مجلة .. مشاهير .. المنتدى [الأرشيف]

مشاهدة النسخة كاملة : مجلة .. مشاهير .. المنتدى

Madanawi

20-01-2008, 02:25 AM

http://www.arabsys.net/pic/bsm/2.gif (http://www.arabsys.net/pic/index.php)

http://www.arabsys.net/pic/bsm/7.gif (http://www.arabsys.net/pic/index.php)

مشاهير المنتدى

مجلة شهرية .. أو أسبوعية .. أو كل سنة كبيسة

توزع مجاناً تهتم بشمارات وأعضاءالمنتديات ـ السعر طرّاده أو ما يعادلها
من الذهب أو الفضة أو اليورانيوم ،

العددالخاص ـ الأحد، العشرين من شهر واحد سنة الفين وتمانية ميلادية الكبيسة

كلمةالعدد:

الإخوة الأعزّاء رواد وأعضاء المنتدى،يطل عليكم هذا العدد الخاص من مجلتكم ، مشاهير المنتدى، لأننا وبصراحة وبعد أنتم إعادة فتح مباني الجريدة التي كانت مغلقة لفترة بسبب تهجم المعارضة على الحيكومة وعدم التزام الموظفين بالعمل ولوائح الحيكومة .. كان لزاماً علينا أن نفتح مجلة تضحد الافتراءات .. وتملك الحقائق للجميع،،

يلا تعالوا بي نفسكم وشوفوا العدد الخاص ده .. وأمسكوا الخشب :

2008 سنة كبيسة
أي واحد عيد ميلادو يوم تسعة وعشرين شهر فبراير حقو يحتفل مع كاس افريقيا لانو بصراحة اليوم داك با مجلّي في السنين التلاتة القادمات .. والعاقبة بعد اربعة سنوات.

ثلاث سنوات هجرية في السنة الميلادية :
الحاجة العجيبة انو السنة الميلادية الحالية وهي سنة 2008 ستشهد مرور ثلاثة سنوات
هجرية في نفس السنة الميلادية الكبيسة دي .. وربنا يستر.
يعني السنوات 1428 و 1429 و 1430 كلها ستشهد بعض ايامها عام 2008 ودي ظاهرة
لن تتكرر الا بعد عييييييييييييييييييييييييييييييييييييك

من الظواهر التي تثبت تميز السنة الكبيسة دي ظهور الأخ خالد المسافر بعد غيبة .. لنرحب
بعودة الفارس الهمام المسافر ونقول ليهو اوعك تزوغ مننا تاني.

ود المطامير والكجور .. والدجل .. والعجل .. والفكي الماخمج أحداث عجيبة تحدث في أبوظبي

عيدروس برغم تواجده في الغربة الا انه حريص على دعمنا المستمر باحداث الرياضة في مدني.. له تحية خاصة

شاكوش مدناوية .. ود العم بدل ما يغطي القدح أداه شلوووووت .. أقصد شاكوش. وابراهيم عرفنا الودّاهو امريكا شنو

السيدة الفاضلة والدة الاخ الادمن منورة جدة الايام دي .. متعها الله بالصحة والعافية

الأخت مدنية ذهبت الى للقاهرة في رحلة الشتاء والصيف .. موفقة بإذن الله
،،و تحياتنا لي مصر المؤمنة ،،،،،

مشاهير .. مشاهير المنتدى هم :
سفروق نزار
وشنطة مدناوي
وتي شيرت الادمن
وشوارب ابوشوارب
وجني ود المطامير
وشاكوش مدناوية
وكفيل شبارقة
وكدايس اهل العوض ..
ودجاجة حسام
،،،،،،،،،،،

لقاء الاماكن في جدة أظهر لينا مدى قوة وترابط اعضاء المنتدى وأعاد لنا الذكرى الجميلة للقاءات ابناء ودمدني في الرياض والامارات ومدني والدوحة .. انشاء الله كمان دائما تامين

الأخ الشمراني .. عضو جديد بحجم الابداع .. نحييه من هذا المنبر ونقول له .. واصل يا مبدع

عزيز عيسى .. الخواجة الراكب الدراجة .. جاب لينا موضوع جميل يحكي عن رحلته من امريكا الى السودان مرورا بالامارات .. وشمارات عابرات قارات .. وعموري يستقبل الوفد المطاميري بغرفته ،،،،،،،،،،،،،،،،،

خطوبة ابوزيد : حدث الموسم والبركة في العمرة .. دعا دعا الزاهد العابد .. لمن جاب التايهة .. عفيت منك يا ابوزيد .. وما تنسي تعزمنا في العرس .. والعقيقة ،،،،

الكرسي الساخن اختفى .. وباختفاؤه لم يظهر لا نفحات الصباح
ولا عماد عبد الشكور
ولا زاهر العمده ..
أين هم يا ترى؟؟؟؟؟؟؟ ولا أييييييييييه؟؟؟؟؟

رضا حسن .. طلع ود عم حافظ الأسد

برد في الرياض .. ثلاجة وما فاهمين حاجة .. والناس خشو في هدومهم .. وأسألوا سواااح ،،

زول فردة .. أسم على مسمى ،،

فنون ادارة مع خالد النور : أتحفنا الأخ خالد بمحاضراته الجميلة في فنون الادارة والتعامل مع الآخر فله الشكر الجزيل .. وهو بحق مبدع وجميل ،،

قسم جديد بالمنتدى .. التوثيق والعمل العام .. يحتاج لدعم الجميع
ومبرووووووووووووك علينا القسم الهام .. ودالريح والحلامابي قدر المسئولية،،،،،،

غسان حسن .. وين عادم الآدمن .. والأماكن تشهد

الحلامابي وتغذية المنتدى بأعضاء جدد لله درهم .. حريفين عدييييييييييييل كده،،،،،، لك الشكر يا مستشارنا وننتظر منك دائما الابداع والدعم،،،،،،

محمد النور وباسطة .. الله يهدي سركم ويدا بيد بنقول .. يارب يا كريم .. ترخس الحريم

الفارس البنفسجي من ما نقلوهو الى بريدة .. وهو بردان ومختفي .. أظهر وبان لك الأمان،،،،،،،،،،،،،،،

الأخ أبو رجاء .. نفتقدك ولن ننساك .. ونتمنى عودتك السريعة للمنتدى،،،،، كما عدت للمملكة

الحبيب ود هاشم .. وأبو هاشم .. تعال أجرد لينا خزنة الاراضي والتيشيرتات دي،،،،،،،

مهيرة .. الأميرة .. من يوم ما ضرب الاعصار سواحل بحر العرب .. غاب الأتر

ود الطاهر...... مشى السودان ولا جزيرة العجائب؟؟؟؟؟؟؟؟؟؟؟؟؟؟؟؟؟؟؟؟ سيبو الزمن بجيبو!
مسافر يتلبد .. ويجي راجع لا حس لا خبر،،

النونيات تعود من جديد .. وشبارقة يتألق في وصف شيطان ود المطامير....... فهل جني ودالمطامير بطاريته نازلة؟؟؟؟؟؟؟

التيمان .. إمتحاااااااااااااااااان،،

طلال ود الصول ظهر .. من جديد ،،

عمر البشير عمدة النفاج .. قلع العمة ولبس التاج فهل هو الحجاج؟؟

114 .. سوباوي وبورتو البرتقالي "بورتبيل" .. طاقم سفينة ثقافة المنتدى .. نقول لكل واحد منهم
أنت الرجل المناسب في المكان المناسب،،،،،،،،،

النور الوريف.. ما داير ريف ولا عيش ريف .. وقال الحل لكل المشاكل هو انشاء مدينة الأيكوسيتي .. بالله .. لا ظريف،،

أبو النور .. جاب ليهو ظرافة على مساخة على شوية غتاتة وولع المنتدى بي جاز .. ما أبو النور

مختار بازي .. وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنيس .. هل هو العريس؟؟؟؟؟؟؟؟؟؟؟؟؟؟؟؟؟؟

المميّز .. فات الكبار والقدرو .. وما لقا زول يعبّرو

أبو مازن .. كل ما نلاقيهو .. تصب مطرة .. أخدر تب!!

الأستاذ بدرالدين عامل ليهو عيزومة سمك في امسويقو .. الله يستر ما يكون سمك مرسوم،،

أهداء من معتز ود الريح الى محبوبته:

حروف اسمك جمال الفال وراحة البال

والحقيقة الضايعة بين قلبي وعيونك

وكان بقينا حيين .. راجعين .. باذن الله ،،،،،

سواااح

20-01-2008, 04:08 AM

والله يا عمك
بقيت شمشار درج اولي
كدي بكرة ما بتجينا تشوف
مانشستر بسوي شنو ؟؟

بنت الرفاعي

20-01-2008, 05:51 AM

معتز الريح

20-01-2008, 07:59 AM

الحبيب .. إبداع ..
لكن ما نسيت تذكر من المشاهير
(حبيبة مدني) وعنوان موضوعها الشهير..

"مشرف يغازل بنات المنتدى" ..

المسافر

20-01-2008, 08:02 AM

لكن يا مدناوي ما منك . . . من العليك
أنا من زمان قلت ليك فضفض لينـــا
بس ما للدرجة دي . . .
( سكت دهراً ونطق كفرا ) . .

ابوندى

20-01-2008, 08:15 AM

طلال الصول

20-01-2008, 08:08 PM

مجلة ولا كل المجلات يا مدناوي الله يزيد ويبارك

Madanawi

20-01-2008, 09:35 PM

والله يا عمك
بقيت شمشار درج اولي
كدي بكرة ما بتجينا تشوف
مانشستر بسوي شنو ؟؟

سامي .. سام .. ستة
والمان يونايتد..
في التلاجة .. دي .. معاكم بوجداننا بس
يا حبيب،،
الرياض .. اصبحت ستوكهولم العرب،،

Madanawi

20-01-2008, 09:48 PM

Madanawi؟؟؟؟؟؟؟؟؟؟؟؟؟؟؟:confused::confused::eek::e ek:
لكن ماطلعت عجيييييييييييييييييييييييب وفت أخونا شبارقة (إفتكرتك على طول جااااادي في حياتك و.........و........، الحمدلله طلعت زينا!!!!!!!!!!!!!!!!!!!):confused::eek::D:p:p:p

ومجلتك 1000%

السيف أصدق انباءً من الكتب ..
في حده الحد بين الجد واللعب ..

نجمتنا .. ونجمة كل الشهور مرام
شبارقة أفوكاتو .. يعني جداع بعيد
في الكلام .. لكن انا فقط مدناوي..
لك مني الود قبل التحية..

Madanawi

20-01-2008, 09:53 PM

الحبيب .. إبداع ..
لكن ما نسيت تذكر من المشاهير
(حبيبة مدني) وعنوان موضوعها الشهير..

"مشرف يغازل بنات المنتدى" ..

الحمد لله .. الكلام دا طلع في منتدى آخر ..

وحبيبة مدني .. كما هي مدني .. في حدقات العيون

دمت .. ودامت هي .. بكل الود ..

النور محمد يوسف

20-01-2008, 10:01 PM

Madanawi

20-01-2008, 10:09 PM

لكن يا مدناوي ما منك . . . من العليك
أنا من زمان قلت ليك فضفض لينـــا
بس ما للدرجة دي . . .
( سكت دهراً ونطق كفرا ) . .

أصلو العلي .. ما مر يوم .. بخيال بشر

كنت .. مستنيك .. يا المسافر

وبعودتك .. سال الدم مطر ،،

شبارقة

20-01-2008, 10:17 PM

Madanawi

20-01-2008, 10:27 PM

لكن ابددددددددداع يا Madanawi
والله ما قايلنك كدة
انا قلت مدناوى دا لو لاقيناه حيكون جادى ومسالم وذى الالفة الفى الفصل
وقد نطلع بابتسامة ...........لكن ضحك ,,اصلو ما ممكن
لكن بعد دا عرفناك يا اخوى وعرفنا الحاجات الحلوة دى
مزيداً من الابددددددددداع

وبالله ما تنسى جلالالالالة من المشاهير
عاوزين شماراتو

وكده .. كيف؟؟؟
أنا جادي .. فيما يلزم الجد
ومسالم .. على طول الخط
الفة في الفصل دي ما جربتها نهائي ..
وتذكر ان تبسمك في وجه أخيك .. صدقة،،

جلالة نجم النجوم .. وأخو الأخوان
وبالتأكيد .. علم في رأسه نار
وقلم في خطه منار..
ومحطة من محطات الابداع في منتدانا,,

Madanawi

20-01-2008, 10:36 PM

مجلة ولا كل المجلات يا مدناوي الله يزيد ويبارك

بعودتك .. وعودة المبدعين الغائبين
تكتمل الصورة الجميلة .. وناس استاذ بدرالدين
يرسمو لينا سمك .. ويعزمونا رسومات،،

بورتبيل

20-01-2008, 10:41 PM

الحيكومة طلعت جريدة!!
جبتو خبر يا أولاد (دجو)...
والله يا ها الناقصة يا مدناوينا الناضم الأصلي بلسان الحيكومة ..
والله وقوت شوكتكم يا ناس الحيكومة !!

برانا:
ابداااااااااااااااااااااااااااااااااااااع

صحفي خارج النص

الحبيب .. إبداع ..
لكن ما نسيت تذكر من المشاهير
(حبيبة مدني) وعنوان موضوعها الشهير..

"مشرف يغازل بنات المنتدى" ..

الموضوع دا من السنة الفاتت !! على ما اعتقد .. شوفو المشرفين القدام :o

أبو مازن .. كل ما نلاقيهو .. تصب مطرة .. أخدر تب!!

الاخدر لونه خمري ... المطرة دي ما بشارة سمحة تب .. عقبال محمد النور ..

Madanawi

20-01-2008, 10:44 PM

مدناوي ..بالجد خطييييييييير

والله الشنطة دي مليانة حاجات ...... يارب تندفق هسسسسسع قدامنا كلها ..... حندكتنا بهذه الابداعات .....اتارييييييك راصد كل حاجة ......منك خوف .......مدناوي !!!!!

وياريت لو كنا عارفين أنك بالحلاوة دي من زمان ..... كان المنتدى دا امتلأ بالـ.......

بس المحيرني حتى الان هو اصرارك على الريف ......ما تخليك مدناوي على طول

آها ....عاوزنا نكتب ليك شنو في المجلة دي عشان ما تنحجب .....والله يغطيها من العين

الخطير بالجد .. هو مقترحك بتاع اليكوسيتي .. بس الله يستر من مخ البشر .. لمن ينداح..

الشنطة دي لو اندفقت .. في مكان اتمنى ان يكون برج تجارة دبي .. موقع معرض جايتكس
للكمبيوتر .. المكان الذي أخذت فيه هذه الصورة.. عشان اتصور بالشنطة الجديدة ومكتوب عليها

مدينة .. الأيكوسيتي ..
مدناوي .. الأيكوسيتي..

انت يا استاذ النور تكتب ما تشاء .. فكل ما تكتبه .. مفيد وان خالفناك الرأي في بعضه،،
ارجو ان لا تحرمنا من ابداعاتك .. ولا تنسى انني متابع جيد،،

Madanawi

20-01-2008, 11:52 PM

الحيكومة طلعت جريدة!!

يا شبارقة .. انت في ظل حيكومة رشيدة

تطلب تلقى .. طوالي ..

وهذا هو طلبك .. في جريدتك الأخيرة

يااااااااااااا حليل ناس بت الحاج وعمي العمدة !!
زمن يا Madanawi العزيز!!

العدد الجاي عليك يا خوي ، ألبع صدرك !!

ابوالنور

21-01-2008, 12:24 AM

وحاة اللة مافي كلام ربنا يحفظك ويغطي عليك
تربية حبوبات مش

Madanawi

21-01-2008, 01:14 AM

تربية - حبوبات

دا قسم جديد في كلية التربية

ولا شنو .. يا ابو الكهارب؟؟

مدنيّة

21-01-2008, 03:42 AM

المجلة شكلها فاااهمة يا التوم
بس ما تميت قرايتها
بمشي وبجي اقراها بمزاااج باذن الله

هشام السماني إبراهيم

21-01-2008, 04:41 AM

غايتو يامدناوي طلعت وسرحت بعيد وفرحتنا معاك

خليك دايما كدا ((قريب )) وماتطول علينا الغيبة

ابووضاح

21-01-2008, 04:48 AM

والله يامدناوي لم شفتك بالشنطة

قلت لاحولة ولاقوة إلا بالله بتاع الضرايب الجابوا
هنا شنو ههههههههههههههههههههههههههه

أسماء الشريف

21-01-2008, 04:55 AM

شكرا يامدناوي علي الفكره الجميله دي
وبالتوفيق يارب

Madanawi

21-01-2008, 05:01 AM

غايتو يامدناوي طلعت وسرحت بعيد وفرحتنا معاك

خليك دايما كدا ((قريب )) وماتطول علينا الغيبة

اسعد الله أوقاتكم بكل خير
من يستطيع الغياب عن بيته وأهله؟؟

Madanawi

21-01-2008, 05:03 AM

والله يامدناوي لم شفتك بالشنطة

قلت لاحولة ولاقوة إلا بالله بتاع الضرايب الجابوا
هنا شنو ههههههههههههههههههههههههههه

لسه الضرائب ما وصلت هنا يا عزيزي ابو وضاح
بس لو عاوز تدفع .. انا بديك رقم الحساب..........

Madanawi

21-01-2008, 05:07 AM

المجلة شكلها فاااهمة يا التوم
بس ما تميت قرايتها
بمشي وبجي اقراها بمزاااج باذن الله

تمشي وتجي بالسلامة يا مدنية ..

على مهلتك .. وبي مزاج المزاج،،

ننتظرك ،،

عزيز عيسى

21-01-2008, 05:21 AM

عزيز عيسى .. الخواجة الراكب الدراجة .. جاب لينا موضوع جميل يحكي عن رحلته من امريكا الى السودان مرورا بالامارات .. وشمارات عابرات قارات .. وعموري يستقبل الوفد المطاميري بغرفته ،،،،،،،،،،،،،،،،،
الله ،،،،،
الله يجازي محنك يا مدناوي حتى شماراتي جايبها في مجلتك؟
غايتو مجلتك دي لو كانت بالقلم والصورة كان فضحتنا..
الحمد لله كنت راكب البتاعة أم ثلاثة عجلات ديك أي تذكرتها
الركشة.. ركوب العجلات بطلته في مدني من بخروني بالشطة.
عموري لسه منتظر وصول وفد المطامير.. ولحدي الآن موفر
أربعة دولارات و35 سنت لتغطية مصاريف الإقامة في غرفته
ووجبات ورسوم فسحة في المدينة.
لكن ما تقول لي إبداع.. واصل..
أها رسوم الإشتراك الشهري كم؟

عمر البشير

21-01-2008, 07:39 AM

عمر البشير عمدة النفاج .. قلع العمة ولبس التاج فهل هو الحجاج؟؟

الا اقول ليك اني اري روسا قد اينعت عشان تعرفني.

ود المطامير

21-01-2008, 09:58 AM

http://www.arabsys.net/pic/bsm/2.gif (http://www.arabsys.net/pic/index.php)

http://www.arabsys.net/pic/bsm/7.gif (http://www.arabsys.net/pic/index.php)

ود المطامير والكجور .. والدجل .. والعجل .. والفكي الماخمج أحداث عجيبة تحدث في أبوظبي

أى والله يا حبيب قلبى أبوشنطه
صاحبك قرب يفطسنى بالحيا

عمّى أبوشوارب زمان لقى ليهو سرسار يتنفس بهو بفرد نخره
أنا والله مالقيت ربع نخره وقربت أروح فيها ولو إنت جيتنا تانى بوديك ليهو تب

ود المطامير

21-01-2008, 10:05 AM

http://www.arabsys.net/pic/bsm/2.gif (http://www.arabsys.net/pic/index.php)

http://www.arabsys.net/pic/bsm/7.gif (http://www.arabsys.net/pic/index.php)

مشاهير المنتدى

مشاهير .. مشاهير المنتدى هم :
سفروق نزار

سفروق نزار ياتو الزمان ولأ اللى هسى ؟
الزمان أنا كنت بضرب ليهو تلفون علشان
يشذب لى العُشب فى النفاج والله ما كان بقصر معاى
ياترى هسى مقصه بلحق النفاج ؟

moh_alnour

21-01-2008, 05:04 PM

الأخ : مدناوي
سلامات يا زول يا رائع
والله لو كان لقيت لي خبر عن عودة تسابيح مبارك خاطر للنيل الأزرق كان قلت عليها جريدة الدار بس ربك ستر .
ما شاء الله تبارك الله شمارك مغربل وناعم الظاهر السحانة جديدة وأول إستعمال .
عجزنا وما أنجزنا ، والفضيحة والسترة متباريات بس كشفتو حالي أنت وبورتبيل .
بمناسبة الكديسة باسطة بعد الصلعة دي طلع الدفعة 25 حاسوب ، شوفت البورة المأسسة دي .

ودتابر

21-01-2008, 10:01 PM

العزيز .. Madanawi

ما أروع الشمارات عندما تتشكل بهذا الإبداع المشوق .. ورغم حداثة عهدي بمنتدياتكم العملاقة .. .. إلا أنني كل يوم أكتشف منابع الروعة والإبداع .. فعندما أقرأ موضوع أجد فيه متعة التشوق والإستمتاع بالكلمة .. وعندما أنتقل للآخر .. تتواصل الروعة .. وكادت بشماراتكم وأخباركم تكتمل اللوحة ..

ولكن في قرارة نفسي متيقن بأن الإبداع لن ينضب في أي لحظة .. لأن المنتديات آتية من رحم المحنة (( قلب الجزيرة )) الدافق الذي لا ينضب .

ولك ودي

ابراهيم

21-01-2008, 11:22 PM

وابراهيم عرفنا الودّاهو امريكا شنو

إنشاءالله ما يكون شاكوش :confused:

جريدتك سمحة تب زي جريدة ود اللمين
اها يا مدناوي تديني عمود ولا بقيني مراسل
وما بتندم تب

شاكسس

21-01-2008, 11:28 PM

التيمان .. إمتحاااااااااااااااااان،،

شايفك فى الصوره شايل

شنطه قلت انت ممتحن معانا ولا شنو

114

22-01-2008, 06:24 AM

مدناوي

لخصت المنتدى كلو من اول عدد..

والعدد الأول طلع رهيب، ومتميز، وراقي المستوى

مزيد من الأعداد الدسمة دي

Madanawi

22-01-2008, 11:53 PM

الله يجازي محنك يا مدناوي حتى شماراتي جايبها في مجلتك؟
غايتو مجلتك دي لو كانت بالقلم والصورة كان فضحتنا..
الحمد لله كنت راكب البتاعة أم ثلاثة عجلات ديك أي تذكرتها
الركشة.. ركوب العجلات بطلته في مدني من بخروني بالشطة.
عموري لسه منتظر وصول وفد المطامير.. ولحدي الآن موفر
أربعة دولارات و35 سنت لتغطية مصاريف الإقامة في غرفته
ووجبات ورسوم فسحة في المدينة.
لكن ما تقول لي إبداع.. واصل..
أها رسوم الإشتراك الشهري كم؟

رسوم الاشتراك يا عزيزي عزيز .. أربعة دولارات و35 سنت!!
يعني ال .. في .. جيبك .. هاتو !!

Madanawi

22-01-2008, 11:59 PM

ولو إنت جيتنا تانى بوديك ليهو تب

أهلنا .. قالو .. الني .. للنار ..
دايرني اتبخر زي المارتديلا .. ولا شنو؟؟
شوف ليك .. ضحية تاني يا معلم،،

Madanawi

23-01-2008, 12:17 AM

مدناوي

لخصت المنتدى كلو من اول عدد..

والعدد الأول طلع رهيب، ومتميز، وراقي المستوى

مزيد من الأعداد الدسمة دي

بدعمكم .. وحضوركم المتميز
يتواصل المسير،،

Madanawi

23-01-2008, 12:20 AM

باسطة بعد الصلعة دي طلع الدفعة 25 حاسوب ، شوفت البورة المأسسة دي .

بالجد ؟ .. والله .. كلام يا باسطة !!

Madanawi

23-01-2008, 12:22 AM

Madanawi

23-01-2008, 12:23 AM

إنشاءالله ما يكون شاكوش :confused:

جريدتك سمحة تب زي جريدة ود اللمين
اها يا مدناوي تديني عمود ولا بقيني مراسل
وما بتندم تب

راسل .. يا مراسل
وخلينا عمود .. الشواكيش المرتدة
عشان عمود الشواكيش حجزته مدناوية
,,,,,,,,,

Madanawi

23-01-2008, 12:55 AM

إنشاءالله ما يكون شاكوش :confused:

جريدتك سمحة تب زي جريدة ود اللمين
اها يا مدناوي تديني عمود ولا بقيني مراسل
وما بتندم تب

راسل يا مراسل
اديناك عمود الشواكيش المرتدة
لانو عمود الشواكيش حجزتو مدناوية
،،،،،،،،،،،،،،،

Madanawi

23-01-2008, 12:55 AM

التيمان .. إمتحاااااااااااااااااان،،

شايفك فى الصوره شايل

شنطه قلت انت ممتحن معانا ولا شنو

معاكم .. لي .. آخر المدى

،،،،،،،،،،،،،،،،،،،،،،،،،

كاتم الأحزان

23-01-2008, 03:37 AM

Madanawi العزيز الغالي

لكن يا مدناوي ما منك . . . من العليك
أنا من زمان قلت ليك فضفض لينـــا
بس ما للدرجة دي . . .
( سكت دهراً ونطق كفرا ) . .

لاتعليق يديك العافية لكن جد عجيب
وفقك الله وأعانك على إكتشاف الجديد من الشمارات

باسطه

23-01-2008, 03:55 AM

الأخ : مدناوي
سلامات يا زول يا رائع
بمناسبة الكديسة باسطة بعد الصلعة دي طلع الدفعة 25 حاسوب ، شوفت البورة المأسسة دي .

إنته قايلني قدرك ولا قدرك بعدين داير تعمل لي سمعه مالك وينا الصلعه هسي؟؟؟:mad::mad::mad:

بعدين هووووووووووووي وتاني هووووووووووي أمشي فتش الناس البايرين وين أخوك مأسس ( على قولة أخونا هشام الشرح يفسده )

والعارف عزو كلام الناس مابهزوا ( الكلام ليك يا المنطط عينيك ) :D:D:D

ريانية

23-01-2008, 05:36 AM

مجلتك روعة يا مدناوي واحيك..

محمد السر احمد

23-01-2008, 08:09 AM

الاخ مدناوي لكن التحية والتجلا
وعدد رهييييييييييييييييييييب ماف كلام
وكمبات من الشوق

moh_alnour

23-01-2008, 04:21 PM

إنته قايلني قدرك ولا قدرك بعدين داير تعمل لي سمعه مالك وينا الصلعه هسي؟؟؟:mad::mad::mad:
بعدين هووووووووووووي وتاني هووووووووووي أمشي فتش الناس البايرين وين أخوك مأسس ( على قولة أخونا هشام الشرح يفسده )

والعارف عزو كلام الناس مابهزوا ( الكلام ليك يا المنطط عينيك ) :D:D:D

بعد أذنك يا مدناوي يا أخوي
في ناس كدا ما بفهمو إلا من مرتين تلاتة
يا باسطة
يخرب بيت شكلك ، صحي والله زي ما قال هشام الشرح بفسد
والفي بطنو something براهو dancing
البورة المأسسة قاصدين بيها ناس تانين يا فضيحة يا مكشوف الحال
يعني في داعي تخلونا نفك أخرنا كدا

Madanawi

23-01-2008, 09:53 PM

Madanawi العزيز الغالي

لاتعليق يديك العافية لكن جد عجيب
وفقك الله وأعانك على إكتشاف الجديد من الشمارات

آمين .. يا رب

وأيّاك يا عزيزي ..

Madanawi

23-01-2008, 09:55 PM

مجلتك روعة يا مدناوي واحيك..

التحية لك .. يا ريانية
ولكل الريّانين خاصة .. والقطريين بصفة عامة ..

Madanawi

23-01-2008, 09:57 PM

الاخ مدناوي لكن التحية والتجلا
وعدد رهييييييييييييييييييييب ماف كلام
وكمبات من الشوق

ولدنا .. ود السر
حبابك يا أخوي .. والشوق ليك .. "بحر"
نوّرت البوست .. والمنتدى
أرجو أن لا تختفي .. ثانية
فغيبتك لها .. بالغ الأثر،،

ابراهيم

23-01-2008, 10:17 PM

راسل يا مراسل
اديناك عمود الشواكيش المرتدة
لانو عمود الشواكيش حجزتو مدناوية
،،،،،،،،،،،،،،،

انت ليه مصر توديني محل الشواكيش؟؟

باسطه

23-01-2008, 10:30 PM

بعد أذنك يا مدناوي يا أخوي
في ناس كدا ما بفهمو إلا من مرتين تلاتة
يا باسطة
يخرب بيت شكلك ، صحي والله زي ما قال هشام الشرح بفسد
والفي بطنو something براهو dancing
البورة المأسسة قاصدين بيها ناس تانين يا فضيحة يا مكشوف الحال
يعني في داعي تخلونا نفك أخرنا كدا

ههههههههههههههههههههههههههههههههههههههههه
هههههههههههههههههااااااااااااااااااااااااااااااااا ااي

يخرب بيتك شرطه مصاريني بالضحك

خلاص ماتزعل نفسك تقوووم عروووقك تطق

لكن لقيت لكن درب شفته الزول البتنرفز ده زولي

الزبير محمد عبدالفضيل

23-01-2008, 11:02 PM

صراحه يامدناوي ماخليت ليك زووول تحيه للابداع الرائع يا راقي

moh_alnour

24-01-2008, 04:36 PM

انت ليه مصر توديني محل الشواكيش؟؟

مافي معلوم
صحي يا مدناوي جاري دا مالك مُصر توديهو قسم الشواكيش
برهوتا دا تخصصو كمبيوتر

محمد السر احمد

25-01-2008, 03:08 AM

ولدنا .. ود السر
حبابك يا أخوي .. والشوق ليك .. "بحر"
نوّرت البوست .. والمنتدى
أرجو أن لا تختفي .. ثانية
فغيبتك لها .. بالغ الأثر،،

تسلم حبيبنا ود طه
وانشاء الله الواحد يحاول ما بختفي مرة تانية

مدناوية

25-01-2008, 09:52 PM

شاكوش مدناوية .. ود العم بدل ما يغطي القدح أداه شلوووووت .. أقصد شاكوش. وابراهيم عرفنا الودّاهو امريكا شنو

عاد يامدناوي ما إتلومته معاي
شاكوشي إشتهر في المجلات والجرايد
دي حالة سأبة شديد

لكن ماشاء الله يامدناوي مجلة ممتازة ورائعة
بالتوفيق وإلى الأمام

مدناوية

25-01-2008, 09:55 PM

راسل .. يا مراسل
وخلينا عمود .. الشواكيش المرتدة
عشان عمود الشواكيش حجزته مدناوية
,,,,,,,,,

مدناوي كان إبراهيم مصر على عامود الشواكيش أنا متنازله ليهو عنو

وشوف لي عامود غيرو إن شاء الله عامود غداء

Madanawi

26-01-2008, 12:39 AM

مافي معلوم

صحي يا مدناوي جاري دا مالك مُصر توديهو قسم الشواكيش

برهوتا دا تخصصو كمبيوتر

أنا مصر أديهو عمود الشواكيش
عشان شاكوشه .. عابر قارات .. وعنقودي
يعني .. فايت الناس .. ولحاق بعيد ..
أها .. رأيك شنو؟؟

Madanawi

26-01-2008, 12:40 AM

صراحه يامدناوي ماخليت ليك زووول تحيه للابداع الرائع يا راقي

الروعة .. تستمد .. من شلالات .. ود
مصدرها .. تواجدكم الدائم .. ومشاركتكم الأنيقة
،،،،،،،،،،،،،

Madanawi

26-01-2008, 12:42 AM

مدناوي كان إبراهيم مصر على عامود الشواكيش أنا متنازله ليهو عنو

وشوف لي عامود غيرو إن شاء الله عامود غداء

هو ما مصر يا مدناوية
بالعكس .. عامل زايغ من الموضوع
عشان .. ما يصحّي .. فيهو .. الأنهدم
من جديد ..
وليك علي .. عمود غداء .. مدنكل ،،

Madanawi

26-01-2008, 12:50 AM

تسلم حبيبنا ود طه
وانشاء الله الواحد يحاول ما بختفي مرة تانية

ده .. الكلام يا حمادة
وبعودتك . وعودة كل النجوم
يسري الدم .. من جديد .. بلون جديد
في عروق المنتدى ،،

عثمان جلالة

26-01-2008, 05:21 AM

وكده .. كيف؟؟؟
أنا جادي .. فيما يلزم الجد
ومسالم .. على طول الخط
الفة في الفصل دي ما جربتها نهائي ..
وتذكر ان تبسمك في وجه أخيك .. صدقة،،

جلالة نجم النجوم .. وأخو الأخوان
وبالتأكيد .. علم في رأسه نار
وقلم في خطه منار..
ومحطة من محطات الابداع في منتدانا,,

والله يا مدناوي حاجه ... استا بالنا ... وحبننن بالبنن ... (عنكوليب) بس ... حاجه طاعمه ... والشكر عبرك موصول لنجمنا أبو ندي .... وحقيقة الأمر انت نجم كل الشهور ... بس ما تحرمونا من الابداعات دي .... معليش جينا متأخرين .. للغياب في ظروف عملية :p

moh_alnour

26-01-2008, 03:52 PM

أنا مصر أديهو عمود الشواكيش
عشان شاكوشه .. عابر قارات .. وعنقودي
يعني .. فايت الناس .. ولحاق بعيد ..
أها .. رأيك شنو؟؟

والله بعد القولتو دا ، الرأي رأيك يا مدناوي

صلاح الدين

27-01-2008, 11:50 AM

المجلة ظريفة جدا بنتمنى ليك كل التوفيق . وربنا يزيد ويبارك

Madanawi

28-01-2008, 03:17 AM

والله يا مدناوي حاجه ... استا بالنا ... وحبننن بالبنن ... (عنكوليب) بس ... حاجه طاعمه ... والشكر عبرك موصول لنجمنا أبو ندي .... وحقيقة الأمر انت نجم كل الشهور ... بس ما تحرمونا من الابداعات دي .... معليش جينا متأخرين .. للغياب في ظروف عملية :p

نحن دائما نجد لك العذر يا جلالة
فأنت .. ياك .. إنت!!
نتمنى زوال الظروف العملية بسرعة
حتى يعود جلالة الى قلب الحدث...

Madanawi

28-01-2008, 04:13 AM

المجلة ظريفة جدا بنتمنى ليك كل التوفيق . وربنا يزيد ويبارك

الاستاذ الراقي ..
صلاح الدين ..
مشكور على المرور .. الذي هو قمة الأبداع
وتمنياتي بالتوفيق للجميع،،

ريانية

28-01-2008, 05:19 AM

تشكراتي لك يا مدناوي..

Madanawi

28-01-2008, 10:30 PM

تشكراتي لك يا مدناوي..

الشكر أولاً لله عزيزتي .. ريانية!!
ثم الشكر لك .. على المرور الكريم!!

ahmed algam

04-09-2011, 01:20 AM

up >>> up

ahmed algam

04-09-2011, 01:25 AM

ناس الزمن الجميل

ريانية

ابراهيم

محمد السر احمد

بورتبيل

شبارقة

عمر البشير

النور محمد يوسف

عزيز عيسى

كاتم الأحزان

طلال الصول

أسماء محمد الشريف

صلاح الدين

ابوندى

ابووضاح

شاكسس

هشام السماني إبراهيم

دتابر

الزبير محمد عبدالفضيل

مدنيّة

04-09-2011, 01:26 AM

up >>> up

معك يا أحمد بقول
up

بدر الدين محمد

04-09-2011, 05:07 AM

التعديل الأخير تم بواسطة Madanawi ; 20-01-2008 الساعة 05:16

اها العدد الاول حفظناه من الغلاف لي الغلاف

والله كان رائع روعة مدناوي

اين العدد الثاني
والثالث
والرابع

شكرا احمد علقم ومدنية على بعث المجلة من جديد
وكل سنة مدناوي واحمد علقم ومدنية بخير