حلوات من غير طعم !‏

[المسافر]

لما تقابل ليك واحدة كدة جميلة للطيش وحلوة ولذيذة ، تقوم تعاين ليك بعنجيهة وإستصغار ، وكمان لما تطوّل ‏لسانك شوية وتتكلم معاها وكمثال ( شنو يا حلو ) أو ( القمر بطلع بالنهار ) ، تقوم تقول لصديقتها ‏وبعنجهية برضو بعد ما تعاين ليك من فوق لتحت (ده شنو ده ) أو ( ده عبارة عن شنو ) ؟‏

وده دليل على أن البنت دي ( مغرورة ) جداً وده لأنها زي ما بقولوا سمحة ، يعني السماحة والتي هي نعمة ‏من الله سبحانه وتعالى أصبحت ( نغمة ) وهي غالباً من تحوّل حياة هذه الفتاة إلى عذاب وجحيم وعدم ‏إستقرار مستمر وتفسد عليها حتى الأمور الطبيعية ، لأنها طوالي بكون عندها إحساس أنها أكبر من الناس ‏الحولها وأكبر من أي شيء . عشان كده تلاقها ( إنطوائية ) جداً ومنغلقة وربما تكون مليانة أمراض نفسية ‏‏( حقد شديد مش ) ، وحتى بعد ما الواحد يعرسوها بكون إحساسها بأنها تستق أفضل من زوجها ، ‏وخصوصاً بعد ما تنتهي الأيام الأولى من الزواج وتبدأ نظرتها تتغير إتجاه لزوجها وكذلك تبدأ الخلافات .‏

يعني جمالها وسماحتها أصبحت بالنسبة ليها مشكلة وفي الغالب ما بتعرف ده إلا بعد ما يكون نصف حياتها ‏راح وإنقضى وهي بهذا الوضع .‏

وبإختصار يعني ( السماحة ) مشكلة ، و ( الشنا ) برضو مشكلة ، ورغم أنو قالوا أنو أي بنت فيها أشياء ‏جميلة وسمحة بس يجب عليها تعرفها وتستغلها في الوقت المناسب .‏

تخريمة :‏
عشان ما يجي واحد يقول ليك ( أقنعوني ولا تقنعوني ) ، ويجي واحد تاني يقول المشاركة دي سيئة ورديئة ‏والحركات دي والزول قاصد كده ولا كده والمنتدى ده ( متدين ) ، حنسوي الكلمة ومعناها.

الكلمــــة : معناها
حلوات : الحلا هي كل طعم جميل ( يطوقو ) الإنسان .‏
مغرورة : رافعة نخرتها حسب ما ورد في (طه ) الصحاح. ‏
نغمــــــة : بكسر النون وهي عكس نعمة بكسر النون برضو .‏


أقلب الصفحة ‏‎<<<<<<‎

[عوض الكريم الخواض]

دى يا صاحبى حقو تسميها خواطر
واحد شاغل ليهو بت حلوة وقالت ليهو ( يخس ) .معليش يا حبيب تعيش وتآخد غيرها .
أقع ( النص نص ) لا سمحة تتكبر عليك ولا شينة تعمل ليك وجع وش . :D:p

[الجندي المجهول]

لما تقابل ليك واحدة كدة جميلة للطيش وحلوة ولذيذة ، تقوم تعاين ليك بعنجيهة وإستصغار ، وكمان لما تطوّل ‏لسانك شوية وتتكلم معاها وكمثال ( شنو يا حلو ) أو ( القمر بطلع بالنهار ) ، تقوم تقول لصديقتها ‏وبعنجهية برضو بعد ما تعاين ليك من فوق لتحت (ده شنو ده ) أو ( ده عبارة عن شنو ) ؟‏

وده دليل على أن البنت دي ( مغرورة ) جداً وده لأنها زي ما بقولوا سمحة ، يعني السماحة والتي هي نعمة ‏من الله سبحانه وتعالى أصبحت ( نغمة ) وهي غالباً من تحوّل حياة هذه الفتاة إلى عذاب وجحيم وعدم ‏إستقرار مستمر وتفسد عليها حتى الأمور الطبيعية ، لأنها طوالي بكون عندها إحساس أنها أكبر من الناس ‏الحولها وأكبر من أي شيء . عشان كده تلاقها ( إنطوائية ) جداً ومنغلقة وربما تكون مليانة أمراض نفسية ‏‏( حقد شديد مش ) ، وحتى بعد ما الواحد يعرسوها بكون إحساسها بأنها تستق أفضل من زوجها ، ‏وخصوصاً بعد ما تنتهي الأيام الأولى من الزواج وتبدأ نظرتها تتغير إتجاه لزوجها وكذلك تبدأ الخلافات .‏

يعني جمالها وسماحتها أصبحت بالنسبة ليها مشكلة وفي الغالب ما بتعرف ده إلا بعد ما يكون نصف حياتها ‏راح وإنقضى وهي بهذا الوضع .‏

وبإختصار يعني ( السماحة ) مشكلة ، و ( الشنا ) برضو مشكلة ، ورغم أنو قالوا أنو أي بنت فيها أشياء ‏جميلة وسمحة بس يجب عليها تعرفها وتستغلها في الوقت المناسب .‏

تخريمة :‏
عشان ما يجي واحد يقول ليك ( أقنعوني ولا تقنعوني ) ، ويجي واحد تاني يقول المشاركة دي سيئة ورديئة ‏والحركات دي والزول قاصد كده ولا كده والمنتدى ده ( متدين ) ، حنسوي الكلمة ومعناها.

الكلمــــة : معناها
حلوات : الحلا هي كل طعم جميل ( يطوقو ) الإنسان .‏
مغرورة : رافعة نخرتها حسب ما ورد في (طه ) الصحاح. ‏
نغمــــــة : بكسر النون وهي عكس نعمة بكسر النون برضو .‏


أقلب الصفحة ‏‎<<<<<<‎


صباح الخير يا مسافر وناسي هواااااااااك

تاكد تماماً عاوز تعيش مرتاح البال في حياتك دع اختيارك يكون مبني على الدين والاخلاق ولا تنظر لباقي الامور نظرة اولى وذات اعتبار مهم ولا يخدعم من يقول لك تزوج هذه الجميلة وبعدين اعمل على صياغتها من جديد ( لانه ليس من الممكن) ان تغير حياة شخص اصبح عمره ( 22 -26) سنة اتخيل صعبة فخليك مع الدين بتلقى كمية من الحظ والهناء في السعادة والعيش المرتاح البال . والجمال نعمة من الله خاصة اذا كان مصحوب بالتهذيب ( الدن والاخلاق ) ومن غير ديل لا يساوي شيئاً .
عن نفسي ورأي الخاص التهذيب والادب مطلوبان للبنت او الولد ومن غيرهم = Zero .

تخريمة ----------
هسع اخرم اقول ليك شنو ؟

[الملكة اسماء ( ام محمد )]

يااخوي انت ما بتوب من كلام السياسة دا :mad::mad::mad:

غايتو انا شايفة لي راجل زهج من الكعكات والكلام في سياسات تسريحة الشعر قال افتش بين (المفتريات) بس يبدو انه طلع صفر اليدين مرة اخرى


يازول هوي بت عمك ..... بث :rolleyes:

[هشام سلس]

أسي انا قلبت الصفحة ما لقيت اي حاجة

[المسافر]

دى يا صاحبى حقو تسميها خواطر
واحد شاغل ليهو بت حلوة وقالت ليهو ( يخس ) .معليش يا حبيب تعيش وتآخد غيرها .
أقع ( النص نص ) لا سمحة تتكبر عليك ولا شينة تعمل ليك وجع وش . :d:p




والله العظيم ده ما أنا الشاغل البت دي
ومستعد أول واحد أتفتش !!!!!!!!!!!!!!

النص نص أعرفها كيف هي نص نص

[المسافر]

صباح الخير يا مسافر وناسي هواااااااااك

تاكد تماماً عاوز تعيش مرتاح البال في حياتك دع اختيارك يكون مبني على الدين والاخلاق ولا تنظر لباقي الامور نظرة اولى وذات اعتبار مهم ولا يخدعم من يقول لك تزوج هذه الجميلة وبعدين اعمل على صياغتها من جديد ( لانه ليس من الممكن) ان تغير حياة شخص اصبح عمره ( 22 -26) سنة اتخيل صعبة فخليك مع الدين بتلقى كمية من الحظ والهناء في السعادة والعيش المرتاح البال . والجمال نعمة من الله خاصة اذا كان مصحوب بالتهذيب ( الدن والاخلاق ) ومن غير ديل لا يساوي شيئاً .
عن نفسي ورأي الخاص التهذيب والادب مطلوبان للبنت او الولد ومن غيرهم = zero .

تخريمة ----------
هسع اخرم اقول ليك شنو ؟




حبيب القلب الجندي

ما قصرت والله نعم الإرشادات
وكان ما بعرفك كان قلت عليك
بقيت واحد تاني ههههههههه

وأخر الكلام ( يفتح الله ) هههههه

[المسافر]

يااخوي انت ما بتوب من كلام السياسة دا :mad::mad::mad:

غايتو انا شايفة لي راجل زهج من الكعكات والكلام في سياسات تسريحة الشعر قال افتش بين (المفتريات) بس يبدو انه طلع صفر اليدين مرة اخرى


يازول هوي بت عمك ..... بث :rolleyes:



بالمناسبة ( المفتريات ) أظرف ناس
وخصوصاً المفتريات شديد جداً هههه

وبعدين أنا عندي بنت عمي قاعدة
هنا ، تقوم تسمع كلامك ده ههههه

[المسافر]

أسي انا قلبت الصفحة ما لقيت اي حاجة



والله يا هشام ده الخايف منو زاتو
إنت قلبت الصفحة كيف ؟

[سروية]

:d:d
كلنا قلبنا الصفحة مالقينا شي

[محمد الجزولى]

المسافر المسافر
تحياتى بقدر اشواقى
السماحه سماحة الدواخل .. والجمال ما دايم ... بيذبل مع العمر .. لكن تبقى الاصاله والطيبه والمعامله الحسنه وطاعة الزوج
دمت بكل ود


بالمناسبه : اقلب الصفحه

[مهيد ود السفاح]

المسافر
لك التحيه والشوق كميات مهوله

قالوا كان سرقته اسرق جمل
وكان عشقته اعشق قمر

اها يا اخوي الكلام ده واضح والقمر القاصدنوا اهلنا ديل هو القمر الواحد ده

يعني سماحه للطيش , واخلاق وتهذيب وكل صفات القمر

يعني بالله عليك لما يكون قمر ومتدين ومهذب ويحمل لك الحب كله
الباقي شنو ؟؟؟

الباقي



اقلب الصفحه >>>>>>

[مهيد ود السفاح]

بالمناسبة ( المفتريات ) أظرف ناس
وخصوصاً المفتريات شديد جداً هههه




تعرف يا المسافر
انا تخصص مفتريات سمحات

برفع ليهن الضغط 100 درجه فوق المسموح به

تقول يمين اقول شمال وكلامها كان عاجبك تقول ما سمح

عشان تقعد في واطة الله دي

همسه : سمح السمح

[الملكة اسماء ( ام محمد )]

بالمناسبة ( المفتريات ) أظرف ناس
وخصوصاً المفتريات شديد جداً هههه


وبعدين أنا عندي بنت عمي قاعدة

هنا ، تقوم تسمع كلامك ده ههههه


:D:D:D:D
غااااااايتو
حيرتنا معاك
معجب بالمغرورات ونزلت فيهم بوست زعل
كاره امات الكعكات ونزلت فيهم بوست غضب

وخااااااايف بت عمك تسمعك

عاااااااد ياود امي يجيبوا ليك عروس بياتوا مواصفات ؟؟؟؟؟:confused::confused:

[بت أم درمان]

يا الخيال ...

من قلبي من أجل المحبة

وهبت ليك شعر الغزل

مع إن قدامي الطريق

أنا عارفه يا السمحة انقفل

ومافي قسمة

مااافي يانور قلبي حتى بصيص أمل

لا قدرت أقرا من ضراك

وما قدرت لي فراقك أصل


آآآآآآي يا العاقب ... بسمع عثمان حسين

***


في مثل بقول

لولا اختلاف الأراء لبارت السلع




انت يا المسافر مالك بتصعب الامور كدا

كدي اعمل لينا بوست وورينا عقدتك شنو ووين بالظبط ؟؟؟

انت لي شايلها مع البنات كدا[/color]

[بت أم درمان]

نسيت اقلب الصفحة


اها قولوبوت >>>>>>>

[الجندي المجهول]

نسيت اقلب الصفحة


اها قولوبوت >>>>>>>

معناها ساكنة امدرمان القديمة