غلطان عليكم الله ؟

[ود المطامير]

قبل كم يوم كدا صاحبى .. عرف إنو أنا على مشارف أبوظبى وقال لى فى التلفون بعدما تخلص إمورك
تعال لى ضرورى عند ناس فلان . ومشيت ليهو وأمام الباب قال لى
الجماعه دول جابوا ليهم ( فكى ميه الميه ) من السودان وانت مليان عوارض ومردوم عمل , ياخى إنت هسى ليك من السودان كم سنه ؟ دا براهو والله عمل
والله بخره بخرتين تشوف شوف جد
حاولت أتملص منو وما قدرت .. أقنعنى ودخلنا وسلمنا و الفكى سألنى كم سؤال
وقال لصاحبى .. بطرف حديث كدا .. صاحبك دا ببخره واحده بيدوّر
ودخلنا غرفه صغيره وجاب مبخر قدر كدا والجمر يشطشط وإتكيت على السرير وغطونى ببطانيه
والفكلى رمى بخرتين والله مع شفطة أول نفس أنا قلت النار ولعت فى حلقى
وهو ضاغط على رأسى ويقرأ والجماعه متلمين حولين السرير .. وبقيت لا قادر أتنفس ولا قادر أكتم النفس والفكى قال لى أخرج .. أخرج .. قلت ليهو هو شنو اللى يخرج والله ماشايف شئ
وكلامى دا ما عجب الفكى وزاد البخرات وقال كدا الدخان بقى تُكل والحلق نشف والقحه والدموع
ولما بديت أتململ علشان أرفع البطانيه علشان خلاص بالجد بقيت ماقادر قال ليهم أمسكوهو
والجماعه ماقصروا عمتونى عمت جد والله أنا قلت لنفسى خلاص دى النهايه خاصه وأنا عندى حساسيه
والفكى يزيد فى البخرات .. كيف يفشل قدام الناس ولقيتو كلما يقول لى أخرج وأقول ليهو هو شنو اللى يخرج هو يزيد البخرات والدخان يبقى دخان قطر
أها .. قلت ياولد مالك ومال كدا أكسر شمال وريحهم وريح حالك علشان تتخارج سريع من التُكل دا
ويلا .. سكنت وسكت شويه وقلت ليهم .. أمسكوا المره .. المره بتدفن فى عمل
وصاحبى نط وقال .. أمك مسك ..
وكلهم إتلموا علىّ ويقولوا لى شوف هناى مالو ؟ وأنا أطلع ليكم بيهم الجو
هناى ؟ ياحولا دا مردوم ردم جد والفكى يقول بتخرج ؟ وأنا أقول ليهو أيوه ويقول لى كيف وأقول ليهو بالرجل الشمال ويقول لى .. أنفض .. وأنا أقعد أشوت فى كرتونه جمبى هع هع هع هع .. نفض جد .
أى زول سألونى منو طلعت فيهو مصائب بالكوم وأنا لا شائف شئ ولا يحزنون
والفكى فرّ شنباتو وإتكيف وسألونى عن صاحبى وقلت ليهو أى كورنه فى بيتكم فيها عمل
خاصه السبلوقات فى رأس البيت .. أها .. بعداك فكونى ومشيت مع صاحبى بيتهم
وطلّع الموبايل وضرب تلفون السودان الساعه تلاته صباحاً وصحّى أخته من النوم وقال ليها بكره من النجمه
تحفروا رأس البيت وأى كورنه وح تلقوا عمل مدفون والكلام دا موثوق وأنا أضحك فى سرى
يا كدا يا كنت ح أفطس ... غلطان عليكم الله ؟

[فتحي همام]

http://www.smilesgate.com/smiles/15/A6rb.Com021.gif (http://smilesgate.com/)http://www.smilesgate.com/smiles/15/A6rb.Com021.gif (http://smilesgate.com/)http://www.smilesgate.com/smiles/15/A6rb.Com021.gif (http://smilesgate.com/)
http://www.smilesgate.com/smiles/15/A6rb.Com002.gif http://www.smilesgate.com/smiles/15/A6rb.Com102.gif (http://smilesgate.com/)



هع هع هع هع
والله با ود المطامير قطعت مصارينى بالضحك الله يديك العافية


http://www.smilesgate.com/smiles/15/A6rb.Com230.gif (http://smilesgate.com/)http://www.smilesgate.com/smiles/15/A6rb.Com230.gif (http://smilesgate.com/)
http://www.smilesgate.com/smiles/15/A6rb.Com230.gif (http://smilesgate.com/)

[moh_alnour]

أنت حاشاك الغلط يا عمدة ، غلطان المرحوم
والله يا عمدة من ما جيت راجع كلامك كلو بقى كلام مريسة ساي
الله في بلا فكي

[Madanawi]

يا ود المطامير .. وقعت في شر أعمالك
بين الفوق وبين الناس التحتانية
لو ما عارفك .. بني آدم .. صافي النية
كان .. بالجد .. سألتك وين الانسانية
وكان وصيت .. صديقك اللدود .. شبارقة
يغرد قوق .. ويهجيك نونية
ويرجعك تاني .. تحت البطانية،،

[المسافر]

إنتَ ما غلطان يا أخوي لأنك ما معمول ليك عمل
لكن عندك (مس) وفي الغالب ( أبو طبلة ) . . .
عشان كده العلاج ده أكيد ما حينفع معاك .
وطبعاً أنا عندي إثباتات كتيرة على حكاية المس دي :D

[ود المطامير]

http://www.smilesgate.com/smiles/15/A6rb.Com021.gif (http://smilesgate.com/)http://www.smilesgate.com/smiles/15/A6rb.Com021.gif (http://smilesgate.com/)http://www.smilesgate.com/smiles/15/A6rb.Com021.gif (http://smilesgate.com/)

http://www.smilesgate.com/smiles/15/A6rb.Com002.gif http://www.smilesgate.com/smiles/15/A6rb.Com102.gif (http://smilesgate.com/)



هع هع هع هع
والله با ود المطامير قطعت مصارينى بالضحك الله يديك العافية


http://www.smilesgate.com/smiles/15/A6rb.Com230.gif (http://smilesgate.com/)http://www.smilesgate.com/smiles/15/A6rb.Com230.gif (http://smilesgate.com/)

http://www.smilesgate.com/smiles/15/A6rb.Com230.gif (http://smilesgate.com/)

تسلم والله يا أخوى فتحى
لكن والله بالجد اليوم داك الله ستر

[ود المطامير]

أنت حاشاك الغلط يا عمدة ، غلطان المرحوم
والله يا عمدة من ما جيت راجع كلامك كلو بقى كلام مريسة ساي
الله في بلا فكي
مريسه ؟ حرام عليك مالك داير تنزل مستواى ؟
نحنا ناس , دقيقه , النضرب لأبوسفروق أخوى يورينى إسمو
هع هع هع هع

[ود المطامير]

يا ود المطامير .. وقعت في شر أعمالك
بين الفوق وبين الناس التحتانية
لو ما عارفك .. بني آدم .. صافي النية
كان .. بالجد .. سألتك وين الانسانية
وكان وصيت .. صديقك اللدود .. شبارقة
يغرد قوق .. ويهجيك نونية
ويرجعك تاني .. تحت البطانية،،
أخوى أبوشنطه
كيفك ومشتاقين والله
تسلم والله يا الحبيب
وعليك الله أى شئ ولا نونيات صاحبى شبارقه
ياخى دا عندو شيطان شعر التقول محرّش

[ود المطامير]

إنتَ ما غلطان يا أخوي لأنك ما معمول ليك عمل

لكن عندك (مس) وفي الغالب ( أبو طبلة ) . . .
عشان كده العلاج ده أكيد ما حينفع معاك .

وطبعاً أنا عندي إثباتات كتيرة على حكاية المس دي :D


مييييييين ؟ والله ما صدق عينيا
المسافر شخشيا ؟
وينك ياراجل ورجعت ولأ لسه بالجد وين أراضيك ؟
قلت لى عندى مس ؟ وأبوطبله كمان ؟
والله أنا زمان كانوا مسمينى ( أبولمبه )

[النور محمد يوسف]

دا فكي متعوب عليهو ..... بالله دفعتو ليهو كم يا عروة...... واوعك تكون اتعلمت منه حاجة..... لكن حكايتك بقت صعبة خالص يا عروة .....مرة بايعين ليك حاجاتك ....ومرة جايبين ليك فكي من العين ومرة فكي من العمل ......فليه الناس ما عاوزا تخليك في حالك ..... أكيد انت بتهبش كتير.....

قلتَ ليْ الفكي اسمو منو..... !!!!

[ود المطامير]

دا فكي متعوب عليهو ..... بالله دفعتو ليهو كم يا عروة...... واوعك تكون اتعلمت منه حاجة..... لكن حكايتك بقت صعبة خالص يا عروة .....مرة بايعين ليك حاجاتك ....ومرة جايبين ليك فكي من العين ومرة فكي من العمل ......فليه الناس ما عاوزا تخليك في حالك ..... أكيد انت بتهبش كتير.....

قلتَ ليْ الفكي اسمو منو..... !!!!
حبيب قلبى النور محمد .
أدفع شنو يا الحبيب ؟ دا خلّى صدرى يسيك تلاته أيام
والحلق شطه شطه إسبوع وبرضو أدفع ؟ هع هع هع

وحكايتى خليها على الله وماخفى كان أعظم
الشلاقه يا الحبيب هى السبب

[عاصم عثمان]

(قلت ياولد مالك ومال كدا أكسر شمال وريحهم وريح حالك علشان تتخارج سريع من التُكل دا)
انت يا ود المطامير يعني داير تقنعنا انو انت ما عندك اي عوجة وشديد ولضيض اها انحنا اقتنعنا انت البقنعك شنو ...

[ود المطامير]

(قلت ياولد مالك ومال كدا أكسر شمال وريحهم وريح حالك علشان تتخارج سريع من التُكل دا)
انت يا ود المطامير يعني داير تقنعنا انو انت ما عندك اي عوجة وشديد ولضيض اها انحنا اقتنعنا انت البقنعك شنو ...
الحبيب عاصم
أنا لو إقتنعت اللى بيقنع ( الديك ) شنو ؟
هع هع هع هع

[شبارقة]

أخوى أبوشنطه
كيفك ومشتاقين والله
تسلم والله يا الحبيب
وعليك الله أى شئ ولا نونيات صاحبى شبارقه
ياخى دا عندو شيطان شعر التقول محرّش


عملك عمل معمول بفن
طلقانة بت الحاج أكان ما فيكا جن
والجن قعد في الراس سكن
ووصيتي ليك شوف العمل وين اندفن

غلطاااااااااااااااان وماليك الغلط
دسيت شويطينك وقلت تلبدو؟؟
غلطااااااااااااااان وماليك الغلط
قايل الشويطين بنفعك؟؟؟
أمرق شويطينك أكيد حاميك تسافر للبلد
أمرق شويطينك خلاص
خلي السفر والغربة أرجع للبلد

أسمع يا جنا ، أسمع كلام أخوك شبارقة أرجع للفكي دا وخليهو يمرق ليك الشويطين ، عارفك دسيتو ما دايرو يمرق ..

[naz_imam]

يعنى ياود المطامير انا يادوب عرفت سبب البرد الجاك الاسبوع الفات كنا قايلينا من الجو بس طلعت من فكى كارب عموما بنختك اسبوعين تحت الملاحظة (كرنتينا يعنى) وبعدين بنفتى فى حالتك والخوف تقع فى القيد

[Madanawi]

إنتَ ما غلطان يا أخوي لأنك ما معمول ليك عمل

لكن عندك (مس) وفي الغالب ( أبو طبلة ) . . .
عشان كده العلاج ده أكيد ما حينفع معاك .

وطبعاً أنا عندي إثباتات كتيرة على حكاية المس دي :D



تحية كبيرة جداً .. للعميد الرائع .. خالد المسافر
ونقول ليهو .. طولت الغيبة علينا
ويوم ما جيتنا .. نوّر بيتنا
وشارع بيتنا،،
حمدلله على السلامة يا رائع
ورجاء ً لا تذهب بعيداً
،،،،،،،،،،،،،،،،،،،،،
أؤيد كلامك يا المسافر ... ود المطامير معمول ليهو مس كول

[GREY MAN]

تحية كبيرة جداً .. للعميد الرائع .. خالد المسافر
ونقول ليهو .. طولت الغيبة علينا
ويوم ما جيتنا .. نوّر بيتنا
وشارع بيتنا،،
حمدلله على السلامة يا رائع
ورجاء ً لا تذهب بعيداً
،،،،،،،،،،،،،،،،،،،،،
أؤيد كلامك يا المسافر ... ود المطامير معمول ليهو مس كول

والمشكله المس كول جاهو من موبايل شيطان

[ود المطامير]

عملك عمل معمول بفن


طلقانة بت الحاج أكان ما فيكا جن
والجن قعد في الراس سكن
ووصيتي ليك شوف العمل وين اندفن


غلطاااااااااااااااان وماليك الغلط
دسيت شويطينك وقلت تلبدو؟؟
غلطااااااااااااااان وماليك الغلط
قايل الشويطين بنفعك؟؟؟
أمرق شويطينك أكيد حاميك تسافر للبلد
أمرق شويطينك خلاص
خلي السفر والغربة أرجع للبلد



أسمع يا جنا ، أسمع كلام أخوك شبارقة أرجع للفكي دا وخليهو يمرق ليك الشويطين ، عارفك دسيتو ما دايرو يمرق ..

صاحبى وحبيب قلبى .. شبارقه
أنا عارفك بتجيب خبرى
كلو منك يا مدناوى جايب سيرة النونيات مالك ؟

لكن يا شبارقه يا صاحبى لو فرطّت فى شويطينى دا تانى وين ألقى الشلاقه ؟

[ود المطامير]

يعنى ياود المطامير انا يادوب عرفت سبب البرد الجاك الاسبوع الفات كنا قايلينا من الجو بس طلعت من فكى كارب عموما بنختك اسبوعين تحت الملاحظة (كرنتينا يعنى) وبعدين بنفتى فى حالتك والخوف تقع فى القيد
حبيب قلبى
خوفتنى يا الحبيب
وكلامك دا مطابق لكلام ود النور بس من زاويه تانيه
هوووى أنا لو وقعت فى القيد بجر معاى ناس كتااااار
والتحقيقات ح تجرجر ناس كباااار
أها لسه مُصِر ؟
هع هع هع هع

[عزيز عيسى]

هههههه يازول قطعت مصارينا بالضحك..
إت يا ود المطامير الفكي بتاعك هو نفس الفكي بتاع ودأبوشوارب؟
حكاياتكم متشابهة.. غايتو بتسوا في جنس حاجات!!
معني ذلك الواحد تاني يعمل حسابو لو مشى لفكي
وجاب ليه سيرة البخرة يلقط نعلاته ويمسك طرف جلابيتو ويقوم صوف.

كدي أقرأ حكاية أخونا صالح مع الفكي بتاعو..

أضغط على الرابط تحت:

بخرة الفكي كانت تودينا في خبر كان (http://wadmadani.com/vb/showthread.php?t=6311)

[ود المطامير]

هههههه يازول قطعت مصارينا بالضحك..
إت يا ود المطامير الفكي بتاعك هو نفس الفكي بتاع ودأبوشوارب؟
حكاياتكم متشابهة.. غايتو بتسوا في جنس حاجات!!
معني ذلك الواحد تاني يعمل حسابو لو مشى لفكي
وجاب ليه سيرة البخرة يلقط نعلاته ويمسك طرف جلابيتو ويقوم صوف.

كدي أقرأ حكاية أخونا صالح مع الفكي بتاعو..

أضغط على الرابط تحت:

بخرة الفكي كانت تودينا في خبر كان (http://wadmadani.com/vb/showthread.php?t=6311)

أخوى الكبير .. شُفت كيف ؟
والله إنت جبت لى دليل قاطع للجماعه اللى كانوا شاكين

والله والله لو كنت قرأت كلام عمّى الحبيب أبوشوارب قبل اليوم
ما كنت إتورطت ذيّو .. وكنت من ما صاحبى قال لى فكى ميه الميه
طوالى كنت بتذكر كلام عمّى أبوشوارب وأكب الزوغه

والله رغم إنى مريت بنفس الموقف إلا قصة عمّى ضحكتنى من الأعماق
هو كويس لقى خرم لفردة نخره وأنا مالقيت سرسار نفس
تعرف يا الحبيب .. صاحبى ضرب لى تلفون تانى يوم العصر وقال لى
أنا عارفك فقرى ياخى انت أمس مثلت علينا وعلى الشيخ زاتو
ياخى حرام عليك تخلينى أضرب تلفون السودان آخر الليل وأصحى ناس البيت
ومن الصباح قاموا حفروا البيت كلو
قال لى كلمت الشيخ والشيخ داير يعمل فيها مفتح قال ليهو أنا شفتو فى النوم
وعليك الله جيبو لى تانى ومن اليوم داك بقيت لما أمشى أبوظبى بمشى كتامى
وبوقف سيارتى فى أى موقف وبحوم بالتكاسى
قال مره تانى قال .

[مدنيّة]

عليك الله بالجد الكلام دا ياود المطامير ؟؟
معقولة بس !!!
الصراحة الحاجات دي بعرف انها بتاعت النسوان
بس رجال وكمان في الغربة
اول مرة اسمع بيها

سبحان الله ياود المطامير وربنا يصلح الحال واكيد ما غلطان

[ود المطامير]

عليك الله بالجد الكلام دا ياود المطامير ؟؟
معقولة بس !!!
الصراحة الحاجات دي بعرف انها بتاعت النسوان
بس رجال وكمان في الغربة
اول مرة اسمع بيها

سبحان الله ياود المطامير وربنا يصلح الحال واكيد ما غلطان


أقسم ليك بالله الحق صح والله يا أم جمال
دى بقت تجارة السودانين اليومين دول هنا
فلان جاب شيخ وعِلان جاب شيخ

والله يا مدنيه أنا اليوم داك الله بس ستر
وتلاته أيام صدرى يسيك ذى عجلات كارو المويه
ووجع حلق لما أجى أبلع اللقمه إلا أمد رقبتى هناااك ذى السمبريه
والمصيبه صاحبى خاصمنى إسبوع قال أنا ما دفعت للشيخ
هع هع هع هع

[عزيز عيسى]

إنت يا ود المطامير زايغ من البياض حق الشيخ ونحنا ما عارفين..
يازول أمشي أدفع البياض بسرعة قبل ما الشيخ يعمل ليك بخرة ثانية.

مرة كنا جالسين مجموعة سودانيين في السعودية وفي أثناء الونسة جاء داخل علينا واحد أخ سعودي..
وقال لينا يا سودانية أنا جاييكم في غرض وعايزكم تشوفوا لي واحد فكي يعالجني..
نط واحد من الجماعة وقال ليه يا زول أنا فكي وممكن أعالجك تعال وريني عندك شنو؟..
الراجل صدق وقال لأخونا السوداني بالليل تجيني هلوسة شديدة وزوجتي تعبت معاي وقربنا
ننفصل بسبب الهلوسة..
وعلشان تعرف إنو المسائل دي أوهام في أوهام.. قام أخينا السوداني قال ليه دي مسألة بسيطة
وعلاجة بسيط جدا.. السعودي قال ليه عايز أعرف العلاج بكلفني كم؟
السوداني قال ليه: مسألة القروش دي خليها هسع.. المهم أعالجك وبعدين نتفاهم في الحتة دي..
قام السوداني مشي جاب ليه بخرة الأعشاب ماعارف لقطها من وين وجاب معاه حجاب
عارف الحجاب كان عبارة عن رؤوس مسامير (شيشة) قصقصهم وربطهم في صرة
وعملها حجاب وجابها للراجل وقال ليه: تربط الحجاب في ذراعك وتتبخر بالبخرة دي لمدة
أسبوع كامل قبل ما تنوم وتعال لي بعد إسبوع.
الراجل السعودي جاء راجع بعد أسبوع ونفسياته عالية وقال لأخونا السوداني العلاج نفع
مية المية وعلاقتي مع زوجتي بقت سمنة على عسل وراح دفع 1000 ريال.

[abdgina]

من تسمونهم بالشيوخ ديل 99% هم عبارة عن دجالين وانا عندي معاهم قصص طويلة

[naz_imam]

لا يااخوى والله تب رجعت فى كلامى .. الظاهر الواحد الحمى طلعت ليه فى راسو بقى ماعارف البقولو ... بالله عليك انا قلت شنو؟؟؟؟؟

[نزار حسن محمد]

ياخوانا ...خلاص انا بعترف لكم ;)
انا كنت الفكى بس ودالمطامير
ما نقشنى:confused:
والدقن الكنت لابسه
عمل لى حساسيه
وصوتى انقرش:cool:
وانا كان قصدى اعلاج
الجناه المطوفش دى
لكن ودالمطامير ساكن فى جزيره كلها شياطين
وشيطانه غلب شياطين الجزيره 3/صفر...

[خالد النور]

الفكى دا شكلو أبكرونة يا ود المطامير؟؟
هاهعهاهاهع

[عثمان جلالة]

هع هع هع ... حبيب الكل ود المطامير ... والله قسس أجيبة ... لكن أصلك ما غلطان ... والله أنا لو منك أقلد صوت الشيطان ... وكان دخلت الفكي في حيص بيص ... ووهمتو ليك وهم .... :p:p

[ود المطامير]

إنت يا ود المطامير زايغ من البياض حق الشيخ ونحنا ما عارفين..
يازول أمشي أدفع البياض بسرعة قبل ما الشيخ يعمل ليك بخرة ثانية.

مرة كنا جالسين مجموعة سودانيين في السعودية وفي أثناء الونسة جاء داخل علينا واحد أخ سعودي..
وقال لينا يا سودانية أنا جاييكم في غرض وعايزكم تشوفوا لي واحد فكي يعالجني..
نط واحد من الجماعة وقال ليه يا زول أنا فكي وممكن أعالجك تعال وريني عندك شنو؟..
الراجل صدق وقال لأخونا السوداني بالليل تجيني هلوسة شديدة وزوجتي تعبت معاي وقربنا
ننفصل بسبب الهلوسة..
وعلشان تعرف إنو المسائل دي أوهام في أوهام.. قام أخينا السوداني قال ليه دي مسألة بسيطة
وعلاجة بسيط جدا.. السعودي قال ليه عايز أعرف العلاج بكلفني كم؟
السوداني قال ليه: مسألة القروش دي خليها هسع.. المهم أعالجك وبعدين نتفاهم في الحتة دي..
قام السوداني مشي جاب ليه بخرة الأعشاب ماعارف لقطها من وين وجاب معاه حجاب
عارف الحجاب كان عبارة عن رؤوس مسامير (شيشة) قصقصهم وربطهم في صرة
وعملها حجاب وجابها للراجل وقال ليه: تربط الحجاب في ذراعك وتتبخر بالبخرة دي لمدة
أسبوع كامل قبل ما تنوم وتعال لي بعد إسبوع.
الراجل السعودي جاء راجع بعد أسبوع ونفسياته عالية وقال لأخونا السوداني العلاج نفع
مية المية وعلاقتي مع زوجتي بقت سمنة على عسل وراح دفع 1000 ريال.
أخوى الكبير ... شفت كيف ؟
أدفع البياض وتبقى على ميته وخراب ديار

والله يا الحبيب .. عندنا هنا السودانيين فضائحهم فى الإمور دى بالهبل
والسجون مليانه بناس الشعوزه والدجل
ومئات القصص تحكى عن بلاويهم
غايتو أنا أخدت درس وكان درس قاسى

[ود المطامير]

من تسمونهم بالشيوخ ديل 99% هم عبارة عن دجالين وانا عندي معاهم قصص طويلة
تسلم والله يا الحبيب للإيضاح
لكن نسبة ال99 % دى ما كتيره ؟

[ود المطامير]

لا يااخوى والله تب رجعت فى كلامى .. الظاهر الواحد الحمى طلعت ليه فى راسو بقى ماعارف البقولو ... بالله عليك انا قلت شنو؟؟؟؟؟
هع هع هع هع هع
قطعت مصارينى بالضحك
أيها الحبيب .. إنت ما قلت إلا الخير
الله يديك العافيه

[ود المطامير]

ياخوانا ...خلاص انا بعترف لكم ;)
انا كنت الفكى بس ودالمطامير
ما نقشنى:confused:
والدقن الكنت لابسه
عمل لى حساسيه
وصوتى انقرش:cool:
وانا كان قصدى اعلاج
الجناه المطوفش دى
لكن ودالمطامير ساكن فى جزيره كلها شياطين
وشيطانه غلب شياطين الجزيره 3/صفر...
هيه .. هيع
شيال التقيله قشاش دموع الثكاله أخو الأخوان
هع هع هع هع هع
إنت كنت الفكى ؟
عشان كدا البخرات طلعو فشنك وما عملو شئ
هع هع هع هع هع

[ود المطامير]

الفكى دا شكلو أبكرونة يا ود المطامير؟؟
هاهعهاهاهع
خالد الحبيب يازول يا طيب
من ديك وعيك ؟
أنا زاتى قلت أبكرونه لكن نزار قال دا هو

[ود المطامير]

هع هع هع ... حبيب الكل ود المطامير ... والله قسس أجيبة ... لكن أصلك ما غلطان ... والله أنا لو منك أقلد صوت الشيطان ... وكان دخلت الفكي في حيص بيص ... ووهمتو ليك وهم .... :p:p
جلاله ود عمّى حبيب قلبى
هع هع هع هع هع
ووالله يا الحبيب دى فاتت على
وكمان يكون معاها رطانه من راسى ساى

[omerahmed5]

حاشاك الغلط يا ود المطامير

[ود المطامير]

حاشاك الغلط يا ود المطامير
تسلم والله يا الحبيب
وربنا يديك اللى فى مرادك

[المسافر]

والله يا ود المطامير بعد المكالمة البيني وبينك ديك
أحسن ليك كان تصبر على الدخان عشان تتعالج
ولغاية اليوم كان بقيت كويس :D. . .

[ود المطامير]

والله يا ود المطامير بعد المكالمة البيني وبينك ديك

أحسن ليك كان تصبر على الدخان عشان تتعالج

ولغاية اليوم كان بقيت كويس :D. . .

والله يا المسافر حبيب قلبى شكيت محنك
والله لو دخلوك جوووووه الواطه وطلعوك إياكا المسافر
أصلو لا بتتغير ولا تتغير .. عفيت منك تب
ياخوى دخان لدخان يفرق ولأ مو كدى ؟

[المسافر]

والله يا المسافر حبيب قلبى شكيت محنك
والله لو دخلوك جوووووه الواطه وطلعوك إياكا المسافر
أصلو لا بتتغير ولا تتغير .. عفيت منك تب
ياخوى دخان لدخان يفرق ولأ مو كدى ؟



هوووووووووي أنا ما قصدي علاج الرطوبة
قصدي علاج ( العمل ) و ( المس )

[ود المطامير]

هوووووووووي أنا ما قصدي علاج الرطوبة


قصدي علاج ( العمل ) و ( المس )

ألو
ألو
ماسامعك قلت شنو ؟ علّى صوتك

[محمد أحمد الشيخ]

الله يجازيكم كلكم
قطعتو مصارينا من الضحك

[ريانية]

قلت عندك حساسية الله ستر عليك ولا كنت رحت فيها ورحت وطي...

[محمد حسين (المميز)]

غلطــــــــــــان ثم غلطـــــــــــان

راس بيت شنو القريب ده
كان تقول ليهو في دارفور

والله انت قصة ياود المطامير ولا هو المتامير على قول ماما مدنيــّــه

تحيــــــــــــــــــــــــاتي

*-*-*-*-*-*-*-*-*

[ود المطامير]

الله يجازيكم كلكم
قطعتو مصارينا من الضحك
مصارينك وبس ؟ وين الكلاوى
هع هع هع هع هع
خلاص أستنى بعد شويه بس

[ود المطامير]

قلت عندك حساسية الله ستر عليك ولا كنت رحت فيها ورحت وطي...
أى والله عندى حساسيه
ونور العيون الله يطراها بالخير يوم عملت لينا عياده
هنى الجماعه قلبوها بيت عزابه ساااااااى

وسعلتها وهى دكتوره وردت السعال
وما رحت عشان أنا بروح بلد وبجى بيتنا

[بنت الرفاعي]

حركتك جامدة.. لكن كدة خليت الجماعة المعاك صدقوا الشيخ وتلقاهو لمى كترت قروش!!!:D
مرة شفت موقف زي موقفك ده لكن بطريقة تانية نسوان قاعدات ومغمضات عيونهم لأنو الشيخ قال ليهم إذا فتحتوا عيونكم لو في شيطان جا ماري بيعميكم (طبعا أنا عيوني فاتحاهم تحت تحت براقب في الشيخ قال شواطين قال!!!) لكن الشيخ ده مابيعمل بخرة بيقرأ آيات قرآنية وأدعية ، فجأة كدة تسمع ليك صوت واحدة تتكلم ودار بينهم حوار زي الحورات الشيخيطانية وتطلع وما بطلع وطاخ الشيخ يضرب المرة ويقول في آياته المهم إستمروا تطلع مابطلع الموقف المضحك في الآخر الشيطان قال للشيخ بطلع لكن ماتقرأ القرآن علشان حضرته يطلع!! وأسوأ حاجة الشيخ قال بيطلع في الشيطان بالضرب ده بعد القراءة (ود المطامير أحسن دخانك ده)،
لكن بعد ده كلو مازلت لم ولن ولا أقتنع بحكاية الشيوخ دي ولا شيخ يقرأ أو يدعو ليك
هو إنت ماعندك لسان ولا مابتعرف تدعو ولا مابتصلي؟؟؟!!!
وبعد ده كلو قال واحدة من حبوباتي المالزم بتمشي بتزور الشيخ فلان ولا فلاتة ديك مشت لفلان يكتب ليها زوجها ده كلام ده (أكان صحي أو كذب)؟؟؟:confused::eek:
طبعا في ناس مابيفرقوا بين الشيخ أو الفكي الحقيقي وبين الدجالين.
وربكم يعين.

[فتحي همام]

الحبيب الغالى عروة ( ود المطامير)

حمد الله على السلامة و أهلاً و سهلاً بك في بيتك و بين أهلك و ناسك
قصدت أن أرفع هذا البوست حتى يري الأعضاء الجدد من هو ود المطامير الرجل خفيف الظل ;) فصدقنى فقد فرح الكثيرون لعودتك و اتمنى أن تتوالى حبات العقد الفريد بالعودة ( و طبعاً العودة الطوعية) فقد إفتقدناهم و بينى و بينك لقد أصابت الموقع عين حاسدة و حااااارة و محتاجة الفكى بتاعكم ده و يا ريت تشوفوه لينا عشان يرجع لينا الشباب المبدع ( طيورنا المهاجرة) عبد الرحمن مدثر و العاقب مصباح و درديرى كباشى و ملكتنا أسماء و الأخ رضا و أخيراً الفنان المبدع بدرالدين محمد و الكثيرون ,,, فهولاء الشباب لم يعاقبوا مجلس الإدارة برحيلهم من الموقع كما ظنوا بل عاقبونا نحن الأعضاء خاصةً الأعضاء الذين تنقصهم موهبة الكتابة و الإبداع ( كحلاتى) و لكنهم متابعون جيدون لما يخُطه قلم هولاء المُبدعون ,,, و من هنا نناشد الجميع بالعوده و لا يخلو بيت من المشاكل و الحكمة تقتضى حلها بالحوار الهادئ المؤثث و التنازلات من هنا و هناك و من كان منكم بلا خطيئة فليرمنى بحجر و الكمال لله وحده و إيد بإيد تجدع بعيد ...... و اللا أنا غلطاااااااااان ؟؟؟؟؟؟



[quote=ود المطامير;281274]قبل كم يوم كدا صاحبى .. عرف إنو أنا على مشارف أبوظبى وقال لى فى التلفون بعدما تخلص إمورك
تعال لى ضرورى عند ناس فلان . ومشيت ليهو وأمام الباب قال لى
الجماعه دول جابوا ليهم ( فكى ميه الميه ) من السودان وانت مليان

[المكاشفى]

حاشاك الغلط يا مطاميرو يا اخوى
ويافتحى الله يبشرك بالخير
دحين الجنا تيتى ده فكوه متين؟؟؟
والله البلد منوره
دا عفو عام ده
دى ترضيه دى
دى شنو ؟؟؟؟؟
ولا واسطتك قويه
هيع ولا انا نسيت ابسفروق مارجع الحيكومه

[فتحي همام]

حاشاك الغلط يا مطاميرو يا اخوى
ويافتحى الله يبشرك بالخير
دحين الجنا تيتى ده فكوه متين؟؟؟
والله البلد منوره
دا عفو عام ده
دى ترضيه دى
دى شنو ؟؟؟؟؟
ولا واسطتك قويه
هيع ولا انا نسيت ابسفروق مارجع الحيكومه



أهلين المكاشفى
ياخى والله عروة ده فاكهة المنتدى
و بعدين مش بعض المساجين بفكوهم بحسن سير ؟؟؟
أها ود المتامير زى ما بتقول ليه مدنية واحد منهم
و قالوا حفظ ليه أجزاء من القرآن في غوانتيمالا
عشان كده فكوا أسره
بعدين نزار الأيام دى سفروقو مكسور ;);)