راي البت في الولد البسف تمباك

[taboo]

انا حاختصر كل الكلام ده واقل شى بسيط جدا
سف التمباك وشرب السجائر عباره عن منفس لضغوط معينه يعانى منها الشاب اما البنت فهى تاتى نتيجه لسو تربيه وضعف فى المراقبه الاسريه هذا من وجهه نظرى لا غير
ناتى للاهم اذا ارتبطت بشاب بسف انا سلفا اعرف انه يسف معاى انتو او بشرب سجائر اوكى سارتبط به واحاول ان اقنعه بعد الارتباط بضروره ان يدع هذه العاده وهذى ستكون مهمتى التى سوف اكون حريصه جدا على القيام بها دون ان اجعله يحس بانى افرض عليه راى او اجبره على شى هو مقتنع به يعنى يا بنات جنسى ما ممكن انا احكم على البسف او البسجر دون ان افهم دوافعه واسبابه وليس لى السلطه عليه طالما ان لا رباط يربطنى به لكن حين يجمعنى معه سقف واحد اكيد ساجد مليون طريقه اجعله بها يدع هذى العاده مختارا ومقتنعا دون اجبار او الحاح منى وهذا والطريقه هذى سر احتفظ به لنفسى وبنات حواء ما بعدمن اى وسيله
بس لما يكون بينكما رابط قوى حينها انت وشطارتك
وان عدتم عدنا

[okasha]

كدى يا جماعة مافى زول سال نفسو

لييييييه البنات ما بسفو صعوط

ولو بسفو اتخيلو المنظر

[taboo]

في بنات بسفو وفي الجامعات

[moh_alnour]

والله يا تبو
الصعوط أو التمباك عادة ذميمة
وله مضار صحية كثيرة منها علاقته المباشرة بسرطان اللثة
أضف إلى ذلك الرعشة التي ستلازم الشخص المتعاطي للتمباك في شيخوخته
وهو كمظهر أجتماعي غير لائق وغير محبوب عند كثير من الرجال ناهيك عن النساء
وزي ما بقولوا الجماعة ( والله لو تفيت السفة الجدادة ما بتقرب منها )
نسأل الله العافية للجميع
وأتمنى أن يستغل المتعاطون للتمباك شهر رمضان للإقلاع عنه نهائياً
ولك ودي وتقديري

[حبيبة ودمدني]

اخييييييييييييييييييييييييي وقرف للطيش

انا مستحيل ارتبط بي واحد بيشرب سجاير اويسف دا قرف وامراض خطيره زي ماقال اخوي محمد النور

[عماد أبوسالمة]

ليش الحملة الشعواء على البيسفوا
ما تمشوا تفتشوا على الناس البيختلسوا
أما عن الجداد وما ادراك ما الجداد والسفة بالمناسبة لو الجداد قرب من السفة:
نمرة واحد كل البيسفوا حيخلوهوا لانه لحظتها حيبقى قرف بالجد..
نمرة اتنين الجداد حيبقى يبيض بي مزاجو ويمكن مايبيض ذاتو
أما اخوانا الديوك فحدث ولا حرج : كل ديكا حيبقى في كل بلاد الله عوعاي
بي صراحة الصعوط عادة ما حلوة وليش الواحد ربنا خلقوا في احسن تقويم يقوم يعولق نفسوا
أتمنى ان يشد ناس الصحة حيلهم ويصدروا قرار بمنع تعاطي التمباك في الاماكن العامة ويغلقوا محلات التمباك وناس مكافحة المخدرات يدرجوهو تحت لائحة المواد المحظورة وربنا يرحم امامنا المهدي لما كانوا بيجلدوا البيسف التمباك زمان.. سبحان الله كل ما يتقدم الزمان نحن بنرجع لي ورا..

[العاقب مصباح]

فى بنات من دولة عربية شقيقة بسفن تمباك باكستانى والسودانيات شوف عينى ديل بسفن لكن اخوك عليهو الطلاق ما بسف لكن بسجر لدرجة قف

[القيصر]

والله يا تبو

دي عاده سيئه جدا ولكن احتمال الزول
البتعاطي التمباك اكون عندو ضغوط
نفسيه او اجتماعيه خلتو احمل الحاجه دي


ولكن عليك الله لو في زل بسف التمباك
ومشي ليه مكان او بيت راغي كلو موكيت
وخت ليه سفه ح إتصرف كيف


ما بالك المضار الصحيه البسببها التمباك ده









لك كل التحايا يا تبو........

[باسطه]

الأخ العزيز تابو

عشان تلقى رد لسؤالك

حقوا الأولى يكون السؤال : رأي الشخص البسف في نفسوا شنو ونظرت المجتمع ليهوا
ده لو إتغاضينا الكلام في الأمراض والحاجات التانية

بصراحة في رأي الشخصي عادة غير حضارية وخصوصاً في طريقة إستخدامها وعند الإنتهاء منها يمكن يكون السجاير طريقة إستعمالوا شكلياً أكتر قابلية من الصعود مع إحترامي لكل الناس البتسف طبعا ده مجرد رأي

[عثمان جلالة]

ليش الحملة الشعواء على البيسفوا
ما تمشوا تفتشوا على الناس البيختلسوا
أما عن الجداد وما ادراك ما الجداد والسفة بالمناسبة لو الجداد قرب من السفة:
نمرة واحد كل البيسفوا حيخلوهوا لانه لحظتها حيبقى قرف بالجد..
نمرة اتنين الجداد حيبقى يبيض بي مزاجو ويمكن مايبيض ذاتو
أما اخوانا الديوك فحدث ولا حرج : كل ديكا حيبقى في كل بلاد الله عوعاي
بي صراحة الصعوط عادة ما حلوة وليش الواحد ربنا خلقوا في احسن تقويم يقوم يعولق نفسوا
أتمنى ان يشد ناس الصحة حيلهم ويصدروا قرار بمنع تعاطي التمباك في الاماكن العامة ويغلقوا محلات التمباك وناس مكافحة المخدرات يدرجوهو تحت لائحة المواد المحظورة وربنا يرحم امامنا المهدي لما كانوا بيجلدوا البيسف التمباك زمان.. سبحان الله كل ما يتقدم الزمان نحن بنرجع لي ورا..

ههههههههههه لكن ما بالغت عديل كده .. قطعت مصاريني بالضحك

[معتز الريح]

أجمل طرائف في الجامعة
كانت من الشباب البسف وعامل وجيه ..
وما عايز الجكس يعرفهم ..

بلاااااااااوي ..
بجيكم بالحكاوي ..

[سواااح]

اخييييييييييييييييييييييييي وقرف للطيش

انا مستحيل ارتبط بي واحد بيشرب سجاير اويسف دا قرف وامراض خطيره زي ماقال اخوي محمد النور


يا جماعة ..
ما تشوفوا لينا الادمن وين ؟؟

[ود المطامير]

الزول دا قال داير رأى البنات فى الأولاد اللى بسفوا تمباك
وغير حبيبة ود ود مدنى ما شفانا رأى
إنتو الحشركم شنوووووووووووووووووو ؟

[ود المطامير]

يا جماعة ..



ما تشوفوا لينا الادمن وين ؟؟

الآدمن ؟
يعنى هو ملك السفّه هنا ولأ شنو ؟

[سلطان حسين]

ايش رايكم واحد قالو لى بطل التمباك قال ليهم ؟ واسف شنو . طبعا التمباك والسجاير كلو مرض لكن الناس بتحب الممنوع ومين قال البنات ما بسفو تمباك الى عايز يشوف بنات بتسف يروح بوتسودان بلقى البنات بالصف عند بتاع التمباك

[naz_imam]

والله على قول حبيب قلبى ود المطامير انتو الحشركم شنو هاهاهاههاهاهاهاهاه

[ود المطامير]

والله على قول حبيب قلبى ود المطامير انتو الحشركم شنو هاهاهاههاهاهاهاهاه
تقول شنو ؟ يا حبيب قلبى
هع هع هع هع هع
كدى النصلح سفتى وأشوف رأى البنات

[okasha]

الزول دا قال داير رأى البنات فى الأولاد اللى بسفوا تمباك
وغير حبيبة ود ود مدنى ما شفانا رأى
إنتو الحشركم شنوووووووووووووووووو ؟


نحنا حشرية(بضم الحاء) انت الجابك شنو

ولا عندك راى :cool::cool:

[ود المطامير]

نحنا حشرية(بضم الحاء) انت الجابك شنو

ولا عندك راى :cool::cool:
حبيب قلبى
عندى رأى

[naz_imam]

تقول شنو ؟ يا حبيب قلبى
هع هع هع هع هع
كدى النصلح سفتى وأشوف رأى البنات

ختها بعافتك انشاء الله ... والله اخوك خاتيها دقار لورى

[نزار حسن محمد]

ياخوانا ..كيسى كان هنا الشالووو منوووو

[okasha]

حبيب قلبى
عندى رأى


ياحبيبنا انت عارف انو دايرين راى البنات


انت رايك دا شوف ليهو حتة تانى









دايرين راى البنات صحصح معانا




اها بعد دا عندك راى



:cool::cool::cool:

[ود المطامير]

ياحبيبنا انت عارف انو دايرين راى البنات


انت رايك دا شوف ليهو حتة تانى









دايرين راى البنات صحصح معانا




اها بعد دا عندك راى



:cool::cool::cool:
لا والله يا حبيب قلبى
إنت تأمر بس

[ريانية]

انا وحدة ما بتحب التمباك وطوالي محاضرة مع اولاد خالتي ربي يحفظهم انشاءالله..
ومنو اللي قال ان مافي بنات بسفوا لا والله ديل في
خالي مرة قال لينا وانا ماشي في الشارع في الخرطوم فجأة شاف وحدة
رمت سفتها من الشباك طبعا دا احتار جدا كيف البنت دي بتسف
دا كلام يا اخواني عليكم الله..
وثم تانيا الرجال عارفين اضرارها وبتعمل بلاوي في الانسان ليه بسف؟؟؟؟؟؟؟؟؟؟؟!!!!!!!!!

[عموري]

ههههههههههه

بمناسبة الدجاج والتمباك

قالوا في مسطول سألوه إنت الدجاج ما بسف القرف دا ليه ؟

قال ليهم لو كان بيسف كان طار

[روبش]

يا شباب ممكن سفه خرمنا

[taboo]

انتو عارفين انا كان مسكوني الجوازات مابدي زول جواز الا اشوفو سافي علي الطلاق