المساعد الشخصي الرقمي

مشاهدة النسخة كاملة : سكسكا مع سبق الإصرار


المسافر
21-01-2008, 09:50 PM
أول شيء نوضح معنى كلمة ( سكسكا ) دي ، عشان في ناس معانا حيجيبوا لينا هوا ساي .

سكسكا دي يعني الرقيص (dancing ) بإخلاص وتفاني .

آها يا جماعة ، أخوك واللي هو أنا وأعوذ بالله من كلمة أنا ، كانت طايرة لي سكسكا في رأسي ده ليهو 3 سنوات ، ولحسن الحظ ولا سوء الحظ ما عارف . . . صادفت عرس بتاع بت الجيران ( بنت الجيران دي زمان كانت الجكس بالمناسبة ) ، نرجع لموضوعنا ، مشيت الحفلة قبل الفنان ما يطلع لقيت الناس دي ما قاعدة في الكراسي منتظرين الفنان يبدأ بفارق الصبر ( ياحليل زمن التقل) بدء الفنان ( بإعتبار هو فنان يعني ) بأغنية ( بلة يا بلة ويييينو بلة – بلة ود عشة ويييينو بلة سائق الرقشة ويييينو بلة - دق الرقم جللا ) والناس دي بقت تتلولح وتنطط وتسكسك تدريجياً لغاية من وصل الفنان للغنية التانية ( طبعاً بدون فاصل ) وكانت أغنية ( عايزا تبقى خوة )، ( طبعاً دي ما أسماء للغنيات لكن دي كل كلماتها )، قلت ما علي من الأغنيات الهابطة دي المهم ( أتفشى ) وأطير السكسكا دي من رأسي بأي شكل . . . ودخلت مكان الرقيص وكانت زي ( دوري الدرجة التالتة ) الغبار ده لغاية السما ، وقبل أغنية ( عايزا تبقى خوة ) ما تنتهي جاني ( ربو حاد ) قربت أروح فيها رقدت 24 ساعة في المستشفى بسبب ( عايزا تبقى خوة ) دي .


آها أقدم ليك النصحية المجانية دي ، لو عايز ترقص في السودان يستحسن تلبس (كمامة) ولو عندك إمكانية ألبس معاها ( جونتيات ) ، لأنو الرقيص في السودان أخطر من (الحمى النزفية) أو ( الحمى المالطية ) أو ( حمى الوادي المتصدع ) حسب ما يراهو المسؤولين مناسباً .
MUSAB24
21-01-2008, 10:06 PM
صدقت


عشان كده بقينا ناس عقد وكشف بس (( كشف يعني مساهمة تدفع لاهل المناسبة علشان ماتفهمونا غلط ))
نزار حسن محمد
21-01-2008, 10:13 PM
المسافر ..قام على جنو ..منو ..
آها انشاءالله سكسكتا واتفشيت التلاته سنين
ياحليل الخرطوم نمره اتنين لمن كان الرقيص
اسلو دانص...
سواااح
21-01-2008, 11:06 PM
http://www.arabsys.net/pic/zkarf/22.gif (http://www.arabsys.net/pic/index.php)

http://www.sudani.ws/song/tahasuliman/center_alkhartoum.mp3

http://www.arabsys.net/pic/zkarf/33.gif (http://www.arabsys.net/pic/index.php)
سواااح
21-01-2008, 11:11 PM
عمنا المسافر
والسكسة في الزمن الضائع
يا زول كويس قام عليك الربو
وما لمت فيك واحدة ربطت ليك زتينزه
واسال عمك ابو سفروق
بوريك البحصل شنو
شاكسس
21-01-2008, 11:18 PM
ههههههه


والله السكسكا فى البلد

دى بس تجيب الربع ونجاه غرزه

والناس دى كلها تلقاها ماسكه عباسيه

وزحمه امم زى كشك بتاع الفول

والغبار مع دخان السجار

ياخى مالك انسى فرنسا

من 8الى12 تجى طالع قالبك المشى وسخان مليان غبار روحك طالعه
omerahmed5
21-01-2008, 11:32 PM
دي يا المسافر ما مشكلة كبيرة حلها بسيط إذا نفسك راودتك بالسكسكة تاني ما عليك إلا برميلين موية وترش الساحة وتطلب أغنية مشيت للعمدة وقال لي ما بمضي (يعني ما بوقع ) انا بريد الزول الحماني الغمدة وبعد ما تنتهي الاغنية لازم توقف السكسكة وتاخد ليك سنده وتتناول عصير منقه وبعد ساعة حا تكون في آخر غمدة
بورتبيل
22-01-2008, 12:07 AM
D:D:D:

حفلة دي ...!! اكيد .. انت متأكد انو دي حفلة .. يا راجل!!!!

المهم مصائب قوم عند قوم فوائد .. تلقى ناس الرقشات .. شايلاهم الهاشمية ساااي
ود المطامير
22-01-2008, 01:09 AM
يا الحبيب
مشتااااااااااقين
يازول سكسكه بربو
أخير من حبسة الجزيره
أها تانى فى حفله ؟
عزيز عيسى
22-01-2008, 05:11 AM
إنت يا المسافر ما تقول أدوك شاكوش صاموتي (يعني قوي) لغاية
ما جاب ليك ربو مع السكسكة..
والدليل قالولو: ( بنت الجيران دي زمان كانت الجكس بالمناسبة ).
وأغنية ( عايزا تبقى خوة ) هي إحدى أسباب الأعراض بالإصابة.
الغبار بريء يازول ما تتصلبط ساي.
بس أوعى تكون رقدت 24 ساعة في مستشفى ودمدني التعليمي؟!!! :D
Jamal Elmahi
22-01-2008, 10:11 AM
يامسافر وناسي هواك ...قال عجاج قال ...العجاج تطير عيشتو ما يودي الاسبتاليه إلاّ إتا ...
دي آآآبوي كتاحة الشاشوكوش القديم ..بتجيب الهبايب و خمّة النفس وشحتفة الروح وتخلي القليب يضرب زي الهبابه ...وبرضو جات سليمه والحمدلله الفنان ما غنّا راجل المرا حلو حلا كان العروس لحقت أمات طه ...
moh_alnour
22-01-2008, 04:16 PM
والله يا المسافر ما في حاجة جابت ليك العجاج
أقصد الهوى غير البوست دا
أنت ما عارف ناس الدنيا ديل ما بريحو
إذا أصبتم بأوجاع الشاكوش فستتروا
أها في الأخر إن شاء الله خرمة السكسكة فكت
المسافر
22-01-2008, 11:26 PM
صدقت


عشان كده بقينا ناس عقد وكشف بس (( كشف يعني مساهمة تدفع لاهل المناسبة علشان ماتفهمونا غلط ))


تحياتي أخي مصعب

مع واقع تجربتي البسيطة ، أصبح الهدف من
أي حفلة هو ( الكشف ) طبعاً مش كشف
المساهمة ولا كشف الحال إنما الكشف
وحاجات تاني ما بتقال . . .


ولك الود
المسافر
22-01-2008, 11:29 PM
المسافر ..قام على جنو ..منو ..
آها انشاءالله سكسكتا واتفشيت التلاته سنين
ياحليل الخرطوم نمره اتنين لمن كان الرقيص
اسلو دانص...


إزيك يا عمي وكفيل صاحبي

أسكسك كيف ما دوري التالتة ده !!!!!

وبعدين هسي الإسلو موجود بس بالمقلوب !!!

ودمت
المسافر
22-01-2008, 11:34 PM
عمنا المسافر
والسكسة في الزمن الضائع
يا زول كويس قام عليك الربو
وما لمت فيك واحدة ربطت ليك زتينزه
واسال عمك ابو سفروق
بوريك البحصل شنو


تحياتي عزيزي سواح

كان أحسن لي الرتينزة من الربو ، لان الربو ودانــــــي
المستشفى وقابلت ناس ( الحمى النزفية ) . .

وأنا عارف أبو سفروق قديم من زمان ( الرتينزة )
هسي في حاجة جديدة اسمها ( أبو طبلة )

ولك الود
المسافر
22-01-2008, 11:41 PM
ههههههه
والله السكسكا فى البلد
دى بس تجيب الربع ونجاه غرزه
والناس دى كلها تلقاها ماسكه عباسيه
وزحمه امم زى كشك بتاع الفول
والغبار مع دخان السجار
ياخى مالك انسى فرنسا
من 8الى12 تجى طالع قالبك المشى وسخان مليان غبار روحك طالعه



لك الود عزيزي شاكسس

والله إنت عايز تحمسني عشان أكمل
باقي القصة . . . الفضائح تظهـــر
لكن الستر أخير .

ودمت
المسافر
22-01-2008, 11:45 PM
دي يا المسافر ما مشكلة كبيرة حلها بسيط إذا نفسك راودتك بالسكسكة تاني ما عليك إلا برميلين موية وترش الساحة وتطلب أغنية مشيت للعمدة وقال لي ما بمضي (يعني ما بوقع ) انا بريد الزول الحماني الغمدة وبعد ما تنتهي الاغنية لازم توقف السكسكة وتاخد ليك سنده وتتناول عصير منقه وبعد ساعة حا تكون في آخر غمدة



تحياتي الرائع عمر

وإنت من زمن العمدة الما بمضي . .
هسي العمدة بقى ( بلة سواق الرقشة )
واليوم كلو خلط بالرقشة . .

والسكسكا بالحالة دي إلا أمشي ليها
( باريس ) عشان أخذ راحتي على الآخر

ودمت
المسافر
22-01-2008, 11:49 PM
D:D:D:

حفلة دي ...!! اكيد .. انت متأكد انو دي حفلة .. يا راجل!!!!

المهم مصائب قوم عند قوم فوائد .. تلقى ناس الرقشات .. شايلاهم الهاشمية ساااي



عزيزي تورتبيل
والغريبة أنو بغنوا لبلة سواق الرقشة
والحفلة كلها بتاعين ( أمجاد ) . . .
الظاهر الفنان عندو ( أتوس ) !!!

ودمت
المسافر
22-01-2008, 11:53 PM
يا الحبيب
مشتااااااااااقين
يازول سكسكه بربو
أخير من حبسة الجزيره
أها تانى فى حفله ؟


حبيب قساي
والله بالأكتر

يا أخوي السكسكا دي خشم بيوت
سكسكا القلت أنا ، وسكسكا بعد
ما تشرب من أم غطاية خضرا
وده في الجزيرة كتيييييييييرة . . مش

ودمت
المسافر
22-01-2008, 11:59 PM
إنت يا المسافر ما تقول أدوك شاكوش صاموتي (يعني قوي) لغاية
ما جاب ليك ربو مع السكسكة..
والدليل قالولو: ( بنت الجيران دي زمان كانت الجكس بالمناسبة ).
وأغنية ( عايزا تبقى خوة ) هي إحدى أسباب الأعراض بالإصابة.
الغبار بريء يازول ما تتصلبط ساي.
بس أوعى تكون رقدت 24 ساعة في مستشفى ودمدني التعليمي؟!!! :D




الرائع عزيز عيسى

والله ما عرفت أضحك ولا أزعل منك
غايتو الله يديك العافية. . . أنا لما أدوني
الشاكوس ما حسيت بحاجة زي لما
حللتها إنت . . . الظاهر أدوني شاكوس
وأنا ما عارف . .

وأنا ما رقدت في المستشفى ولا شيء
أنا كنت واقف لمدة 24 ساعة في المستشفى
وأرقد وين مع ناس الحمى النزفية ديل !!

ودمت أبداً
المسافر
23-01-2008, 12:04 AM
يامسافر وناسي هواك ...قال عجاج قال ...العجاج تطير عيشتو ما يودي الاسبتاليه إلاّ إتا ...
دي آآآبوي كتاحة الشاشوكوش القديم ..بتجيب الهبايب و خمّة النفس وشحتفة الروح وتخلي القليب يضرب زي الهبابه ...وبرضو جات سليمه والحمدلله الفنان ما غنّا راجل المرا حلو حلا كان العروس لحقت أمات طه ...


عزيزي الغالي جمال الماحي
والله مشتاقين عديل كده

وأي شاكوس ده بودي الإستبالية . .
والله من كترت الحريم لمان الواحد
بقى من غير مشاعر ولا إحساس
وأنا زاتو ما عارف كنت كيف
مجكسها .

ودمت أبداً
المسافر
23-01-2008, 12:09 AM
والله يا المسافر ما في حاجة جابت ليك العجاج
أقصد الهوى غير البوست دا
أنت ما عارف ناس الدنيا ديل ما بريحو
إذا أصبتم بأوجاع الشاكوش فستتروا
أها في الأخر إن شاء الله خرمة السكسكة فكت



تحياتي عزيزي محمد

جبت الهوا لنفسي براااااي زي ما قلت
كنت عايز أحكى تجربتي ببراءة مع السكسكا
طلعوني مشكوكش في الأخر . . .
لكن المثل قال شنو
الفي بطنو (something) براهو (dancing) .

ودمت
ود المطامير
23-01-2008, 01:20 AM
حبيب قساي


والله بالأكتر


يا أخوي السكسكا دي خشم بيوت
سكسكا القلت أنا ، وسكسكا بعد
ما تشرب من أم غطاية خضرا
وده في الجزيرة كتيييييييييرة . . مش



ودمت

أم غطايه خضراء كتيره وين فى الجزيره ؟
ياخى البرد كتلنا رسل لى سريع
ونزار متبرع الشيّه
هع هع هع هع هع
المسافر
26-01-2008, 02:01 AM
أم غطايه خضراء كتيره وين فى الجزيره ؟
ياخى البرد كتلنا رسل لى سريع
ونزار متبرع الشيّه
هع هع هع هع هع



يا زول الحكاية دي في أبوظبي منعوها
تاني إلى تمشي ناس ( أرملينا ) وتجيب
بالكيس يا إما تضرب ليك خط لغاية عجمان
وهناك نزار بوريك الباقي . . . . . .
ود المطامير
26-01-2008, 02:06 AM
يا زول الحكاية دي في أبوظبي منعوها

تاني إلى تمشي ناس ( أرملينا ) وتجيب
بالكيس يا إما تضرب ليك خط لغاية عجمان

وهناك نزار بوريك الباقي . . . . . .

يا نزار وينو الباقى ؟؟؟