المساعد الشخصي الرقمي

مشاهدة النسخة كاملة : قصه في سوق مدني


GREY MAN
12-01-2008, 10:26 AM
تعددت العطل ألرسميه مما أتاح لنا الدخول الي السوق ومحاولة عمل كم عمليه سريعة تدر علينا بقليلا من المال ونستذكر بعض ما فات فكان هناك هذه الحوار
أزيك يا احمد
أوه أخونا الزمان كيف أحوالك وين انته يا زول مما بقيت موظف ما شفناك
والله تمام بس المشغوليات
واها يومين ندردق معاكم شويه
مع منو يا اخوي نحن ما بقينا بره اللعبة ويا دوب نطلع بي كيس السلطة وكيس عيش بي 3 جنيه
خلاص عشان قلته ليك يومين ..عملت انك بره السوق وانت أبوك ملان قروش
كان زمان..قبل الشيكات الطايره والسوق الواقف ألما داير يتحرك ده فيا تمشي الخرطوم ..يا تشتغل سري بري ..يا ترضي بالسلطة والعيش.
السري بري ده منتج جديد
السري بري ده يا اخوي تشتري مني حاجه بي 1000 جنيه جوه دكاني واشتريها منك بي 200 جنيه في برندة دكاني.

ما فهمتها ؟أديني مثال ......
طيب يا حبيبنا بتعرف فلان........
حق المعرفة
هو وين هسي
في السجن ربنا يفك سجنه كان راجل شهم
دايرين منو كم؟
علي ما اعتقد 93 مليون بالقديم
يا حبيبي ده قصته كالأتي ..مره بظروف صعبه وشال ليهو موتر من فلان بي3مليون 750الف بالقديم تسدد بعد شهرين واشتراه صاحب البائع(شريك البائع) بي اثنين مليون ...دفع مليون المقدم وشال مليون البيت.....وحله مشكلتو ومرة الستين يوم وبدا التهديد وعشان يدفع لازم يشيل 2 موتر سري بري او كسر بلغة السوق المعاصرة ولا يخش السجن وتبقي الفضيحة
من بيت النسابة وتتم ألمبايعه ...وتمر الأيام ومافي حلل غير العربية إلي أن وصل إلي هذا المبلغ.
ومن غير ما أحس سالت عن فولة كشك كيف ....
وبعدها ركبت دابتي متجها الي المنزل وكلني أسف الي سماع ذلك
moh_alnour
12-01-2008, 04:16 PM
وكلنا أسف أن نسمع ما آل إليه حال سيدة المدائن
التي هجرها أهلها وشدو الرحال إلى الخرطوم
حتى سوق ود مدني أصبح حاله لا يسر
عبدالرحيم سعيد
12-01-2008, 07:29 PM
اذا انعدمت مخافة الله انتشر السري بري والسجن.
عثمان جلالة
12-01-2008, 09:07 PM
شكراً اخي قراي مان ... ولك التحية على هذه التجربة الواقعية والحية ... والتي يلجاء لها البعض من ضيق الحال وشر السؤال ... والقيل والقال ... لكن السوق ... استغلال ..(بالغين) .. والله يستر حال الناس ويفك أسر المسجونين ... ويحسن حال البلد
معتز الريح
12-01-2008, 10:37 PM
ربنا يصلح الحال ..
ابوالنور
12-01-2008, 10:42 PM
يا ربي كشك ده بقي يبيع سلطة بعيش ولا شنو
ام قو باك
GREY MAN
13-01-2008, 10:32 PM
وكلنا أسف أن نسمع ما آل إليه حال سيدة المدائن
التي هجرها أهلها وشدو الرحال إلى الخرطوم
حتى سوق ود مدني أصبح حاله لا يسر

والله يا محمد الحاله ما تسر عدو
لكن الحلل شنو؟
GREY MAN
13-01-2008, 10:35 PM
اذا انعدمت مخافة الله انتشر السري بري والسجن.

الحبيب
الشئ البخليك تتحسر اغلب الشغالين الشغل ده اولاد بلد واعمارهم اقل من 25 سنه
فديل لو بدو كده بينتهو كيف
GREY MAN
13-01-2008, 10:39 PM
شكراً اخي قراي مان ... ولك التحية على هذه التجربة الواقعية والحية ... والتي يلجاء لها البعض من ضيق الحال وشر السؤال ... والقيل والقال ... لكن السوق ... استغلال ..(بالغين) .. والله يستر حال الناس ويفك أسر المسجونين ... ويحسن حال البلد

صدقت يا اديب
تصدق لو ربنا غضبان عليك تحكي مشكلتك لي واحد عندو علاقه بيهم يبسط ليك كل الامور ويخليك بعد سنه تبيع البيت .
الطف يا رب
GREY MAN
13-01-2008, 10:41 PM
ربنا يصلح الحال ..

امين يا رب العالمين
عشان كده قلنا ليك ما تغيب كتير ...يعني خليك مواكب...تسلم علي المرور
GREY MAN
13-01-2008, 10:44 PM
يا ربي كشك ده بقي يبيع سلطة بعيش ولا شنو
ام قو باك
ابو النور
GO BACK من غير رجعه ..وفول كشك ولا سمك عرق الناس.
لكن عليك الله دي ما عادات غريبه
مدنيّة
13-01-2008, 11:04 PM
وماخفي كان اعظم فيك يامدني
خالدعباس
13-01-2008, 11:31 PM
وفي بلادى لصوص ،،،

لله درك يا ودمدني ،،، اما آن الاوان لنركب موجة الحق المبين ،،،، !!!
Madanawi
14-01-2008, 03:18 AM
والله كلام عجيب!!!
نسأل الله ان يصلح حال العباد والبلاد،،،،،،،
GREY MAN
15-01-2008, 12:37 AM
وماخفي كان اعظم فيك يامدني

يا مدنيه دي جولة يوم واحد...والله يستر.
GREY MAN
15-01-2008, 12:41 AM
وفي بلادى لصوص ،،،

لله درك يا ودمدني ،،، اما آن الاوان لنركب موجة الحق المبين ،،،، !!!

اخونا خالد
ديل اكتر من لصوص لانو ما بيدينوك ما لم يعرفو انك ود بلد...زي البطبقو برنامج ممنهج بالزج باولاد الاسر داخل هذه الدائره.
ديل حارقي اكباد
GREY MAN
15-01-2008, 12:44 AM
والله كلام عجيب!!!
نسأل الله ان يصلح حال العباد والبلاد،،،،،،،

الاعجب من كده والما بتقبلو الرياضيات الحديثه والقديمه ان يكون اصل المبلغ اقل من 2 مليون والمطلوب بعد عام ونيف يقارب المئة مليون.
فربنا يصلح الحال
سمسم
31-01-2008, 06:36 AM
نسال الله ان يصلح حال امه محمد