المساعد الشخصي الرقمي

مشاهدة النسخة كاملة : طلب بسيط


ود الجزيره
23-01-2008, 10:58 AM
ياشباب لو تسمحوا خدمه بسيطه-لو في واحد يقدر يجيب لي قصيدة" ياسيده لأ" للدكتور عمر محمود خالد اكون شاكر جداً
ود المطامير
23-01-2008, 11:34 AM
الحبيب
أنا غايتو حافظها ومن أنا فى الإبتدائى
ح أكتبها ليك ولو فيها أخطاء ولأ نسيت شئ سامحنى
أصلو الكبر حصل

يا سيده لا يا حلوه لا فايتانا وين مستعجله
شرط إمتحان ما إنتى كملتى الحلا
غلطات كتيره الكمبيوتر بيعملا

مالو المعيد مالو المدير ما قالوا بعرف كل شئ
مالو ما عرف الحلا
لو كان بعرف كل شئ
كان كل النمر عدلا
وختى إسمك أولا

السله تبكى مولولا
جفت دموها وبهجت
وبنت العناكب مدخلا
لو كان عشانك يا ملاك
كنا بنجيها وندخلا
لكن يمين حالفين وراك لا نجيها يوم ولا ندخلا

الجامعه بعدك كوم رماد
لا تعرف آداب لا إقتصاد
ولا فيها طب لا صيدله
ريانية
23-01-2008, 08:55 PM
يا ود المطامير الله يديك العافية اديته طلبه وكويس ان لقى طلبه..
moh_alnour
24-01-2008, 03:41 AM
الحبيب
أنا غايتو حافظها ومن أنا فى الإبتدائى


أحم أحم أحم
ريانية
24-01-2008, 11:20 AM
أحم أحم أحم

شطة باللحم... هههههههههههههه
ود المطامير
24-01-2008, 10:59 PM
أحم أحم أحم

أوع تقولى القصيده دى ألفوها
بعدما أنا مشيت الثانويه ؟
ود المطامير
24-01-2008, 11:00 PM
يا ود المطامير الله يديك العافية اديته طلبه وكويس ان لقى طلبه..
تسلمى والله
وحاضرين لكل طلب
ريانية
25-01-2008, 10:53 AM
تسلمى والله
وحاضرين لكل طلب

تشكر يا ود المطامير ما بتقصر..
ود الجزيره
25-01-2008, 11:59 AM
تسلم يا ودالمطامير ياراقي ...وربنا إفرحك بأولاد اولادك....آمين جمعاً