المساعد الشخصي الرقمي

مشاهدة النسخة كاملة : في ديمقراطية لا ما في ؟


المسافر
16-01-2008, 06:48 AM
بعد إجازة طويلة في السودان إستغرقت (75) يوم وغياب عن المنتدى . .
عندي مواضيع كتيرة لا تحصى ولا تعُد عن كل حاجة في البلد . .
بس ما عارف حالة الديمقراطية في المنتدى كيف !! معدومة زي زمان ولا في شوية تحسن . . .

حاولت أقرأ المواضيع في المنتدى قلت أمكن أعرف من خلالها . . .
وهسي لي يومين وأنا بتابع المنتدى ولكن للأسف ما عرفت أي حاجة وما فهمت أي حاجة !!

آها يا ناس الحاصل شنو ؟
ود المطامير
16-01-2008, 08:23 AM
إنت مشيت وجيت ؟
نحنا كنا متوقعين يكاوشوك من المطار

إذا كانت مواضيعك على وذن .. سيد البيت فى خدمة الخدامه
السفروق بكسر رأسك .. كمان ما تقول السفروق بقى مخصص للعام بس
هع هع هع هع
المسافر
16-01-2008, 10:01 PM
إنت مشيت وجيت ؟
نحنا كنا متوقعين يكاوشوك من المطار

إذا كانت مواضيعك على وذن .. سيد البيت فى خدمة الخدامه
السفروق بكسر رأسك .. كمان ما تقول السفروق بقى مخصص للعام بس
هع هع هع هع


يكاوشوني :D مالي عملت شنو ؟ لكن بجد جماعتك طلعوا أذكى من كده شوية !!!
وكان السفروق بكسروا بيهو الرأس . . . إنت ليه
شالوك من الإشراف ؟ ما كان يجربوا فيك السفروق
ده !!
وبصراحة إنت شالوك ليه عشان في ديمقراطية ولا عشان
مافي ديمقراطية ؟

ودمت
بورتبيل
16-01-2008, 10:30 PM
ابو الدقيق - رجع

حمداً لله على الســلامة - ولله انا متأسف جداً اني ما قابلتك لما كنتا قريب بجاي

وعلى قول ود المطامير - انا كنتا خايف عليك يكاوشوك ؟؟ الا انسالك اها
ان شاء الله اتهلتا لدوري المجموعات ..
برجع ليك عن موضوع الديمقراطيات الكايس ليها دي ...

يا ربي المسافر دا يكون في زول في السودان شبكو ليك ديمقراطية ديمقراطية
لحدي ما طلعت ليه في الراس ....؟؟
المسافر
16-01-2008, 11:21 PM
ابو الدقيق - رجع

حمداً لله على الســلامة - ولله انا متأسف جداً اني ما قابلتك لما كنتا قريب بجاي

وعلى قول ود المطامير - انا كنتا خايف عليك يكاوشوك ؟؟ الا انسالك اها
ان شاء الله اتهلتا لدوري المجموعات ..
برجع ليك عن موضوع الديمقراطيات الكايس ليها دي ...

يا ربي المسافر دا يكون في زول في السودان شبكو ليك ديمقراطية ديمقراطية
لحدي ما طلعت ليه في الراس ....؟؟



هههههههههههههههه رجعت لوجع الرأس قصدك تقول . . . مش !!!!!!
الله يخليك ومشتاقين عديل كده ، وأنا متأسف مفروض كان أتصل عليك تاني بس إنشغلت
لغاية ما سافرت . . .

وشنو حكاية المكاوشة دي يا ناس أنا أصلو عملت شنو ؟

في السودان ما في زول فاضي زاتو لديمقراطية ولا ديكتاتورية
الحكومة شغلت الناس بالأكل والشراب ، أنا بس أتذكرت أيام
زماااااان في المنتدى لما نحن كنا بنكتب كانت الدنيا تقوم وتقعد
ولكن لما ناس تانية تأخذ راحتها بكون عادي وبالزبادي وكأن شيء
ما حصل . . . عشان كده أنا كنت بسأل عن الديمقراطية والحقوق .

ولك الود ،
مدناوية
17-01-2008, 12:23 AM
هههههههههههههههه رجعت لوجع الرأس قصدك تقول . . . مش !!!!!!
الله يخليك ومشتاقين عديل كده ، وأنا متأسف مفروض كان أتصل عليك تاني بس إنشغلت
لغاية ما سافرت . . .

وشنو حكاية المكاوشة دي يا ناس أنا أصلو عملت شنو ؟

في السودان ما في زول فاضي زاتو لديمقراطية ولا ديكتاتورية
الحكومة شغلت الناس بالأكل والشراب ، أنا بس أتذكرت أيام
زماااااان في المنتدى لما نحن كنا بنكتب كانت الدنيا تقوم وتقعد
ولكن لما ناس تانية تأخذ راحتها بكون عادي وبالزبادي وكأن شيء
ما حصل . . . عشان كده أنا كنت بسأل عن الديمقراطية والحقوق .

ولك الود ،




مسافر مشاكل جاكم والله معاكم
ود المطامير
17-01-2008, 12:34 AM
مسافر مشاكل جاكم والله معاكم


ههههههههههههههههههههههههههه
هههههههههههههههههههه
شكيت محنك يا ولاعة النيران
كتلتينى بالضحك

هوووووى يا المسافر ما تنبش الماضى
ود المطامير
17-01-2008, 12:39 AM
وبصراحة إنت شالوك ليه عشان في ديمقراطية ولا عشان
مافي ديمقراطية ؟



ودمت

أكيد شالونى علشان فى ديمقراطيه
ولو راجعت ح تجد كم بوست وعشرات المشاركات تطالب بكدا
والحكومه إمتثلت لرأى الجمهور
مدناوية
17-01-2008, 12:46 AM
أكيد شالونى علشان فى ديمقراطيه
ولو راجعت ح تجد كم بوست وعشرات المشاركات تطالب بكدا
والحكومه إمتثلت لرأى الجمهور



النار ولعت بي قلبي بطفيها
نزار حسن محمد
17-01-2008, 01:07 AM
حباب كوجاك
حباب المسافر
حبابك وحباب اليوم الينا جابك
كدى تعال يابوى والله مشتاقين
اقعد واستريح شويه من تعب ال 75 يوم
اهآ انشاءالله كان بخلو الاهل ادخلليكم الاكل والشراب
شكيتم على الله ..كدى عينك دى مالا محمره كده
حمدالله على السلامه ..وبلا ونجلا ...
Madanawi
17-01-2008, 01:15 AM
مرحبتين يالمسافر .. ليك وحشة يا ابوالدقيق .. وحمدلله على السلامة،،
والديمقراطية كانت وما زالت موجودة،،
وتطويرها هو الشغل الشاغل للجميع،،
معاً ..يداً بيد لنبني المنتدى الأمثل،،
المسافر
20-01-2008, 12:44 AM
النار ولعت بي قلبي بطفيها




والله يا مدناوية أنا لغاية هسي صابر
بس بغلي من جو . . . كدى ما تحمسينا
عشان قلبك ما بقدر يطفيها ولا مطافئ
مدني التعبانة دي ما بتقدر .
المسافر
20-01-2008, 12:48 AM
حباب كوجاك
حباب المسافر
حبابك وحباب اليوم الينا جابك
كدى تعال يابوى والله مشتاقين
اقعد واستريح شويه من تعب ال 75 يوم
اهآ انشاءالله كان بخلو الاهل ادخلليكم الاكل والشراب
شكيتم على الله ..كدى عينك دى مالا محمره كده
حمدالله على السلامه ..وبلا ونجلا ...



حباب كفيل صاحبي

والله الشوق زي الأمجاد والأتوس والرقشات في مدني ما ليهو حد
عِلا بالجد تعبااااااااااان وعيني حمرة . . . لكن من السهر بسبب
أريبا الشبكة العجيبة والخلط لغاية الصباح .

ودمت
المسافر
20-01-2008, 12:52 AM
مرحبتين يالمسافر .. ليك وحشة يا ابوالدقيق .. وحمدلله على السلامة،،
والديمقراطية كانت وما زالت موجودة،،
وتطويرها هو الشغل الشاغل للجميع،،
معاً ..يداً بيد لنبني المنتدى الأمثل،،



الغالي مدناوي
والله مشتاقيييييييييييييين عديل كدا
وجابني الحنين لغاية جدة . . لكن الله يقطع الباخرة ( ماجدور )
ما أدونا فرصة نشوفك ونقعد معاكم . . . لكن الجايات أكتر من
الرايحات . . .
والديمقراطية كانت موجودة . . كانت قاعدة وين .
وما زالت موجودة . . . . والله ما شفت حاجة لغاية هسي .

ولك الود .