محمد عبد الله عبدالقادر
03-06-2009, 04:56 AM
احكي ليكم قصة تعديل المهنة من طقطق الى السلام عليكم - اها نبدا
بعد ما انتهيت من الجامعه في نهايات عام 1996 من النيلين - الفرع زمان - اول ما طلعت النتيجة مع بدايه عام 1997 م جريت طوالي طلعت الشهادة ووثقتها لحدي الخارجية قلت ما معروف الظروف الواحد يكون جاهز. قدر القدر اجي السعودية بمهنة عامل وجيت واشتغلت كويس محاسب ولي هسي اكتر من 6 سنين في شغلي ده واتزوجت والحمد لله ولمن جيت اعمل استقدام للزوجه بدا مشوار طويل نبداهو من السعودية.
مشيت الاستقدام شايل القسيمة والشهادات وصور من الجواز والاقامة وورق كتير كدة تاني قالة لي لازم تعدل المهنة في الاقامة الاول, مشيت الجوازات عشان اسال ساي قالوا مافي تعديل مهنة الا مع نقل كفالة - طيب انا مع كفيلي شغال كويس والحمد الله ما عاوز انقل كفاله- قالو ما طريقه تاني . اها واحد من اولاد الحلال قال لي انا بعرف واحد بعدل ليك المهنة بس بياخد . الف ريال بدون الرسوم وهي الف ريال قلنا ما في مشكلة وطلب انو الشهادات تتوثق من الخارجية السعودية مشيت الخارجية السعودية قالوا الا تتوثق من السفارة السعودية في الخرطوم.
الخرطوم
اخدت الشهادات وفي نهاية رمضان القبل الفات مشيت اجازة ومشيت السفارة طوالي قالو قفلوا للعيد وبعد العيد طوالي مشيت السفارة وطبعا انا موثق الشهادات لحدى الخاجية السودانية اديت الورق لمكتب وبعد يومين قالو لي لازم ترجع الخارجية السودانية تعيد التوثيق - طيب ليه ما انا موثق من الخارجية واهو الختم كبير وملعلط بالدهبي قالوا الختم اتغير ولازم تمشي تغيروا تاني ووشي طوالي على مكتب التوثيق بتاع الخارجية الوثقت فيهو زمان لقيتو اتغير ووصفو لي المحل الجديد وطوالي عليهو ووتوش دخلت ليك بكل ثقة لقيت واحد قاعد في طربيزة سالتو وحكيت ليهو القصة قلب الورق وعاين وقال لي لازم توثق الشهادة من التعليم العالي - طيب ما انا موثق من التعلم العالي واهو التوقيع كبيييير وظاهر - قال لي لازم تغير التوثيق ده اها كان اليوم انتهي.
رجعت الصباح وطوالي التعليم العالي للتوثيق لقيت ليك امة لا اله الله زحمة وحر شديد ما ضل تقيف فيهو اها سالت يا تو شباك وروني وقت في الصف لمن وصلت اديت الورق للموظفه وحكيت ليها القصة كلها من السعودية لحدي ما وصلتها هنا قالت لي لازم تجيب تصريح ولا عدم ممانعه ما متزكر من الالزامية - طيب الالزامية لشنو ما مغترب واهو الجواز فيهو الاقامة والخروج والعودة وورق المغتربين من ضرائب ومساهمة وزكاة وشنو كدة ما عارف - قالت لازم الالزامية - طيب وين امشي قالت مكاتب الالزامية بالمقرن.
اها طوالي للمقرن لقيت كم باب قدام كل باب مكتب صغير فيهو بتاعين الامن خشيت 3 مكاتب زي وكل مكتب اسالني واحكي ليهو القصة تاني من البداية لحدي ما وصلته لحدي ما وصلت مكتب بجوة زي تلاجة الموز المكيفات دي تقول يا غربتي اها دخلت واخدت لي نفس كارب من الهواء السمح ده دل الحر البرة - وسالت لي واحد حولني لواحد تاني حولني لواحد تالت حولني لمكتب رابع وكل واحد احكي ليهو القصة بتاعتي لحدى ما الواحد الفي المكتب الاخير قال لي لازم تمشي مكتب الالزامية في الصحافه - اها وين المكتب ده - وصفوة لي وطوالي جري للصحافة اها لقيت ليك مبني جديد كبييير واخر حلاوة مشيت المدخل الرئيسي سالت بتاعين الامن وجهوني للباب الخلفي للمبني وهناك لقيت واحد واقف قدام الباب سالني داير شنو حكيت ليهو القصة - اها دخلت مكتب فيهو كم كاونتر وكراسي للانتظار واخر راحات اها مشيت الشباك الاول اديتو الورق وحكيت ليهو القصة قام نادى واحد تاني برضو حكيت ليهو القصة قام قلب الورق يمين شمال وعاين لي وسالني كم سوال كدة واشر لي لمكتب صغير قال لي امشي اسال من فلان.
مشيت دخلت المكتب سالت من فلان لقيتو قاعد وخالف رجلو فوق شال مني الورق وحكيت ليهو القصة كلها قال لي انت مغترب قلت ليهو ايوة واهو الجواز فيهو الاقامة المشيت بيها وفيهو الخروج والعودة الاخيرة العملتها - قال لي طيب جيب لينا دفتر الاقامة الاصلي بتاعك!! قلت ليهو مافي واحد بسافر بالاقامة الاصل بتاعتو الكفيل بشيل الاقامة ويديك الجواز قال لي طيب صورة منها - قلت ليهو ما الجواز فيهو كل المعلومات دي اصر وقال لازم صورة الاقامة - طيب اجيبها ليك من وين - قال لي اضرب لناس الشغل يرسلو ليك صورة الاقامة.
طلعت منهم وسالت المدام لو عندها صورة اقامة من الرسلتهم ليها لمن كنت داير اجيبها عمرة لقيناها في مدني؟ ضربنا لناس مدني يرسلوا الصورة بالفاكس وطبعا كان اليوم انتهى - تاني يوم جيت من الصباح لقيت الراجل قاعد اديتو صورة الاقامة قلب فيها يمين وشمال وقراها زي الممتحن فيها وقال لي دي ما نافعه - طيب ليه - قال لي تاريخ الانتهاء بتاعها منتهي ليهو سنة قلت ليهو يكونوا ما صورة الصورة الفيها التجديد - قال لي لازم التجديد - طلعت منهم ومشيت لنسيبي واتصلت على السعودية رسول لي الصورة على الفاكس بتاع نسيب وطبعااليوم كان انتهى.
تاني يوم طوالي للراجل في الصحافة اديتو الصورة وابتسم وقال كدة 100% وقع لي في الورق وحولني للشبابيك - اها قعدت اباري في الشبابيك لحدي ما انتهيت وقمت جري للتعليم العالي اديتهم الورقه بتاعت الالزامية وقالو لي تعال يوم الاربعاء- كان اليوم الاتنين - وقالو التسليم يومين في الاسبوع الاتنين والاربعاء الساعه 2 بعد الضهر.
جيت يوم الاربعاء استلمت الشهادات وطوالي للخارجية باريت الشبابيك ووثقت الشهادات للمرة التانية وتاني يوم مشيت السفارة اديتها لواحد من المكاتب القدام السفارة دي وبعدها بيومين جيت اخدتها موثقها.
ولقيت ليك الشهادة دي من كترة الاختام والامضاءات لمن بقت باهتة ومليانة وراء وقدام.
وكدة اكون انتهيت من السوادن وكملت الاجارزة وراجع تاني اوريك الحصل شنو في السعودية.
بعد ما انتهيت من الجامعه في نهايات عام 1996 من النيلين - الفرع زمان - اول ما طلعت النتيجة مع بدايه عام 1997 م جريت طوالي طلعت الشهادة ووثقتها لحدي الخارجية قلت ما معروف الظروف الواحد يكون جاهز. قدر القدر اجي السعودية بمهنة عامل وجيت واشتغلت كويس محاسب ولي هسي اكتر من 6 سنين في شغلي ده واتزوجت والحمد لله ولمن جيت اعمل استقدام للزوجه بدا مشوار طويل نبداهو من السعودية.
مشيت الاستقدام شايل القسيمة والشهادات وصور من الجواز والاقامة وورق كتير كدة تاني قالة لي لازم تعدل المهنة في الاقامة الاول, مشيت الجوازات عشان اسال ساي قالوا مافي تعديل مهنة الا مع نقل كفالة - طيب انا مع كفيلي شغال كويس والحمد الله ما عاوز انقل كفاله- قالو ما طريقه تاني . اها واحد من اولاد الحلال قال لي انا بعرف واحد بعدل ليك المهنة بس بياخد . الف ريال بدون الرسوم وهي الف ريال قلنا ما في مشكلة وطلب انو الشهادات تتوثق من الخارجية السعودية مشيت الخارجية السعودية قالوا الا تتوثق من السفارة السعودية في الخرطوم.
الخرطوم
اخدت الشهادات وفي نهاية رمضان القبل الفات مشيت اجازة ومشيت السفارة طوالي قالو قفلوا للعيد وبعد العيد طوالي مشيت السفارة وطبعا انا موثق الشهادات لحدى الخاجية السودانية اديت الورق لمكتب وبعد يومين قالو لي لازم ترجع الخارجية السودانية تعيد التوثيق - طيب ليه ما انا موثق من الخارجية واهو الختم كبير وملعلط بالدهبي قالوا الختم اتغير ولازم تمشي تغيروا تاني ووشي طوالي على مكتب التوثيق بتاع الخارجية الوثقت فيهو زمان لقيتو اتغير ووصفو لي المحل الجديد وطوالي عليهو ووتوش دخلت ليك بكل ثقة لقيت واحد قاعد في طربيزة سالتو وحكيت ليهو القصة قلب الورق وعاين وقال لي لازم توثق الشهادة من التعليم العالي - طيب ما انا موثق من التعلم العالي واهو التوقيع كبيييير وظاهر - قال لي لازم تغير التوثيق ده اها كان اليوم انتهي.
رجعت الصباح وطوالي التعليم العالي للتوثيق لقيت ليك امة لا اله الله زحمة وحر شديد ما ضل تقيف فيهو اها سالت يا تو شباك وروني وقت في الصف لمن وصلت اديت الورق للموظفه وحكيت ليها القصة كلها من السعودية لحدي ما وصلتها هنا قالت لي لازم تجيب تصريح ولا عدم ممانعه ما متزكر من الالزامية - طيب الالزامية لشنو ما مغترب واهو الجواز فيهو الاقامة والخروج والعودة وورق المغتربين من ضرائب ومساهمة وزكاة وشنو كدة ما عارف - قالت لازم الالزامية - طيب وين امشي قالت مكاتب الالزامية بالمقرن.
اها طوالي للمقرن لقيت كم باب قدام كل باب مكتب صغير فيهو بتاعين الامن خشيت 3 مكاتب زي وكل مكتب اسالني واحكي ليهو القصة تاني من البداية لحدي ما وصلته لحدي ما وصلت مكتب بجوة زي تلاجة الموز المكيفات دي تقول يا غربتي اها دخلت واخدت لي نفس كارب من الهواء السمح ده دل الحر البرة - وسالت لي واحد حولني لواحد تاني حولني لواحد تالت حولني لمكتب رابع وكل واحد احكي ليهو القصة بتاعتي لحدى ما الواحد الفي المكتب الاخير قال لي لازم تمشي مكتب الالزامية في الصحافه - اها وين المكتب ده - وصفوة لي وطوالي جري للصحافة اها لقيت ليك مبني جديد كبييير واخر حلاوة مشيت المدخل الرئيسي سالت بتاعين الامن وجهوني للباب الخلفي للمبني وهناك لقيت واحد واقف قدام الباب سالني داير شنو حكيت ليهو القصة - اها دخلت مكتب فيهو كم كاونتر وكراسي للانتظار واخر راحات اها مشيت الشباك الاول اديتو الورق وحكيت ليهو القصة قام نادى واحد تاني برضو حكيت ليهو القصة قام قلب الورق يمين شمال وعاين لي وسالني كم سوال كدة واشر لي لمكتب صغير قال لي امشي اسال من فلان.
مشيت دخلت المكتب سالت من فلان لقيتو قاعد وخالف رجلو فوق شال مني الورق وحكيت ليهو القصة كلها قال لي انت مغترب قلت ليهو ايوة واهو الجواز فيهو الاقامة المشيت بيها وفيهو الخروج والعودة الاخيرة العملتها - قال لي طيب جيب لينا دفتر الاقامة الاصلي بتاعك!! قلت ليهو مافي واحد بسافر بالاقامة الاصل بتاعتو الكفيل بشيل الاقامة ويديك الجواز قال لي طيب صورة منها - قلت ليهو ما الجواز فيهو كل المعلومات دي اصر وقال لازم صورة الاقامة - طيب اجيبها ليك من وين - قال لي اضرب لناس الشغل يرسلو ليك صورة الاقامة.
طلعت منهم وسالت المدام لو عندها صورة اقامة من الرسلتهم ليها لمن كنت داير اجيبها عمرة لقيناها في مدني؟ ضربنا لناس مدني يرسلوا الصورة بالفاكس وطبعا كان اليوم انتهى - تاني يوم جيت من الصباح لقيت الراجل قاعد اديتو صورة الاقامة قلب فيها يمين وشمال وقراها زي الممتحن فيها وقال لي دي ما نافعه - طيب ليه - قال لي تاريخ الانتهاء بتاعها منتهي ليهو سنة قلت ليهو يكونوا ما صورة الصورة الفيها التجديد - قال لي لازم التجديد - طلعت منهم ومشيت لنسيبي واتصلت على السعودية رسول لي الصورة على الفاكس بتاع نسيب وطبعااليوم كان انتهى.
تاني يوم طوالي للراجل في الصحافة اديتو الصورة وابتسم وقال كدة 100% وقع لي في الورق وحولني للشبابيك - اها قعدت اباري في الشبابيك لحدي ما انتهيت وقمت جري للتعليم العالي اديتهم الورقه بتاعت الالزامية وقالو لي تعال يوم الاربعاء- كان اليوم الاتنين - وقالو التسليم يومين في الاسبوع الاتنين والاربعاء الساعه 2 بعد الضهر.
جيت يوم الاربعاء استلمت الشهادات وطوالي للخارجية باريت الشبابيك ووثقت الشهادات للمرة التانية وتاني يوم مشيت السفارة اديتها لواحد من المكاتب القدام السفارة دي وبعدها بيومين جيت اخدتها موثقها.
ولقيت ليك الشهادة دي من كترة الاختام والامضاءات لمن بقت باهتة ومليانة وراء وقدام.
وكدة اكون انتهيت من السوادن وكملت الاجارزة وراجع تاني اوريك الحصل شنو في السعودية.