omerahmed5
13-01-2008, 04:31 AM
العنوان مقتبس من المثل القائل (الجمرة بتحرق الواطيها ) ويهدف هذا الموضوع لتوضيح المعاناه التي يعانيها اهلنا الغبش بالسودان
الجمرة الخبيثه بتحرق المستهلك
ما دفعني للحديث عن هذا الموضوع هو ما تتعرض له ميزانية 80% من افراد الشعب السودان (طبعا 20%معروفين هم منوما دايره ليها صلعه عشان الواحد يفكر من هم ) المهم ال80% بيتعرضوا لصدمات كهربائية من شركة الكهرباء بالسودان الناس البيقولوا ليهم ناس الكهرباء ديل الواحد بسمع من(الحاج فلسفه) وهو شخصية يمكن تعريفها بلغة شباب اليوم زعاط وباللغة القديمة نضام او نقاق والحاج فلسفه بقول انو الكهرباء في السودان تكلفة انتاجها اقل مقارنة بالدول الاخري وذكر بان ما يدفعه المستهلك للكهرباء في المملكة العربية السعودية لاسرة متوسطه لفترة ثلاث شهور 120 ريال ما يعادل 60 ألف جنيه سوداني علما بان هذه الاسرة تستعمل كل ما يخطر على بالك من اجهزة ومعدات كهربائية والكترونية وميكانيكية , وايضا قارن الحاج فلسفه بين مستوي دخل الفرد في السودان والمملكة العربية السعودية وقال المية وعشرين ريال شنو يعني في السعودية ممكن تلقاها واقعه مرميه وفجأة تنهد الحاج وقال يا حليلك يا العداد القديم كنت علينا حنين وكنا بنعمل فيك الدايرنو لكن جابوا لينا الما بنطال الجمرة الخبيثه( آل) .. وقف الحاج فلسفه وقـــال والله يا جماعه من ما خلينا لباس العمه والطاقيه اصابتنا البلية حمي نزفية مسخت علينا الضحية لا شربوت لا مرارة ولا كبده نية.... فرحنا بيكورتنا في الكونفدرالية ... لكن رجعنا تاني لي نص الدسته المخفية وكمان جابت ليها دخول قوات أجنبية والجريمه عندنا زي ,ولاية امريكية جامعات بالكوم فهم معدوم حق مهضوم تعمل فيها مظلوم عزائك تاني يوم ماننسي البقولوا عليه الهاتف السيار علمونا به لعب القمار بالكلام العجيب ارسل رساله واحصل علي زواج مسيار اكتب حرف شين ميم الف راء واحصل علي شمار حار
نحنا شعب الزينا منو زينا البرمودا والسروال وارضنا كبيرة ما بتنقاس من حلفا لي ملكال وكان عشمنا فيك يا (قرن) بالكلام المنك (إتقال) كلامك كان فهمنا ليه تغير الحال ولمسناه في زغرودة (ميري ـ ونفيسه ـ وعشا بنات الخال ) كذب اللقال يا (قرن) انك متمرد وإنفصالي وللجنوب فصال .. وبموتك اصبح حلمنا محال امرنا لله صبحان مغير الاحوال من حال إلي حال.
لكن يا اولاد بقولوا في طريقه حديثه بتجهجه الجمرة الخبيثه .. الطريقه هي طوبه كبيرة وتضرب بيها الصندوق المعلق فوق العمود ما اصلوا الصندوق دا فيه كمبيوتر والضربه بالطوبه دي بتدهجو دهيج بتلحقومصنع الشفا بتخليه ما عرف الضربو منو وضربوه ليه وبي شنو صاروخ ولا هو مركبينو في ياتو عمود وعليك امان الله بعد الضربه دي الكهرباء دي تسيل سيلان زي هجوم فريق الإيسي ميلان ..وحكي لنا قصة حاجه آمنه وولدها عبد الرحيم الولد عبدالرحيم من قرية ناس الحاج فلسفه يسكن مع والدته وشقيقته الصغيرة ، (مريم ) هجر القرية وذهب إلى العاصمة لكي يلاقي فرصة عمل وكان ياتي لزيارة والدته نهاية الشهر وفي احدي المرات ابتكر طريقه تقلل من دفع فاتورة الكهرباء وهذه الطريق تسمي بالكبري وهي طريقه معروفه لجميع اهل السودان وقام بتوصيل الكبري بسلك احمر اللون حيث ان اللون الاحمر دلاله على الخطر ونبه والدته بان لا احد يقترب من هذا السلك ومرت الايام وعداد ناس الكهرباء معلق كلوحة او منظر علي جدران المنزل لا تدور له دائرة كهربائية بسبب ذلك الاحمر العجيب لا احد يدنو منه وفي احد الايام اتي تيم من جماعة الكهرباء مدججين بالدفاتر والات القطع الكهربائي ووقفوا علي باب ناس حاجه امنه ودار بينهم هذا الحوار:
ناس الكهرباء : السلام عليكم
حاجه آمنه : اهلن إتفضلوا
ناس الكهرباء : نحنا ناس الكهرباء دايرين نشوف العداد الجوه البيت دا
حاجه امنه : بتدوروا فيه شنو
ناس الكهرباء : دايرين نشوف استهلاكم للكهرباء
حاجه أمنه لابنتها : يا بت يامريم وين وديتي مفتاح البيت
البت : مدفون في محلو
حاجه امنه : امشي جيبيه النفتح للرجال ديل
حاجه امنه : بعد ما فتحت الباب شوفوا يا اولادي عبد الرحيم ولدي قال في سلك احمر زول يهبشو مافي
وبكل بساطه ارشدت حاجة امنه ناس الكهرباء على مكان الكبري الذى كان قصد عبد الرحيم ابنها ترشيد فاتورة الكهرباء به وعلشان دا كلوا قام عبدالوهاب هلاوي قاليها الكلام دا :
حاجه امنه اتصبرى عارف الوجع في الجوف شديد
عارفك كمان ما بتقدرى
جاهلك شكى وجاهلك بكي
في بيتك المرق اتكي والشي البحير وما بحير
مابيه ياحاجه الزكاة
طلع الصباح لو ليك مراد ياحاجه ما تطلع شمس والليله عندك زى امس
لسه الرويدى مع الصباح يا حاجه ماجاب ليك خبر كان جوفو زى جوف العيال
من مده داير ليه حجر والله على الزمن الحجر المابي بالصبر اتكرى
ومشيتي لي برج الحمام برجك صفيحتين ما بزيد ومشيتي لي برج الحمام كان تلقي
ليك جوزاً جديد يمكن بعد طلع الصباح يغشاكي زولاً يشترى
هبشتي جاى فتشتي جاى كان تلقي سكر بس محال باقى الرطيل الفي الكرت
ياحاجه سفوه العيال ياحليل زمان وسنين زمان ياحاجه لو تتذكرى
وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب
ياحاجه ناس المويه جوك.. اصلو الشهر روح جرى
بعد صراع وصراع طويل ياحاجه بينك والمحال مالقيتي في داك النهار
شيتا يجو و ياكلو العيال حبة عدس مابسوى شي وينو البصل وينو اللحم
حبة عجين مابسوى شي وينو الدقيق وينو الفحم من جاى لجاى فتشتي
جاى هبشتي جاى لازمك كتير تتقدرى ويا حاجه امنه اتصبري
عمر عبد المحمود(ابوحسام) - السعودية 0 الرياض
الجمرة الخبيثه بتحرق المستهلك
ما دفعني للحديث عن هذا الموضوع هو ما تتعرض له ميزانية 80% من افراد الشعب السودان (طبعا 20%معروفين هم منوما دايره ليها صلعه عشان الواحد يفكر من هم ) المهم ال80% بيتعرضوا لصدمات كهربائية من شركة الكهرباء بالسودان الناس البيقولوا ليهم ناس الكهرباء ديل الواحد بسمع من(الحاج فلسفه) وهو شخصية يمكن تعريفها بلغة شباب اليوم زعاط وباللغة القديمة نضام او نقاق والحاج فلسفه بقول انو الكهرباء في السودان تكلفة انتاجها اقل مقارنة بالدول الاخري وذكر بان ما يدفعه المستهلك للكهرباء في المملكة العربية السعودية لاسرة متوسطه لفترة ثلاث شهور 120 ريال ما يعادل 60 ألف جنيه سوداني علما بان هذه الاسرة تستعمل كل ما يخطر على بالك من اجهزة ومعدات كهربائية والكترونية وميكانيكية , وايضا قارن الحاج فلسفه بين مستوي دخل الفرد في السودان والمملكة العربية السعودية وقال المية وعشرين ريال شنو يعني في السعودية ممكن تلقاها واقعه مرميه وفجأة تنهد الحاج وقال يا حليلك يا العداد القديم كنت علينا حنين وكنا بنعمل فيك الدايرنو لكن جابوا لينا الما بنطال الجمرة الخبيثه( آل) .. وقف الحاج فلسفه وقـــال والله يا جماعه من ما خلينا لباس العمه والطاقيه اصابتنا البلية حمي نزفية مسخت علينا الضحية لا شربوت لا مرارة ولا كبده نية.... فرحنا بيكورتنا في الكونفدرالية ... لكن رجعنا تاني لي نص الدسته المخفية وكمان جابت ليها دخول قوات أجنبية والجريمه عندنا زي ,ولاية امريكية جامعات بالكوم فهم معدوم حق مهضوم تعمل فيها مظلوم عزائك تاني يوم ماننسي البقولوا عليه الهاتف السيار علمونا به لعب القمار بالكلام العجيب ارسل رساله واحصل علي زواج مسيار اكتب حرف شين ميم الف راء واحصل علي شمار حار
نحنا شعب الزينا منو زينا البرمودا والسروال وارضنا كبيرة ما بتنقاس من حلفا لي ملكال وكان عشمنا فيك يا (قرن) بالكلام المنك (إتقال) كلامك كان فهمنا ليه تغير الحال ولمسناه في زغرودة (ميري ـ ونفيسه ـ وعشا بنات الخال ) كذب اللقال يا (قرن) انك متمرد وإنفصالي وللجنوب فصال .. وبموتك اصبح حلمنا محال امرنا لله صبحان مغير الاحوال من حال إلي حال.
لكن يا اولاد بقولوا في طريقه حديثه بتجهجه الجمرة الخبيثه .. الطريقه هي طوبه كبيرة وتضرب بيها الصندوق المعلق فوق العمود ما اصلوا الصندوق دا فيه كمبيوتر والضربه بالطوبه دي بتدهجو دهيج بتلحقومصنع الشفا بتخليه ما عرف الضربو منو وضربوه ليه وبي شنو صاروخ ولا هو مركبينو في ياتو عمود وعليك امان الله بعد الضربه دي الكهرباء دي تسيل سيلان زي هجوم فريق الإيسي ميلان ..وحكي لنا قصة حاجه آمنه وولدها عبد الرحيم الولد عبدالرحيم من قرية ناس الحاج فلسفه يسكن مع والدته وشقيقته الصغيرة ، (مريم ) هجر القرية وذهب إلى العاصمة لكي يلاقي فرصة عمل وكان ياتي لزيارة والدته نهاية الشهر وفي احدي المرات ابتكر طريقه تقلل من دفع فاتورة الكهرباء وهذه الطريق تسمي بالكبري وهي طريقه معروفه لجميع اهل السودان وقام بتوصيل الكبري بسلك احمر اللون حيث ان اللون الاحمر دلاله على الخطر ونبه والدته بان لا احد يقترب من هذا السلك ومرت الايام وعداد ناس الكهرباء معلق كلوحة او منظر علي جدران المنزل لا تدور له دائرة كهربائية بسبب ذلك الاحمر العجيب لا احد يدنو منه وفي احد الايام اتي تيم من جماعة الكهرباء مدججين بالدفاتر والات القطع الكهربائي ووقفوا علي باب ناس حاجه امنه ودار بينهم هذا الحوار:
ناس الكهرباء : السلام عليكم
حاجه آمنه : اهلن إتفضلوا
ناس الكهرباء : نحنا ناس الكهرباء دايرين نشوف العداد الجوه البيت دا
حاجه امنه : بتدوروا فيه شنو
ناس الكهرباء : دايرين نشوف استهلاكم للكهرباء
حاجه أمنه لابنتها : يا بت يامريم وين وديتي مفتاح البيت
البت : مدفون في محلو
حاجه امنه : امشي جيبيه النفتح للرجال ديل
حاجه امنه : بعد ما فتحت الباب شوفوا يا اولادي عبد الرحيم ولدي قال في سلك احمر زول يهبشو مافي
وبكل بساطه ارشدت حاجة امنه ناس الكهرباء على مكان الكبري الذى كان قصد عبد الرحيم ابنها ترشيد فاتورة الكهرباء به وعلشان دا كلوا قام عبدالوهاب هلاوي قاليها الكلام دا :
حاجه امنه اتصبرى عارف الوجع في الجوف شديد
عارفك كمان ما بتقدرى
جاهلك شكى وجاهلك بكي
في بيتك المرق اتكي والشي البحير وما بحير
مابيه ياحاجه الزكاة
طلع الصباح لو ليك مراد ياحاجه ما تطلع شمس والليله عندك زى امس
لسه الرويدى مع الصباح يا حاجه ماجاب ليك خبر كان جوفو زى جوف العيال
من مده داير ليه حجر والله على الزمن الحجر المابي بالصبر اتكرى
ومشيتي لي برج الحمام برجك صفيحتين ما بزيد ومشيتي لي برج الحمام كان تلقي
ليك جوزاً جديد يمكن بعد طلع الصباح يغشاكي زولاً يشترى
هبشتي جاى فتشتي جاى كان تلقي سكر بس محال باقى الرطيل الفي الكرت
ياحاجه سفوه العيال ياحليل زمان وسنين زمان ياحاجه لو تتذكرى
وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب
ياحاجه ناس المويه جوك.. اصلو الشهر روح جرى
بعد صراع وصراع طويل ياحاجه بينك والمحال مالقيتي في داك النهار
شيتا يجو و ياكلو العيال حبة عدس مابسوى شي وينو البصل وينو اللحم
حبة عجين مابسوى شي وينو الدقيق وينو الفحم من جاى لجاى فتشتي
جاى هبشتي جاى لازمك كتير تتقدرى ويا حاجه امنه اتصبري
عمر عبد المحمود(ابوحسام) - السعودية 0 الرياض