مدني شرق . . وظُلم الظالمين

[المسافر]

برغم من أن هناك بصيص تنمية في مدني إلا
أن مدني شرق تكاد تنعدم فيها أي إحساس بوجود حكومة
ناهيك عن تنمية . . فمدني شرق بها أكثر من نصف سكان
مدني ولا توجد به ( لمبة شارع واحدة ) طبعاً هو أصلاً ما في
شارع عشان يركبوا فيهو لمبات . . وجميع الخدمات الموجودة
هي أقل من أي حي آخر في مدني . . .

يعني يا سعادة الوالي نرحل ( الدرجة ) ولا شنو ؟؟

[هيثم عبدالعال]

كلامك في محلو أخي المسافر وهي ملاحظة واضحة لكل مبصر ولكن أظنها تنطبق على بعض أحياء أخرىأيضاً ماعدا الدرجة كما ذكرت ، أذكر في إجازتي السابقة مريت علىصديق لي صباح يوم جمعه وهو يسكن الدرجة لقيت حركة غير عادية شئ قريدرات وشئ عمال ولاندكروزر فسألت صاحبي الحاصل شنو فرد علي بأن هناك حملة نظافة للحي تنظم كل جمعتين تلاتة ويوفر لها من المعدات والآليات والعمال الشئ الكثير ، ونحن في مايو عربية القمامة يوم في وشهر مافي والناس تهاجر عشان تتخلص من الأوساخ وآخر حاجة بقت الساحة بتاعت الأفران جوار نادي النصر مكب للقمامة .

[المسافر]

كلامك في محلو أخي المسافر وهي ملاحظة واضحة لكل مبصر ولكن أظنها تنطبق على بعض أحياء أخرىأيضاً ماعدا الدرجة كما ذكرت ، أذكر في إجازتي السابقة مريت علىصديق لي صباح يوم جمعه وهو يسكن الدرجة لقيت حركة غير عادية شئ قريدرات وشئ عمال ولاندكروزر فسألت صاحبي الحاصل شنو فرد علي بأن هناك حملة نظافة للحي تنظم كل جمعتين تلاتة ويوفر لها من المعدات والآليات والعمال الشئ الكثير ، ونحن في مايو عربية القمامة يوم في وشهر مافي والناس تهاجر عشان تتخلص من الأوساخ وآخر حاجة بقت الساحة بتاعت الأفران جوار نادي النصر مكب للقمامة .



لك التحية عزيزي هيثم

للأسف المشكلة مشكلة مسؤول أولاً وأخيراً وغياب الضمير .
وكمان أعتقد أنو الوالي ده مفتكر نفسه والي ( ولاية الدرجة ) . .
والظاهر حيجبرنا لنعلن الإنفصال أو نتمرد . . وكمان جزيرة الفيل فيها حلاة
غابة بتنفع للتمرد .

ولك الود

[البرنس]

مسافر

والله انا متفهم كلامك جدا وفعلا المنطقة بتنقصها حاجات كثير مش الانارة بس

وربك يكون في العون

فكرة الغابة دي حلوة جدا لكن هي ما ناقصة

خليها تفاوض احسن

[مدنيّة]

المسافر حمدا لله علي السلامة

كهرباء الدرجة ما عشان سواد عيونها
كهربتها ما بتقطع لانه موقعها جعلها تكون مع مواقع استراتيجية لا يمكن ان يتم قطع الكهرابء منها ( مثال لذلك هيئة المياة )

[المسافر]

مسافر
والله انا متفهم كلامك جدا وفعلا المنطقة بتنقصها حاجات كثير مش الانارة بس
وربك يكون في العون
فكرة الغابة دي حلوة جدا لكن هي ما ناقصة
خليها تفاوض احسن


عزيزي البرنس
لك التحية والتقدير ،

والله الوضع فعلاً مؤسف إهمال تام لكل شيء
وزي ما قال أخونا هيثم عبد العال أبسط الأشياء
تكون معدومة تماماً ، ولا أخفي عليك أنا قعدت
في السودان قرابة الثلاثة شهور بقوم بتنظيف
مجمع القمامة الذي هو قريب من البيت بنفسي أسبوعياً
حتى أبوي وناس الفريق سموني ( كلينكو ) .

الحالة مذرية ، لكن أحسن نتفاوض
بس شروطنا :D .

ودمت أبداً

[المسافر]

المسافر حمدا لله علي السلامة

كهرباء الدرجة ما عشان سواد عيونها
كهربتها ما بتقطع لانه موقعها جعلها تكون مع مواقع استراتيجية لا يمكن ان يتم قطع الكهرابء منها ( مثال لذلك هيئة المياة )



الله يخليك ويسلمك يا مدنية
ومبروك عليك نائب المشرف العام وعقبال ما تبقى الآمن ( الكلام ده خليهو سر ) .

أنا ما قصدت الكهرباء نفسها إنما الخدمات فمثلاً الشوارع
وإنارة الشوارع والحدائق فالدرجة كل شوارعها جديدة
وبها إضاءة بالإضافة إلى الحديقة الفخمة التي
يتم تشييدها حالياً في ميدان الشهداء . . .
تصدقي إنو شارع النيل منور من التفتيش مروراً بكل أحياء
مدني لغاية بداية دردق وكأنو عايزين يقولوا لينا إنتو ما معانا :D
وأحياء مدني شرق كأنها قرية بالليل وخصوصاً مع الجمرة الخبيثة .

بالمناسبة ( ود كنان ) فيها شوية إهتمام وفصلوا شوارعها إلى إتجاهين
ونظافة وإضاءة . . . الظاهر ساكن فيها ( المحافظ ) كمان .

ودمتِ

[الزبير محمد عبدالفضيل]

أخي العزيز المسافر ليس شرق مدني فقط أكثر من 50 حي مهمشه يعني زي تهميش شرق السودان والغرب والجنوب

أنا أسكن دوران بانت عندنا مقررررررررر توالد الباعوض يعني بانت غرب هي مصدر

وتصدير الباعوض في مدني والسبب هووووووو جبال أكوام القمامه وعدم وجود مصارف

مياه الخريف توجد عواميد الكهرباء من زمن الانجليز لاكن بدون لمبات

والاحياء المهمشه دوران بانت - جبرونا - حي البان - الثوره - البستان - الدباغه - ودكنان
الاندلس المهم مدني كلها محتاجه لصيانه عامه تشمل الشوارع الحدائق والواجهات

تخريمه ( شوف يالمسافر جنبنا الابحاث الزراعيه وفيها غابات شجر البان يعني

التمرد 100% ناجح لاكن أحسن التفاوض يكون في زاوية الختميه بدوران بانت

وسوف نبحث ملف السلطه والثروه وملف الملاريا بس )

[nehroo]

أخي المسافر
مدني مظلومة شرقاً وغرباً, جنوباً وشمالاً...
جميعها مظلومة

[ابو صفاء]

الاخوة الافاضل
لا تفتروا على الوالي بكلام غير حاصل كل الذي فعله الوالي في الدرجة اصلاح الشارع الذي يأتي من شارع سنار مارا بميدان سباق الخيل ثم سوق الدرجة وانارته لان اي مسئول يحضر بالطائرة ينزل في سباق الخيل وهذه اصبحت واجهة للمدينة
حي الدرجة من اسوأ الاحياء احضر في الخريف وشوف الحاصل بعوض وعدم تصريف ماء وكر للبعوض وشوارع داخلية طينة
ومن المفترض ان تكون الدرجة متميزة لان بها من المرافق المهمة واغلب مدارس مدني وكلية مدني الاهلية وداخليات جامعة الجزيرة وجامعة القران وداخليتها وكلية المعلمات بالاضافة للمرافق الحكومية وهذه واجهة للبلد
فأهل الدرجة عاتبون على الوالي لانه حتى الآن لم يحل لهم مشكلة التصريف التي جعلت الكثير يرحل من الدرجة

[moh_alnour]

اخي المسافر
عانت ود مدني بشرقها وغربها وجنوبها وشمالها ووسطها كثيراً من ظلم المركز في العهد الحالي
ولكننا متفائلون بتولي أمرها للفريق عبد الرحمن سر الختم وهو أحد أبنائها البررة
والذي نتمنى أن تتم على يديه كثير من الخدمات التي تهم إنسان المدينة بصورة عامة
وأتفق مع الأخ أبو صفاء حي الدرجة في الخريف والله لا يطاق
وحتى لو كانت هناك بعض الامتيازات لحي الدرجة ( فجحا أولى بلحم تورو )
تخريمة : جاهزين نحن في جزيرة الفيل للتمرد ، بس ورونا ساعة الصفر متين
بس ما يكون في رأفت الهجان في المنتدى دا

[خالد أحمد الصول]

إن كانت التنمية و التجميل يطال المدينة حيث يسكن مسؤليها .. فمرحبا به فكله يصب في ماعون تجميل المدينة الام ... و إن كان كل مسؤل يجمل الحي الذي يسكن فيه لكانت المدينة أحلي و أنضر ... فاليتباروا في ايهم يجمل حيه أكثر فالرابح الاكبر هي المدينة .... تخريمة ... (((أرجو أن أنبه الاخ ابو صفاء علي أن أسمه الان ميدان الفاروق بقي حق الجيش)))

[saleh farah]

والله ياشباب اعتراضكم مقبول مع انه الغالبيه العظمى منكم بتكلموا من خارج البلد ، وكبار السن منكم كانت لهم ثقافه اخرى ومفهوم غير عن النظافة والكل يذكر ايام الدراسة وماكان يقوم به الطلاب من اعمال نظافة فى عطلات الجمع ولكن للاسف الآن مافى اي شخص فى مدنى بتهمه نظافة الحي البسكن فيه وعادي تلقى القمامه مكدثه فى الشوارع ده غير المتطايره فى الجو والمتراصصه على جنبات الحيط واسوار الحدائق المنزليه والمويه خارجه من البيوت كانه البلد فى حالة مطر دائم .
ياشباب البيت بتبدأ نظافته من داخله متر متر وتستمر فى الحى متر متر وفى النهايه بتبقى المنطقه كلها نظيفه لكن واحسرتاه وين الشباب البعمل الحكايه دى ، كل شخص قاعد فى الضل وبلعن فى الحكومه وبنغض فى الوالي والحال فى حاله .
طبعا البوست عن الاهتمام بالاناره وتصليح الشوارع لكن صدقونى النظافة اهم من الانارة وسفلتة الشوارع وكفانا ملاريا .

[المسافر]

أخي العزيز المسافر ليس شرق مدني فقط أكثر من 50 حي مهمشه يعني زي تهميش شرق السودان والغرب والجنوب
أنا أسكن دوران بانت عندنا مقررررررررر توالد الباعوض يعني بانت غرب هي مصدر
وتصدير الباعوض في مدني والسبب هووووووو جبال أكوام القمامه وعدم وجود مصارف
مياه الخريف توجد عواميد الكهرباء من زمن الانجليز لاكن بدون لمبات
والاحياء المهمشه دوران بانت - جبرونا - حي البان - الثوره - البستان - الدباغه - ودكنان
الاندلس المهم مدني كلها محتاجه لصيانه عامه تشمل الشوارع الحدائق والواجهات
تخريمه ( شوف يالمسافر جنبنا الابحاث الزراعيه وفيها غابات شجر البان يعني
التمرد 100% ناجح لاكن أحسن التفاوض يكون في زاوية الختميه بدوران بانت
وسوف نبحث ملف السلطه والثروه وملف الملاريا بس )


تحياتي الحارة أخي الزبير

زرت مدينة بورتسودان في شهر نوفمبر
وجدتها أصبحت جميلة جداً ، شوارع
على مستوى وإنارة وتنظيم . . . وعلى
ما أعتقد بأن مخصصات الولايات متقاربة
من بعضها . .
فإن المشكلة أصبحت في المسؤولين
لأن الواضح في ناس عايزين يشتغلوا
وناس عايزين ( يسفسفوا ).

تخريمة :
الأبحاث الزراعية دي موقعها مش ولا بد
عشان قريبة من شارع الخرطوم مدني
يعني في الواجة . . . عشان كده أحسن
لينا غابة أم بارونة موقعها حلو وكلها
قرود وقدامها حفر المكي . . أعتقد الموقع
ده أحسن .

[المسافر]

أخي المسافر
مدني مظلومة شرقاً وغرباً, جنوباً وشمالاً...
جميعها مظلومة



العزيز nehroo
بالفعل مدني مظلومة كلها وتحديداً مدني شرق
وذلك بالمقارنة مع أي مدينة أخرى ، فيكفي
أن أقول لك بأن طوال 3 سنوات تم عمل شارع
واحد فقط في مدني ، عكس ما يحدث في الخرطوم
ولا بوتسودان .

[المسافر]

الاخوة الافاضل
لا تفتروا على الوالي بكلام غير حاصل كل الذي فعله الوالي في الدرجة اصلاح الشارع الذي يأتي من شارع سنار مارا بميدان سباق الخيل ثم سوق الدرجة وانارته لان اي مسئول يحضر بالطائرة ينزل في سباق الخيل وهذه اصبحت واجهة للمدينة
حي الدرجة من اسوأ الاحياء احضر في الخريف وشوف الحاصل بعوض وعدم تصريف ماء وكر للبعوض وشوارع داخلية طينة
ومن المفترض ان تكون الدرجة متميزة لان بها من المرافق المهمة واغلب مدارس مدني وكلية مدني الاهلية وداخليات جامعة الجزيرة وجامعة القران وداخليتها وكلية المعلمات بالاضافة للمرافق الحكومية وهذه واجهة للبلد
فأهل الدرجة عاتبون على الوالي لانه حتى الآن لم يحل لهم مشكلة التصريف التي جعلت الكثير يرحل من الدرجة



أنا كنت في الدرجة قبل أسبوعين تقريباً
وفي واقع مدني بعتبرها حي نموذجي
وخصوصاً مع الحديقة الرائعة التي
تم إنشاؤها حالياً . . وبصراحة ما شفت
زمن المطر فيها كيف . .
ونحن نريد تجميل وإهتمام في كل أحياء
المدينة دون إستثناء ، لذلك نحاول أن
نرفع الهمم ولو بهذه الطريقة .

ودمت أبداً

[المسافر]

اخي المسافر
عانت ود مدني بشرقها وغربها وجنوبها وشمالها ووسطها كثيراً من ظلم المركز في العهد الحالي
ولكننا متفائلون بتولي أمرها للفريق عبد الرحمن سر الختم وهو أحد أبنائها البررة
والذي نتمنى أن تتم على يديه كثير من الخدمات التي تهم إنسان المدينة بصورة عامة
وأتفق مع الأخ أبو صفاء حي الدرجة في الخريف والله لا يطاق
وحتى لو كانت هناك بعض الامتيازات لحي الدرجة ( فجحا أولى بلحم تورو )
تخريمة : جاهزين نحن في جزيرة الفيل للتمرد ، بس ورونا ساعة الصفر متين
بس ما يكون في رأفت الهجان في المنتدى دا



بالفعل متفائلين ، ولكنه العام الرابع
ولا نرى شيئاً يحدث . .

تخريمة : تم تحويل التمرد إلى غابة أم بارونة
وقبل تحديد ساعة الصفر خلينا نقبض على الخونة
المندسين بينا .

ولك الود

[المسافر]

إن كانت التنمية و التجميل يطال المدينة حيث يسكن مسؤليها .. فمرحبا به فكله يصب في ماعون تجميل المدينة الام ... و إن كان كل مسؤل يجمل الحي الذي يسكن فيه لكانت المدينة أحلي و أنضر ... فاليتباروا في ايهم يجمل حيه أكثر فالرابح الاكبر هي المدينة .... تخريمة ... (((أرجو أن أنبه الاخ ابو صفاء علي أن أسمه الان ميدان الفاروق بقي حق الجيش)))



تحية الأخ خالد

طبعاً ده في حالة إنو كل المسئولين لديه
الرغبة في خدمة المدينة وسكانها وليس
لديه ( مأرب أخرى ) .

ودمت

[المسافر]

والله ياشباب اعتراضكم مقبول مع انه الغالبيه العظمى منكم بتكلموا من خارج البلد ، وكبار السن منكم كانت لهم ثقافه اخرى ومفهوم غير عن النظافة والكل يذكر ايام الدراسة وماكان يقوم به الطلاب من اعمال نظافة فى عطلات الجمع ولكن للاسف الآن مافى اي شخص فى مدنى بتهمه نظافة الحي البسكن فيه وعادي تلقى القمامه مكدثه فى الشوارع ده غير المتطايره فى الجو والمتراصصه على جنبات الحيط واسوار الحدائق المنزليه والمويه خارجه من البيوت كانه البلد فى حالة مطر دائم .
ياشباب البيت بتبدأ نظافته من داخله متر متر وتستمر فى الحى متر متر وفى النهايه بتبقى المنطقه كلها نظيفه لكن واحسرتاه وين الشباب البعمل الحكايه دى ، كل شخص قاعد فى الضل وبلعن فى الحكومه وبنغض فى الوالي والحال فى حاله .
طبعا البوست عن الاهتمام بالاناره وتصليح الشوارع لكن صدقونى النظافة اهم من الانارة وسفلتة الشوارع وكفانا ملاريا .


تحية أخي العزيز saleh farah

إنك تحدثت على شيء عانيت منه تماماً خلال إجازتي
في الشهر الماضي ، فأنا اسبوعياً بقوم بتنظيف القمامة
بجوار البيت . . .
وأنا قلت لك هذا لتقصير الحكومة الواضح في أبسط واجباتها
فهي توفير ( مكبات للأوساخ ) وتنظيفها بشكل دوري ، وعلى
الدولة توفير مثل هذه الأشياء وبعد تسأل المواطن عن النظافة.
فالمواطن عندما ينظف بيته وأمام بيته أي يذهب بالأوساخ ؟؟؟؟

ولك الود

[بورتبيل]

ابو الدقيق .. سلامات
لو انت حالكم كدا في مدني شرق ناس قريعتي راحت الفي عووضة وانتا طالع يقولو شنو..!!
الموضوع عايز شوية اهتمام وشوية جهود من محليات ومجالس وبلديات ولجان منبثقة من لجان
ومؤتمر يصعد الى مؤتمر الى ان تصل في النهاية الى نتيجة واحدة فقط هي :
حاول مرة اخرى ..!!

[nehroo]

إنهيار الخدمات بوادمدني حدث عندما إنهار مشروع الجزيرة
فوادمدني تعتمد أساساً على دخل مشروع الجزيرة أو ميزانيات إتحادية
في زمن ( كل زول يأكل نارو براهو)
يعني أفرض جبايات ورسوم على أهل المكان العاوز تعمل فيه خدمات




( أنا مستغرب بقولوا مافي قروش, طيب
قروش الإحتفالات الكثيرة من وييييييييين ...... ده المجنني)

[okasha]

لكم الله سكان

دردق-حى ناصر- الجزيرة- المكى- الصنيت- مايو نص-مايو40-مايو طرف-مايو جنوب-حبيب الله-اركويت-عووضة