اعترف وبطل اللف والدوران

[schizo]

جيتكم تاني بموضوع تاني

موضوعي حا يكون انو كل عضو يسأل واحد من الاعضاء أي سؤال يخطر على بالو.
يلا انا ببدا ليكم

انا بسأل ابو روان
كنت بتعمل شنو أمس الاربعا بتاريخ 27 اكتوبر الساعة 11 وربع.
اوعك تلف وتدور
جاوب بصراحة


دمتو بخير

[aborawan]

بدون لف ولا دوران كنت فى الدوام وبتونس مع شيراز اختي في الماسنجر وفى نفس الوقت كنت بتصفح فى المنتدى


وسؤالي لامير عبدالباقي
حالياً في اللحظة البتقرا فيها فى الموضوع ده في شنو في يدك وبتعمل في شنو

[امير عبدالباقي]

في اللحظه دي ماسك سماعه وبتكلم مع صديقه لي من القضارف تعرفت عليها عن طريق البرنامج الذي اهداه لنا العضو المميز ابوقيس واتمني من جميع الاعضاء تستخدم هذا البرنامج تجدونه في الصفحه التانيه في منتدي اتصالات وكمبيوتر اسم البرنامج skybe

اسال العزيز ابراهيم (تلش)
اتخيل نفسك بت وبتحبي واحد هل ممكن تنتظر البتحبيهو اكتر من 8 سنه واتخافي من العنوسه
شي في نفس يعقوب

[schizo]

نسيت تسأل يا أمير

[ruby]

حلو موضوعك ياشيزوو

[schizo]

عيونك الحلوة يا روبي
لكن انتي برضو نسيتي تسألي

[ابراهيم]

أول التبادي بشيد بالموضوع من حيث الفكرة والمبدأ، الله يديك العافية يا شيزو موضوعك لطيف كما عودتينا وشيق ولكن شكلو بجيب شوية هبوب
شايفة أمير خلعني بسؤال قدر كيف؟

وتاني التبادي بشكر أمير على السؤال الجميل والمثير رغم انو عملتها معاي واضحة


أنا بجاوب على السؤال لكن عاد قالولك انا ما بعرف أسأل

والله طالماً المحبة والمودة والوفاء متوفرات والعلاقة متزنة من كل الحيثيات والمشاعر موثوق بها اذا مافى شي بخليني ما أنتظر ... سانتظر وسأنتظر إلا الصبر يقول ما داير معاي ، وغير كدا طوالى بدي شاكوش لمن يقول بس.

أنا بسأل شيزو ... ست البرنامج ذاتا
سؤالي ساهل ماتخافى انا حنين في الاسئلة ما زي أمير
في زول في المنتدى جنو شمارات .!!!
اها دا منووووووووو؟؟؟ بدون زوغان من السؤال



ولكم ودي وتحياتي

[schizo]

والله يا ابراهيم انا ما متأكدة بالضبط .....او الاصح ما عارفة
عشان كدة اديني خيارات وبعد داك بجاوبك

سؤالي لأي واحد او واحدة بعدي
شنو احلى مكان مشيت ليهو؟؟وليه بالضبط؟;)

[aborawan]

احلى مكان مشيت ليه مدينة الابيض والسبب الخلاها تكون حلوة انى مشيتا في الخريف وقعدت فيها 7 ايام ما شفت فيهم الشمس بعيوني وكان الجو يحوي ليك وكانك في اوروبا السودانية
:D :D :D

سؤالي للبعدي اخر مرة اتكلمت فيها مع عضو من اعضاء المنتدى على الماسنجر متين وكان منو من الاعضاء ؟

[schizo]

كان الليلة وتقريبا الساعة 2 او 3 الظهر
وكنت بتكلم مع light rose وابوروان في نفس الوقت



للبعدي
دايرة رايك بصراحة في 3 من اعضاء المنتدى....
وخد بالك من كلمة بصراحة دي وخلي تحتها مليون خط

[aborawan]

العضو الاول اخوي الادارة : بكري / انسان بمعنى كلمة انسان وعلى قدر كبير من الاتزان حبيب قلبي والله

امير عبدالباقي : نعم الاخ والصديق وانسان حبوب وحنين ( بكااااااااااااااااااااااااااااااي نمبر ون ) حبيب قلبي والله :D:D


ياسر ابوريلان مثال للصداقة الحقيقية وانسان ذو مشاعر مرهفة ( بكاااااااااااااااااااااااااي نمبر تو )حبيب قلبي والله :D:D



سؤالي للقادم وراي اذكر لي 5 من اعضاء المنتدى تحس انهم اخوان بحق وحقيقي وقريبين ليك وبينك وبينم علاقة قوية ( الهوااااااااء البااااااااارد ) :D:D

طبعا الكل هنا احباب وكلنا كالجسد الواحد مع التحية حبايبي