المساعد الشخصي الرقمي

مشاهدة النسخة كاملة : حامنتيش


سمسم
23-01-2008, 02:24 PM
شوفونا يا اهل العقول شوفلن حل للمشكله

العيشه جد صعبت على وانا حالتى صبحت مخجله

يا مه انقشته فى صف رغيف دافرت دقت البهدله

ورجعت بى فردت نعال كورعينى جد متندله

مفتوك حنك مشروط قميش كورعينى ذاته مكلوجه

العيش دا ما جهجهنا جدودخلنا نحن فى قلقله

صبح البصل تفاح عديل والكسرزى باسطه سلا
الخمسه عيشات للصغير تصبيرا ساى مابقبلا
عيشتين تروح بين الضروس وكريشتو تب مابتوصلا
عيشتين تروح بين الضروس وكريشتو تب ما بتوصلا:d
ابراهيم
23-01-2008, 10:11 PM
دة متين كلامك يا حنين
حالك صعب بالجد اسيف
بس وين مكانك يا حبيب
الفيهو لسع صف رغيف
الدنيا بالعيش اتملت
العيشة من هنا للجريف
والكسرة ذاتها بقت رهاب
والويكة راحت في الرصيف
يا زول دة انت قديم خلاص
يا حليل زمن صف الرغيف
ريانية
23-01-2008, 10:21 PM
جزاكم الله خيرا..
سمسم
24-01-2008, 06:39 AM
اشكركم على هذا التعليق اللطيف مادبو
سمسم
24-01-2008, 06:40 AM
حياك الله يا ربانيه على المشاركه وشكرا