طباخ الرئيس

[عمرسنهوري]

زيارة السيد رئيس الجمهوريه للحصاحيصا و رفاعه لافتتاح الكبري
ذكرتني بفلم طباخ الرئيس للمثل الكوميدي طلعت زكريا
بالامس كانت هناك عربه تطوف داخل المدينه بها ميكرفون
بداخلها ذلك الشخص الذي يتولى امر الاذاعه الداخليه في
الاستاد وفي شوارع المدينه
عند الاعلان عن مباراة في الدوري (يعني زي القطر في مدني ) .
السؤال اين وجه الشبه مع فيلم طباخ الرئيس ؟؟؟؟
الاجابه
كان ذلك الشخص ينعق و ينهق من داخل العربه من خلال ميكرفون
مذكرا الناس بقدوم الرئيس صباحا لافتتاح الكبري .
ومذكرا بالامر القاضي باغلاق السوق كليا وكل من يخالف الامر فانه يتعرض لغرامه
ماليه مائتي الف جنيه .

[عمرسنهوري]

اتخيلو معاي
الرئيس قال عاوز يخش السوق فجأه كده
ودخل السوق واكيد حيلقى السوق فااااااااااااااااضي
هنا يكون فعلا دا فلم طباخ الرييس

[الجندي المجهول]

والله يا عمر سنهوري بلدنا ناسها فاضيين جداً ومطبلاتية وجنهم ( عوارة) :
واسمع مني الونسة دي :
كنا مجموعة من الاصدقاء والكلام دا ما طول قريب جدا ما تم ليهو سنة تقريباً وسبحان الله انا وصديقي ومعانا اتنين ( انا وصديقي ) مقيمين بالمملكة العربية السعودية والاتنين الباقين واحد في دبي والثاني في هولندا (عارف العربي) .
وتحدثنا عن المشاريع في السودان وما يصاحبها من صخب وضجة اعلامية واحتفالات بذخية ودا كلوا علشان افتتاح جسر او طريق ( بعد شهرين بيتقلع ) فكلو واحد منا ذكر ما يحدث في البلد الذي يعيش فيه فهنا مثلا في المملكة العربية السعودية تحديداً ( مدينة جدة) فيها الان حملةة كبيرة على الشوارع وتوسعتها وعمل كباري كثيرة طايرة غير الموجودة اصلاً وما سمعنا يوم قالوا في افتتاح ولا حاجة زي دي وكذلك كلو يوم في الامارات يت فتح صرح كبير جديد وكذلك هولندا من غير اي ضجيج لان هذا يعتبر هو الواجب ولا يحتاج لتكريم وهذه هي سنة الحياة لان من عمل الكبري او شيد المستشفى ( لم يشيدها من مال ابيه او امه ) من ميزانية الدولة والتي تعتبر من اموال الشعب .
عموماً (نحن اغرب شعب واغرب حكومة ) لكن الحمد لله ( ان الله حي لا يموت ) ولا يغفل ولا ينام --- والقبر قدااااااام .
---------------------
تخريمة
هسع اخرم اقول شنو ؟

[moh_alnour]

و الله يالجندي ما قلتَ غير الحق
زيطة و زمبريطة و جعجعة من غير طحين

[عوض الكريم الخواض]

يعنى حتى الأرزاق دايرين يقفلوها ...
سبحان الله ...
أوع تقول لي المساكين رضوا بالكلام دا وقفلوا دكاكينهم !!!!؟؟؟

[عمرسنهوري]

والله يا عمر سنهوري بلدنا ناسها فاضيين جداً ومطبلاتية وجنهم ( عوارة) :
واسمع مني الونسة دي :
كنا مجموعة من الاصدقاء والكلام دا ما طول قريب جدا ما تم ليهو سنة تقريباً وسبحان الله انا وصديقي ومعانا اتنين ( انا وصديقي ) مقيمين بالمملكة العربية السعودية والاتنين الباقين واحد في دبي والثاني في هولندا (عارف العربي) .
وتحدثنا عن المشاريع في السودان وما يصاحبها من صخب وضجة اعلامية واحتفالات بذخية ودا كلوا علشان افتتاح جسر او طريق ( بعد شهرين بيتقلع ) فكلو واحد منا ذكر ما يحدث في البلد الذي يعيش فيه فهنا مثلا في المملكة العربية السعودية تحديداً ( مدينة جدة) فيها الان حملةة كبيرة على الشوارع وتوسعتها وعمل كباري كثيرة طايرة غير الموجودة اصلاً وما سمعنا يوم قالوا في افتتاح ولا حاجة زي دي وكذلك كلو يوم في الامارات يت فتح صرح كبير جديد وكذلك هولندا من غير اي ضجيج لان هذا يعتبر هو الواجب ولا يحتاج لتكريم وهذه هي سنة الحياة لان من عمل الكبري او شيد المستشفى ( لم يشيدها من مال ابيه او امه ) من ميزانية الدولة والتي تعتبر من اموال الشعب .
عموماً (نحن اغرب شعب واغرب حكومة ) لكن الحمد لله ( ان الله حي لا يموت ) ولا يغفل ولا ينام --- والقبر قدااااااام .
---------------------
تخريمة
هسع اخرم اقول شنو ؟
كلامك دا دايما بقولو صديقي خالد الصادق

[الجندي المجهول]

اتشرف واعرف خالد الصادق وشكلوا زووو ل فاااهم ( تحياتي ليهو بالله عليك)

تخريمة -----
بالله عاين بدقة وشوف ناس المراسيم ( الناس البتجارى ) امام وخلف الرئيس او الوالي (غايتو جنس هبالة) .
انا غايتو ما عارف لكن (في كل بلاد العالم ما بيشتغلوها كدا) المراسيم دا ادارة كاملة وشغلها دقيق جدا ( وهنا في السودان بس جري قدام الرئيس او الوالي او الوزير وهاك يا (دفير) في الناس ... دا فهم المراسيم عندنا ....

[عمرسنهوري]

يعنى حتى الأرزاق دايرين يقفلوها ...
سبحان الله ...
أوع تقول لي المساكين رضوا بالكلام دا وقفلوا دكاكينهم !!!!؟؟؟


مافي راجل خالف الامر يا ود الخواض:mad:
انت ذاتك لو كنت في بتقفل :D

اتصلنا على البنك عشان التوريده
قالو نحن فاتحين لكن في عسكري واقف في الباب
ما في زول بخش الا الرئيس يمشي

[عمرسنهوري]

تخريمة -----
بالله عاين بدقة وشوف ناس المراسيم ( الناس البتجارى ) امام وخلف الرئيس او الوالي (غايتو جنس هبالة) .
....

و الله يا الجندي ديل جابو الشتول الصباح
زرعوها في المكان الفاضي

[الجندي المجهول]

و الله يا الجندي ديل جابو الشتول الصباح
زرعوها في المكان الفاضي

عشان كدا البلد ما حا تمشي للامام بالفهم دا ( الفهم اهم من البترول ) لانه بترول من غير فهم بيجيب لينا مشاكل بس ( الفهم قسمة) وقسمة دي فنانة ......

[عبدالله محمد العقاد]

زيارة السيد رئيس الجمهوريه للحصاحيصا و رفاعه لافتتاح الكبري
ذكرتني بفلم طباخ الرئيس للمثل الكوميدي طلعت زكريا
بالامس كانت هناك عربه تطوف داخل المدينه بها ميكرفون
بداخلها ذلك الشخص الذي يتولى امر الاذاعه الداخليه في
الاستاد وفي شوارع المدينه
عند الاعلان عن مباراة في الدوري (يعني زي القطر في مدني ) .
السؤال اين وجه الشبه مع فيلم طباخ الرئيس ؟؟؟؟
الاجابه
كان ذلك الشخص ينعق و ينهق من داخل العربه من خلال ميكرفون
مذكرا الناس بقدوم الرئيس صباحا لافتتاح الكبري .
ومذكرا بالامر القاضي باغلاق السوق كليا وكل من يخالف الامر فانه يتعرض لغرامه
ماليه مائتي الف جنيه .


الرائع عمر سنهوري

و الله دة اعلان بيدي مؤشر موجب أن الناس في مدني كشفوا الجماعة ديل و مصرين على مواصلة حياتهم و لن يلتفتوا إلا لمصدر رزقهم ، و عشان كدة جا هذا الامر الجائر و المتسلط و المنافي لحقوق الانسان
عشان ما استقبلت الرئيس يغرموني و الله فوضى ما بعدها فوضى و تعسف في استخدام الصلاحيات و مهزلة قانونية