أدفع . . وأصدر قانون في الجمارك !!

[المسافر]

في شهر أكتوبر ذهبت بسيارتي إلى السودان بنظام ( الإفراج المؤقت ) وعند دخولي إلى ميناء عثمان دقنة وجدت المسئولين عن الإفراج المؤقت ( أحقد من مشى على وجه الأرض ) . . وبكل بساطة قال لي واحد برتبة ( مقدم ) ’’ عربتك دي موديل 2008 – وماشة أقل من عشر ألف كيلو - يعني مخالفة للوائح والقوانين – ومستحيل ندخلها ليك – يا تجمركها أو ترجعها إلى الإمارات ’’ ده طبعاً كلام المسؤول . .

وأكرر أنا ذهبت بنظام ( الإفراج المؤقت ) يعني ( دخول وخروج السيارة بعد إنتهاء الإجازة )

وبإمكانكم تتخيلوا هذه اللوائح والقوانين الغريبة وماذا تعني والتي ما أنزل الله بها من سلطان والتي لا تخدم الدولة في أي شيء بل تخدم جهات يعرفها ناس الجمارك وحدهم .

وبإمكانكم أن تتخيلوا أيضاً عشوائية هذا المكان والذي أصبح ( كل يوم بقانون جديد ) . . !

وتأتي هنا هذه الأسئلة :-

ما هي الجهات أو بالأحرى الشركات التي تصدر القوانين واللوائح في الجمارك ؟
ومن الذي يعتمدها ويصدقها ويحارب من أجلها ؟

ومن الذي يقبض الثمن ؟

[بدر الدين محمد]

الاخ الكريم المسافر قرأت كلماتك وانا الآن في ادارة العلاقات العامة بالجمارك اقوم بتصميم مجلة الجمارك ..
لمست فيه قسوة وتعجل في الاحكام على خلق الله وقمت بعرضه على المسؤولين في العلاقات العامة واكدوا لي قبول اي استفسارات والرد عليها في بريد العلاقات العامة الموجود في موقع الجمارك السودانية
للاخوة في الجمارك لهم من موقع ودمدني كل العذر
ولك اخي المسافر ايضا العذر

[omerahmed5]

الاخ المسافر
تحية طيبة
والشكر للاخ بدر الدين محمد والذي قام بالرد علي موضوعك الخاص بالجمارك باسلوب بالجد يدل علي انه إداري محنك واضم صوتي إلي الاخ بدر الدين واقول ليك وعلي حسب خبرتي الضعيفة بقوانين الجمارك انه تم رفض دخول سيارتك وذلك حماية للمنتج والمستورد والوكيل حيث هنالك قوانين وإتفاقيات بين المنتج والمستورد ومصلحة الجمارك وعلي حسب إعتقادي انه سيارتك تعتبر جديده والله اعلم ارجو من الاخوة ذوي الاختصاص الافاده بقوانين الجمارك في هذا الصدد

[مدناوية]

المسافر عربيتك عرفناها جديييييييييدة وموديل 2008


لكن كدا عندي سؤال


هي متين 2008 جات لمن إنته جبتة موديل السنة؟؟؟




هي ما تقول عيني حارة
ماشاء الله وتبارك الله
وربنا يزيدك ويكفيك شر ناس الجمارك

السياسة ما حقتي

أقعد عافية

[المسافر]

الاخ الكريم المسافر قرأت كلماتك وانا الآن في ادارة العلاقات العامة بالجمارك اقوم بتصميم مجلة الجمارك ..
لمست فيه قسوة وتعجل في الاحكام على خلق الله وقمت بعرضه على المسؤولين في العلاقات العامة واكدوا لي قبول اي استفسارات والرد عليها في بريد العلاقات العامة الموجود في موقع الجمارك السودانية
للاخوة في الجمارك لهم من موقع ودمدني كل العذر
ولك اخي المسافر ايضا العذر



لك التحية والتقدير عزيزي بدر الدين
وكل الشكر لك وإنت في محاولة للتوضيح . .
ليتني أقدر أعبر لك بكل صدق عما حدث لي ولغيري في ميناء عثمان دقنة
لما قلت إنني قسوت عليهم أبداً . . . وما ذكرته ما هو إلا جزء لا يتجزأ
لكن أجهزة الدولة دائماً كهذا . . تكون التجاوزات والتقصير والإهمال منهم
ويحاولوا رمي اللوم على المواطن . .
وسوف أترك لك التقدير بنفسك . . في ماذا يضير الدولة بقدمي السودان
بسيارتي وخروجي لحتى يتم تحديد المواصفات الغريبة لهذه السيارات .


ودمت

[المسافر]

الاخ المسافر
تحية طيبة
والشكر للاخ بدر الدين محمد والذي قام بالرد علي موضوعك الخاص بالجمارك باسلوب بالجد يدل علي انه إداري محنك واضم صوتي إلي الاخ بدر الدين واقول ليك وعلي حسب خبرتي الضعيفة بقوانين الجمارك انه تم رفض دخول سيارتك وذلك حماية للمنتج والمستورد والوكيل حيث هنالك قوانين وإتفاقيات بين المنتج والمستورد ومصلحة الجمارك وعلي حسب إعتقادي انه سيارتك تعتبر جديده والله اعلم ارجو من الاخوة ذوي الاختصاص الافاده بقوانين الجمارك في هذا الصدد


عزيزي عمر
لك التحية والتقدير ،
بغض النظر على إنها جديدة أو خلافه . . . فهذه السيارة
قادمة على نظام الإفراج المؤقت . . . يعني عندها فترة
في السودان لاتتعدى (6) شهور وتخرج . . . .
بالرغم من أني إجازتي كانت 75 يوم فقط . .
فماذا يعني إن تكون جديدة أو قديمة بل بالعكس
يفضل أن تكون جديدة . . .

ودمت

[المسافر]

المسافر عربيتك عرفناها جديييييييييدة وموديل 2008
لكن كدا عندي سؤال
هي متين 2008 جات لمن إنته جبتة موديل السنة؟؟؟
هي ما تقول عيني حارة
ماشاء الله وتبارك الله
وربنا يزيدك ويكفيك شر ناس الجمارك
السياسة ما حقتي
أقعد عافية




والله يا أختي أنا أشتريت العربية في 2007 لكن لما دخلت السودان
ناس الإفراج المؤقت قالوا لي موديل 2008 ، شغالين بالمزااااااج.

وأنا عارف ربنا غضبان علي من يوم قابلت ناس الجمارك ، (3) شهور
وأنا ما فاهم حاجة . . . وكنت ماشي أعرس وأستمتع بإجازتي بعد غياب سنتين
حلفوا علي ناس الجمارك إلا أن يجعلوا من إجازتي أن تكون بينهم .
ولغاية هسي ما عارف أنا كنت في الجمارك ولا مكان للسماسرة .

والسياسة دي كلنا ما حقتنا .

[MUSAB24]

منتظرين النتيجة

في النهاية الحصل شنو
مع مراعاة اني متحفظ علي بعض العبارات التي وردت عندك يالمسافر
مع احتراماتي

بالمناسبة انا جاي الامارات بعدشهرين باذن الله ضروري نتقابل

[المسافر]

منتظرين النتيجة
في النهاية الحصل شنو
مع مراعاة اني متحفظ علي بعض العبارات التي وردت عندك يالمسافر
مع احتراماتي
بالمناسبة انا جاي الامارات بعدشهرين باذن الله ضروري نتقابل



تحية وتجلى أخي مصعب

وألف مرحب بيك في الإمارات

في النهاية إضطريت أجمركها بنفس قيمة شراؤها .

أما بخصوص بعض العبارات . . فلربما لو كنت مكاني
وشاهدت وتعذبت وقضيت نصف إجازتي في سواكن
بلد الإنتهازية وسماسرة وموظفي الجمارك لعرفت
الكثير وأدركت بأن عباراتي هي أقل من ذلك .

ودمت

[الزبير محمد عبدالفضيل]

أخي المسافر نشكرك علي طرح قضيتك حتي يتم معرفتها لكل فئات المغتربين


أخي المفروض الجمارك وجهاز المغتربين يكونوا اليد اليمني لمساعدة المغترب


لاكن للاسف لالالالالالالالالالالالالالالالالالالالالالالالالا لا حياة لمن تنادي في صحراء

خاليه من البشر

وارجو ان تحتسب لما واجهت من متاعب ومعامله قاسيه

[ود المطامير]

المسافر عربيتك عرفناها جديييييييييدة وموديل 2008




لكن كدا عندي سؤال



هي متين 2008 جات لمن إنته جبتة موديل السنة؟؟؟





أختى العزيزه
موديل السيارات بينزل للأسواق فى نصف العام
يعنى موديل 2008 بينزل شهر 6/ 2007

يعنى شهر 6/2008 ح تنزل موديلات 2009

[المسافر]

أخي المسافر نشكرك علي طرح قضيتك حتي يتم معرفتها لكل فئات المغتربين
أخي المفروض الجمارك وجهاز المغتربين يكونوا اليد اليمني لمساعدة المغترب
لاكن للاسف لالالالالالالالالالالالالالالالالالالالالالالالالا لا حياة لمن تنادي في صحراء
خاليه من البشر
وارجو ان تحتسب لما واجهت من متاعب ومعامله قاسيه



تحياتي عزيزي الزبير ،

بكل صراحة الموضوع كبير جداً وهنالك مواقف كثيرة جداً
حدثت من ناس الجمارك قد لا يتسع الوقت لذكرها وخصوصاً
في ميناء عثمان دقنة وهنالك آلاف التجاوزات والقوانين الغريبة
والإستقلالية والإنتهازية واللامبالاة والإستفزازت . وكذلك شركة
المهاجر عليها نفس اللوم بل أكثر . . .

الوضع فعلاً مذري بكل معنى الكلمة تجعل الشخص يفكر
الف مرة قبل القدوم للسودان . .

ولو كنت واثق في الأجهزة العدلية لكنت قاضيتهم جميعاً وخصوصاً
شركة المهاجر . . . لكنها خربانة من فوق .

وأنا أثرت الموضوع لمنفعة الأخريين لأن الأغلبية لا تعلم
بلوائح الجمارك الغريبة دي وتتفاجأ بعد ما تدخل . . وبعدها ما بتعرف ترجع ولا تسوي
شنو ؟


ولك الود

[المسافر]

أختى العزيزه
موديل السيارات بينزل للأسواق فى نصف العام
يعنى موديل 2008 بينزل شهر 6/ 2007

يعنى شهر 6/2008 ح تنزل موديلات 2009



يا ود عمي
أختك مدناوية دي زولة
أركب ودوس بنزين بس ما عندها
علاقة بالحاجات دي ، يعني عايزة
تصل . . . وهسي عربيتها من عارفها
موديل كم ولا نوعها شنو ؟

[ود المطامير]

أخوى ورفيق دربى المسافر
يعنى أنا هسى مرتب أمشى السودان بالكامرى ناس الشركه ملكوها لى ودفعونى دم قلبى
أها .. قول لى الطريقه كيف ؟ أخوك ماشى يقشر بيها وسط الكوارو وأبيض ضميرك

[114]

المسافر

الكنت عارفو انو لازم تكون ماشية 2000 (فقط ألفين) كيلومتر لا غير، اما عشرة آلاف دي سمعتها منك هسه، والما عارفو لغاية هسه معنى الكلام ده، والطلعو منو، وفائدتو شنو للسودان وللمغترب ولناس الجمارك؟؟

المنطقي انو تكون السيارة ما ماشه اكتر من 10 الف كيلو، او 50 او 100 الف كيلو، لكن تكون ما ماشه اقل من عشره فدي الغريبه وانا بفتش لي لزول من زمان يفهمني مغزاها، وفكرت امشي لناس الملحقية الاقتصادية في الرياض يمكن يفهموني الحاصل..

والمسافر كمان ما ساكن جده عشان يرجع ينوم في بيتهم، ويخسر بس حق التربتك وحق تذكرة الباخرة، المسكين جاي من الامارات، يعني اكتر من الفين كيلو او الفين وخمسماية..

الأخ بدر الدين
ما دمت بتعرف ناس الجمارك ديل بالله عليك تفهمنا الحاصل، وتورينا مغزى هذا الشرط الغريب جداً، وكمان يا ريت تفتح لينا بوست بقوانين الجمارك تجاه المغتربين- ي زودوك بيها ناس الجمارك- لينتفع بها أعضاء منتديات مدني وكافة المغتربين، وينالك ثواب..

تحياتي لك وللمسافر ولكل المتداخلين..

[ريانية]

مرحبا اخوي المسافر..
يعني اتعاكست الحكاية معالك, وهم كل مرة بطلعوا قوانين جديدة ولا شنو يعني؟

[المسافر]

أخوى ورفيق دربى المسافر
يعنى أنا هسى مرتب أمشى السودان بالكامرى ناس الشركه ملكوها لى ودفعونى دم قلبى
أها .. قول لى الطريقه كيف ؟ أخوك ماشى يقشر بيها وسط الكوارو وأبيض ضميرك



والله يا حبيب قساي أحسن ليك تمشي بالطيارة وأنسى
موضوع الكامري ده لأن تكلفة الإفراج المؤقت لغاية السودان
مبلغ (10) ألف درهم ، يعني تكمل عليها شوية وتشتري ليك
كامري في السودان ، غير من إنك حتقابل ناس الجمارك ويكرهوك
عيشتك واليوم الجابك فيهو البلد وإنك سوداني .

[المسافر]

المسافر
الكنت عارفو انو لازم تكون ماشية 2000 (فقط ألفين) كيلومتر لا غير، اما عشرة آلاف دي سمعتها منك هسه، والما عارفو لغاية هسه معنى الكلام ده، والطلعو منو، وفائدتو شنو للسودان وللمغترب ولناس الجمارك؟؟
المنطقي انو تكون السيارة ما ماشه اكتر من 10 الف كيلو، او 50 او 100 الف كيلو، لكن تكون ما ماشه اقل من عشره فدي الغريبه وانا بفتش لي لزول من زمان يفهمني مغزاها، وفكرت امشي لناس الملحقية الاقتصادية في الرياض يمكن يفهموني الحاصل..
والمسافر كمان ما ساكن جده عشان يرجع ينوم في بيتهم، ويخسر بس حق التربتك وحق تذكرة الباخرة، المسكين جاي من الامارات، يعني اكتر من الفين كيلو او الفين وخمسماية..
الأخ بدر الدين
ما دمت بتعرف ناس الجمارك ديل بالله عليك تفهمنا الحاصل، وتورينا مغزى هذا الشرط الغريب جداً، وكمان يا ريت تفتح لينا بوست بقوانين الجمارك تجاه المغتربين- ي زودوك بيها ناس الجمارك- لينتفع بها أعضاء منتديات مدني وكافة المغتربين، وينالك ثواب..

تحياتي لك وللمسافر ولكل المتداخلين..


تحية خالصة لك عزيزي 114

أنا زاتي تفاجأت عندما عرفت موضوع الإفراج المؤقت ، والكلام ده ما وصلت
ميناء سواكن والقانون هو كالتالي : يمنع دخول أي سيارة بنظام ( الإفراج المؤقت)
بدخول إذا كانت موديل السنة - وماشة أٌقل من عشرة ألف كيلو . . .
ولغاية هسي من لقيت أنا وكل من عرف بالقصة دي مبرر لهذا القانون أو ما هو
هدفه ( طالما إنك سمحت لها بالدخول للتجمرك ورفضت دخولها وخروجها ) . .
وأنا سألت مدير الصالة في الميناء هو برتبة ( عقيد ) عن عدم معرفتي بهذا القانون
وما الهدف منه فرد بكل إستهتار ( دي ما مشكلتي . . . والقانون ده عملوا إنت داير
من الهدف شنو ) . . وبإمكانك تتخيل الباقي .
والله كمية مآسي بتحدث في هذا المكان للمغتربين بسبب ناس الجمارك وشركة
المهاجر في غياب تام لجهاز شؤون المغتربين .
وأكرر بأنني أتحدى أعلى شخص في الجمارك بأن يجد مبرر مقنع عن هذا القانون
أو هذه اللائحة وبأنها تفيد البلد أو المواطنين .
أما بخصوص تحامل الأخ بدر الدين . . فليته رأى وسمع ، والظروف أجبرته
للإغتراب والعودة . . لوقف كثيراً قبل أن يقول كلماته . . . وإن الإستفسار عن
الجمارك في موقعها لن يسترجع لي خسارتي المادية ولا المعنوية .

ودمت أبداً

[المسافر]

مرحبا اخوي المسافر..
يعني اتعاكست الحكاية معالك, وهم كل مرة بطلعوا قوانين جديدة ولا شنو يعني؟



لك التحية والتقدير ريانة

إتعاكست معاي الشوية دي !!!!!
أنا كنت ماشي أكمل نصف ديني . . لكن ناس الجمارك خلوني ( ربع دين )
الله يأخدهم .

وحكاية القوانين الجديدة دي . . . أنا سمعت أنو أي واحد فيهم لو مشى السوق
ورجع بجيب معاهو قانون . وأتخليني أنو كلهم تجار والواحد بمشي السوق كل
يوم وكل لحظة . . . يعني بكون في كم قانون في اليوم ؟؟؟

ودمتِ

[ريانية]

لك التحية والتقدير ريانة

إتعاكست معاي الشوية دي !!!!!
أنا كنت ماشي أكمل نصف ديني . . لكن ناس الجمارك خلوني ( ربع دين )
الله يأخدهم .

وحكاية القوانين الجديدة دي . . . أنا سمعت أنو أي واحد فيهم لو مشى السوق
ورجع بجيب معاهو قانون . وأتخليني أنو كلهم تجار والواحد بمشي السوق كل
يوم وكل لحظة . . . يعني بكون في كم قانون في اليوم ؟؟؟

ودمتِ

بالطريقة دي لكن يالمسافر انت جاد لو صحي السمعتوا معناتها السودان بيتعرف ببلد القوانين...

[المسافر]

بالطريقة دي لكن يالمسافر انت جاد لو صحي السمعتوا معناتها السودان بيتعرف ببلد القوانين...


جميل لو أصبحنا بلاد للقوانين يا ريانية
لكن للأسف اصبحنا بلاد للقوانين العشوائية
وإستغلال المناصب لأغرض شخصية ومنفعة
لجهة بعينها . . . وخلي الشعب يتحرق :confused:

[nehroo]

أخي المسافر
المعروف في نظام الإفراج المؤقت موديل السنة لايدخل السودان حماية لوكالات السيارات ( إن كان خطأ أو غيره هذا المعمول به )
كان عليك أن تسأل عن هذه الأشياء قبل تحركك.
http://www.almuhajir.sd/arabic/tribtic.htm

[nehroo]

هذا الآن 2008 للعلم


http://www.alsahafa.info/index.php?type=3&id=2147489417

[المسافر]

أخي المسافر
المعروف في نظام الإفراج المؤقت موديل السنة لايدخل السودان حماية لوكالات السيارات ( إن كان خطأ أو غيره هذا المعمول به )
كان عليك أن تسأل عن هذه الأشياء قبل تحركك.
http://www.almuhajir.sd/arabic/tribtic.htm



أولاً : أنا هنا لست لمناقشة مشكلة شخصية فقد تدبرت نفسي وتحملت الخسارة المادية والمعنوية ، إنما لمناقشة ( اللوائح الخطأ ) التي تصدر . . . أليس من حقنا أن نتكلم فيها ونلفت الأنظار إليها ، وكذلك نحاول نقوم بتوعية الأخوة المغتربين لكي لا يتكرر من حصل لي ولغيري مع شخص آخر .


ثانياً : أتيت بسيارتي إلى السودان أكثر من 5 مرات وما في مرة سألت فيها قبل ما أتحرك ، أما السفارة في الإمارات لا علم لها بهذا الأمر أنني راجعتها السفارة لأخذ تأشيرة عبور للسعودية!!!

ثالثاً : كيف تكون حماية للوكالات وأنا ( جمركت ) السيارة وأصبحت موجودة فعلاً في السودان بدلاً من كان سوف ترجع . . . فكيف تحمي الوكالات إذن ؟


رابعاً : أي سيارة تاريخ صنعها بعد شهر سبتمبر تحسب للسنة التي تليها.
وده كلام ناس الجمارك ( إن كان خطأ أو غيره هذا المعمول به )

[ود المطامير]

هذا الآن 2008 للعلم


http://www.alsahafa.info/index.php?type=3&id=2147489417
هع هع هع هع هع
وبس

[nehroo]

الإفراج المؤقت بدفتر المرور الجمركي ( التربتيك ) للسودان
تدخل السيارة بضمان شركة وغالباً شركة المهاجر التابعة لجهاز شؤون العاملين بالخارج
فهناك إتفاق مسبق بين هذه الشركة والجمارك السودانية.
وأخيراَ دخلت في صراع المكاسب هيئة المواني البحرية بفرض تأمين
قصدي هنا أخي المسافر بأن هذه الجهات دائما تعدل في الشروط بحجة أننا نتهرب من الضوابط
فيجب عليك كل عام أن تتحوط قبل تحركك ومعرفة ( الجديد )
والسودان في هذه المجالات ( الجمارك, الضرائب, الجبايات ......... ) حافل بالجديد

[114]

هذه الجهات دائما تعدل في الشروط بحجة أننا نتهرب من الضوابط

والمغترب منذ بدايات الإغتراب وحتى (إفلاسه) هو:

متهرب من كل شئ

متهرب من الضرائب

متهرب من الزكاة

متهرب من الجمارك

متهرب من السودان

الى ان يثبت هو العكس

وتعديل الشروط باستمرار يؤدي الى الفوضى، والى ضياع حقوق الناس، والى التشكك في مصداقية من يصدر تلك القوانين، والمعروف أن القوانين طابعها الثبات.. حتى تكتسب ثقة من تطبق عليه، وثقة المستثمرين الذين إذا لم يجدوا مناخاً ملائماً للإستثمار هربوا بأموالهم..

فمن يا ترى له مصلحة في هروب المستثمرين؟ وهروب المواطنين؟