المساعد الشخصي الرقمي

مشاهدة النسخة كاملة : ندي القلعة في الرياض


احمد كنان
18-02-2008, 02:30 AM
مشهد اول
الجمعه الساعه الواحده ظهرا
المكان المطاعم السودانيه
الحوار : بكره السهره مع ندي القلعه علي قناة هارموني
ود بله يذهب للحراج ويشتري رسيفر
مرام تطلب من والدها ان يحضر بنغالي لضبط قناة هارموني
العزابه يتصلون علي بعض لمعرفة تردد القناه علي نايل سات
احمد كنان
18-02-2008, 02:38 AM
مشهد ثاني
السبت الساعه العاشره مساء
غبيره خاليه من السودانيين علي غير العاده
محمد مكي يستاذن من العمل بحجة المرض
ريال مدريد مهزوم بهدفين لهدف ولا حد يدري رغم وجود اشتراك الجزيره الرياضيه
وتبدا الحلقه
bakry kassala
18-02-2008, 03:42 AM
أسمح لي وبعد إذنك أخوي العزيز/ أحمد ودكنان, المشهد الثالث من عندي
وتبدأ الحلقة لتحكي قصتها مع الكلاب والقرود وأكل الفته
والله زمان ... لم احضر هذه الحلقة من البداية .... لكن أم العيال قالت لي
ندى عندها كلاب وقرود وبصراحة أنا كنت خايف من الذهب والطلبات المشابهة
لما تشوف حرمنا ناس هدايا الهمر واللكزس لابسين الدهب والماس...
لكن الحمد لله أخذت عقول الجماعة بالخروف وحاجات عجيبة غربية
عموري
18-02-2008, 03:56 AM
هههههههههه

عشان كدا سمعنا في جماعه كثيرين خصموا من مرتباتهم بسبب التأخير والنوم الكتير
عموري
18-02-2008, 04:01 AM
أسمح لي وبعد إذنك أخوي العزيز/ أحمد ودكنان, المشهد الثالث من عندي
وتبدأ الحلقة لتحكي قصتها مع الكلاب والقرود وأكل الفته
والله زمان ... لم احضر هذه الحلقة من البداية .... لكن أم العيال قالت لي
ندى عندها كلاب وقرود وبصراحة أنا كنت خايف من الذهب والطلبات المشابهة
لما تشوف حرمنا ناس هدايا الهمر واللكزس لابسين الدهب والماس...
لكن الحمد لله أخذت عقول الجماعة بالخروف وحاجات عجيبة غربية



يا أخ بكري لك التحية

عارف انا ما حضرت الحلقة دي لكن تاني يوم لقيت مرتي زعلانه زعل شديد

قلت ليها ياخ انت المزعلك كدا شنو

قالت لي ياخ ندى القلعه دي امس يسألوها عن أي شيء تقول بتعملوا براها
توبك البختارو ليك منو تقول براها
اكسسواراتك البختارا ليك منو تقول براها
طيب البمكيجك منو برضو براها
قلت ليها ياخ انت حارقة بصلتك فوق كم
والله ضحكتني ضحك شديد

الناس بقت غريبه شديد
احمد كنان
18-02-2008, 04:40 AM
قبل المشهد التالت يابكري
نقاش حاد بين حافظ وحاتم ومغالطه شديده هل هي من القلعه مدني ولا الكلاكله القلعه
ولسه ما اتحسم الموضوع
عموري
18-02-2008, 05:02 AM
احمد كنان

يا زول مالك علينا أكيد من الكلاكلة القلعه

قلعة مدني دي خليها في حالا
bakry kassala
18-02-2008, 08:21 PM
قبل المشهد التالت يابكري
نقاش حاد بين حافظ وحاتم ومغالطه شديده هل هي من القلعه مدني ولا الكلاكله القلعه
ولسه ما اتحسم الموضوع

لكم التحية ..
يا احمد ندى من مدني أصلاً وبدون اي مغالطة ..............
bakry kassala
18-02-2008, 08:28 PM
يا أخ بكري لك التحية

عارف انا ما حضرت الحلقة دي لكن تاني يوم لقيت مرتي زعلانه زعل شديد

قلت ليها ياخ انت المزعلك كدا شنو

قالت لي ياخ ندى القلعه دي امس يسألوها عن أي شيء تقول بتعملوا براها
توبك البختارو ليك منو تقول براها
اكسسواراتك البختارا ليك منو تقول براها
طيب البمكيجك منو برضو براها
قلت ليها ياخ انت حارقة بصلتك فوق كم
والله ضحكتني ضحك شديد

الناس بقت غريبه شديد


يا عموري أخوي ربنا يحفظنا من المصائب دي ...
وأنا بحاول أطمس التردد بتاع قناة هارموني في البيت بس ألاقي فرصة وبسويها
وأمكن اترك بس قناة الشروق والسودان الرسمية ...
إنت شفت قناة زول بتعمل في شنو !!!!!!!!!!!!
الله يكفينا شر الحاجات دي
لكم تحياتي ,,
عموري
18-02-2008, 09:35 PM
يا عموري أخوي ربنا يحفظنا من المصائب دي ...
وأنا بحاول أطمس التردد بتاع قناة هارموني في البيت بس ألاقي فرصة وبسويها
وأمكن اترك بس قناة الشروق والسودان الرسمية ...
إنت شفت قناة زول بتعمل في شنو !!!!!!!!!!!!
الله يكفينا شر الحاجات دي
لكم تحياتي ,,


والله صدقت يا بكري

وربنا يحفظ الجميع
أما قناة زول دي خليها ساي
دي مش عايزه طمس للتردد دي الواحد في الشارع يتبرأ منها
والله الواحد لمن يفتحا يخجل من ناس البيت
غايتو أنا لغيتها انت ادخل على التردد واحفظ ليك اي رقم في الفركونسي بتاعا

وربنا يحفظ الجميع
nehroo
18-02-2008, 11:03 PM
يابكري سمعت ( ندى من مدني أصلاً )
لكن ما أظن إتربت في مدني...
والدليل ظاهر وباين....
عموري
19-02-2008, 01:46 AM
يا نهرو

صدقت والله لأنو لو كانت اتربت في مدني ما كان دا حالا

ربنا يحفظ بنات مدني
العاقب مصباح
19-02-2008, 02:13 AM
سؤال يا ود كنان
ليه المغتربين بحبو ندى القلعة بالذات
انا غايتو بحبها شديد ما عارف ليه
صلاح الدين محمد
19-02-2008, 02:52 AM
ندي القلعة من مدنــــــــــــــــــــــــــــــــي

وكمان جعلية

زقاق ضيق ؟؟؟

زعلتكم في شنو
عثمان جلالة
19-02-2008, 03:04 AM
مشهد اول
الجمعه الساعه الواحده ظهرا
المكان المطاعم السودانيه
الحوار : بكره السهره مع ندي القلعه علي قناة هارموني
ود بله يذهب للحراج ويشتري رسيفر
مرام تطلب من والدها ان يحضر بنغالي لضبط قناة هارموني
العزابه يتصلون علي بعض لمعرفة تردد القناه علي نايل سات

:eek:أصلو ندى القلعة .. ولا مباراة هلال مريخ:p
احمد كنان
19-02-2008, 03:13 AM
المشاهد اختلطت القصه جابت ليها قرود وخرفان وريده ياعجيب كل ده ما عندنا فيه مشكله مدني دي هابشنها ليه
ام محمد
19-02-2008, 04:41 AM
الاخوة الاعزاء طبعا ليس بغريب ان يعلق الكل على هذه الحلقة التى قدمتها قناة الهارمونى انا بصراحة شديدة كنت فاكرة القبة تحتها فكى... زى مابقولو فى المثل. فالثقافة جد مهمة لاى فرد فى المجتمع ولا كلامى دة غلط على العموم دى ندى القلعة المجننة الناس لكم التحية والتجلة ...
عموري
19-02-2008, 04:50 AM
المشاهد اختلطت القصه جابت ليها قرود وخرفان وريده ياعجيب كل ده ما عندنا فيه مشكله مدني دي هابشنها ليه


تقول شنو عليك الله !!!!
عموري
19-02-2008, 04:52 AM
الاخوة الاعزاء طبعا ليس بغريب ان يعلق الكل على هذه الحلقة التى قدمتها قناة الهارمونى انا بصراحة شديدة كنت فاكرة القبة تحتها فكى... زى مابقولو فى المثل. فالثقافة جد مهمة لاى فرد فى المجتمع ولا كلامى دة غلط على العموم دى ندى القلعة المجننة الناس لكم التحية والتجلة ...



القبة تحتها كوم تراب ..


مجننا روحا والبجن غلطان
ود المطامير
19-02-2008, 05:43 AM
حنان بلوبلو قالت قبلك سافرنا
ندى قالت اللكزس هديه
حنان قالت ليها جيبى ولدك معاك
ندى قالت ليها الهمر جايه
دقى يا مزيقه ورقصنى يا جدع دارفور بقت سلام وأمان
والشرق وحاة الله تسوق عربيتك لحد كسلا
والجنوب تانى ما فرفر
آيابا مشاكلنا كلها حلحلناها بس بقينا فى مشكلة بت القلعه
التوب دا جابتو من وين وبحر القروش دا جابتو من وين
الله لى طياره جات بى فوق
ويا حليلك آالكاشف يا عمّى ويا حليل الشريف بريد فنى
أنا زاتى فنان الشريف دا مالو ما ضرب لى تلفون ؟
أغنى ليكم ؟ أها أسمعونى فى هارمونى
معتز الريح
19-02-2008, 06:28 AM
ندى القلعة .. العمل ليها الهيلمانة دي النسوان ..
لأنها بتقشر كويس ..
وبتنسق اللبس كويس ..
وبتطلع الموضات على حسب كلام النساوين ..
وغناها مقبول ..

حياتها الخاصة ما خصانا فيها ..
ومن ناحية ما بتعرف تتكلم دي ولا عايزه اختلاف ..

لكن كتااااااااااااااااااااار المابعرفوا يتكلموا ..
ودأبوالعول
19-02-2008, 08:19 AM
لو أكتفت بالغناء كان أحسن من الردود التى لم توفق فيها .. وطبعا معظم السودانين حضروها وخاصة الفوق الثلاثين .. واحد سأله إبنه قال ليه يابابا أنت مهتمين بناديه القلعه لماذا نحنه الشباب ما بنسمع ليها خالص .. طبعا الوالد كبه الزوقة وقال ليها لأنها بتغنى أغانى حماسية وتراثية 00 حماسية وتراثية ياكبير 00
ودأبوالعول
19-02-2008, 08:25 AM
لو أكتفت بالغناء كان أحسن من الردود التى لم توفق فيها .. وطبعا معظم السودانين حضروها وخاصة الفوق الثلاثين .. واحد سأله إبنه قال ليه يابابا أنت مهتمين بناديه القلعه لماذا نحنه الشباب ما بنسمع ليها خالص .. طبعا الوالد كبه الزوقة وقال له لأنها بتغنى أغانى حماسية وتراثية 00 حماسية وتراثية ياكبير 00
الخالدي
19-02-2008, 08:29 AM
اخوي ود كنان بتعرف تتكلم مابتعرف تتكلم ندي عسل ومكسرة الناس تكسر والعزابه بالذات
يقوموا ويقعوا معاها اها ذمان وردي ماقال الفن السوداني كلوا بقي زرزور وفرفور وطرطور !!!!
معتز الريح
19-02-2008, 08:39 AM
00 حماسية وتراثية ياكبير 00


هههههههههههههههههه
ابراهيم
19-02-2008, 08:52 AM
يابكري سمعت ( ندى من مدني أصلاً )
لكن ما أظن إتربت في مدني...
والدليل ظاهر وباين....
الدعليل علي ذلك الشريف لسع مبسوط