حنين إلى .. الهمبته !!!!

[عثمان جلالة]

لأني بشر كباقي خلق الله ... عادة ما أكون متناقضاً ... ربما ما يميزني في هذه اللحظة هي محاولاتي لـــ كشف هذه التناقضات الكثيرة التي تعصف بي في كل عام .. وكثيرا ما سألت نفسي هل الجميع يحسون بما أحس به ؟؟؟ فأنا يا سادتي في كل عام .. ومع بشريات الخريف أو كما نحب أن نسميه نحن أهل الزراعة "الرشاش" أكون محاطاً بإحساس كبير "بالهمبته" وأعني هنا الهمبته بمعناها المعروف والنبيل وكما سمعناها من جدودنا وحكاويهم.

.... أأأأأأأأأأي الهمبته الواحده دي ... الواحد ... يكون لابس ليهو عراقي وسروال طويل وسديري وخاتي في ضراعو سكين طويلة لسان + طبنجه + بندقيه ام عشره .... ويكون ناقته أو حصانه على أهبة الاستعداد للإغارة على الــ كتلو الجداده وخمو بيضها ... على الــ شالو حقوق المزارعين وشردوهم .. وغربو وليداتهم وعلى البضحكو على عقول الناس ... لكن أكتر حاجه بتزيد استغرابي مش نزعة الهمبته .. توقيتها يا أخوانا توقيتها هو العامل لي مشكلة لييييييييه في هذا التوقيت من كل عام ؟؟؟؟ وما علاقة ذلك بحرفتنا الأساسية وهي الزراعة ... أنا سؤالي يا أخوانا جااااااااادي !!!

وإحساسي جاااااااااااااادي ... أقرب حاجه أمس القريبه دي غلبني ليك الإحساس ,, واتدرعت ليك بالعراقي والسروال والسديري وما لقيت سكين بالمواصفات المطلوبة .. المهم استعوضت بى سكين المطبخ .. مرقت على الشارع .. لكن للاسف لا لقيت حصان .. ولا بعير فقط شوارع تضحك في وجهي غربة وحنين .. وتقول لي بكل عنف ..... حليل زمن الهمبته !!!!!!!

آخر سؤال... في واحد عندو نفس الحالات الــ بتجيني دي ولا أمش أقابل دكتور ؟؟؟

لكم الود،،،



(مرة اخرى سوف نخرج للشوارع :)... ونعيد المنتدى أرجو من جميع من شارك أن يعاود المشاركة في هذا الموضوع)

[عثمان جلالة]

http://209.85.229.132/search?q=cache:Zfg9qnF5tiYJ:www.wadmadani.com/vb/showthread.php%3Ft%3D37664+%D8%AD%D9%86%D9%8A%D9%8 6+%D8%A5%D9%84%D9%89+%D8%A7%D9%84%D9%87%D9%85%D8%A 8%D8%AA%D9%87&cd=1&hl=ar&ct=clnk&gl=sa

[مدنيّة]

روحة في العالم الاسفيري يا ابومشمش :p

ربنا يعين

[عثمان جلالة]

عارفين الإكتشفتو ؟؟

أسوأ أنواع الهمبته .. همبتة السيرفرات :cool: الـ بتطشش البوستات:cool:

[الجندي المجهول]

هسع يا جلالة ما تشوف معانا خروف ود الجعلي دا (اكان تكسب فينا اجر) وبعدين بنهمبت معااااااااك

[عثمان جلالة]

روحة في العالم الاسفيري يا ابومشمش :p

ربنا يعين


هي جنس روحه ... خليها على ربك .. أول ما اجي السودان ح أشوف لي شيخ يربط لينا المنتدى ده :p

الفات مات ... ونحن اولاد الليلة :)

[العاقب مصباح]

الرائع عثمان جلالة
انا ما شاركت فى الحلقة الفاتت ممكن اشارك هنا :d:d:d

الهمبتة
او بالمعنى العام للموضوع حالات استثنائية تأتى فى اوقات معينة من السنة مرتبطة بتواريخ محددة يعرفها الفلكيون وتنظيراتهم الكثيرة عندما يودون الحديث عن الابراج وحظك اليوم.....
حظك اليوم يا عثمان جلالة اخوى بينبئ عن احساس داخلى بظلم الاهل على امتداد رقعتهم الجغرافية الجزيرية ويحدوك امل كبير فى تعويضهم ورد الحقوق اليهم بأسلوب القوة والهمبتة لأن ما أُخذ بالهمبتة لا يُسترد الا بالهمبيتة....
هذه الحالة تنتظر الى حين عودة زمن الرشاش وهو جو من اروع الاجواء خصوصا فى قرى الجزيرة حيث الجو الاوروبى كما يقولون غمام متواتر وامطار تهطل بعيدا عنك فقط تأتيك رائحة الدعاش فتثير فيك الرغبة فى الهمبتة....
فى ذلك الوقت يكون القمر مائلا الى اليمين حيث تضع ((خوستك) وترتدى مركوب ماركة ((جنينة)) وطاقيتك مشنقة لى وراء التقول داير تدوبى عديل كدا.....
هنالك احتمالية وجود جينات ((قلبك حار)) بنسبة مية بالمية ....وفى هذه الحالة يجب عليك ات تبرد جوفك فى اقرب مسعول حكومى تشوفه وهو لابس لبسة الحيكومة بدلة سفارى وجاى عليك مادا كرشه الى الامام بزاوية الحوش حقكم ....
بتحليل شخصيتك وجدت ان الهمبتة هو احساس جميل جدا خصوصا لمن يكون لى غيرك وهمومهم ...احلى من كدا مافى .....
اها مش طلعت منظراتى كبير :d:d:d

خارج النص :- اتذكر قصة ان بعض الهمباتة فى الغرب عندما يأخذون منك ما يريدون يطلبون منك ان تعفى لهم قائلين بعد ان عدموك التكتح ((عليك الله اعفى لينا )) وانت مجبور تعفى :d:d:d

شكلى تانى بجيك

[عبدالمنعم الصديق(خدرا)]

اخى عثمان
مساك الله بكل الخير
السيناهو مهنه وجبدو مازى سرينا
نسلابو لكن قرشو مامقضينا
ماتواخذونا ماتقولو المطر مابجينا
الله كريم يفتح من خزاينو خزينه
............................
قبل الفاو يجينا ونزرع المطروق
كنا مشتتين حلالنا بينا فروق
كنا دوانا نار المحور المحروق
وكان قارصاك دبيبه بدخنوك بعروق
..................................
وكنا زمان بيوتنا الشقه والشكاب
وكنا زمان ملاحنا الخدره والويكاب
وكنا زمان حمارك وتمسك الحقاب
وهسى حافله تضرب بورى للركاب
كل المقاطع الفايته صورها الشاعر يوسف البنا عن انسان الرهد
والمقطع الاول لمزرع اضطر لقلع القطن بالكجامه لانو اما ما وجد قلاعين او ماكان عندو حق القلع او حواشتو بعيده من الحله ومافيها طريقة فزع لويقود نسوان الحله
الهمبنه عزيزى اظنها موجوده فى جينة كل من سكن الجزيره
ولو مكااخاف الكضب اقول شربناها فى موية الترعه
انسان الجزيره يشعر بالضيم من كل الحكومات وكل المسئولين لذلك انا شخصيا ما عندى مانع آخد حقى بايدى
ويلا يااخوى جملى وجملى وكلاشى وكلاشك وهسى الرشاش جاء وبركات قريبه
وبوصيكم على السيف السنين أشروهو
وبوصيكم على الفايت الحدود واسوهو
تصور ياعثمان انا نسيت انو عندى حواشه
ورغم انها بتتحضر بالعملة الصعبه عبر التحويلات الا انى بشترى العيش لاولادى من السوق وبالعمله الصعبه ايضا
قال مزارعين قال
قالو زمان كان فى حاجه اسمها مشروع الجزيره او ال (s.g.b )
بتتذكر يااخينا التلاته حروف دى
بتتذكر زمن الاندروبل والمورس
ياحليل ال (s.g.b. )
انا مفكر العشرين فدان بتاعتى اعملا مخطط سكنى واعلن عنو فى الجرايد ولا اجيب لى مستثمر ونعمل فيها ابراج لكنى حلمت انو مشروع الجزيره يرجع سيرته الاولى ويروح على الحساب الفردى
ومااقدر اغنى
(فى الجزيره نزرع قطنا نزرع نتيرب نحقق املنا)
ياحليل املنا الذى تبخر مع مياه الترع
ترع بلا كبارى
ترع بلا كراكه ام دلو
ترع ملانه ام صوفه ومسكيت وطمى
ترع بلا مويه ولا غفراء
بيوت الغفراء مشت وين؟؟؟؟
ترع على ظهورها لساتر
الماعندو لستر مامزارع
اللستر ب 2 مليون
كل المزارعين فى حلتنا ماعندهم 2 مليون
نزرع شنو؟؟؟؟
نزرع أسى ونحصد بلا
وتقول لى برضو ما نبقى همباته
ماشفت همباته المكاتب فى التفاتيش
حواشاتهم اول البيوت
وزرايبهم ملانه بقر فريزين
اخى عثمان من الطرايف انى كنت فى يوم بورد اللبن لمصنع البان بركات واليوم برسل للاهل نيدو من السعوديه!!!!!!!!(اتخيل)

[خالد 000 ابقرجة]

الهمبات نحنا 000
أصلنا معروفين 000
بلا حق الرجال 000
ما عندنا تعيين 000
ما بندبا ليهم 000
بنشيلو حمرة عين 000
بي موت بي حيا 000

لاااااااااااازم نرضي أم زين 000

والجرة الأخيرة دي كما كنت اسمعها في الراديو 000
حينما لم نكن نعرف من رمضان 000
غير متعة الغدا بباقي فطور الناس الصايمين 000
ولمة الناس في البرش المغربية 000
وعوج الدرب الذي لم يكن يسمح لأي مار 000
راكبا أم ماشيا 000 الا وحلف عليه حلفا مليان 000 ( مش علي الهناي بتاعتك ديك ;))

و أيامها أيضا 000 لم نكن نعرف فوازير 000
ولا مسلسلات رمضان 000


أيامها كنت أنتظر 000 حاكم سلمان 000
ومقدمة مسلسل حظ ام زين 000
الذي لا أعرف من تفاصيله الا هذه المقدمة 000

ولا أكاد ابالغ ان قلت لك بأنه أول مسدار حفظته 000


جلالة أخوي 000
الهمباتا كانو ناس مبادئ 000
لا يسرقون 000 ولكن ينتزعون حقا 000
كانوا علي قناعة أنه لهم 000
ولم يكونوا يسلبوا الضعيف 000


أين هم من الهمبتة التي سرقت أعمارنا 000
وجعلتنا نتلصص التواصل عبر الشاشات 000
وسرقت طموحنا 000 فأصبحنا ضيوفا ثقلاء 000
علي مطارات 000 لا ترغب في وجودنا 000
وسرقت أحلامنا 000 فأصبحت واقعية 000
وسرقت مثلنا 000 فجعلتنا نتلصصها 000
في ما تبقي من ذاكرة 000 عن شهامة الهمباتة 000
ونبلهم الذي يمنعهم سلب الضعيف 000
وماذا تريد من شباب 000 أصبحت أحلامه واقعية 000


ودعني افصل لك كلمتك ( الهمباتا ) علي طريقتي 000

( الهم 000 باتا 000 )

كيف لا وكل الهم أصبح جزمة 000 لصغيرة 000
تجاري بها رفيقاتها من بنات المدارس 000

[حافظ شعبان]

يعنى يا جلاله بعد التعب ده كله والبسه والاجتهاد فى السكين
وطلعتك للشارع
ما لقيت ليك حصان ولاجمل
سمح الهمر ده جابو هنا لشنو
http://uaesm.maktoob.com/up/uploads/2e3b771082.jpg
عليك الله شن حاب لجاب برضو تقول لبا حصان وجمل

[moh_alnour]

بعيدا ً عن موضوع البوست يا جلالة يا أخوي
من أجمل المسلسلات السودانية التي أستمتعت جدا ً جدا ً بمشاهدتها مسلسل ( دكين )
و الذي دارت أحداثه في حقبة زمنية أقرب إلى موضوع البوست ( الهمبتة )
رغم أنك لم تقصد الهمبتة بمعناها المعروف و لكنها همبتة بطريقة اللص الظريف الذي يسرق الأغنياء ليعطي الفقراء
مشروع الجزيرة و ما أدراك ما مشروع الجزيرة ذلك الداء الذي أعيا من يداويه
تعددت السياسات و التنظيرات من ساستنا و علمائنا الأجلاء و لم يفلحوا في إعادة المشروع إلى سيرته الأولى
لذلك قالوا أتركوه إن من أشقاه ربه كيف أنتم تسعدوه

[الملكة اسماء ( ام محمد )]

ياخ شبكتنا همبتة همبتة لمن جانا همباتي عنكبوتي سرق عام من ثروة المنتدى:mad::mad:
بلا همبتة بلا مصايب خلينا في حالنا ودور عربيتك دي امشي البيت اتغداء وارقد نوم وان شاء الله تقوم ناسي الهلاويس دي كلها :D:D