المساعد الشخصي الرقمي

مشاهدة النسخة كاملة : خربشااااات على جدار المنتدى


عبدالرحمن مدثر
24-05-2009, 09:24 PM
• طلية حريرية .. قبل الخربشة

مازالت الضحكة مجلجلة فى مساحات التواجد .. ونحن نتفيأ ظلال
دوحة تعطينا احساس الامان .. وتقينا حر وسموم جور الزمان
مع هذا الامل المفروش والنديااان بهطول مطر الرشاش
الذى يدغدغ عصب الامنيات بصحبة لمة الفرح
المتجدد فى هذا المكان بالذاااات ....

ومازلت احن الى ايام خلت ..
كان فيها الاحساس الصادق سيد الموقف
والخربشاات لحن الحياة.. كلنا تعودنا مع جريان
النيل الخالد الذى يغمر جدب الارض .. ويصطدم برغبات
اخرى لاتتوافق مع منظوكة احساسه الداخلى الذى تعود ان يعطى ويعطى
لكنه ..!!
الواقع المر دائما
مايجرح خاطر الامنيات
ويتركها فى العراء عرضة للالم
والذئاب .. ..................... واشياء اخرى
عبدالرحمن مدثر
24-05-2009, 09:25 PM
• خربشة اولى
• وشم على ساعد الغيااااااااب
(هناك خيار يمكنكم من جعل الشين .. حاء )

الضحكة وحدها جاءت بكامل اناقتها ..(من جوه ) من دون زيف ..
اتذكرها فى ذلك اليوم بالذات .. هل لانها كانت تعرف ان بكره مشلول المفاصل .. والتفاصيل ....
مابين بوست الخواااض (الملغم ) وبساطة (ابوجودى ) الذى اعطى لتلك
الضحكة الكبيرة (بطاقة انتماء ) بسبب موقف صديقه الذى هرب من الوحم
الى الوهم ..بسبب (صلعة بيضاء ناصعة ) ..وبسبب رغبة (سااااى ) جاءت
عكس كل التوقعاااات ...........
عثمان جلالة
24-05-2009, 09:26 PM
وانا ارجو

ان اظل كما

انا طفلا


يخربش فوق حيطان

النجوم

كما يشاء :););)
عبدالرحمن مدثر
24-05-2009, 09:27 PM
• خربشة حنين
• ضحكك وصول حزمة رسائل من اهل

وذات الضحكة كانت تسكننى وانا اجهز مع (جزولى ) حقائب العودة
الى الديار بعد غربة .. شرب الزمن فيها فرح السنين .. والباقى هداه السهر
مع العلم .. اننى كنت بين لحظة واخرى اذكره (بان ضحكة واحدة لاتكفى )
تركته وهو مازال يغلف فى الضحكات لتنوب عن الهدايا الاخرى
لانها .. اصدق ... (ومافيشة ) .....
عبدالرحمن مدثر
24-05-2009, 09:30 PM
• خربشة هكرز
• هم .. فوق هم ... فوق هم ....... همبتة ...

مازلنا نبحث عن السكين (اداة الجريمة ) التى جرحت شريان النبض
الذى يعيش عليه الجميع ....
همبتة الكترونية سطت على كل الاحاسيس الجميلة .. وتركتنا وحدنا فى
العراء نشكو (لطوب الارض ) من سوء الحال ... وفظاعة الموقف
ومابين همبتة (جلالة ) التى نعرفها .. وهمبتة (الهكرز) .. وطشاش الروية
وطفشان السيرفر .. توارد خواطر فى خطر (سطو ) قاااادم ...
عبدالرحمن مدثر
24-05-2009, 09:32 PM
• خربشة منبوذة
• مجنون الحزن المجنون
بارود الحزن المسجون
جواى انا .... شافع محزوون
عن امو يفتش ... فتيش
فتش ................... فتيش
هبش .................. هبيش
دقش ................... دقيش
يصرخ يانااااااااااااااس
مريم محمود ... راااحت شقيش
وانا اااااااااااااه يامريم
وانا ااااااااااااه

مازال صوت العربة يقطع الصمت (صديق الرحلة) مع العلم انه كان
خارج الحسابات (والمنفستو )
مازال ذاك الثقب الصغير فى بطن العربة ملاذا للهروب من واقع مر
واسئلة تفضح العيوون .. وتجلد (المنبوذة ) لتعيدها الى المربع الاول الذى يصر على قتل احساس يحلم بحياة اخرى بعيدة عن الماااضى
وجراحه التى لن تندمل (بالساهل ) ..
وزى ماالبسمة بتموت يوماتى
وزى مالحزن بفيض بموجو العاااتى
وزى احلامنا
الكل مانحلم ... بانها تكبر
نرجع نلقاها يادووب بتاتى
والواقع دائما بدفن حلمك (عصمت )
ويسكن جوه عيونها
خيال ..................... بعاااتى
عبدالرحمن مدثر
24-05-2009, 09:33 PM
• خربشة تفتقد التركيز

لاول مرة كباية القهوة (مابتم الكيف ) ........
هل لاننا نفتقد القعدة الحلوة ... والقلية ..؟؟؟
ومازال (ودمرزوق ) يحاول فك شفرة هذا الادمان الغريب (للمنتدى )
ومحاولة ايجاد علاج ناجع لتلك الحالة .. وكبسولة دواء مناسبة لهذا
الداء (العضال ) .....
لكن بعد هذا التوقف المفاااجى ... ادرك هو قبلنا انه
(لابديل لهذا الادمان ... الاادمااان اكثر )
عبدالرحمن مدثر
24-05-2009, 09:35 PM
• خربشة مجنونة
• ان شاء الله اجن
وازيد فى الجن
ماانتو جنونى ياحبااان

والادمان سيقودنا حتما للجنون (شارع اتجاه وااحد )
ومااحلى الجنون ونحن نمسك وردة .. ونرشف الاحساس .. والعصير
فى هذه المساحة ننادى بضرورة الخروج من (دائرة العقل ) طالما كانت
قلوبنا معلقة بنبض (ودمصباح ) المجنون .. لذلك دعوا الاحساس ينمو
عبدالله محمد العقاد
24-05-2009, 10:51 PM
التحية لك استاذنا عبدالرحمن مدثر على هذه الاطلالة الرائعة
و التي شخصت حالنا بعد حالكم و شوقنا إلى احبائنا الكرام
ونقول حياك الله
عبدالرحمن مدثر
24-05-2009, 11:36 PM
التحية لك استاذنا عبدالرحمن مدثر على هذه الاطلالة الرائعة
و التي شخصت حالنا بعد حالكم و شوقنا إلى احبائنا الكرام
ونقول حياك الله


والتحية لك عقادنا

ونسعد بهذا الحضور الانيق من جديد

ويدووم التوااصل

من اجل احساس صادق

وصحبة صالحة
عبدالرحمن مدثر
24-05-2009, 11:40 PM
وانا ارجو

ان اظل كما

انا طفلا


يخربش فوق حيطان

النجوم

كما يشاء :););)



حبيبنا جلالة

داير اعرف علاقة (همبتك )

بالهمبتة العشناها فترة التوقف الطويلة

حتى بدانا نجهز فى احاسيسنا من جديد

بعد مابقينا جداااااد (لنج ) :p
عبدالرحمن مدثر
24-05-2009, 11:47 PM
* خربشة حزينة


في العاصمة الخرطوم .. في لحظة من ذات يوم
والجو هبوب وسموم .. كابات غيومو سِموم
إنسان وإنسانة .. ما هُن عروس وعريس
شيطان وشيطانه .. كان تالِتُن إبليس
عمداً وبي إصرار .. لا خوف ولا رهبة
من جُرم أو عاقبة .. إشتعلت الرغبة
إنعدمت النخوة .. اتبهلت الشهوة
واندلعت النزوة .. وإتمادوا في الهفوة
إتمادوا فاتوا الميس وحدّ اللعب بالنار
عيييييك غابوا في النشوة .. وانزرعت البذرة
والبذرة مشؤومة .. مايقوما.. مايقوما
وسواري آخر الليل.. اللافي راكبي الخيل
حايمي ومشيها تقيل .. اتسمرت وقفت حرنت صهيلا صهيل
لما القلوب وجفت.. شقت سكون الليل
صرخة وأنين وأنين ..في خور تحت كبري إتناوشن كلبين
إتهاوشن جم كوم .. نهشن طرف طرحة
ما بين صراخ وعويل.. الكوم نزفلو دموم
والعسكري الضكران ..فت.. نطّ .. جبد الكوم
واتفرزعن كلبين .. كاكيهو شرب الدم
وعينيهو دمعت دم .. شال نفسو واتحزم
الطرحة لمّاها ..الطفلة ضمّاها
وفي دفتر الأحوال .. سماها مايقوما..!
من عطفو أداها.. مايقوما وداها
لي حي عتيق وعفيف ..ومايقوما ضيفة الحي
لكن هي ما كانت.. زي أي كائن حي
مقطوعة من شجرة.. ثمرا المحرم نيّ
بي طيبة الطيبين، الدار بقت دارا
وارثين مكارم طي.. ما مات لهب نارا
الفُقرا ما فقرا ..شان خاطر الأطفال
بيناتن النبقة... واللقمة مقسمومة
يا مؤتمر وطني.. لو إنت صح وطني
يا مؤتمر شعبي.. لو إنت صح شعبي
يا إتحاديين.. لو إتحاديين
يا حركة شعبية .. بعثِ وشيوعية
يا أمة يا أمة.. كان إنتو صِح صادقين
يا ناس يا حاكومة يا معارضين يا هووووي
يا مشتتين جبهات ..ومفرقين حركات
ومقسمين جيهات .. يا اخوانا بالذمة
اتجيهوا اتلموا .. ما أروع اللمة
ما أجمل الأمة .. لمّان تكون لما
على قلب زول واحد .. متماسكي ملمومة
تسمع صراخ طفلة ..مسكيني، محرومة
ما نطقت اليما .. ما شافت اليُما
في دفتر الأحوال .. سموها مايقوما..



لن اترك (نعمااااان ) وحده ... سابحث عن (مرااام ) التى غناها ودالسقيد
ووجدها بنفس الابتسامة فى زحمة دار رعاية الاطفال بالمايقوما ... فغناها من جديد
مايقوما ... مايقوما ... واصبحت مرااام صديقتنا الحلوة فى كنف رعايته وكفالته الخاصة
ياااااااااااااااااااااااااااااه
مااجملها ابتسامة وسط نهر من الدموووع ... (عندها نمتلك القلوب )
ونبدا من جديد اعمار (الخراااابة ) عشان عيون اطفالنا ماتضوق الهزيمة
عبدالرحمن مدثر
25-05-2009, 12:02 AM
خربشة سااااااى

السبورة يعنى لازم تكون سوداء ....!!!

مااجمل ان تخربش على جدران المنازل (بفحمة سوداء ) ...
وعندما تجبرك (بت الجيران ) على الفضفضة العلنية
لتعرف كل الحلة من (حيطانها ) انك تحب (فلانة ) ....

ومااقسى احساس (حضرت ولم اجدكم ) وبالاسود كمان ..(بنفس الفحمة )
عندما يتعبك الانتظار امام باب اقرب الناس اليك ... ولاتجده
ولاتجد احساسك
مع انطلاقة جديدة للمنتدى ... ولاحساسنا
وبعزيمة جديدة تتطلب تضافر كل الجهود
واحساس انضر يتسع للجميع
وامل اخضر

جئت اليكم .. مع احساسى

وبخربشة اخيرة

لاخبركم (بفحمة سوداء )

خربشناها على باب (المنتدى )

بعد ان طال الانتظار








(بانى حضرت ............. ولم اجدكم )


وكنت غلطان







كيف اجيييييييكم






وانتوا

جوه .... الجوه ... فى الشريااااااااااااان
العاقب مصباح
25-05-2009, 04:56 AM
خربشة فى الهواء الطلق
بدون قلم
بى احساس باكر
وامس
وهسع
بدون بهارات
بدون بهرجة
بى احتفالات بى رجوعنا جدد
كما خلقنا اول مرة
بداية خلق القلم المنتدوى المدناوى
وجوطة شديدة فاتت علينا
كنا نسوق الغيمة من مكان لى مكان
وتهطل رزاز بى رواقة
زى رواقة ود مدثر وهو شليق
ادتنا غيبة المنتدى فرصة نقابلك ونشتهى الونسة الرمى
ونقعد نحنس فى بكب حرن وغلبتوا القومة
وحلف ما يدينا ولا دى
نجابد فيه
وشوق نغالب فيه ويغالبنا
على وعد الفرح
وتغييب لى مساحات زاخرة بيكم
شليل ما راح
شليل ممكون وحائر
حيرة درويش فوق شيخو الطار فد مرة ونحن شيخنا طار طيرة الجن
ويا شيخى تنجدنى وترجع لى وحم ود الخواض وقرنبيط ود مدثر والزول ابصلعة داك
كلامنا الفات بقى زى جنى النديهة
تابع شيخه
ونحن كلامنا تابع لى بكب معين
وشركة مستضيفة ومار اعت لى اقل اعتبار من حقوق الضيافة
ضيف بعد غدودهو جلدوهو وعدموهو الحبة
فى كلام ساى حقى
كتبته من غير ما اقصد
واهو برضو راح ساى
بين الساى الاولى والتانية فى كمية ساسيات واقفة وحارنة فى محلها
وواحد هناك بيحتفل بى حاجه حلوه
ونحن هنا حلاوتنا فى دواخل نقية
وكباية شاى احمر تظبط الراس الانعوج بى رواقة
كيفن زول يصل لى الجامعة يرجع تانى لى سنة اولى
طيب ورايك شنو لو رجعنا لى سنة الحبيان والصرخة الاولى
ونبدا نتعلم المشى من اول وجديد
ما بلومك يا البكب
بس براى سويتها فى نفسى
قلبى الحب ما واعى
وزى ما قال ظريفنا داك
تبقى لينا توعظة.....
وشافع هناك بيتفرج علينا
كان ظنه هولنا
وكان ظننا هوله
اتغيبنا
وعدنا اغراب
وجبلا كان بيناتنا محبة
هو الفاضل لينا
ويا روح ما بعدك روح
الروح تروح ما مشكلة
وتزيد جروحنا كمان جروح ما مشكلة
المشكلة فى البكب العامل فيها بيهدنا
بيكتم اناتنا وصرخاتنا
يا بكب هووووووووى اسرح بى قيدك
وزى ما قال حميد

وطن لو رزة...
يكسر الرزة
....
وانت المالى عيونو
معزة
وين متراوح
سايب عزة
ودابها اشتغلت فيها
الغنيه
ودابو ضمير الدنيا
اهتز
وبدا فى القدح الكونى
يتبن شوفه يضوق للعالم
لذه
وين متراوح
وين ياطالى النيل
باب النيل
بحنين الوزة
.....
وعمرك كلو
تغنى عليها
وتترجاها
تعالى....تعالى
اول ماهى
بدت عينيها
نهمه غيمه
مشيت طوالى
...............
كوركنالك
كوركنالك
كوركنالك
يا
....الله
سبعه ايام فى سبعه ليالى
رجع الصوت الطالع
.....آه....
سرسار جدول
رادو العالى
.........

وخربشة للطيش
مدنيّة
25-05-2009, 08:38 AM
ابو مزن

دوما جاهز في كل الاحوال
لو بخربشات او بجماليات الكتابة

كن بخير
خالد 000 ابقرجة
25-05-2009, 09:55 AM
الخرباش 000

ان كانت النجوم عصية 000
فجدر قلبنا مفرودة بين أظافرك 000
تخربش فيها كيف تشاء 000


خربشة 000 قبل الطبع 000

الاسبوع الماضي 000 وحين أتاح لنا الآدمن تواصلاً اسعافياً قبل هذه العودة البهية 000 أطللت بكل الفرح 000 علي القائمة التي سبقتني 000 كل اسم قرأته 000 كان لي معه تعبير خاص يضيف لي احساسا بالإلفة 000 والتواصل الرهيف 000

عزيز عيسي 0000 ( أوو الخواجة )
اسامة الرشيد 000 ( مهندسنا الرائع)
معتز 0000 ( هلا ود الريح )
عقاد 0000 ( عبدالله العقاد يا سلاااام )
محمد حسين 000 ( المميز 000 والله مشتاقين )
وطبعا القائمة طوييييلة

لكنني لا أدري كيف جمعت هذا المخزون 000 أو متي 000 لكنني ازددت يقينا بأنني يجب أن أظل هنا 000


خربشة هاتفية 000

ما قلتا ليك يدني ماكلاني 000 ومحتاجة ليها خربشة خربشتين عشان تشيل الخدر والتنميلة 000 ؟؟؟

بمشي 0000 وبجي للخربشة 000 والكاروووووشة
عوض الكريم الخواض
25-05-2009, 10:26 AM
• خربشة اولى
• وشم على ساعد الغيااااااااب
(هناك خيار يمكنكم من جعل الشين .. حاء )

الضحكة وحدها جاءت بكامل اناقتها ..(من جوه ) من دون زيف ..
اتذكرها فى ذلك اليوم بالذات .. هل لانها كانت تعرف ان بكره مشلول المفاصل .. والتفاصيل ....
مابين بوست الخواااض (الملغم ) وبساطة (ابوجودى ) الذى اعطى لتلك
الضحكة الكبيرة (بطاقة انتماء ) بسبب موقف صديقه الذى هرب من الوحم
الى الوهم ..بسبب (صلعة بيضاء ناصعة ) ..وبسبب رغبة (سااااى ) جاءت
عكس كل التوقعاااات ...........


هاهاهاهاهاهاهاهااااااااااااااااااااي ...
ذكرتنا أيام زمااااااااااااان يا صاحبى ...
لامن كنا كُبار ... :p:p
عليك الله السيرة دى ما تفتحها تانى ...
يقوم اللغم دا ينفجر فينا تانى .
قلت لي طلية حريرية .
محمد الجزولى
26-05-2009, 07:32 PM
• خربشة حنين
• ضحكك وصول حزمة رسائل من اهل

وذات الضحكة كانت تسكننى وانا اجهز مع (جزولى ) حقائب العودة
الى الديار بعد غربة .. شرب الزمن فيها فرح السنين .. والباقى هداه السهر
مع العلم .. اننى كنت بين لحظة واخرى اذكره (بان ضحكة واحدة لاتكفى )
تركته وهو مازال يغلف فى الضحكات لتنوب عن الهدايا الاخرى
لانها .. اصدق ... (ومافيشة ) .....



الغالى ابو مزن
الشوق غلب
ووعدا منى بان تجوب تلك الضحكات اركان بلادى العزيزه ... لتزرع الفرحه فى نفوس الغلابه ... كما زرعتها انت فى نفوسنا ... وكما زرعتها ادارة المنتدى فى كل بيت كان يستفيق على نعيق البوم بعودة المنتدى مرة اخرى
لك ودى واحترامى الشديد
سروية
26-05-2009, 11:03 PM
اخي ود مدثر دمت رائعا
عبدالرحمن مدثر
27-05-2009, 04:45 AM
خربشة فى الهواء الطلق
بدون قلم
بى احساس باكر
وامس
وهسع
بدون بهارات
بدون بهرجة
بى احتفالات بى رجوعنا جدد
كما خلقنا اول مرة
بداية خلق القلم المنتدوى المدناوى
وجوطة شديدة فاتت علينا
كنا نسوق الغيمة من مكان لى مكان
وتهطل رزاز بى رواقة
زى رواقة ود مدثر وهو شليق
ادتنا غيبة المنتدى فرصة نقابلك ونشتهى الونسة الرمى
ونقعد نحنس فى بكب حرن وغلبتوا القومة
وحلف ما يدينا ولا دى
نجابد فيه
وشوق نغالب فيه ويغالبنا
على وعد الفرح
وتغييب لى مساحات زاخرة بيكم
شليل ما راح
شليل ممكون وحائر
حيرة درويش فوق شيخو الطار فد مرة ونحن شيخنا طار طيرة الجن
ويا شيخى تنجدنى وترجع لى وحم ود الخواض وقرنبيط ود مدثر والزول ابصلعة داك
كلامنا الفات بقى زى جنى النديهة
تابع شيخه
ونحن كلامنا تابع لى بكب معين
وشركة مستضيفة ومار اعت لى اقل اعتبار من حقوق الضيافة
ضيف بعد غدودهو جلدوهو وعدموهو الحبة
فى كلام ساى حقى
كتبته من غير ما اقصد
واهو برضو راح ساى
بين الساى الاولى والتانية فى كمية ساسيات واقفة وحارنة فى محلها
وواحد هناك بيحتفل بى حاجه حلوه
ونحن هنا حلاوتنا فى دواخل نقية
وكباية شاى احمر تظبط الراس الانعوج بى رواقة
كيفن زول يصل لى الجامعة يرجع تانى لى سنة اولى
طيب ورايك شنو لو رجعنا لى سنة الحبيان والصرخة الاولى
ونبدا نتعلم المشى من اول وجديد
ما بلومك يا البكب
بس براى سويتها فى نفسى
قلبى الحب ما واعى
وزى ما قال ظريفنا داك
تبقى لينا توعظة.....
وشافع هناك بيتفرج علينا
كان ظنه هولنا
وكان ظننا هوله
اتغيبنا
وعدنا اغراب
وجبلا كان بيناتنا محبة
هو الفاضل لينا
ويا روح ما بعدك روح
الروح تروح ما مشكلة
وتزيد جروحنا كمان جروح ما مشكلة
المشكلة فى البكب العامل فيها بيهدنا
بيكتم اناتنا وصرخاتنا
يا بكب هووووووووى اسرح بى قيدك
وزى ما قال حميد

وطن لو رزة...
يكسر الرزة
....
وانت المالى عيونو
معزة
وين متراوح
سايب عزة
ودابها اشتغلت فيها
الغنيه
ودابو ضمير الدنيا
اهتز
وبدا فى القدح الكونى
يتبن شوفه يضوق للعالم
لذه
وين متراوح
وين ياطالى النيل
باب النيل
بحنين الوزة
.....
وعمرك كلو
تغنى عليها
وتترجاها
تعالى....تعالى
اول ماهى
بدت عينيها
نهمه غيمه
مشيت طوالى
...............
كوركنالك
كوركنالك
كوركنالك
يا
....الله
سبعه ايام فى سبعه ليالى
رجع الصوت الطالع
.....آه....
سرسار جدول
رادو العالى
.........

وخربشة للطيش




مرات الغيااااب ذاتو فيهو احساس زائد بالاخرين

عندما تحس (بالفرقة الكبيرة ) من جرأ هذا الغياب

وتحس بانك لاتقوى على مواصلة السير من دون غيماتهم الندية

والخربشة بكون عندها طعم ورائحة ولون

لمن نكون جواااك

وناخد منك وهج النور

النابع منك

لذلك كما قلت لك دع الاحساس ينمو

وواصل رحلة ابداعك المدهشة

لاننا نسعد بهذا المشوار اكثر منك
عبدالرحمن مدثر
27-05-2009, 05:21 AM
ابو مزن

دوما جاهز في كل الاحوال
لو بخربشات او بجماليات الكتابة

كن بخير


ياسلام على احساسنا

ياام جمال .. الخلانا لافين فى صينية

نفتقد التركيز ... ونجتهد فى الوصول الى حد الشلهتة

مااحلى المنتدى بكم
عبدالرحمن مدثر
27-05-2009, 05:24 AM
الخرباش 000

ان كانت النجوم عصية 000
فجدر قلبنا مفرودة بين أظافرك 000
تخربش فيها كيف تشاء 000


خربشة 000 قبل الطبع 000

الاسبوع الماضي 000 وحين أتاح لنا الآدمن تواصلاً اسعافياً قبل هذه العودة البهية 000 أطللت بكل الفرح 000 علي القائمة التي سبقتني 000 كل اسم قرأته 000 كان لي معه تعبير خاص يضيف لي احساسا بالإلفة 000 والتواصل الرهيف 000

عزيز عيسي 0000 ( أوو الخواجة )
اسامة الرشيد 000 ( مهندسنا الرائع)
معتز 0000 ( هلا ود الريح )
عقاد 0000 ( عبدالله العقاد يا سلاااام )
محمد حسين 000 ( المميز 000 والله مشتاقين )
وطبعا القائمة طوييييلة

لكنني لا أدري كيف جمعت هذا المخزون 000 أو متي 000 لكنني ازددت يقينا بأنني يجب أن أظل هنا 000


خربشة هاتفية 000

ما قلتا ليك يدني ماكلاني 000 ومحتاجة ليها خربشة خربشتين عشان تشيل الخدر والتنميلة 000 ؟؟؟

بمشي 0000 وبجي للخربشة 000 والكاروووووشة




اجمل حاجة ياابو آية

هو هذا التوارد الذى نعيش عليه

فى حالة احساس فريدة من نوعها

تتعدى كل الابعاد المعقولة ...

وتفوق عالم البارسايكولجى

دعنا نعيش .. ونستمتع بهذا الاحساس الذى يجمعنا

ونواصل الخربشاااااااات
عبدالرحمن مدثر
29-05-2009, 09:03 AM
هاهاهاهاهاهاهاهااااااااااااااااااااي ...
ذكرتنا أيام زمااااااااااااان يا صاحبى ...
لامن كنا كُبار ... :p:p
عليك الله السيرة دى ما تفتحها تانى ...
يقوم اللغم دا ينفجر فينا تانى .
قلت لي طلية حريرية .


ليت ايام الصبا تعووووووووووووووود

والايام الجميلة لابد ان نفرد لها المساحات

ونستناها بصحبتكم

ولمتكم الحلوة

تعااااااال لينا بهنااااااااااك نتشاور

فى لغم جديد:p:p:p
عبدالرحمن مدثر
29-05-2009, 09:07 AM
الغالى ابو مزن
الشوق غلب
ووعدا منى بان تجوب تلك الضحكات اركان بلادى العزيزه ... لتزرع الفرحه فى نفوس الغلابه ... كما زرعتها انت فى نفوسنا ... وكما زرعتها ادارة المنتدى فى كل بيت كان يستفيق على نعيق البوم بعودة المنتدى مرة اخرى
لك ودى واحترامى الشديد



جزولى صاحب الضحكات الحلوة

نسعد حقيقة بهذه العودة للمنتدى

وعودة ضحكاتك المجنونة

التى تجعلنا ننسى همومنا

ونمرح مع خيالك الخصيب

فلا تحرمنا منه
عبدالرحمن مدثر
29-05-2009, 09:09 AM
اخي ود مدثر دمت رائعا


الاخت الغالية سروية

والروعة تاخذ القها من حضوركم


وابداعكم

ونبض المنتدى


فهنا يحلو اللقاء والصحبة ... والروعة


والابداع

يدوم التوااااااااصل
moh_alnour
29-05-2009, 02:57 PM
مساحات الأسى الفى عيونّا لضياع الباكب تتفجر مدينة و ناى
بطاقات دعوة الرجعة لكل الأعضاء تساب عينين من الفرحة
دموع للحاضرين فجت زغاريد غطت الدنيا و الشبكة العنكبويتة
وعاد .. فرح الرجوع منية
صداك الريح و متل السنبل الغناي
كتير بنعاتب الحاضر و لا أسفاً على الماضي

الحبيب أبو مُزن
السبورة سبورتك و الحيطة حيطتك و المنتدى منتداك خربش بي عافيتك
خالد 000 ابقرجة
30-05-2009, 07:24 AM
خربشة 000 مسائية 000

هاتفت اليوم أخي العزيز عوض الكريم الخواض 000 ظهراً 000 وأنت ادري مني بالظهر هناك في ود مدني 000 سمعت حوله أصوات 000 سألته أين أنت 000


أتدري أين كان 000 حين كنت أتدثر باجهزة التكييف 0000

مدرسة ذوي الاحتياجات الخاصة 000

نزل هنا 0000
لا لا بيهناك 000
ايو ايوة بي جاي 000

ولم أكن بحوجة لخيال جامح 0000 لاتخيل وجهه الصبوح يتصبب عرقاً 000
وحماسه 000 يدفع داخله حرارة تتغلب علي حرارة الجو 000


و أنا هنا أحاول تخفيض التكييف 000 حتي لا أصاب بالزكام 000


هنيئا لكم 000 أحبتي القابضون علي الجمر هناك 000
هنيئا لكم كل حبة عرق تصب في سبيل أهلي الطيبين 000
الذين ليس لهم سوي الله وأنتم 000

وهنيئا لأخوتي في الجمعية في الرياض 000
علي كل ريال جمعوه 000

محبتي لك 0000 ود مدثر 000




و أمسح السبوووووووووووووووورة
ودالعمدة
30-05-2009, 09:20 AM
النجم أبو مزن
خربشاتك ياغالى على جدران ضلوعنا
ترتسم لوحة يسودها لون الحزن
وعرفنا الأن معانى ( الاحتباس الحرارى )
لقد ثقب الأوزون قلوبنا فغاب المنتدى
وتوقف النبض .....
واصبح النبض مثل خط الأفق
وغداً سيكون احلى وتأتلق
عبدالرحمن مدثر
30-05-2009, 09:14 PM
مساحات الأسى الفى عيونّا لضياع الباكب تتفجر مدينة و ناى
بطاقات دعوة الرجعة لكل الأعضاء تساب عينين من الفرحة
دموع للحاضرين فجت زغاريد غطت الدنيا و الشبكة العنكبويتة
وعاد .. فرح الرجوع منية
صداك الريح و متل السنبل الغناي
كتير بنعاتب الحاضر و لا أسفاً على الماضي

الحبيب أبو مُزن
السبورة سبورتك و الحيطة حيطتك و المنتدى منتداك خربش بي عافيتك

ومعك تحلو الخربشة ياعريس الموسم

وبين الحاضر المجنى عليه

والماضى الذى نحن اليه ونتاسف عليه

يبقى هذا الشوق الخرافى لوجوه انطبعت فى مخيلتنا بمل الالق

باحساس خربشة طفولية فى السبورة وعلى الجدران من اجل هدف واحد

ان يبقى التواااصل عنوان للماااضى

وكل الحاااضر
عبدالرحمن مدثر
30-05-2009, 09:23 PM
خربشة 000 مسائية 000

هاتفت اليوم أخي العزيز عوض الكريم الخواض 000 ظهراً 000 وأنت ادري مني بالظهر هناك في ود مدني 000 سمعت حوله أصوات 000 سألته أين أنت 000


أتدري أين كان 000 حين كنت أتدثر باجهزة التكييف 0000

مدرسة ذوي الاحتياجات الخاصة 000

نزل هنا 0000
لا لا بيهناك 000
ايو ايوة بي جاي 000

ولم أكن بحوجة لخيال جامح 0000 لاتخيل وجهه الصبوح يتصبب عرقاً 000
وحماسه 000 يدفع داخله حرارة تتغلب علي حرارة الجو 000


و أنا هنا أحاول تخفيض التكييف 000 حتي لا أصاب بالزكام 000


هنيئا لكم 000 أحبتي القابضون علي الجمر هناك 000
هنيئا لكم كل حبة عرق تصب في سبيل أهلي الطيبين 000
الذين ليس لهم سوي الله وأنتم 000

وهنيئا لأخوتي في الجمعية في الرياض 000
علي كل ريال جمعوه 000

محبتي لك 0000 ود مدثر 000




و أمسح السبوووووووووووووووورة


تمام سعادتك بكدا يكون الاسمنت وصل

لك ان تعلم هذا هو الاحساس المفقود الذى حدثنا عنه جزولى

حتى خربشاتى هذه كان الخوااض يربطها بذاك المكان المحبب الينا

طالما جمعنا على المحبة وعلى الخير ..

حتى طليتى الحريرية ماقبل الخربشة

كانت تروق لصديقى كثيرا لزوم التخشينة

التى تحتاجها المدرسة

فرحلناها هناااك ومارسنا الخربشة بدون طلية حريرية

ابوآية

سعيد انا بحضورك الالق

وبهمة ابوكريم

دعواتنا الصادقة بان تكونوا حضور لحظة اعلان الفرح
بورتبيل
30-05-2009, 10:14 PM
• خربشة هكرز
• هم .. فوق هم ... فوق هم ....... همبتة ...

مازلنا نبحث عن السكين (اداة الجريمة ) التى جرحت شريان النبض
الذى يعيش عليه الجميع ....
همبتة الكترونية سطت على كل الاحاسيس الجميلة .. وتركتنا وحدنا فى
العراء نشكو (لطوب الارض ) من سوء الحال ... وفظاعة الموقف
ومابين همبتة (جلالة ) التى نعرفها .. وهمبتة (الهكرز) .. وطشاش الروية
وطفشان السيرفر .. توارد خواطر فى خطر (سطو ) قاااادم ...



لا ادري اابكيك ام ابكي على ما ضاع

ام السطو القادم فهذا ما اخشاه حقيقة

ومن هنا اتسال هل من الإمكان ان تعود الاحاسيس الجميلة ثانية ..؟؟؟

الا ان جامعي العسل من اماكن توالد النحل يعلمون ان النحل اذا ما فقد

خليته بفعل فاعل مباشر فانه لا يعود اليها ثانية..!! ( اضافات في الخربشة)
أبوريلان
30-05-2009, 10:26 PM
* خربشة حزينة




في العاصمة الخرطوم .. في لحظة من ذات يوم
والجو هبوب وسموم .. كابات غيومو سِموم
إنسان وإنسانة .. ما هُن عروس وعريس
شيطان وشيطانه .. كان تالِتُن إبليس
عمداً وبي إصرار .. لا خوف ولا رهبة
من جُرم أو عاقبة .. إشتعلت الرغبة
إنعدمت النخوة .. اتبهلت الشهوة
واندلعت النزوة .. وإتمادوا في الهفوة
إتمادوا فاتوا الميس وحدّ اللعب بالنار
عيييييك غابوا في النشوة .. وانزرعت البذرة
والبذرة مشؤومة .. مايقوما.. مايقوما
وسواري آخر الليل.. اللافي راكبي الخيل
حايمي ومشيها تقيل .. اتسمرت وقفت حرنت صهيلا صهيل
لما القلوب وجفت.. شقت سكون الليل
صرخة وأنين وأنين ..في خور تحت كبري إتناوشن كلبين
إتهاوشن جم كوم .. نهشن طرف طرحة
ما بين صراخ وعويل.. الكوم نزفلو دموم
والعسكري الضكران ..فت.. نطّ .. جبد الكوم
واتفرزعن كلبين .. كاكيهو شرب الدم
وعينيهو دمعت دم .. شال نفسو واتحزم
الطرحة لمّاها ..الطفلة ضمّاها
وفي دفتر الأحوال .. سماها مايقوما..!
من عطفو أداها.. مايقوما وداها
لي حي عتيق وعفيف ..ومايقوما ضيفة الحي
لكن هي ما كانت.. زي أي كائن حي
مقطوعة من شجرة.. ثمرا المحرم نيّ
بي طيبة الطيبين، الدار بقت دارا
وارثين مكارم طي.. ما مات لهب نارا
الفُقرا ما فقرا ..شان خاطر الأطفال
بيناتن النبقة... واللقمة مقسمومة
يا مؤتمر وطني.. لو إنت صح وطني
يا مؤتمر شعبي.. لو إنت صح شعبي
يا إتحاديين.. لو إتحاديين
يا حركة شعبية .. بعثِ وشيوعية
يا أمة يا أمة.. كان إنتو صِح صادقين
يا ناس يا حاكومة يا معارضين يا هووووي
يا مشتتين جبهات ..ومفرقين حركات
ومقسمين جيهات .. يا اخوانا بالذمة
اتجيهوا اتلموا .. ما أروع اللمة
ما أجمل الأمة .. لمّان تكون لما
على قلب زول واحد .. متماسكي ملمومة
تسمع صراخ طفلة ..مسكيني، محرومة
ما نطقت اليما .. ما شافت اليُما
في دفتر الأحوال .. سموها مايقوما..




لن اترك (نعمااااان ) وحده ... سابحث عن (مرااام ) التى غناها ودالسقيد
ووجدها بنفس الابتسامة فى زحمة دار رعاية الاطفال بالمايقوما ... فغناها من جديد
مايقوما ... مايقوما ... واصبحت مرااام صديقتنا الحلوة فى كنف رعايته وكفالته الخاصة
ياااااااااااااااااااااااااااااه
مااجملها ابتسامة وسط نهر من الدموووع ... (عندها نمتلك القلوب )

ونبدا من جديد اعمار (الخراااابة ) عشان عيون اطفالنا ماتضوق الهزيمة






تسلم أبو مزن علي هذه الخربشات
مكتوبة علي جدار صمتنا
أأأأه ياوطن يا أمه .
عبدالرحمن مدثر
31-05-2009, 04:08 AM
النجم أبو مزن
خربشاتك ياغالى على جدران ضلوعنا
ترتسم لوحة يسودها لون الحزن
وعرفنا الأن معانى ( الاحتباس الحرارى )
لقد ثقب الأوزون قلوبنا فغاب المنتدى
وتوقف النبض .....
واصبح النبض مثل خط الأفق
وغداً سيكون احلى وتأتلق


ودالعمدة

القابض على جمر القضية

معكم سنتطلع لبكره احلى

اكيد ... طالما كان النبض بهذا الاحساس

وسنجتهد سويا فى ان نبعد سواد الحزن

من لوحتنا ونزينها بحضورنا الفرح
عبدالرحمن مدثر
31-05-2009, 09:27 PM
لا ادري اابكيك ام ابكي على ما ضاع

ام السطو القادم فهذا ما اخشاه حقيقة

ومن هنا اتسال هل من الإمكان ان تعود الاحاسيس الجميلة ثانية ..؟؟؟

الا ان جامعي العسل من اماكن توالد النحل يعلمون ان النحل اذا ما فقد

خليته بفعل فاعل مباشر فانه لا يعود اليها ثانية..!! ( اضافات في الخربشة)


ابونا

قد تفتر الهمة

وتموت العزيمة

لكن هناك حب يسيطر علينا حب اناس عشقوا هذه الخلية

وارتبطنا بهم

حتما ستعود الاحاسيس الجميلة

طالما كان فى النبض بقية

واذا عدنا من جديد واعلنا بدء مهرجان زهور الحروف الندية

كن بالجوار

واامنحنا الدافع لمواصلة الرحلة

لاننا نفتقد معنى السعادة الحقيقية فى غيابك
عبدالرحمن مدثر
01-06-2009, 02:50 AM
تسلم أبو مزن علي هذه الخربشات
مكتوبة علي جدار صمتنا
أأأأه ياوطن يا أمه .




الاخ الكريم ابو ريلان

وتمتد الاه فى مساحات التواجد

طالما كان احساس العجز يسيطر على كل عزيمة

تنشد التغيير .. وتطلب التعمير

ومااقسى الااااااه عندما ترتبط بملامح طفولية لاذنب لها

سوى انها جاءت فى زمن غلط ..
عبدالرحمن مدثر
21-10-2009, 02:07 AM
حنين ود الجعلى قادنى الى هنا
محمد المأمون
09-05-2012, 01:55 PM
• طلية حريرية .. قبل الخربشة

مازالت الضحكة مجلجلة فى مساحات التواجد .. ونحن نتفيأ ظلال
دوحة تعطينا احساس الامان .. وتقينا حر وسموم جور الزمان
مع هذا الامل المفروش والنديااان بهطول مطر الرشاش
الذى يدغدغ عصب الامنيات بصحبة لمة الفرح
المتجدد فى هذا المكان بالذاااات ....

ومازلت احن الى ايام خلت ..
كان فيها الاحساس الصادق سيد الموقف
والخربشاات لحن الحياة.. كلنا تعودنا مع جريان
النيل الخالد الذى يغمر جدب الارض .. ويصطدم برغبات
اخرى لاتتوافق مع منظوكة احساسه الداخلى الذى تعود ان يعطى ويعطى
لكنه ..!!
الواقع المر دائما
مايجرح خاطر الامنيات
ويتركها فى العراء عرضة للالم
والذئاب .. ..................... واشياء اخرى



يااااااااااااااااااااااااااااااااااااااااااااااااا اااااااااااااااااااااااه خرباش وسوباوى وانور النور وطارق جبريل وكاظم وعبدالرحيم سعيد واميمة عشرية اقلام تكتب بدم حواسها صدقا لايدانيه سواه ..شكرا ابا مزن لتعرية القبح القاطن زوايانا
محمد المأمون
12-05-2012, 02:59 AM
الاخ الكريم ابو ريلان

وتمتد الاه فى مساحات التواجد

طالما كان احساس العجز يسيطر على كل عزيمة

تنشد التغيير .. وتطلب التعمير

ومااقسى الااااااه عندما ترتبط بملامح طفولية لاذنب لها

سوى انها جاءت فى زمن غلط ..

تانى قامو ناس جميلين فى بلدنا ماتو...كان بغنو للاطفال والحفاة
محمد المأمون
12-05-2012, 01:16 PM
ساقيتنا لسع مدوووووووووووووورة