رابطة نساء منتديات ودمدني [الأرشيف]

الملكة اسماء ( ام محمد )

27-05-2009, 01:01 AM

بسم الله الرحمن الرحيم

اولا : المرشحة للرئاسة ..........العزيزة مدنية
فالتتفضل مشكورة:):)

اجتماع تكوين ادارة الرابطة قريبا يانسوان

اهدافنا نصرة اخواتنا نساء المنتدى ضد جيش العدو المتمثل في الرجال عموما وعلى رائسهم كل من يكتب في مواضيع اثارة الفتن والضغائن ضد النساء

بعيدا عن الهزل كل البكتب في سياساتنا الخاصة ح يقعد في الواطة بعد كدا :mad:

....... الكلام ليك ........ اااااااااي ليك

قريبا جدا سادتي الكرام تعودوا ادراجكم
زاااااتو عشان نفهم قصتكم شنو الايامات دي :confused:

عمرسنهوري

27-05-2009, 01:06 AM

هووووووووووي يا الملكه
انتي ومدنيه بطلن التمرد بتاعكن دا
كمان دايرين تجيبو لينا جمعية يا نساء العالم اتحدن

الملكة اسماء ( ام محمد )

27-05-2009, 01:07 AM

اجندة الاجتماع الاول :

الترحيب بالسيدات العضوات في الربطة

كلمة الافتتاحية للسيدة رئيسة الرابطة

توزيع المناصب الادارية

عمل شعار للرابطة وياريت يكون ( بلا رجال بلا لمة ):D

الاتفاق على مواعيد الاجتماعات السرية

المهم جدا : ارسال تحذير قبل الهجوم لكل السادة المتهجمين على سياساتنا من بتاع وبتاع وبتاع واظنكم فهمتوني :rolleyes:

ويلا التسجيل بداء

الملكة اسماء ( ام محمد )

27-05-2009, 01:09 AM

هووووووووووي يا الملكه
انتي ومدنيه بطلن التمرد بتاعكن دا
كمان دايرين تجيبو لينا جمعية يا نساء العالم اتحدن

اولا : الجاااااااابك هنا شنو ؟؟؟؟
اليافطة الفي البوابة دي ما عاجباك ؟
:mad::mad::mad:

انتوا شفتوا تمرد هسي ؟

صبراااااااااااااااااااااا صبراااااااااا معشر الرجال فان موعدكم (كيد عظيم )

العاقب مصباح

27-05-2009, 01:12 AM

تم نقل الموضوع للنفاج

وشكرا

واحد عامل فيها ادارة وكدا

الملكة اسماء ( ام محمد )

27-05-2009, 01:16 AM

تم نقل الموضوع للنفاج

وشكرا

واحد عامل فيها ادارة وكدا

دا زاااااااااااتو الحقد الانا بقول عليه

هسي انت الجاااااابك هنا شنو

وبعدين منو القال ليك احنا بنهظر الموضوع جدي جداد بلدي كمان

اصبر وشوف الجايكم في الدرب

:eek::eek::eek:وبعدين تعال هنا
انت موش الاخ الاتكلم في البتاع يوم داك
ايواااااااااااااااااا

سجلوا عندكم يا بنات

العاقب مصباح مطلوب للمحكمة النسائية شخصيا

العاقب مصباح

27-05-2009, 01:28 AM

دا زاااااااااااتو الحقد الانا بقول عليه

هسي انت الجاااااابك هنا شنو

وبعدين منو القال ليك احنا بنهظر الموضوع جدي جداد بلدي كمان

اصبر وشوف الجايكم في الدرب

:eek::eek::eek:وبعدين تعال هنا
انت موش الاخ الاتكلم في البتاع يوم داك
ايواااااااااااااااااا

سجلوا عندكم يا بنات

العاقب مصباح مطلوب للمحكمة النسائية شخصيا

نحن جيناكم هنا عشان الصورة الرمزية وكدا

الى حين العثور على صورتى الوحيدة

مع العلم انو النجاتيف رااااااااااح فى السيل

حافظ شعبان

27-05-2009, 01:37 AM

اختى ملكة القلوب الف الف مرحب بك وبأخواتك العضويات
اقتراح جميل
وده من حقكم
واسمحى ليا بأقتراح
فبل تسجيلك كان فى منتدى يسمى منتدى النواعم
اقترح ان تقترحى للاداره بأرجاعه
وارشحك انت مشرفه على هذا المنتدى ( منتدى النواعم )
واعتقد سبب الغاءه عدم وجود الكفاءه فى الاشراف
اتمنى الاداره تستجيب لهذا الطلب
وكان ربنا وفقك قفلى الباب على ناس العاقب

مدنيّة

27-05-2009, 01:44 AM

ملكة
تتخيلي اننا فعلا محتاجين للرابطة دي
عشان زحمة الرجال ديل :mad:
واضطهادهم لينا:mad::mad:

اصبري لي برجع ليك بعدين لما ادخل من البيت
هسي مواعيد الشغل الواحد بعاين بنص عين ;)

الملكة اسماء ( ام محمد )

27-05-2009, 01:48 AM

نحن جيناكم هنا عشان الصورة الرمزية وكدا

الى حين العثور على صورتى الوحيدة

مع العلم انو النجاتيف رااااااااااح فى السيل

لا لا ماعايزين القديمة ياااااااخ
ماشايف الناس الجوا بنيو لوك ديل

انت ما اقل منهم
يمين تمشي هسي بموبايلك دا تصور نفسك كم صورة والبتظبط تعملها لينا رمزية
اي زاتو عشان نعد الشيبات الفي راسك :D:D

ويلا ماعايزين لمة رجال هنا المديرة جات بعد كدا :cool:

عثمان جلالة

27-05-2009, 01:51 AM

الملكة اسماء ( ام محمد )

27-05-2009, 01:54 AM

كان فى منتدى يسمى منتدى النواعم
اقترح ان تقترحى للاداره بأرجاعه
وارشحك انت مشرفه على هذا المنتدى ( منتدى النواعم )
:eek::eek::eek::eek::eek:
:eek::eek::eek:
:eek::eek:
واعتقد سبب الغاءه عدم وجود الكفاءه فى الاشراف
اتمنى الاداره تستجيب لهذا الطلب
وكان ربنا وفقك قفلى الباب على ناس العاقب

هي يا اهلنا اشرااااااااااااااااااااف ااااااااااااديل كدا
ليييييييييييييييه ؟
مااااااااااااااالك علي ياااااااااااااااخ

انت عارف هسي المشرفين يكونوا حاسدننا على الاحنا فيه
ماشايف شيكو انتكس كيف ورغم انه حقق للثقافي الكتير مما ذهب مع الريح ايضا
اتمنى يرجع شيكو عضو زي زمان ونسعد بطرائفه وكلماته السلسة واكيد هو برضو بتمنى يرجع عضو

اما شعب العدو مثل العاقب ومنو كدا ماعايزة اجيب سيرته كلهم التصدي لهم من هنا افضل من رميهم بحمم غضبنا من خلف اسوار قلعة تحت مسمى منتدى سيدات
فنحن يا سيدي نساء اعتدنا خوض المعارك لنتتصر فيها باذن الله :p

العاقب مصباح

27-05-2009, 01:54 AM

ملكة
تتخيلي اننا فعلا محتاجين للرابطة دي
عشان زحمة الرجال ديل :mad:
واضطهادهم لينا:mad::mad:

اصبري لي برجع ليك بعدين لما ادخل من البيت
هسي مواعيد الشغل الواحد بعاين بنص عين ;)

فى الانتظار والله العظيم

الملكة اسماء ( ام محمد )

27-05-2009, 01:58 AM

ملكة
تتخيلي اننا فعلا محتاجين للرابطة دي
عشان زحمة الرجال ديل :mad:
واضطهادهم لينا:mad::mad:

:cool::cool::cool:

الفوق ديل البودي قاردية طبعا

حيااااااااااك الله يا مدون في مكتبك الجديد

http://sewary.net/photo/9small_1227692162.jpg

الملكة اسماء ( ام محمد )

27-05-2009, 02:03 AM

لكن لو الإتنين مع بعض ... دي تبقى مصيبة ... ونحن ح نكون أول المتضررين :D

ابشر واستبشر يارجل الاحتمال التالت صحيح
اتضرر سااااااااااااي:D

ملحوظة : الشاف البوست ده في النفاج ما كضب :cool::p

يلا اوريك كلام علني كدا يا BOOS البوست دا لو اتنقل ح نعتبرها محاولة لاحباط التكاتف النسوي في المنتدى
بعدين نحن ناوين نناقش قضايانا بشكل جاد جدا :mad:

ونقل البوست للقسم المقصود يعني الاستهزاء بمطالبنا الشخصية ورؤيتنا لقضايانا الخاصة

وقد اعذر من انذر :rolleyes::rolleyes::rolleyes:

الناااااااطقة الرسمية باسم الرابطة :cool:

ويلا بالله وقت زيارة البوست من قبل سيادتكم وبقية معشر الرجال انتهى
يلا بالله عايزين نبدا شغلنا ..... الوحدة في مكتبها ما تقلع طرحتها معاكم يعني والا شنو ؟ :D:D

الملكة اسماء ( ام محمد )

27-05-2009, 02:05 AM

فى الانتظار والله العظيم

انتظار منو يا اخوي:confused::confused:
سعادة رئيسة الجمعية انصارية سنة مابتصافح ولا بتكلم رجال من هسي
ويلا بالله شيل ورقك دا قدموا في مكتب تاني دا فرع نسائي بحت

الجندي المجهول

27-05-2009, 02:10 AM

سعال تعسفي كده وبرا المقرر

أعضاء الجمعية دي متزوجات + غير متزوجات ولا متزوجات بس :p

وما تستغربي سؤالي : لو للمتزوجات فقط من عضوات المنتدى معناها إهتمامات الجمعية ح تكون معروفة سلفا ;)

ولو غير متزوجات برضو ح تكون معروفة

لكن لو الإتنين مع بعض ... دي تبقى مصيبة ... ونحن ح نكون أول المتضررين :d

ملحوظة : الشاف البوست ده في النفاج ما كضب :cool::p

حبيبنا عثمان جلالة تحياتي : انا طالع وبرجع بعدين بتمنى اني ارد على الاخت ( المتمردة) ملكة القلوب في قسم النفاج ( امنية من داخل قلبي ) ولا رجعوا لي النكات بتاعتي للعام .

بت أم درمان

27-05-2009, 02:24 AM

[FONT=Arial][SIZE=4][COLOR=#800080]فنحن يا سيدي نساء اعتدنا خوض المعارك لنتتصر فيها باذن الله :p

نساء بصلابة الماس

والبحاول يكسرنا يجي يحاول :cool:

ميادة

27-05-2009, 02:37 AM

يا سلاااااااااااااام يا ملكة يا عثل

اها انا جيت عشان اسجل

ومعا يد بيد

لكن غايتو اسي مش العنوان ده واااااضح يا رجال سبحان الله بث :mad::mad:

الملكة اسماء ( ام محمد )

27-05-2009, 03:03 AM

حبيبنا عثمان جلالة تحياتي : انا طالع وبرجع بعدين بتمنى اني ارد على الاخت ( المتمردة) ملكة القلوب في قسم النفاج ( امنية من داخل قلبي ) ولا رجعوا لي النكات بتاعتي للعام .

تيب يا جندينا الغير مجهول
بما انه اتضح انك عميل لجيش العدو

ربنا يحقق كل امانيك الا دي

وعشان تعرف اني جادة جاياك هسي

خالد 000 ابقرجة

27-05-2009, 03:05 AM

الملكة دقيقة 000 ما تقفلي الباب ساي 000

أول حاجة انا ما جاي متطفل 000 انتو موش عاملين اعلان مسابقة الشعار ؟؟

أها أنا جبتا ليكم تصميم شعار 000

http://pic.do7a.com//data/media/33/w6w_200505231652446593c1c90454.jpg

بس لو اعتمتدوا الشعار تحولوا لي قروشي 000 ما تعملوا أضان ( الجمعية ) طرشا :p

وبعدين يا ملكة 000 و يا ملكات كلكن ( كسير تلج وكدة ) 000 أي جمعية محترمة بتدعو مراقبين من الخارج 000 اعتبرونا مراقبين 000

ما تقعدوا تحدروا لي كدي 0000 أنا ماشي برااااي 000 ما عشان بخاف من حدرة النسوان 000 ( هسي انا جبتا سيرة مرتي ؟؟ ) 000 لانو لو حبوبتي حاجة خديجة سمعت بي هنا حا تقول لي تالتن 000 الفي الــ ( 0000 ) مخالتن 0000

أفو 0000 أنا أبوك يا آية 0000 براااااي ماشي

الملكة اسماء ( ام محمد )

27-05-2009, 03:07 AM

نساء بصلابة الماس

والبحاول يكسرنا يجي يحاول :cool:

شعار جيد جدا
احتمال نعتمده بس لو كتبنا نساااااء بصلابة الماس
لا بننهان ولا بننداس ..... ما بكون اقوى ؟:)

حياك معانا مرة اخرى واهلا بعودتك اختاري المنصب الاداري العايزاه بما انك جيتي بدري كلها شواغر الا رئاسة (لمدنية )والناطقة باسم الرابطة السكرتيرة التنفيذية انا :)

الملكة اسماء ( ام محمد )

27-05-2009, 03:11 AM

يا سلاااااااااااااام يا ملكة يا عثل

اها انا جيت عشان اسجل

ومعا يد بيد

لكن غايتو اسي مش العنوان ده واااااضح يا رجال سبحان الله بث :mad::mad:

هلا يا ميدو
انتي بالذات انا عايزاك ضروري تعالي لي في مكتبي سريع

محمد حسين (المميز)

27-05-2009, 03:14 AM

بيـــــان من وزارة المنتـــدى

انه في نهــار اليــوم حاولت جمــاعه من النســاء

الأنشقــاق والتمــرد على المنتـدى

ولكــن تم إرسـال كتيبه من الرجــال للتصـدي لها

كما كان هنــاك مخطط من قِـبل هذا التمــرد

لمحاولة إنقــلاب فاشله على رجـال هذا المنتدى الآمن

ولقد تم التعرف على قائدة هذه العمليه التخريبيه

وهي من سمت نفسها ( ملكة القلوب )

وقد تم إرفــاق صــوره لها وذلك لمن يتعرف عليها التبليغ

فورا من أجــل القبض عليها

http://up.arab-x.com/pic/9RN26336.jpg (http://up.arab-x.com/)

ومن هنا نحيي جنودنا الرجال في هذا المنتـدى

لدحرهم وسحقهم لهذا التمرد,,

وشكــــــــــراا,,

الناطق الرسمي بوزارة المنتدى:p

الجندي المجهول

27-05-2009, 03:18 AM

بيـــــان من وزارة المنتـــدى

انه في نهــار اليــوم حاولت جمــاعه من النســاء

الأنشقــاق والتمــرد على المنتـدى

ولكــن تم إرسـال كتيبه من الرجــال للتصـدي لها

كما كان هنــاك مخطط من قِـبل هذا التمــرد

لمحاولة إنقــلاب فاشله على رجـال هذا المنتدى الآمن

ولقد تم التعرف على قائدة هذه العمليه التخريبيه

وهي من سمت نفسها ( ملكة القلوب )

وقد تم إرفــاق صــوره لها وذلك لمن يتعرف عليها التبليغ

فورا من أجــل القبض عليها

http://up.arab-x.com/pic/9rn26336.jpg (http://up.arab-x.com/)

ومن هنا نحيي جنودنا الرجال في هذا المنتـدى

لدحرهم وسحقهم لهذا التمرد,,

وشكــــــــــراا,,

الناطق الرسمي بوزارة المنتدى:p

هههههههههههههه هههههههههه هههههههههههههه دي الملكة ولا حبوبة الملكة هههههههه والله يا المميز الله يجازي محنك

الملكة اسماء ( ام محمد )

27-05-2009, 03:19 AM

http://www.moheet.com/image/57/225-300/578707.jpg

أفو 0000 أنا أبوك يا آية 0000 براااااي ماشي

عالم جبانات بشكل :d:d:d

الملكة اسماء ( ام محمد )

27-05-2009, 03:26 AM

الناطق الرسمي بوزارة المنتدى:p

الفااااااااااتحة

http://www.whiteflag.info/imagenes/bianchi.jpg

الر اجل الرافع الراية وما باين منه شي دا كاااااان طيب

الملكة اسماء ( ام محمد )

27-05-2009, 03:28 AM

هههههههههههههه هههههههههه هههههههههههههه دي الملكة ولا حبوبة الملكة هههههههه والله يا المميز الله يجازي محنك

اقفلوا لي الشباك القاعد تحته الراجل البضحك دا بالله:rolleyes:
غايتو المبنى دا الا اعمل ليه عازل صوت واوقف لي حراس جمب الباب :mad::mad:

الملكة اسماء ( ام محمد )

27-05-2009, 03:34 AM

اول موضوع في الاجندة

يا بنات امي في ظاهرة محيراني شديد

الايامات دي شايفة ليكم معشر الرجال بقصدوا يتونسوا بينا و ماعندهم شغلة غير ما يخص النسوان

ونبدا باالاخ الخلى كعكاتنا مشى لقصة الافتراء وقال الحلوة مغرورة

الغريبة انو نفتري يقولوا شايفات روحن
ونتواااااااضع ونديهم وش يقولوا خفااااااااااااف

اها يا بنات امي رائيكم شنو في الموضوع دا بالله

الجندي المجهول

27-05-2009, 03:39 AM

اقفلوا لي الشباك القاعد تحته الراجل البضحك دا بالله:rolleyes:
غايتو المبنى دا الا اعمل ليه عازل صوت واوقف لي حراس جمب الباب :mad::mad:

طبعا اخوك خيالو واسع ( بس ما كنت فاك خيالي واسع للدرجة دي) وختيت الفي الصورة دي فعلا انتي وفي نفس العمر ( ما قصدي الشكل) يعني فوق الثمانين وبتخشي معنانا المنتدي وبتشاركي .

دي مصيبة كبيرة خلاااص

الملكة اسماء ( ام محمد )

27-05-2009, 03:50 AM

طبعا اخوك خيالو واسع ( بس ما كنت فاك خيالي واسع للدرجة دي) وختيت الفي الصورة دي فعلا انتي وفي نفس العمر ( ما قصدي الشكل) يعني فوق الثمانين وبتخشي معنانا المنتدي وبتشاركي .

دي مصيبة كبيرة خلاااص

المصيبة الحقيقية انكم لا تعلمون مع من تتعاملون اصلا :mad::mad::mad:

الجندي المجهول

27-05-2009, 04:16 AM

المصيبة الحقيقية انكم لا تعلمون مع من تتعاملون اصلا :mad::mad::mad:

اللهم زدني علماً ،،،، (وش مبتسم ابتسامة هادئة جداً جداً)

مدنيّة

27-05-2009, 09:53 AM

يا نساء منتديات ودمدني

ارجو الانتباه للهجمة الشرسة التي نتعرض لها من قبل الجنس الاخر

وموافاتي بكل ما يستجدث في هذا الامر

نسبة لعدم تفرغي التام

ارجو من كل "الزميلات" الكريمات عضوات الجمعية
التواجد لصد هذه الهجات البغيضة

راجعيييين ليكم
شيلوا شيلتكم
واصبروا لينا

الا تقولوا الرووووووووووووووب

ميادة

27-05-2009, 10:56 AM

هلا يا ميدو
انتي بالذات انا عايزاك ضروري تعالي لي في مكتبي سريع

حاااااااااااااااضر تأمري بث يا عثل

اها ما تورونا الحاصل عشان نبدء في الترتيب

الملكة اسماء ( ام محمد )

27-05-2009, 05:29 PM

الا تقولوا الرووووووووووووووب

هم هسي قايلنها بس في سرهم
:D:D

الاجندة سعادتك مرة اخرى :

اول موضوع في الاجندة

يا بنات امي في ظاهرة محيراني شديد

الايامات دي شايفة ليكم معشر الرجال بقصدوا يتونسوا بينا و ماعندهم شغلة غير ما يخص النسوان

ونبدا باالاخ الخلى كعكاتنا مشى لقصة الافتراء وقال الحلوة مغرورة

الغريبة انو نفتري يقولوا شايفات روحن
ونتواااااااضع ونديهم وش يقولوا خفااااااااااااف

اها يا بنات امي رائيكم شنو في الموضوع دا بالله

عاطف عولي

27-05-2009, 07:39 PM

[تقبلوني عضو معاكم والله اقوم؟
اصلي انا مشكلين علي............ في البيت وبقوم اهرب الي المنتدي وهنا كمان لقت القصة بايصة عشان كدي قلت اكون معاكم ممكن اكون غواصة اجيب ليكم المعلومات بس لو رفضتو شيلو شيلتكم بنشق بتمرد بقيف في الظلط بسوي الغلط.
بكون اتحاد الرجال ال.............................................
اها رايكم شنو وكلامكم شنوا عشان نعرف نسوي شنو؟

الملكة اسماء ( ام محمد )

27-05-2009, 07:47 PM

[/code]

:mad::mad::mad:

http://bntalnoor2008.jeeran.com/bntalnoor2008/files/107290.jpg

اعيد والا وصل ؟:mad::mad:

الجندي المجهول

27-05-2009, 11:19 PM

اها هاااك الرئيس البشير اتصل بي وقرر ان يكون من ضمن جعيتكم تضامناً مع المرأة

------------
رئيس الجمهورية : المرأة السودانية تكسر ألف رأس
عدّد المشير عمر حسن احمد البشير رئيس الجمهورية المواقف الوطنية للمرأة السودانية وأشاد بها وقال خلال مخاطبته الحشد النسائي للهيئة النسائية لنصرة البشير بولاية الخرطوم بقاعة الصداقة عصر امس ان مجاهدات المرأة الوطنية والسياسية قديمة مشيراً الي ان كل قادة السودان ورجاله ابناء نساء حرائر . واكد البشير ان السودان تبوأ مكانته في العالم واصبح جاذباً بعد ان كان طارداً وأوضح ان الحشد النسائي العسكري رسالة لاعداء السودان المتربصين له . وقال ان المرأة السودانية تكسر الف راس رداً على خطاب عبد الرحمن الخضر والي الخرطوم الذي قال ان المراة تكسر (20 راس) . وعاهد البشير النساء بالمحافظة على امن واستقلال وعزة السودان وعدم التفريط فيها وقال لن نركع لغير الله مؤكداً ان الدولة مكنت للمراة حقوقها في الدستور والاتفاقيات التي وقعتها الحكومة مع الحركات وجعلت لها نسبة 25% في الانتخابات القادمة . وحيا مجاهدات المراة العاملة . ومن جانبها أكدت الاستاذة سامية احمد محمد – وزير الرعاية الاجتماعية – ان المراة السودانية ستكون المعول الاساسي في التنمية وانها تقف سداً منيعاً لحماية السلام في السودان مشيرة الي انها ستواصل دعمها وعطائها عبر القوافل لدارفور . وفي السياق أعلنت اشراقة سيد محمود – رئيسة الهيئة السودانية لنصرة البشير بولاية الخرطوم تضامن الهيئة مع الرئيس الذي يمثل رمز وسيادة الامة ، مؤكدة ان المراة ستكون شريكة اصلية في معركة الدفاع عن الوطن والتنمية وقالت نفخر بان يكون البشير زعيماً وقائداً . وبحسب صحيفة آخر لحظة كان البشير قد شهد عرضاً عسكرياً من النساء خلال المناصرة وسيرت الهيئة قوافل دعم لولايات دارفور .
اها قصرت معااااكم

ميادة

28-05-2009, 12:04 AM

هم هسي قايلنها بس في سرهم
:D:D

الاجندة سعادتك مرة اخرى :

اول موضوع في الاجندة

يا بنات امي في ظاهرة محيراني شديد

الايامات دي شايفة ليكم معشر الرجال بقصدوا يتونسوا بينا و ماعندهم شغلة غير ما يخص النسوان

ونبدا باالاخ الخلى كعكاتنا مشى لقصة الافتراء وقال الحلوة مغرورة

الغريبة انو نفتري يقولوا شايفات روحن
ونتواااااااضع ونديهم وش يقولوا خفااااااااااااف

اها يا بنات امي رائيكم شنو في الموضوع دا بالله


والله يا عثل الناس ديل انا ىزاااااااااااااااتي حيروني :mad: :eek:

الايام دي المكان كلو عن النساء

غايتو

ما هم شغالين بالموضوع ده اكييييييييييييييييييييد في سر

اها كدي اعرفي السر اول بعدين نعمل لينا خطة هجوم

الجندي المجهول

28-05-2009, 12:05 AM

والله يا عثل الناس ديل انا ىزاااااااااااااااتي حيروني :mad: :eek:

الايام دي المكان كلو عن النساء

غايتو

ما هم شغالين بالموضوع ده اكييييييييييييييييييييد في سر

اها كدي اعرفي السر اول بعدين نعمل لينا خطة هجوم

اللهم اجعل كيدهم في نحرهم ،،،

ميادة

28-05-2009, 12:08 AM

اللهم اجعل كيدهم في نحرهم ،،،

:mad: :mad: :mad: :mad: :mad:

الجندي المجهول

28-05-2009, 12:10 AM

:mad: :mad: :mad: :mad: :mad:

( وش ) هادي مبتسم ومسرور مع طليعة اللسان (اها)

ميادة

28-05-2009, 12:14 AM

( وش ) هادي مبتسم ومسرور مع طليعة اللسان (اها)

ان شاء الله ينقطع

قول امين ايها (الليث ) :d

الجندي المجهول

28-05-2009, 01:12 AM

ان شاء الله ينقطع

قول امين ايها (الليث ) :d

جنس حسااااااااااااادة غايتو

عاطف عولي

28-05-2009, 01:00 PM

:mad::mad::mad:

http://bntalnoor2008.jeeran.com/bntalnoor2008/files/107290.jpg

اعيد والا وصل ؟:mad::mad:

لسع اصلو فهمي بعيد عنك تقيل شوية
افصح ابن
مقبول ام مرففوض
بخاف من العيون والحدري

كندشة

28-05-2009, 09:04 PM

"إنه من كيدكن ان كيدكن عظيم"

أنا مااااالي
أبعد عن الشر و ما تغنيلو زاتو

الملكة اسماء ( ام محمد )

28-05-2009, 11:06 PM

عايزة افهم :
الاجندة القديمة ........ مخيفة للدرجة دي ؟:confused:

الاجندة القديمة :

اول موضوع في الاجندة

يا بنات امي في ظاهرة محيراني شديد

الايامات دي شايفة ليكم معشر الرجال بقصدوا يتونسوا بينا و ماعندهم شغلة غير ما يخص النسوان

ونبدا باالاخ الخلى كعكاتنا مشى لقصة الافتراء وقال الحلوة مغرورة

الغريبة انو نفتري يقولوا شايفات روحن
ونتواااااااضع ونديهم وش يقولوا خفااااااااااااف

اها يا بنات امي رائيكم شنو في الموضوع دا بالله

طيب تعالوا للاجندة الجديدة :

موضوع ماجديد :
عدد المواضيع التي نكتبها نحن النساء اقل من المواضيع التي يكتبها الرجال في المنتدى
لماذا ؟
وما معوقات النشاط النسائي في المنتدى ؟
وكيف نعالج المشكلة ؟
وهل نضب نبع ابداع اقلام النساء في المنتدى ؟

بالله شوفوا لينا الموضوع دا يابنات لان المسئله دي منتشرة الايامات دي وبصراحة محروقة من الجماعة الكتابين ديل (ناس هناي وهناي وهناي ابو هناية داك ):rolleyes:

بت أم درمان

29-05-2009, 03:07 AM

بالله شوفوا لينا الموضوع دا يابنات لان المسئله دي منتشرة الايامات دي وبصراحة محروقة من الجماعة الكتابين ديل (ناس هناي وهناي وهناي ابو هناية داك )

***************

انتي عارفة ناس هناي وهناي وخااااصة ابو هناية داك الزول بس اعاين ليهم ويقول ربنا يوفقكم

ولا تتحرقي ولا شي انتي زااااااتك كتابة

الدور والباقي على الناس القافلة خيالها لي اجل غير مسمى

لكين اذا جينا نناقش السبب في الحاجة دي انا اعتقد ان في ناس بتحب تطالع اكتر من انها تكتب

وعلى فكرة في ناس بتجي عشان تكتب ليها حاجة وتنزل ليها موضوع

تقوم تتشد لي المواضيع المكتوبة وتنبسط بكدا

والحاجة التانية ان عدد الرجال هنا اكتر بي كتير من عدد البنات

نحن محدودات جدا هنا اذا لاحظتي

اها عشان نلقى لينا حل ناجع ( ما عارفة اذا ناجع دي صحيحة )

بس الحل موجود

كل وحدة تشوف صديقاتها الفي ماسنجرها وتناديهم بسراع لان الوقت ماشي

وبعدين انتي ما مقصرة عندك كم موضوع بتنادي فيهن بس نقول شنو

كل زول براحته ما نقدر نغصب زول عشان اجينا

يعني كان العشرة بتهون خليها تهون

خليني ارجع تاني لي ناس هناي وهناي ديلاك وابو هناية

اسمعوني انتو راسكم دا بتظبطوهو كيفن

moh_alnour

29-05-2009, 03:59 PM

الملكة اسماء ( ام محمد )

29-05-2009, 09:36 PM

يامعارضي الكعكات اتكلم وماف داعي
:mad::mad::mad:

http://www.up.othetheh.com/uploads/f3413e0465.jpg

بت أم درمان

29-05-2009, 10:16 PM

يامعارضي الكعكات اتكلم وماف داعي
:mad::mad::mad:

http://www.up.othetheh.com/uploads/f3413e0465.jpg

هههههههههههههههههه

كاريكتير مبااالغة لكين

انتي عارفة

العمة دي حكايتها عجيبة معانا

هنا بقولو لي انتو العمة دي بتسووها طويلة كدا عشان لمن الزول اموت تكون كفن ليهو ؟؟؟

غايتو الجهل مصيبة

خلاص انا بمرق ونشوف موضوع العمة دا بيغادي في ونستنا

وانتي شوفي لينا موضوع النسوان المقاطعننا بالله

احمد عبدالعزيز

02-06-2009, 09:27 AM

الاخت ملكه القلوب
دائما تأتي لنا بكل جميل ولكن خانك تعبيرك في هذه المرة

الاخوان/عمر سنهورى/العاقب مصباح/حافظ شعبان/عثمان جلاله
الجندى المجهول/خالدابوقرجه/محمدحسين المميز/وكل الاخوان بالمنتدى
انتم مدعون للاجتماع هام وعاجل
اجنده الاجتماع
تنظيم مظاهره استنكار ورفض لكل القرارات الصادره ضدنا

لا للمراه

احمد عبدالعزيز

02-06-2009, 09:49 AM

http://file14.9q9q.net/img/66689451/untitled.bmp (http://file14.9q9q.net/preview/66689451/untitled.bmp.html)

تغريد

02-06-2009, 10:00 AM

يا أخوانا هووووووووووووووووووووووي انا جيت وكمان جديدة شديد وبي ورقتي وما دايرة أي راجل بي جاي مفهووووووووووووووووم ولا نعيدو
مشتاقييييييييييييييين يا عسولات المنتدي

محمد حسين (المميز)

02-06-2009, 10:05 AM

:mad::mad::mad:

هو البوست ده بعــد ما حذفناهو

http://www.arb-up.com/files/arb-up-2008-6/U2X69476.png (http://www.arb-up.com/)

الجـــــــــــــابو شنو :mad:

ام عمورى

02-06-2009, 11:54 PM

الملكة اسماء ( ام محمد )

03-06-2009, 12:48 AM

ياحبيباتي اعذروني جيت متاخرة شدييد بعد سويت الغدا للراجل دة وحميت العيال ولبستهم ونضفتة بينتي..بالله جاية عليكم الراجل دة قال داير لي شاى اها هو سمع بالرابطة دي وما دايرني اشترك عشان خايف منكم تحرشوني وما يقدر يسيطر علي تاني لكن انا بقيت افلح منو خليتو ينوم وجيت اتسحب...اها قلتو لي الخطة شنو؟؟نحنا الرجال ديل لازم نشوف ليهم حل سريع...و....آآآآآآآآآآآآآآآآآآآآي يا ابو عموري جاية جاية بجيب ليك الموية....بجيكم تاني بعد انوم..اسوي شنو حكم القوي...

:D:D:D:D

ام عموري الغالية

انا غايتو بتحير في الرجال ديل الواحد يكسل حتى يقوم يتناول ليه كباية موية براه

والله ما تفهميه استقوى ...
فهم غلط للزواج

ما قادرة افهم الحاصل في الحتة دي بالذات

بس لازم نفكر في خطط بديلة
:mad::mad::mad:

الملكة اسماء ( ام محمد )

05-06-2009, 08:28 PM

عبدالرحمن مدثر

05-06-2009, 10:07 PM

:mad::mad::mad::mad::mad:

وتقولوا لي نهدي اللعب !!!!!!!!!!!.؟!!!!!

http://www.wadmadani.com/vb/showthread.php?t=24486

امشوا يا بنات شوفوا موضوع الاجندة الخطير دا

وتعالوا نتفاهم في موضوع الرجال البحرضوا على التمرد ضد السياسات المنزلية ديل :mad::mad::mad::mad:

الحياة شراكة ياملكة

لكن حتة انو الراجل يلهث اليوم بطولوا

ويعود للبيت .. ويواجه خيارات صعبة زى دى

دى خيارات بتطفش ياعالم :p:p

esmat

05-06-2009, 10:25 PM

وهل نضب نبع ابداع اقلام النساء في المنتدى ؟

سؤال عايز اجابة ياخ بفتش في الاجابة ما لقيتها ممكن توصفوها لي وين؟؟

الملكة اسماء ( ام محمد )

21-06-2009, 03:29 AM

اعلان هام

غدا وباذن الله يعقد اجتماع طارئ لمناقشة ظاهرة خطيرة

:mad::mad::mad:

في ناس شغالين بنظام اذا غاب القط العب يا ............

:mad::mad::mad:
:mad::mad:
:mad:

محمد النويري-الفقراء

21-06-2009, 04:28 AM

الملكة اسماء ( ام محمد )

03-08-2009, 10:46 AM

اتغبرت والتراب ملت عيوني عشان اجيب البوست دا من الارشيف

نداء لجميع نساء المنتدى
نحن في حالة طوارئ

همسة : لجميع المتداخلين ... عادت الملكة لديارها في المنتدى العام , وخلال هذه الايام ستكون اجابتي عليكم وافية باذن الله

دمتم بالف خير

تغريد

03-08-2009, 11:06 AM

كنت جدييييييييييييييييييييييييدة لمن شاركت زمان بس هسة كبرت والحمد لله

وجيتك تاني يا الملكة

محمد حنتوب

03-08-2009, 03:34 PM

عشة قالت سمحة،،،،
ميري قالت سمهة،،،،،،،،،،
فاطمي قالت سمحي
تعرفي تكتبي ،،، تمحي
فخراَ للنساء نحن في عزهن
عشنا مكرمين

الملكة اسماء ( ام محمد )

03-08-2009, 06:46 PM

صديقة عزيزة جدا اتصلت بي لتلومني على قلة مواضيعي في القسم العام خاصة ( المواضيع الجادة) ولامتني على حصر نفسي في المداخلات وبعض الردود على مواضيع قديمة ... صراحة لم يكن لدي سبب مقنع . لكني اعود بهذه الاجندة تحديدا لاسئل عن مدى تالق نجم الاقلام النسائية لدينا

موضوع ماجديد :
عدد المواضيع التي نكتبها نحن النساء اقل من المواضيع التي يكتبها الرجال في المنتدى
لماذا ؟
وما معوقات النشاط النسائي في المنتدى ؟
وكيف نعالج المشكلة ؟
وهل نضب نبع ابداع اقلام النساء في المنتدى ؟

بالله شوفوا لينا الموضوع دا يابنات لان المسئله دي منتشرة الايامات دي وبصراحة محروقة من الجماعة الكتابين ديل (ناس هناي وهناي وهناي ابو هناية داك )

عمرسنهوري

03-08-2009, 07:32 PM

احمد عبد العزيز

الاجتماع ويين ؟؟؟

النوصل الموضوع دا اخرو

امال مالك

20-08-2009, 12:10 PM

تغريد

20-08-2009, 12:43 PM

والله يا خواتي بأيدكم. مافي حل غير الهجوم على جنس الرجال وكان لازم من (جمعية نساء المنتدى ) رغم انو انا عضو جديدة في المنتدى سلامي ليك يا مدنية ولي تحيا جمعية نساء المنتدي
ولينقرضوا الرجاااااااااااااااااااااااااااااااااال

ينقرضوا عديييييييييل كدا :eek::eek::eek:

كدي قولي بسم الله يا امولة يا بت امي :o:o:D:D

والله الف مرحب بيك في منتديات ودمدني ومبروكة طلتك علينا وبتمني ليك اقامة سعيدة بيناتنا

الملكة اسماء ( ام محمد )

20-08-2009, 12:47 PM

غايتو يا آدم الا تجري

الرفعت البوست دا علقته لي في الحيطة تاني جنت عليكم يا رجال حواء

اساسا رمضان فيه قرفة كدا لازم نلقى ليها تصريف
واعتقد انها مناسبة معانا جدا يابنات والا رايكم شنو ؟

الملكة اسماء ( ام محمد )

20-08-2009, 12:48 PM

والله يا خواتي بأيدكم. مافي حل غير الهجوم على جنس الرجال وكان لازم من (جمعية نساء المنتدى ) رغم انو انا عضو جديدة في المنتدى سلامي ليك يا مدنية ولي تحيا جمعية نساء المنتدي
ولينقرضوا الرجاااااااااااااااااااااااااااااااااال

:p:D:D:D:D:D:p

جيت ارحب بيك طبعا واقول ليك ورانا اشغال محتاجة سكرتيرة وكدا
اها رايك شنو ؟:rolleyes:

الملكة اسماء ( ام محمد )

20-08-2009, 12:53 PM

الواحد فكر كم مرة يدخل جامعة الأحفاد أقصد البوست دا ولا ما يدخل

المهم أتوكلت على الدائم و دخلت البوست لقيت ملكة القلوب ماشاء الله يخزي العين
شغالة طرح مواضيع للنقاش و كمان شغالة تحريض :(
أها قلتا الواحد يبدأ معاها بسياسة الجزرة و نخلي سياسة العصا دي في الأخر لو ما نابنا جانب من الرابطة دي عرسة و لا خطوبة ;)

أها أنا حاليا ً منتظر عشان أشوف بقية الأجندة المُعلنة و الخفية من قيام هذه الرابطة

ود النور (كسرت خاطري) :pعلى قولة الخليجين
تصدق ساعات بحس اني عايزة اعلن حرب هوجاء ضد الرجال , بالذات لما الاقي ليك واحد ماوراه غير الهجوم على النساء والكتابة عن المراءة وماعارفة هم فاكرننا مابنقدر نتكلم والا شنو ؟
على العموم كدا .. دعوة للسلم او الحرب ماف حل وسط :mad:

الملكة اسماء ( ام محمد )

20-08-2009, 12:58 PM

الاخت ملكه القلوب
دائما تأتي لنا بكل جميل ولكن خانك تعبيرك في هذه المرة

طبعا انا زايغة من البوست دا لي مدة لانك مختفي وانا خايفة ( يتهموني باختطافك ):p:rolleyes::cool:

يااخوي اظهر وبان وعليك الامان

همسة : الزول دا وين يا جماعة الخير :confused:

الملكة اسماء ( ام محمد )

20-08-2009, 01:01 PM

يا أخوانا هووووووووووووووووووووووي انا جيت وكمان جديدة شديد وبي ورقتي وما دايرة أي راجل بي جاي مفهووووووووووووووووم ولا نعيدو
مشتاقييييييييييييييين يا عسولات المنتدي

كنت جدييييييييييييييييييييييييدة لمن شاركت زمان بس هسة كبرت والحمد لله

وجيتك تاني يا الملكة

ولاء غريب جدا

شايف يا آدم منظمتنا قوية كيف ؟
تقول لي احمد عبد العزيز :rolleyes:

الملكة اسماء ( ام محمد )

20-08-2009, 01:03 PM

:mad::mad::mad:

هو البوست ده بعــد ما حذفناهو

(http://www.arb-up.com/)

الجـــــــــــــابو شنو :mad:

يا استاذ

انت الجابك هنا شنو ؟:rolleyes:

الملكة اسماء ( ام محمد )

20-08-2009, 01:13 PM

ياحبيباتي اعذروني جيت متاخرة شدييد بعد سويت الغدا للراجل دة وحميت العيال ولبستهم ونضفتة بينتي..بالله جاية عليكم الراجل دة قال داير لي شاى اها هو سمع بالرابطة دي وما دايرني اشترك عشان خايف منكم تحرشوني وما يقدر يسيطر علي تاني لكن انا بقيت افلح منو خليتو ينوم وجيت اتسحب...اها قلتو لي الخطة شنو؟؟نحنا الرجال ديل لازم نشوف ليهم حل سريع...و....آآآآآآآآآآآآآآآآآآآآي يا ابو عموري جاية جاية بجيب ليك الموية....بجيكم تاني بعد انوم..اسوي شنو حكم القوي...

شفتي عشان زي حركات ابو عموري دي انا عاملة حرب ضد الرجال
عايزة افهم ليه الرجل الشرقي شايف نفسه
يعني شنو لو مشى اتناول كباية موية براه او عمل ليه كباية شاي لروحه
غايتو انا بسميه تكبر على المرة عموما

ماف زول يجي يقول لي اهلنا وامهاتنا ربونا على كدا :mad:

نبض المشاعر رووونة

20-08-2009, 02:21 PM

والله يملوكة فكرتك مافي احلى منها
وانا اول المساهمين

ام قبس

20-08-2009, 09:14 PM

عاد لوم السنين
بالغتي والله يالملكة
انا ما براسلوني علي الخاص عديل للمنظمة دي
لجي الملكة اللوم كملتي
انا اخر من يعلم

طبعا معاكم
واليجهزوا ساكت
وماعايزين اي ظرافة وزيارات وديه من الجنس الخشن دا

وجاياك تاني

ام قبس

20-08-2009, 09:17 PM

اها يالملكة
اولا علي قول ماجدة الرومي
بعد حاولت
كن صديقي كن صديقي ليس في الامر انتقاص للرجوله
ومانفع معاه
غير ان الشرقي لايرضي بدور غير ادوار البطوله
اها بطوله تاني مافي
بالمناسبه عشان ماعوزة تعليق من الرجال وطيب الكاتبها منو وكدا
القصيدة دي كاتباها دكتورة سعاد الصباح يعني مرة برضو

امال مالك

21-08-2009, 11:44 AM

إلى كل من ترسلي مرتو .. إلى كل من بغسل العدة لمرتو والبمسكوكم الشفع وإلى كل من خاف ويخاف من مرتو تعالو هنا في صيوان ود النويري عشان تعرفو تسوي شنو مع نسوانكم المخوفاتكم.. برجع تعاني هسي انا مستعجل مؤجر لي عجلة برجعها لصاحبها واجيكن

يا ود النويري اظن قريت العنوان بره فأحسن صيوانك ده يكون بعيد من هنا وإلا قذفناك بمدافع الغضب من قلعة رابطة نساء المنتدى (رمضان كـــــــــــريم) وامشى حضر حاجات رمضان سااااااااااااااااااااااااااااااااااكت:):):)::d

امال مالك

21-08-2009, 11:55 AM

:p:D:D:D:D:D:p

جيت ارحب بيك طبعا واقول ليك ورانا اشغال محتاجة سكرتيرة وكدا
اها رايك شنو ؟:rolleyes:

(رمضان كـــــــــــــــــريم ) وانا ديكا الساعة لمن اكون سكرتيرة لي مديرة جمعية نساء المنتدى ياملكة جيوووووووووووووووووش يا نساء هجوووووووووووووووووووووووم عليكم يا رجااااااااااااااااااااال:mad::mad::mad:

الاميره

21-08-2009, 01:28 PM

الاميره

21-08-2009, 01:33 PM

هم هسي قايلنها بس في سرهم
:d:d

الاجندة سعادتك مرة اخرى :

اول موضوع في الاجندة

يا بنات امي في ظاهرة محيراني شديد

الايامات دي شايفة ليكم معشر الرجال بقصدوا يتونسوا بينا و ماعندهم شغلة غير ما يخص النسوان
فراغ ..يعنى نعمل شنو ..خلوهم يتونسو !!!!!!!!!!!!!!!!

ونبدا باالاخ الخلى كعكاتنا مشى لقصة الافتراء وقال الحلوة مغرورة

الغريبة انو نفتري يقولوا شايفات روحن
ونتواااااااضع ونديهم وش يقولوا خفااااااااااااف

اها يا بنات امي رائيكم شنو في الموضوع دا بالله
والله دى حساده وانانيه بث..

عزه هشام

22-08-2009, 08:23 PM

سلام مربع لحريم بلادي
ورمضان كريم
اعلن انضمامي الي صفوفكم
والنصر لنا من عند الله

المسافر

22-08-2009, 09:41 PM

حددتوا مواعيد الظار متين ولا لسه ؟

telecom

22-08-2009, 10:01 PM

حسى يا الملكة ومدنية الرجال ديل الحشرهم شنو كما ن دخلوا نفسهم الشمار بكتلهم عديل ما عايزين منهم اى مقترحات خليكم فى حالكم يا الرجال هوووووووووووووووووووووووووووى

الملكة اسماء ( ام محمد )

22-08-2009, 11:02 PM

حددتوا مواعيد الظار متين ولا لسه ؟

شفت انت بالذات احسن ليك تختانا ما نعلن ضدك حرب دموية لابعرف رمضان لابعرف شعبان :mad::mad::mad:

الملكة اسماء ( ام محمد )

22-08-2009, 11:05 PM

الاميرة - عزة - telecom

حبابكن ياغاليات
هنا ممكن تطرحوا اي قضية نسائية وليكم علي النقاش بالشكل العايزنه باذن الله لحد مانلقى ليها حلول

نشوي محمد

23-08-2009, 12:03 AM

ملكة
شكلى جيت متأخره . لكنى طالبه الاعتماد والانضمام فى اى خانة ما فارقه . بس تكون رابطه بقوة المراه
دمتى...........

الملكة اسماء ( ام محمد )

23-08-2009, 01:07 AM

مرحبتين بيك يانشوى

يلا ياحبيباتي بما انه نشوى وعدد لابآس به من نساء المنتدى حاليا معانا
تعالوا نشوف اجندتنا الجديدة ... واتمنى نناقش بشكل موضوعي بما يضمن مصلحتنا المشتركة

اولا تحية لكل الاعضاء في جمعيتنا
ثانيا اتمنى بلا شك انه الجمعية تكون بتقدم المفيد دائما

اجندة مهمة :
النشاط النسائي في المنتدى .. محدود
تتعدد الاسباب ولكن اعتقد انه من الممكن جدا نناقشها ونلقى ليها حلول
وهنا عندي ملاحظة في واحد من اسباب تردد البنات في كتابة مواضيع اجتماعية تخص المراءة ( وهو وللاسف اتهامها بانها صاحبة القصة _ واكيد منا من تعاني الامرين بسبب الفهم الضيق لمعظم الفئات لقضايا المراءة )
فاكيد دا واحد من الاسباب . اتمنى في الزاوية دي نطرح اسباب اخرى ونحاول نلقى ليها حلول معقولة

والشي التاني بعد دراسة الفكرة باسلوب موضوعي ( اقصد الكتابات النسائية ) نشوف هل السبب هو فعلا الغاء ( منتدى النواعم؟) واذا كان دا السبب كيف ممكن نعالج القضية دي ..

سيداتي انساتي الكريمات ..
المايكرفون معاكم

همسة : انا الايامات دي مابجامل لي واحد يجيني خاشي بالعرض .. بخسره عديل كدا .. عذري الصيام والتغيرات النفسية بالنسبة لشخص جيعان وعطشان :mad::mad::mad: ويجي واحد يقول ليه ( ظار ) وماعارفة شنو تاني كمان ... عالم تنرفز :mad::mad::mad:

madniman

23-08-2009, 01:19 AM

الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

الملكة اسماء ( ام محمد )

23-08-2009, 01:29 AM

الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

ايوااااااااااا

طيب بما انك خشيت بالعرض برضو
رشح لي اسم راجل من المنتدى وانا بديك رائي فيه بصراحة عشان نعرف منو الممكن يترأس الرابطة دي :rolleyes:

امال مالك

23-08-2009, 04:55 AM

الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

كلامك حرقني هسي داير تقنعني انو الراجل بفهم اي حاجة بتخص المرة وكمان بارع فيها :eek::confused: والله ما اظن :rolleyes: ولا رايكن شنو يا بنات ؟؟؟؟؟؟؟؟؟؟:confused: ملكة كدي شاركني ..:( . وبعدين اظن يا رجال اسم الموضوع بره رابطة نساء المنتدى ولو كنت عايز تكون رئيس فأنت تبع صيوان ود النويري ويا رئيسة ما ديرين اي مان هنا

الملكة اسماء ( ام محمد )

23-08-2009, 05:06 AM

كلامك حرقني هسي داير تقنعني انو الراجل بفهم اي حاجة بتخص المرة وكمان بارع فيها :eek::confused: والله ما اظن :rolleyes: ولا رايكن شنو يا بنات ؟؟؟؟؟؟؟؟؟؟:confused: ملكة كدي شاركني ..:( . وبعدين اظن يا رجال اسم الموضوع بره رابطة نساء المنتدى ولو كنت عايز تكون رئيس فأنت تبع صيوان ود النويري ويا رئيسة ما ديرين اي مان هنا

امولة ياقلبي ماتحرقي دمك
هو لو عنده رائي تاني يجي يقوله عموما انا فهمت قصده قبيل وحاولت اديه فرصة يكسب رهان الفكرة قدامي
هو لو ماالذكاء قاتله في راجل بقبل يبقى رئيس رابطة نسائية بدون يشترط تغير اسم الرابطة وفي الحالة دي تفقد معناها والهدف من وراها , ويكون خسر فكرة قيادة جيش نسائي بدون يستعين بفكرة مغلفة بطابع كذاب وغشاش زي فكرة ( الحياة الزوجية شراكة ) تسمية والمحتوى يحيرك في الغلاف

ياستي خليه يقول العايز يقوله الشغال بيه منو زاتو
ومن ناحية تاكدي انهم _ بيدعوا _ فهمهم للنساء لما تشير اصابع الاتهام لتقصيرهم الواضح

الملكة اسماء ( ام محمد )

23-08-2009, 08:39 AM

الحقوووووووني يابنات امي
في راجل ح يجيب لي الضغط في البلد دي
:mad::mad::mad::mad:

.
وكذلك ستقدم الشركة خدمات للمواطنين كافراد . مثال واحد سرح في لعب الكتشينة وفجاه اكتشف ان الليل عدى والساعة اثنين صباحا و انه امس ارضى زوجته بالمباصرة بعد ان اصرت على الطلاق بسبب التاخير والسهر خارج البيت . في مثل هذه الحالة يحتاج هذا الرجل الى تبرير عملي . لذلك سندبر له حادث سياره محترم قد يكلفه (فلقه) صغيره في الراس او حتى كسر اليد اذا علمنا ان زوجته غضبانه شديد ولا بد من الطلاق . كما ذكرنا سنكون مثل شركات التامين لنا قسم طبي وهم سيقومون بفلق الزبون او جرحه او كسر يده بعد تخديره طبعا . ومن ثم سيقوم قسم الاتصالات بمخاطبة اسره العميل وهم مدربون على ذلك . كما نعرف ان هذا الزبون لو ذهب الى زوجته من مكان الكتشينة مباشرة سيجدها اعدت شنطتها ومستعده للذهاب الى اهلها فورا . لكن باتصال تلفوني من لجنة مختصه فيه رنة حزن مصطنع (لو سمحتي انت زوجة الاستاذ فلان الفلاني ........ نعم في حاجة ؟؟؟ ........ آسفين يامدام الاستاذ حصل له حادث لكن سليمه وسيصل بعد ساعات ..... تصرخ سجمي وكلام السودانيات في ساعة الشدة ) ويصل الزبون بيد ملفوفة بالجبس وراس مربط بعصبة يقطر منها الدم وهو يئن ويتالم ... هنا ترجع الزوجة شنطتها وتبدا في دور الرعاية الصحية المتكاملة والحنية المتدفقة وهذا بفضل انجاز شركتنا .

الملكة اسماء ( ام محمد )

23-08-2009, 09:01 AM

أحلام مستنغامي "

إن في روايات آغاثا كريستي أكثر من 60 جريمة قتل وفي روايات كاتبات أخريات أكثر من هذا العدد من القتلى. ولم يرفع أي مرة قارئ صوته ليحاكمهن على كل تلك الجرائم ، أو يطالب بسجنهن .
ويكفي كاتبة أن تكب قصة حب واحدة ، لتتجه كل أصابع الاتهام نحوها، وليجد أكثر من محقق جنائي أكثر من دليل على أنها قصتها .
أعتقد أنه لا بد للنقاد من أن يحسموا يوماً هذه القضية نهائياً ، فإما أن يعترفوا أن للمرأة خيالاً يفوق خيال الرجال ، وإما أن يحاكمونا جميعا !

امال مالك

24-08-2009, 05:05 AM

شوفوا يا نساء المنتدى وصلنا لي وين عملو لينا مح امراه على حسب هواهم بس والله العكس صيحيح واحد منهم شال مخوا ولصقوا لينا غيرة ساي

بنت الرفاعي

24-08-2009, 05:21 AM

الحرب الحاصلة دي في شنو؟؟؟

بدر الدين احمد الطائف

24-08-2009, 06:06 AM

الحرب الحاصلة دي في شنو؟؟؟

الزعل الجماعى

الاميره

24-08-2009, 11:27 AM

مرحبتين بيك يانشوى

يلا ياحبيباتي بما انه نشوى وعدد لابآس به من نساء المنتدى حاليا معانا
تعالوا نشوف اجندتنا الجديدة ... واتمنى نناقش بشكل موضوعي بما يضمن مصلحتنا المشتركة
مرحب ببيكم جميع الحضور ورمضان كريم
وانا كمان جيتكم وسجلونى حضور بس اتاخرت شويه

اولا تحية لكل الاعضاء في جمعيتنا
ثانيا اتمنى بلا شك انه الجمعية تكون بتقدم المفيد دائما

اجندة مهمة :
النشاط النسائي في المنتدى .. محدود
دا شى ملاحظ..مع انو ردودن فى المشاركات تنم عن انهن كتابات
تتعدد الاسباب ولكن اعتقد انه من الممكن جدا نناقشها ونلقى ليها حلول
وهنا عندي ملاحظة في واحد من اسباب تردد البنات في كتابة مواضيع اجتماعية تخص المراءة ( وهو وللاسف اتهامها بانها صاحبة القصة _ واكيد منا من تعاني الامرين بسبب الفهم الضيق لمعظم الفئات لقضايا المراءة )
العلم اصلو ومعناهو تجارب الاخرين ليستفيد منه الغير..فلماذا التردد فى اعطاء مفاهيم جديده تحسن من فكرنا وتعمل على تحسين حالتنا الاجتماعيه..لانريد ان نكون جبناء ونحن فى بداية المشوار ..والبوستات العامه مليانه مواضيع مهمه وتنم عن كاتبات لهن وزنهن..وتعالج مشاكل حياتنا ولو حتى..بصورة الونسه العاميه.. فلاداعى للتردد
فاكيد دا واحد من الاسباب . اتمنى في الزاوية دي نطرح اسباب اخرى ونحاول نلقى ليها حلول معقولة

والشي التاني بعد دراسة الفكرة باسلوب موضوعي ( اقصد الكتابات النسائية ) نشوف هل السبب هو فعلا الغاء ( منتدى النواعم؟) واذا كان دا السبب كيف ممكن نعالج القضية دي ..

السبب دا خلو فى الاخر ..لو فشلت الفكره..وانا ضد الالغاء..لازم نثبت قدرتنا الفكريه الواعيه والمثقفه..ولتكن المحاوله الاولى قريبا جدا جدا..
سيداتي انساتي الكريمات ..
المايكرفون معاكم

همسة : انا الايامات دي مابجامل لي واحد يجيني خاشي بالعرض .. بخسره عديل كدا .. عذري الصيام والتغيرات النفسية بالنسبة لشخص جيعان وعطشان :mad::mad::mad: ويجي واحد يقول ليه ( ظار ) وماعارفة شنو تاني كمان ... عالم تنرفز :mad::mad::mad:

الاجنده واطروحتها..مقبوله.. والاراء تناقش ويا نساء المنتدى اتحدوا

نشوي محمد

02-09-2009, 03:02 AM

ملكة وكل المارات من نون النسوه تحياتى
(بالصلاة على النبى نحنا النسوه حنخاصم الرجاله بالمره)

كل الاجنده مقبوله بس بنرفض رئاسة الرجل مين ما كان !
ونعمل جميعا على تثبيت تاء التأنيث واخذ جميع حقوقها
دمتن جميعكن

امال مالك

02-09-2009, 10:35 AM

حددتوا مواعيد الظار متين ولا لسه ؟

لو نحنا ناس الظار انتو دقاقينو ......ما تنسوا

ولا شنو يا ملكة ليك سلامي وتحياتي :):):)

telecom

09-09-2009, 11:36 PM

إلى كل من ترسلي مرتو .. إلى كل من بغسل العدة لمرتو والبمسكوكم الشفع وإلى كل من خاف ويخاف من مرتو تعالو هنا في صيوان ود النويري عشان تعرفو تسوي شنو مع نسوانكم المخوفاتكم.. برجع تعاني هسي انا مستعجل مؤجر لي عجلة برجعها لصاحبها واجيكن

يا ود النويرى انت حى بعد العرس المرة دستك :eek::eek::eek:(وخليت عشانك كسلا والبنفسج ) بقيت تخاف قدر دا ما عهدتك ويا حليل الموتر خلتك من الموتر تسوق عجلة معقولة بس قالوا انت شغل البيت والمصاريف عليك والله يقدرك تطاوق برة بكسروا رقبتك يا حليل زمانك يا بنفسج:D:D:D:D

telecom

09-09-2009, 11:57 PM

:(:(
الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

قصدك انو بارع فى تصفيف الشعر صااااااااااااح اطلعوا من حياتنا كرهتونا مش التصفيف دا خلينا ليكم حجاب بس شوفوا ليكم شغلة تانى:(:(

محمد النويري-الفقراء

26-09-2009, 01:43 AM

يا دوب جيت سلام ليكن كلكن حبيت اسلم بس . وود النويري جاهز لاي مساعدة حتى لو الرئاسة ماعندي مانع . ويا تلكوم انا مشترك هنا باسم مرتي عشان ترتاح هههههههه . ( لسه المرة البتخوف ود النويري ما ولدوها ) انت نسيت انا ضنب كلب اعوج

العصفوره

26-09-2009, 01:57 AM

ملكة والله فكره روعه
يلا انا هسي هنا عشان اسجل
سجليني اول واحده

الاميره

26-09-2009, 03:34 AM

الاجنده واطروحتها..مقبوله.. والاراء تناقش ويا نساء المنتدى اتحدوا

الملكه ...اين انت ؟
ويا مدنيه .الحاصل شنو لا حس ولا خبر فى رابطة نساء المنتدى واخبار ملكتنا ...
كل سنه وكل نساء المنتدى بالف خير وربنا يحقق الامانى...

ام عزه

26-09-2009, 03:50 AM

كل عام و الجميع بالف خير
نحن فى الانتظار
وين ناس الرابطة

آلاء عبد الرحمن

24-09-2011, 05:26 AM

up

وين انتو الملكة الايام دي

وفي اسامي كتيرة هنا ماشايفاها

آلاء عبد الرحمن

24-09-2011, 05:26 AM

ومن اسي ماعايزين جلابية بيجاي
:) :)

الملكة اسماء ( ام محمد )

24-09-2011, 05:57 AM

up

وين انتو الملكة الايام دي

وفي اسامي كتيرة هنا ماشايفاها

حضووووووور

عاطف عولي

24-09-2011, 07:48 PM

تم نقل الموضوع للنفاج

وشكرا

واحد عامل فيها ادارة وكدا

تم أرجاعه الي العام

واحد متنفذ ومدعوم

آلاء عبد الرحمن

24-09-2011, 10:55 PM

حضووووووور

حمد الله علي السلامة وعقبال الباقين

آلاء عبد الرحمن

24-09-2011, 10:56 PM

تم أرجاعه الي العام

واحد متنفذ ومدعوم

قلنا ماعايزين جلابية حايمة ده شنو

عاطف عولي

25-09-2011, 02:13 AM

قلنا ماعايزين جلابية حايمة ده شنو

النساء رياحين خلقنا لنا وكلنا يشتهي شم الرياحين

دي قالوا واحد راجل وأتفق معاه ويمثل وجهة نظري

الرجال جزم بث ما بنقدر علي الحفا

دي قالتوا واحدة مراة بتطرد الجلاليب ذيك

وفي راجل تاني زعلتو واحدة زيك قام قال

النساء شياطيييين خلقنا لنا وكلنا يتعوذ من كيد الشياطين

لا أتفق معه ولا يمثل وجهة نظري.

ولو عاوزة تعرفي وجهة نظري تعالي هنا
http://wadmadani.com/vb/showthread.php?t=26867

آلاء عبد الرحمن

25-09-2011, 10:35 AM

ماقصرته
:)

samia

25-09-2011, 04:44 PM

سيرى ونحن خلفك يامالكة كل القلوب النسائية----- اذا ركلك أحد من الخلف فاعلم إنك في المقدمة في لحظة تشعر أنك شخص بهذا العالم بينما يوجد شخص في العالم يشعر إنك العالم بأسره ،،،،،،،،، أما النساء كالمظلة كلما إشتد المطر كلما زادت الحوجة لهن،،،،،، و ليس القوى من يكسب الحرب دائما وإنما الضعيف من يخسر السلام داااااااااااااااااااااااااااااااااااااائما

samia

25-09-2011, 05:12 PM

ملكة القلوب سيرى ونحن خلفك ولو إختفي العدل من الأرض لم يعد لوجود الانسان قيمة ،،، وليس القوى من يكسب الحرب دااااااااااااائما وإنما الضعيف من يخسر السلام دائما،،،،،،،،،، أما إذا ركلك أحد في الخلف فأعلم إنك في المقدمة ،في لحظة تشعر إنك شخص بهذا العالم بينما يوجد شخص في العالم يشعر انك العالم بأسره،،،،،،،،،،، من يحب الشجرة يحافظ عليها

الملكة اسماء ( ام محمد )

25-09-2011, 08:21 PM