اقوي اختبارات الشخصية

[الدكتور]

أقوى اختبارات الشخصية


--------------------------------------------------------------------------------

سلام عليكم

تدرون ، يمكن السالفة اللي عندي ماهي جديدة بس أنا متأكد من اللي بقوله هنا تمام التمام.


يقول لك عشان تختبر حقيقة أي شخصية أمامك تسوي واحد من اثنين:

1. تُغضب الشخص عشان تطلع شخصيته الحقيقة (يعني استفزّه وخليه يعصب وشوف وش بيسوي) س خلك بعيد.

2. هذي طبعاً ما تصلح عندنا، بس في الغرب عشان يكشفون حقيقة الواحد يخلونه يسكر (يعني يشرب شي يفر مخه) وقتها يطيح القناع ويبدأ يتصرف بحقيقة شخصيته المدفونة جواته.


الثالثة هذي عاد مجربة 100% وه يتنطبق على المنتديات

تعرفون في المنتدى أنت تقرا كلمات فقط، يعني ما تدري عن هاللي كاتبها وشلون كتبهاـ صحيح إنك تقد تطلع شوي من شخصيته من خلال متابعة ردوده وتعقيباته مع الأعضاء الآخرين إلا أن هذا لا يعطيك صورة واضحة.

بس هذي التقنية اللي بعلمك عليها راح تجيب صورة مقاربة للصورة الحقيقة بنسبة 85% على أقل تقدير، ونسبة الخطأ فيها تكاد تكون (صفر).




المسألة بسيطة جداً وما يبغا لها تعب وصدقوني إني تابعت الشغلة هذي من أكثر من أربع سنوات ولقيت إن الفكرة اللي تطلع برأسي عن الشخص بمجرد تطبيق التقنية هذي هي نفسها اللي تثبتها لي الأيام مع متابعة ردوده ومواضيعه وحتى مع الناس اللي سبق وعرفتهم عن طريق المنتديات والتقيت فيهم فيما بعد لقاءات شخصية، كانت الصورة المبدأية اللي تكونت لي عن طريق التقنية العجيبة اللي بوصفها لكم الحين، مقاربة بنسبة كبيرة جداً للحقيقة الي شفتها بالتعامل معهم.





كل المطلوب منك تتابع تواقيع العضو هذا وتشوف وش يربط بينها (ركز على الكلمات اللي التوقيع)


وبصراحة أنا متابع تواقيع أغلب أعضاء منتى البنات يعني تقريباً شخصياتهم واضحة ومعروفة بنسبة كبيرة بالنسبة لي.




شكراً لوقتكم الذي منحتموه لحروفي هذه