للاسف الشديد لا يشرفنى الانتساب اليكم ***

[MUSAB24]

للأسف لايشرفني


الانتساب اليكم .. اعتذر


واغادر .....


السلام عليكم ورحمة الله .....



في البداية أعتذر إخواني وأخواتي على الموضوع



وفي الحقيقة ما كنت لأكتبه ...



ولكن الموضوع زاد عن حده وفااق ما أطيق احتماله ...


فلم أجد نفسي إلا أن أمسك الكيبورد وأكتب الحروف



وأخط لكم هذه الكلمات ...



وحاولت مرارا أن ..


أحل الموضوع ولكن يبدو لي أن حبال الموضوع



متعقده ولن تحل بجهودي أو جهود بعض ممن أعرفهم ..



فلهذا أعلن أنـــــــــــــــــــي وبلا أسف ..



ســــــــــــــــوف أترككم إلى غير رجعة ..


وكم يؤسفني هذا ولكن لم يبقَ بيدي حل آخر ...


قمة الهرااء والتفاهة والانحطاط الأأخلاقي وهذا دليل على سوء التربية ...



فأنا أعلنها أمامكم أنه لا يحق لكم أن تفخروا بأنفسكم ..



فأنتم كالأنعام بل أضل ..



فعلا إن عقولكم أتفهُ من أن تسمى عقول ..


إن الإنسان منكم لم يعد يعرف ما


هدفه من الحياة .. فكل ما يفعله هو أكله وشربه


واصطياد الفتيات الساذجات للأسف ..


ونرى قادتكم


وزعماءكم والمشرفين عليكم هم أولكم في الطريق ...

يا للأسف ... أنتم ناااس ليس لكم مبادئكم


ولا حتى أهدااف تسمون لها


وتحصلونها في المستقبل ..


أنتم تتخبطون


في هذه الحياة ولا ترسمون لأنفسكم


مستقبلا زاهرا ...

فهل إذا جااء وقت الصلاة


يخرج من هذا المكان إلى المسجد


ويصلي صلاة الفرض ...


يا اسفاه ...


هذه هي حالكم هذه الأيام ...


وإني لاقول


أنها بداية النهاية ... نعم بداية النهاية


فقد دنوت ساعة الصفر ...


وقرب موعد الرحيل من هذا الدنيا


الفانية إلى دار لا تفنى ..


وبما أن هذا الهرااء والمجون والطيش في


هذا المكان فلا مكان لي عندكم ...

ولا


حتى بينكم ..



فأنتم بصمة عاااااار في المجتمع


وإساءة صريحة نعم سوف أترك


هذا المكان ومعي عدد من الأصدقااء الذين


يوافقونني المبدأ والتفكير


والهدف ...


سوف نترك مكانكم وفي الحااال ...


سأترككم


و
ا
ن
ا


بنعمة



ب
ع
د
ك
م



إلى لا عودة



هذه العبارة قالها أحد الكفار الأمريكين بعد اعتناقه للإسلام وكان يوجهها


لمجموعة من الكفار الذين كان يسهر معهم على المجون والطيش



اسال الله له و لنا الثبات

( ملطوش 000)

[ود المطامير]

شكيت محنك يا الحبيب
والله خليت دقات قلبى ألف
وخليتنى أفتش للعكاز

غايتو شكيت محنك
لكن فى النهايه إنبسطت مرتين
مره عشان لقيت الجا فى بالى غير
ومره عشان الأمريكى دا
هع هع هع هع

[شيخ الدين]

الكلاب تنبح والقافلة تسير

[nehroo]

وزعماءكم والمشرفين عليكم هم أولكم في الطريق ...

انا قلت الحاصل شنو في المنتدى النار ولعت؟؟؟؟؟
والله باااااااااالغت
إهي إهي إهي

[صلاح ودالطاهر]

شكيت محنك ياجنه ما شفقتنا لكن ملعوبه

[ابووضاح]

اسي انا اعمل ليك شنو

ما وقفت قلبنا

اجازي محنك بكل خير

[MUSAB24]

شبابنا الحلوين

ربنا يحفظكم

[راسكال]

ياخى يديك العافيه


وقعتا قلبى فى الواطه وانا حسى كايس ليهو

[اسامه حسن مصطفى]

مصعب 24 + 24 + 24 + 24 ..........ا ل خ
اعمل ليك ايـــــه .................. لو ترجع لى تانى
افرش ليك ورود................... وانشد ليك اغانى
اعزف ليك عـود................... ويغــرد كمـــــانى
يا أحلى الوجــود................... يا أغلى الأمــانى
امشى ياخائن كان شفتك تانى لافى فى اى شارع فى كالفورنيا دى بكسر ليك كورعينك ديل وحاتك انت البيت السعيد ما بمرقك منى واصبر المطر بكب واللوارى بتقيف ... والله بوظته اعصابى
همسه : المره الجايه بحرش ليك اخوى شيخ الدين

[saleh farah]

منتهى الابداع والتشويق اخى مصعب
سواقه هادئه فى النهاية ومتهوره فى الحركة البدائية
تشويق مابعده تشويق
لكن يا اخوى خاف الله فى الناس ديل
الناس ديل ناس عجايز مابتحمله قومة النفس والمناهده دى
نحمد الله انه ناس ابورجاء ماخشو لسه
نصيحتى ليك اتصل عليهم قبل ما اقروا الموضوع ده
عشان نحن خايفين على دفعتنا 114 ونزار ود حاج حسن وود الماحي من صدمة السكرى
وا خوفى عليك يا الادمن من الضغط وما ادراكما الضغط
لكن بالجد فنان
بارك الله فيك

[MUSAB24]

شكيت محنك يا الحبيب
والله خليت دقات قلبى ألف
وخليتنى أفتش للعكاز

غايتو شكيت محنك
لكن فى النهايه إنبسطت مرتين
مره عشان لقيت الجا فى بالى غير
ومره عشان الأمريكى دا
هع هع هع هع


يسلم قلبك ياود المطامير
وانشاءالله دائما مبسوط

[MUSAB24]

الكلاب تنبح والقافلة تسير



احييك ياشيخ الدين
ظاهر عليك برلوم مجتهد ومتعصب

[MUSAB24]

انا قلت الحاصل شنو في المنتدى النار ولعت؟؟؟؟؟
والله باااااااااالغت
إهي إهي إهي



حبيبنا nehroo

النار تولع في اي حته الا في منتدي ست المدائن
ربنا يحفظك

[MUSAB24]

شكيت محنك ياجنه ما شفقتنا لكن ملعوبه



صلاح شكرا ليك

[MUSAB24]

اسي انا اعمل ليك شنو

ما وقفت قلبنا

اجازي محنك بكل خير



ابو وضاح
ونجازي خيرك بكل خير

[MUSAB24]

ياخى يديك العافيه


وقعتا قلبى فى الواطه وانا حسى كايس ليهو



راسكال

قلبك لقيتو/لقيتيهو

ممكن نتطوع للبحث معاك

[MUSAB24]

مصعب 24 + 24 + 24 + 24 ..........ا ل خ
اعمل ليك ايـــــه .................. لو ترجع لى تانى
افرش ليك ورود................... وانشد ليك اغانى
اعزف ليك عـود................... ويغــرد كمـــــانى
يا أحلى الوجــود................... يا أغلى الأمــانى
امشى ياخائن كان شفتك تانى لافى فى اى شارع فى كالفورنيا دى بكسر ليك كورعينك ديل وحاتك انت البيت السعيد ما بمرقك منى واصبر المطر بكب واللوارى بتقيف ... والله بوظته اعصابى
همسه : المره الجايه بحرش ليك اخوى شيخ الدين


اسامة
سلامة اعصابك
وشيخ الدين شكلوا ماكمل
برلوم مجتهد ومتعصب

[MUSAB24]

منتهى الابداع والتشويق اخى مصعب
سواقه هادئه فى النهاية ومتهوره فى الحركة البدائية
تشويق مابعده تشويق
لكن يا اخوى خاف الله فى الناس ديل
الناس ديل ناس عجايز مابتحمله قومة النفس والمناهده دى
نحمد الله انه ناس ابورجاء ماخشو لسه
نصيحتى ليك اتصل عليهم قبل ما اقروا الموضوع ده
عشان نحن خايفين على دفعتنا 114 ونزار ود حاج حسن وود الماحي من صدمة السكرى
وا خوفى عليك يا الادمن من الضغط وما ادراكما الضغط
لكن بالجد فنان
بارك الله فيك

saleh farah

شكرا للمرور
الجماعة الكبارات ديل لسه ماظهروا يكون عندهم رأي او يكون حذروهم خوفا علي صحتهم

[الكنج]

انت عارف
انا يادوب بقول بسم الله وبعيد عودتي للمنديات اول موضوع هو موضوعك يعني احباط خيالي بعد العوده الطالت لمدة ثلاثة اعوم عن المنتدي
بس خليتني اخت قلبي في يدي
مع تحياتي

[sultan]

يازول والله وقعت قلبنا.........
لكن جد الموضوع يضج بلاثاره

[mustafa]

يا اخ خربت اعصابنا ايه الحاصل ليك يا شيخ حالتى قلت ان ندخل انصحك وافهم ايه الحاصل طلع الموضوع يختلف الحمد لله

[احمدمحمدصديق]

اها ياجماعة في داعي
للخلع دي انا عضوء جديد لنج
بطلع علي البوست ودقات قلبي ذادت
دق دق دق دق
استقفر الله العظيم
تحياتي للجميع
ابووسام

[ريانية]

والله لكن انت عملت فيني عملية الليلة احي منك يا ود امي

اسوي ليك شنو طبعا خلاص قلت حصلت حاجة ولا حصلت مشكلة

اصبر لي اكام ما عملتها فيك.. وي وي..

بس برضو تشكراتي ليك انت عارف بعدها كتلتني من الضحك لان كلنا اتخرعنا...

[نزار حسن محمد]

برغم انه السفروق ضاربه الرطوبه
ولكن ما زال يعمل

[moh_alnour]

حبيبنا الغالي مصعب
والله أنا قلت الزول دا إلا مشى راكوبة نزار ود حسن ( أبسفروق )
وشرب ليهو دايت مكسور بي ستيم تفاح
وقفت قلبنا عديل كدا
تسلم يا غالي ، ودمت لنا بألف خير

[رامى طلبه]

تعرف يا مصعب قبل ما اكمل عملت لى كذا اتصال عشان اعرف موقعك وين وجهزت شله بلطجيه بالتلفون ... وكم واحد ا نتحارى ... بس والله ربنا لطف

[شيخ الدين]

حبيب اخ اسامة تكرم عينك ونحنا في الخدمة شاور وباصبعك

[عماد عبدالشكور]

والله يا مصعب بالغت عديييييييييييل كدا
انا قلت خلاص ريسنا الادمن حا يقفل المنتدى وحا يأجرو كافترية .
بس الحمد لله الله ستر

[ابوالنور]

يا سلام يا مصعب وينك انت وين مواضيعك الدسمة

[عاطف عولي]

شكيت محنك علي الفكي ابوسوميته ياخي شحتفت روحي وقفت قلبي فغرت خشمي شدهتني خليت كرعيني التنين شمال سيحت ركبي هسه البوقفني علي طولي شنو ؟؟؟؟؟؟؟؟

عمات عملية النجار في الخشب ما سواها.

علي التخريف تاني ما أقرا ليك موضوع دا كان مرقت من دي وقعدت أقرا تاني.

لكن يا ولد أقول ليك قمة في الأبداع فيد باك مع فل آب شديد ياخي انت مشروع كاتب مسرحي او سنمائي !!!!!!!!!!!!!!!!ولي بكرة كدي

[ابوالنور]

!!!!!!!!!!

[فراس]

هههههههههه

[فراس]

ابوالنور ياحبيب
الموضوع دا نافض من الغبار مالك
عبر عن نفسك ولاشنو
تشلم

[ايمن عبد الله]

بالمناسبة >>> الموضوع ده اترفع عشان كلام الخرباش ولا شنو .. ؟
ياريت بالمناسبة دي تثبتو لينا في المنتدى العام .. كملوا الناقصة
عشان نعرف انه مصعب ده بشارك وبكتب ..

[الامين عبدالقادر]

نفس كلام مصعب كتبته من قبل خديجة بت قنة والاعلاميين ديل بفتشوا دائما على البلاوى والمحن بعدين موضوع قديم ياايمن ماالفائدة التى سوف تجنيها ؟

[ايمن عبد الله]

نفس كلام مصعب كتبته من قبل خديجة بت قنة والاعلاميين ديل بفتشوا دائما على البلاوى والمحن بعدين موضوع قديم ياايمن ماالفائدة التى سوف تجنيها ؟

ما انا اللي رفعته يا الامين
انا استغربت زيك
عشان كده قلت احسن يثبتوا .. لاشياء حدثت في بوستات اخرى ..

[عبدالرحمن مدثر]

!!!!!!!!!!!!!!!!!!!!!

[احمد ابو امنة]

ابداع كاد ان يخلع قلوبنا
مشكور على المشاركة

[أبو الخاتم]

سلام يا مصعب .. سلام يا رائع انا أحبك في الله
وربما يجيء تعليقي ليس عن هذا الموضوع
بل عن موضوع سهرة المديح الرائعة التي قدمتها مع فرقة الصحوة
وكنت رائعاً حين بدأت تنشد وتمدح معهم ..
وكنت رائعاً حينما كنت تردد دوماً وفي أدب
عبارة أبونا الشيخ البرعي يرحمه الله ..
فقد كانت سهرة رائعة .. والمرة الجاية بالله مع أولاد البرعي ناس الطار
ولو مختارات .. لك تحياتي وتقبل مروري