انا وصاحبتي / يوجد حقد طبقي

[مدنيّة]

انا طبعا شغالة في مؤسسة خدمية
وحالنا فيها الحمد لله

صاحبتي الله فتحها عليها واشتغلت في شركة بترول

اها مشيت ليها زيارة

[مدنيّة]

النضافة ما نضافة
والسماحة ما سماحة

[مدنيّة]

عندهم ترحيل لما تركبه التقول انت في الاسكيمو

ترحيلنا احنا لما تصل كانك اخدت ليك دش وطلعت

[مدنيّة]

الفرق بين ترحيلنا وترحيلهم
الساعة جمبك تبدو اقصر من دقيقة (ترحيلهم)
والدقيقة وانت مافي مرة ما بتقدر نضيقها (ترحيلنا)

[مدنيّة]

الباب الداخلي اللي بتمر بيه عشان تدخل المبني
باب دائري بشتغل بالاحساس

بابنا تشيل وتدفر فيه
وبعد دا ما يدفر :(

[مدنيّة]

الاوفس بتاعها بشتغل بالنية (2007)
بس تظلل العايزه وهو ما بقصر

انا شغالة باوفس 2003 وحاله يغني عن سؤاله

[الملكة اسماء ( ام محمد )]

انا جيت

الشمار قتلني

:p:p:p

[مدنيّة]

الشهر عندهم 25 يوم
الشهر عندنا 35 يوم واحيانا 40 يوم

[مدنيّة]

فرق المرتبات مافي داااااااعي اجيب سيرته :mad:

[مدنيّة]

مساحات الاختلاف بين فئات المجتمع السوداني
وكيفية تقبلها


تلاشي الطبقة الوسطي من المجتمع
مالها وما عليها


دا هدفي من البوست

[الملكة اسماء ( ام محمد )]

الفرق بين ترحيلنا وترحيلهم
الساعة جمبك تبدو اقصر من دقيقة (ترحيلهم)
والدقيقة وانت مافي مرة ما بتقدر نضيقها (ترحيلنا)

:d:d:d:d

والله ضحكتيني وانا زعلانة

اها ... واصلي

[الملكة اسماء ( ام محمد )]

مساحات الاختلاف بين فئات المجتمع السوداني
وكيفية تقبلها


تلاشي الطبقة الوسطي من المجتمع
مالها وما عليها


دا هدفي من البوست


مدون الموضوع كبير وخطير

بجيك برواقة :):)

[العاقب مصباح]

البيشوف مصائب غيره بتهون عليهو مصائبه مدنية

اصحابى

دفعتى فى الجامعة


ناس الحلة

ناس هيثم وبله

كلللللللللللللللللللللللللهم عرسوا

وبقيت انا


احقد ولا اسو شنو

حقدكم راقى انتوا

الشمار تقيل انا تانى ما بجى

[esmat]

تعرفي يامدون
نحنا لبعدنا من السودان وبالرغم من عدم الاحتكاك المباشر
إلا اننا بنحس بالشيء ده من خلال مانسمع او نقراء
فعلاً بدأ تقسيم السودان إلى فئتين عليا وسفلى
وتلاشي الطبقة الوسطي ولكن هذا ما فعلته الدولة
في سياستها وخاصة بعد كثرة الاحزاب المضادة للمؤتمر
الوطني الحزب الحاكم يريد أن يطحن جميع الاحزاب بدون
النظر إلى أن هذه الاحزاب تجمع اسر - غايتو نشوف التحاليل ومنتظرين

[العاقب مصباح]

مدون الموضوع كبير وخطير

بجيك برواقة :):)





البت دى اصلو ما تجى يا مدنية

والله تكتب ليك كلام لمن عينيك يرقرقن

ملكة ارجوك لمن تجى اكتبى بى خط كبير

درب النمل داك خلينا منه

[محمد حسين (المميز)]

باب دائري بشتغل بالاحساس

:(


يعني انتو ما عندكم إحســاس ؟؟؟ :eek::eek::eek:
:p:p

[محمد حسين (المميز)]

الشهر عندهم 25 يوم
الشهر عندنا 35 يوم واحيانا 40 يوم


مبرووووووووووووك

شالوك الصــــالح العــــام :d:d

[باسطه]

والله يا ام جمال الكلام ده بجيب لينا الهوا

ده ياهو زاااتو المخلينا هاربين من البلد مما يجيبوا لينا السيرة الواحد يعمل ماسامع

بعدين إنتي قلتي طبقة وسطى ماف طبقة عالية وطبقة منخفضة مما فهمته أنا تقسيمك للطبقات ده من ناحية مادية لكن كدي تعالي للناس الفوق ديل حنلقاهم منظر ساااي زي مابقولوا وجاهات إجتماعية ( الشرح يفسده ) المهم أحسن لي أبقى مارق لأنو لو طولته حأقوم أفلت

أخيرا الله معاكم يامدنية ( الكلام الأخلاق ههههههه )

[باسطه]

دفعتى فى الجامعة


ناس الحلة

ناس هيثم وبله

كلللللللللللللللللللللللللهم عرسوا

وبقيت انا


احقد ولا اسو شنو

حقدكم راقى انتوا

الشمار تقيل انا تانى ما بجى


[center]تصوم الإتنين والخميس بس

ماعندك خيارات هههههههههههههه

:D:D

[mustafa]

اختنا مدنيّة شفتى الحقد الطبقى دا ياهوووو زاتوا الخلانا قاعدين فى امريكا لينا خمس سنوات واحتمال من هناك طوااااالى على فاس الماوراها نااااس
:mad:

[عبدالرحمن مدثر]

مساحات الاختلاف بين فئات المجتمع السوداني
وكيفية تقبلها


تلاشي الطبقة الوسطي من المجتمع
مالها وما عليها


دا هدفي من البوست



هدفك نبيل ..

لكن الواقع اليم

وتلاشى الطبقة الوسطى لاسباب كثيرة

من بينها اللعبة القذرة التى تتم داخل بلادنا بين السلطة .. والثروة

لان الواضح للعيان ان اى فرد يدخل فى جوقة التخبة الحاكمة ياخذ معه مجموعته المقربة

ويبدا فى ابعاد الاخرين .. ودونك ماسمعناه اليوم من خروج لام كول من الحركة الشعبية

وتوضيحه لبعض الحقائق من بينها ان اموال البترول لاتذهب للتنمية .. انما لجيوب افراد بعينهم

يحسبون على اصابع اليد ....

الصالح العام

مشروع الجزيرة الذى راح فى شربة موية

حاجات كتيرة

وياناس البرج العااااااااااااالى سلام

[الشايقي]

والله يامدينه عندك اسلوب ادبي راقي بتاع شيوعين و صراع طبقي وكدا.............

وبعدين اشي صاحبتك دي شغاله في مصنع ثلج ولاشنو ......

وتحت تحت كدا شوفيها متزوجه ولالسع عشان عندي غرض و نتفكا من ابواب الخشب دي !!!!!!!!!!!

وبعدين الحكايه دي شايف في ناس اخدوها جد وحسدونا في طبقتنا دي:D:D:D:D:rolleyes:

[سيد البلد]

والله يامدينه عندك اسلوب ادبي راقي بتاع شيوعين و صراع طبقي وكدا.............

:rolleyes:





ستة ابتسامات من ابو اخدر ...

[بورتبيل]

مساحات الاختلاف بين فئات المجتمع السوداني
وكيفية تقبلها


تلاشي الطبقة الوسطي من المجتمع
مالها وما عليها


دا هدفي من البوست

:D:D:D

هدفك هدف سامي ونحنا نؤيده بشدة

الا النسالك يا خالة ..

انت ختيتي نفسك في ياتو طبقة ؟؟

الموضوع دا شكلو حا يكون مسخن سخانة شديدة

ما عارف الذكرني المسافر شنو ..!! :cool::cool::D

[عبدالله محمد العقاد]

اختنا الغالية ام جمال

تطرقت لموضوع حيوي و مهم و هي الطبقى الوسطى و مرفق موضوع للكاتب السعودي فهد الاحمدي في جريدة الرياض كان مر على من زمان و لكن احتفظت به و فرصة اشارك بيه .
مع ملاحظة الفرق بين الاسباب التي قرضت الطبقة الوسطى عندنا في السودان و السعودية

قبل أن تنقرض لدينا الطبقة الوسطى
فهد عامر الأحمدي

بعد الانهيار الكبير لسوق الأسهم (في فبراير 2006) انحسرت "الطبقة الوسطى" في مجتمعنا المحلي بشكل ملحوظ .. ففي حين امتلأت جيوب القلة وارتفعوا إلى مستوى "الطبقة العليا" خسر معظم الناس أموالهم وأملاكهم وانحدروا إلى مستوى "الطبقة الدنيا".. والطبقة الوسطى - أيها السادة - مصطلح ظهر في أوروبا مع بداية القرن التاسع عشر حين بدأ قطاع كبير من الناس يكسبون رزقهم من مهن غير يدوية أو زراعية (مثل المعلمين والاطباء والكتبة وصغار التجار) .. وحسب ما يشير اسمها كانت هذه الطبقة تقع في منطقة "متوسطة" فوق مستوى الفقر (الشائع قديما في كافة المجتمعات) وتحت مستوى الأثرياء والإقطاعيين وطبقة الارستقراطيين..
ورغم تفاوت المجتمعات في نسبة الموجودين في كل طبقة، ولكن الثابت أنه كلما كانت مساحة الطبقة الوسطى (كبيرة) كلما استقرت حال المجتمع وزادت فعالية الانتاج وعاش معظم الناس سعداء .. فالطبقة الوسطى هي المسؤولة عن معظم الانتاج الاقتصادي والمعرفي وأصحاب المبادرات الخلاقة .. فأصحاب الثراء الفاحش لا يعملون في المهن المنتجة ولا يتخرج أبناؤهم كأطباء أو معلمين أو مهندسين .. وفي المقابل يصعب على أفراد الطبقة الفقيرة العمل في المهن المنتجة أو الذهنية الراقية - ويفشل معظم أبنائها في التخرج كأطباء ومعلمين ومهندسين..

وحين نتأمل اليوم حال الدول المتفوقة اقتصاديا - والمستقرة سياسيا - نجدها تتمتع بطبقة وسطى كبيرة (بحيث تقل فيها نسبة الفقراء والأثرياء إلى أدنى حد ممكن) .. وفي المقابل تعانى الدول المتخلفة - وغير المستقرة - من تضخم طبقة الفقراء مقابل احتكار فئة قليلة لمعظم ثروات البلاد .. فاليابان والسويد والدنمرك وسنغافورة مثلا دول مستقرة تشكل فيها "الطبقة الوسطى" أكثر من 90% من مجمل الشعب (وهو مالا يترك سوى نسبة بسيطة تتقاسمها الطبقة الفقيرة والثرية) .. وفي المقابل تتضاءل مساحة الطبقة الوسطى في دول فقيرة أو متخلفة مثل النيجر وكولومبيا وباكستان ونيكاراغوا حيث يندرج معظم المجتمع في خانة الطبقة الفقيرة - مقابل احتكار فئة قليلة من السياسيين والعسكر لثروات البلاد ...

ورغم أننا في السعودية أفضل من دول عربية كثيرة (يعاني أفرادها من الفقر وقلة الدخل) إلا أننا بدأنا نلاحظ انتقالا سريعا ومتزايدا من "الطبقة الوسطى" إلى "الطبقة الدنيا" في مجتمعنا المحلي .. فانهيار الأسهم ، وتضخم الأسعار، وإغراءات القروض، وتحول معظم الكماليات إلى ضروريات - جميعها - ساهمت في ارتفاع وتيرة التسرب إلى "الطبقة الدنيا" .. وفي حال استمرت الضغوط الاقتصادية على العائلات المتوسطة - وفي حال لم ترتفع مشاركة الأفراد في الناتج الوطني - سنخسر الطبقة الوسطى الفاعلة ونتحول بسرعة إلى مجتمع يعتمد معظم أفراده على الرعاية الخيرية - في حين يرفل قلة من أبنائه في ثياب النعيم والترف..

[حاتم مرزوق]

والله يامدينه عندك اسلوب ادبي راقي بتاع شيوعين و صراع طبقي وكدا.............

D:d:d:d:rolleyes:

تعرف يا شايقي في بلدنا السودان .. لينا زمن نشوف شيوعيين بسلوكيات اسلامية واسلاميين بسلوكيات شيوعية.

ولأختنا مدنية نقول:

الطبقية في وطننا السودان تعد جديدة وبأختصار شديد جاءت مع قدوم الجبهة الأسلامية للسلطة ومزق النسيج الأجتماعي الذي كان قائما شر ممزق فلم يعد التكافل الأجتماعي كما كان وافتقر الغني واغتني الفقير واستبيح المال العام علي مرئي ومسمع الجميع حتي اضحي التعدي علي المال العام سلوكا طبيعيا وهذا ما باعد الشقة بين افراد المجتمع، ونشوء طبقة غنية عالية دون وجه حق.

نحن نعلم جميعا ان الموظف الحكومي تغيرت اوضاعه لا سيما الذين يعملون في القوات النظامية مثل الجيش والشرطة وفي رتب كبيرة فهؤلاء تبدلت احوالهم الي احسن الأحوال فلهم من المخصصات ما لا يجده اساتذة الجامعات الذين تقددت عيونهم من تحصيل العلم وخرت قواهم من تعليمه الي الناس.

تجد رتبة في الجيش او الشرطة يبدل جزء من معاشه بارقام فلكية 500 مليون واكثر ولا نري حربا تذكر ولو ان حربا حدثت لا قدر الله بطائرة وآحدة تدك حصوننا ولا ندري كيف ضربنا.

والطبقية التي تحدثت عنها اختي مدنية موجودة في الخدمة المدنية فموظف وزارة الخارجية ليس كغيره من موظفين الدولة ويا حبذا لو سنحت له فرصة للعمل خارج السودان فهذا عيد من اجمل الأعياد.

بلد للمفارقات العجيبة.

[esmat]

وحين نتأمل اليوم حال الدول المتفوقة اقتصاديا - والمستقرة سياسيا - نجدها تتمتع بطبقة وسطى كبيرة (بحيث تقل فيها نسبة الفقراء والأثرياء إلى أدنى حد ممكن) .. وفي المقابل تعانى الدول المتخلفة - وغير المستقرة - من تضخم طبقة الفقراء مقابل احتكار فئة قليلة لمعظم ثروات البلاد .. - مقابل احتكار فئة قليلة من السياسيين والعسكر لثروات البلاد ...


فنتأمل فنحن لم نستقر سياسياً ولا اقتصادياً
نصبح كل يوم في صراع حزبياً او اقتصادياً
وسحقت الطبقة الوسطى بين الصراعات

شكراً العقاد

[محمد ابراهيم خليفه]

الاستاذه مدنيه
أتيتينا بكلام سمح لكن حاتم مرزوق قرب يطلعنا منه ياخى دا مامحل سياسه تعال بره
نتونس
العقاد جابها من الاخر وقال الدوله المستقره تتسع فيها دائرة الطبقه الوسطى
الشركات الخاصه لما لها من ارباح تنفقها بطريقه متوازنه بين بيئة العمل ومرتبات العاملين والزبون هو همهم الاكبر لذا تكون بيئة العمل مميزة وجاذبه
اما القطاع العام الخدمى وبالرغم من عائده المادى الكبير فهو لايوزعها على المرفق
فقط بل توزع العائدات على المرافق ذات اللاعائد لذا تصبح بيئة العمل فقيره ولا تهتم
بالزبون بالرغم من أنه مصدر التمويل لها
حاتم أتى بارقام فلكيه لانه طرف الصوت وصلنا وقد يجد الضابط فى الرتبه الكبيره
بعض التسهيلات من الحكومه وليس من جهات خاصه حتى تحافظ الدوله على هيبة
منسوبيها
عليكم الله ما تخلو الموضوع بتاع مدنيه وتمسكو فى كلامى الاخير
لكم الود والحب

[مدنيّة]

انا جيت

الشمار قتلني

:p:p:p

لقيتك جراية لكن :cool:

[مدنيّة]

:d:d:d:d

والله ضحكتيني وانا زعلانة

اها ... واصلي



بالجد ياملكة
تكيفهم زي التكيف

وحقنا مافيه تكيف من اساسه :(

[مدنيّة]

مدون الموضوع كبير وخطير

بجيك برواقة :):)




منتظرة روقتك يامنقة

[مدنيّة]

البيشوف مصائب غيره بتهون عليهو مصائبه مدنية

اصحابى

دفعتى فى الجامعة


ناس الحلة

ناس هيثم وبله

كلللللللللللللللللللللللللهم عرسوا

وبقيت انا


احقد ولا اسو شنو

حقدكم راقى انتوا

الشمار تقيل انا تانى ما بجى

طبعا ياود مصباح كله حقد
ناتج من عوامل شتي
وكل يبكي علي ليلاه

[مدنيّة]

قروش وعلم وجمال .. بقلم: د. عبد اللطيف البوني
الثلاثاء, 02 يونيو 2009 23:41

حاطب ليل




) كان) التعليم الحديث من مدخلات الطبقة الوسطى في السودان، فالدولة كانت متكفلة بكل تكلفة التعليم من المعلم الى صابونة الغسيل لا بل كانت المدرسة والداخلية نقلة بالنسبة للتلميذ القادم من بيئة تقليدية ان لم نقل متخلفة، لقد استطاع أبناء الفقراء الترقي في مدارج العلم بقدر قدراتهم الذهنية واستعدادهم الفطري، فأصبحوا أفندية ولما كان الافندي يتقلب في رغد من العيش فقد اصبحوا طبقة وسطى وتجولوا لا بل وسكنوا المدن، فكونوا مع التجار والملاك فئة البرجوازية الصغيرة لم يتنكروا لاهلهم بل كانوا مادين يد العون لهم ولكنهم انتقلوا الى وضع ما كانوا بالغيه لولا التعليم وما يوفره من وظيفة مريحة واهتمامات حديثة وبهذه المناسبة تحضرني طرفة حدثت في احدى القرى حيث قرراحد أبناء أكبر اثرائها احضار الفنان بادي محمد الطيب ليغني في زواجه فسأله والده عن التكلفة فأجاب بأنها عشرون جنيهاً فرد الوالد (ليه اصلو انت موظف) والشاهد هنا ان الموظف هو القادر على الانفاق لانه (ما ضارب في القروش حجر دغش).



التزاوج كان من ابواب الدخول للطبقة الوسطى، فالافندية كان المجال مفتوحاً لهم للزواج من بنات الاثرياء لأن الاثرياء كانوا يبحثون عن مداخل للدولة والافندية يبحثون عن (الراحة)، فالاطباء والمهندسون والضباط وكل الخريجين المجال مفتوح لهم لدخول البيوت الكبيرة بغض النظر عن خلفيتهم الاجتماعية، بعض المتعلمين يبحثون عن الجمال فوجدت بنات الفقراء فرصة للانضمام للطبقة الوسطى بعض ابناء الاثرياء يبحثون عن الجمال فينزلون من طبقتهم كذلك لا بل بعض الاثرياء (يدبلون) من الاسر الفقيرة ذات الجمال باختصار (كدا يعني الجمال كان رأسمال كما غنى المغني).



الشاهد في الفقرتين اعلاه ان الطبقة الوسطى كانت في حالة سيولة وتمدد وكانت تتسع كل يوم بالتعليم وبالزواج وبالكسب المادي العادي وكانت عملية التحول الاجتماعي تتم بسلاسة وبسرعة، فليس هناك متاريس كبيرة فأوضاع الشباب من الجنسين تتغير وتتبدل ما بين يوم وليلة والتحول من طبقة الى طبقة يتم بآليات كثيرة وهذا يعطي المجتمع حالة حيوية، فطالما ان الطريق مفتوح للترقي فان هذا يعطي الثقة في النفس ويبعد اليأس، والمعروف ان الطبقة الوسطى هي الطبقة المبدعة وهي التي تحفظ توازن المجتمع، فالخوف من السقوط في طبقة الفقراء والتطلع للانضمام للطبقة الاعلى هوالذي يوجد التوتر (اللذيذ) الذي يولد الابداع.

ودارت الأيام وانسحبت الدولة من قطاع التعليم، فلم يعد التعليم العام المفضي للتعليم العالي متاحا لعموم ابناء السودان واصبح مرتبطا بالقدرة المالية وانهارت طبقة الافندية لأن الوظيفة لم تعد مجزية، فلم يعد التعليم ولا المتعلمين (الافندية) في اتون الطبقة الوسطى، فضمرت الطبقة الوسطى فمعظمها نزل الى الطبقة الدنيا والقليل منها انضم للطبقة العليا التي اصبحت لها احياؤها وثقافتها الخاصة فأصبحت تتزاوج فيما بينها فالحسان و(المتحسنات) فيها ازداد عددهن فكانت النتيجة نهاية السيولة الطبقية وتوقف الحراك بين الطبقات فظهر استقطاب حاد بين (كومين) كوم فيه القروش والتعليم والجمال وكوم آخر فيه الفقر والجهل وعدم الجمال(وهذه لزوم التلطيف) ولا عزاء لناس قريعتي راحت

[المكاشفى]

ههههههههههههههههههههه
قل هو الله احد الله الصمد
مالك ياخالتو ؟؟ المغتربين شختو ليك؟
قبلتى علينا - اسى عمارتكم دى فى شركه بترول عندها

لكن يامدون شنو الما ذاب فى بلدنا هى وقفت على
الوسطى - والثانوى العام - والمدارس القوميه
حنتوب خور عمر خور طقت وادى سيدنا
دى توازى حسنات الانقاذ لو بنو مليار سد
دمار للعقليه السودانيه الافندى ده يبقى كيف؟؟
والله يامدون الشغله كبيره اكبر من ما نتصور
لكن الله يعين؟؟؟

[محمد النويري-الفقراء]

سلام موضوعك جميل يا مدنية بس انا حقدي ما زي حقد الناس التانيين اقول لك كيف : حقدي على الناس البيقتاتو من التهليل والتكبير هناك من يقولوها امام المسؤول فقط وحين ينصرف يكون كلامه عكس ما قال .. فكلمة ( الله اكبر ) لها معنى وصدى في القلب إن قيلت بيقين وامانة فقد كان يقولها الصحابة رضوان الله عليهم وهم في عز المعركة وحليفهم النصر لأنهم أيقنوها وآمنوا بها..

[الشايقي]

[QUOTE=حاتم مرزوق;306401][color="blue"][size="5"][b]تعرف يا شايقي في بلدنا السودان .. لينا زمن نشوف شيوعيين بسلوكيات اسلامية واسلاميين بسلوكيات شيوعية.

هذا النص يلخص مجمل القضيه ودايره زول خيالو واسع شويه.......

زي الطايقيه الطايره .............


وسوف نجعل هذه العباره اكتشاف خالص لك


ولك تحياتي

[يسري الياس]

مدنية
موضوع جميل وواقعي
واسلوب أجمل في طرح القضية
كان عندنا واحد صاحبنا لديه مقولة دائما عندما كنا نقف في صف الطابونة وياتي اصحاب السيارات الفارهة ويتناولون خبزهم بالباب وليس بالشباك مثلنا ودون طوابير.... وكنا نزعل .. وهو يقول لينا ما تزعلوا ( هولاء يتمتعون بالحياة الدنيا .. ونحن ناس أخرة) .. وكان لدينا صاحب أخر يرد عليه ( أنت لو لقيت طريقة ما بتعمل كدا ) فيصمت صاحبنا .. ويكمل ( انتا ضامن الأخرة ) ويكمل ( أخير لو لقيت طريقة حقو تعمل كدا .. عشان تكون اتمتعت على الأقل في الدنيا وكان مشيت النار تمشي مرتاح )
الحقد الطبقي حقيقة تمليها علينا الظروف أحيانا خصوصا حين يكون لديك احساس بالظلم ....

[عوض الكريم الخواض]

الحقد الطبقى ...هذه الكلمة العميقة المدلول والتى بسببها تتفكك الدول والكيانات وتتمزق ... وتقام على أثرها الحروب وتنشأ الفتن وينعدم الأمن وتتفسخ الأخلاق .


أولاً علينا أن نسأل أنفسنا
من هو الفقير
ومن هو المسكين
وعلينا أن نصنف أنفسنا من أي ( الصنفين نحن) ... حمانا الله واياكم منهما الأثنتين .

الفقير :هو من لا يجد الا أقل من نصف كفايته من حيث الطعام والملبس والمسكن وسائر ما لابد منه بأعتبار ما يليق به .

المسكين :
هو الذى يجد نصف كفايته لكنه لا يجد أمامها ... كمن يحتاج الى عشرة جنيهات ولا يجد غير ثمانية جنيهات .

أما عن هذا التعريف المسبق للفقير والمسكين فقد أخذته من أحد المواقع ويدعى موقع أهل السنة والجماعة .

وقد درسنا سابقاً أن الفقير هو من لا يملك قوت يومه والمسكين هو من لا يملك قوت عامه .
وقد وضع الدين الأسلامى الحل لهذه المعضلة الأجتماعية بأخراج الصدقات بصورتها التى يجب أن تخرج بها .
قال تعالى : ( انما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل ) .

من هذه المقدمة القصيرة لدراسة هذا الموضوع الهام وتحليله يتضح أن معظم أفراد الشعب السودانى يندرجون تحت مسمى الصنف الثانى . ( مساكين ) . حيث أن معظم السودانيون يملكون ما يكفى حاجاتهم ولكن تنقصهم فقط ( التمامة ) وانطبق عليهم التعريف كالذى يحتاج الى عشرة جنيهات وليس معه سوى ثمانية جنيهات .

أقف عند هذا ولى عودة لمواصلة النقاش والتعقيب على ردود بعض الأخوة التى استفزتنى .

مشكورة يا مدون على طرح هذا الموضوع الأجتماعى الخطير بهذا الأسلوب اللطيف .

[مبارك الجنيد]

ياجماعه نحنا شباب جوة البلد دى الطبقه الدنيا ذاتتتتتتتتتتتتا مالامين فيها.دفعتى كلهم عطالة ابو بياعين مواسم .والعندو واسطة بقا مدير مكتب وزير بى دبلومة

[مدنيّة]

تعرفي يامدون
نحنا لبعدنا من السودان وبالرغم من عدم الاحتكاك المباشر
إلا اننا بنحس بالشيء ده من خلال مانسمع او نقراء



تعرف ياعصمت
السمعت دا ولا 1% من اللي ح تشوفه لو جيت السودان


والمصيبة انه مااااااااااااشي لوراء كل شوية

[مدنيّة]

البت دى اصلو ما تجى يا مدنية

والله تكتب ليك كلام لمن عينيك يرقرقن

ملكة ارجوك لمن تجى اكتبى بى خط كبير

درب النمل داك خلينا منه

ياود مصباح
دي ملكتنا
تقول العايزاه وتكتب العايزاه باي حجم خط

وانت زاتك تعال تاني ومابنقصر معك (حقد الف)

[مدنيّة]

يعني انتو ما عندكم إحســاس ؟؟؟ :eek::eek::eek:
:p:p

اتخيل يا مميز
لا احنا لا بابنا :(

[مدنيّة]

مبرووووووووووووك

شالوك الصــــالح العــــام :d:d

كناية عن انه مرتباتهم بصرفوها بدري
ومرتباتنا لما ننساها

هسي عليك الله دا ما سبب كااااافي للحقد :mad:

[مدنيّة]

والله يا ام جمال الكلام ده بجيب لينا الهوا

ده ياهو زاااتو المخلينا هاربين من البلد مما يجيبوا لينا السيرة الواحد يعمل ماسامع

بعدين إنتي قلتي طبقة وسطى ماف طبقة عالية وطبقة منخفضة مما فهمته أنا تقسيمك للطبقات ده من ناحية مادية لكن كدي تعالي للناس الفوق ديل حنلقاهم منظر ساااي زي مابقولوا وجاهات إجتماعية ( الشرح يفسده ) المهم أحسن لي أبقى مارق لأنو لو طولته حأقوم أفلت

أخيرا الله معاكم يامدنية ( الكلام الأخلاق ههههههه )

ماهو المشكلة انه منظر بس ياباسطة
ومافي اخلاق (الا من رحم ربي)

والمشكلة الكبيرة في "الشرح يفسده"

غايتو ياباسطة السودان بقي غير

[مدنيّة]

اختنا مدنيّة شفتى الحقد الطبقى دا ياهوووو زاتوا الخلانا قاعدين فى امريكا لينا خمس سنوات واحتمال من هناك طوااااالى على فاس الماوراها نااااس
:mad:

لو لقيتوا طريقة
رسلوا لينا معاكم يا mustafa

[مدنيّة]

هدفك نبيل ..

لكن الواقع اليم

وتلاشى الطبقة الوسطى لاسباب كثيرة

من بينها اللعبة القذرة التى تتم داخل بلادنا بين السلطة .. والثروة

لان الواضح للعيان ان اى فرد يدخل فى جوقة التخبة الحاكمة ياخذ معه مجموعته المقربة

ويبدا فى ابعاد الاخرين .. ودونك ماسمعناه اليوم من خروج لام كول من الحركة الشعبية

وتوضيحه لبعض الحقائق من بينها ان اموال البترول لاتذهب للتنمية .. انما لجيوب افراد بعينهم

يحسبون على اصابع اليد ....

الصالح العام

مشروع الجزيرة الذى راح فى شربة موية

حاجات كتيرة

وياناس البرج العااااااااااااالى سلام

واقع اليم وافرازاته صعبة شديد ياابومزن

ونقول ربنا يلطف بينا

[حاتم مرزوق]

ياجماعه نحنا شباب جوة البلد دى الطبقه الدنيا ذاتتتتتتتتتتتتا مالامين فيها.دفعتى كلهم عطالة ابو بياعين مواسم .والعندو واسطة بقا مدير مكتب وزير بى دبلومة

والله يا ود الجنيد ختيت كلام.

[مدنيّة]

والله يامدينه عندك اسلوب ادبي راقي بتاع شيوعين و صراع طبقي وكدا.............

وبعدين اشي صاحبتك دي شغاله في مصنع ثلج ولاشنو ......

وتحت تحت كدا شوفيها متزوجه ولالسع عشان عندي غرض و نتفكا من ابواب الخشب دي !!!!!!!!!!!

وبعدين الحكايه دي شايف في ناس اخدوها جد وحسدونا في طبقتنا دي:D:D:D:D:rolleyes:

هسي يا الشايقي خليني من الشيوعية والحقد الطبقي بتاعي دا

رقم الحكومة ياهو القديم ولا اتغير :p

[الملكة اسماء ( ام محمد )]

تعرفي يا مدون الحاجة دي انا عشتها ايام الجامعة
وخايفة اتكلم في الموضوع دا اتفهم غلط

لاني للاسف الشديد في فترة الدراسة بالسودان كنت بالنسبة للحوليني بمثل طبقة ( المرتاحين) زي ما بسمونا مرات

[مدنيّة]

ستة ابتسامات من ابو اخدر ...

سعادة الريس شخشيا :eek::eek:

رغم مشغولياتك شرفتنا بهنا :confused:

فيك الخير والله :cool:

[مدنيّة]

:D:D:D

هدفك هدف سامي ونحنا نؤيده بشدة

الا النسالك يا خالة ..

انت ختيتي نفسك في ياتو طبقة ؟؟

الموضوع دا شكلو حا يكون مسخن سخانة شديدة

ما عارف الذكرني المسافر شنو ..!! :cool::cool::D

يابورتبيل براك جبت المفيد وقلت لي
"يالخالة"

اها تاني فضلت فيها طبقات :cool:

المسافر الله يطراه بالخير

[ابوالنور]

يعني الواحد ما يغيب ولا شنو غايتو جنس غايتو علي قولك
كويس يعني انتي حصلتي مرحلة مغارنة شي بشي وحياتك انتي يا الغالية الواحد بيصل بي شنو هو ما عارف فجأة بلقي نفسو جوه الجك كيف وازاي الله اعلم اهو بقوم يستجد بصديق الحالة لو الصديق ما عرف حتتو تبقي بعد كده مافي الا
يا ربي انا وين

[مدنيّة]

اختنا الغالية ام جمال

تطرقت لموضوع حيوي و مهم و هي الطبقى الوسطى و مرفق موضوع للكاتب السعودي فهد الاحمدي في جريدة الرياض كان مر على من زمان و لكن احتفظت به و فرصة اشارك بيه .
مع ملاحظة الفرق بين الاسباب التي قرضت الطبقة الوسطى عندنا في السودان و السعودية

قبل أن تنقرض لدينا الطبقة الوسطى
فهد عامر الأحمدي

بعد الانهيار الكبير لسوق الأسهم (في فبراير 2006) انحسرت "الطبقة الوسطى" في مجتمعنا المحلي بشكل ملحوظ .. ففي حين امتلأت جيوب القلة وارتفعوا إلى مستوى "الطبقة العليا" خسر معظم الناس أموالهم وأملاكهم وانحدروا إلى مستوى "الطبقة الدنيا".. والطبقة الوسطى - أيها السادة - مصطلح ظهر في أوروبا مع بداية القرن التاسع عشر حين بدأ قطاع كبير من الناس يكسبون رزقهم من مهن غير يدوية أو زراعية (مثل المعلمين والاطباء والكتبة وصغار التجار) .. وحسب ما يشير اسمها كانت هذه الطبقة تقع في منطقة "متوسطة" فوق مستوى الفقر (الشائع قديما في كافة المجتمعات) وتحت مستوى الأثرياء والإقطاعيين وطبقة الارستقراطيين..
ورغم تفاوت المجتمعات في نسبة الموجودين في كل طبقة، ولكن الثابت أنه كلما كانت مساحة الطبقة الوسطى (كبيرة) كلما استقرت حال المجتمع وزادت فعالية الانتاج وعاش معظم الناس سعداء .. فالطبقة الوسطى هي المسؤولة عن معظم الانتاج الاقتصادي والمعرفي وأصحاب المبادرات الخلاقة .. فأصحاب الثراء الفاحش لا يعملون في المهن المنتجة ولا يتخرج أبناؤهم كأطباء أو معلمين أو مهندسين .. وفي المقابل يصعب على أفراد الطبقة الفقيرة العمل في المهن المنتجة أو الذهنية الراقية - ويفشل معظم أبنائها في التخرج كأطباء ومعلمين ومهندسين..

وحين نتأمل اليوم حال الدول المتفوقة اقتصاديا - والمستقرة سياسيا - نجدها تتمتع بطبقة وسطى كبيرة (بحيث تقل فيها نسبة الفقراء والأثرياء إلى أدنى حد ممكن) .. وفي المقابل تعانى الدول المتخلفة - وغير المستقرة - من تضخم طبقة الفقراء مقابل احتكار فئة قليلة لمعظم ثروات البلاد .. فاليابان والسويد والدنمرك وسنغافورة مثلا دول مستقرة تشكل فيها "الطبقة الوسطى" أكثر من 90% من مجمل الشعب (وهو مالا يترك سوى نسبة بسيطة تتقاسمها الطبقة الفقيرة والثرية) .. وفي المقابل تتضاءل مساحة الطبقة الوسطى في دول فقيرة أو متخلفة مثل النيجر وكولومبيا وباكستان ونيكاراغوا حيث يندرج معظم المجتمع في خانة الطبقة الفقيرة - مقابل احتكار فئة قليلة من السياسيين والعسكر لثروات البلاد ...

ورغم أننا في السعودية أفضل من دول عربية كثيرة (يعاني أفرادها من الفقر وقلة الدخل) إلا أننا بدأنا نلاحظ انتقالا سريعا ومتزايدا من "الطبقة الوسطى" إلى "الطبقة الدنيا" في مجتمعنا المحلي .. فانهيار الأسهم ، وتضخم الأسعار، وإغراءات القروض، وتحول معظم الكماليات إلى ضروريات - جميعها - ساهمت في ارتفاع وتيرة التسرب إلى "الطبقة الدنيا" .. وفي حال استمرت الضغوط الاقتصادية على العائلات المتوسطة - وفي حال لم ترتفع مشاركة الأفراد في الناتج الوطني - سنخسر الطبقة الوسطى الفاعلة ونتحول بسرعة إلى مجتمع يعتمد معظم أفراده على الرعاية الخيرية - في حين يرفل قلة من أبنائه في ثياب النعيم والترف..

وغير فرق اسباب انقراض هذه وتلك
وين طبقتنا الوسطي من طبقة السعودية الوسطي ياعقاد ؟!!:(

مشكور علي الاضافة الثرة للبوست

[مدنيّة]

تجد رتبة في الجيش او الشرطة يبدل جزء من معاشه بارقام فلكية 500 مليون واكثر ولا نري حربا تذكر ولو ان حربا حدثت لا قدر الله بطائرة وآحدة تدك حصوننا ولا ندري كيف ضربنا.

والطبقية التي تحدثت عنها اختي مدنية موجودة في الخدمة المدنية فموظف وزارة الخارجية ليس كغيره من موظفين الدولة ويا حبذا لو سنحت له فرصة للعمل خارج السودان فهذا عيد من اجمل الأعياد.

بلد للمفارقات العجيبة.

تعرف يااستاذ حاتم
حاليا من انجح الاستثمارات في السودان
الطب + التعليم
ارقام فلكية بياخدوها الاساتذه
واضافة الي ذلك انهم ما عندك سن معاش
يعني شغالين طوالي في الخدمة الي ان يقضي الله امرا كان مفعولا


وفعلا بلدنا اصبحت بلد للمفارقات العجيبة جدا

[مدنيّة]

فنتأمل فنحن لم نستقر سياسياً ولا اقتصادياً
نصبح كل يوم في صراع حزبياً او اقتصادياً
وسحقت الطبقة الوسطى بين الصراعات

شكراً العقاد

المشكلة سحق الاخلاق ياعصمت
دا الاثر المباشر لتلاشي الطبقة الوسطي

[مدنيّة]

الاستاذه مدنيه
أتيتينا بكلام سمح لكن حاتم مرزوق قرب يطلعنا منه ياخى دا مامحل سياسه تعال بره
نتونس
العقاد جابها من الاخر وقال الدوله المستقره تتسع فيها دائرة الطبقه الوسطى
الشركات الخاصه لما لها من ارباح تنفقها بطريقه متوازنه بين بيئة العمل ومرتبات العاملين والزبون هو همهم الاكبر لذا تكون بيئة العمل مميزة وجاذبه
اما القطاع العام الخدمى وبالرغم من عائده المادى الكبير فهو لايوزعها على المرفق
فقط بل توزع العائدات على المرافق ذات اللاعائد لذا تصبح بيئة العمل فقيره ولا تهتم
بالزبون بالرغم من أنه مصدر التمويل لها
حاتم أتى بارقام فلكيه لانه طرف الصوت وصلنا وقد يجد الضابط فى الرتبه الكبيره
بعض التسهيلات من الحكومه وليس من جهات خاصه حتى تحافظ الدوله على هيبة
منسوبيها
عليكم الله ما تخلو الموضوع بتاع مدنيه وتمسكو فى كلامى الاخير
لكم الود والحب

هو الضابط بلقي التسهيلات دي بعد شنو ياسعادتك ؟؟

مابعد ما تكون روحه طلعت

مشكور علي التواجد

[مدنيّة]

ههههههههههههههههههههه
قل هو الله احد الله الصمد
مالك ياخالتو ؟؟ المغتربين شختو ليك؟
قبلتى علينا - اسى عمارتكم دى فى شركه بترول عندها

لكن يامدون شنو الما ذاب فى بلدنا هى وقفت على
الوسطى - والثانوى العام - والمدارس القوميه
حنتوب خور عمر خور طقت وادى سيدنا
دى توازى حسنات الانقاذ لو بنو مليار سد
دمار للعقليه السودانيه الافندى ده يبقى كيف؟؟
والله يامدون الشغله كبيره اكبر من ما نتصور
لكن الله يعين؟؟؟


هي لكن هو داب بترول ياابوعبدالله:cool:

فعلا الشغلة كبيرة
وفعلا اكبر من ما نتصور
والمايقوما ومصابي الايدز والشقق المفروشة وشارع عبيد ختف (ياقول واحد اخونا)
دي كلها نتائج مباشرة يامكاشفي

ربنا يحفظنا

[مدنيّة]

سلام موضوعك جميل يا مدنية بس انا حقدي ما زي حقد الناس التانيين اقول لك كيف : حقدي على الناس البيقتاتو من التهليل والتكبير هناك من يقولوها امام المسؤول فقط وحين ينصرف يكون كلامه عكس ما قال .. فكلمة ( الله اكبر ) لها معنى وصدى في القلب إن قيلت بيقين وامانة فقد كان يقولها الصحابة رضوان الله عليهم وهم في عز المعركة وحليفهم النصر لأنهم أيقنوها وآمنوا بها..

رضي الله عنهم

اصبحت مصدر رزق يانويري للكثيرين الا من رحم ربي

[مدنيّة]

مدنية
موضوع جميل وواقعي
واسلوب أجمل في طرح القضية
كان عندنا واحد صاحبنا لديه مقولة دائما عندما كنا نقف في صف الطابونة وياتي اصحاب السيارات الفارهة ويتناولون خبزهم بالباب وليس بالشباك مثلنا ودون طوابير.... وكنا نزعل .. وهو يقول لينا ما تزعلوا ( هولاء يتمتعون بالحياة الدنيا .. ونحن ناس أخرة) .. وكان لدينا صاحب أخر يرد عليه ( أنت لو لقيت طريقة ما بتعمل كدا ) فيصمت صاحبنا .. ويكمل ( انتا ضامن الأخرة ) ويكمل ( أخير لو لقيت طريقة حقو تعمل كدا .. عشان تكون اتمتعت على الأقل في الدنيا وكان مشيت النار تمشي مرتاح )
الحقد الطبقي حقيقة تمليها علينا الظروف أحيانا خصوصا حين يكون لديك احساس بالظلم ....

ان شاء الله نلقاها في الاخرة يايسري

وابشع حاجة الاحساس بالظلم

[محمد الجزولى]

الغريبه يا اخت مدنيه انو كل يوم بشوف عماره قايمه بى هنا وبيت بى سطوح بى هناك وجماعة سايقين عربات اخر موديل ..ولما تسال يقول ليك ده بيت فلان ... فلان ده قريب ده كان زينا كده ... بصراحه الاختصاص اتلخبت فى السودان وبقينه ما عارفين الطبقه العليا من الطبقه الدنيا ...

[تغريد]

من غير الدخول في تفاصيل الفروقات الطبقية أنا غايتو لو محلك تاني ما بمشي بزور صاحبتي دي كان شنو داك .. وهو زاتو كان مشيت الباب ما بفتح لي لأنو التلتلة والمساسقة بين مكاتب الحكومة الحارة والضيقة دي ما خلت لينا أحساسا يفتح لينا بابو البشتغل بالاحساس دا غايتو الله كريم علينا



هووووووووووي يا مدنية تاني صاحبتك ي ما تمشي ليها تتعقدي وتعقدينا معاك

[مدنيّة]

من هذه المقدمة القصيرة لدراسة هذا الموضوع الهام وتحليله يتضح أن معظم أفراد الشعب السودانى يندرجون تحت مسمى الصنف الثانى . ( مساكين ) . حيث أن معظم السودانيون يملكون ما يكفى حاجاتهم ولكن تنقصهم فقط ( التمامة ) وانطبق عليهم التعريف كالذى يحتاج الى عشرة جنيهات وليس معه سوى ثمانية جنيهات .

أقف عند هذا ولى عودة لمواصلة النقاش والتعقيب على ردود بعض الأخوة التى استفزتنى .

مشكورة يا مدون على طرح هذا الموضوع الأجتماعى الخطير بهذا الأسلوب اللطيف .

اولا ياابو كريم
ين العودة للرودود التي استفزتك :cool::cool:

ياعوض الكريم بالذات في الخرطوم الناس اصبحوا اما فووووووووووووووووووووق
اما تححححححححححححححححححححححت
وهنا تكمن الخطورة

[مدنيّة]

ياجماعه نحنا شباب جوة البلد دى الطبقه الدنيا ذاتتتتتتتتتتتتا مالامين فيها.دفعتى كلهم عطالة ابو بياعين مواسم .والعندو واسطة بقا مدير مكتب وزير بى دبلومة

صدقت ياجنيد:(

وبعدين العطالة & الواسطة ديل مشاكل خطيرة جدا في المجتمع

[مدنيّة]

تعرفي يا مدون الحاجة دي انا عشتها ايام الجامعة
وخايفة اتكلم في الموضوع دا اتفهم غلط

لاني للاسف الشديد في فترة الدراسة بالسودان كنت بالنسبة للحوليني بمثل طبقة ( المرتاحين) زي ما بسمونا مرات

فهمنا الغلت كدي خليه
انتي احكي بس يا "حنكوشة :p "

[طلال الصول]

مساحات الاختلاف بين فئات المجتمع السوداني
وكيفية تقبلها


تلاشي الطبقة الوسطي من المجتمع
مالها وما عليها


دا هدفي من البوست

طبقة وسطى شنو يا مدنية خلاص لقيتي المغتربين مساكين وماعندهم شي

قبلتي على صاحبتك المسكينة ;)





كلامك اكيد صاح الطبقة الوسطى في السودان من فترة طويلة ابتدت تتلاشى
وكان الله في عونا احتمال بعد شوية يقومو يرجعو النظام الملكي والباشوية البقت حسي شغالة لكن ما معلنة ولك التحية

[مايسة]

الاخت مدنية

موضوع حلو والكلام فيهو سياسي بحت

عاد نعمل شنو وريني بث - حكم القوي على الضعيف

[مدنيّة]

يعني الواحد ما يغيب ولا شنو غايتو جنس غايتو علي قولك
كويس يعني انتي حصلتي مرحلة مغارنة شي بشي وحياتك انتي يا الغالية الواحد بيصل بي شنو هو ما عارف فجأة بلقي نفسو جوه الجك كيف وازاي الله اعلم اهو بقوم يستجد بصديق الحالة لو الصديق ما عرف حتتو تبقي بعد كده مافي الا
يا ربي انا وين

يازول خليها علي ربك

همسة : غايتو جنس غايتو دي ما قولتي انا
دي قولة واحد اسمه ود الصائم من سودانيزاولاين "عشان الاختساس وكدا" :cool:

[مدنيّة]

الغريبه يا اخت مدنيه انو كل يوم بشوف عماره قايمه بى هنا وبيت بى سطوح بى هناك وجماعة سايقين عربات اخر موديل ..ولما تسال يقول ليك ده بيت فلان ... فلان ده قريب ده كان زينا كده ... بصراحه الاختصاص اتلخبت فى السودان وبقينه ما عارفين الطبقه العليا من الطبقه الدنيا ...


والاغرب ياجزولي
بيقولوا مافي سيولة !!!

طب الحاجات دي جات من وين :(

[مدنيّة]

من غير الدخول في تفاصيل الفروقات الطبقية أنا غايتو لو محلك تاني ما بمشي بزور صاحبتي دي كان شنو داك .. وهو زاتو كان مشيت الباب ما بفتح لي لأنو التلتلة والمساسقة بين مكاتب الحكومة الحارة والضيقة دي ما خلت لينا أحساسا يفتح لينا بابو البشتغل بالاحساس دا غايتو الله كريم علينا



هووووووووووي يا مدنية تاني صاحبتك ي ما تمشي ليها تتعقدي وتعقدينا معاك

فعلا ياتغريد
حتي الاحساس بقي ماعندنا
عشان نفتح بيه ابوابهم دي

ياخاي التعقيد خلا حصل
الله كريم علينا

[مدنيّة]

طبقة وسطى شنو يا مدنية خلاص لقيتي المغتربين مساكين وماعندهم شي

قبلتي على صاحبتك المسكينة ;)





كلامك اكيد صاح الطبقة الوسطى في السودان من فترة طويلة ابتدت تتلاشى
وكان الله في عونا احتمال بعد شوية يقومو يرجعو النظام الملكي والباشوية البقت حسي شغالة لكن ما معلنة ولك التحية

وينك مختفي ياطلال
والله ايام حقد المتربين ديك كانت لذيذة ياخ

اها انا ما لقيت منهم فائدة عشان كدا
حولت الحقد داخلي:cool:


ربنا يصلح الامور

[مدنيّة]

الاخت مدنية

موضوع حلو والكلام فيهو سياسي بحت

عاد نعمل شنو وريني بث - حكم القوي على الضعيف

هلا ميسو
منورة الحقد دا :cool:


هي ماسياسة بحتة ياميسو
لكن ياقولك ح نعمل شنو

ربنا يصلح الاحوال

[علي النعيم محمد نور]

إنتي يا أم جمال إن شاءالله ما صاحبتي ! ! !

[بت الشبارقه]

والله يامدنيه اعذريني الجيت متاخره
بس المواصلات وكده
زحمه زحمه زحمه حاجه تقرف
وحر عز الشتا ومطر عز الحريق
عمارات.
عمارات قال.......عمارات ساي ..دي عمارات وفلل وشقق بره السودان ومن اين لك هذا ومصيف في شرم وتاني في لنكاوي وتشتي فين وتاجز وين وسكيوريتي رايح جاي وبطانه سوء وووووووووااااااااااااااااااااااو
الحقد الطبقي قال
نحن بقي عندنا حقد طبق فوق طبق وصاحبتك دي والله العندها شويه
تعالي كده اغلطي واركبي طياره بالغلط وانزلي ماليزيا
عشان تعرفي انو صاحبتك ولا حاجه والعندك في السودان هم زاتم العندنا هنا بس مامغتربين مصيفين وكده
والا جايبين المدام فتره نقاهه
المغتربين ما كده
عرف المغترب...
المغترب هو:-
المطلعين زيتو شان لقمه يومو قبل عامو
المبهدل في الغربه وسايب اهلو ومالو وحالو وبيلقط في فتات الغير
الجيعان شان ياكل عيالو والعريان وملبس غيرو
المالو قدامو في بلدو وبيتهنا بيهو غريب من بلد تاني
العيالو مالاقيين من الغربه الا البهدله وكلمه we are foriegner from sudan
yes darfourعارفه نحن هنا مشهورين بي دارفور fightingوالله الغرابه الله يديهم العافيه شهرونا
عموما البغر ولا الحساده وفي النهايه بنتوسد الطوبه وبيضمنا شبر
المهم العمل الصالح
ولو واحد فيهم شال عماره معاه والله انا اقاتل فيها لكن في الاخر هم بيتوسدوا زينا الدايمه
وبنمرق منها زي ما جابتنا اماتنا كان نحن كان هم خليهم يرطبو شويه
الراجيهم تقيل
وياقول حبوبتي الله يرحما
كانت شافت اعتزال الممثلات والحجاب بعد العمايل البيعملنها
قالت :-والله ما واجعني الا التوبه في النهايه دي
الواحده تجوط الدنيا وتسوي السبعه وزمتا وفي الاخر تتوب وتخش الجنه
دحين ربنا يتوب علينا وعليهم
ويدينا الجنه