المساعد الشخصي الرقمي

مشاهدة النسخة كاملة : حنك خائفين (2)خطرفات زهجان .. بين الكورة والسياسة


مرتضى يوسف العركي
21-01-2008, 02:27 AM
------------------------------------------
ظروف عمرة ود العركي جابتو بالشوق ليلاقي صاحبو ود الريح ..
بعد السلام بالأحضان .. وشراب البارد وأكل الطيبات ..
جن ود العركي قام عليهو ( والله يستر من جن ود العركي) ..
فكان النقاش التالي
ود العركي : ود الريح بركة الشفناك وبلينا الشوق ..
ود الريح : ياخي دي بهجة لينا يا ود العركي .. لكن ياخي انت أصغر كثير من الصورة ..
ود العركي : صغر شنو يا حبيب .. خلاص نحنا انتهينا .. كدي ما تنسيني وما تربشني وكاس أفريقيا بدأ ..
ود الريح : ياو د العركي ما تورطتني معاك وده علاقتو شنو بقسمنا ده حق ناس الرياضي
ود العركي: ومنو القال ليك انو الكرة في القسم الرياضي الكرة شانها عام اذا ما تعلقت بالسودان ومنتخبها القومي مثلها مثل الاقتصاد والزراعة والصحة ..
ود الريح : أنا اقتنعت .. أقنع ناس الرياضي والمشرفين ..
ود العركي : حسه كدي تفتكر بعد النتائج الهزيلة أمام غينيا والفريق البلجيكي الما سمعنا بيه قبل ونيجيريا نتوقع فضائح محبطة أكثر ولا قلنا انو الكورة الأيام دي جايبه قونها في الشعب السودان
ود الريح : ما عارف ذكرتني بالمثل أقرع ونزهي .. ومد كرعينك على قدر لحافك ده في حالة يكون عندنا لحاف ..
د العركي : لست مقتنعا بقول المثل مد كرعينك قدر لحافك لأنو كان بالمكان مدها بثقة لو تم الإعداد لها جيدا تصدق انو كان في وقت للدولة تقدم أكثر بظنك الفريق القومي ده مش كان أهم من احتفالات البلد بالدفاع الشعبي وصرف من لا يخشى الفقر وامن الزمان وتنادي المؤتمر الوطني الأخير وأتساءل الدفاع الشعبي لمنو والسلام يحتاج لجرعات وطنية كالتي يمكن أن يصيبها المنتخب الوطني في إطار أن تكون الوحدة جاذبة مش ده مع السياق العام لتوجهات البلد
ود الريح : ما قلت لي شاي ولا قهوة ؟..
ود العركي : المسالة مش مسالة كورة وبس المسالة مسالة مليون ميل مربع وشعب يعشق كثيرا الكورة بجنون والمدخل بها خطير رفع التوقعات أكثر مشاكلنا رفع درجة التوقعات من المستوى الحقيقي لكورتنا
ود الريح : قمت لللخبطة؟ ..
ود العركي : يأخي أنا ما بتاع غلاط أنا ضد عدم الاستفادة من الدروس قبل كده قطعنا الشك با علامنا الرياضي الله يسامحو لاقي قروش الغلابة وعملها أم المعارك وكانت النتيجة 5/0 لنيجريا في بلدنا على مرأى ومسامع العالم عندما صور للناس انو نيجيريا ده اليوم الدايرونو ليها ..
مرتضى يوسف العركي
21-01-2008, 02:29 AM
ود الريح : الكلام ده متين .. يا حبيب لعيبة نيجريا كلهم محترفين .. نحنا لاعبننا ينزلوا من السقالة بمشي يلعب كورة .. ويكون غداء ما متغدي .. معقولة وبعدين يأخي أنا الكورة زمان فتحت ليها .. لكن أتخيل لي الشرتيت ليهو أثر .. ياخي إمكانياتنا تعبانه ..
ودالعركي : ما تقول لي أبدا مسالة الأعداد أكثر ما أضحكني انو شركة الاتصالات حينها ولكيلا لا ننسى دفعت 50 مليون جنيه دعما للمنتخب قبل أسبوع من اللعبة والناس عسكرت في القاهرة أسبوع واحد فقط ..
ود الريح : قدر قروشهم ..
ود العركي : يعني يا ود الريح أرباح البنوك وشركات الاتصال كم ما في أي فهم نحو الدعم والتجهيز المبكر يعني لو عفينا الحكومة من مسؤولياتها لأولويتها بماذا أسهمت وهل تدفع هذا البنوك وشركات الاتصال نحو السودان ومنتخبه الوطني وهذا الشعب الذي مكنها من تحقيق أرباح خيالية من شرائحه حيث يأخذون فوائد باهظة على القروض وتستخدم المدخرات للإقراض والأرباح .
ود الريح : شركات الاتصالات روقوا من الكلام الكتير .. عشان تعرف نحنا بتاعين نقة بس ..
ود العركي : شوف شركات الاتصال في العالم بأثره وبنوكه تدفع ضرائب باهظة على أرباحها ومع ذلك تقوم برعاية المؤسسات الخيرية والاجتماعية والصرف على المرضى والطلبة لم نسمع أن احدها تبرع للمنتخب الوطني وخليك من ناسنا الماتوا في الجزيرة بسبب الحميات والنزفيات على الأقل يمكن أن يفرح الأحياء
ود الريح : تاني جاب سيرة البحر .. هوي يا ود العركي .. ضوق البسبوسة دي ..
ود العركي : هذا المثل يبعث على الاطمئنان بان السودان و المواطنة الحقيقية ليس هناك من يستشعرها عندما يكون الناس بحاجة لها فنرى التسابق من اجل الظفر بخدمته والتضحية من اجل الشعب وإسعاده ولو لمرة واحدة في مستنقع الحروب والتمردات وإيثار السلطة واختلاف الأحزاب
ود الريح : الحمى جاتك تاني .. بطل التنظير ..
ود العركي : يا صديقي المسالة ليست تنظير وان بفتكر انو يخلوا الشعب ده ومنتخبه في حالهم على الأقل الإعلام الرياضي ما يكبر حجم التوقعات للناس فيزيد الأمراض المتوفرة في الأساس ولو كنت في مكانهم كان عملت حاجات كثيرة .
ود الريح : ..كلااااام .. هواء ساي .. يعني كان حتعمل شنو ؟
مرتضى يوسف العركي
21-01-2008, 02:31 AM
ود العركي : كان طلبت من الاتحاد العام التمثيل بمنتخب السودان الاولمبي على الأقل نكون واقعين في إفساح الفرصة للشباب نحن ما كايسين لينا كاس في الأساس وعلى الإعلام الرياضي بعقلانية أن لا يكبر في الناس الاهتمام المتعاظم ويصور لينا الأمر على عكس ما يمكن تصويره بأنه منتخب يتحسس طريقه بصورة امينة بالله عليك الله شفت التوانسة والمغاربة أجهزتهم وإعلامهم صرحوا بتقريط أنهم فقط يعلمون حجم الهلال والمريخ وهم يعون ذلك جيدا وهم بصدد لعب كرة لإحراز نتيجة ايجابية بدون زعل وبدون تكبر وبتواضع يفرح القلب برغم تاريخهم الحافل بالإنجازات .
ودالريح : قول بتفتش ليك في شغل ساي .. يعني الناس دي ما عارفه الكلام ده؟ ..
ود العركي: وأهلنا الطيبين يعرفوا أن المشاركة مرحلة مهمة في الطريق ولا زلنا بعيدين كل البعد على المنافسة في اللقب
ود الريح : ..طيب ما يقفلوها ويريحونا ويرتاحو ..
ود العركي : الأمر حسابات وصنعة وتجارب وليس أهواء نبثها بلا حساب ساذج وليس الأمر محبطا بقدر ما الواقعية تفرض عدم التمدد كثيرا في الأمنيات والناس تعرف انو الأساس في الأدوار المطلوبة انو المدينة الرياضية المتغول عليها من جانب شركة في مدني لا اعرف اسمها هي سلاح المستقبل في هذه الميادين في ميزانية الدولة المسبقة في العلمية والمؤسسية في إدارة الرياضة في الاحتراف للخارج وليس العكس في تصحيح الإعلام والكثير المثير الخ........
ود الريح : قمنا للشوت ..
ود العركي : بدون ذلك يا ود الريح لو لعبنا لوحدنا بنجي الثاني على اسوأ فرض
ود الريح : .. هههههههههه

ود العركي : المطلوب عدم رفع سقف التوقعات وإشراك المنتخب الوطني وعدم إثارة الأمر كأنه أم المعارك فبدون احتراف ومدرسة تدريبية ودماء الشباب والاعداد المسبق والاحتكاك بالأوزان العالمية لن نلامس شيئا
ود الريح : لو بيدي .. نوقف النشاط ونعمل دوري الحواري .. تصدق كان عندنا تيم بنلعب في الخرابة الجمبنا .. غلبنا الأحياء كلها إلا تيم الحلة الجديدة .. ناس شعيبو بهدلونا .. أنت تعال طالما في ناس حريفين كده ليه ما يتقدموا ..
ود العركي : يا ريت ناس السياسة كانوا يسجلوا قون كبير للوحدة وللفرح من خلال أولويات إسعاد الشعب فقد مات من مات وفقر من فقر وجاع من جاع وتمرد من تمرد وتمسك بالخيرات من تمسك الوحيد الكان بسعد الناس كلها هذا المنتخب بسعد الجميع الحكومة والمتمردين والمزارعين والطفيللين
ود الريح : ود العركي ياخوي قوم صلي العشاء .. وأدعو للمنتخب ده ما يشيل كتير ..
ود العركي : قلت كده .. طيب النقوم على صلاة العشاء ..
عبدالله الشمراني
21-01-2008, 03:14 AM
اللذيذ ابو يوسف ...
ياليت هذا الكلام والخطاب لم يكن قبل صلاة العشاء حتى لا ينقطع هذا الحوار الساخن اللذيذ .. وتمنيته لو بعد صلاة العشاء حتى يتواصل اكثر وقت ممكن .. وياليتك يابو يوسف تكمل هذا الحوار فهو شيق وخطير ..
الازمه الحقيقه عندنا العرب في الاحتراف الخارجي .. هو مانعانيه من السياسه الداخليه .. لن اوضح كثيراَ
ولكن لعله مايصرف بطريقه صحيح على المنتخبات والانديه ياتي أوكله .. حتى نتناسى الخسائر التي نعانيها حتى في كره القدم وغير ها ..
الا يكفي اننا خسرنا مباراتنا مع عملاق السياسه ودائما نصفق بعد كل مباره سياسيه لصالح الخصم ..
الايكفي اننا لانفوز الا على بعضنا بعض والمباريات الخارجيه هزايم هزايم ..
الايكفي اننا مازلنا نعاني من ازمه بعض الاماكن عندنا قبل ازمه الاحتراف ..
اللذيذ ابو يوسف ربما تكلمت عن المنتخب السياسي والمنتخب الوطنى السوداني بشكل خاص هنا واعجبتني هذه الفكره الروعه .. والتي اعرف انها فريده من نوها .. وخاصه ايضاَ ..
ولو رجعنا الى سالفه الكره والاحتراف فأريد ان اختصرها بما ذكرته انت.. وهو :
المطلوب عدم رفع سقف التوقعات وإشراك المنتخب الوطني وعدم إثارة الأمر كأنه أم المعارك فبدون احتراف ومدرسة تدريبية ودماء الشباب والاعداد المسبق والاحتكاك بالأوزان العالمية لن نلامس شيئا..

اتمنى للفريق السوداني التوفيق في هذه الدوره .. ولفريقنا السياسي والعربي الرجوع الى الوراء مئات السنين ..
تقبل تحياتي ..
مدنيّة
21-01-2008, 03:28 AM
انت يا ود العركي ما تخليك في الكورة وبس ماتلخبتها لينا بالسياسة وبعدين نشيل شيلتنا برانا ولا اكمنك يعني برة البلد عايز تورطنا احنا

شايفة ود الريح برضو ما بحب يتكلم في السياسة وماسك في الكورة بس :D

غايتو الله يستر وما نشيل كتير ياقولك
ونتائج المباريات الاعدادية ابدا ما كانت مطمئينة
النور محمد يوسف
21-01-2008, 04:00 AM
الكورة انعكاس لحالة البلد ..... ناس الاعلام قايلين بقدروا يغشونا ...... نحن عارفين ومواكبين من خلال التلفونات الجايانا من السودان الكيلة بي كم والدواء بي كم وعارفين أولادنا طردوهم من الدراسة عشان الرسوم وعارفين الترك المدرسة عشان المصاريف منو وعارفين الحالة الصحية كيف والفي المستشفى منو وكم واحد مات من عدم الدواء وكم واحد عيان بالملاريا ......

افبعد هذا كله نتركهم يا ود العركي وود الريح يرفعوا لينا سقف التوقعات ......
ما التوقعات أصلا في الواقع واقعة حتى لو رفعوها .....مالنا موقعنها تاني عشان رفعة فالسو......من زمان واقعة ..... عوزيننا نصدق أنو المشينا في جنازتو داك ودفناهو وقعدنا في فراشو هو اليوم من رفع الاعلام عشانو التوقعات.....إلا كان الحكاية حلم ......

انتو ايه رايكم يامغتربين نعمل كورتنا هنا برانا وندعمها ونشارك بيها باسم السودان ......والله امكن الفكرة تنجح لو لم يخاف التماسيح على مكاناتهم وعائداتهم وأكيد بتتقفل بيوت ..... آآآها رايكم شنو في الاقتراح دا ....أخاف التثنية عليهو تجي بستة من الفريق المرحوم...... أفتكر ستة عدد ما غريب ...... سمعنا بهذا الرقم من قبل....وين ياربي ....وين.....
moh_alnour
21-01-2008, 04:41 PM
الغالي : مرتضى يوسف العركي
صاحب القلم الأنيق
في الأول كنت عايز أقول ليك تشرب شنو شاي ولا قهوة
لأني خفت تشوتا لينا ضُفر تقوم توديها الكشافات لكن ماشاء الله تبارك الله ذكرتني بضربة الجزاء التي نفذها زين الدين زيدان في نهائي كأس العالم أمام المنتخب الإيطالي بمهنية وحرفية عالية جداً جداً ، والبسبوسة بتاعت ود الريح دي خليهو يضوقا براهو .
حقيقة لمست مكامن الداء في مواضع كثيرة ولكن من يقنع أهل السياسة بدور الرياضة وأهميتها كدبلوماسية شعبية لا تحتاج إلى بروتوكولات معقدة .
يا ود العركي كرة القدم أصبحت صناعة تحتاج إلى راس مال غير جبان يساعد في تطوير الرياضة في البلد وليس الخليج ببعيد عن أنظارنا ، فكرة القدم تطورت هناك بالصرف والدعم من الدولة ومن شركات القطاع الخاص .
وإلى أن يقتنع اهل السياسة بهذا الكلام لا نتمنى من الله رد القضاء ولكن نسأله اللطف فيه .
وتقبل مروري
مرتضى يوسف العركي
22-01-2008, 01:42 AM
اللذيذ ابو يوسف ...
ياليت هذا الكلام والخطاب لم يكن قبل صلاة العشاء حتى لا ينقطع هذا الحوار الساخن اللذيذ .. وتمنيته لو بعد صلاة العشاء حتى يتواصل اكثر وقت ممكن .. وياليتك يابو يوسف تكمل هذا الحوار فهو شيق وخطير ..
الازمه الحقيقه عندنا العرب في الاحتراف الخارجي .. هو مانعانيه من السياسه الداخليه .. لن اوضح كثيراَ
ولكن لعله مايصرف بطريقه صحيح على المنتخبات والانديه ياتي أوكله .. حتى نتناسى الخسائر التي نعانيها حتى في كره القدم وغير ها ..
الا يكفي اننا خسرنا مباراتنا مع عملاق السياسه ودائما نصفق بعد كل مباره سياسيه لصالح الخصم ..
الايكفي اننا لانفوز الا على بعضنا بعض والمباريات الخارجيه هزايم هزايم ..
الايكفي اننا مازلنا نعاني من ازمه بعض الاماكن عندنا قبل ازمه الاحتراف ..
اللذيذ ابو يوسف ربما تكلمت عن المنتخب السياسي والمنتخب الوطنى السوداني بشكل خاص هنا واعجبتني هذه الفكره الروعه .. والتي اعرف انها فريده من نوها .. وخاصه ايضاَ ..
ولو رجعنا الى سالفه الكره والاحتراف فأريد ان اختصرها بما ذكرته انت.. وهو :
المطلوب عدم رفع سقف التوقعات وإشراك المنتخب الوطني وعدم إثارة الأمر كأنه أم المعارك فبدون احتراف ومدرسة تدريبية ودماء الشباب والاعداد المسبق والاحتكاك بالأوزان العالمية لن نلامس شيئا..

اتمنى للفريق السوداني التوفيق في هذه الدوره .. ولفريقنا السياسي والعربي الرجوع الى الوراء مئات السنين ..
تقبل تحياتي ..

الحبيب شاعرنا السعوداني عبد الله الشمراني
كم سعيد بمشاركتكم همومنا فلا غرو فانتم شقيق نعتز به كثيرا فعلا الاحتراف والمدراس التدريبية ودماء الشباب والاحتكاك بالاوزان منهج علمي يحتاج للفرض وليس مجرد التمني
دعواتك يحتاجها بلدكم السودان كم سعيد امس بالهلال السعوداني حينما تغلب على مانشستير يونايتد عنوة واقتدار في مهرجان اعتزال الاسطورة الجابر كل الامنيات للمملكة الشقيقة بدوام التقدم فوالله بيضتوا وجوهنا امس ...........
مرتضى يوسف العركي
22-01-2008, 01:52 AM
انت يا ود العركي ما تخليك في الكورة وبس ماتلخبتها لينا بالسياسة وبعدين نشيل شيلتنا برانا ولا اكمنك يعني برة البلد عايز تورطنا احنا

شايفة ود الريح برضو ما بحب يتكلم في السياسة وماسك في الكورة بس :D

غايتو الله يستر وما نشيل كتير ياقولك
ونتائج المباريات الاعدادية ابدا ما كانت مطمئينة



العزيزة ام جمال
كما سعدنا كثيرا بصحة ابننا جمال امس الـ ذي الفل بحمد الله نامل ان يكون صقور الجديان اليوم ايضا ذي الفل باذن الله والولا ءسيدتي للوطن لاتحده حدود الجفرافيا ...سواء بداخل او خارج الوطن ولا انا غلطان ......شكرا لمروركم ام جمال
مرتضى يوسف العركي
22-01-2008, 01:58 AM
الكورة انعكاس لحالة البلد ..... ناس الاعلام قايلين بقدروا يغشونا ...... نحن عارفين ومواكبين من خلال التلفونات الجايانا من السودان الكيلة بي كم والدواء بي كم وعارفين أولادنا طردوهم من الدراسة عشان الرسوم وعارفين الترك المدرسة عشان المصاريف منو وعارفين الحالة الصحية كيف والفي المستشفى منو وكم واحد مات من عدم الدواء وكم واحد عيان بالملاريا ......

افبعد هذا كله نتركهم يا ود العركي وود الريح يرفعوا لينا سقف التوقعات ......
ما التوقعات أصلا في الواقع واقعة حتى لو رفعوها .....مالنا موقعنها تاني عشان رفعة فالسو......من زمان واقعة ..... عوزيننا نصدق أنو المشينا في جنازتو داك ودفناهو وقعدنا في فراشو هو اليوم من رفع الاعلام عشانو التوقعات.....إلا كان الحكاية حلم ......

انتو ايه رايكم يامغتربين نعمل كورتنا هنا برانا وندعمها ونشارك بيها باسم السودان ......والله امكن الفكرة تنجح لو لم يخاف التماسيح على مكاناتهم وعائداتهم وأكيد بتتقفل بيوت ..... آآآها رايكم شنو في الاقتراح دا ....أخاف التثنية عليهو تجي بستة من الفريق المرحوم...... أفتكر ستة عدد ما غريب ...... سمعنا بهذا الرقم من قبل....وين ياربي ....وين.....

معلمنا الجليل استاذنا النور
اتفق معكم فيما ذهبتم اليه وكما تذهب دوما اخي نحن شعب يعيش بالامل ... والعواطف وهي ترتب تلقائيا لسقف التوقعات دعوات نتشاركها بان يوفق الله منتخبنا للانجاز ... برغم النتائج الاخيرة حسب تساؤلكم يا ربي ما تتكرر ...هي كانت وين ؟
مرتضى يوسف العركي
22-01-2008, 02:04 AM
الغالي : مرتضى يوسف العركي
صاحب القلم الأنيق
في الأول كنت عايز أقول ليك تشرب شنو شاي ولا قهوة
لأني خفت تشوتا لينا ضُفر تقوم توديها الكشافات لكن ماشاء الله تبارك الله ذكرتني بضربة الجزاء التي نفذها زين الدين زيدان في نهائي كأس العالم أمام المنتخب الإيطالي بمهنية وحرفية عالية جداً جداً ، والبسبوسة بتاعت ود الريح دي خليهو يضوقا براهو .
حقيقة لمست مكامن الداء في مواضع كثيرة ولكن من يقنع أهل السياسة بدور الرياضة وأهميتها كدبلوماسية شعبية لا تحتاج إلى بروتوكولات معقدة .
يا ود العركي كرة القدم أصبحت صناعة تحتاج إلى راس مال غير جبان يساعد في تطوير الرياضة في البلد وليس الخليج ببعيد عن أنظارنا ، فكرة القدم تطورت هناك بالصرف والدعم من الدولة ومن شركات القطاع الخاص .
وإلى أن يقتنع اهل السياسة بهذا الكلام لا نتمنى من الله رد القضاء ولكن نسأله اللطف فيه .
وتقبل مروري

ود النور الراقي
اسعد كثيرا بمداخللاتكم واسهاماتكم النيرة .......وفعلا تحتاج لراسمال شجاع بيد ان بلدنا حالة استثنائية باعتبار سعي الجميع للوحدة والتشكل مما يحتم ضرورة التدخل الحكومي في دعم كل ما من شانه الوحدة كخيار مستقبلي استراتيجي من خلال الرياضة فهي من امضى الاسلحة الوجدانية فمن الغريب عدم استغلاله بالصورة الصحيحة بل ادعي ان الامر اولوية ملحة ......
ود النور :
الحظ + الدعوات + الصبر + التوفيق من الله عز وجل ما يحتاجه منتخبنا في هذه الدورة يلا يا ريت نكتر من الدعوات ..
مرتضى محمد الحسن
23-01-2008, 11:56 PM
الرائع الخلوق / ابويوسف
الحديث يطول ويطول عن المستديرة بالسودان وخير مافعلت عندما ادخلتها مع السياسة فى حوار شيق ابدع فيه ودالريح والوالد ودالعركى وددت لو ارتبط هذا الحوار بمدينة ودمدنى وحال الكورة الان بمدنى ؟
مرتضى يوسف العركي
02-02-2008, 02:49 AM
الرائع الخلوق / ابويوسف
الحديث يطول ويطول عن المستديرة بالسودان وخير مافعلت عندما ادخلتها مع السياسة فى حوار شيق ابدع فيه ودالريح والوالد ودالعركى وددت لو ارتبط هذا الحوار بمدينة ودمدنى وحال الكورة الان بمدنى ؟

اخي الاصغر عمرا الاكبر فهما وادبا مرتضى ود محمد الحسن
كم انا سعيد بمداخلتكم التي تأخرت عنها كثيرا لظروف ساشرحها لاحقا لكم ....وسعيد اكثر بكم في هذا المنتدى بابن مارنجان الوفي ......الكورة حقتكم والسياسة ايضا ياريت الحوار يمتد بكم لمدني وحالها كرويا واخريات فالحال لايسر البال اطلاقا .......
اتطلع لمشاركتكم دوما في اثراء هذا القسم باذن الله وتقبل تحياتي لكم وللعروس وللاسرة الكريمة .
صلاح ودالطاهر
03-02-2008, 09:53 PM
الحبيب الرائع روعة التبلدية في كردفان
وروعة اهلي الغبش في خور طقت وحنتوب زمان
وروعة اهل التقابه والقران
وانت ايها الحبيب فلته في هالزمان
قالوا مرتضي قلت لست اغالي هذا الانيق من فيض اهلي الحنان
اخي مرتضي لقد ارتحت في هذه الواحة واظنها قيثارة يمسك بها عازف ماهر ولك الشكر والتحية
مرتضى يوسف العركي
04-02-2008, 02:58 AM
الحبيب الرائع روعة التبلدية في كردفان
وروعة اهلي الغبش في خور طقت وحنتوب زمان
وروعة اهل التقابه والقران
وانت ايها الحبيب فلته في هالزمان
قالوا مرتضي قلت لست اغالي هذا الانيق من فيض اهلي الحنان
اخي مرتضي لقد ارتحت في هذه الواحة واظنها قيثارة يمسك بها عازف ماهر ولك الشكر والتحية

ايها النير الحبيب ود الطاهر رفيق الدرب
كم ارتحت بطلتكم اخيرا ... وعودا حميدا ... هكذا طبيعة الاشياء ودوران الحياة وتواصل ود الطاهر والمنتدى يزيد النسق اكتمالا وبهاء ا مرحي ايها الصديق
صلاح ودالطاهر
04-02-2008, 03:22 AM
ايها النير الحبيب ود الطاهر رفيق الدرب
كم ارتحت بطلتكم اخيرا ... وعودا حميدا ... هكذا طبيعة الاشياء ودوران الحياة وتواصل ود الطاهر والمنتدى يزيد النسق اكتمالا وبهاء ا مرحي ايها الصديق


سالت نفسي عن هذا التواضع الجم فلجم لساني كيف لا يكون هذا وهو نابع من ذاك الفتي المهذب وديوسف سلمت بطن جابتك وهي ام الكل الحاجه سلمت ايها الرائع فاعزف فنحن نتمايل طرباً لك فاسرح بنا ودعنا نلتف حول حلقة ذاك الدرويش الذي يضرب النوبة ضرباً ...... هكذا بنوك ياست المدائن فامرحي
الخواض محمداحمد خواض
31-05-2009, 09:23 PM
------------------------------------------
ظروف عمرة ود العركي جابتو بالشوق ليلاقي صاحبو ود الريح ..
بعد السلام بالأحضان .. وشراب البارد وأكل الطيبات ..
جن ود العركي قام عليهو ( والله يستر من جن ود العركي) ..
فكان النقاش التالي
ود العركي : ود الريح بركة الشفناك وبلينا الشوق ..
ود الريح : ياخي دي بهجة لينا يا ود العركي .. لكن ياخي انت أصغر كثير من الصورة ..
ود العركي : صغر شنو يا حبيب .. خلاص نحنا انتهينا .. كدي ما تنسيني وما تربشني وكاس أفريقيا بدأ ..
ود الريح : ياو د العركي ما تورطتني معاك وده علاقتو شنو بقسمنا ده حق ناس الرياضي
ود العركي: ومنو القال ليك انو الكرة في القسم الرياضي الكرة شانها عام اذا ما تعلقت بالسودان ومنتخبها القومي مثلها مثل الاقتصاد والزراعة والصحة ..
ود الريح : أنا اقتنعت .. أقنع ناس الرياضي والمشرفين ..
ود العركي : حسه كدي تفتكر بعد النتائج الهزيلة أمام غينيا والفريق البلجيكي الما سمعنا بيه قبل ونيجيريا نتوقع فضائح محبطة أكثر ولا قلنا انو الكورة الأيام دي جايبه قونها في الشعب السودان
ود الريح : ما عارف ذكرتني بالمثل أقرع ونزهي .. ومد كرعينك على قدر لحافك ده في حالة يكون عندنا لحاف ..
د العركي : لست مقتنعا بقول المثل مد كرعينك قدر لحافك لأنو كان بالمكان مدها بثقة لو تم الإعداد لها جيدا تصدق انو كان في وقت للدولة تقدم أكثر بظنك الفريق القومي ده مش كان أهم من احتفالات البلد بالدفاع الشعبي وصرف من لا يخشى الفقر وامن الزمان وتنادي المؤتمر الوطني الأخير وأتساءل الدفاع الشعبي لمنو والسلام يحتاج لجرعات وطنية كالتي يمكن أن يصيبها المنتخب الوطني في إطار أن تكون الوحدة جاذبة مش ده مع السياق العام لتوجهات البلد
ود الريح : ما قلت لي شاي ولا قهوة ؟..
ود العركي : المسالة مش مسالة كورة وبس المسالة مسالة مليون ميل مربع وشعب يعشق كثيرا الكورة بجنون والمدخل بها خطير رفع التوقعات أكثر مشاكلنا رفع درجة التوقعات من المستوى الحقيقي لكورتنا
ود الريح : قمت لللخبطة؟ ..
ود العركي : يأخي أنا ما بتاع غلاط أنا ضد عدم الاستفادة من الدروس قبل كده قطعنا الشك با علامنا الرياضي الله يسامحو لاقي قروش الغلابة وعملها أم المعارك وكانت النتيجة 5/0 لنيجريا في بلدنا على مرأى ومسامع العالم عندما صور للناس انو نيجيريا ده اليوم الدايرونو ليها ..

اخونا الكمندان ودالعركى

اولاً السلام عليكم . ثانياً مبروك العمره . إنشاءالله تكون إتذكرتنا .ثالثاً اخبارك مقطوعه الحاصل إيه إنشاءالله المانع خير
مرتضى يوسف العركي
17-11-2009, 12:55 AM
اخونا الكمندان ودالعركى

اولاً السلام عليكم . ثانياً مبروك العمره . إنشاءالله تكون إتذكرتنا .ثالثاً اخبارك مقطوعه الحاصل إيه إنشاءالله المانع خير

سيدي الكريم كم اسف للتاخير في الرد وفي نفس الوقت احمد الله على تشريفكم للوقوف على الحال واعلم ما بما تحملون ستجدون العذر اهلا سيدي بكم في الرياض واسرتكم الكريم فهي سانحة نترقبها ودا وتواصلا مع التهاني المسبقة بحج مبروك فلا تنسونا من دعواتكم 0
مرتضى يوسف العركي
09-10-2011, 07:50 AM
الحبيب ود الريح سنهوري
النسعك سعال اتأهلنا لنهائيات افريقيا ولا لسه ؟
مع التحية
معتز الريح
09-10-2011, 08:53 AM
الحبيب ود الريح سنهوري
النسعك سعال اتأهلنا لنهائيات افريقيا ولا لسه ؟
مع التحية

يا حبيبنا أشواق واشواق واشواق ..
تعرف يا مرتضى .. أنا الكورة بقيت ما بشجع ..
ما ممكن اشجع لي تيم طواااااااااالي مغلوب ..
------------------------------
وبعدين يا حبيب .. ما ملاحظ الأمور دي مكررة
والإحباطات مكررة .. والكورة مكررة والنتائج مكررة
والهلال طوالي طالع من دوري الأربعة ..
-----------------------------
اسمع .. ما عارف ليك عروس مروقة ودفيعة ..
لا لا لا لا ما لي أنا .. ما تفهمني غلط ..
أنا عندي نسبة بس ههههههههه
--------------------------
والله لك محبة كبيرة في القلب يا مرتضى
moh_alnour
09-10-2011, 09:57 PM
أسمع .. ما عارف ليك عروس مروقة ودفيعة ..
لا لا لا لا ما لي أنا .. ما تفهمني غلط .. أنا عندي نسبة بس ههههههههه

هيييييييييييع
عفيت منها أم ساطع بت أمدرمان :p
شمار حااار : العريس منو يا معتز أنا عندي ليهو عروس ؟
همسة : مرتضى يوسف العركي صاحب القلم الأنيق منور و الله المنتدى يا كمندان
الجندي المجهول
09-10-2011, 11:23 PM
يا حبيبنا أشواق واشواق واشواق ..
تعرف يا مرتضى .. أنا الكورة بقيت ما بشجع ..
ما ممكن اشجع لي تيم طواااااااااالي مغلوب ..
------------------------------
وبعدين يا حبيب .. ما ملاحظ الأمور دي مكررة
والإحباطات مكررة .. والكورة مكررة والنتائج مكررة
والهلال طوالي طالع من دوري الأربعة ..
-----------------------------
اسمع .. ما عارف ليك عروس مروقة ودفيعة ..
لا لا لا لا ما لي أنا .. ما تفهمني غلط ..أنا عندي نسبة بس ههههههههه
--------------------------
والله لك محبة كبيرة في القلب يا مرتضى

يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
معتز الريح
09-10-2011, 11:38 PM
هيييييييييييع
عفيت منها أم ساطع بت أمدرمان :p
شمار حااار : العريس منو يا معتز أنا عندي ليهو عروس ؟
همسة : مرتضى يوسف العركي صاحب القلم الأنيق منور و الله المنتدى يا كمندان

يا حبيب .. وينو الدفتر نعمل ليهو اسكان ..
عشان نوثق ..
وبعدين أنا خليني .. أمس مرتضى ده متصل علي ساعة
عشان يوريني انو ما اتكلم في السياسة .. والحكومة صبرها قليل ..
تعالي لي بالخاص .. نشوف حجم الثروة .. والباقي هين ..
ههههههههههههه أمير عبداللطيف غايتو كاشف حالك معاي ..
معتز الريح
09-10-2011, 11:39 PM
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير
يا كبير

كبير الله يا أبكرتونة .. أنت كلام الكورة الفوق ده كلو ما عجبك فيهو إلا مداخلتي دي ؟؟
أبوسن ياخ أنت ..
------------------------------
يا حبيب .. بالله اعمل السيرش وبعدين بنتفق ..
مرتضى يوسف العركي
10-10-2011, 09:49 AM
يا حبيبنا أشواق واشواق واشواق ..
تعرف يا مرتضى .. أنا الكورة بقيت ما بشجع ..
ما ممكن اشجع لي تيم طواااااااااالي مغلوب ..
------------------------------
وبعدين يا حبيب .. ما ملاحظ الأمور دي مكررة
والإحباطات مكررة .. والكورة مكررة والنتائج مكررة
والهلال طوالي طالع من دوري الأربعة ..
-----------------------------
اسمع .. ما عارف ليك عروس مروقة ودفيعة ..
لا لا لا لا ما لي أنا .. ما تفهمني غلط ..
أنا عندي نسبة بس ههههههههه
--------------------------
والله لك محبة كبيرة في القلب يا مرتضى

رائعنا الفردة معتز ود الريح سنهوري
اشتاق اليك بكثرة ولحد التخمة ولمان تأمن عديل كده حاتم في التلفون
بالرجوع الى ما سبق هاهي حالنا الان ننتظر الاخرين على مستوى الرياضة والسياسة وكل مناحي التردي السوداني
لا عليكم بقدر ما فرحت بالتاهل بقدر ما احزن على مآلات حالنا
على فكرة شايف خطوات منك جرئية ان تعلن على الملأ مسالة العروس دي وده تلقائيا بخليني اسحب الثقة من ام ساطع
زكرتني حركات الشفوت في الغش والحندكة زمان بطل الفرفرة واركز عارفك خلك اسسسسسسسد لشروط تنفيذ طلبك رجاء جيب لي موافقة موقعة من المدام احتياطيا كده ولزوم المخارجة منها ومن مثيلاتها هنا هاهاهاها
دمت بالف عافية
مرتضى يوسف العركي
13-10-2011, 02:12 AM
هيييييييييييع
عفيت منها أم ساطع بت أمدرمان :p
شمار حااار : العريس منو يا معتز أنا عندي ليهو عروس ؟
همسة : مرتضى يوسف العركي صاحب القلم الأنيق منور و الله المنتدى يا كمندان

ود النور الراقي
اقول ليك جهارا نهارا شكرا ايها الباذخ
تظل نورا منيرا في هذه المنتدى اسما وعملا وتواصلا
كن بكل الخير اخي الكريم
مرتضى يوسف العركي
20-08-2014, 06:20 AM
رائعنا معتز الريح
نشتاق اليك كثيرا اخي الكريم
ياريت نشوفك بكرة في الموعد وتصور حينها روعة المشهد
فهلا تكرمتم
ياسر عمر الامين
20-08-2014, 06:57 AM
يااااااا ود الريح اها بعد دعوة صاحب السعادة مرتضى فى كلام تانى؟؟؟
ود الجعلي
21-08-2014, 04:57 AM
الاستاذ مرتضي حوار سوداناوي عميق في دلالاته وبسيط في كلماته يظهرالشخصية السودانية ويصور اللامبالاة والطيبة والبساطة نتابعه بشغف ولك الود والمحبة