقيهو
منزلين دعوى إنو الشارع ده شارع سكنى ما تعدى فيهو تانى العربات التجاريه
وعلى المتضرر اللجوء للقضاء
يعنى عندكم شى إمشو إرفعو تظلم
وبقى فى الأخير فى إيصال بيقطعو الناس
مخالفة شارع
يا أخوانا ده كلام؟؟؟
ولا ده ياهو حال السودان ؟؟؟

يعنى كل من ركب دبورتين
يمسك عصايتو ويبقى الآمر الناهى ف البلد دى
ولآ البلد ال ما فيها التمساح يقدل فيها الـ.ضب؟؟؟؟

[moh_alnour]

مهندس ميكانيكي و سواق أمجاد في الزمن الأغبر دا مقبولة
خريج جامعي و رقاشي أو ( جوكي ) برضو مقبولة
لكن حكاية شارع سكني و تجاري وما بعرف ليك شنو دي الما عرفتا موقعا شنو من الإعراب :(
جديدة حكاية مخالفة شارع دي و الشارع فاتح في القلب و القلب مساكن شعبية
و الساقية و الإيصالات لسه مدورة

[مدنيّة]

ربنا يعين يانجمة

[عبدالرحمن مدثر]

ياهو دا السودان

بلد حدادى مدادى

والمعاناة على قفا من يشيل

بلد اهم موارده صناعة الاخطاء حتى لو كانت من عدم

والسلطة عصا غليظة

لاتعرف الاالقسوة

بس مافى حل

الا

ندبر امورنا

بدون دبابير

[عوض الكريم الخواض]

الحمد لله الذى فطرنا على نعمة الأسلام ...
هذه الجملة السابقة ...
هي الأساس الذى يكبت ويقيد انفعالاتنا ...
فلولا الأسلام ل ( هاجت وماجت ) ...
نجمتنا الصغيرة ...
أمثال هؤلاء الذين يستغلون سلطاتهم فى ظلم الناس وتعكير وتعطيل مصالحهم ...
لولا ما سبق ...
قتلهم حلال .

[العاقب مصباح]

ليتل استار
فى ادلة كتيرة جدا بتوضح انو الواحد فى السودان
من نفس الشاكلة
بلدنا بلد علاقات عامة
ومافى قانون اكبر من شطحات الناس
ومن حب السيطرة المتعمق فينا
وموضوعك بيقودنى لى موضوع الواسطة
يعنى لو عندك واسطة ممكن تعمل اى شئ فى الناس
تقفل طريق
تبنى بيتك فى نص الشارع نفسه
ليه لا
المانع شنو
واى قانون بيمنعك
مافى قانون اكبر منك
ونحن حقوقنا مهضومة
وبنخاف من التبعات
يعنى لو مشيت اشتكيت يا ويلك وسواد ليلك
تشوف ما لا عين رأت ولا اذن سمعت ولا خطر على قلب بشر
انت ضد الحكومة
اى مش العسكرى حكومة
والضابط حكومة
يبقى انت بتقيف ضد الحكومة الدمها فاير
وممكن العسكرى او الضابط يطلع ليهو قرار من اى جهة يقفل منك اى شئ
الا الهواء
القانون يفقد سلطته امام بريق المتنفذين ولو جزئيا
فى عهد سابق من الانقاذ كان بعض من يتم تعيينهم حديثا يفرضون سلطتهم على من لهم اربعون او ثلاثون عاما فى مصلحة ما
ما يفعلونه شئ ما يسمونه التمكين
تمكين من يتبع لهم وتمليكه سلطة تعذيب الخلق
ولا حياة لمن يتبع القانون
بلد من فوضى
انه وطنى انا
وحتة موظف زهجان فى مكان آخر ما يقضى ليك امورك
آى مش حر
المدير قريبه
والمدير قريب الوزير
والوزير قريب هناى
زى ما قال الحاردلو ((منعول ابوكى بلد))
احتراماتى

[حاتم مرزوق]

هنا مشكلة مع الأمل الذي يتلاشي ويتساوي مع اللا امل ...صورة لوأد الشباب حيا تحت ركشة..... هذا هو المحزن المبكي بعينه ... هي ولا شك معركة من معارك الشباب ضد التسلط والأستبداد .... هد مقصود لمداميكهم التي بنوها .

علي الشباب ان يعمل بنظرية كان تعب منك جناح في السرعة زيد.

لكن

الشكية لبيدن قوية .

صبرا ايها النجمة الصغيرة .

[ابوالنور]

كيف تقتنع وتبصم إنك إنت ف السودان


لما يكون زول أخوك خريج هندسة ميكانيكيه


وشغال سواق فى خط


لغاية هنا عاااااااااااادى جدن


وياهو إنت ف السودان


مع الكساد الحاصل


والعطاله ال متضخمه كل يوم


ومنتفسها الوحيد رقشات - أمجادات - فاترينات - سريحين ... إلخ


أو وساطااااااااااااااااااااااااااااااات


مش بقول ليكم عاااااااااااااادى


لكن ال ما عادى


إنك تكون ماشى ف خطك فى آمان الله


كافى خيرك شرك


وبتستفتح بتباشير الصباح


وفجأه وإنت بتضرب البورى


بيطلع ليك واحد من بيتم


بيقول ليك:


- تانى عربيتك ما تجى بهنا


بتستغفر


وبتقول ياصبح ف سرك


وبتقول ليهو:


- ده شارع عام


غير إنو شارع الخط ال متعودين عليهو


بيقول ليك:


- ياخى ما تتلائم


أدينى رخصك وكرتك


- وأديك لشنو ؟؟؟ صفتك شنو لما اديك ليها


تلم ناسك وتتخارج من وشو


وإنت بتسغفر ربك وبتستغرب الدنيا


بتجى ف طريق الرجعه


تلاقيهو منتظر بالميرى (حضرة سيادة النقيب حركة)


وبيقوليك:


- رخصك وكرتك تانى... وأنا ما كلمتك شارعنا ده ما تعدى بيهو


- كيف يعنى شارعكم ده ما أعدى بيهو ؟؟؟ والناس ال ما عرفت غير الشارع ده للخط


- مالك ومال الناس إنت؟ عليك تلتزم بالقوانين بس إنت ف النهايه شنو ما سواق


- ماليك دعوه أنا شنو؟؟؟ ده شى ما بيخصك


- يازول ما تتلائم ... حسى عربيتك دى بجرها الحوش


- ما بتقدر ما عندى على شى


- ما قلت ليك الشارع ده ما تعدى بيهو


- ما فى لائحه بتقول كده


- كده طيب بتشوف بعدين


- إنت فى وأنا فى نشوف


المهم بتشيل منو رخصك


وإنت عفاريت الدنيا كلها بتنطط فى وشك


ومستعد تشاكل ضلك فى اللحظه دى


وخلااااااااااااااص أخلاقك وصلت لطرف نخرتك


ومنتظر زول يقول ليك هففففف


أها بتنزل ع الموقف اول شى بتلاقيهو


منزلين دعوى إنو الشارع ده شارع سكنى ما تعدى فيهو تانى العربات التجاريه


وعلى المتضرر اللجوء للقضاء


يعنى عندكم شى إمشو إرفعو تظلم


وبقى فى الأخير فى إيصال بيقطعو الناس


مخالفة شارع


يا أخوانا ده كلام؟؟؟


ولا ده ياهو حال السودان ؟؟؟


يعنى كل من ركب دبورتين
يمسك عصايتو ويبقى الآمر الناهى ف البلد دى

ولآ البلد ال ما فيها التمساح يقدل فيها الـ.ضب؟؟؟؟

بداية الرد
يا سلااااااااااااااااااااااام يا بتنا علي الكلام السمح بعد الخطوبة اقصد بعد الرجعة
نهاية الرد
يا ربي انا وين

[عمرسنهوري]

بلاد كل ما ابتسمت حط على شفتيها الذباب




فعلا

حال
البلد
واقف

[عمرسنهوري]

لما يكون زول أخوك خريج هندسة ميكانيكيه
وشغال سواق فى خط
لغاية هنا عاااااااااااادى جدن
؟؟؟






و الله امر مؤسف
انا اعرف شخص خريج هندسة بترول جامعة السودان
متمكن في دراستو و في اللغه الانجليزيه
الان يعمل معلم بعد واسطات
المؤسف حقا
ان الاشياء المؤسفه اصبحت عاديه
والقيام ببعض الواجبات اصبح انجازا سشكر عليه المسئول

[بت أم درمان]

يا خوانا مش الشارع حق الحكومة
وهو تبع الحكومة
خلاص يقفل ويعمل العايزه وبي كيفه

غايتو جنس استغلال للسلطات

[ام عمورى]

نحنا غايتو كنا في اجازة في السودان وكناماشين مدني وكان ابو عمورى مستلف سيارة قريبو(ال(رتبة كبيرة كدة)فلان)وكان اظنو ايام التراخيس ديك اها الظاهر السيارة ترخيسا منتهي المهم وقفونا في نص الشارع واشرو لي ابونا اشارة كدة معناها ورانا...اها مشا قابل الضابط وكان حولو مواطنين(مغلوبين على امرهم)..وقال ليهو براحة كدة ياخي انا جاي يادوب البلد ودي ماسيارتي وماعارف ترخيسا منتهي...الضابط ولا عبرو قال ليهو رخستك بس...ابونا قال ليهو براحة اكتر دي سيارة (فلان) الضابط رفع راسو وقال للعسكري اتاكد من الترخيس..العسكري جا عاين كدة للسيارة ورجع قال لى الضابط لا لسةالترخيس ما انتهى فاضل ليهو شهر وانتهي...قال لى ابونا خلاص اتفضل...والترخيس كان منتهي ليهو شهرين لكن...لما يحصل كدة اعرف انك في السودان...

[littlestar]

مهندس ميكانيكي و سواق أمجاد في الزمن الأغبر دا مقبولة
خريج جامعي و رقاشي أو ( جوكي ) برضو مقبولة
لكن حكاية شارع سكني و تجاري وما بعرف ليك شنو دي الما عرفتا موقعا شنو من الإعراب :(
جديدة حكاية مخالفة شارع دي و الشارع فاتح في القلب و القلب مساكن شعبية
و الساقية و الإيصالات لسه مدورة






ود الجاك يارائع
فعلاً ولسه الرحايا مدوره
والإيصالات والغرامات شغااااااله ف الناس قطيع وهرى
كل عسكرى مرور شايل ليهو دفتر إيصالات
تقول بكره الإمتحان
وعايز يخلصو بأى طريقه
عشان عندو فيه نسبه
والعجب لما يلاقوك يوم وقفة العيد
يكفرنوك جنس كفرنه
تقول الواحد خلصان من الزحمه
ومزاجه فااااااااااااايق ليهم بس
طبعاً بيغلطوك بيغلطوك
ويجيبو ليك سبب من مافى
إشى رخص
إشى حزام
إشى سفنجه
إشى ما بعرفو شنو داك
وحسه ف الأخير بقت شارع

ونحن ف زمن عسكرى الحركه
هو ال بيعكس وبيربش الحركه

وعجبى...!!

[littlestar]

ربنا يعين يانجمة



اللهم آمين يا غاليه
بس كيف الناس دى تميز
إنو مهما كبرت فى رب أكبر منها

رب يمهل ولآ يُهمل

اللهم سترك وعفوك ورضاك

[littlestar]

ياهو دا السودان

بلد حدادى مدادى

والمعاناة على قفا من يشيل

بلد اهم موارده صناعة الاخطاء حتى لو كانت من عدم

والسلطة عصا غليظة

لاتعرف الاالقسوة

بس مافى حل

الا

ندبر امورنا

بدون دبابير




وتبقى إنت الخاتى أكييييييد
لما تخش عش الدبابير برجليييييينك يا أخوى

الوقفه وييييييييين :confused:؟؟؟
يعنى لو كل واحد ركب ليه دبوره
وقال تانى ما تعدو بشارعى ده
بتعملو لحضرة سيادتى إزعاج
بعد ده إلآ الناس تطير

فكره متأخره:
طيب ليييه ما يكون فى خط هليكوبترات تجاريه
ولآ بنعجج جو سعادتو برضو :eek::eek::confused::o؟؟

[littlestar]

الحمد لله الذى فطرنا على نعمة الأسلام ...
هذه الجملة السابقة ...
هي الأساس الذى يكبت ويقيد انفعالاتنا ...
فلولا الأسلام ل ( هاجت وماجت ) ...
نجمتنا الصغيرة ...
أمثال هؤلاء الذين يستغلون سلطاتهم فى ظلم الناس وتعكير وتعطيل مصالحهم ...
لولا ما سبق ...
قتلهم حلال .




الحمد لله على هذه النعمة

حلمك حلمك ياشيخ علام
مالك مسخن كده يا أبو كريم

نحن ما بنقول نبيد السلطه أو نعدما
لكن بنحاول نجاوب على أسئلة بتحيرنا

لمحة:
نحن بنعرف فى كل شعوب العالم
إنو الشرطه فى خدمة الشعب
إلآ هنا
الشعب فى خدمة الشرطة

همسة صارخة:
ديننا الإسلامى كمان قال:
"والعفو عند المقدرة"
لكن مين البستوعب
غايتو
الله معانا

[littlestar]

ليتل استار
فى ادلة كتيرة جدا بتوضح انو الواحد فى السودان
من نفس الشاكلة
بلدنا بلد علاقات عامة
ومافى قانون اكبر من شطحات الناس
ومن حب السيطرة المتعمق فينا
وموضوعك بيقودنى لى موضوع الواسطة
يعنى لو عندك واسطة ممكن تعمل اى شئ فى الناس
تقفل طريق
تبنى بيتك فى نص الشارع نفسه
ليه لا
المانع شنو
واى قانون بيمنعك
مافى قانون اكبر منك
ونحن حقوقنا مهضومة
وبنخاف من التبعات
يعنى لو مشيت اشتكيت يا ويلك وسواد ليلك
تشوف ما لا عين رأت ولا اذن سمعت ولا خطر على قلب بشر
انت ضد الحكومة
اى مش العسكرى حكومة
والضابط حكومة
يبقى انت بتقيف ضد الحكومة الدمها فاير
وممكن العسكرى او الضابط يطلع ليهو قرار من اى جهة يقفل منك اى شئ
الا الهواء
القانون يفقد سلطته امام بريق المتنفذين ولو جزئيا
فى عهد سابق من الانقاذ كان بعض من يتم تعيينهم حديثا يفرضون سلطتهم على من لهم اربعون او ثلاثون عاما فى مصلحة ما
ما يفعلونه شئ ما يسمونه التمكين
تمكين من يتبع لهم وتمليكه سلطة تعذيب الخلق
ولا حياة لمن يتبع القانون
بلد من فوضى
انه وطنى انا
وحتة موظف زهجان فى مكان آخر ما يقضى ليك امورك
آى مش حر
المدير قريبه
والمدير قريب الوزير
والوزير قريب هناى
زى ما قال الحاردلو ((منعول ابوكى بلد))
احتراماتى



مصباحنا العاقب دوماً
كما قلت وأسلفت
ولخصت قمة حالات الأسف التى نسجى فيها
فنحن شعب مكبل مغيب
لا يعى أبداً ماله وماعليه من حقوق وواجبات
وهنا تكمن المعضلة
نحن فى زمن لا يلقى بالاً لشهادات أو مؤهلات
فقط تدور الرحى بالسلطات العليا والمناصب والمحسوبيات

تلك هى بلادى