هشام سلس
28-01-2008, 10:08 PM
قالوا والعهدة على القالوا يوم في الغابة الكديس قاعد يتمشي ، اهة جاء الفار راكب عربيتو ومتشنط لي ضنبو وقفو ابا يقيف قامو ا جو باقي الحيوانات راكبين ليهم حافلة ومشتتين سالهم ما شين وين كدا قالول ليه انت ما عارف ولا شنو الليلة ما عيد ميلاد الأسد . طيب والفار ماشي هناك قالوا ليه طبعاً اهة الكديس ركب معاهم ولمن وصلوا بيت الأسد أول زول نزل الكديس قام طوال قال للأسد كل عام وانت بخير وبعدين يا ملك الغابة انت ليه ما عندك عربية زي الفار الأسد زعل ناد الفار تعال انت عندك عربية قال ليه اي الاسد قال ليه تديني ليها الفار قال ليهو صغيرة عليك المهم الاسد أصر ومع اصراره قام شاف العربية لقاها صغيرة وما بتشيلوا قال للفار دي صغيرة شديد الفار قال ليه انا ما قلت ليك ما بتشيك لكن انت ركبت راسك الاسد قال ليهو انت بتتلاءم كدة ليه وضربو كف أهة الكديس قام ضحك الاسد قال الضحك دا منو الكديس قام شتت الاسد قام رسل وراهو الثعلب لحقو ليك في اخر الغابة طالع في شجرة الثعلب قال ليهو يا الكديس انزل نمشي نتم باقي الحفلة دي الكديس رفض بحجة أنو الاسد زعلان وكدا الثعلب اقنعو ليك انو الاسد نسي الموضوع نزلو ومشو الاسد أول ما شاف الكديس قال ليهو انت عملت شنو لمن تهرب قال ليهو ضحكتك قال ليهو تضحك وضربو كف وقال ليهو من الليلة دي ما داير اشوفك في الغابة ..... ودا السبب الطردوا بيهو الكديس من الغابة.