بخرات .. وحركات طلبه .. تقدم وتأخر ..

[معتز الريح]

البخرات ومفردها بخرة ..
وهنا أقصد المعنى المعروف في العرف الطلابي ..

[معتز الريح]

لها أساليب متطورة ..
فبخرات عهدنا القريب تختلف
من بخرات ناس عم رضا
تختلف عما هي عليه اليوم ..

وكما الأشياء تتطور .. البخرات تتطور ..

[معتز الريح]

أما حركات الطلبة فالمقصود بها ..
كل الأساليب الغير مشروعة للتحايل
بقصد النجاح أو الغياب أو كسب من غير حق ..

[معتز الريح]

وهناك مواد البخرات فيها واجبه ..
كما هناك مواد البخرات فيها فرض كفاية (للناس البشفوا)..

[سواااح]

شنو يا معتز ؟؟
مالك بفتفتش في الفضائح ؟؟
يعني عايز نزار حسن يجي يوريك
كان بعمل شنو زمااااااااان في الفصل ؟؟

[معتز الريح]

تعرف يا ضياء ..
أبوالنيز كان تبع الناس البتذاكر ..
مش ساكن بركات السرايات؟؟

[النور محمد يوسف]

تعرف يا ضياء ..
أبوالنيز كان تبع الناس البتذاكر ..
مش ساكن بركات السرايات؟؟

واصل أخي معتز...عاوزين نعرف ....بس من باب الاحتياط آخر ما وصلت اليه طريقة البخرات خاصة مع التقدم التكنلوجي والجوالات والكاميرات في حجم خرم الابرة مع السماعات التي تعمل بالذبذبات مباشرة في الجلد بدون المرور على الصيوان "الاذن الخارجية" ؟؟؟؟

ولك تحياتي

[Madanawi]

بالجد يا معتز مع
البلوتوث .. والويرلس
البخرة تمشي في المراقبين
زي السحر .. وتقدم التكنلوجيا
دائما ما يصطحب
تيار معاكس .. وخطير،،

[معتز الريح]

واصل أخي معتز...عاوزين نعرف ....بس من باب الاحتياط آخر ما وصلت اليه طريقة البخرات خاصة مع التقدم التكنلوجي والجوالات والكاميرات في حجم خرم الابرة مع السماعات التي تعمل بالذبذبات مباشرة في الجلد بدون المرور على الصيوان "الاذن الخارجية" ؟؟؟؟
ولك تحياتي


حباب النور محمد يوسف ..

والله آخر ما وصل البخرات من تطور ما بعرفوا
نحنا ناس الكتابة الدقاقة ..

عملت البوست ده عشان أشوف الجديد شنو
كدي تابع معاي

[معتز الريح]

بالجد يا معتز مع
البلوتوث .. والويرلس



ياخي دي بخرات مكلفة جداً ..
ومعداتها غالية ..

لكن كدي أشرحها ..

[معتز الريح]

الغريبة أنو الناس زمان تساهر للصباح
عشان تكتب البخرة ..
في حين أنو بسهروا ده كان حفظ البخرة ..
وكفى الله المؤمنين شر القتال

[moh_alnour]

ود الريح في داعي لي دق الصفايح
ما تخليها مغطية

[معتز الريح]

ود الريح في داعي لي دق الصفايح
ما تخليها مغطية


أنا ما جاي زول فضايح ..
أنا جاي للجوانب الإبداعية والفنية في البخرات

[ريانية]

كان للابداعات الإبداعات كثيرة وحا تكثر ...

[GREY MAN]

كدي يا ود الريح اقعد في الواطه وورينا لمساتك لتطور البخره .باالدرجي ااااااااخر مساهمه منك للتطور.

[مرتضى يوسف العركي]

اول مرة اسمع بالبخرة ...البعرفها بتاعت الفقير
الكلام ده وين او بمعنى اصح انا كنتت وين يا ود الريح
على ما ازكر قذف لي احدهم ببخرة في امتحانات الجامعة فلم استفد منها بسبب زميلة لي خلفي مباشرة خشيت ان تكفش مننا فقمت بقذفها اليها بحركة وواصلت فما كان الا من زميلتي المجاورة الا ان همست بان البت غمرت من الخوف فالتفت ووجدتها راسها على الدرج فاكتفيت فقط باستعادة البخرة فاستعادت على التو وعيها ( ما قلتو نوبه ) الا انها واصلت في طلب التملية ........ايام نسال الله المغفرة

[محمد أحمد الشيخ]

طبعا يا معتز أيام المتوسطه كنا بنشف من أخوخ صداح لأنو كان أول الفصل وطبعا هو شفت بشففنا بمزاجو وعندو ناسات يعني ناس بشففم وناس لا .
يوم كان عندنا أمتحان فيزياء وأستاذا عصام عموش ربنا أطرأ بالخير ، عموش جاء خاش الفصل لقي ليك الشطار كلهم قاعدين ليك جمبي وأحد يميني وأحد شمالي ووأحد قدامي وأحد وراي . قام وزع ورق الأمتحان وقال لي يا باسطة شيل ورقتق وتعال أقعد قدام ...
وحات الله لمان قلي كدا الفصل كلو قعد أضحك

[بنت الرفاعي]

بالفعل للغش والبخرات فنون وفي طرق كتيرة وعجيبة بسمع بيها.
عندنا صاحبتنا في الجامعة بروف في الغش ومابتخاف كلو كلو ماشاءالله تكون كاتبة المادة كلها وتجي داخلة بإطمئنان الإمتحان، طبعا نحن بنستغرب فيها وفي الثقة بتاعتها والغريب إنها بتجيب أعلى مننا ، ياخي البت دي من شدة ماقوية ومابتخاف من إنو يكشفوها مرة دخلت بمذكرة مادة كاملة!!!! مرات لما نتزنق زنقة شديدة بنتمنى لو عندنا جرأتها وعدم خوفه لكن أول شي بنخاف من ربنا.

(مرة حاولنا نجرب ولكن من يجرؤ؟؟؟؟!!!!):confused::eek::D

[معتز الريح]

كان للابداعات الإبداعات كثيرة وحا تكثر ...


مرحب بيك يا ريانية
أيام كنا طلبه (وده ما بعيد شديد) ..
كانت البخرات أعلى مرحلة من التقليدية ..
يعني طلعت أسامي بخرات (أكوريدون ، لستكية ، قماشية، ....)
على حسب سمعي ..

عايزين نشوف الجديد

[معتز الريح]

كدي يا ود الريح اقعد في الواطه وورينا لمساتك لتطور البخره .باالدرجي ااااااااخر مساهمه منك للتطور.


انا ياحبيب تلميذ مجتهد ..
وزول مسيكين ..

كانت البخرات بتعجبني عند صاحبك (س . م) عرفتو؟
كان أستاذ فيها ..
وفي الجوابات الغرامية ..

[معتز الريح]

اول مرة اسمع بالبخرة ...البعرفها بتاعت الفقير



ديك بتتحرق ..
ودي بتتنقل ..



الا انها واصلت في طلب التملية ...


زميلتكم دي مفتحة باعتبار انو
لو المراقب قبضك بدبس ليك البخرة مع الورقة ..
لكن لوقبضها بتشف ما بقدر يدبس ليها أداة الجريمة ..

[معتز الريح]

يوم كان عندنا أمتحان فيزياء وأستاذا عصام عموش ربنا أطرأ بالخير ، عموش جاء خاش الفصل لقي ليك الشطار كلهم قاعدين ليك جمبي وأحد يميني وأحد شمالي ووأحد قدامي وأحد وراي . قام وزع ورق الأمتحان وقال لي يا باسطة شيل ورقتق وتعال أقعد قدام ...
وحات الله لمان قلي كدا الفصل كلو قعد أضحك


طبعاً يا حبيب ..
حاجتين بتتعب حامل البخرات ..
1) الأستاذ الشفت ..
2) الأستاذ اللابس نظارة سوداء ..

وحبيبنا عصام شفت مافي شك ..

[معتز الريح]

بالفعل للغش والبخرات فنون وفي طرق كتيرة وعجيبة بسمع بيها.
عندنا صاحبتنا في الجامعة بروف في الغش ومابتخاف كلو كلو ماشاءالله تكون كاتبة المادة كلها وتجي داخلة بإطمئنان الإمتحان، طبعا نحن بنستغرب فيها وفي الثقة بتاعتها والغريب إنها بتجيب أعلى مننا ، ياخي البت دي من شدة ماقوية ومابتخاف من إنو يكشفوها مرة دخلت بمذكرة مادة كاملة!!!! مرات لما نتزنق زنقة شديدة بنتمنى لو عندنا جرأتها وعدم خوفه لكن أول شي بنخاف من ربنا.

(مرة حاولنا نجرب ولكن من يجرؤ؟؟؟؟!!!!):confused::eek::D


أخطر نوع من أنواع البخرات
البمسكوا ببخر في امتحان الجامعة ..
أقلاها فصل سنتين .. ده لو سامحوهو ..

زميلتك دي ذكرتني زميلة لينا
الله يطراها بالخير .. نفس العينة ..
لكن بتاعتنا أشجع من بتاعتك بدرجة ..

[معتز الريح]

الموضوع كبير وذو شجون ..
وكما ذكرت الشغلانه فيها ذكاء وفن وسرعة البديهة

والذكاء يتمثل في انك تخمن الحاجه الحتجيك في الامتحان ..
يعني تعمل اسبوتينق .. وتبداء تظبط
بخراتك وفقاً ليو ..

[معتز الريح]

أما الفن فهو يتمثل في :
1. طريقة الكتابة ..
2. حجم الورقة أو البخرة ..
3. تدسها وين ..
4. سيناريو تطلعها كيف ..

[معتز الريح]

أما سرعة البديهة والشجاعة تتمثل في ..
1. كيف تبعد المراقب عن طريقك ..
2. تتصرف كيف عندما يشك فيك المراقب ..
3. تعرف كيف انو المراقب اللابس نظارة سوداء بعاين ليك ولا نايم ..
4. التصرف لمان يقبضوك بالثابته ..

[شمس الامل]

والله العظيم التطور في البخرات بقى اكبر من انها تكون على الورق
ممكن تكتب على هدوم الطالب
او طرف الطرحة وغيرها
لكن الاهم انو بقى في حاجة غير البخرات وهي تبديل الاوراق
كل اتنين يدبلوا الاوراق في لحظة غفلة من المراقب
ويحلو لبعض عادي
اما الحاجة التانية فهي انهم يدخلوا معاهم المذكرة
اما بالنسبة لتطور الفن فهو كالاتي:
كتابة البخرة لاترى الا لكاتبها
توضع البخرة في ادق الاماكن التي لا يشك فيها المراقب
مثل تحت الساعة
مدبسة في طرف الكم بطريقة ذكية
الخ... الخ....
تسلم يا معتز على الموضوع


ودمتم في امان الله ،،،

[معتز الريح]

ممكن تكتب على هدوم الطالب
او طرف الطرحة وغيرها
لكن


أختنا الكريمة ..
أنت الظاهر دفعة ..
دي الأساليب الكانت في عهدنا ..
وما تخافي .. نحنا ما قدام شديد ..

[باسطه]

الأخ معتز الريح تحية طيبة
في الحقيقة الموضوع جميل وفكاهي

ذكرتني أيام الثانوي والنوريكم الخطة المحكمة التي كانت من إعدادي وتقديمي أيام إمتحانات الشهادة السودانية وبالذات إمتحان اللغة الإنجليزية كان الهاجس الأكبر في وقتها بين الطلاب السؤال الأخير بتاع التعبير الهاجس كان في شنو!! إنو يقولوا ليك أكتب عن الموضوع الفلاني اهااا كان إنته ماعرفته معنى الموضوع المطلوب الكتابة عنوا أكيد ماحتكتب شئ وبكده تكون نص درجتك في الإمتحان طارت اهااا إتلموا الشباب يوم وقفة الإمتحان عندي في البيت في شكل مذاكرة جماعية مع عشرة كشتينة عند الزهج ( ما إمتحان E ) المهم اهااا الشباب قالوا لي الحل شنو يامحمد قلته ليهم عندي ليكم فكرة نحنه حوالي سبعة أو أكتر كنا بنمتحن في مكان واحد قلته ليهم البعرف معنى الموضوع يقول معناهوابصوت مسموع على الأقل للجنبك في شكل همسه كده والبعدك يعمل نفس الشئ عشان المراقب راسوا يجوط ومايعرف الإتكلم منو وفي نفس الوقت نحنه نكون عرفنا معنى الموضوع ههههههههههه

اهااا فعلا جاء وقت الإمتحان وكان الموضوع أكتب عن ( حرامي جاكم في البيت وإنته كنته نايم وصحيت بيهوا حتتصرف كيف! )

وبدينا في تطبيق الخطه واول زول عرف اسم الموضوع قال : الحرامي والبعدو قال الحرامي اهااا القاعة كلها بقت تقول بصوت همسه حرامي .. حرامي .. حرامي بعد شوية لقينا القاعة كلها بتقول ورانا وبكده عرفنا المعنى والمشرف شبكنا ليك أسكت ياولد أسكت ياولد وطبعا ماحيعرف مصدر الصوت لأنو كل شوية بطلع من جهة بتتالي وسرعة
:D:D:D:D

وأخوك جاب أعلى درجة في إمتحان الإنجليزي مقارنة بكل المراحل السابقة ههههههههههه

رايك شنو في البخرة الهوائية دي هههههههههههههههه

[باسطه]

بعد مادخلنا الجامعة طبعاً موضوع البخرة ده مع لوائح الجامعة بودرك طوالي فيها فصل مؤقت لمدة سنتين يعني أربع سمسترات تقعد في البيت طواااالي قلته هوووي يا محمد بخراتك بتاعت الثانوي ديك بتوديك في داهية وبعدها إكتشفته إنو نظام جامعة الجزيرة زاااتو هو بمثابة بخرة ( نظام الكيرف ) ( نظام كبير يآكل ) اهاااا كان الحل شنو إنك تمسك بروفاااات الدفعة أيام الإمتحانات وتلم فيهم همله يوم تعزمهم دور كشتينة ويوم تعزمهم خلطة في كافتيريا الرازي ( مابروفات غير القراية مابعرفوا شئ ) لمن تشتغل معاهم شغل زي ده بنقهموا اهااا ويوم أعزمهم ليك الدور التاني سينما الزمالك :D:D:D
وكمان أخوك كان ماسك المكتب الرياضي في رابطة طلاب الكلية مما تقرب الإمتحانات أعمل ليهم دوري كرة قدم كااارب على مستوى الإعدادية وشئ دوري تنس وشئ شطرنج الناس بتقوم تتلخم بالمهرجانات دي وتشجيع وحفل إفتتاح وحفل ختام وفنانين اهااا بسوط ليك الإعدادية دي فوق وتحت هههههههههههههه طبعا بعد شوية الدفعة مابحسوا إلا والإمتحانات باقي عليها أسبوع علبال ما الناس تصور الشيتات وتلحق محاضرات الدكوك يكون الإمتحانات كبست والدفعة أكتر من نصها مسطحين وبكده الكيرف يكون وااااطي والتكالات الزينا ديل يباصوا:D:D:D

الغريبة بعد الفشل ده كلوا الحمد لله أخوكم إتخرج بمرتبة الشرف الدرجة التانية المرتبة الأولى ههههههههههههههههههههههههههه
أمن إستلمنا الشهادات الناس دي لموا ليك فيني لبع قالوا لي ده كلوا منك إنته تلخمنا وتقرى بورانا
شفتوا أخوكم كان محتال كيف

عليك الله دي ما أحسن من البخرات

[باسطه]

ده كلواااا كووووم اهاااا هسي الشغل ده الغلبني ماعندك لينا بخرات ليهوا!!!!!!!!!!

قدر ما أجيب لي طرق إحتيال يقبضوني ويلموا ليك فيني خصم :mad::mad::mad:

[معتز الريح]

بعد شوية لقينا القاعة كلها بتقول ورانا وبكده عرفنا المعنى والمشرف شبكنا ليك أسكت ياولد أسكت ياولد وطبعا ماحيعرف مصدر الصوت لأنو كل شوية بطلع من جهة بتتالي وسرعة



ده تحت بند الأساليب الأخرى ..
ودي الحاجات البتحير المراقب ..
يعني ما بقدر يدبس ليك خشمك مع الورقة ..
وكنتوا حتيجبوا الهواء للمراقب ..

[معتز الريح]

بعد مادخلنا الجامعة طبعاً موضوع البخرة ده مع لوائح الجامعة بودرك طوالي فيها فصل مؤقت لمدة سنتين يعني أربع سمسترات تقعد في البيت طواااالي قلته هوووي يا محمد بخراتك بتاعت الثانوي ديك بتوديك في داهية وبعدها إكتشفته إنو نظام جامعة الجزيرة زاااتو هو بمثابة بخرة ( نظام الكيرف ) ( نظام كبير يآكل ) اهاااا كان الحل شنو إنك تمسك بروفاااات الدفعة أيام الإمتحانات وتلم فيهم همله يوم تعزمهم دور كشتينة ويوم تعزمهم خلطة في كافتيريا الرازي ( مابروفات غير القراية مابعرفوا شئ ) لمن تشتغل معاهم شغل زي ده بنقهموا اهااا ويوم أعزمهم ليك الدور التاني سينما الزمالك :D:D:D
وكمان أخوك كان ماسك المكتب الرياضي في رابطة طلاب الكلية مما تقرب الإمتحانات أعمل ليهم دوري كرة قدم كااارب على مستوى الإعدادية وشئ دوري تنس وشئ شطرنج الناس بتقوم تتلخم بالمهرجانات دي وتشجيع وحفل إفتتاح وحفل ختام وفنانين اهااا بسوط ليك الإعدادية دي فوق وتحت هههههههههههههه طبعا بعد شوية الدفعة مابحسوا إلا والإمتحانات باقي عليها أسبوع علبال ما الناس تصور الشيتات وتلحق محاضرات الدكوك يكون الإمتحانات كبست والدفعة أكتر من نصها مسطحين وبكده الكيرف يكون وااااطي والتكالات الزينا ديل يباصوا:D:D:D

الغريبة بعد الفشل ده كلوا الحمد لله أخوكم إتخرج بمرتبة الشرف الدرجة التانية المرتبة الأولى ههههههههههههههههههههههههههه
أمن إستلمنا الشهادات الناس دي لموا ليك فيني لبع قالوا لي ده كلوا منك إنته تلخمنا وتقرى بورانا
شفتوا أخوكم كان محتال كيف

عليك الله دي ما أحسن من البخرات


كلامك الفوق ده يا إما ناقص ..
يا إما دفعتكم عذابة وكلكم أولاد ..

ما تخجل .. قول البنات كنا بنشغلهم بالخلط ..
شكلك ختري ..

[معتز الريح]

قدر ما أجيب لي طرق إحتيال يقبضوني ويلموا ليك فيني خصم :mad::mad::mad:


الخصم هين ..
كعب الفصل ..

[باسطه]

كلامك الفوق ده يا إما ناقص ..
يا إما دفعتكم عذابة وكلكم أولاد ..

ما تخجل .. قول البنات كنا بنشغلهم بالخلط ..
شكلك ختري ..


هههههههههههههههههههههه

دي خليها مستورة لكن البنات زااااتم بجن بالحلل والكمش من الداخلية يشجعن

hay you كان ده فريقكم غيروا
( الباقي الشرح يفسده )
هههههههههههههه

[بنت الرفاعي]

أخطر نوع من أنواع البخرات

البمسكوا ببخر في امتحان الجامعة ..
أقلاها فصل سنتين .. ده لو سامحوهو ..


زميلتك دي ذكرتني زميلة لينا
الله يطراها بالخير .. نفس العينة ..

لكن بتاعتنا أشجع من بتاعتك بدرجة ..


أشجع منها بدرجة ؟؟؟!!! دي كيف دي؟؟!

[معتز الريح]

دي خليها مستورة لكن البنات زااااتم بجن بالحلل والكمش من الداخلية يشجعن

hay you كان ده فريقكم غيروا
( الباقي الشرح يفسده )



عرفتك يا شفت ..

[معتز الريح]

أشجع منها بدرجة ؟؟؟!!! دي كيف دي؟؟!


بتاعتنا بتستأذن من المراقب
حتى تطلع البخرة..

[GREY MAN]

يا ود الريح اجمل بخره بخرة التيمان البخشو الامتحان لي بعض.
يعني يا ود الريح لو كان عندي توم كان قريت فلك.

[moh_alnour]

والله يا جيري مان
دي حصلت جد جد في كلية الأقتصاد بجامعة الجزيرة كان في توم أمتحن لأخوه التؤم
والأغرب من دي إنو واحد فيهم كان بتصور اربعة صور فوتوغرافية وبجو يسجلو بيها للسمستر .
ولما المسجل يغلب معاهم حيلة بقول لواحد فيهم إلا تجيب لي معاك أخوك التوم التاني حتي أمشي ليك التسجيل .

[معتز الريح]

يا ود الريح اجمل بخره بخرة التيمان البخشو الامتحان لي بعض.
يعني يا ود الريح لو كان عندي توم كان قريت فلك.


أها حكاية التيمان دي ألذ حكاية ..
بتذكرني بمقولة (الضربة القاضية الفنية) .. وتحديداً الفنية..
المهم التيمان الببدلوا بعض يكونوا شطار ..

تخريمة :
وانت يا حبيب الفلك عايز تعمل بيهو شنو..
ما كفاية عليك طيران الشغل الشغال فيهو ده ..

[معتز الريح]

والله يا جيري مان
دي حصلت جد جد في كلية الأقتصاد بجامعة الجزيرة كان في توم أمتحن لأخوه التؤم
والأغرب من دي إنو واحد فيهم كان بتصور اربعة صور فوتوغرافية وبجو يسجلو بيها للسمستر .
ولما المسجل يغلب معاهم حيلة بقول لواحد فيهم إلا تجيب لي معاك أخوك التوم التاني حتي أمشي ليك التسجيل .


يادوب عرفت قصة فيلم "كده رضا" مقتبسة من وين ..
كان بقت على الامتحانات هينة ..
الكلام الاتنين يحبوا ليهم واحده بس ..

[GREY MAN]

يا ود الريح خلاص ركينا ...والطياره لو نزلوها في ميدان بانت ما نركبه.

يا محمد نور نورنا زياده..

[معتز الريح]

يا ود الريح خلاص ركينا ...


كان ركيت برفدوك ..

[معتز الريح]

لشرح باقي العنوان .. "حركات طلبة"

يندرج تحتها
1. امتحان التيمان لبعض ..
2. امتحان زول لي زول ..
3. أكل شطه مع طحنية لرفع درجة الحرارة وأخذ أورنيك طبي ..
4. بلع سفة لل ...... وأخذ أورنيك مرضي ..
5. الشف بأنواعه ..
6. كل ما يندرج تحت هذه البنود ..

[moh_alnour]

ود الريح يا مفتري
الأساليب دي كلها جربتها

[معتز الريح]

ود الريح يا مفتري
الأساليب دي كلها جربتها


بصراحة .. أنا كانوا بحكوا لي ..

[ود الجزيره]

جيتونا في حتتنا ....البخرات دي ماحقتنا ونحنا اهلا
وطبعاً البخره من حيث الوجوب فهي واجبه علي كل ممتحن بالغ عاقل غير مستطيع اكاديمياً وله سوابق .
شروط البخره :-
1- ان يكون هنالك إمتحان -وإذا كان الإمتحان صعب فهي مستحبه
2-ان تكتب قبل الإمتحان بيومين على الأكثر
3-ان تكتب على ورقه صغيره قابله للطبيق
4-ان يكون المبخر على دراية تامة بما يفعله وانه في مصلحة كل افراد الفصل ويجب عليه ان يتفانى في صنعها
5- إذا ضربت البخره وجب عليه نشرها لجميع المحتاجين سواء جواً عن طريق الجدع او ارضاً
6- إذا قبض عليك متلبساً سواء بتهمة الحيازه او الترويج فعليك ان تاكل نارك وتشيل الليله سواء كانت البخره لك او جاتك من ورا "منبع البخرات الموثوقه" وسواء استفدت منها او لا ولاتشي بأصحابك مهما حصل
7-اذا جاءتك بخره طايره او ضلت طريقها فوجب عليك فتحها ومعرفة محتواها ثم مساعدتها في اكمال طريقها وتبليغ رسالتها.

في اثناء الإمتحان تسمع بعض الحيل القديمه مثل ماشي الحمام وبالرغم من قدمها وانها مكشوفه إلا انها ماتزال مجديه .
البخره الناجحه:-
1- ان يكون المبخر مفتحاً حصيفاً على دراية جيدة بالإملاء
2-ان تشمل اجزاء متفرقه من المقرر
3-دس البخره في اماكن عويصه تصعب رؤيتها
4- اقتناص الفرص وغفلات المراقب لإخراجها
5- ان تكون قابله للبلع في حالة تعرضك لهجوم مباغت من المراقب لإخفاء دليل الإدانه .
والحديث عن البخرات يطول ولكن المجال لايسعنا لذكر كل ماهو متعلق بها .
المرجع : كتاب" دواء الحيرانين في علم التبخير"
المؤلف :ود الجزيره-كلية الطب جامعة امدرمان الإسلاميه المستوى الثاني.

[معتز الريح]

لكن يا ود الجزيرة لقيتك ختري
وصحي جيتك في حتتك ..

بجيك برواقة ..

[ود الجزيره]

مادي حركات طلبه كانت ومازالت يتوارثها الاجيال عبر الزمن -لا بتنتهي ولابتمحي-ومهما حاولنا تغيير الماضي فلن نستطيع إلا بتغيير المستقبل

[معتز الريح]

شروط البخره :-
2-ان تكتب قبل الإمتحان بيومين على الأكثر
3-ان تكتب على ورقه صغيره قابله للطبيق
4-ان يكون المبخر على دراية تامة بما يفعله وانه في مصلحة كل افراد الفصل ويجب عليه ان يتفانى في صنعها



يعني ياود الجزيره أنا عارف البخرة دي للزول المضايقو الوقت ..
يبخر من قبل يومين .. مش أحسن لو حفظ البخره وكباها في راسو..


الكتابة على ورقة صغيرة واجبة ..
لكن اهم من كده أنو يكون المبخر خطو كويس ..
عشان الناس تستفيد ..

[معتز الريح]

البخره الناجحه:-
1- ان يكون المبخر مفتحاً حصيفاً على دراية جيدة بالإملاء
2-ان تشمل اجزاء متفرقه من المقرر
3-دس البخره في اماكن عويصه تصعب رؤيتها
4- اقتناص الفرص وغفلات المراقب لإخراجها
5- ان تكون قابله للبلع في حالة تعرضك لهجوم مباغت من المراقب لإخفاء دليل الإدانه .
والحديث عن البخرات يطول ولكن المجال لايسعنا لذكر كل ماهو متعلق بها ..


والله ياود الجزيرة بتديني احساس ..
أنو الفصل ده ما فيو مراقب ..

[معتز الريح]

راجع ليكم ..

[معتز الريح]

الجزء الأخير من العنوان "تقدم وتأخر"

تقدم دي وووووواضحة
* يعني تكون ما قاري وتمر بنجاح
ومرات تفوت الأول ذاتو ..

* والنجاح بديك شهادة ..
* والشهادة بتظبط ليك الشغل والمكانة الاجتماعية ..
* والشغل بجيب ليك الفكة ..
* والفكة بتجيب ليك البيت ، العربية ، العروس ..

ده كلو من البخرة ..

[moh_alnour]

الجزء الأخير من العنوان "تقدم وتأخر"

تقدم دي وووووواضحة
* يعني تكون ما قاري وتمر بنجاح
ومرات تفوت الأول ذاتو ..

* والنجاح بديك شهادة ..
* والشهادة بتظبط ليك الشغل والمكانة الاجتماعية ..
* والشغل بجيب ليك الفكة ..
* والفكة بتجيب ليك البيت ، العربية ، العروس ..

ده كلو من البخرة ..

بخرة الشيخ ولا بخرة الأمتحانات

[معتز الريح]

بخرة الشيخ ولا بخرة الأمتحانات


بخرة الشيخ مرات تجلي
ومرات تصيب ..

بخرة الامتحانات لو ضربت بتنجح بتنجح ما بتجلي ..

[moh_alnour]

بخرة الشيخ مرات تجلي
ومرات تصيب ..

بخرة الامتحانات لو ضربت بتنجح بتنجح ما بتجلي ..

ودا تنظير
ولا كلام مجرب